ရဲဘော်ဖိုးသံချောင်း တနင်္လာနေ့၊ သြဂုတ်လ ၀၈ ရက် ၂၀၁၁ ခုနှစ် ၁၄ နာရီ ၃၈ မိနစ် .
ဒီခေတ်ဗမာနိုင်ငံသားတွေအတွက်ဂုဏ်ယူစရာဖြစ်တဲ့ရှစ်လေးလုံးအရေးတော်ပုံကြီးရဲ့ နှစ်ပတ်လည်နေ့တွေကိုရောက်တိုင်းကျင်းပခွင့်ရတဲ့ဗမာပြည်သားတွေဟာကျင်းပနိုင်တဲ့နေရာတွေမှာ အထိမ်းအမှတ်တွေကျင်းပကြတာဟာနှစ်စဉ်ပဲလို့ဆိုနိုင်ပါတယ်။တပါထဲမှာပဲထုံးစံအတိုင်း ဒီအရေးတော်ပုံကြီးအပေါ်သုံးသပ်တာတွေလည်းကြားကြရ၊ဖတ်ကြရပါတယ်။လုပ်သင့်လုပ်ထိုက်တဲ့ ကိစ္စတွေပါပဲ။
မလုပ်သင့်တာကရှစ်လေးလုံးအရေးတော်ပုံကြီးဖြစ်ပျက်ခဲ့တာတွေကိုတုတ်ထမ်းပြီးငြင်းကြတယ်လို့ မဖြစ်ဖို့ပါပဲ။ပြောရရင်ရှေ့ဆက်ကြရအုံးမယ်ခရီးလမ်းကကြမ်းပါတယ်။ဒီနေ့အခြေအနေဟာရှစ်လေးလုံး အရေးတော်ပုံကြီးမတိုင်မီကလို၊ရှစ်လေးလုံးအရေးတော်ပုံကြီးနောက်ပိုင်းမှာလိုပဲအတိုက်အခံတွေ အကြားမှာညီညွတ်ဖို့အထူးတောင်းဆိုနေပါတယ်။ဒီညီညွတ်မှုကိုထိခိုက်စေတဲ့လုပ်ငန်းမျိုးလုပ်မိရင် စစ်အစိုးရကျေနပ်စရာပဲဖြစ်မယ်ဆိုတာသေချာပါတယ်။
ဒီနေ့အဓိကလုပ်သင့်တာကဒီလိုသမိုင်းဝင်ပြည်သူ့အရေးတော်ပုံကြီးတခုဟာဘယ်ကနေဘယ်လို ပေါ်ပေါက် လာတာလဲ၊ဒီအရေးတော်ပုံကြီးရဲ့အားသာချက်တွေကဘာတွေလဲ၊ဘယ်လိုလုပ်ရပ်တွေကိုစံပြုလို့ ဘယ်အရာတွေကိုဆက်ခံထိန်းသိမ်းသင့်သလဲစတာတွေကိုဆွေးနွေးပြောဆိုကြ၊အမြင်တွေ ဖလှယ်ကြတာတွေကိုဇောင်းပေးလုပ်သင့်တယ်ထင်ပါတယ်။ဘယ်သူ့ကြောင့်ဒီအရေးတော်ပုံကြီး အောင်ပွဲမခံရသလဲလို့အပြစ်ရှာ၊အပြစ်ဖို့တာအပေါ်မှာအချိန်ကုန်မခံဖို့၊ညီညွတ်ရေးမထိခိုက်ဖို့ အရေးကြီးပါတယ်။
အိန္ဒိယနိုင်ငံရောက်မြန်မာနိုင်ငံသားများကရှစ်လေးလုံး၂၃နှစ်မြောက်အမှတ်တရနေ့ဖြစ်သောတနင်္လာနေ့ သြဂုတ်၈ရက်၊၂ဝ၁၁ခုနှစ်တွင်နယူးဒေလီမြို့လယ်တွင်ဆန္ဒပြကြသည်။ဓာတ်ပုံ-မဇ္ဈိမ
မမေ့သင့်တာကဒီနေ့ဗမာပြည်သားတွေအပေါ်ဖိနှိပ်နေဒီနေ့ဗမာပြည်သားတွေအပေါ်ဖိနှိပ်နေသူဟာ ရှစ်လေးလုံးအရေးတော်ပုံကြီးကဆန့်ကျင်တိုက်ပွဲဝင်ခဲ့တဲ့အာဏာရှင်ကြီးရဲ့အမွေနဲ့အစဉ်အလာကို ဆက်ခံထားသူတွေဖြစ်တယ်၊ဒီနေ့ပြည်သူတွေလိုလားချက်ဟာရှစ်လေးလုံးအရေးတော်ပုံ ကြီးတုန်းကလိုလား တောင့်တချက်တွေပဲဖြစ်နေသေးကြောင်း
သူဟာရှစ်လေးလုံးအရေးတော်ပုံကြီးကဆန့်ကျင်တိုက်ပွဲဝင်ခဲ့တဲ့အာဏာရှင်ကြီးရဲ့အမွေနဲ့အစဉ်အလာကို ဆက်ခံထားသူတွေဖြစ်တယ်၊ဒီနေ့ပြည်သူတွေလိုလားချက်ဟာရှစ်လေးလုံးအရေးတော်ပုံကြီးတုန်းက လိုလားတောင့်တချက်တွေပဲဖြစ်နေသေးကြောင်းဆိုတာပါပဲ။တိကျအောင်၊ရှင်းအောင်ပြောရရင် ဒီနေ့ဗမာပြည် ပြည်သူတွေ ဆင်နွှဲနေတဲ့ အရေးတော်ပုံဟာရှစ်လေးလုံးအရေးတော်ပုံကြီးရဲ့ မပြီးဆုံးသေးတဲ့ လုပ်ငန်းတွေကိုဆက်လုပ်ကြတာဖြစ်တယ်ဆိုတာပါပဲ။အဲဒီအရေးတော်ပုံကြီးအပေါ်သစ္စာရှိမရှိဆိုတာဟာ ဒီနေ့ဗမာ နိုင်ငံ နိုင်ငံရေး လောကသားတွေကို တိုင်းတာတဲ့ စံ ဖြစ်ပါတယ်။
ပြန်တွေးလိုက်ပါ။၁၉၈၈ထဲမှာလူထုတိုက်ပွဲတွေအရှိန်မြင့်လာတဲ့အခါမှာဦးနေဝင်းတယောက် ငိုညည်းသံနဲ့နှုတ်ထွက်တာ၊ဗိုလ်စိန်လွင်ကဒေါက်တာမောင်မောင်ဆိုတဲ့အငှားဗိုက်နဲ့ဓားထိုးခံတာ၊ ဒေါက်တာမောင်မောင်ကတနေ့မှာသမဂ္ဂအဆောက်အဦကြီးကိုပျော်ပျော်ပါးပါးပြန်ဆောက်ကြတာပေါ့လို့ ပျားရည်နဲ့ဝမ်းချတာစတဲ့စစ်အာဏာရှင်တွေရဲ့လိမ်ညာမှုအမျိုးမျိုးကိုလုံးဝမျက်စိမလည် နားမယောင်တာဟာရှစ်လေးလုံးအရေးတော်ပုံကြီးနဲ့အရေးတော်ပုံတပ်သားများရဲ့ထူးခြားတဲ့ဂုဏ်တရပ် ဖြစ်ပါတယ်။ဒါပေမဲ့ဒီနေ့အခါမှာတော့တချို့လူတွေဟာစစ်အစိုးရကဘာပြောပြောဘယ်လို အကောင်းပြောရမလဲ၊ ခွင့်လွှတ်ရမလဲ ဆိုတာကိုပဲ စဉ်းစား ကြံဆနေတာကိုတွေ့နေရတာဟာ အံ့သြစရာ ကောင်းရုံမက သတိထားစရာလည်း ကောင်းလှပါတယ်။
အိန္ဒိယနိုင်ငံရောက်မြန်မာနိုင်ငံသားများကရှစ်လေးလုံး၂၃နှစ်မြောက်အမှတ်တရနေ့ဖြစ်သောတနင်္လာနေ့ သြဂုတ်၈ရက်၊၂ဝ၁၁ခုနှစ်တွင်နယူးဒေလီမြို့လယ်တွင်ဆန္ဒပြကြသည်။ဓာတ်ပုံ-မဇ္ဈိမ
ရှစ်လေးလုံးအရေးတော်ပုံကြီးရဲ့ထူးခြားချက်ကြီးတွေထဲမှာ ဒီအရေးတော်ပုံကြီးဟာပြည်တွင်းဖြစ်စစ်စစ်ဖြစ်ပြီးအစကအဆုံးဘယ်ပြည်ပနိုင်ငံနဲ့မှမပတ်သက်ခဲ့ဘူး ဆိုတဲ့ အချက်လည်းပါဝင်ပါတယ်ရှစ်လေးလုံး ကာလ ဖြစ်ကာနီးနဲ့ ရှစ်လေးလုံး ကာလ တလျှောက်မှာ အဲဒီတုန်းက စစ်အစိုးရကိုအကာအကွယ်ပေးသူဆိုလို့မူလလက်ဟောင်းမဆလရဲ့အန္တေဝါသိကစာရေးသူတွေ၊ နိုင်ငံရေးသမားတွေပဲ ရှိပါတယ်။ စစ်အစိုးရနဲ့ ပြည်သူဆိုပြီး စည်းက အင်မတန် ရှင်းပါတယ်။ ဒါပေမဲ့ ဒီနေ့အခါမှာတော့ စစ်အစိုးရရဲ့ လုပ်ရပ်တွေကို သာမက စစ်အစိုးရရဲ့ ၂ဝဝ၈ခုနှစ် ဖွဲ့စည်းပုံ အခြေခံ ဥပဒေအပါ ဗြောင်လိမ်၊ ဗြောင်ညစ်ပြီးပေါ်လာတဲ့ လွှတ်တော်ကိုပါ ကြံကြံဖန်ဖန် ချီးကျူး ကာကွယ်သူတွေ အမျိုးမျိုး ပေါ်လာနေပါတယ်။ ဒီခေတ်မှ အမတ်မဖြစ် ဘယ်တော့ဖြစ်မှာလဲ၊ ဒီခေတ်မှ မချမ်းသာရင် ဘယ်တော့ ချမ်းသာမှာလဲ၊ ဒီခေတ်မှ မင်းဆရာ မဖြစ်ရင် ဘယ်တော့ဖြစ်မှာလဲ ဆိုတဲ့လူတွေ ပုံစံအမျိုးမျိုးနဲ့ ပေါ်ထွက်လာတာကို တွေ့ရသလို ခေတ်အဆက်ဆက်မှာ စစ်အာဏာရှင်တွေ အတွက် သဘော တရားတွေ ထုတ်ပေး၊အချက်အလက်အတုအယောင်တွေဖန်တီးပေးခဲ့တဲ့လူတွေအိုကြီးအိုမအရွယ်ကျမှမြောင်းထဲ ရောက်ကုန်တာ စတာတို့ဟာ ဒီခေတ်ရဲ့ လက္ခဏာတခုလို့ဆိုရင် ရမယ်ထင်ပါတယ်။
ရှစ်လေးလုံးအရေးတော်ပုံကြီးရဲ့ထူးခြားချက်ကြီးတွေထဲမှာဒီအရေးတော်ပုံကြီးဟာ ပြည်တွင်းဖြစ်စစ်စစ်ဖြစ်ပြီးအစကအဆုံးဘယ်ပြည်ပနိုင်ငံနဲ့မှမပတ်သက်ခဲ့ဘူးဆိုတဲ့အချက်လည်း ပါဝင်ပါတယ်။ ဒါပေမဲ့ ဒီနေ့အခါမှာတော့ - - - - ပြောဖို့ မလိုတော့ဘူး ထင်ပါတယ်။
အဆိုးဆုံးကတော့ရှစ်လေးလုံးအရေးတော်ပုံကြီးဟာပြည်သူလူထုကြီးတရပ်လုံးပါဝင်မှုကြောင့်ဒီလို အခြေအနေကို ဆိုက်ခဲ့တာ၊ အစိုးရ ခေါင်းဆောင် သုံးယောက် တက်လိုက် ဆင်းလိုက် ဖြစ်စေခဲ့တာ ဆိုတဲ့ အချက်ကိုဖျောက်ပြီး ပြည်သူလူထုကြီးရဲ့အခန်းကိုဖျောက်ဖို့ကြိုးစားနေတာပါပဲအဆိုးဆုံးကတော့ ရှစ်လေးလုံး အရေးတော်ပုံကြီးဟာပြည်သူလူထုကြီးတရပ်လုံးပါဝင်မှုကြောင့်ဒီလိုအခြေအနေကို ဆိုက်ခဲ့တာ၊ အစိုးရခေါင်းဆောင်သုံးယောက်တက်လိုက်ဆင်းလိုက်ဖြစ်စေခဲ့တာဆိုတဲ့ အချက်ကို ဖျောက်ပြီးပြည်သူလူထု ကြီးရဲ့အခန်းကို ဖျောက်ဖို့ ကြိုးစားနေတာပါပဲ။ ဒါနဲ့တဆက်ထဲပြည်သူလူထုမပါပဲပြည်ပက ဆောင်ရွက်မှုနဲ့ပဲ အောင်ပွဲခံနိုင်မယောင်ယောင်၊စစ်အာဏာရှင်တွေသူ့အလိုလိုအရောင်အသွေးပြောင်းသွား မယောင်ယောင်၊ စစ်အာဏာရှင် မိသား စုတွေက သူတို့ရဲ့ ဓနဥစ္စာတွေကို သူတို့ဆန္ဒနဲ့ စွန့်လွှတ်ပြီး တောထွက် ရသေ့ရဟန်း ဝတ်တော့ မယောင်ယောင် ပြောနေကြပါတယ်။
၁၉၈၈တုန်းက အာဏာသိမ်းရတာဟာ သူတို့ကို နိုင်ငံတကာ ခုံရုံးတင်မယ်ဆိုလို့ အာဏာသိမ်းရတာပါလို့ ပြောကြား ချက်ကို အားလုံး မှတ်မိကြပါလိမ့်မယ်။ ဒီစကားက အဓိက ဖော်ပြနေတဲ့ အချက်တခုကတော့ စစ်အာဏာရှင်တွေဟာ အာဏာလက်လွတ်မှာကို အင်မတန်မှ စိုးရိမ်အကြောင့်ကြကြီးကြောင်း ဆိုတာပါပဲ။ အဲဒီလို စိုးရိမ်ကြောင့်ကြ တတ်တာကို ထည့်မတွက်ပဲ စစ်အာဏာရှင်တွေရဲ့ သန္ဓေကို အမျိုးမျိုး အဓိပ္ပာယ် ဖော်နေကြတာဟာ ဆန္ဒပါသော်ရှိ၊ မပါသော်ရှိ စစ်အာ ဏာရှင်တွေ သက်တမ်းရှည်အောင် လုပ်ပေးသလို ဖြစ်သွားနိုင်ပါတယ်။
ကမ္ဘာမှာဝင်ရိုးစွန်းနှစ်ခုစနစ်ကြီး ပျက်သွားလို့ နောက်ထပ် ကမ္ဘာ့စနစ်တခု ပေါ်ထွက်လာတော့မယ့် အခါမှာ သဘော တရားတွေ အမြောက်အမြား ပေါ်ထွက်လာတာဟာ ဘာမှမဆန်းဘူးလို့ ဆိုနိုင်ပါတယ်။ ဒါပေမဲ့ ယူနီဖောင်းဝတ်တဲ့ဗိုလ်ချုပ်ကအုပ်ချုပ်တဲ့စနစ်ကနေပုဆိုးဝတ်တဲ့ဗိုလ်ချုပ်ကအုပ်ချုပ်တဲ့စနစ်ကို ပြောင်းတာကိုသဘောတရားတွေအမျိုးမျိုးထုတ်ပြနေကြတာဟာ ဘာအဓိပ္ပာယ်ပါလဲ။ သမ္မတ ဦးသိန်းစိန်ရဲ့ နောက်ကနေ ထီးရိုးရှည်ကို မြှောက်- မြှောက်ပြနေတာနဲ့ တူလှတယ် လို့ပဲဆိုချင်ပါတယ်။
Geen opmerkingen:
Een reactie posten