ပြုပြင်ပြောင်းလဲမှုများမြန်မာအစိုးရအခိုင်အမာသက်သေပြသင့်

ဧရာဝတီ Wednesday, 14 September 2011 15:15

.ပြုပြင်ပြောင်းလဲရေးနှင့်အမျိုးသားပြန်လည်သင့်မြတ်ရေးအပေါ်နိုင်ငံတကာ၏သံသယများကိုဖယ်ရှားရန် မြန်မာအစိုးရအနေဖြင့်အခိုင်အမာသက်သေပြသင့်ကြောင်းမြန်မာနိုင်ငံဆိုင်ရာအမေရိကန် အထူးကိုယ်စားလှယ်နှင့် မူဝါဒ ညှိနှိုင်းရေးမှူး မစ္စတာ ဒဲရက် မစ်ချယ်က ပြောဆိုလိုက်သည်။

ရန်ကုန်အပြည်ပြည်ဆိုင်ရာလေဆိပ်၌ယနေ့ပြုလုပ်သောသတင်းစာရှင်းလင်းပွဲတွင်တွေ့ရသည့်မစ္စတာ ဒဲရက်မစ်ချယ်(ဓာတ်ပုံ-ဧရာဝတီ)

အထူးကိုယ်စားလှယ်မစ္စတာဒဲရက်မစ်ချယ်က၆ရက်ကြာမြန်မာပြည်ခရီးစဉ်အပြီးပြန်လည်မထွက်ခွာမီ ယနေ့နံနက်ရန်ကုန်အပြည်ပြည်ဆိုင်ရာလေဆိပ်၌ပြုလုပ်သောသတင်းစာရှင်းလင်းပွဲတွင်ဤသို့ ပြောဆိုခြင်းဖြစ်သည်။

မြန်မာနိုင်ငံတွင်ဖြစ်ပေါ်နေသောလူ့အခွင့်အရေးချိုးဖောက်မှုများ၊အကျဉ်းသား၂ထောင်ကျော်ကို ထိမ်းသိမ်းထားမှု၊မြန်မာအစိုးရနှင့်မြောက်ကိုရီးယားဆက်ဆံရေးပွင့်လင်းမြင်သာမှုမရှိခြင်းတို့အပေါ်မစ္စတာ ဒဲရက်မစ်ချယ်ကထောက်ပြပြောဆိုသွားသည်။

“စစ်မှန်သောအပြောင်းအလဲများဆောင်ရွက်ရေးနှင့်အမျိုးသားပြန်လည်သင့်မြတ်ရေးတို့ကိုအချိန်ကိုက်နှင့် အခိုင်အမာဆောင်ရွက်သင့်ကြောင်းမြန်မာအစိုးရကိုလေးစားစွာတိုက်တွန်းပါသည်”ဟုမစ္စတာဒဲရက် မစ်ချယ်၏ ထုတ်ပြန်ကြေညာချက်တွင် ဖော်ပြထားသည်။

မစ္စတာဒဲရက်မစ်ချယ်၏အကြံပြုချက်များတွင်နိုင်ငံရေးအကျဉ်းသားအားလုံးကိုခြွင်းချက်မရှိလွှတ်ပေးရန်၊ ဒေါ်အောင်ဆန်းစုကြည်အပါအဝင်နိုင်ငံရေးအတိုက်အခံများနှင့်အဓိပ္ပာယ်ရှိသောတွေ့ဆုံညှိနှိုင်းမှုများ ပြုလုပ်ရန်၊တိုင်းရင်းသားလက်နက်ကိုင်များနှင့်တိုက်ပွဲများဖြစ်နေမည့်အစားတွေ့ဆုံဆွေးနွေး အဖြေရှာရန်တို့ ပါဝင်သည်။

အမေရိကန်ကမြန်မာနိုင်ငံအပေါ်ထားရှိသည့်ပိတ်ဆို့အရေးယူမှုများကိုမှုဆက်လက်ထားရှိရန် အစီအစဉ်ရှိသည်ဟုမစ္စတာဒဲရက်မစ်ချယ်ကပြောကြောင်းAPသတင်းတွင်ဖော်ပြထားသည်။

၎င်း၏ခရီးစဉ်အတွင်းစက်တင်ဘာလ၁၂ရက်နေ့ကဒေါ်အောင်ဆန်းစုကြည်နှင့်တွေ့ဆုံကာကျန်းမာရေးနှင့် ပညာရေးကဏ္ဍတို့တွင် လူမှုအကူအညီများပေးရန် မိနစ်၄၀ကြာဆွေးနွေးခဲ့ကြသည်။

စက်တင်ဘာ၁၁ရက်နေ့တွင်ရန်ကုန်မြို့ဒဂုံမြို့သစ်တောင်ပိုင်းရှိNLDလူငယ်အဖွဲ့က စောင့်ရှောက်ထားသော HIV/AIDSဂေဟာသို့သွားရောက်လည်ပတ်ခဲ့ပြီးဒဂုံမြို့သစ်မြောက်ပိုင်းရှိနာရေးကူညီမှုအသင်းသို့သွား ရောက်ကာဥက္ကဋ္ဌဦးကျော်သူတို့နှင့်လည်းတွေ့ဆုံခဲ့သည်။

စက်တင်ဘာလ၉ရက်နေ့ကပြည်သူ့လွှတ်တော်ဥက္ကဋ္ဌသူရဦးရွှေမန်း၊အမျိုးသားလွှတ်တော်ဥက္ကဋ္ဌ ဦးခင်အောင်မြင့်၊ နိုင်ငံခြားရေးဝန်ကြီး ဦးဝဏ္ဏမောင်လွင်စသည့် အစိုးရအဖွဲ့ဝင်များနှင့် တွေ့ဆုံသည်။

မစ္စတာဒဲရက် မစ်ချယ်၏ထုတ်ပြန်ကြေညာတွင် ဒေသခံနှင့် နိုင်ငံတကာNGOများ၊စီးပွားရေးသမားများ၊ သံတမန်များနှင့်လည်း တွေ့ဆုံခဲ့ကြောင်း ဖော်ပြထားသည်။

“တိုင်းရင်းသားတွေအပါအဝင်မြန်မာပြည်သူတွေအားလုံးအတွက်ဒေါ်အောင်ဆန်းစုကြည်ဟာတကယ့်ကို အရေးပါတယ်၊သေချာခိုင်မာတဲ့ပြုပြင်ပြောင်းလဲရေးတိုင်းမှာဒေါ်အောင်ဆန်းစုကြည်ရဲ့ပူးပေါင်းပါဝင်မှု လိုတယ် ဆိုတာကိုကျနော့်ခရီးစဉ်တလျှောက်လုံးမှာသတိပြုမိပါတယ်။တွေ့ဆုံဆွေးနွေးရေးကတဆင့် ငြိမ်းချမ်းတဲ့အပြောင်းအလဲအတွက်ဒေါ်အောင်စုကြည်ကအင်တိုက်အားတိုက် နှစ်မြုပ်ဆောင်ရွက်နေတယ်ဆိုတာ မြင်သာပါတယ်” ဟု မစ္စတာ ဒဲရက် မစ်ချယ်က ပြောသည်။

ပြီးခဲ့သည့်သြဂုတ်လ၁၅ရက်နေ့မှစ၍မစ္စတာဒဲရက်မစ်ချယ်သည်မြန်မာနိုင်ငံဆိုင်ရာ အထူးကိုယ်စားလှယ်တာဝန်ကို စတင်ထမ်းဆောင်ခဲ့သည်။