ဖနိဒါ အင်္ဂါနေ့၊ဇွန်လ၁၅ရက်၂၀၁၀ခုနှစ်၂၀နာရီ၃၁မိနစ် .
မွန်ဒေသလုံးဆိုင်ရာ ဒီမိုကရေစီပါတီ
(All Mon Regions Democracy Party)
ချင်းမိုင် (မဇ္ဈိမ)။ ။ စစ်အစိုးရက ကျင်းပပေးမည့် ယခုနှစ် ရွေးကောက်ပွဲတွင် ဝင်ရောက်ယှဉ်ပြိုင်ရန်အတွက် မွန်ဒေသလုံးဆိုင်ရာ ဒီမိုကရေစီပါတီကို ယခုနှစ် ဧပြီလ ၇ ရက်နေ့တွင် မွန်အမျိုးသား အများစု ပါဝင်သည့် ၁၅ ဦးဖြင့် ဖွဲ့စည်းခဲ့ကြသည်။
ပြည်ထောင်စု ရွေးကောက်ပွဲ ကော်မရှင်က မေလ ၂၄ ရက်နေ့တွင် ပါတီမှတ်ပုံတင်ခွင့် အမှတ် ၅၁ ဖြင့် ခွင့်ပြုခဲ့သည်။
ယင်းပါတီ၏ မူဝါဒရေးရာများကို ပါတီခေါင်းဆောင်ဖြစ်သူ နိုင်ငွေသိန်းကို ဆက်သွယ်မေးမြန်းထားပါသည်။
အသက်၇၁နှစ်အရွယ်နိုင်ငွေသိန်း(ကရင်ပြည်နယ်ထုံးအိုင်ကျေးရွာဇာတိ)သည်မွန်ပြည်နယ်မှာ လက်ထောက် ပညာရေးမှူး၊ ပဲခူးတိုင်းမှာ တိုင်းပညာရေးမှူး၊ ကချင်ပြည်နယ် ပညာရေးမှူး၊ အထက်ဗမာပြည် ညွန်ကြားရေးမှူး (စီမံ) ဖြင့် အငြိမ်းစား ဖြစ်သည်။
ပါတီအဖွဲ့ဝင်များ
နိုင်ငွေသိန်းအပါအဝင်ဒေါက်တာနိုင်လှအောင်(တိကုမွေးဆရာဝန်)၊အစိုးရဘက်မှဝန်ထမ်းများဖြစ်သော ပညာရေး၊ ကျန်းမာရေး၊ ဥပဒေ စသည့် မွန်အမျိုးသား ၁၅ ဦး ပါဝင်သည်။
ပါတီအဖွဲ့ဝင်တွေက ဘယ်လိုလူမျိုးတွေလဲ။
“အဖွဲ့ခေါင်းဆောင်ကကျနော်နိုင်ငွေသိန်း၊ဒုအဖွဲ့ခေါင်းဆောင်ကတိမွေးကုကဒေါက်တာနိုင်လှအောင်။ အများအားဖြင့် မွန်အမျိုးသားတွေ များတယ်။ ဒါပေမဲ့ နေရာစုံတယ်”
ပါတီ၏ မူဝါဒ
“ပါတီမူဝါဒကအချက်၇ချက်ရှိတယ်။အဓိကမူဝါဒ(၁)ပြည်သူတရပ်လုံး၏ဒီမိုကရေစီနှင့်လူ့အခွင့်အရေး အပြည့်အဝရရှိစေရန်၊(၂)တန်းတူရေးနှင့်ကိုယ်ပိုင်ပြဋ္ဌာန်းချက်အပေါ်အခြေခံသောခိုင်မာသည့် တိုင်းရင်းသားစည်းလုံးညီညွတ်ရေးကိုတည်ဆောက်ရန်၊(၃)စစ်မှန်သောပါတီစုံဒီမိုကရေစီနှင့် ဒီမိုကရေစီစနစ်ဖြစ်ထွန်းပေါ်ပေါက်လာစေရန်၊(၄)စစ်မှန်သောပြည်ထောင်စုပေါ်ထွန်းတည်တံ့ခိုင်မြဲရန်၊(၅) အဂတိလိုက်စားမှုနှင့်အကျင့်ပျက်ချစားများကိုတိုက်ဖျက်သွားရန်၊(၆)လူမှုဖွံ့ဖြိုးတိုးတက်ရေးကို ဆောင်ရွက်သွားရန်၊(၇)ငြိမ်းချမ်းသောကမ္ဘာ့လူနေမှုစနစ်ထွန်းကားလာရေးဆောင်ရွက်သွားရန်။ အဲဒါတွေပဲ”
စီးပွားရေးအရ ဘယ်လိုမူဝါဒတွေလဲ။
“သင့်မြတ်လျော်ညီတဲ့လွတ်လပ်သောဈေးကွက်စီးပွားရေးစနစ်ကိုတည်ထောင်သွားမည်။ နိုင်ငံခြားရင်နှီးမြှုပ်နှံမှုများကြီးထွားလာအောင်ဆောင်ရွက်မည်။ခေတ်မီနည်းပညာဖြင့် ကုန်ထုတ်လုပ်ငန်းများဖွံ့ဖြိုးတိုးတက်အောင်ဆောင်ရွက်မည်ဆိုတာကစက်မှုလုပ်ငန်းအဖြစ်ကို ရအောင် ဆောင်ရွက်မှာပေါ့။စက်မှုလုပ်ငန်းအောင်မြင်အောင် ဆောင်ရွက်မှသာလျှင် တိုးတက်အောင်လုပ်နိုင်မှာပေါ့။ အခုအားမရစရာအကြောင်း ဖြစ်နေတာပေါ့”
“အခုစီးပွားရေးကသိပ်မပြောချင်ဘူး။တကယ့်မွန်ပြည်နယ်မှာရှိနေတဲ့လူတွေကနိုင်ငံခြားကိုသွားပြီး အလုပ်လုပ်တဲ့လူတွေရှိတယ်။လယ်ယာ၊ခြံမြေကရာဘာခြံတို့ကောင်းတယ်။သို့သော်လည်းပဲ ကူးသန်းရောင်းဝယ်ရေးမကောင်းတော့။လူတွေခပ်များများတော့နိုင်ငံခြားကိုသွားလုပ်နေကြတယ်။ လွတ်လပ်သော စီးပွားရေးဈေးကွက်အတိုင်း ရအောင် တောင်းဆိုသွားမှာပါ”
ပါတီ ပြင်ဆင်မှု အခြေအနေနှင့် စည်းရုံးရေး အခြေအနေ
“ပါတီစည်းရုံးရေးကနည်းနည်းတော့ဆင်းနေပြီ။ရေး၊သံဖြူဇရပ်မြို့ပေါ်မှာလူတွေကိုခေါ်ပြီးတော့ တွေ့ကြရှင်းပြတယ်။ပါတီအကြောင်း၊ဘယ်နှယောက်ပါတဲ့အကြောင်းပါတီမူဝါဒတွေပေါ့နော်။ပါတီအင်အား၁ဝဝဝ ရှိရမယ်။ လွယ်ပါတယ် မခက်ပါဘူး”
“မော်လမြိုင်မြို့နယ်မနေ့ကမုဒုံသွားတယ်။ဟိုရွာ၊ဒီရွာက၁၂ယောက်၊၄ယောက်၊အဲဒီလိုစုပြီးတော့ ပါတီအကြောင်းတွေရှင်းပြတယ်။လူတော်တော်တက်တယ်။ဆရာတို့ကလည်းအတတ်နိုင်ဆုံး အကောင်းဆုံးဖြစ်အောင်ရှင်းပြတာပေါ့နော်။အခု ပါတီထောင်ခွင့် ရထားပြီး၊ သံဖြူဇရပ်မြို့ပေါ်တွေမှာ စည်းရုံးရေးဆင်းတယ်။မွန်ပါတီကတဖွဲ့ပဲဆိုတော့ လူတော်တော်များများ စိတ်ဝင်စားကြတယ်။ အခုလောလောဆယ်တော့ နည်းဥပဒေအရ လိုက်နာဆောင်ရွက်နေတယ်။ ပါတီရဲ့ မူဝါဒ ၇ ခုကိုလည်း ဟောပြောတယ်။ စည်းရုံးရေးဆင်းတယ်”
“အထူးရဲသတင်းတပ်ဖွဲ့တွေက သတင်းယူတဲ့လူတွေက အမြဲတမ်း လာနေတယ်။ ဆရာတို့က မွန်ဘာသာနဲ့ ပြောတယ်ဆိုတော့ သူတို့က ဘာတွေပြောလဲဆိုပြီး လာမေးတာတွေ ရှိတယ်ပေါ့နော်။ သူတို့ကို ပြန်ပြောပြလိုက်တယ်။ သူတို့ကလည်း သက်ဆိုင်ရာကို ဒီပါတီ ဘယ်နေရာမှာ ဆင်းသွားတယ်ဆိုပြီး ပြောပြရတယ်”
ပါတီ၏ အဓိက ဘယ်မြို့မှာ အခြေစိုက်မလဲ။
“မော်လမြိုင်မှာယာယီရုံးတော့ဖွင့်ထားတယ်။ဒါပေမဲ့ရုံးခွဲတွေကတော့ဝင်ပြိုင်မယ့် မြို့နယ်တိုင်းမှာ ထားမယ်။ အခုတော့ကျနော်ကခေါင်းဆောင်ပဲရှိသေးတယ်။နောက်၃ရက်လောက်ဆိုပါတီတာဝန်တွေခွဲဝေတော့မယ်။ အဲဒီအခါ ကျနော်က ဘယ်တာဝန် ယူရမယ်ဆိုတာ သိမယ်။ အခုတော့ ခေါင်းဆောင်ပဲပေါ့နော်”
ရွေးကောက်ပွဲမှာ ဘယ်လိုအတိုင်းအတာထိ ဝင်ပြိုင်မလဲ။
“အဓိကတော့မွန်တိုင်းရင်းသားများအများဆုံးနေထိုင်တဲ့မွန်ပြည်နယ်မှာမြို့နယ်၁ဝ၊ကရင်ပြည်နယ်၂ မြို့နယ်၊တနင်္သာရီတိုင်းတွင်၁မြို့နယ်၊ပဲခူးတိုင်းတွင်၁ မြို့နယ်၊ အားလုံးက ၁၅ မြို့နယ်မှာ ဝင်မယ်။ ပြည်ထောင်စုလွှတ်တော်၊ပြည်နယ်လွှတ်တော်၊အမျိုးသားလွှတ်တော်၊ တိုင်းနှင့် ပြည်နယ်လွှတ်တော် အနည်းဆုံး တမြို့နယ်မှာ အမတ် ၄ ဦး ရှိမယ်”
လက်ရှိ စီးပွားရေးကို ဘယ်လိုမြင်လဲ။
“စီးပွားရေးတခုလုံးကိုအစိုးရကချုပ်ကိုင်ထားတယ်။ဥပမာစပါးရောင်းဝယ်ရေးထားလိုက်ပါတော့ ကိုယ်ရောင်ချင်သလိုရောင်းလို့ မရဘူး။ အစရှိသဖြင့်ပေါ့နော်။ ထုတ်ကုန်တွေကို လွတ်လွတ်လပ်လပ်နဲ့ ရောင်းဝယ်ဖောက်ကားလို့ မရဘူးပေါ့နော်။အစိုးရကချုပ်ကိုင်ထားတာ ရှိတယ်။ အစိုးရနဲ့၊သူတို့ရဲ့ partaner တွေပေါ့။မြန်မာ့စီးပွားရေးအားလုံးကိုအစိုးရကချုပ်ကိုင်ထားတယ်၊သိတယ်မဟုတ်လား။ အခုအားလုံးလိုလိုကို ပုဂ္ဂလိကတွေကိုအပ်နေတယ်။ပုဂ္ဂလိကကိုအပ်မယ့်နေရာမှာတကယ်ဆိုတော့အမှန်အတိုင်းဆိုရင်ဥပဒေနဲ့ အပ်ရမယ်။အခုကတော့အပ်နေကြတာပဲ။ရန်ကုန်ဆိပ်ကမ်းဘာညာအပ်နေကြတာပဲ။နောက်ဆို ကျောင်းလည်း အပ်တော့မယ်ထင်တယ်။ဒါကတော့ကျနော်ထင်တာပေါ့နော်။ဆရာက ပညာရေးက လာတယ်ဆိုတော့ကျောင်းတွေသင်ကြားရေးနည်းစနစ်ကလည်းခေတ်မမီသေးဘူး။ခေတ်မမီသေးတဲ့ ထိုင်းနဲ့ စာရင်တောင် နောက် နှစ် ၂ဝ လောက် ဆိုရင်တောင် မီမှာမဟုတ်ဘူး”
ဘယ်လိုစီးပွားရေးမျိုး ဖြစ်ချင်လဲရှင့်။
“ချုပ်ကိုင်မှုမရှိတဲ့ကုန်သွယ်ရေးကိုပြောတာပါ၊ဗမာပြည်တပြည်လုံးပါ၊တိုင်းရင်းသားလူ့အခွင့်အရေး ဆုံးရှုံးနေတာကစီးပွားရေး၊လူမှုရေး၊နိုင်ငံရေး၊စာပေယဉ်ကျေးမှုအများကြီးပေါ့ကွာ။ စာပေယဉ်ကျေးမှုမှာတောင် တရားဝင်ဖွဲ့လို့မှ မရတာ”
၂ဝဝ၈ဖွဲ့စည်းပုံမှာတိုင်းရင်းသားတန်းတူရေးအာမခံချက်မပါဘူးလို့ပြောနေကြတယ်။ဘာ့လို့ ရွေးကောက်ပွဲဝင်ရတာလဲ။
“ရွေးကောက်ပွဲမဝင်ရင်တခြားနည်းလမ်းမရှိဘူးလေ။ရွေးကောက်ပွဲဝင်ပြီးတော့ဒါကိုပြင်ပေးပါ၊ ဒါကိုလွှဲပေးပါ၊ ဒါကိုလာလုပ်ပေးပါဆိုတာတွေပြောခွင့်ရှိတာပေါ့။အမျိုးသားဒီမိုကရေစီအဖွဲ့ချုပ်NLDရွေးကောက်ပွဲမဝင်ဘူး၊ မွန်ပြည်သစ်ပါတီကလည်းပြည်သူ့စစ်လက်မခံတော့မွန်အမျိုးသားတွေကအစည်းအဝေးကိုခေါ်ပြီးတော့ လုပ်ကြတာ။ အစည်းအဝေးကနေ ခေါင်းဆောင်လုပ်ပေးပါဆိုတော့ ဝင်လုပ်လိုက်တာပဲ”
၂ဝဝ၈ ဖွဲ့စည်းပုံအပေါ် အမြင်
“ဖက်ဒရယ်ဝါဒကို နိုင်ငံတော်က ပယ်လည်း မပယ်ချဘူး။ အသိအမှတ်လည်း မပြုဘူးလေ။ သို့သော်လည်းပဲ အခြေခံ ဥပဒေ ထွက်လာတော့လည်း ဒါတွေ မပါဘူးလေ။ ဒီဖယ်ဒရယ်ဝါဒကို အစိုးရက လက်မခံဘူးလေ”
မွန်ပြည်သစ်ပါတီအပေါ် အမြင်
“အကြမ်းဖျင်းသိထားတာက အစိုးရရဲ့ ကမ်းလှမ်းတာကို သူတို့က လက်မခံဘူးလေ။ ပြန်ထွက်ကြတယ်လေ။ လက်နက်ကိုင်အဖွဲ့ရဲ့ရပ်တည်ချက်၊သူတို့standကိုမဝေဖန်ချင်ဘူး။သုံးသပ်လို့လည်းမရဘူး။သူတို့ကလည်း ဒီလိုလုပ်သင့်တယ်ထင်ပြီးလုပ်နေတာပဲလေ။အန်ကယ်တို့အနေနဲ့ကတော့လက်ခံရေး၊ လက်မခံရေးဆိုတာကအမျိုးသားရေးအခန်းကဏ္ဍနဲ့ပတ်သက်ပြီးပေးရမယ်ဆိုရင်တော့ခုနပြောတဲ့ တန်းတူရေး၊စစ်မှန်တဲ့နည်းနဲ့သွားမှာပါ။သူတို့လည်းဒီရည်ရွယ်ချက်ရှိမယ်လေ။သို့သော် လက်နက်မအပ်နိုင်တဲ့ သဘောမျိုး ဖြစ်တာပေါ့”
ယခုရွေးကောက်ပွဲ ရလဒ်အပေါ် အမြင်
“စစ်မှန်သည်ဖြစ်စေ၊မစစ်မှန်ဖြစ်စေ၊လူတွေခန့်မှန်းပြီးပြောနေကြတာလေ။ဆရာတို့ကတော့ ဘာပဲဖြစ်နေဖြစ်နေ၊ ဝင်ပြိုင်မှာပဲ။ ဆရာတို့က ရိုးရိုးသားသား၊ အေးအေးဆေးဆေးပဲ ဝင်ပြိုင်မယ်”
အမျိုးသားဒီမိုကရေစီအဖွဲ့ချုပ် ရပ်တည်ချက်အပေါ် အမြင်
“သူတို့ ရပ်တည်ချက်နဲ့ သူတို့ လုပ်နေတာ။ သူ့အခြေအနေနဲ့ နေတာ ဆရာတို့က မဝေဖန်ချင်ဘူး”
ရွေးကောက်ပွဲတွင် အနိုင် ရမရ
“အခုလောလောဆယ်တော့ မွန်တွေ စုစည်းတဲ့ နေရာတွေမှာဆိုရင် အနိုင်ရဖို့ အနေအထား ရှိတာပေါ့။ နိုင်မယ်လို့ မျှော်လင့်တာပေါ့နော်။ အမတ်ဖြစ်ရင်တော့ ဖြစ်မယ်။ အာဏာတော့ မရနိုင်ဘူး”
မွန်ပြည်သစ်ပါတီကနုတ်ထွက်သွားတဲ့ခေါင်းဆောင်၃ဦးကဆရာတို့ပါတီထဲဝင်ဖို့ပြောဆိုလာတာ ရှိလား။
“နုတ်ထွက်သွားတဲ့လူတွေကိုအန်ကယ်တို့စည်းမျဉ်း၊မူဝါဒတွေကိုတသွေမတိမ်းလိုက်နာမယ်ဆိုရင် ဘယ်သူမဆိုပါနိုင်ပါတယ်။ဒါပေမဲ့နိုင်ချမ်းသွဲ့ကတော့အန်ကယ်တို့နဲ့မတွေ့ဆုံရသေးဘူး။ သူဝင်လာမယ်ဆိုရင်တော့လက်ခံရမှာပေါ့။သူ့ပါတီကနေထွက်ပြီဆိုရင်ပေါ့နော်။သူတို့ကလည်း ပါတီဝင်မယ်ဆိုပြီး ချဉ်းကပ်တာ မရှိဘူး”
Geen opmerkingen:
Een reactie posten