Wednesday, 17 March 2010 15:21 နရီလင်းလက်
.မန္တလေးမြို့၇၈ လမ်းမကြီးပေါ်ရှိ 78 ရှော့ပင်းစင်တာ မြေအောက် ထပ်တွင် ယမန်နေ့ ညနေ ၄း၃၀ နာရီ ခန့်က ထရန်စဖော်မာ ပေါက်ပြီး မီးလောင်မှု ဖြစ်ပွားသဖြင့် ဒေသခံများ ရုတ်ရုတ်သဲသဲ ဖြစ်သွား ကြသည်။
78 ရှော့ပင်းစင်တာတွင် မီးလောင်မှု ဖြစ်ပွားအပြီး တွေ့ရသော မြင်ကွင်းများ (ဓာတ်ပုံ - ဧရာဝတီ)
ဆိုင်ခန်းများသို့ မီးလောင်မှု ကူးစက်ခြင်း မရှိသည့် အပြင် ထိခိုက် ဒဏ်ရာရသူ မရှိကြောင်း သိရသည်။
မီးလောင်သည့် အဆောက် အဦး အတွင်းပိုင်း နေရာသို့ မီးသတ် ပိုက်များ ရောက်ရှိရန် ခက်ခဲသဖြင့် တနာရီခန့် အချိန်ပေးပြီးမှ မီးငြှိမ်း သတ်နိုင် ခဲ့သည်ဟု မျက်မြင် သက်သေ တချို့က ပြောသည်။
နောက်ဆက်တွဲ ပျက်စီးမှုနှင့် ပတ်သက်ပြီး မန္တလေးတိုင်း မီးသတ်ဌာန တာဝန် ရှိသူများကို ဧရာဝတီက ဆက်သွယ် မေးမြန်း သော်လည်း ပြန်လည် ဖြေကြားခြင်း မရှိပေ။
မီးလောင်ပြီးချိန်တွင် 78 ရှော့ပင်းစင်တာ မြေအောက်ထပ်နှင့် လမ်းမပေါ်တွင် ရပ်ထားသည့် ဆိုင်ကယ်တချို့ ပျောက်ဆုံးသွားသည်ဟု ဒေသခံတို့က ပြောသည်။
Geen opmerkingen:
Een reactie posten