ထွန်းထွန်း တနင်္လာနေ့၊ သြဂုတ်လ ၀၁ ရက် ၂၀၁၁ ခုနှစ် ၁၉ နာရီ ၄၃ မိနစ် .
နယူးဒေလီ(မဇ္ဈိမ)။ ။လွှတ်တော်အစည်းအဝေးပြန်လည်ခေါ်ယူသည့်အခါခေတ်နှင့်မလျော်ညီသော ဥပဒေများပြင်ဆင်ရန်အဆိုတင်သွင်းမည်ဟုဒီမိုကရေစီမိတ်ဆွေများပါတီ၁ဝခုကဆုံးဖြတ်လိုက်ရာ ဒါဇင်ပေါင်းများစွာသော ဥပဒေများ ပြင်ဆင်ရန် အဆို တင်သွင်းဖွယ် ရှိသည်။
လွှတ်တော်သုံးရပ်ဒုတိယအကြိမ်ပုံမှန်အစည်းအဝေးကို သြဂုတ်လ၂၂ရက်နေ့တွင်ကျင်းပမည် ဖြစ်သည်။
တနင်္လာနေ့နေ့လယ်က ရန်ကုန်မြို့ ရခိုင်ပါတီရုံးခန်း၌ ပြုလုပ်သည့် ဇူလိုင်လ ၂၇ ရက်နေ့ ပြည်ထောင်စု
ရွေးကောက်ပွဲကော်မရှင်နှင့်ပါတီများတွေ့ဆုံမှုပြန်လည်သုံးသပ်ပွဲတွင်ဥပဒေပြင်ဆင်မှုများအတွက်အားစိုက် လုပ်ဆောင်ရန် ဆုံးဖြတ်လိုက်ခြင်း ဖြစ်သည်။
“ဥပမာကျနော်နိုင်ငံခြားကိုသွားမယ်။ဒေါ်လာ၅၀၀အနည်းဆုံးလဲရမယ်ဆိုပါစို့။ဒါတွေကကျနော်ကအိတ်စ်ပို့ လုပ်လို့ရတဲ့ငွေမဟုတ်ဘူးလေ။အဲဒီတော့ပြည်တွင်းမှာဒေါ်လာငွေကိုင်ရင်တရားမဝင်ဘူးဆိုပြီးမှကျနော့်ကို
ဥပဒေအရအရေးယူနိုင်တယ်ပေါ့။ဒါကလက်ရှိ ဂလိုဘယ်လိုက်ဇေးရှင်းအရ အကျုံးမဝင်တော့တဲ့ ဥပဒေတွေ
ဖြစ်တယ်”ဟုမိတ်ဆွေများပါတီတွင်ပါဝင်သည့်ရှမ်းတိုင်းရင်းသားများဖွံ့ဖြိုးတိုးတက်ရေးပါတီဘဏ္ဍာရေးမှူး ဦးစောသန်းမြင့်က မဇ္ဈိကို ပြောသည်။
မြန်မာနိုင်ငံတွင်ဒေါ်လာကိုပို့ကုန်သွင်းကုန်လုပ်ငန်းရှင်များနှင့်နိုင်ငံခြားသင်္ဘောလိုင်းမှ သင်္ဘောသားများသာ တရားဝင်ကိုင်ဆောင်ခွင့်ရှိသော်လည်းအကြောင်းအမျိုးမျိုးဖြင့်ဒေါ်လာကိုင်ဆောင်မှု ရှိနေသည်။
မိတ်ဆွေများပါတီ၁ဝပါတီတွင်အမျိုးသားဒီမိုကရေစီအင်အားစုများNDF၊ ဒီမိုကရက်တစ်ပါတီ (မြန်မာ) DPM၊ ဒီမိုကရေစီနှင့်ငြိမ်းချမ်းရေးပါတီ၊ပြည်ထောင်စုဒီမိုကရေစီပါတီနှင့်ကရင်၊ရှမ်း၊မွန်၊ချင်း၊ရခိုင်တို့ ပါဝင်သည်။
လာမည့် သြဂုတ်လ၁ဝရက်နေ့တွင်လည်းDPMရုံးခန်းတွင်ခေတ်နှင့်မလျော်သည့် ဥပဒေများအတွက် အချက်အလက်များ ထပ်မံ စုဆောင်းရန် အတွက်လည်း စီစဉ်ထားပြီး ဖြစ်သည်။
NDFပါတီကလည်းမိမိပါတီအနေဖြင့်နိုင်ငံရေး၊လူမှုရေး၊စီးပွားရေးနှင့်ပတ်သက်သည့်အဆိုပြုလွှာ၊ဥပဒေကြမ်း
၃၀ ခန့် သီးသန့် တင်သွင်းရန် စီစဉ်ထားကာ အသေးစိတ်ကိုမူ လွှတ်တော် တင်ပြီးမှသာ ထုတ်ဖော်မည်ဟု သိရသည်။
“ပထမအကြိမ်တုန်းကကျနော်ပြောလိုက်မိလို့တချို့ဟာတွေမှာလွှတ်တော်မတင်ခင်မှာပြောလိုက်မိတဲ့ အတွက်ကြောင့်မို့လို့ နည်းနည်း အခက်အခဲ ရှိသွားတာတွေ ရှိတယ်လေ”ဟု ဦးခင်မောင်ဆွေက ဆိုသည်။
ဇန်နဝါရီလ၃၁ရက်တွင်စတင်ကျင်းပသည့်ပထမအကြိမ်အစည်းအဝေးတွင်NDFမှ အဆိုပြုလွှာ ၂၀ ကျော်ခန့်တင်သွင်းခဲ့ကာနိုင်ငံရေးအကျဉ်းသားလွတ်ပေးရေး၊လွတ်ငြိမ်းချမ်းသာခွင့်ပေးရေးကိစ္စများကို လွှတ်တော်မတင်ခင်ပြည်ပမီဒီယာများသို့ ဖြေကြားခဲ့သည့်အတွက် လွှတ်တော်တွင်ယင်းအဆို ပယ်ချခံ ခဲ့ရသည်။
ညီနောင်၁ဝပါတီဝင်ရှမ်းနှင့်ရခိုင်ပါတီတို့ကလည်းမိမိတို့အနေဖြင့်လတ်တလော်ဖြစ်ပျက်နေသည့် ပြည်တွင်းစစ် ငြိမ်းချမ်းရေး အတွက် အဆိုပြုသွားမည် ဖြစ်ကြောင်း သိရသည်။
“မငြိမ်းချမ်းသေးတဲ့ကိစ္စလေးတွေလည်းလောလောဆယ်ဖြစ်နေတဲ့အခါကျတော့အဲဒါတွေကိုလည်းပဲ ငြိမ်းချမ်းအောင်များပြည်ထောင်စုလွှတ်တော်ကကြပ်မတ်ပေးနိုင်မလား။အစိုးရနဲ့လက်နက်ကိုင် အဖွဲ့အစည်းတွေကြားမှာလေ။ဒါကအကုန်လုံးနဲ့ဆိုင်ပါတယ်”ဟု ရခိုင်တိုင်းရင်းသားလူမျိုးများ ဖွံ့ဖြိုးတိုးတက်ရေး ပါတီဥက္ကဋ္ဌဒေါက်တာအေးမောင်က ပြောသည်။
သို့သော်ဥပဒေပြင်ဆင်ရေးအဆိုကိုယခုလွှတ်တော်တွင်လက်မခံပါကလည်းနောက်လာမည့် လွှတ်တော်များ
တွင်ထပ်မံတင်သွင်းသွားရန်စီစဉ်ထားခြင်းမှတပါးပါတီများကအရေးယူဆောင်ရွက်ရန် အစီအစဉ် မရှိတာကို လည်း တွေ့ရသည်။
“ပထမအကြိမ်လွှတ်တော်အစည်းအဝေးကနအဖကခေါ်ပြီးတော့ကာအစိုးရအဖွဲ့ဝင်ဟောင်းတွေက ဖြေကြား သွားတဲ့အခါမှာသူတို့လုပ်ကိုင်ခဲ့တဲ့ဟာတွေကိုပဲကာကွယ်ပြောဆိုသွားတဲ့အခါကျတော့အနာဂတ်မှာ ဘာလုပ်ပေးမယ်ဆိုတာကတိကဝတ်ကျနော်တို့မရခဲ့ပါဘူး။သမ္မတ အသစ်က တက်လာပြီးတော့ ကျင်းပမယ့်
လွှတ်တော်ထဲမှာဆိုရင်တော့ဖြင့်ရင်ပိုပြီးတော့ တိကျတဲ့ အဖြေတွေ၊ လုပ်ကိုင်မယ့်ဟာတွေရဲ့ အလားအလာ
တွေကိုတော့ ပိုပြီးတော့ မြင်ရလိမ့်မယ်လို့ ကျနော်တို့ ယုံကြည်တယ်” ဟု ဦးခင်မောင်ဆွေက ဆိုသည်။
တိုင်းရင်းသားစည်းလုံးညီညွတ်ရေးပါတီမှဦးဟန်ရွှေကလည်း“အစိုးရသစ်ရဲ့လုပ်ငန်းနဲ့ ပတ်သက်လို့ ပေါ်လာမှာပေါ့။ မေးတဲ့ မေးခွန်းတွေနဲ့ ပြန်ဖြေတဲ့ဟာနဲ့ပတ်သက်လို့အစိုးရအသစ်အနေနဲ့ဘယ်လောက် လုပ်နိုင်သလဲ၊မလုပ်နိုင်ဘူးလဲ၊ဘယ်လောက်အကောင်အထည်ဖော်နိုင်သလဲ စသဖြင့် ဒီနေရာ အားသာချက် ဘာလဲ၊အားနည်းချက်ဘာလဲဆိုတဲ့ဒီလိုအရည်အသွေးတွေလဲစိစစ်တဲ့သဘောမျိုးလည်း အခုလာမယ့် အစည်းအဝေးကဖြစ်လာနိုင်တယ်” ဟု ပြောသည်။
နေပြည်တော်နှင့်နီးစပ်သူများအဆိုအရပြည်သူ့လွှတ်တော်ဥက္ကဌသူရဦးရွှေမန်းကတိုင်းပြည်တွင် ပြုပြင်ပြောင်းလဲမှုများဖြစ်ထွန်းလာရေးနှင့်လွှတ်တော်၏အခန်းကဏ္ဍအားကောင်းလာရေးအတွက် လွှတ်တော်အတွင်း အဆိုပြုမှု များကို အားပေးသွားမှာ ဖြစ်သည်ဟုလည်း ဆိုသည်။
သို့သော်လည်းပထမအကြိမ်လွှတ်တော်ခေါ်ယူစဉ်ကအဆိုပြုချက်အများမှာ အာဏာရ ကြံ့ခိုင်ဖွံ့ဖြိုးရေး ပါတီ အမတ်များ ကြီးစိုးထားသော လွှတ်တော်တွင် နောက်နောင်တွင်သာ ဆွေးနွေးရန်သာ ဆုံးဖြတ်ခံရသည်။
Geen opmerkingen:
Een reactie posten