မျိုးချစ်သူ / ၀၇ ဇွန် ၂၀၁၀
ကမ်းလွန်သဘာဝ ဓာတ်ငွေ့ပိုက်လိုင်း ထပ်မံပေါက်သွားသည့်အတွက် ရန်ကုန်မြို့တွင် လျှပ်စစ်ဓာတ်အား ဖြန့်ဖြူးမှုသည် ပုံမှန်ထက် လျော့ကျမည်ဟု ရန်ကုန်မြို့တော် လျှပ်စစ်ပေးရေးအဖွဲ့၏ တာဝန်ရှိသူက ပြောသည်။
၎င်းက “မေလ ဒုတိယပတ်ကလည်း တခါ ပိုက်ပေါက်သွားတယ်။ အဲဒီမှာ မီးတွေ ပုံမှန်ပေးနေတာ မပေးနိုင်ဖြစ်သွားတယ်။ အခုလည်း ပိုက်ပေါက်တာ ပြန်ပြင်နေတယ် မပြီးသေးဘူး၊ ပုံမှန်ထက် ကျမှာပဲ” ဟု ပြောသည်။
အဆိုပါပိုက်လိုင်းပေါက်မှုသည် ဇွန် (၂) ရက်တွင် ဖြစ်ပွားခဲ့ကြောင်း သိရသော်လည်း မည်သည့်ဒေသအနီး၊ မည်သည့်ကာလတွင် ပြန်လည်ပြင်ဆင်ပြီးစီးမည်ဆိုသည်ကိုမူ အဆိုပါ တာဝန်ရှိသူက ပြောဆိုခြင်း မရှိပေ။
ရန်ကုန်မြို့ခံများ အဆိုအရ မီးလာချိန် မမှန်သည့်အပြင် လာပါကလည်း မကြာခဏ ပြတ်တောက်မှုများ ဖြစ်ပေါ်နေကြောင်း သိရသည်။
“ကျနော်တို့စမ်းချောင်းဗားကရာဘုန်းကြီးကျောင်းတိုက်အနီးက နေရာတွေကို ဥပမာထားပြောရရင် မနက် (၁၁)နာရီကနေညနေ(၅)နာရီထိလာတယ်လို့ယူဆရတဲ့ရက်တွေမှာမီးကကြားမှာ (၄) ခါလောက်ပြတ်တယ်။ လျှပ်စစ်က အရင် ထုတ်ပြန်ထားတဲ့ စာရင်းရှိတယ်လေ။ နံနက်(၁၁)နာရီမှ ညနေ (၅)နာရီထိ တအုပ်စု ဆိုရမှာပေါ့” ဟု စမ်းချောင်းမြို့နယ် နေသူတဦးက ပြောသည်။
ပြီးခဲ့သည့် မေ (၁၂)ရက်၌ ပေါက်သွားခဲ့သည့် ပိုက်လိုင်းနေရာမှာ ရေးမြို့၊ နောင်ပိုရွာအနီးတွင်ဖြစ်ကြောင်း၊ ပိုက်ပေါက်သည်မှာ မသမာသူများကြောင့် မဟုတ်ဘဲ ပိုက်များ ကြာမြင့်နေပြီ ဖြစ်သည့်အတွက် ဆွေးမြေ့ပေါက်ထွက်ခြင်းဖြစ်ကြောင်း ရန်ကုန်မြို့တော် လျှပ်စစ်ပေးရေးအဖွဲ့၏ တာဝန်ရှိသူက ပြောသည်။
ထို့နောက် မေ (၁၄)ရက်မှစ၍ စက်မှုဇုန်များ၊ အသေးစားစက်မှု လုပ်ငန်းများကို လျှပ်စစ်ဖြတ်တောက်ရန် လုပ်ငန်းသုံးမီတာများကို ဖြုတ်သိမ်းခဲ့ကာမေ(၂၀)တွင် ပြန်လည်တပ်ဆင်ပေးခဲ့သော်လည်း ယခုတိုင် လျှပ်စစ်မီး ပုံမှန် မရရှိသေးကြောင်း အဆိုပါတာဝန်ရှိသူက ပြောသည်။
တနင်္သာရီမှ ရန်ကုန်သို့ သွယ်ထားသော သဘာဝဓာတ်ငွေ့ပိုက်လိုင်းမှာ နှစ်စဉ်ပေါက်တတ်ကြောင်း၊ ပိုက်လိုင်းများ သံချေးတက်ကာ ဆွေးမြေ့ပေါက်ထွက်ခြင်းဖြစ်ကြောင်း၊ ထို့အတွက် ယခုအခါ ရတနာကမ်းလွန်ပြင်မှရသော ဓာတ်ငွေ့ကို (၂၄)လက်မအရွယ်ရှိ ပိုက်လိုင်းများဖြင့် သွယ်တန်းထားကြောင်း သိရသည်။
သွယ်တန်းထားသည့်ပိုက်လိုင်းအရှည်မှာ(၁၇၉)မိုင်ရှိပြီးကမ်းလွန်ပိုင်းတွင်(၉၃)မိုင်၊ကုန်းတွင်းပိုင်းအရှည် (၈၆) မိုင်ရှည်လျားကြောင်း စွမ်းအင်ဝန်ကြီးဌာန တာဝန်ရှိသူက ပြောသည်။
ယင်း ပိုက်လိုင်းသွယ်တန်းသော စီမံကိန်းကို အမှတ် (၁)စက်မှုဝန်ကြီးဌာန ၀န်ကြီး ဦးအောင်သောင်း၏သား ဦးနေအောင်ပိုင်ဆိုင်သည့်IGEကုမ္ပဏီလီမိတက်ကလုပ်ပိုင်ခွင့်ရရှိထားခြင်းဖြစ်သည်ဟု၎င်းနှင့်နီးစပ်သော စီးပွားရေးအသိုင်းအ၀ိုင်းက သိရှိရသည်။
အစိုးရက ၂၀၁၀ ပြည့်နှစ် မေလကုန်တွင် ရန်ကုန်၌ လျှပ်စစ်မီး အပြည့်ပေးမည်ဟု ပြည်သူတို့ကို ပြည်တွင်း သတင်းဂျာနယ်များမှ တရားဝင်ပြောကြားထားသော်လည်း ယခုအခါ သွယ်တန်းပြီးစီးပြီဆိုသော (၂၄) လက်မ သဘာဝဓာတ်ငွေ့ပိုက်လိုင်းမှ သဘာဝဓာတ်ငွေ့ထုတ်လွှတ်ခြင်း လုံးဝမရှိသေးကြောင်း သိရသည်။
ယင်းသို့ဓာတ်ငွေ့မပို့လွှတ်နိုင်ခြင်းသည်လုပ်ပိုင်ခွင့်ရသောIGEကုမ္ပဏီမှအရည်အသွေးပြည့်မီသော ပိုက်များကို မတပ်ဆင်သောကြောင့်ဖြစ်ကြောင်း သိရသည်။
မြန်မာနိုင်ငံတနိုင်ငံလုံးတွင် ရေအားနှင့် သဘာဝဓာတ်ငွေ့များမှထုတ်လုပ်သောလျှပ်စစ်ပမာဏမှာ(၆၆၀) မဂ္ဂ၀ပ်သာရှိပြီး ရန်ကုန်တမြို့လုံး လိုအပ်သောပမာဏမှာမဂ္ဂါဝပ်(၇၀၀) နီးပါးဖြစ်ကြောင်း သိရသည်။
ယခုရရှိသောမဂ္ဂါဝပ်(၆၆၀)မှတ၀က်ကိုရန်ကုန်တွင်သုံးစွဲနေကြောင်းလျှပ်စစ်ပေးဝေရေး၏ မှတ်တမ်းများအရ သိရသည်။
Geen opmerkingen:
Een reactie posten