14 June 2009
မြောက်ကိုရီးယား နိုင်ငံအပေါ် ကုလသမဂ္ဂ လုံခြုံရေးကောင်စီက အရေးယူမှု အသစ်တွေ ပြုလုပ်တာကို တုံ့ပြန်တဲ့အနေနဲ့ သူကလည်း နျူကလီးယား လက်နက် ထုတ်လုပ်မှုကို အရှိန်မြင့် လုပ်ဆောင်မယ်လို့ မြောက်ကိုရီးယား က ခြိမ်းခြောက် သွားပါတယ်။ မြောက်ကိုရီးယား ရဲ့ သင်္ဘောတွေကို တားဆီးဖို့ ဘယ်လိုပဲ ကြိုးစားလာရင်ဖြစ်ဖြစ် မြောက်ကိုရီးယား အစိုးရက စစ်ရေးအရ တုံ့ပြန်မယ်လို့ မြောက်ကိုရီးယား နိုင်ငံခြားရေး ၀န်ကြီးဌာနက ကြေညာချက် ထုတ်ပြန်ပြီး အစိုးရ သတင်းဌာနက ကြေညာသွားပါတယ်။
အခု တိုးမြှင့်လုပ်ဆောင်တဲ့ အရေးယူ ပိတ်ဆို့မှုအရ မြောက်ကိုရီးယား က အ၀င်အထွက် သွားလာနေတဲ့ သင်္ဘောတွေမှာ နျူကလီးယား နဲ့ ဒုံးပျံအစီအစဉ်နဲ့ ပတ်သက်တဲ့ ပစ္စည်းတွေ ပါမပါ ဆိုတာကို ကုလသမဂ္ဂ အဖွဲ့ဝင်နိုင်ငံတွေက စစ်ဆေးပိုင်ခွင့် ရှိပါတယ်။
သောကြာနေ့မှာ သဘောတူညီခဲ့ကြတဲ့ ကုလသမဂ္ဂ ရဲ့ ဆုံးဖြတ်ချက်ထဲမှာတော့ မြောက်ကိုရီးယား လက်နက်တင်ပို့မှုကို တားမြစ်ပြီးတော့ ဘဏ္ဍာရေးကိုလည်း တင်းတင်းကျပ်ကျပ် ထိန်းချုပ်လိုက်တာ ဖြစ်ပါတယ်။ ဒီအရေးယူမှုဟာ မြောက်ကိုရီးယား နိုင်ငံအပေါ် သင့်လျော်တဲ့ အရေးယူမှု လုပ်ဆောင်ဖို့ လိုအပ်တဲ့အရာ ဖြစ်တယ်လို့ အမေရိကန် နိုင်ငံ ခြားရေး ၀န်ကြီး ဟယ်လာရီ ကလင်တန် က စနေနေ့က ပြောကြားလိုက်ပါတယ်။
zondag 14 juni 2009
Abonneren op:
Reacties posten (Atom)
Geen opmerkingen:
Een reactie posten