ထားဝယ် ရေနက်ဆိပ်ကမ်းစီမံကိန်း အလုပ်သမားများ ဆန္ဒပြ

ဧရာဝတီ Wednesday, 16 February 2011 17:22

.တနင်္သာရီတိုင်းထားဝယ်ရေနက်ဆိပ်ကမ်းစီမံကိန်းတွင်အလုပ်လုပ်နေသောမြန်မာအလုပ်သမား ၇၀ ခန့်က လုပ်ခနည်းပါးမှု၊အလုပ်ချိန်များပြားမှုတို့ကြောင့်ပြီးခဲ့သော ဖေဖော်ဝါရီ လဆန်းကတည်းက အလုပ်မဆင်းဘဲ ဆန္ဒပြလျက်ရှိကြောင်း သိရသည်။

                                              ထားဝယ် ရေနက်ဆိပ်ကမ်းနှင့် အထူးစီးပွားရေးဇုန် မြေပုံအကြမ်း

ယင်းအလုပ်သမားများမှာနဘုလယ်ကျေးရွာအုပ်စုမှဖြစ်ပြီးအီတလျံ-ထိုင်း ကုမ္ပဏီက တည်ဆောက်နေသော ထားဝယ်ရေနက် ဆိပ်ကမ်းနှင့် စက်မှုဇုန် တည်ဆောက်ရေးလုပ်ငန်းတွင် လုပ်ကိုင်နေကြခြင်းဖြစ်ကြောင်း၊ ထိုစီမံကိန်းရှိ ထိုင်းအလုပ်သမားများနှင့် တန်းတူအခွင့်အရေးမရ ခြင်းတို့ကြောင့် ဆန္ဒပြရခြင်းဖြစ်ကြောင်း ဆန္ဒပြရာတွင်ပါဝင်သော အလုပ်သမား တဦးကပြောသည်။

အလုပ်သမားများအနေဖြင့် အလုပ်ချိန် တရက် ၁၀ နာရီလုပ်ရပြီး တရက် လုပ်အားခ ၃၅၀၀ ကျပ်သာရရှိကြောင်း၊ အလုပ်ပိတ်ရက် များတွင် အလုပ်ဆင်းရသော်လည်း အချိန်ပိုကြေးမရရှိကြောင်းနှင့် လစာကို လဆန်း ၁၀ ရက်ကျော်မှသာ ပုံမှန်ရရှိကြောင်းလည်း ၎င်းက ပြောဆိုသည်။

ထို့ကြောင့် အလုပ်သမားများစုပေါင်း၍ တရက်လုပ်အားခ ၅၀၀၀ ကျပ်အထိတိုးပေးရန်၊ အလုပ်ချိန် လျှော့ချပေးရန်၊ အချိန်ပိုကြေး ပေးရန်၊ လစာကို လဆန်းပိုင်းတွင်ပုံမှန်ထုတ်ပေးရန် စသည်တို့အား ထိုင်းကုမ္ပဏီကို တရားဝင်တောင်းဆိုထားသည်ဟု သိရသည်။

အလုပ်သမားများ၏ တောင်းဆိုချက်များရရှိရန် ထားဝယ် ခရိုင် အေးချမ်းသာယာရေးနှင့် ဖွံ့ဖြိုးရေး ကောင်စီ(ခယက)နှင့် အလုပ် သမား ၀န်ကြီး ဌာနတို့က ကြားဝင်စေ့စပ်ပေးလျက်ရှိကြောင်း ထားဝယ် ခယက ရုံးမှဝန်ထမ်းတဦးက ပြောဆိုသည်။

“ထိုင်းကုမ္ပဏီကတော့သူတို့အထက်ကို တင်ထားတယ် ပြောတယ်။ ဘယ်တော့ဆုံးဖြတ်ချက် ကျမယ်ဆိုတာ မသိသေးဘူး”ဟု ၎င်းကပြောသည်။

အထက်ပါကိစ္စနှင့်ပတ်သက်၍ စီမံကိန်းတာဝန်ရှိသူတဦးက အလုပ်သမားများအနေဖြင့် အလုပ်မ၀င်မီ ကတည်းကပင် လုပ်ခနှင့် အလုပ်ချိန်ကို သဘောတူပြီးဖြစ်ကြောင်း ဆိုသည်။

ထားဝယ်ဒေသရှိ အလုပ်သမားအများစုမှာ ထိုင်းနိုင်ငံတွင် အလုပ်သွားရောက်လုပ်ကိုင်ဖူးသူများဖြစ်၍ ထိုင်းထုံးစံကို သိရှိကြသူများ ဖြစ်ကြောင်း၊ ထားဝယ်ဒေသတွင် အလုပ်ကြမ်းသမားတဦးအတွက် တရက် ၈ နာရီ လုပ်အားခမှာ ကျပ် ၃၅၀၀ ခန့်မှ ၅၀၀၀ အထိရှိရာ ထိုင်းကုမ္ပဏီကပေးသော တရက်လုပ်အားခမှာ ထိုက်သင့်သည်ဟုမဆိုနိုင်ကြောင်း ထားဝယ်မြို့ခံများက ပြောဆိုသည်။

“တော်တော်များများက ရေနက်ဆိပ်ကမ်းလာလုပ်ရင် ထိုင်းမှာရတဲ့အတိုင်း လုပ်အားခ ရမယ်ထင်ထားတာ။ ဒီဈေး အတိုင်းဆိုရင် မက်လောက်စရာမရှိဘူး”ဟု ထားဝယ်မြို့ခံတဦးက ပြောသည်။

မြန်မာအလုပ်သမားများ ထိုသို့အလုပ်မဆင်းမှုကြောင့် တံတားတည်ဆောက်ခြင်း၊ လမ်းဖောက်လုပ်ခြင်း လုပ်ငန်းခွင်များတွင် ထိုင်း အလုပ်သမားဖြင့်သာ အလုပ်လုပ်ကိုင်လျက်ရှိကြောင်း စီမံကိန်းတာဝန်ရှိသူတဦးက ဆိုသည်။

လတ်တလော၌ ထားဝယ်စီမံကိန်းတွင် လမ်းဖောက်လုပ်ခြင်းကိုဦးစားပေးလုပ်ကိုင်နေကြောင်းသိရသည်။

ယင်းစီမံကိန်းတွင် အလုပ်သွားရောက်လုပ်ကိုင်သော မြန်မာအင်ဂျင်နီယာတချို့မှာလည်း အလုပ်ချိန်များပြားပြီး အချိန်ပိုကြေးမရရှိခြင်း၊ လုပ်ငန်းခွင်တွင် နေထိုင်ရေး အဆင်မပြေခြင်းတို့ကြောင့် ရက်ပိုင်းသာအလုပ်ဆင်း၍ အလုပ်ထွက်ခဲ့ကြောင်း ထားဝယ်မြို့ခံ အင်ဂျင်နီယာ တဦးက ပြောကြားသည်။

“နေရတာက သမံတလင်းပေါ်မှာ ဖျာခင်းအိပ်ရတယ်ဗျာ။ ကွပ်ပျစ်တောင်မရှိဘူး”ဟု ၎င်းက ဆိုသည်။

ထားဝယ်ရေနက် စီမံကိန်းတွင် အလုပ်သမားလိုအပ်နေကြောင်း ပထမ ၅ နှစ်တွင် မြန်မာအလုပ်သမား ၆၀၀၀ ခေါ်ယူသွားမည်ဖြစ် ကြောင်း ယခုတပါတ် ပြည်တွင်းထုတ်TrueNewsသတင်းဂျာနယ်တွင် ဖော်ပြထားသည်။

ပြည်တွင်းစီးပွားရေး ပညာရှင် တဦးက မြန်မာနိုင်ငံရှိ အထင်ကရ အထူးစီးပွားရေးစက်မှုဇုန်ဖြစ်လာမည့် ထားဝယ်စီမံကိန်းအစတွင် ထိုကဲ့သို့ အလုပ်သမားများ လုပ်ခတိုးမြှင့်ပေးရန် တောင်းဆိုမှုသည် နိုင်ငံတကာမှ ရင်းနှီးမြုပ်နှံသူများကို ထူးခြားစွာရိုက်ခတ်မည် မဟုတ်ကြောင်း ပြောကြားသည်။

“ရင်းနှီးမြုပ်နှံသူက လုပ်အားခတခုတည်း ကြည့်တာ မဟုတ်ဘူးလေ။ ပထ၀ီ အနေအထားကောင်းမွန်မှု၊ အခြေခံအဆောက်အဦ ကောင်းမွန်ပြည့်စုံမှု အဲဒါတွေကိုလည်းကြည့်တာ။ မြန်မာနိုင်ငံမှာက ပတ်ဝန်းကျင်နဲ့ပတ်သက်ပြီး တင်းတင်းကျပ်ကျပ် မပြဋ္ဌာန်း ထား တာကလည်း ရင်နှီးမြုပ်နှံသူတွေ လာချင်စရာဖြစ်နေတယ်”ဟု ထိုစီးပွားရေးပညာရှင်က ဆိုသည်။

ထားဝယ် ရေနက်ဆိပ်ကမ်းနှင့် အထူးစီးပွားရေးဇုန် စီမံကိန်းကြောင့် ဒေသခံများ၏ လူမှုရေး၊ စီးပွားရေး၊ ကျန်းမာရေးနှင့် တနင်္သာရီဒေသ သဘာဝပတ်ဝန်းကျင် ထိခိုက်မှုများ ကြုံတွေ့ရဖွယ်ရှိကြောင်း၊ ဒေသခံများ ဆုံးရှုံးနစ်နာမှုများရှိလာမည် ဖြစ်သကဲ့သို့ မြန်မာ့ ပင်လယ်ပြင်နှင့် ကမ်းရိုးတန်း တလျှောက်တွင် သဘာဝပတ်ဝန်းကျင် ထိခိုက်မှု များစွာ ကြုံတွေ့ရမည်ဖြစ်ကြောင်း ပညာရှင်များက ပြောဆိုထားသည်။

အရှေ့တောင်အာရှတွင်အကြီးဆုံးစက်မှုဇုန်ဖြစ်လာမည်ဖြစ်ပြီးတရုတ်နိုင်ငံ ရှန်ဇန်းစက်မှုဇုန်ကဲ့သို့တည်ဆောက်မည် ဆိုသော ထားဝယ်ရေနက်ဆိပ်ကမ်းနှင့် အထူးစီးပွားရေးဇုန် တည်ဆောက်ရန် မြန်မာနှင့် Italian-ThaiDevelopmentကုမ္ပဏီ တို့အကြား သဘောတူညီမှုကို ၂၀၁၀ ပြည့်နှစ် နိုဝင်ဘာ ၂ ရက်နေ့တွင် လက်မှတ်ရေးထိုးခဲ့ခြင်းဖြစ်သည်။

အထူးစီးပွားရေး စက်မှုဇုန်တွင် ပါဝင်မည့် ဆောက်လုပ်ရေး လုပ်ငန်းများအတွက် မြန်မာကုမ္ပဏီများက ၆၀ ရာခိုင်နှုန်း ကန်ထရိုက် ရရှိထားပြီး စစ်အစိုးရ ဗိုလ်ချုပ်ကြီးများနှင့် နီးစပ်သော ဦးဇော်ဇော်ပိုင်ဆိုင်သည့် MaxMyanmarနှင့် ဘိန်းဘုရင်လော်စစ်ဟန်၏သားဦးထွန်းမြင့်နိုင် ပိုင်ဆိုင်သော AsiaWorld ကုမ္ပဏီတို့က အဓိက လုပ်ပိုင်ခွင့် ရရှိထားကြောင်း ရန်ကုန် စီးပွားရေးလုပ်ငန်းရှင် အသိုင်းအ၀န်းမှ သိရသည်။