နိုင်ငံရေးအကျဉ်းသား လွတ်ငြိမ်းခွင့် ပယ်ချဖွယ်ရှိ

ဧရာဝတီ TUESDAY, 22 FEBRUARY 2011 18:31

တိုင်းရင်းသား လွှတ်တော် အမတ်တချို့နှင့် အတိုက်အခံ လွှတ်တော်အမတ် တချို့တို့ တင်သွင်းထားသော နိုင်ငံရေး အကျဉ်းသားများ လွတ်ငြိမ်း ချမ်းသာခွင့် ပေးရေးကိစ္စကို ပြည်ထောင်စု လွှတ်တော်က လက်မခံဘဲ ငြင်းပယ်ရန် သေချာနေကြောင်း နေပြည်တော်ရောက် လွှတ်တော်အမတ်များထံမှ သိရသည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ)မှ လွှတ်တော်အမတ်များနှင့် တပ်မတော်သား လွှတ်တော် ကိုယ်စားလှယ်များ ကြီးစိုးထားသော ပြည်ထောင်စု လွှတ်တော်သို့ နိုင်ငံရေး အကျဉ်းသားများ လွတ်ငြိမ်းချမ်းသာခွင့်ပေးရန် နှင့် မြန်မာနိုင်ငံအပေါ် ချမှတ်ထားသော စီးပွားရေး ပိတ်ဆို့မှု ရုပ်သိမ်းရေး အဆိုနှစ်ခုကိုအမျိုးသားဒီမိုကရေစီအင်အားစု(NDF)မှဦးသိန်းညွှန့်နှင့် တိုင်းရင်းသားပါတီမှ လွှတ်တော်အမတ်တချို့ကတင်သွင်းထားကြောင်း၊သို့သော်လည်း ယင်းအဆိုနှစ်ရပ်အနက် လွတ်ငြိမ်းသာခွင့် အဆိုကို လွှတ်တော်က ငြင်းပယ်ဖွယ်ရှိကြောင်း ရန်ကုန်အခြေစိုက် NDF ပြည်သူ့လွှတ်တော် အမတ်တဦးက ပြောသည်။

“ကိုယ်နဲ့အတူ လွှတ်တော်တက်နေတဲ့ ကြံ့ခိုင်ရေးပါတီက လွှတ်တော်အမတ် ဗိုလ်မှူးကြီးတယောက် ဆီက သိရတာပါ။ အဲဒီဗိုလ်မှူးကြီးက ပြည်ထောင်စုလွှတ်တော် နာယက ဦးခင်အောင်မြင့် နဲ့လည်း ပုဂ္ဂိုလ်ရေးအရ ရင်းနှီးမှုရှိတယ်။ သူက လွတ်ငြိမ်း ချမ်းသာခွင့် အဆိုကို လက်မခံဘဲ ပယ်ချလိမ့်မယ်လို့ ပြောတယ်”ဟု အဆိုပါ လွှတ်တော်အမတ်က ဆိုသည်။

၎င်းအနေနှင့် လွတ်ငြိမ်းချမ်းသာခွင့် အဆိုကို မဲခွဲဆုံးဖြတ်သည့် အဆင့်အထိ ရောက်မည်ဟု မျှော်လင့် ထားခဲ့သော်လည်း ယခုအခါ လုံးဝ ပယ်ချမည်ဟု သိရှိရသောကြောင့် မြန်မာ့နိုင်ငံရေး အကျပ်အတည်း ပိုမို တာရှည်သွားမည်ဟု ထင်မြင်ကြောင်း ဆက်ပြောသည်။

“လွတ်ငြိမ်းချမ်းသာခွင့် မပြုတာတော့ မဟုတ်ဘူး။ သမ္မတ ဦးသိန်းစိန်အာဏာနဲ့ နည်းနည်းပါးပါး လောက်ကို လွတ်ငြိမ်း ချမ်းသာခွင့် ပေးလိမ့်မယ်လို့ ပြောတယ်။ ဒါပေမယ့် အားလုံးတော့ လွှတ်မှာမဟုတ်ဘူးဆိုတဲ့ သဘောပဲ။ လွှတ်တော်ထဲ မှာတော့ လွတ်ငြိမ်းချမ်းသာ ခွင့်နဲ့ပတ်သက်ပြီး ဆွေးနွေးခွင့်ရမယ့် ပုံမရှိဘူး” ဟု NDF လွှတ်တော် အမတ်က ရှင်းပြသည်။

အဆိုပါ လွှတ်တော်အမတ်၏ အဆိုအရ ကြံ့ဖွံ့လွှတ်တော်အမတ် တချို့သည် နိုင်ငံရေး အကျဉ်းသား ဆိုသော စကားလုံးအသုံးအနှုန်းကိုပင် လက်မခံကြောင်း သိရှိရသည်။

“နိုင်ငံရေး အကျဉ်းသားဆိုတာမျိုး မရှိဘူး။ တည်ဆဲဥပဒေ ချိုးဖောက်လို့ ဥပဒေအရ ပြစ်ဒဏ်ကျခံနေရတဲ့ အကျဉ်းသားတွေ၊ အဲဒီလိုမျိုးပဲ သုံးတယ်။ ဒါကလည်း အစိုးရရဲ့ လေသံအတိုင်းပဲ ဆိုတော့ လက်ရှိအစိုးရ မူဝါဒကို အစိုးရသစ်က ဆက်ပြီး ကျင့်သုံးမယ့် အခြေအနေရှိပါတယ်”ဟု NDF လွှတ်တော်အမတ်က ဆိုသည်။

မြန်မာပြည်အရပ်ရပ်ရှိ အကျဉ်းထောင်များထဲတွင်နိုင်ငံရေးအကျဉ်းသား၂၀၀၀ကျော်ရှိနေကြောင်း ထိုင်းနိုင်ငံအခြေစိုက်နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP)က ထုတ်ပြန်ထားသည်။

လာမည့် အစိုးရသစ်အတွက် သမ္မတ ရာထူးပါအ၀င် အရေးကြီးသော ၀န်ကြီးနေရာများ၊ ရာထူး တာဝန်များကို တာဝန် ထမ်းဆောင် ဆဲနှင့် အငြိမ်းစား စစ်ဗိုလ်ချုပ်များ၊ ကြံ့ဖွံ့ပါတီမှ လွှတ်တော်အမတ် များကသာ ချုပ်ကိုင်နေရာရယူ ထားသည်။