ရခိုင်တိုင်းရင်းသားများတိုးတက်ရေးပါတီ

ခိုင်စု

ကြာသပတေးနေ့၊ဇွန်လ၀၃ရက်၂၀၁၀ခုနှစ်၂၀နာရီ၁၇မိနစ် .

ရခိုင်တိုင်းရင်းသားများ တိုးတက်ရေးပါတီ

(Rakhine Nationals Progressive Party)

ရခိုင်တိုင်းရင်းသားများတိုးတက်ရေးပါတီကို ဥက္ကဋ္ဌ ဒေါက်တာအေးမောင် ဦးဆောင်၍ မေလ ၄ ရက်နေ့က နေပြည်တော် ရွေးကောက်ပွဲ ကော်မရှင်သို့ ပါတီတည်ထောင်ခွင့် စတင်လျှောက်ထားခဲ့သည်။ ပါတီ မှတ်ပုံတင်ခွင့်ပြုချက်ကို ယခုလ ၁ ရက်နေ့တွင် မှတ်ပုံတင်အမှတ် ၂၈ ဖြင့် ရရှိထားသည်။

ပါတီတွင် ဥက္ကဋ္ဌ တဦး၊ ဒု ဥက္ကဋ္ဌ ၄ ဦး (ဦးအုန်းတင်၊ ဦးတင်ဝင်း၊ ဦးစောဖြူ၊ ဦးအောင်ဘန်းသာ)၊ အထွေထွေ အတွင်းရေးမှူးဦးဦးလှစော၊တွဲဘက်အတွင်းရေးမှူး၎ဦး(ဦးထွန်းအောင်ကျော်၊ဦးခင်မောင်လတ်၊ ဦသာထွန်းလှ၊ ခိုင်ပြည်စိုးတို့ အပါအဝင် ဗဟိုအလုပ်အမှုဆောင် ၁၈ ဦးဖြင့် ဖွဲ့စည်းထားသည်။

ပါတီရုံးချုပ်ကို ရခိုင်ပြည်နယ် စစ်တွေမြို့တွင် ထားရှိကာ တနိုင်ငံလုံး အတိုင်းအတာအားဖြင့် ဝင်ပြိုင်ရန် ရည်ရွယ်သော်လည်း ရခိုင်လူမျိုး အများစုရှိသော ရခိုင်ပြည်နယ်နှင့် ရန်ကုန်တိုင်းတို့တွင် အဓိကထား ယှဉ်ပြိုင်မည်ဖြစ်သည်။

ပါတီဥက္ကဋ္ဌ ဒေါက်တာအေးမောင်မှာ ရသေ့တောင်မြို့နယ် ဇာတိဖြစ်ပြီး တရိစ္ဆာန်ဆေးကု ဆရာဝန်ဖြစ်ကာ စစ်တွေမြို့တွင် နေထိုင်လျက်ရှိသည်။

မဇ္ဈိမက ၎င်းနှင့် ဆက်သွယ်၍ ပါတီမူဝါဒများကို မေးမြန်းထားသည်။

ပါတီဖွဲ့ပြီး ရွေးကောက်ပွဲဝင်ဖြစ်သည့် ရည်ရွယ်ချက်

“အခုကနိုင်ငံရေးအတွက်တံခါးပေါက်လေးတခုဖြစ်လာတာပေါ့နော်။အဲဒီတော့ ကျောင်းတုန်းက နိုင်ငံရေးကို စိတ်ဝင်စားတဲ့သူတွေ၊ သဘောထားတူတွေ စုစည်းပြီး ဝင်ပြိုင်ဖို့ ဖြစ်သွားတာပါ။ ကျနော်တို့ပါတီမှာ ၈၈ တုန်းကလှုပ်ရှားခဲ့တဲ့ရခိုင်ကျောင်းသားတွေ၊ရခိုင်ဒီမိုကရေစီအဖွဲ့ချုပ်ALDကပါတီဝင်အချို့နဲ့ ရခိုင်တပ်ပေါင်းစုက အချို့ပါတယ်။ တံခါးပေါက်လေးတခု ဖြစ်လာတော့ မေလအစမှာပဲ ရန်ကုန်မှာရှိတဲ့၊ ရခိုင်တွေနဲ့ စစ်တွေမှာရှိတဲ့ နိုင်ငံရေးကို ဝါသနာပါတဲ့ သူတွေ ဆွေးနွေးတိုင်ပင်ပြီးမှ ဖြစ်လာတာပါ”

“ဖွင့်ပေးတဲ့တံခါးပေါက်လေးကနေနိုင်ငံရေးပလက်ဖောင်းတခုရအောင်လုပ်မယ်။ကိုယ့်ဒေသဖွံ့ဖြိုးတိုးတက်ရေးကို လုပ်မယ်ဆိုတဲ့ ရည်ရွယ်ချက်နဲ့ပါ”

ပါတီမူဝါဒ အကျဉ်း

“ရခိုင်ပြည်နယ်အပါအဝင် တနိုင်ငံလုံး ဖွံ့ဖြိုးတိုးတက်ရေး၊ ဒီမိုကရေစီအရေး၊ တိုင်းရင်းသား လူမျိုးအားလုံး တန်းတူရေး ဆောင်ရွက်သွားဖို့ မူဝါဒချထားပါတယ်”

၂ဝဝ၈ အခြေခံ ဥပဒေအပေါ် သဘောထား

“၂ဝဝ၈ ဖွဲ့စည်းပုံ ဥပဒေကတော့ ပြီးသွားပြီပေါ့နော်၊ ဖွဲ့စည်းပုံနဲ့ပတ်သက်ပြီး ပြင်လို့ မရတဲ့ ဖွဲ့စည်းပုံဆိုတာ မရှိဘူးလို့ ကျနော်တို့ မြင်တယ်။ တချိန်ချိန်မှာပေါ့ ကာလ ရှည်ချင်ရှည်မယ်၊ တိုချင်တိုမယ်။ ဖွဲ့စည်းပုံမှာ ပေးထားတဲ့ အခန်း ၁၂ မှာပါတယ်။ ဘောင်ထဲကနေ တဖြည်းဖြည်း ပြုပြင်သွားနိုင်မယ်လို့ ယုံကြည်တယ်”

စစ်တပ်က လွှတ်တော်နေရာများတွင် ၂၅ ရာခိုင်နှုန်း ရယူထားသည့်အပေါ် အမြင်

“သူတို့ရေးတဲ့ ဖွဲ့စည်းပုံအရ သူတို့ ယူထားတာကိုတော့ ဘာပြောနိုင်မှာလဲ”

လက်ရှိပါတီ လှုပ်ရှားမှု အခြေအနေ

“ကျနော်တို့ပါတီမှာလက်ရှိဗဟိုအလုပ်အမှုဆောင်CECအဖွဲ့ဝင်၁၈ဦးရှိပါတယ်။ ဗဟိုကော်မတီ CC ကိုတော့ ၄၅ ဦးထိ ထားဖို့ လျာထားတယ်။ ပါတီဝင်တွေ မစည်းရုံးသေးဘူး။CEC၁၈ ဦးပဲ ရှိသေးတယ်။ ဒီလ ၁၁ ရက်နေ့ကျမှ စစ်တွေမှာ ပါတီဆိုင်းဘုတ် တင်မယ်။ ပါတီဝင်လျှောက်လွှာတွေလည်း ရိုက်ပြီးပါပြီ။ မကြခင်ရက်ပိုင်းမှာပဲ စည်းရုံးရေးတွေ လုပ်သွားမှာပါ”

ရွေးကောက်ပွဲ ယှဉ်ပြိုင်မည့် အတိုင်းအတာ

“တနိုင်ငံလုံး အတိုင်းအတာထိ ဝင်ပြိုင်ဖို့ လျာထားတယ်။ ဒါပေမဲ့ ရခိုင်ပြည်နယ်တခုလုံးနဲ့ ရန်ကုန်တိုင်းကိုပဲ အဓိက ထားတယ်”

လွှတ်တော်နှင့် အမတ်လောင်း လျာထားမှု

“လွှတ်တော်၃ရပ်မှာဝင်ပြိုင်ဖို့ရှိပါတယ်။ရခိုင်ပြည်နယ်ပြည်နယ်လွှတ်တော်အတွက်မြို့နယ်ပေါင်း၁၇ မြို့နယ်မှာ၂ယောက်နှုန်းနဲ့ ၃၄ယောက်၊အမျိုးသားလွှတ်တော်အတွက်၁၂ ဦး၊ ပြည်သူ့လွှတ်တော်အတွက် ၁၇ ဦး လျာထားတယ်။ ရန်ကုန်မှာလည်း ခွင့်ပြုချက်ရတဲ့ အရေအတွက်ပေါ်မှာ မူတည်ပြီး ဝင်ပြိုင်သွားမှာပါ။ ဘယ်သူတွေ ဘယ်မြို့နယ်ကနေပြီး ပြိုင်မယ်ဆိုတာ တလအတွင်းမှာ ဆွေးနွေးဆုံးဖြတ်သွားမှာပါ”

ရန်ပုံငွေအခြေအနေ

“ကျနော်တို့မှာငွေကြေးအခက်အခဲတော့ ရှိတာပေါ့။ အမတ်လောင်းတွေကလည်း သူတို့တတ်နိုင်သလောက် စိုက်ထုတ်မှာပါ။ ပါတီဝင်တွေဆီကလည်း ကျပ် ၅ဝဝ နှုန်းနဲ့ သတ်မှတ်ကောက်ခံသွားမှာပါ။ ပြီးတော့ ကျနော်တို့က အမျိူးသားရေးပါတီဆိုတော့ ကျနော်တို့ကို ထောက်ခံတဲ့ လူတွေဆီက အလှူငွေတွေ လက်ခံသွားမှာပါ”

လွှတ်တော်အတွင်း အဓိကထား ပြုပြင်ပြောင်းလဲမည့် ကိစ္စများ

“ကျနော်တို့ကဒေသဖွံ့ဖြိုးရေးကိုတောင်ဆိုမယ်။မူဝါဒချမှတ်ပြီးမှလုပ်ဆောင်သွားမယ်။နိုင်ငံရေး၊စီးပွားရေး၊ လူမှုရေးတွေကိုပေါ့။ အသေးစိတ်ကိုတော့ ပါတီညီလာခံကျကာမှ ချမှတ်သွားမယ်”

ရခိုင်ပြည်နယ် သယံဇာတများနှင့် နိုင်ငံခြား ရင်းနှီးမြှုပ်နှံရေးကိစ္စအပေါ် သဘောထား

“ကိုယ့်ဒေသဖွံဖြိုးတိုးတက်စေမယ့်လုပ်ငန်းမျိုး၊ရင်းနှီးမြှုပ်နှံရေးကိုတော့ကြိုဆိုပါတယ်။အခုဆိုရင် ဒေသခံတွေကအလုပ်အကိုင်ရှားပါးလို့ပြည်ပထွက်ပြီးလုပ်ကိုင်နေကြတာအများကြီးပဲလေ။ အလုပ်အကိုင်တွေ ဖြစ်ပေါ်လာမယ့် နိုင်ငံခြားရင်းနှီးမြှုပ်နှံမှုကို ကြိုဆိုပါတယ်”

ရခိုင်ပြည်နယ် ဖွံ့ဖြိုးတိုးတက်ရေးအတွက် အဓိကထားမည့် ကဏ္ဍ

“နံပါတ်(၁)ကတော့ကျေးလက်ဒေသဆိုရင်လယ်ယာစိုက်ပျိုရေးကအဓိကကျပါတယ်။အဲဒါတွေ ဖွံ့ဖြိုးတိုးတက်ဖို့ နည်းပညာတွေလိုမယ်။မျိုးကောင်းမျိုးသန့်တွေရအောင်လုပ်ပေးရမယ်။သူတို့အတွက် ရင်းနှီးငွေတွေအတိုးနည်းနည်းနဲ့စိုက်ထုတ်ပေးတာမျိုးတွေလိုအပ်တယ်။ထွက်လာတဲ့ ကောက်ပဲသီးနှံတွေကိုလည်းနိုင်ငံခြားဈေးကွက်ရရှိအောင်ဖန်တီးပေးရမယ်။နံပါတ်(၂)ကတော့ လျှပ်စစ်စွမ်းအားရရှိအောင်လုပ်ရမယ်။ပြည်နယ်တွင်းမှာလျှပ်စစ်ဓာတ်အားလုံလောက်စွာရရှိမှ စက်ရုံအလုပ်ရုံတွေ ဖြစ်လာပြီး အလုပ်အကိုင် အခွင့်အလမ်းတွေ ပေါလာမယ်”

ရခိုင်ပြည်နယ်ပညာရေးအခြေအနေ

“လက်ရှိရခိုင်ပြည်နယ်မှာပညာရေးကတော်တော်လေးကိုနိမ့်ကျနေတယ်။ကျောင်းတွေကအစ။ အခြေခံပညာသင်နိုင်တဲ့ ကလေးတွေတောင် တော်တော်နည်းပါတယ်။မူလတန်းအရွယ်ကလေးတွေဟာ လက်ဖက်ရည်ဆိုင်တွေမှာ စားပွဲထိုးဖြစ်နေတာတွေအများကြီးပါ။အခြေခံပညာရေးကို(မူလတန်း)အခမဲ့ ပညာရေးဖြစ်အောင် လုပ်ပေးရမယ်။ အခုဆိုရင် ကျောင်းနဲ့ ဆရာ ဆရာမတွေလောက်ပဲ အစိုးရက ပေးနိုင်တယ်။ ကျန်တာက အစိုးရမဟုတ်တဲ့ အဖွဲ့အစည်း NGO တွေက လုပ်ပေးနေတာ။ NGOအဖွဲ့တွေ ဖွံ့ဖြိုးအောင် လုပ်ရမယ်။ အစိုးရက မလုပ်နိုင်တာ သူတို့ လုပ်နိုင်အောင်ပေါ့။ အခုဆိုရင် ကုလသမဂ္ဂ ကလေးသူငယ်များအရေးပေါ်ရန်ပုံငွေအဖွဲ့UNICEFကမူလတန်းကလေးတွေကို ကျောင်းအပ်ပေးနေရတယ်။ တခြား UN အဖွဲ့တွေကလည်း ကျောင်းတွေတောင် ဆောက်ပေးနေရတယ်”

ရခိုင်ပြည်နယ်ရှိ ရိုဟင်ဂျာများအရေး

“ရိုဟင်ဂျာလို့ အများကခေါ်တဲ့ ဘင်္ဂလီတွေ ရေကြောင်းဒေသတွေကနေ ရခိုင်ကို ရောက်လာကြပြီ။ အခုက ဒီမှာ ပေါက်ပွားနှုန်း မြင့်မားနေကြတာကိုး။ ဒါကို ငြိမ်းငြိမ်းချမ်းချမ်းနဲ့ ဖြေရှင်းရမယ့် အရေးကြီးတဲ့ ကိစ္စတခုလို့ မြင်တယ်။ တဦးတယောက်တည်း ခေါင်းနဲ့ ဖြေရှင်းလို့ မရဘူးလေ။ ပါတီရဲ့ မူဝါဒ သီးသန့် ချပြီးကာမှ ညှိညှိနှိုင်းနှိုင်း ဖြေရှင်းရမယ့် ကိစ္စဖြစ်တယ်”

ဒေါက်တာ အေးမောင်၏ ကိုယ်ရေးအကျဉ်း

ဒေါက်တာအေးမောင်ကိုကုန်သည်မိဘ၂ပါးဖြစ်သောဦးမောင်လှစိန်နှင့်ဒေါ်သွင်ညိုဖြူတို့မှ၁၉၅၇ ခုနှစ် နိုဝင်ဘာလ ၁ ရက်နေ့တွင် ရသေ့တောင်မြို့နယ် အောင်ဆိပ်ကျေးရွာတွင် မွေးဖွားခဲ့သည်။ မွေးချင်း ၃ ဦးအနက် အကြီးဆုံးဖြစ်သည်။အခြခံပညာကိုရသေ့တောင်မြို့နယ်နှင့်စစ်တွေမြို့ရှိအထက(၅)နှင့် အထက (၂)တို့တွင်သင်ကြားခဲ့သည်။၁၉၇၅ခုနှစ်တွင်စစ်တွေအထက(၂)မှဂုဏ်ထူး၃ဘာသာဖြင့်၁ဝ တန်းအောင်သည်။ ရန်ကုန် အင်းစိန်ရှိ တရိစ္ဆာန်မွေးမြူရေးနှင့် ဆေးကုသရေး တက္ကသိုလ်မှ ၁၉၈၁ ခုနှစ်တွင် ဘွဲ့ရရှိခဲ့သည်။ ၁၉၈၁ ခုနှစ်မှစ၍ ၁၉၈၄ ခုနှစ်အထိမွေးမြူရေးလုပ်ငန်းကော်ပိုရေးရှင်းတွင် လုပ်ကိုင်ခဲ့သည်။၁၉၈၄ ခုနှစ်မှစတင်၍တရိစ္ဆာန်မွေးမြူရေးနှင့်ကုသရေးဦးစီးဌာနတွင် တာဝန်ထမ်းဆောင်ခဲ့သည်။

၂ဝဝ၉ ခုနှစ်တွင်ဆေးပင်စင်ဖြင့်အငြိမ်းစားယူခဲ့ပြီး၂ဝ၁ဝတွင်နိုင်ငံရေးလောကသို့ဝင်ရောက်လာခြင်း ဖြစ်သည်။၁၉၈၆ခုနှစ်တွင်ဒေါ်မြမြသက်(လက်ရှိ အငြိမ်းစား ကျောင်းဆရာမ)နှင့် အိမ်ထောင်ကျပြီးသား၂ ဦး ထွန်းကားသည်။

ရခိုင်တိုင်းရင်းသားများ စာပေနှင့်ယဉ်ကျေးမှု(တက္ကသိုလ်များ၊ ရန်ကုန်)အဖွဲ့တွင် ဗဟို အလုပ်အမှုဆောင်ဝင် ဖြစ်ခဲ့သည်။၁၉၈၁ခုနှစ်တွင်တည်ထောင်ခဲ့သောရခိုင်မောင်မယ်တံမြက်စည်းလှည်းအသင်း၏ ကနဦးတည်ထောင်သူထဲတွင် တဦးအဖြစ် ပါဝင်ခဲ့သည်။