justfreeman: ကြံ့ဖွံ့မဲဆွယ် ဆိုင်းဘုတ်များကြောင့် လူအများ စိတ်ပျက်

မင်းနိုင်သူ Tuesday, October 19, 2010

စစ်အစိုးရကျောထောက်နောက်ခံပြုပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်းမှပါတီအသွင်ပြောင်းလာသည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(ကြံ့ဖွံ့ပါတီ)၏ မဲဆွယ်ဆိုင်းဘုတ်များအပေါ် ပြိုင်ဘက်ပါတီများနှင့် ဒေသခံများက ဝေဖန်နေကြသည်။

ကျန်းမာရေး ဒုတိယဝန်ကြီး ဒေါက်တာပိုင်စိုး ကြံ့ဖွံ့ပါတီ ပြည်သူ့လွှတ်တော် ကိုယ်စားလှယ်လောင်း အဖြစ် ယှဉ်ပြိုင်မည့် စမ်းချောင်းမြို့နယ်တွင် တွေ့ရသည့် ကြံ့ဖွံ့ကိုယ်စားလှယ်လောင်း ကြော်ငြာဆိုင်းဘုတ် (ဓာတ်ပုံ - ဧရာဝတီ)

ကြံ့ဖွံ့အမှတ်တံဆိပ် ခြင်္သေ့နှစ်ကောင် ခြံရံမှု အလယ်တွင် “ပြည်သူ့အတွက် ပြည်ခိုင်ဖြိုး ၊ PEOPLE FIRST” ဆိုသည့် စာသားသည် ရယ်စရာ ကောင်းလှသည်ဟု ရန်ကုန်မြို့ခံတဦးက ဆိုသည်။

“၈၈ အရေးအခင်းနောက်ပိုင်းကစပြီး သူတို့က တပ်မတော်သာ အမိ ၊ တပ်မတော်သာ အဘ ဆိုတဲ့ ကြွေးကြော်သံနဲ့အတူ လူထုကို နှစ်ပေါင်း ၂၀ ကျော်ကြာ ဖိနှိပ်ခဲ့ပြီးမှ အရပ်ဝတ်လေး ပြောင်းဝတ် ၊ စစ်တပ်ကို အာဏာသက် ဆက်ပေးမယ့် ပါတီကနေ ပြည်သူ့ အတွက်ဆိုပြီး ထအော်တာ ရယ်စရာပေါ့"ဟု ၄င်းက ပြောသည်။

မင်္ဂလာတောင်ညွှန့် မြို့နယ်မှ ပြည်သူ့လွှတ်တော် ကိုယ်စားလှယ်လောင်းတဦးအဖြစ် ကြံ့ဖွံ့ပါတီကိုယ်စားပြု ယှဉ်ပြိုင်မည့် ဦးအောင်ကြည် သည် လက်ရှိ အလုပ်သမားဝန်ကြီးတဦးဖြစ်ကာ ဗိုလ်ချုပ်ရာထူးမှ အနားယူထားသူဖြစ်သည်။

ဦးအောင်ကြည်သည် ၄င်း၏ မဲဆန္ဒနယ်အတွင်း လွန်ခဲ့သော ရက်ပိုင်းများက မဲဆွယ်ဆိုင်းဘုတ် အများအပြားကို စိုက်ထူထားခဲ့ရာ ဆိုင်းဘုတ်ပါ စာသားများသည် ရွေးကောက်ပွဲဆိုင်ရာ ဥပဒေများနှင့် ညီညွှတ်မှု မရှိဟုလည်း ပြိုင်ဘက် ပြည်သူ့လွှတ်တော် ကိုယ်စားလှယ်လောင်း တဦးဖြစ်သည့် ဦးသုဝေက ပြောသည်။

“ပြည်သူ့အတွက် ပြည်ခိုင်ဖြိုး ၊PEOPLEFIRST”ဆိုသည့် စာသားနှင့်စပ်လျဉ်း၍မူ ဦးသုဝေက“အဲဒီအဓိပ္ပာယ် ဖော်ဆောင်နိုင်တဲ့ အခြေအနေမျိုး အခု လောလောဆယ်အထိတော့ မတွေ့ရသေးပါဘူး။ သူတို့မှာ အလေ့အကျင့်ကလည်း နှစ်ပေါင်းများစွာရှိလာပြီ ဆိုတော့ အဲဒီလို ပြောင်းဖို့တော့ တယ်မလွယ်ဘူးထင်ပါတယ်"ဟု ဆိုသည်။

ကြံ့ဖွံ့ပါတီ ကိုယ်စားလှယ်လောင်းများက မဲဆွယ်ဆိုင်းဘုတ်များ ထောင်ကာ မဲဆွယ်မှုများ ပြုလုပ်နေသော်လည်း ပြိုင်ဘက် ပါတီ များ အနေဖြင့် မဲဆွယ်ဆိုင်းဘုတ် ထောင်ရန် အပါအ၀င် အခက်အခဲများစွာရှိနေကြသည်။

မဲဆွယ်ဆိုင်းဘုတ် ထောင်ရေး အခက်အခဲနှင့်စပ်လျဉ်း၍ ပြည်ထောင်စု ဒီမိုကရေစီပါတီမှ တာမွေမြို့နယ် ပြည်သူ့လွှတ်တော် ကိုယ်စားလှယ်လောင်း ဦးသိန်းတင်အောင်က“အဓိက အခက်အခဲက ငွေရေးကြေးရေး အခက်အခဲပဲ။ ပြည်ခိုင်ဖြိုးမှာက မဲဆွယ် စရိတ်အဖြစ် အမတ်လောင်း တဦးကို ကျပ် သိန်းတရာ သုံးစွဲခွင့်ရှိတယ်လို့ ကြားရတယ်။ ကျနော်တို့ကတော့ ဆယ်သိန်း ၊ ဆယ့် ငါးသိန်း သုံးဖို့ကို ချိန်ဆနေရတာ။ မဲဆွယ်ဆိုင်းဘုတ် ထောင်ဖို့က ပထမ ဆိုင်းဘုတ်မှာ ဖော်ပြမယ့် စာသားတွေကို ရွေးကောက်ပွဲ ကော်မရှင်ဆီ အရင် တင်ပြရတယ်။ ခွင့်ပြုပြီဆိုရင်မှ စည်ပင်မှာ အခွန်ဆောင်ပြီး ထောင်ရမှာပါ"ဟု ပြောသည်။

မဲဆွယ်ဆိုင်းဘုတ် ထူထောင်ခွင့်အတွက် ရန်ကုန်မြို့တော် စည်ပင်သာယာရေး ကော်မတီသို့ တပေပတ်လည်လျှင် ကျပ် ၁၀၀ အခွန်ဆောင်ရမည် ဖြစ်သည်။

အဆိုပါနှုန်းထားသည် ကြံ့ဖွံ့ပါတီနှင့် ယှဉ်ပြိုင်မည့် ကျန်ပါတီများ၏ တင်ပြချက်ကြောင့် စည်ပင်က လျှော့ချပေးလိုက်သော အခွန် နှုန်းထားဖြစ်ကာ မူလက တနှစ်စာ ဆိုင်းဘုတ်ထူထောင်ခွန်အဖြစ် တပေပတ်လည်လျှင် ကျပ် ၁၀၀၀ ပေးဆောင်ရ ကြောင်းသိရ သည်။

“ပါတီတွေက ကျနော်တို့က မဲဆွယ်ကာလလေးပဲ ဆိုင်းဘုတ်ထောင်မှာပါဆိုပြီး တင်ပြမှ တပေပတ်လည် ကျပ် ၁၀၀ ဆိုပြီး ပြောင်း သတ်မှတ်ပေးတာ။ အဲဒီ ကျပ် ၁၀၀ ဆိုတာကလည်း ကျနော်တို့လို အရပ်သားပါတီတွေ အတွက် များတဲ့ ပမာဏာပါပဲ။ ဒါကြောင့် ကျနော်တို့က ကိုယ်ရေးအကျဉ်းစာရွက်တွေကိုပဲ အဓိကထား ဖြန့်ရပါတယ်။ ကျနော်ဆိုရင် တာမွေမြို့နယ်မှာ တဘုတ်ပဲ ထောင်နိုင် ပါမယ်"ဟု ဦးသိန်းတင်အောင်က ပြောသည်။

ဦးအောင်ကြည်၏ ပြိုင်ဘက်တဦးဖြစ်သော ဒီမိုကတစ်ပါတီ ဥက္ကဌ ဦးသုဝေ သည်လည်း မဲဆွယ်ဆိုင်းဘုတ်ထောင်ရန် ငွေကြေး မတတ်နိုင်သဖြင့် ၄င်း၏ ကိုယ်ရေးအကျဉ်းနှင့် ပါတီမူဝါဒ သဘောထားတချို့ပါဝင်သော လက်ကမ်းစာစောင်များကို ဖြန့်ဝေနေရ သည်။

“ကျနော် အခုလည်း တောင်ဥက္ကလာမှာ ကျနော်တို့ ပါတီရဲ့ မူဝါဒသဘောထားတွေ ၊ ကျနော်တို့ရဲ့ ကိုယ်ရေးအကျဉ်းတွေကို ကျနော်တို့ ပါတီဆိုင်းဘုတ် တင်ထားတဲ့ကားနဲ့ လိုက်ဝေတယ်။ ပါတီစာစောင်တွေကို ရောင်းတယ်။ ဒါတွေပဲ ကျနော်တို့ လုပ်နိုင်ပါ သေးတယ်"ဟု ဦးသုဝေက ပြောသည်။

ကြံ့ဖွံ့ပါတီနှင့် တခြားပါတီများအကြား ငွေကြေးသုံးစွဲနိုင်မှု ကွာဟချက် ကြီးမားစွာရှိနေရာ ရွေးကောက်ပွဲဝင်မည့် ပါတီများအနေဖြင့် ရသုံး ငွေကြေးနှင့်စပ်လျဉ်း၍ ပြည်သူလူထုကို ထုတ်ဖော်အသိပေးသင့်ကြောင်း ရခိုင်တိုင်းရင်းသားများ တိုးတက်ရေးပါတီ(RNDP)က အောက်တိုဘာ ၁၇ ရက်တွင် ကြေညာချက် ထုတ်ခဲ့သည်။

RNDPဥက္ကဌဒေါက်တာအေးမောင်က အကြီးဆုံးပါတီဖြစ်သော ကြံ့ဖွံ့ပါတီသည် အစိုးရဖွဲ့ခဲ့သော အသင်းမှ ပါတီအဖြစ်ပြောင်းလဲခဲ့သဖြင့်ပိုအရေးကြီးကြောင်း ၊ရခိုင်ပြည်နယ်အတွင်း နိုင်ငံပိုင် အဆောက်အအုံများအား ပါတီရုံးခန်းအဖြစ် အသုံးပြုနေမှုများကို ထောက်ပြကာ မီဒီယာများသို့ ကြေညာချက်ထုတ်သည့်နေ့တွင်ပင် ပြောဆိုခဲ့သည်။

ကြံ့ဖွံ့ပါတီသည် စစ်အစိုးရကျောထောက် နောက်ခံပြုကာ ၁၉၉၃ တွင် လူမှုရေး အဖွဲ့အစည်းအဖြစ် အမည်ခံဖွဲ့စည်းခဲ့သော ကြံ့ဖွံ့ အသင်းမှ အသွင်ပြောင်းလာသော ပါတီဖြစ်သည်။

ကြံ့ဖွံ့အသင်းအဖြစ် ရပ်တည်စဉ်က ၂၀၀၃ ခုနှစ်အတွင်း ဒေါ်အောင်ဆန်းစုကြည်နှင့် ထောက်ခံသူများကို ဒီပဲယင်းတွင် အကြမ်း ဖက် နှိမ်နှင်းမှုများ ပြုလုပ်ခဲ့ပြီး ၂၀၀၇ ခုနှစ်အတွင်း ကုန်ဈေးနှုန်းကျဆင်းရေးနှင့် လောင်စာဆီဈေး ကျဆင်းရေး ဆန္ဒပြသူများကို အကြမ်းဖက် နှိမ်နင်းရာတွင်လည်း ကြံ့ဖွံ့အသင်းဝင်များ ပါဝင်ခဲ့သည်။

ရွေးကောက်ပွဲ ကျင်းပရန် ၁၈ ရက်သာ လိုတော့ချိန်တွင် ကြံ့ဖွံ့ပါတီနှင့် ပြိုင်ဆိုင်ခွင့် မညီမမျှမှုများကြောင့် ပြိုင်ဘက်ပါတီများ၏ ဝေဖန်သံများ ပေါ်ထွက်သော်လည်း မဲပေးမည့် လူထုကမူ စိတ်ဝင်စားမှု အားနည်းနေသေးကြောင်း ပြည်တွင်းဂျာနယ် အယ်ဒီတာ တဦးက ပြောသည်။

“ပါတီတွေ ဆိုင်းဘုတ်တွေ ထောင်တာ ၊ လက်ကမ်းစာစောင် ဝေတာတွေ တွေ့နေရတာပဲ။ ဒါပေမယ့် လူထုကတော့ သိပ် စိတ်ဝင် စား တာ မတွေ့ရပါဘူး။ ပါတီလှုပ်ရှားမှုတွေ သတင်းတင်ရတာလည်း အီလာပြီ။ ဒီတပတ်ဂျာနယ် မျက်နှာဖုံးအတွက် လူထု စိတ် ၀င်စားမယ့် သတင်း ဘာတင်ရမှန်းကို မသိသေးဘူး ဖြစ်နေတယ်"ဟု ၄င်းက ဆိုသည်။

စစ်အစိုးရ ကျောထောက်နောက်ခံပြု ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်းမှ ပါတီ အသွင်ပြောင်းလာသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့ပါတီ)၏ မဲဆွယ်ဆိုင်းဘုတ်များအပေါ် ပြိုင်ဘက်ပါတီများနှင့် ဒေသခံများက ဝေဖန်နေကြသည်။

RNDP ဥက္ကဌ ဒေါက်တာအေးမောင်က အကြီးဆုံးပါတီဖြစ်သော ကြံ့ဖွံ့ပါတီသည် အစိုးရဖွဲ့ခဲ့သော အသင်းမှ ပါတီအဖြစ် ပြောင်းလဲ ခဲ့သဖြင့် ပိုအရေးကြီးကြောင်း ၊ ရခိုင်ပြည်နယ်အတွင်း နိုင်ငံပိုင် အဆောက်အအုံများအား ပါတီရုံးခန်းအဖြစ် အသုံးပြုနေမှုများကို ထောက်ပြကာ မီဒီယာများသို့ ကြေညာချက်ထုတ်သည့်နေ့တွင်ပင် ပြောဆိုခဲ့သည်။