ဖနိဒါ သောကြာနေ့၊ စက်တင်ဘာလ ၀၉ ရက် ၂၀၁၁ ခုနှစ် ၂၁ နာရီ ၁၃ မိနစ် .
ချင်းမိုင်(မဇ္ဈိမ)။ ။စက်တင်ဘာ၁ရက်နေ့မှစ၍ပုဂ္ဂလိဘဏ်များအပါအဝင်ဘဏ်အားလုံး၏အတိုးနှုန်းများအား နှစ်ရာခိုင်နှုန်းလျှော့ချရန်ဗဟိုဘဏ်ကသတ်မှတ်လိုက်သော်လည်းမြန်မာနိုင်ငံသည်အရှေ့တောင်အာရှနိုင်ငံ များ အနက် ချေးငွေဘဏ်တိုးနှုန်း အမြင့်ဆုံးနိုင်ငံအဖြစ် ရပ်တည်နေဆဲ ဖြစ်သည်။
“နိုင်ငံ့စီးပွားရေးဖွံ့ဖြိုးတိုးတက်မှုကိုအထောက်အကူဖြစ်နိုင်ရန်ဘဏ်တိုးနှုန်းများလျှော့ချခဲ့ကြောင်း"အစိုးရ သတင်းစာများတွင်ဖော်ပြ၍မူလချေးငွေဘဏ်တိုးနှုန်း၁၇ရာခိုင်နှုန်းမှ၁၅ရာခိုင်နှုန်းသို့လျှော့ချခဲ့သော်လည်း အရှေ့တောင်အာရှနိုင်ငံများအနက်ဒုတိယချေးငွေဘဏ်တိုးနှုန်းအမြင့်ဆုံးဗီယက်နမ်နိုင်ငံထက် နှစ်ရာခိုင်နှုန်း ပိုများနေဆဲ ဖြစ်သည်။
ကြေငြာချက်အရဘဏ်ချေးငွေများအတွက်မူလအတိုးနှုန်း၁၇ရာခိုင်နှုန်းမှ၁၅ရာခိုင်နှုန်း၊အပ်ငွေများအတွက်
၁၂ရာခိုင်နှုန်းမှ၁ဝရာခိုင်နှုန်းအသီးသီးပြင်ဆင်သတ်မှတ်လိုက်သည်။
လူမှုရေးလုပ်ငန်းများလုပ်ဆောင်နေသောဒေါက်တာဖုန်းဝင်းကဘဏ်တိုးနှုန်းများလျှော့ချခြင်းကို ကြိုဆိုသော်လည်း ထပ်မံလျှော့ချရန် လိုအပ်သေးကြောင်း ပြောသည်။
“ပုံမှန်မိရိုးဖလာလုပ်တဲ့လုပ်ငန်းများအတွက်က၁၅ရာခိုင်နုန်းကများသေးတယ်။အဲဒီထက်ပိုဆိုးတာကလူအ များအကျိုးအတွက်အလုပ်မျိုးဆိုရင်လူတွေကမလုပ်တော့ဘူးပေါ့။အဲဒီလိုမျိုးမှာလူတွေကမမြုပ်နှံတော့ဘူး။ ရွှေ၊ရေနံ၊ကျောက်တို့တူးပြီးတော့ရင်းနှီးမှုများတယ်။အမြတ်လည်းများတယ်ဆိုတဲ့အလုပ်မျုိးတွေဘဲ လုပ်တော့မှာပေါ့။ဆိုတော့ ဒီလူမှုရေးဝန်ဆောင်မှုတွေကျလာမှာပေါ့။ ”ဟုသူကပြောသည်။
အခြားနိုင်ငံများနှင့်များစွာဘဏ်တိုးနှုန်းမြင့်နေသဖြင့်တချို့နိုင်ငံခြားသားများမြန်မာနိုင်ငံသို့လာရောက် အပ်နှံထားမှုများလည်းရှိရာအဓိကအားဖြင့်တရုတ်၊ထိုင်း၊မလေးရှား၊စင်္ကာပူစသည့်နိုင်ငံများကလာရောက် ရင်းနှီးမြုပ်နှံကြသည်ဟု သူက ပြောသည်။
ဘဏ်တိုးနှုန်းပြောင်းလဲမှုနှင့်ပတ်သတ်၍ ချေးငွေ၊အပ်ငွေဘဏ်လုပ်ငန်းအနေအထားများအပြောင်းအလဲဖြစ် မည့် အနေအထားမရှိကြောင်းဘောဂဗေဒပညာရှင်ဦးခင်မောင်ညိုကပြောသည်။
“ဘာမှတော့ထူးထူးခြားခြားမဖြစ်နိုင်သေးဘူး။ငွေထုတ်တာတို့၊လောလောဆယ်ဆယ်မှာထူးထူးခြားခြားဖြစ် စရာအကြောင်းမရှိသေးဘူး။စုဆောင်းမှုကိုသိပ်အားမပေးချင်ဘူး။ရင်းနှီးမြုပ်မှုကိုအားပေးချင်တဲ့ အဓိပ္ပါယ်ဘဲ” ဟု ဒေါက်တာခင်မောင်ညိုက ပြောသည်။
မြန်မာနိုင်ငံအတွင်းရှိဘဏ်များအားလုံးတူညီသောအတိုးနှုန်းထားသတ်မှတ်ရန်ဘဏ်လုပ်ငန်းရှင်များ ညှိနှိုင်း
ဆွေးနွေးနေကြသည်ဟု ဦးခင်မောင်ညိုက ဆိုသည်။
မြန်မာနိုင်ငံသည်အရှေ့တောင်အာရှနိုင်ငံများထဲတွင်ဘဏ်တိုးနှုန်းအမြင့်ဆုံးဖြစ်ပြီးဒုတိယအမြင့်ဆုံး ဗီယက်နမ်နိုင်ငံတွင်ချေးငွေဘဏ်တိုးနှုန်း၁၃ရာခိုင်နှုန်းနှင့်အပ်ငွေတိုးနှုန်း၁၂ရာခိုင်နှုန်းရှိသည်။အိမ်နီးချင်း ထိုင်းနိုင်ငံမှာချေးငွေ ဘဏ်တိုးနှုန်း ခုနှစ် ရာခိုင်နှုန်းမှ အပ်ငွေအတိုးနှုန်း ၂.၅ ရာခိုင်နှုန်းရှိနေသည်။
မြန်မာနိုင်ငံတွင်သာမာန်စီးပွားရေးလုပ်ငန်းရှင်များအနေဖြင့်အစိုးရဘဏ်မှချေးငွေရယူရန်မှာခက်ခဲသော အနေအထားတွင်ရှိနေပြီးအစိုးရနှင့်နီးစပ်သောပုဂ္ဂိုလ်များ၊အစိုးရစီမံကိန်းလုပ်ငန်းများတွင်လုပ်ကိုင်ခွင့် ရရှိသူများသာ အခွင့်အရေးပိုမိုရရှိကြောင်း လုပ်ငန်းရှင်များက ဆိုသည်။
Geen opmerkingen:
Een reactie posten