မဇ္ဈိမသတင်းဌာန ဗုဒ္ဓဟူးနေ့၊ ဇွန်လ ၀၈ ရက် ၂၀၁၁ ခုနှစ် ၂၁ နာရီ ၁၁ မိနစ် .
ချင်းမိုင်(မဇ္ဈိမ)။ ။ရန်ကုန်ရှိအနှိပ်ခန်းများကိုဇွန်လ၂ရက်နေ့မှစ၍ရန်ကုန်တိုင်းဒေသကြီးအုပ်ချုပ်ရေးမှူးရုံးက ပိတ်သိမ်းစေလိုက်ကြောင်း အပတ်စဉ်ထုတ် ဆဲဗင်းဒေးဂျာနယ်က ရေးသားထားသည်။
“နောက်ဆက်တွဲအဖြစ်ကေတီဗီ(ကာရာအိုကေ)ဆိုင်များကိုပါစစ်ဆေးအရေးယူသွားမည်’’ဟုဂျာနယ်တွင် ဖော်ပြပါရှိသည်။
အနှိပ်ခန်းနှင့်ကာရာအိုကေဆိုင်များပိတ်သိမ်းရန်ရန်ကုန်အုပ်ချုပ်ရေးမှူးရုံးကမေလ၂၇ရက်နေ့ကတည်းက ညွှန်ကြားခဲ့ခြင်းဖြစ်ပြီး၎င်းညွှန်ကြားချက်ထဲတွင်ရန်ကုန်တမြို့လုံးရှိစားသောက်ဆိုင်နှင့် လက်ဖက်ရည်ဆိုင်များလည်းည၁၁နာရီနောက်ဆုံးထား၍ပိတ်သိမ်းရန်ပါပါရှိသည်ဟုမဇ္ဈိမက စုံစမ်းသိရှိရသည်။
ရန်ကုန်တိုင်းတွင်တရားမဝင်ဖွင့်လှစ်ထားသောအနှိပ်ခန်းအရေအတွက်မှာ၃ဝဝဝမှ၃၅ဝဝအကြား ရှိနေနိုင်ကြောင်းရန်ကုန်တိုင်းရဲတပ်ဖွဲ့မှူးရုံး(ရဲချုပ်ရုံး)မှအကြီးတန်းရဲအရာရှိတဦးမဇ္ဈိမကိုလွန်ခဲ့သည့် နှစ်ဆန်းပိုင်းတွင် ပြောခဲ့ဖူးသည်။
ဆဲဗင်းဒေးဂျာနယ်ကဒဂုံမြို့နယ်ရှိအနှိပ်ခန်းမန်နေဂျာတဦးကိုကိုးကားရေးသားရာတွင်“ပြန်ဖွင့်ဖို့ဘာမှ မပြောထားဘူး။အရေးယူမယ့်စီမံချက်ကာလလို့ပဲသိရတယ်” ဟုပါရှိသည်။
ရန်ကုန်၊မန္တလေးနှင့်နေပြည်တော်အပါအဝင်မြို့ကြီးများတွင်အနှိပ်ခန်းအများစုမှာအနှိပ်ခန်းဟု အမည်တပ်သော်လည်းအများအားဖြင့်ပြည့်တန်ဆာလုပ်ငန်းပါတွဲပါလေ့ရှိသည်။
ပြည့်တန်ဆာလုပ်ငန်းမှာတရားမဝင်ဖြစ်ပြီးထောင်ဒဏ်၁နှစ်မှ၅နှစ်အထိအပြစ်ပေးနိုင်သောဥပဒေ ပြဋ္ဌာန်းထားသည်။
အနှိပ်ခန်းအကြီးအသေးနှင့်အပြင်အဆင်အနေအထားအပေါ်မူတည်သက်ဆိုင်ရာရပ်ကွက်၊မြို့နယ်၊ ရဲ၊ စရဖ များသို့ လစဉ်ငွေကျပ်၅သိန်းခန့်မှသိန်း၃ဝ-၄ဝ အထိ ပေးဆောင်ရခြင်းမျိုး ရှိသည်။
အစိုးရကအာရုံစိုက်ကာ“စီမံချက်”ရှိနေချိန်တွင်မြန်မာ့လူ့ဘောင်အတွင်းကျယ်ပြန့်စွာဖြစ်ထွန်းနေသော တရားမဝင်ထီထိုးသောလောင်းကစားဒိုင်များကလည်းဖမ်းဆီးမှာကိုစိုးရိမ်နေသည်။
“အခုတလောနှစ်လုံး၊သုံးလုံးတွေကျနော်တို့ရပ်ကွက်ထဲမှာမရှိတော့သလောက်ပဲ”ဟုရန်ကုန်မြို့ခံတဦးက ပြောသည်။
ပုံမှန်အားဖြင့်လောင်းကစားဒိုင်များမှာလည်းဒေသဆိုင်ရာအာဏာပိုင်များသို့ဆက်ကြေးပေး လည်ပတ်နေခဲ့ပြီး၊လတ်တလောတွင်မူရဲအပါအဝင်အာဏာပိုင်များအနေဖြင့်သတိထားနေကြသည်။
လွန်ခဲ့သည့် ၁ဝ ရက်ကတည်းက“စီမံချက်” လာမည်ဟုရဲကကြိုတင်သတိပေးထားကြောင်းမန္တလေးမြို့မှ
လောင်းကစားဒိုင်တဦးကပြောရင်း“လုပ်ရင်ဖမ်းမယ်ဆိုတဲ့ပုံစံမျိုး၊သူတို့လည်းအထက်ကဖိအားပေးလို့”ဟု ပြောသည်။
နေပြည်တော်အမှတ်၁ရဲစခန်းကိုမဇ္ဈိမကဖုန်းဖြင့်ဆက်သွယ်မေးမြန်းရာ လျှို့ဝှက်သာ ဖြစ်သည်ဟု ဆိုသည်။
Geen opmerkingen:
Een reactie posten