donderdag 30 juli 2009
ဒေါ်အောင်ဆန်းစုကြည် အမိန့်ချသည့်နေ့တွင် လူထုတရပ်လုံးပါဝင်ရန် လှုံ့ဆော်စာများ ပျံ့နှံ့
အင်းစိန်ထောင် အနီးဝန်းကျင်၌ ဇူလိုင် ၂၈ နေ့က သံဆူးကြိုး အတားအဆီးများချ၍ လုံခြုံရေး တင်းကျပ်ထားသည်ကို တွေ့ရစဉ် (ဓာတ်ပုံ - အေပီ)
Thursday, 30 July 2009 18:06 အေးလဲ့
မနက်ဖြန်တွင် ပြုလုပ်မည့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ အမှုစီရင်ချက် ချမည့်ကိစ္စကို လူအများ စိတ်ဝင်စားလျက်ရှိပြီး လုံခြုံရေးများ တင်းကျပ် ထားသည့် ကြားက လူထု တရပ်လုံး ပါဝင်ရန် နှိုးဆော်ထားသည့်စာများ ပျံ့နှံ့လျက်ရှိကြောင်း သတင်းရရှိသည်။
ရန်ကုန်ရှိ ရွှေဂုံတိုင် ဆေးခန်းတဝိုက်တွင် ဒေါ်အောင်ဆန်းစုကြည်ကို အမိန့်ချမည့် အချိန်တွင် ပြည်သူ တရပ်လုံး ပါဝင်ရန် နှိုးဆော်ထားသည့် “တိုက်ပွဲဦးဆောင်ကော်မတီ” မှ ဖြန့်ထားသော စာများ ပျံ့နှံ့ နေကြောင်း ယင်းစာ ဖတ်ရှုရသူများကပြောသည်။
၎င်း စာရွက် ဖတ်ရှုလိုက်ရသည့် မြို့ခံ တဦးက “ ကျမ ဖတ်လိုက်ရတဲ့ စာမှာ တိုက်ပွဲဝင်ဖို့ ပြင်ဆင်စို့ ဆိုပြီး ရေးထားတယ်။ စစ်အာဏာရှင်ကြီးစိုးတဲ့ တရားရုံးကနေပြီး ကျွန်ုပ်တို့ခေါင်းဆောင် ဒေါ်အောင်ဆန်းစုကြည်ကို ထောင်ချခဲ့ရင် ကျရာနေရာ ကျရာတာဝန်ဖြင့် တိုက်ပွဲဝင်နိုင်ဖို့ ဆိုပြီး နှိုးဆော်ထားတာ တွေ့ရတယ်။ ကျမ ကတော့ ဒီစာလေးဖတ်လိုက်ရတာ အားရှိသွားတယ်” ဟုဆိုသည်။
ရန်ကုန်မြို့ခံ အများစုသည်လည်း လုံခြုံရေး အထူးချထားသည်ကိုပင် စိတ်မဝင်စားတော့ဘဲ မနက်ဖြန်တွင် အင်းစိန်ထောင် အထူးတရားရုံးရှိရာ အနီးတဝိုက်သို့ သွားရန် စီစဉ်နေသည်ဟု သူက ဆက်ပြောသည်။
အဆိုပါ မြို့ခံက “ကျမကတော့ လက်ရှိ အာဏာရှင် စနစ်ပုံစံနဲ့ ဆက်သွားလို့ မရဘူးလို့ မြင်တယ်။ လူထု သက်သာချောင်ချိမယ့် နည်းလမ်းတွေရှိနိုင်တဲ့ စနစ်ကောင်းဖြစ်တဲ့အထိ ဦးဆောင်မယ့် လူရှိရင် နောက်က လိုက်ဖို့ကတော့ အဆင်သင့်ပဲလေ” ဟု ဆိုသည်။
အလားတူ မန္တလေးမြို့၌လည်း သံဃာတော်များနှင့် မြို့ခံများမှာ ဒေါ်အောင်ဆန်းစုကြည် အမိန့်ချမည့် သတင်းကို အထူး စိတ်ဝင်စားနေကြသည်ဟု မန္တလေး အမျိုးသား ဒီမိုကရေစီ အဖွဲ့ချုပ် (NLD) လူငယ် တာဝန်ခံ တဦးကပြောသည်။
၎င်းက “မနက်ဖြန်ကိစ္စကို တော်တော် စိတ်ဝင်စားနေကြတယ်။ ပြည်သူတွေ မခံချင်ရင်တော့ ဆူရင်လည်း ဆူလိုက်မယ်။ ပြည်သူတွေ ဘယ်လိုပေါက်ကွဲမလဲတော့ မသိသေးဘူး။ ကျောက်ဝိုင်းတွေမှာကော၊ ဆိုင်ကယ် ဝိုင်းဘက်တွေမှာကော ဒီအကြောင်းပဲ ပြောနေကြတယ်” ဟုဆိုသည်။
မန္တလေးရှိ ချမ်းမြသာစည်၊ ချမ်းအေးသာစံ၊ အောင်မြေသာဇံ၊ မဟာအောင်မြေ စသည့် လေးမြို့နယ်ရှိ ရယက ရုံးများတွင်လည်း လုံခြုံရေးများ ချထားသည် ဟု သိရသည်။
ထို့အပြင် မန္တလေးတွင် အာဆီယံနိုင်ငံများနှင့် အကျိုးတူ ပူးပေါင်း ဆောင်ရွက်ဖက် တရုတ်၊ ဂျပန်၊ ကိုးရီးယား (ASEAN +3) ၏ စွမ်းအင်ဆိုင်ရာ ဆွေးနွေးပွဲ ကျင်းပနေခြင်းကြောင့် အစောင့်အကြပ်များ ယခင်ထက် တိုးမြှင့်ချထားခြင်း ဖြစ်ကြောင်း မြို့ခံများက ပြောသည်။
မန္တလေး မြို့ခံ တဦးက “ အာဆီယံ လူကြီးတွေ ရောက်နေလို့ အစောင့်အကြပ်တွေ အများကြီး ချထားတယ်။ လမ်းထောင့်တိုင်းမှာ ရဲ ၂ ယောက်၊ ၃ ယောက်လောက် ချထားတာတွေ့တယ်” ဟု ပြောသည်။
Abonneren op:
Reacties posten (Atom)
Geen opmerkingen:
Een reactie posten