စိုက်ပျိုးစရိတ်ချေးငွေရခိုင်တွင်လည်းခေါင်းပုံဖြတ်

ခင်ဦးသာ Saturday, 18 June 2011 13:30

.ရခိုင်ပြည်နယ်ဂီရိလေဘေးသင့်ဒေသတချို့ရှိလယ်သမားများအားစိုက်ပျိုးရေးဘဏ်မှတဦးလျှင်ကျပ်၇ သောင်းထုတ်ပေးသော်လည်း၂သောင်းကိုသက်ဆိုင်ရာကျေးရွာအာဏာပိုင်များကဖြတ်ယူနေကြောင်း ဒေသခံလယ်သမားများထံမှသိရသည်။

ရခိုင်ပြည်နယ်ဂီရိဒုက္ခသည်များကိုပြည်တွင်းအလှူရှင်များကဆန်လှူဒါန်းနေစဉ်(ဓာတ်ပုံ- alodawpyei.org)

“လက်မှတ်ထိုးပေးရတာကကျပ်၇သောင်းပါ။ပေးတော့၅သောင်းပဲပေးတယ်။မေးကြည့်တော့မြို့နယ် လူကြီးနဲ့ဘဏ်မန်နေဂျာကိုပေးရတယ်ပဲပြောတယ်”ဟုကျောက်ဖြူမြို့နယ်ရွှေညိုမကျေးရွာမှ လယ်သမားတဦးက ပြောသည်။

ဂီရိဒေသမှလယ်သမားများအတွက်အမတော်ကြေးချေးငွေများကိုဇွန်လဆန်းမှစတင်၍လယ်ယာနှင့် ဆည်မြောင်း ၀န်ကြီးဌာန လယ်ယာဖွံ့ဖြိုးမှုဘဏ်(စိုက်ဘဏ်)ကထုတ်ပေးနေကြောင်း၊ လယ်သမားတဦးလျှင် ကျပ် ၇၀၀၀၀ ကို ကျေးရွာ အုပ်ချုပ်ရေးမှူးထံမှ တဆင့်ထုတ်ယူရကြောင်း ၎င်းက ဆိုသည်။

ကျောက်ဖြူမြို့နယ်အတွင်းရှိမြို့ချောင်းကျွန်းမှကျေးရွာ၂၀နီးပါးနှင့်ဇင်ကျွန်းကျေးရွာအုပ်စု၊ ရွှေညိုမ၊ ရသစ်ကေ၊ကွင်းချောင်း၊ဂုံးချိန်၊အုန်းတော၊ချောင်းကြီးဖျားစသည့်ကျေးရွာအုပ်စုများ၌လည်း အမတော်ကြေးငွေ ဖြတ်တောက် ခံနေရကြောင်း သိရသည်။

၎င်းတို့အနက်ဇင်ကျွန်းကျေးရွာအုပ်ချုပ်ရေးမှူးဦးထွေးချေနှင့်ချောင်းကြီးဖျားအုပ်ချုပ်ရေးမှူး ဦးမောင်လှခင်တို့ နှစ်ဦးအား ငွေကြေးဖြတ်ယူခြင်း ကိစ္စကို လယ်သမားများကမေးမြန်းရာ ခြိမ်းခြောက်သော စကားများကိုသာ ပြန်လည် ပြောဆိုသည်ဟု ဇင်ကျွန်း ရွာခံလယ်သမားတဦးက ဧရာဝတီကို ရှင်းပြသည်။

ဇင်ကျွန်းအုပ်ချုပ်ရေးမှူး ဦးထွေးချေသည် ၎င်းနှင့် နီးစပ်သူများ၏ အမည် စာရင်းများကို ထည့်သွင်း၍ စိုက်ဘဏ်မှာ ချေးငွေ ၇ သောင်းကို ထုတ်ပေးနေသည်ဟုလည်း ဒေသခံလယ်သမားများက ဆိုသည်။

ထိုကိစ္စများအား သက်ဆိုင်ရာမြို့နယ်အုပ်ချုပ်ရေးမှူး၊ ခရိုင်အုပ်ချုပ်ရေးမှူးများထံ တိုင်ကြားသော်လည်း အရေးယူမှု မရှိ၍ ဒေသခံလွှတ်တော် ကိုယ်စားလှယ်များကို တိုင်ကြားသွားမည်ဟု လယ်သမားများထံမှ သိရသည်။

ကျောက်ဖြူမြို့နယ်မှရခိုင်တိုင်းရင်းသားများတိုးတက်ရေးပါတီ(RNDP)၏ ပြည်သူ့လွှတ်တော် ကိုယ်စားလှယ် ဦးဘရှင်ကသမ္မတဦးသိန်းစိန်သည်နိုင်ငံတော်သို့မိန့်ခွန်းပြောဆိုရာ၌သန့်ရှင်းသောအစိုးရ၊ ကောင်းမွန်သောအစိုးရတရပ်ပေါ်ပေါက်စေရန်လုပ်ဆောင်မည်ဟုကြွေးကြော်ထားသော်လည်း အောက်ခြေ၌ လာဘ်ပေးလာဘ်ယူမှု ကိစ္စများမှာယခင်ထက် ဆိုးရွားလာနေသည်ဟု ဆိုသည်။

“သမ္မတပြောထားသလိုတာဝန်ရှိသူအဆင့်ဆင့်ကလက်တွေ့လုပ်ဖို့လိုပါတယ်။အစိုးရသစ်တာဝန်ယူပြီး နောက်ပိုင်းမှာမြို့နယ်၊ကျေးရွာအဆင့်တွေမှာတောင်းရမ်းမှုတွေကပိုများလာနေတယ်”ဟု ဦးဘရှင်က ပြောသည်။

ဒေသခံတောင်သူလယ်သမားများ၏အခက်အခဲကိစ္စများကိုပြည်နယ်အစိုးရတာဝန်ရှိသူများနှင့် ဆွေးနွေးသွားမည်ဟု လည်းဆက်ပြောသည်။

ထိုကိစ္စနှင့်ပတ်သက်၍ ပြည်နယ်အစိုးရ၏ လယ်ဆည်ဝန်ကြီး ဦးကျော်ခင်အား ဧရာဝတီက ဆက်သွယ်ခဲ့ရာ ၎င်းက ဖြေဆိုပိုင်ခွင့် မရှိဟု ဆိုသည်။

ကျောက်ဖြူမြို့နယ်အပြင်ဂီရိဒေသများဖြစ်သောမြေပုံ၊မင်းပြား၊ပေါက်တောမြို့နယ်များမှ လယ်သမားများလည်း လယ်ယာလုပ်ငန်းခွင် ၀င်ရန် ငွေကြေးမလုံလောက်မှု၊ ထွန်ယက်စိုက်ပျိုးရန် ကျွဲ၊ နွား၊ မျိုးစပါး၊စားသောက်ရန်ဆန်မလုံလောက်မှုစသည့်အခက်အခဲများနှင့် ရင်ဆိုင်နေကြရဆဲဟု ဒေသခံများထံမှ သိရသည်။

ဂီရိဆိုင်ကလုန်းဒဏ်ခံခဲ့ရသောဒေသများသည်ရခိုင်ပြည်နယ်၏ဆန်ထွက်မှုအများဆုံးသောနေရာဒေသများ ဖြစ်၍လာမည့်နှစ်တွင်စပါးအထွက်နှုန်းလျော့ကျကာဆန်ရှားပါးမှုနှင့်ရင်ဆိုင်လာရဖွယ်ရှိကြောင်း ဦးဘရှင်က ပြောသည်။

ကမ္ဘာ့ ကုလသမဂ္ဂ လူသားချင်း စာနာမှုဆိုင်ရာအကူအညီပေးရေးကွပ်ကဲမှုရုံး(UNOCHA)၏ ထုတ်ပြန်သည့် အစီရင်ခံစာတွင်ဂီရိလေဘေးသင့်ဒေသများရှိ စပါးခင်းများ၏ ၅၀ရာခိုင်နှုန်းနှင့် ငါးကန်၊ပုစွန်ကန်ဧက၅ သောင်းကျော်မှာလုံးဝပျက်စီး သွားကြောင်း ဆိုထားသည်။

ဧရာဝတီတိုင်း မြစ်ဝကျွန်းပေါ် နာဂစ်ဆိုင်ကလုန်းဒဏ် ခံခဲ့ရသော ဒေသရှိ လယ်သမားများသည်လည်း စပါးစိုက်ပျိုးရာသီသို့ ရောက်ရှိနေသည့်တိုင် စိုက်ပျိုးစရိတ် မလုံလောက်၍ လယ်ယာလုပ်ငန်းခွင်ကို မ၀င်နိုင်ကြသေးကြောင်း ဘိုကလေးမြို့နယ် ဖိုးညိုကျေးရွာ ဒေသခံ လယ်သမား ဦးဝင်းမောင်က ဆိုသည်။

“လယ်ဧက ဘယ်လောက်ပဲရှိရှိ တဦးကို ကျပ် ၂ သိန်းပဲ ရတယ်။ တဧက အတွက် ကုန်ကျတာ ၉ သောင်းခွဲ ၀န်းကျင်ပါ။ အဲဒီငွေထဲက ဟိုစရိတ်၊ ဒီစရိတ်အတွက်ဆိုပြီး ဖြတ်ယူတာက ၇၀၀၀ လောက်ရှိတယ်” ဟု ဦးဝင်းမောင်က ဧရာဝတီကို ပြောသည်။

မြစ်ဝကျွန်းပေါ် နာဂစ်ဒေသရှိ လယ်သမားများအနက် အများစုသည် အနည်းဆုံး လယ် ၁၀ ဧကနှင့်အထက် ပိုင်ဆိုင်ကြသည် ဟု ၎င်းကဆိုသည်။

လယ်ယာလုပ်ငန်းခွင်များအချိန်မီဆောင်ရွက်နိုင်ရေးအတွက်လယ်သမားများသည်ဒေသခံငွေကြေး တတ်နိုင်သူများ ထံမှအတိုးနှုန်း၁၀ကျပ်၊၁၂ကျပ်တို့ဖြင့်ယူကာစိုက်ပျိုးကြရကြောင်း၊ထိုအကြွေးများကို အကျေမပေးနိုင်သောအခါမိမိပိုင်လယ်ယာမြေများအားအကြွေးရှင်များထံလွှဲပေးလိုက်ရသည့်လယ်သမား အရေအတွက် ရာချီရှိကြောင်း သူက ရှင်းပြသည်။

“ကျနော့်လယ်နဲ့ကပ်နေတဲ့လယ်သမား၈ယောက်စလုံးရဲ့လယ်တွေဆိုရင်အကြွေးရှင်က သိမ်းထားပြီးသားပါ။ ကိုယ့်လယ်ကို လယ်စာရင်းငှား ဘ၀နဲ့ ပြန်လုပ်နေကြရပါတယ်” ဟု ဦးဝင်းမောင်က ဆိုသည်။

သမ္မတဦးသိန်းစိန်ကမြန်မာနိုင်ငံ၏လူဦးရေ၇၀ရာခိုင်နှုန်းကျော်သည်လယ်ယာလုပ်ငန်း လုပ်ကိုင်သူများဖြစ်၍လယ်ယာစိုက်ပျိုးရေးကဏ္ဍ ဖွံ့ဖြိုးတိုးတက်ရေးအတွက်စိုက်ပျိုးစရိတ် အရင်းအနှီးများကို အတိုးနှုန်းသက်သာစွာဖြင့် ထုတ်ပေးကာ လယ်ယာကဏ္ဍ မြှင့်တင်သွားမည်ဟု မကြာမီက ပြောဆိုခဲ့သည်။