မျိုးသန့် အင်္ဂါနေ့၊ စက်တင်ဘာလ ၂၀ ရက် ၂၀၁၁ ခုနှစ် ၁၉ နာရီ ၅၇ မိနစ် .
ချင်းမိုင်(မဇ္ဈိမ)။ ။အထက်လွှတ်တော်ပြည်သူ့ငွေစာရင်းကော်မတီမှတင်ပြခဲ့သည့်၂ဝ၁၁-၂ဝ၁၂ ဘဏ္ဍာရေးနှစ်အတွက်ကျပ်ငွေဘီလီယံပေါင်း၂,၃ဝဝကျော်လိုနေသည့်"ရသုံးမှန်းခြေငွေစာရင်း" အစီရင်ခံစာနှင့်ပတ်သက်၍ဆွေးနွေးမည့်သူမရှိဘဲဖြစ်နေသည်ဟုလွှတ်တော်အမတ်များက ပြောကြသည်။
လွှတ်တော်ငွေစာရင်းကော်မတီမှတနင်္လာနေ့တွင်လွှတ်တော်သို့တင်ပြသည့်အစီရင်ခံစာတွင်ဗဟိုအစိုးရနှင့် တိုင်းနှင့် ပြည်နယ်အစိုးရများ၏၂ဝ၁၁-၂ဝ၁၂အတွက်ဘဏ္ဍာရေးလိုငွေစုစုပေါင်းမှာကျပ်ငွေဘီလီယံ
၂၃၇၁.၉၄၅ ရှိသည်ဟု သိရသည်။
ယင်းအစီရင်ခံစာနှင့်ပတ်သက်၍အင်္ဂါနေ့တွင်အထက်လွှတ်တော်၌ဆွေးနွေးရန်အမတ်များအနေဖြင့် စာရင်းပေးသွင်းနိုင်ကြောင်းလွှတ်တော်ဒုဥက္ကဋ္ဌဦးမြငြိမ်းမှပြောဆိုခဲ့သော်လည်းစာရင်းပေးဆွေးနွေးမည့်သူ မရှိဘဲဖြစ်နေကာ အစီရင်ခံစာကို အထက်လွှတ်တော်မှ မှတ်တမ်းတင်ရုံသာ ရှိခဲ့သည်။
အထက်လွှတ်တော်ပြည်သူ့ငွေစာရင်းကော်မတီမှတင်ပြခဲ့သည့်၂ဝ၁၁-၂ဝ၁၂ဘဏ္ဍာရေးနှစ်အတွက် "ရသုံးမှန်းခြေငွေစာရင်း"အစီရင်ခံစာနှင့်ပတ်သက်၍ဆွေးနွေးမည့်သူမရှိဘဲဖြစ်နေသည်ဟုလွှတ်တော်အ မတ်များကပြော(ဓါတ်ပုံ မဇ္ဈိမ)
လွှတ်တော်အမတ်များကယင်းအစီရင်ခံစာနှင့်ပတ်သက်၍မဆွေးနွေးကြခြင်းမှာငွေစာရင်းကော်မတီတွင် ငွေကို လက်တွေ့ သုံးနေသူ အစိုးရအဖွဲ့ဝင်များ မပါဝင်ခြင်းကြောင့်ဟု အကြောင်းပြသည်။
"ကျနော်တို့ဒီနေ့မဆွေးနွေးဖြစ်တာကကော်မတီမှာဝန်ကြီးဌာနကလူတွေပါရင်တော့လည်းကျနော်တို့က အင်တိုက်အားတိုက်နဲ့ ဆွေးနွေးလို့ ဖြစ်တယ်။ အခုဟာက ကိုယ့်လွှတ်တော် ကိုယ်စားလှယ်တွေနဲ့ ဖွဲ့ထားတဲ့
ကော်မတီဆိုတော့ကျနော်တို့ကမေးခွန်းတွေမေးမယ်ဆိုရင်လည်းသူတို့ကိုပဲမေးရမှာပေါ့။လွှတ်တော် ကိုယ်စားလှယ်ချင်းဖြစ်တာလည်းပါတယ်။သူလုပ်နေတဲ့ကိစ္စကိုကိုယ်ကမပါချင်ဘူးပေါ့။သူ့စည်းကိုယ့်စည်း
စောင့်နေတာလည်း ပါတယ်" ဟု အမျိုးသား ဒီမိုကရေစီ ပါတီမှ ဦးဖုန်းမြင့်အေင်က မဇ္ဈိမကို ပြောသည်။
"ဘယ်လိုလုပ်ကြမလဲတော့မသိဘူး၊အဲဒါကိုဆွေးနွေးတဲ့လူလည်းမရှိဘူး၊ကျနော်တို့ကလည်းမဆွေးနွေးနိုင် ဘူး၊"အစီရင်ခံစာတွင်ဗဟိုအစိုးရ၏၂ဝ၁၁-၂ဝ၁၂ဘဏ္ဍာရေးလိုငွေမှာ၂၂ဝ၁.၄၅ဝဘီလီယံကျပ် ဖြစ်ပြီး၊ တိုင်းဒေသ ကြီးနှင့် ပြည်နယ်အစိုးရများ၏ ဘဏ္ဍာရေးလိုငွေမှာ၁၇ဝ.၄၉၅ဘီလီယံကျပ် ဖြစ်သည်။ သို့သော် မည်သည့် ကဏ္ဍအတွက် မည်မျှလိုသည်၊ မည်သည့် ကဏ္ဍအတွက် မည်လောက် အသုံးစရိတ် ရှိသည်တို့ကို ဖေါ်ပြမထားဟု အမတ်များက ပြောသည်။
"ကော်မတီကလူတွေကလည်းသူတို့ကော်မတီနဲ့ပတ်သက်တာတွေကိုအပြင်ကိုသိပ်မပြောကြဘူး၊ ကော်မတီနဲ့ပတ်သက်တဲ့မှတ်တမ်းတွေကိုအပြင်ကိုမပြောကြဘူး၊အခုလည်းကျနော်တို့လွှတ်တော်ကို ပြောတာကလည်း အကျဉ်းချုပ်လောက်ပဲ ပြောတာပါ" ဟု အခြားအမတ်တဦးက မဇ္ဈိမကို ပြောသည်။
ပြည့်သူ့ငွေစာရင်းကော်မတီကိုအထက်လွှတ်တော်နှင့်အောက်လွှတ်တော်မှလွှတ်တော်အမတ်၁၅ ဦးစီဖြင့်မတ်လ၃ရက်နေ့ကဖွဲ့စည်းခဲ့ခြင်းဖြစ်သည်။အဆိုပါကော်မတီဝင်များကသက်ဆိုင်ရာအစိုးရ ဝန်ကြီးဌာနများသို့သွားရောက်စာရင်းစစ်ရာတွင်ခရီးစရိတ်မှအစအခက်အခဲရှိနေကြောင်းလည်း အမတ်များထံမှ သိရသည်။
Geen opmerkingen:
Een reactie posten