ဗိုလ်ချုပ်ဟောင်း၏သားကိုနေရွှေသွေးအောင်လူလွှတ်၍ရိုက်ခိုင်း

ရန်ပိုင် Tuesday, 21 December 2010 10:49

.ဗိုလ်ချုပ်မှူးကြီးသန်းရွှေ၏မြေးနေရွှေသွေးအောင် (ဖိုးလပြည့်) က ၎င်း၏ နောက်လိုက်များအား စေလွှတ်ပြီး ဗိုလ်ချုပ်ဟောင်း ၀င်းလှိုင်၏သား ၀င်းထွေးလှိုင်ကို ရိုက်နှက် ထိုးကြိတ်စေခဲ့ကြောင်း သတင်းရရှိသည်။

ဗိုလ်ချုပ်မှူးကြီးသန်းရွှေ၏စက်တင်ဘာလအတွင်းကတရုတ်ပြည်ခရီးစဉ်တွင်လိုက်ပါသွားသည့် နေရွှေသွေးအောင်ကိုဘေဂျင်းလေဆိပ်၌တွေ့ရစဉ်(ဓာတ်ပုံ-Reuters)

နေရွှေသွေးအောင်သည် ရန်ကုန်မြို့ရှိ လစ်လပ်နေသည့် ၀န်ကြီးဌာနပိုင် မြေနေရာများနှင့် ပတ်သက်ပြီး စီးပွားရေး လုပ်ငန်းရှင်များကို ငွေကြေးရယူ လုပ်ကိုင်ဆောင်ရွက် ပေးနေကြောင်း၊ ၎င်းပြောဆိုထားသည့် မြေနေရာကို ကာကွယ်ရေး ၀န်ကြီးဌာန ပစ္စည်းဝယ်ယူရေး(ကက၀ယ်)ညွှန်ကြားရေးမှူးချုပ်ဟောင်း ဗိုလ်ချုပ် ၀င်းလှိုင်၏သားဝင်းထွေးလှိုင်ကလည်းဝင်ရောက်လုပ်ကိုင်ရန် ကြိုးစားရာမှ ပြဿနာ စတင်ခြင်းဖြစ်သည်ဟု သိရကြောင်း စစ်အစိုးရနှင့် နီးစပ်သူ လုပ်ငန်းရှင်တဦးက ဧရာဝတီ သို့ ပြောသည်။

“၀င်းထွေးလှိုင်ကိုဖိုးလပြည့်ကဒီနေရာဟာသူဦးထားတဲ့အတွက်နောက်ဆုတ်ဖို့သူငယ်ချင်းတယောက်က တဆင့်တားခိုင်းတယ်။ဒါပေမယ့်ဝင်းထွေးလှိုင်ကလည်းဗိုလ်ချုပ်သားဆိုတော့ဖိုးလပြည့်လည်း သောက်ဂရုမစိုက်ဘူးလို့ ပြန်ပြောလိုက် တယ်”ဟု ၎င်းက ဆိုသည်။

ထိုသို့ နှစ်ဦးနှစ်ဘက် ပြောဆိုနေချိန်တွင် အနား၌ ဖိုးလပြည့်ကိုယ်တိုင် ရှိသည့်အပြင် ဖုန်း၏ စပီကာလည်း ဖွင့်ထားသည့်အတွက် နေရွှေသွေးအောင်က စိတ်ဆိုးပြီး ၎င်း၏ နောက်လိုက်များအား စေလွှတ်ခါ ၀င်းထွေးလှိုင်အား ရိုက်နှက်ရန် ခိုင်းစေခဲ့ကြောင်း၊ ၀င်းထွေးလှိုင် အိမ်မှထွက်အလာ ခြံဝမှစောင့်၍ ရိုက်နှက်ထိုးကြိတ်သည့်အတွက် ၀င်းထွေးလှိုင်မှာ မျက်နှာတွင် ဒဏ်ရာ ရရှိသွားကြောင်း အထက်ပါ လုပ်ငန်းရှင်က ပြောသည်။

ထိုသို့ ရိုက်နှက်သူများမှာ နေရွှေသွေးအောင်အနားတွင် တာဝန်ယူထားသည့် ဗိုလ်မှူးနှင့် ဗိုလ်ကြီး အဆင့် ရှိသူများ ဖြစ်သည် ဟု သတင်းများထွက်ပေါ်နေကြောင်း ၎င်းက ဆက်လက်ပြောပြသည်။

ရိုက်နှက် ထိုးကြိတ်ခံရသည့် ၀င်းထွေးလှိုင်မှာ အသက် ၃၁ နှစ်ခန့်ရှိ ဂေါက်သီး ကစားသမား တဦးဖြစ်ပြီး ကြေးစား ဂေါက်သီး ကစားသမားအဖွဲ့PGA(ProfessionalGolfers'Association)အသိအမှတ်ပြုခံရသူ တဦးဖြစ်ကြောင်း သိရသည်။

၎င်း၏ ဖခင်ဖြစ်သူ ဗိုလ်ချုပ် ၀င်းလှိုင်မှာ ဗိုလ်ချုပ်မှူးကြီး သန်းရွှေ တပ်မမှူး အဖြစ် တပ်မ ၈၈ တွင် တာဝန်ယူခဲ့စဉ်က ဗိုလ်မှူးတဦး ဖြစ်ပြီး ဗိုလ်ချုပ်မှူးကြီးအား ဂေါက်သီးရိုက် သင်ကြားပေးခဲ့သူ ဖြစ်ကြောင်း၊ ယခု ဗိုလ်ချုပ်မှူးကြီး၏ ကိုယ်ရေးအရာရှိအဖြစ် တာဝန်ယူထားသည့် ဗိုလ်ချုပ် နေ၀င်း ပြီးလျှင် ဗိုလ်ချုပ်မှူးကြီး၏ မျက်နှာသာအပေးခံရဆုံးသူဟု နာမည်ကြီးသူဖြစ်ကြောင်း လည်း သိရသည်။

ထို့အပြင် ဗိုလ်ချုပ် ၀င်းလှိုင်မှာ ကာကွယ်ရေး ၀န်ကြီးဌာန ပစ္စည်းဝယ်ယူရေး(ကက ၀ယ်) ညွှန်ကြားရေးမှူးချုပ်၊ မြန်မာ့ စီးပွားရေး ဦးပိုင်လီမိတက် ၏ မန်နေဂျင်း ဒါရိုက်တာ၊ စစ်အစိုးရပိုင် မြ၀တီဘဏ် ၏ ဥက္ကဋ္ဌ တာဝန်အသီးသီး ဆောင်ရွက်ခဲ့ပြီးနောက် စစ်တပ်မှ သက်ပြည့်ပင်စင် ယူခဲ့သူ ဖြစ်သည်။

ယခု အရိုက်ခံမှုနှင့် ပတ်သက်ပြီး ဗိုလ်ချုပ် ၀င်းလှိုင်မှ စစ်တပ်အတွင်းရှိ သူ၏ လုပ်ဖော်ကိုင်ဖက်များနှင့် ရဲတပ်ဖွဲ့သို့ ဖိအားပေးပြီး တရားခံကို ဖော်ထုတ်စေကြောင်း၊ သို့သော် ဗိုလ်ချုပ်မှူးကြီး သန်းရွှေ၏ ကိုယ်ရေးအရာရှိ ဗိုလ်ချုပ် နေ၀င်းက ၎င်းကိစ္စကို လုပ်ကိုင်ခဲ့သူမှာ နေရွှေသွေးအောင် ဖြစ်နေသည့်အတွက် ဆက်လက်မလုပ်ရန် ပြောဆိုခဲ့ကြောင်း စစ်တပ်အသိုင်းအ၀န်း သတင်းများအရ သိရသည်။

နေရွှေသွေးအောင်သည် ပြီးခဲ့သည့် နှစ်ကလည်း အတွင်းရေးမှူး(၁)ဗိုလ်ချုပ်ကြီး သီဟသူရ တင်အောင်မြင့်ဦး၏ သား ဗိုလ်ကြီး ဟောင်း တဦးဖြစ်သော တေဇာစောဦး နှင့် ၀န်ကြီး ဦးစိုးသာ၏သားတို့ လုပ်ကိုင်နေသည့် “7Lekker” ကော်ဖီဆိုင်ကို ၎င်း ၏ နောက်လိုက်များ စေလွှတ်၍ ဖျက်ဆီးခဲ့သည်ဟူသော သတင်းများလည်း ထွက်ပေါ်ခဲ့သည်။

မြန်မာ့ စီးပွားရေး ဦးပိုင်လီမိတက်မှ ၀န်ထမ်းတဦးက ပြီးခဲ့သည့်လအတွင်းက ရန်ကုန်မြို့ လမ်း ၅၀ ရှိ မြန်မာ့ စီးပွားရေး ဦးပိုင် လီမိတက် ရုံးချုပ်၌ နိုင်ငံခြားရေးဝန်ကြီး ဦးဉာဏ်ဝင်း၏ ကိုယ်ရေးအရာရှိ ဗိုလ်ကြီးတဦးသည် နေရွှေသွေးအောင်၏ ကားရှေ့မှ ပိတ်ရပ်မိသည့်အတွက် ၎င်း၏ ဆုံးမသြ၀ါဒကို ၂ နာရီခန့် နားထောင်ခဲ့ရသည်ဟု ပြောသည်။

ယခုအခါ နေရွှေသွေးအောင်သည် ဗိုလ်ချုပ်မှူးကြီး၏ အရှိန်အ၀ါဖြင့် ဆိပ်ကမ်းတွင် အကောက်ခွန် ဥပဒေအရ ဖမ်ဆီးထားသည့် ပစ္စည်းများ၊ အထူးသဖြင့် ကားကဲ့သို့သော တားမြစ်ပစ္စည်းများကို အခကြေးငွေယူ၍ ကုမ္ပဏီတချို့အတွက် သွားရောက် ထုတ် ယူပေးခြင်း စသည့် လုပ်ငန်းများကို လုပ်ကိုင်နေသည်ဟု သတင်းရရှိသည်။

ဗိုလ်ချုပ်မှူးကြီး သန်းရွှေသည် နိုင်ငံတော် ခရီးစဉ်များနှင့် ယခုနှစ် စက်တင်ဘာလအတွင်း သွားရောက်ခဲ့သည့် တရုတ်ပြည် ခရီးစဉ်တွင် ဇနီးဖြစ်သူ ဒေါ်ကြိုင်ကြိုင်အပြင် သမီးများဖြစ်သည့် ကြည်ကြည်ရွှေ၊ ခင်ပြုံးရွှေနှင့် အေးအေးသစ်ရွှေ၊ မြေးဖြစ်သူ နေရွှေသွေးအောင် တို့ကိုပါ ခေါ်ဆောင်သွားသည်ကို တွေ့ရသည်။

ဝီကီလိစ်မှ မကြာသေးမီက ပေါက်ကြားခဲ့သော ရန်ကုန်မြို့ရှိ အမေရိကန်သံရုံးမှ အမေရိကန်နိုင်ငံခြားရေး ၀န်ကြီးဌာနသို့ပေး သည့် လျှို့ဝှက်စာတွင် ၂၀၀၈ ခုနှစ်က နာမည်ကြီး မန်ချက်စတာ ယူနိုက်တက် ဘောလုံးအသင်းကို ၀ယ်ပေးရန် နေရွှေသွေးအောင်က အဖိုးဖြစ်သူ ဗိုလ်ချုပ်မှူးကြီး သန်းရွှေအား ပြောဆိုခဲ့ကြောင်း၊ သို့သော် နာဂစ်မုန်တိုင်းကြောင့် လူအများ ဒုက္ခရောက် နေချိန် ဖြစ်သည့်အတွက် ဝေဖန်ခံရမည်ကို စိုးရိမ်ပြီး နီးစပ်သည့် စီးပွားရေး လုပ်ငန်းရှင်ကြီးများကို ဘောလုံးအသင်း ထောင်စေပြီး မြန်မာနေရှင်နယ်လိဂ်ဟု ပြုလုပ်စေခဲ့ကြောင်း ရေးသားထားသည်။

နေရွှေသွေးအောင်သည် မြန်မာ့လက်ရွေးစင် ဘောလုံးသမားဟောင်း မျိုးလှိုင်ဝင်းကို ခေါ်ယူ၍ နည်းပြစေပြီး ၂၀၀၇ ခုနှစ် အာရှအကောင်းဆုံးဆုရ ဂျပန်ဘောလုံးသမား နာကာတာအား ဖိတ်ခေါ်၍ သုဝဏ္ဍကွင်းတွင် စမ်းသပ်ကစားရာ နေရွှေသွေးအောင် ၀င်ရောက်ကစားပြီး နှစ်ဂိုးသွင်းခဲ့သည်။

ယခုအခါ ထိပ်တန်း စစ်ဗိုလ်ချုပ်များနှင့် စီးပွားရေးသမားကြီးများ အကြားတွင် ၎င်းတို့၏ သားသမီးများအား ဗိုလ်ချုပ်မှူးကြီး၏ မြေး နေရွှေသွေးအောင် နှင့် ထိပ်တိုက် ပြဿနာမဖြစ်ဘဲ နေထိုင်ကြရန် ပြောဆိုနေကြကြောင်း သိရသည်။