မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

donderdag 30 juni 2011

ဒေါ်အောင်ဆန်းစုကြည်သားနှင့်အတူပုဂံသို့ဘုရားဖူးသွားမည်

လင်းသန့်Thursday,30 June 2011 17:20 .
မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်သည်မိသားစုခရီစဉ်အဖြစ်သားဖြစ်သူ ကိုထိန်လင်းနှင့်အတူမြန်မာနိုင်ငံအလယ်ပိုင်းမန္တလေးတိုင်းပုဂံဒေသသို့ဘုရားဖူး သွားရောက်မည်ဖြစ်ကြောင်း စုံစမ်းသိရှိရသည်။
ဇွန်လ၁၉ရက်နေ့ကရန်ကုန်လေဆိပ်သို့ရောက်ရှိလာသောသားငယ်ကိုထိန်လင်းနှင့်အတူတွေ့ရသည့် ဒေါ်အောင်ဆန်းစုကြည်(ဓာတ်ပုံ-AP)
ယင်းခရီးစဉ်နှင့်ပတ်သက်ပြီးဒေါ်အောင်ဆန်းစုကြည်၏လုံခြုံရေးကိစ္စများတာဝန်ယူဆောင်ရွက်နေသည့် အမျိုးသားဒီမိုကရေစီအဖွဲ့ချုပ်(NLD)ပါတီခေါင်းဆောင်တဦးဖြစ်သည်ဗိုလ်ကြီးဟောင်းဦးဝင်းထိန်ကို မေးမြန်းရာခရီးစဉ်မှန်ကန်ကြောင်းပြောဆိုအတည်ပြုသော်လည်းအသေးစိပ်ပြောဆိုရန်ငြင်းဆိုခဲ့သည်။
ဒေါ်အောင်ဆန်းစုကြည်နှင့်သားဖြစ်သူကိုထိန်လင်းတို့သည်လာမည့်ဇူလိုင်လ၄ရက်နေ့တွင်ပုဂံဒေသသို့ လေယာဉ်ဖြင့်သွားရန်စီစဉ်ထားကြောင်းသိရသည်။
ပြီးခဲ့သည့်ရက်ပိုင်းအတွင်းနေပြည်တော်အပါအ၀င်မန္တလေးမြို့နှင့်ပြင်ဦးလွင်မြို့များတွင်တချိန်တည်း ဗုံးပေါက်ကွဲမှုများဆက်တိုက်ဖြစ်ပေါ်ခဲ့ရာဒေါ်အောင်ဆန်းစုကြည်လုံခြုံရေးအတွက်စိုးရိမ်မှုများ တိုးပွားစေခဲ့သည်။
ထို့အပြင်ဒေါ်အောင်ဆန်းစုကြည်အနေဖြင့်ယခုကဲ့သို့ရန်ကုန်ပြင်ပခရီးထွက်မည့်အပေါ်အစိုးရသတင်းစာ တစောင်တွင်လုံခြုံရေးနှင့်ပတ်သက်ပြီးသတိပေးထားသည့်စကားရပ်များဖော်ပြထားသည်။ထို့အပြင် ပြည်ထဲရေးဝန်ကြီးကလည်းအကြောင်းကြားစာပို့ထားသည်များကြောင့်ဒေါ်အောင်ဆန်းစုကြည်နှင့်NLD အတွက် စိုးရိမ်ပူပန်မှုများ ရှိနေကြသည်။
ယမန်နေ့ထုတ်အစိုးရကြေးမုံသတင်းစာတွင်ဆောင်းပါးရှင်ပြည့်စုံအောင်၏“ရွေးချယ်ခွင့်က လက်ထဲမှာ”ဆောင်းပါးတွင်ဒေါ်အောင်ဆန်းစုကြည်မကြာခင်နယ်ခရီးထွက်မည်ဆိုသည့်အပေါ်“မည်သို့ ပင်ဆိုစေဒေါ်အောင်ဆန်းစုကြည်နယ်ထွက်လာလျှင်မြောက်မြားလှစွာသောယခင့်ယခင် သာဓကများနည်းတူရုတ်ရုတ်သဲသဲလှုပ်လှုပ်ရှားရှားတွေဖြစ်လာမှာကိုကျနော်တို့စိုးရိမ်မိသည်။ စိုးရိမ်လောက်စရာ အကြောင်းတွေလည်း အခိုင်အမာပင်ရှိနေသည်”ဟု ဖော်ပြထားသည်။
အစိုးရပြည်ထဲရေးဝန်ကြီးဌာန၏ဇွန်လ၂၈ရက်နေ့စွဲဖြင့်ဥက္ကဌဦးအောင်ရွှေနှင့်ဒေါ်အောင်ဆန်းစုကြည်တို့ထံ ပေးပို့လာသောစာနှင့်ပတ်သက်ပြီး(NLD)အားအင်အားသုံးဖျက်သိမ်းလာမည်ကိုအထူးစိုးရိမ်သော်လည်း ရင်ဆိုင်ရမည် ဖြစ်ကြောင်း NLD ခေါင်းဆောင်တဦး ဖြစ်သည့် ဦးဝင်းတင်က ဧရာဝတီကို ပြောသည်။
“သူတို့လုပ်ခဲ့ဖူးတဲ့ဟာတွေလည်းရှိတဲ့အခါကျတော့စိုးရိမ်တာပေါ့။သတင်းစာတို့ဘာတို့ကခြိမ်းခြောက်တယ်၊ပုတ်ခတ် တယ်ဆိုတာကကြုံနေကြဆိုတော့သိပ်မထူးလှဘူး။အခုဟာက၀န်ကြီးဌာနကိုယ်တိုင်လုပ်တာဆိုတော့ တော်တော်စိုးရ်ိမ်ပူပန်တာပေါ့”ဟု ဦးဝင်းတင်ကပြောပြသည်။
ယခုကိစ္စသည်အချိန်ကိုက်လုပ်ခြင်းဖြစ်ကြောင်း၊ဒေါ်အောင်ဆန်းစုကြည် စီစဉ်ထားသည့်မကြာခင်သွားမည့် နယ်ခရီးစဉ်နှင့်လည်းတိုက်ဆိုင်နေကြောင်း၊ဒေါ်အောင်ဆန်းစုကြည်နှင့်NLDပါတီအပါအ၀င် ဒီမိုကရေစီအရေးထောက်ခံကြသူများ၊တက်ကြွလှုပ်ရှားသူများကိုပါခြိမ်းခြောက်မှုဖြစ်ကြောင်း၎င်းက ဆက်လက်ရှင်းပြသည်။
“ဒီဖြစ်ရပ်နောက်ကွယ်မှာအခုအစိုးရထဲမှာသဘောထားတင်းမာသူနဲ့ပျော့ပြောင်းသူတွေကြားမှာအားပြိုင်နေတယ်လို့ တထစ်ချသုံးသပ်တယ်။သူတို့ဘက်ကအဖြစ်နိုင်ဆုံးလုပ်နိုင်တာတွေကပါတီခေါင်းဆောင်တွေကိုဖမ်းမယ်။နေအိမ် အကျယ်ချုပ်ချမယ်။ထောင်ချမယ်။ပါတီရုံးတွေပိတ်ပြီးပစ္စည်းတွေသိမ်းမယ်။ဒါမျိုးတွေပဲသူတို့လုပ်နိုင်တာ။ပြင်ဆင်လည်း ဘာမှထူးတာမဟုတ်ဘူး”ဟုဦးဝင်းတင်က ဆိုသည်။
NLDသည်တရားဝင်ပါတီမဟုတ်ကြောင်းနှင့်NLDလက်ရှိလုပ်ဆောင်နေမှုများသည်တရားဥပဒေနှင့် ဆန့်ကျင်နေကြောင်းပြည်ထဲရေးဝန်ကြီးဌာနပြည်ထောင်စုဝန်ကြီးဒုဗိုလ်ချုပ်ကြီးကိုကို လက်မှတ်ရေးထိုးထားသောအကြောင်းကြားစာကိုအစိုးရအရာရှိတဦးကိုယ်တိုင် လာရောက်ပေးခဲ့ခြင်းဖြစ်သည်။
ထို့ကြောင့်NLDပါတီအထွေထွေအတွင်းရေးမှူးဒေါ်အောင်ဆန်းစုကြည်လက်မှတ်ဖြင့်ဒုဗိုလ်ချုပ်ကြီးကိုကိုထံ လိပ်မူပြီးNLDသည် နိုင်ငံရေးပါတီ အဖြစ် တရားဝင်ရပ်တည် နေကြောင်းနှင့် တရားဥပဒေ စိုးမိုးရေးအတွက် ဆွေးနွေးလိုကြောင်းဇွန်လ၂၉ရက်နေ့စွဲဖြင့်အကြောင်းပြန်စာကိုသက်ဆိုင်ရာသို့NLDကလူကိုယ်တိုင် သွားရောက်ပေးပို့ခဲ့သည်။
“သို့ပါ၍အမျိုးသားဒီမိုကရေစီအဖွဲ့ချုပ်ကတူညီသောလိုလားချက်များအပေါ်အခြေခံ၍ပြည်ထဲရေးဝန်ကြီးဌာန ပြည်ထောင်စုဝန်ကြီးနှင့်တွေ့ဆုံပြီးတရားဥပဒေစိုးမိုးရေးအတွက်ညှိနှိုင်းလိုပါသဖြင့်စီစဉ်ပေးပါရန် မေတ္တာရပ်ခံပါသည်”ဟု ပြည်ထဲရေး ၀န်ကြီးထံ ပေးပို့တုံ့ပြန်သော ယမန်နေ့ကစာတွင်ဖော်ပြထားသည်။
NLDအနေဖြင့်နိုင်ငံရေးပါတီများမှတ်ပုံတင်ခြင်းဥပဒေအမှတ်-၄/၈၈အရ၁၉၈၈ခုနှစ်ကတရား င်မှတ်ပုံတင်ခဲ့ပြီးပြဌာန်းချက်များကိုလည်းချိုးဖောက်ခဲ့ခြင်းမရှိကြေင်း၊၂၀၁၀ပြည့်နှစ်မတ်လ၈ရက်နေ့ထုတ် ဥပဒေအမှန်-၂/၂၀၁၀အရလည်း ရက်ပေါင်း ၆၀အတွင်းကော်မရှင်သို့ ပြန်လည်လျှောက်ထားခြင်းမရှိသဖြင့် ဥပဒေအရပျက်ပြယ်ခြင်းမရှိကြောင်း၊ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေ(၂၀၀၈ ခုနှစ်)ပုဒ်မ-၄၄၆ အရလည်းNLDသည်တရားဝင်ခြင်းမှပယ်ဖျက်နိုင်သည့်အခွင့်အာဏာမရှိသည့်အတွက် တရားဝင်ပါတီအဖြစ် ဆက်လက်တည်ရှိနေကြောင်း၊ နေပြည်တော် တရားရုံးချုပ်၏ ပါတီအား ဖျက် သိမ်းလိုက်ခြင်းသည် တရားမ၀င်ကြောင်း NLD ၏ ကြေညာချက်တွင် ဖော်ပြထားသည်။
ထို့ကြောင့် NLD အနေနှင့် ထပ်မံ မှတ်ပုံတင်ရန်မလိုအပ်ကြောင်းလည်း ထောက်ပြထားသည်။

KIOနှင့်အစိုးရတပ်တွေ့ဆုံဆွေးနွေး

သန်းထိုက်ဦး Thursday, 30 June 2011 13:14
.အစိုးရတာဝန်ရှိသူများနှင့်ကချင်လွတ်လပ်ရေးအဖွဲ့(KIO)ခေါင်းဆောင်တချို့အပစ်အခတ်ရပ်စဲရေးနှင့် ပတ်သက်၍ယနေ့တွေ့ဆုံဆွေးနွေးရာနေ့လယ်ပိုင်းတွင်ဆွေးနွေးပွဲပြီးဆုံးကြောင်းKIOကပြောသည်။
ယင်းဆွေးနွေးပွဲ၌အစိုးရဘက်မှကချင်ပြည်နယ်နယ်စပ်ရေးရာဝန်ကြီးဗိုလ်မှူးကြီးသန်းအောင်ဦးဆောင်၍ ကချင်ပြည်နယ်အမျိုးသားလွှတ်တော်အမတ်ဦးခက်ထိန်နန်အပါအ၀င်၃ဦးလာရောက်ကြောင်း၊KIOက ဒုတိယစစ်ဦးစီးချုပ်ဗိုလ်မှူးချုပ်ဂွမ်မော်ဦးဆောင်ပြီး၆ဦးတွေ့ဆုံကြောင်းသိရသည်။
ကချင်ပြည်နယ်နယ်စပ်ရေးရာဝန်ကြီးဗိုလ်မှူးကြီးသန်းအောင်ဦးဆောင်သည့်အစိုးရကိုယ်စားလှယ်အဖွဲ့နှင့် KIOကိုယ်စားလှယ်များယနေ့ကချင်ပြည်နယ်လဂျားယံတွင်တွေ့ဆုံဆွေးနွေးနေစဉ်(ဓာတ်ပုံ-ဧရာဝတီ)
အပစ်အခတ်ရပ်စဲရေးဆွေးနွေးရာ၌KIOဘက်ကတရားဝင်အထောက်အထေားခိုင်ခိုင်မာမာပြရန် တောင်းဆိုရာတွင်အစိုးရဘက်ကအထက်ကိုတင်ပြမည်ဟုပြန်လည်ပြောဆိုကြောင်းKIOပြောသည်။
အမှန်တကယ်အပစ်ရပ်ကြောင်းအစိုးရအဖွဲ့အစည်းကတာဝန်ရှိပုဂ္ဂိုလ်သို့မဟုတ်စစ်ဘက်ဆိုင်ရာ အရာရှိတဦးကအာမခံချက်ပေးရန်မကြာသေးခင်ကပင်KIOကပြောဆိုထားသည်။
ယခုဆွေးနွေးပွဲသည်ပဏာမဆွေးနွေးပွဲအဆင့်ဖြစ်သည်ဟုဗိုလ်မှူးချုပ်ဂွမ်မော်၏ပြောကြားချက်အရ သိရသည်။မည်သည့်နေ့ရက်၌ထပ်မံဆွေးနွေးမည်ကိုမသိရသေးဘဲအစိုးရဘက်က အကြောင်းပြန်မည်ဖြစ်သည်ဟုလည်း ဆိုသည်။
ကချင်ပြည်နယ်KIOထိန်းချုပ်ဒေသလဂျားယန်နှင့်အစိုးရတပ်နယ်မြေအကြားတွေ့ဆုံ၍ အပစ်အခတ်ရပ်စဲရေးနှင့်ပတ်သက်ပြီးဆွေးနွေးခြင်းဖြစ်ကြောင်းKIOတွဲဖက်အတွင်းရေးမှူးဦးလနန်ကဧရာဝတီသို့ ပြောသည်။
ပြီးခဲ့သည့်၁၇ရက်နေ့ကKIOကိုအပစ်အခတ်ရပ်စဲရေးပြုလုပ်ရန်အစိုးရကကချင်အတိုင်ပင်ခံကောင်စီ ကိုယ်စားလှယ်များမှတဆင့်ကမ်းလှမ်းခဲ့ပြီးနောက်ပိုင်းဒုတိယအကြိမ် ဖြစ်သည်။
အစိုးရကကချင်ပြည်နယ်မိုးမောက်မြို့နယ်အတွင်းရှိတာပိန်ရေအားလျှပ်စစ်စီမံကိန်းအနီးရှိ ကချင်လွတ်လပ်ရေးတပ်မတော်(KIA)တပ်များအားလုံခြုံရေးအရစိတ်မချရဟုအကြောင်းပြကာထွက်ခွာရန် ပြောဆိုခဲ့ပြီးဇွန်၉ရက်နေ့ကစတင်၍တိုက်ပွဲများနေ့စဉ်နီးပါးဖြစ်ပွားခဲ့ကြသည်။ယင်းတိုက်ပွဲများကြောင့် ဒေသခံ ထောင်နှင့်ချီ၍ ထွက်ပြေး တိမ်းရှောင်ခဲ့ကြရ သည်။
ယခင်စစ်အစိုးရနှင့်KIOသည်၁၉၉၄ခုနှစ်ကစတ၍အပစ်အခတ်ရပ်စဲရေးပြုလုပ်ခဲ့သည်။ယမန်နှစ် အောက်တိုဘာလအတွင်းကအစိုးရသတင်းစာများ၌KIAကို“သောင်းကျန်းသူ”ဟုပြန်လည်သုံးနှုန်းခဲ့ ပြီးနောက် အပစ်အခတ် ရပ်စဲရေးလည်း ပျက်ပြယ်ခဲ့သည်။
ကချင်ပြည်နယ်ရောက်ဧရာဝတီသတင်းထောက်ဘကောင်းနှင့်ပူးတွဲရေးသားသည်။

ဗဟိုချုပ်ကိုင်မှု ပြန်ကျင့်သုံးပြီ

ခင်ဦးသာ Thursday, 30 June 2011 17:50 .
ပြီးခဲ့သည့်ဇန်နဝါရီလအတွင်းကရန်ကုန်မြို့လမ်းဖွင့်ပွဲတခုတွင်မိန့်ခွန်းပြောနေသော အစိုးရသစ်ခေါင်းဆောင်ဝန်ကြီးချုပ်ဦးသိန်းစိန်ကိုတွေ့ရစဉ်(ဓာတ်ပုံ-အေပီ)

ပြည်နယ်၊တိုင်းအစိုးရအဖွဲ့၏လုပ်ပိုင်ခွင့်အာဏာများအားပြည်ထောင်စုအစိုးရ(ဗဟိုအစိုးရ)ကပြန်လည် ချုပ်ကိုင်တော့မည်ဖြစ်ကြောင်းပြည်နယ်၊တိုင်းဒေသကြီးများ၏လွှတ်တော်ကိုယ်စားလှယ်များထံမှသိရသည်။
သမ္မတဦးသိန်းစိန်ခေါင်းဆောင်သောအစိုးရသစ်အဖွဲ့တာဝန်ယူပြီးရက်၉၀ပြည့်မြောက်ချိန်တွင်ကျင်းပသော ပြည်နယ်၊တိုင်းလွှတ်တော်များ၏အထူးအစည်းအဝေးများအပြီး၎င်းအစီအစဉ်ဖြစ်ပေါ်လာခြင်း ဖြစ်သည်။
“ရန်ကုန်တိုင်းအစိုးရအဖွဲ့ဆိုရင်စီးပွားရေးဌာနကလွဲလို့ကျန်တဲ့ဌာနလုပ်ပိုင်ခွင့်တွေအကုန်လုံးကိုနေပြည်တော်က တိုက်ရိုက်လုပ်ဆောင်တော့မယ့်အနေအထားဖြစ်သွားပါပြီ”ဟုဒီမိုကရက်တစ်ပါတီ(မြန်မာ)၏ ရန်ကုန်တိုင်းဒေသကြီးလွှတ်တော်ကိုယ်စားလှယ်ဒေါက်တာညိုညိုသင်းကဧရာဝတီကို ပြောသည်။
ရန်ကုန်တိုင်းဝန်ကြီးဌာနများတွင်စီမံကိန်းနှင့်စီးပွားရေးဝန်ကြီးဌာနမှအပကျန်ဝန်ကြီးဌာနများကိုဗဟိုမှ ချုပ်ကိုင်သည့်စနစ်ဖြင့်ဆောင်ရွက်သွားနိုင်သည်ဟုသူကဆိုသည်။
နိုင်ငံခြားရေးဝန်ကြီးဌာနမှာရန်ကုန်တိုင်းတွင်ပထမပိုင်း၌ပါရှိခဲ့သော်လည်းယခုမပါရှိတော့ပေ။ ရန်ကုန်တိုင်းရှိဝန်ကြီးဌာန၉ခုမှာလုံခြုံရေးနှင့်နယ်စပ်ရေးရာ၊စည်ပင်သာယာရေး၊ဘဏ္ဍာအခွန်၊ စိုက်ပျိုးရေးနှင့်မွေးမြူရေး၊စီမံကိန်းနှင့်စီးပွားရေး၊လမ်းပန်းဆက်သွယ်ရေး၊လျှပ်စစ်နှင့်စက်မှုလက်မှု၊လူမှုရေး ၀န်ကြီးဌာန၊သစ်တောနှင့်စွမ်းအင်ဝန်ကြီးဌာနတို့ဖြစ်သည်။
၂၀၀၈ဖွဲ့စည်းပုံအရပြည်နယ်၊တိုင်းအစိုးရအဖွဲ့များပေါ်ပေါက်လာပြီးနောက်လုပ်ပိုင်ခွင့်တချို့ရခဲ့သော်လည်း ထိရောက်သောလုပ်ဆောင်နိုင်မှုမရှိ၍ဗဟိုမှချုပ်ကိုင်သည့်စနစ်ပေါ်ပေါက်လာခြင်းဖြစ်ကြောင်းလွှတ်တော် ကိုယ်စားလှယ်တချို့ကဆိုသည်။
ဇွန်လ၂၉ရက်နေ့တွင်ကချင်ပြည်နယ်လွှတ်တော်ကျင်းပခဲ့ပြီးနောက်ကချင်ပြည်နယ်၏၀န်ကြီးဌာန အပြောင်းအလဲနှင့်ဝန်ကြီးအသစ်ခန့်အပ်ခြင်းကိုသမ္မတဦးသိန်းစိန်၏အမိန့်ဖြင့်ပြုလုပ်ခဲ့ကြောင်း ယနေ့ထုတ်အစိုးရ သတင်းစာများ၌ ရေးသားထားသည်။
တခြားသောပြည်နယ်၊တိုင်းလွှတ်တော်အစည်းအဝေးများအားဇွန်၂၉၊၃၀ရက်များ၌ဆက်လက်ကျင်းပကာဝန်ကြီးဌာနအများအပြား၏အမည်များကိုပြောင်းလဲမှုလုပ်ဆောင်ခဲ့သည်။
“အရင်လိုပဲဝန်ကြီးဌာန၉ခုရှိပေမယ့်စစ်တပ်ကိုယ်စားလှယ်ကိုင်ထားတဲ့နယ်စပ်ရေးရာလိုဌာနပဲ မပြောင်းလဲတာပါ။အစည်းအဝေးက၇မိနစ်လောက်ပဲကြာပါတယ်”ဟုရခိုင်တိုင်းရင်းသားများ တိုးတက်ရေးပါတီ(RNDP)၏ပြည်နယ်လွှတ်တော်ကိုယ်စားလှယ်ဦးအောင်မြကျော်က ပြောသည်။
ဝန်ကြီးဌာနအပြောင်းအလဲလုပ်ခြင်းသည်အရာအားလုံးနီးပါးကိုဗဟိုမှပြန်လည်ချုပ်ကိုင်ထားလိုသည့် သဘောကြောင့်ဟုထင်မြင်ကြောင်း၊လက်ရှိတာဝန်ထမ်းဆောင်နေသောအစိုးရအဖွဲ့ဝန်ကြီးများ၏ လုပ်ဆောင်ချက်အားနည်းခြင်းရှိသကဲ့သို့လုပ်ဆောင်နိုင်မှုတချို့လည်းရှိကြောင်းကိုယ်စားလှယ်များက ဆိုသည်။
“ရန်ကုန်အစိုးရအဖွဲ့ထဲမှာတော့အပြောင်းအလဲတချို့တွေ့ရပါတယ်။ဥပမာ-စည်ပင်ဝန်ကြီးဆိုရင် အမှိုက်သိမ်းတာတွေ၊မြောင်းဖောက်တာတွေပိုလုပ်လာတယ်။မြို့တော်ခန်းမကြီးလည်းပြန်ပြီးတော့ ဆေးသုပ်ထားတာတွေ့ရတယ်” ဟုဒေါက်တာညိုညိုသင်းကပြောသည်။
ရန်ကုန်တိုင်း၌ပညာရေးဝန်ထမ်းတချို့၏လာဘ်ပေး၊လာဘ်ယူမှုကိစ္စတွင်လည်းအပြောင်းအလဲတချို့ ဖြစ်သွားသေးကြောင်း၎င်းကဆိုသည်။
ရခိုင်ပြည်နယ်၊မွန်ပြည်နယ်အစိုးရအဖွဲ့တို့၏လုပ်ဆောင်ချက်များသည်၃လပြည့်မြောက်သည့်တိုင် အပြောင်းအလဲမတွေ့ရသေးကြောင်းဒေသခံနိုင်ငံရေးခေါင်းဆောင်များ၏ပြောပြချက်အရသိရသည်။
“အရင်လူတွေလုပ်ခဲ့တာကိုဆက်ပြီးသွားနေတဲ့သဘောပါ။လက်ရှိဝန်ကြီးတွေကိုယ်တိုင်လုပ်လို့ ပြောင်းလဲလာတာဘာမှမတွေ့ရသေးဘူး။ဗဟိုကချုပ်ကိုင်ထားပြီးဖွဲ့စည်းပုံမှာလည်းပဲပြည်နယ်၊တိုင်း အစိုးရတွေရဲ့လုပ်ပိုင်ခွင့်တွေပေးမထားတော့သိပ်ပြီးတော့လုပ်ရဲကိုင်ရဲတဲ့သတ္တိတွေမရှိကြဘူး”ဟု မွန်ဒေသလုံးဆိုင်ရာဒီမိုကရေစီပါတီ၏ဥက္ကဋ္ဌဦးနိုင်ငွေသိန်းကဧရာဝတီကို ပြောသည်။
ပြည်နယ်၊တိုင်းအစိုးရများအနေဖြင့်ဗဟိုမှလမ်းညွှန်မှုပေးခြင်းကိုစောင့်နေရန်မလိုဘဲလုပ်ဆောင်စရာ ရှိသည်ကိုတာဝန်ယူမှုရှိရှိဖြင့်လုပ်ဆောင်သွားရန်တာဝန်အပြည့်ပေးအပ်သည်ဟုသမ္မတဦးသိန်းစိန်က ပြည်နယ်၊တိုင်း အစိုးရအဖွဲ့ဝင်များနှင့် ဧပြီလအတွင်းတွေ့ဆုံရာ၌ ပြောဆိုခဲ့သည်။
“အထက်ကအမိန့်ပေးစနစ်နဲ့သွားတာမျိုးမဟုတ်ဘဲ၊အောက်ခြေကတာဝန်ယူမှုရှိပြီးအောက်ကအပေါ်ကို လာတဲ့စနစ်နဲ့သွားကြဖို့၊ရဲရဲဝံ့ဝံ့တာဝန်ယူလုပ်ဆောင်ကြဖို့လိုတယ်”ဟုဦးသိန်းစိန်ကပြောဆိုခဲ့ခြင်း ဖြစ်သည်။
နိုင်ငံရေးခေါင်းဆောင်တချို့ကမူသမ္မတဦးသိန်းစိန်၏စကားသည်ဝါဒဖြန့်ရန်အတွက်အပြောသက်သက် လုပ်ဆောင်ခြင်းသာဖြစ်သည်ဟုတုန့်ပြန်ပြောဆိုကြသည်။
၂၀၀၈ဖွဲ့စည်းပုံအခြေခံဥပဒေအရပေါ်ပေါက်လာသောလက်ရှိအစိုးရကျင့်သုံးနေသည့်စနစ်သည်ဖက်ဒရယ် ပြည်ထောင်စုစနစ်မဟုတ်သည့်အတွက်ပြည်နယ်၊တိုင်းအစိုးရ၏လုပ်ပိုင်ခွင့်အားဗဟိုမှ ပြန်လည်ချုပ်ကိုင်ခြင်းမှာအထူးအဆန်းမဟုတ်ဟုပြည်သူ့လွှတ်တော်ကိုယ်စားပြုကော်မတီ(CRPP)၏ အတွင်းရေးမှူး ဦးအေးသာအောင်က ဆိုသည်။
သမ္မတဦးသိန်းစိန်သည်လက်ရှိအာဏာရပါတီဖြစ်သောပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (ကြံ့ဖွံ့ပါတီ)မှသမ္မတဖြစ်လာ၍ပြည်နယ်၊တိုင်းအစိုးရအဖွဲ့ကိုလည်း၎င်းစိတ်ကြိုက်ခန့်ထားခြင်းသာ ဖြစ်သည်ဟု ဦးအေးသာအောင်က ဆက်ပြောသည်။
ရန်ကုန်တိုင်းအစိုးရအဖွဲ့၌၀န်ကြီးဌာန၉နေရာတွင်ကြံ့ဖွံ့ပါတီက၀န်ကြီးဌာန၈နေရာ ရရှိထားပြီး တိုင်းရင်းသား စည်းလုံးညီညွတ်ရေးပါတီ(တစည)က၁နေရာရရှိထားကြောင်း ဒေါက်တာညိုညိုသင်းက ဆိုသည်။

woensdag 29 juni 2011

တရားဝင်ပါတီဖြစ်ကြောင်းအန်အယ်ဒီတုံ့ပြန်

မျိုးသန့် ဗုဒ္ဓဟူးနေ့၊ ဇွန်လ ၂၉ ရက် ၂၀၁၁ ခုနှစ် ၁၉ နာရီ ၁၉ မိနစ် .
ချင်းမိုင်(မဇ္ဈိမ)။ ။အမျိုးသားဒီမိုကရေစီအဖွဲ့ချုပ်သည် တရားဝင် ရပ်တည်နေသော နိုင်ငံရေးပါတီ တခုဖြစ်ပြီး လွှတ်တော်အဆင့်ဆင့်နှင့်နိုင်ငံတော်အစိုးရကိုဆန့်ကျင်လိုခြင်းမရှိကြောင်းပြည်ထဲရေးဝန်ကြီးဌာနက ပါတီလုပ်ငန်းများလုပ်ဆောင်နေမှုနှင့်ပတ်သက်၍သတိပေးချက်ကို ဗုဒ္ဓဟူးနေ့တွင် ပြန်လည်တုံ့ပြန်လိုက်သည်။
ပြည်ထဲရေးဝန်ကြီးဌာနဒုတိယဗိုလ်ချုပ်ကြီးကိုကိုသို့လိပ်မူ၍ဒေါ်အောင်ဆန်းစုကြည်လက်မှတ်ရေးထိုး ပေးပို့သောစာမိတ္တူကိုမဇ္ဈိမကလက်ခံရရှိထားရာအန်အယ်ဒီသည်ဥပဒေအရပျက်ပြယ်ခြင်းမရှိဟုပြန်လည် ငြင်းချက်ထုတ်မှု ပါရှိသည်။
၂ဝ၁ဝရွေးကောက်ပွဲဝင်ရန်မှတ်ပုံတင်ခြင်းမပြုသည့်အတွက်နိုင်ငံရေးပါတီအဖြစ်မှအလိုအလျောက် ပျက်ပြယ်သည် ဆိုသော အစိုးရ၏ စောဒကကို ၂ဝဝ၈ ခုနှစ် အခြေခံဥပဒေ ကိုပင် ကိုးကား၍ ပြန်လည် ချေပလိုက်သည်။
“ပြည်ထောင်စုလွှတ်တော်သည်နိုင်ငံရေးပါတီများနှင့်စပ်လျဉ်းသည့်လိုအပ်သောဥပဒေများကို ပြဋ္ဌာန်းရမည်”ဟုဖွဲ့စည်းပုံအခြေခံဥပဒေပုဒ်မ-၄ဝ၉ တွင်ပါရှိသောကြောင့် အဖွဲ့ချုပ်သည် ပျက်ပြယ်ခြင်းမရှိပါ ”ဟု အန်အယ်ဒီထိပ်တန်းခေါင်းဆောင်များအရေးပေါ် အစည်းအဝေးထိုင်ကာ ပေးပို့သော စာတွင်ပါရှိသည်။
“ဥပဒေတွေကပြောရရင်အများကြီးဗျအဲဒီတော့ခြုံပြီးတော့ပြောရရင် NLD ဟာ ပျက်မသွားဘူးလို့ ကျနော်တို့ ဥပဒေအရ အဲဒီလိုမြင်တယ်။ ဒါကြောင့် ကျနော်တို့ ဆိုင်းဘုတ်တွေ ချိတ်တာ၊ လှုပ်ရှားမှုတွေကလည်း NLD အနေနဲ့ပဲ လှုပ်ရှားနေတာပါ”ဟု အန်အယ်ဒီ ဗဟိုအလုပ်မှုဆောင် တဦး ဖြစ်သော ဦးဉာဏ်ဝင်းက မဇ္ဈိမသို့ ပြောသည်။
ဇူလိုင်၂၂ရက်နေ့တွင်ပြုလုပ်မည့်ဒေါ်အောင်ဆန်းစုကြည်နယ်လှည့်ခရီးစဉ်မတိုင်မီ ပြည်ထဲရေးဝန်ကြီးဌာနကနိုင်ငံရေးပါတီအနေဖြင့် လှုပ်ရှားမှု မလုပ်ရန် အစိုးရအာဘော် သတင်းစာများမှ တဆင့် သတိပေးချက် ထုတ်ပြန်ခဲ့ပြီးနောက် တုံ့ပြန်လိုက်ခြင်း ဖြစ်သည်။
“ ဖွဲ့စည်းထားသော လွှတ်တော် အဆင့်ဆင့်နှင့် နိုင်ငံတော် အစိုးရကိုလည်း ဆန့်ကျင်လိုသည့် သဘောထား မဟုတ်ပါ။ တရားဥပဒေ စိုးမိုးရေးအတွက် ဥပဒေပါ ပြဋ္ဌာန်းချက်များကို အမျိုးသား ဒီမိုကရေစီ အဖွဲ့ချုပ်က အလေးထားလိုက်နာခြင်းသာ ဖြစ်ပါသည်”ဟု အန်အယ်ဒီ၏ပေးစာထဲတွင်ဖေါ်ပြထားပြီး ရွေးကောက်ပွဲ ကော်မရှင်ကပါတီအဖြစ်မှဖျက်သိမ်းခြင်းကိုတရားမဝင်ကြောင်းတရားရုံးချုပ်(ရန်ကုန်)သို့ လျှောက်ထားခဲ့မှုကို ရည်ညွှန်းထားသည်။
တရားဥပဒေစိုးမိုးရေးပိုမိုလုပ်ဆောင်နိုင်ရန်တွေ့ဆုံဆွေးနွေးမှုဖြစ်လာရေးစီစဉ်ပေးရန် ဒုတိယဗိုလ်ချုပ်ကြီးကိုကို ကိုမေတ္တာရပ်ခံကြောင်းလည်း ဦးဉာဏ်ဝင်းက မဇ္ဈိမကို ပြောသည်။
“တရားဥပဒေ စိုးမိုးရေး အတွက် သဘောထား ဖလှယ်လိုက်ရင် ဒါတွေက ပြေလည်နိုင်စရာတွေ ချည်းပဲလို့ ကျနော်တို့မြင်တယ် ဒါ့ကြောင့်ကျနော်တို့စာမှာ တွေ့ဆုံညှိနှိုင်း ဆောင်ရွက်နိုင်ရေးအတွက် တရားဥပဒေ စိုးမိုးရေးကိစ္စ ဆောင်ရွက်နိုင်ရေးအတွက် တွေ့ဆုံဖို့ စီစဉ်ပေးပါလို့ မေတ္တာရပ်ခံတယ်”ဟု ဦးဉာဏ်ဝင်းက ပြောသည်။





ဂျပန်ကမြန်မာ့ဒီမိုကရေစီရေးဆက်ကူညီမည်

လင်းသန့် Wednesday, 29 June 2011 18:50
.မြန်မာ့ဒီမိုကရေစီတိုးတက်ဖြစ်ထွန်းရေးအတွက်ဂျပန်နိုင်ငံကဆက်လက်ကူညီသွားမည်ဖြစ်ကြောင်း ဂျပန်နိုင်ငံပါလီမန်ဆိုင်ရာဒုနိုင်ငံခြားရေးဝန်ကြီးမစ္စမခိကိုခိခုတနှင့်ကိုယ်စားလှယ်အဖွဲ့က ဒေါ်အောင်ဆန်းစုကြည်နှင့်အမျိုးသားဒီမိုကရေစီအဖွဲ့ချုပ်(NLD)သို့ယနေ့လာရောက်တွေ့ဆုံစဉ် ပြောဆိုသည်။
ပါကစ္စတန်နိုင်ငံအစ္စလာမ်မာဘက်မြို့၌၂၀၁၀နိုဝင်ဘာအတွင်းကကျင်းပသောဖွံ့ဖြိုးရေးဖိုရမ်တွင် ပြောဆိုရှင်လင်းနေသည့်မစ္စမခိကိုခိခုတ(ဓာတ်ပုံ-uk.emb-japan.go.jp)
ဒေါ်အောင်ဆန်းစုကြည်အပါအ၀င်NLDခေါင်းဆောင်များနှင့်မစ္စမခိကိုခိခုတတို့သည်ရန်ကုန်မြို့ရှိNLD ရုံးချုပ်၌နေ့လယ်၁နာရီခန့်က၄၅မိနစ်ကျော်ကြာ တွေ့ဆုံခဲ့သည်။
“ဒေါ်အောင်ဆန်းစုကြည်နဲ့သီးခြားတွေ့တယ်။ကျနော်တို့NLDထိပ်ပိုင်းခေါင်းဆောင်တွေနဲ့လည်း တွေ့တယ်”ဟု NLD လူငယ် ခေါင်းဆောင်တဦးဖြစ်သူ ကိုရာဇာ က ဧရာဝတီကို ပြောသည်။
ဂျပန် ဒု နိုင်ငံခြားဝန်ကြီး က ဒေါ်အောင်ဆန်းစုကြည်နှင့် NLDသို့ လာရောက်တွေ့ဆုံချိန်သည် ယနေ့ထုတ် အစိုးရသတင်းစာတွင်ပါရှိသည့်NLDလုပ်ဆောင်နေသောလုပ်ငန်းများကိုရပ်တန့်ရန် သတိပေးထားချိန်နှင့်လည်း တိုက်ဆိုင်နေသည်။
ယနေ့ထုတ်မြန်မာ့အလင်းသတင်းစာတွင်ဆောင်းပါးရှင်ပြည့်စုံအောင်၏“ရွေးချယ်ခွင့်က လက်ထဲမှာ”ဆောင်းပါးတွင်ဒေါ်အောင်ဆန်းစုကြည် နယ်ခရီးထွက်မည်ဆိုသည့်အပေါ်“မည်သို့ပင်ဆိုစေ ဒေါ်အောင်ဆန်းစုကြည်နယ်ထွက်လာလျှင်မြောက်မြားလှစွာသောယခင့်ယခင်သာဓကများနည်းတူ ရုတ်ရုတ်သဲသဲလှုပ်လှုပ်ရှားရှားတွေဖြစ်လာမှာကိုကျနော်တို့စိုးရိမ်မိသည်။စိုးရိမ်လောက်စရာ အကြောင်းတွေလည်း အခိုင်အမာပင်ရှိနေသည်”ဟု ဖော်ပြထားချိန်လည်းဖြစ်သည်။
“ဂျပန် ဒု ၀န်ကြီးနဲ့ အဖွဲ့ လာသွားပြီး ဘာတွေ ဆွေးနွေးတယ်ဆိုတာ သတင်းထောက်တွေကိုလည်း ဂျပန်ဝန်ကြီးက ဘာမှ မပြောသွားဘူး၊ ဒီနေ့က အောက်မြန်မာနိုင်ငံ လူငယ်တွေနဲ့ ဆွေးနွေးပွဲလည်း လုပ်နေတယ်။ နောက်လူငယ်ဆွေးနွေးပွဲမှာလည်းလူငယ်တယောက်ကပါတီဆက်လက်ရပ်တည်ရေး မေးတယ်။ ဒီနေ့ သတင်းစာထဲမှာ ပြည်ထဲရေး ၀န်ကြီးက စာပို့ထားတာကို အန်တီက စာပို့သူဆီကို ပြန်စာ အကြောင်းကြားဖို့ တာဝန်ရှိတယ်။ ဒီ မတိုင်ခင်မှာတော့ အသေးစိပ် မပြောလို သေးဘူးလို့ အန်တီက ပြန်ဖြေလိုက်တယ်”ဟု ကိုရာဇာ က ဆက်လက် ပြောပြသည်။
ယနေ့ညနေ၅နာရီတွင်ဂျပန်ဒုနိုင်ငံခြားရေးဝန်ကြီးသည်၂၀၁၀ပြည့်နှစ်ရွေးကောက်ပွဲဝင် နိုင်ငံရေးပါတီတချို့မှ ကိုယ်စား လှယ်များနှင့် ရန်ကုန်ရှိ ဂျပန်သံရုံးတွင် တွေ့ဆုံကြမည်ဖြစ်သည်။
“ဆွေးနွေးဖြစ်မှာတွေ ကတော့ ဂျပန်နိုင်ငံအနေနဲ့ မြန်မာ့ ဒီမိုကရေစီ ပြုပြင်ပြောင်းလဲရေး အကောင်းဘက် ဖြစ်ပေါ်တိုးတက်မှုတွေဖြစ်ဖို့ဂျပန်ကအကူအညီပေးမှုဆိုင်တာတွေလည်းဆွေးနွေးဖြစ်ကြမယ်”ဟု အမျိုးသား ဒီမိုကရေစီ အင်အားစု(NDF)ပါတီ ခေါင်းဆောင်တဦးဖြစ်သူ ဦးခင်မောင်ဆွေက ဧရာဝတီကိုပြောသည်။
ဂျပန်ပါလီမန်သို့သွားရောက်လေ့လာရန် အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ် ၁၀ ဦး၊NDFပါတီ၊တိုင်းရင်းသား စည်းလုံးညီညွတ်ရေးပါတီ(တစည)အပါအ၀င် တိုင်းရင်းသား ၅ ပါတီတို့မှအသက်၃၅ နှစ်အောက်နိုင်ငံရေးပါတီကိုယ်စားလှယ်၂ ဦးစီနှင့် စုစုပေါင်း ဂျပန်ပါလီမန်လေ့လာရေး ကိုယ်စားလှယ်အဖွဲ့ဝင်၂၀ တို့ကိစ္စလည်း ဆွေးနွေးသွားကြမည်ဖြစ်သည်ဟု ၎င်းက ဆိုသည်။
ဂျပန်ဒုနိုင်ငံခြားရေးဝန်ကြီးမစ္စမခိကိုခိခုတသည်နေပြည်တော်တွင်ပြည်သူ့လွှတ်တော်ဒုဥက္ကဌ ဦးနန္ဒကျော်စွာ နှင့် လည်း ယမန်နေ့က တွေ့ဆုံခဲ့သေးသည်။
ထို့အပြင်နေပြည်တော်နယ်စပ်ရေးရာဝန်ကြီးဌာနတွင်ကျင်းပသောကုလသမဂ္ဂကမ္ဘာ့ စားနပ်ရိက္ခာ အစီအစဉ် သို့ ထောက်ပံ့ကူညီသည့်စားနပ်ရိက္ခာများလွှဲပြောင်းပွဲသို့လည်းမစ္စ မခိကို ခိခုတ တက်ရောက်ပြီး နယ်စပ်နှင့် မြန်မာ့ စက်မှု ဖွံ့ဖြိုး ရေး ပြည်ထောင်စုဝန်ကြီး ဗိုလ်ချုပ်သိန်းဌေးနှင့်လည်း တွေ့ဆုံခဲ့သည်။

ဗုံးခွဲမှုများအတွက်ရှမ်းအမည်နှင့်လူ၃ဦးကိုအစိုးရစွပ်စွဲ

ရန်ပိုင် Wednesday, 29 June 2011 14:37
.နေပြည်တော်၊မန္တလေး၊ပြင်ဦးလွင်တို့တွင်ဖြစ်ပွားခဲ့သည့်ဗုံးပေါက်ကွဲမှုများနှင့်ပတ်သက်၍ရှမ်းအမည်နှင့်လူ ၃ဦးကိုထုတ်ဖော်ပြီး၎င်းတို့ကျူးလွန်ခဲ့ခြင်းဖြစ်ကြောင်းယနေ့ထုတ်အစိုးရသတင်းစာများတွင် ဖော်ပြထားသည်။
ဇွန်လ၂၄ရက်နေ့ကမန္တလေးဈေးချိုဟိုတယ်ရှေ့တွင်ကားဗုံးပေါက်ပြီးနောက်စစ်တပ်ကစစ်ဆေးနေစဉ် (ဓာတ်ပုံ-AP)
ဖောက်ခွဲမှုပြုလုပ်သူများမှာအသက်၂၅နှစ်အရွယ်ခန့်ရှိကြသည့်စိုင်းဆမ်၊စိုင်းအိုက်နှင့် စိုင်းကျော်မြင့်ဦးတို့ဖြစ်ပြီဗုံးများကိုဖောက်ခွဲရန်နေအိမ်များကြိုတင်ငှားရမ်းခြင်း၊လိုင်စင်မဲ့ကား ၀ယ်ယူခြင်းများ လုပ်ဆောင်ခဲ့ကြောင်း သတင်းစာတွင် ရေးသားထားပြီး ၎င်းတို့ သုံးဦး၏ ပုံပန်းသဏ္ဍန်များကို ဖော်ပြကာ ဗုံးဖောက်ခွဲခဲ့သည့် တရားခံများ ဖြစ်သည်ဟု စွပ်စွဲရေးသားထားသည်။
မြန်မာနိုင်ငံရှေ့နေများကောင်စီဥက္ကဋ္ဌဦးသိန်းဦးက“တရားရုံးအမိန့်မချခင်တရားခံလို့တော့ဥပဒေမှာ သုံးခွင့်မရှိဘူး။ သံသယရှိ သူလို့ပဲ သုံးရမယ်” ဟု ဆိုသည်။
ယခု သတင်းစာတွင် သုံးနှုန်းထားသည့် တရားခံဆိုသည့် အသုံးအနှုန်းမှာ အဆိုပါ ၃ ဦး၏ မိသားစုများကို စော်ကားသကဲ့သို့ သက်ရောက်ကြောင်း ၎င်းကပြောသည်။
စွပ်စွဲခြင်းခံရသည့်စိုင်းအိုက်နှင့်စိုင်းဆမ်သည်ပြီးခဲ့သည့်ဧပြီလ၂၄ရက်နေ့ကတည်းကနေပြည်တော် ဇမ္ဗူသီရိမြို့နယ်သပြေကုန်းရပ်ကွက်ရှိဗုံးကွဲသည့်ဒေါ်သန်းမြင့်၏နေအိမ်ကို၆လစာပေး၍ ငှားရမ်းခဲ့သည့်အပြင်မေလ၅ရက်နေ့၌ပြင်ဦးလွင်ရှိဒေါ်စောစန္ဒာ၏အိမ်ကိုလည်း၆ လစာပေး ငှားရမ်းခဲ့သည်ဟု သတင်းစာတွင် ဖော်ပြထားသည်။
မန္တလေးမြို့ဈေးချိုတော်ဟိုတယ်ရှေ့ဗုံးဖောက်ခွဲရာတွင်သုံးသည့်လိုင်စင်မဲ့ကားကိုငွေကျပ်သိန်း၆၀ဖြင့် ကားပွဲစားဟာရှင်နှင့်ကျော်ကျော်ထက်တို့ထံမှဝယ်ယူခဲ့ပြီးပြည်သူများထိခိုက်သေကျေစေရန် ရည်ရွယ်ချက်ဖြင့် ကားဗုံးဖောက်ခွဲခြင်းဖြစ်ကြောင်း၊တရားခံများ ဖမ်းဆီးရမိရေးအတွက် မင်္သကာသူများ တွေ့ရှိပါက အမြန်ဆက်သွယ် သတင်းပို့ ရန်လည်းရေးသားထားသည်။
ပြီးခဲ့သည့်ဇွန်လ၂၄ရက်နေ့ကနေပြည်တော်ဇမ္ဗူသီရိမြို့နယ်၊မန္တလေးတိုင်းဒေသကြီးချမ်းအေးသာဇံနှင့် ပြင်ဦးလွင်မြို့နယ်တို့တွင် ဗုံးပေါက်ကွဲမှုများ ဆက်တိုက် ဖြစ်ပွားခဲ့ပြီး လူသေဆုံးခြင်းမရှိပေ။
ယခုတလောမြန်မာနိုင်ငံတွင်ဗုံးများမကြာခဏပေါက်ကွဲနေရာမည်သည့်အဖွဲ့အစည်းကမှမိမိတို့ လက်ချက်ဖြစ်သည်ဟု ၀န်ခံပြောကြားခြင်းမရှိသော်လည်း အစိုးရကလည်း ကရင်အမျိုးသားအစည်းအရုံး (KNU) နှင့် တိုင်းရင်းသား လက်နက်ကိုင် အဖွဲ့များက ပြုလုပ်ခဲ့ခြင်းဖြစ်သည်ဟု စွပ်စွဲရေးသားသည်။
ပြီးခဲ့သည့်မေလနှင့်ဇွန်လကဖြစ်ပွားခဲ့သည့်ရန်ကုန်-မန္တလေးအမှတ်၃အဆန်အမြန်ရထားပေါ်၌ ဗုံးပေါက်ကွဲမှုနှင့် မြို့မဈေးတွင် ဗုံးပေါက်ကွဲမှုတွင်KNU၏ လက်ချက်ဖြစ်ကြောင်းအစိုးရသတင်းစာများတွင် ဖော်ပြခဲ့သော်လည်းပြီးခဲ့သည့်ရက်သတ္တပတ်ကကချင်ပြည်နယ်မြစ်ကြီးနားမြို့တွင်ဖြစ်ပွားခဲ့သည့် ပေါက်ကွဲမှုများကိုမူ မည်သူပြုလုပ်သည်ဟု ဖော်ပြခြင်းမရှိပေ။
၂၀၀၅ ခုနှစ်မေလကရန်ကုန်မြို့ပုဇွန်တောင်မြို့နယ်ရှိကုန်သွယ်ရေးဗဟိုဌာန၊ဒဂုံစင်တာနှင့် ၈ မိုင်လမ်းဆုံရှိ Juntion8ကုန်တိုက်များတွင်ဖြစ်ပွားခဲ့သည့်ဗုံးဆက်တိုက်ပေါက်ကွဲမှုများတွင်လည်းတရားခံအား ယခုအချိန်အထိ ဖမ်းဆီးရမိခြင်း မရှိသေးပေ။

ဒေါ်စုနယ်ခရီးမထွက်ခင်သတိပေးခံရ

မဇ္ဈိမသတင်းဌာန ဗုဒ္ဓဟူးနေ့၊ ဇွန်လ ၂၉ ရက် ၂၀၁၁ ခုနှစ် ၁၅ နာရီ ၅၀ မိနစ် .
ချင်းမိုင်(မဇ္ဈိမ)။ ။မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်ကနယ်သို့ခရီးထွက်ရန်တလပင် မလိုတော့ချိန်၌အစိုးရကအမျိုးသားဒီမိုကရေစီအဖွဲ့ချုပ်တရားဝင်ရပ်တည်ရေးနှင့်ပတ်သက်ပြီးအသိပေးမှု လုပ်လိုက်သည်။
ဗုဒ္ဒဟူးနေ့ထုတ်အစိုးအာဘော်မြန်မာ့အလင်းသတင်းစာတွင်ပြည်ထဲရေးဝန်ကြီးဌာနကNLDဥက္ကဋ္ဌ ဦးအောင်ရွှေနှင့်အထွေထွေအတွင်းရေးမှူးချုပ်ဒေါ်အောင်ဆန်းစုကြည်တို့ကိုလိပ်မူ၍စာရေးသားပေးပို့ရာ၌ တရားဥပဒေနှင့်အညီလိုက်နာပါဟူ၍မှာကြားထားသည်။

ဒေါ်အောင်ဆန်းစုကြည်ကနယ်သို့ခရီးထွက်ရန်တလပင်မလိုတော့ချိန်၌အစိုးရကအမျိုးသားဒီမိုကရေစီ အဖွဲ့ချုပ်တရားဝင်ရပ်တည်ရေးနှင့်ပတ်သက်ပြီးအသိပေး(ဓါတ်ပုံမဇ္ဈိမ)
ဒေါ်အောင်ဆန်းစုကြည်နေအိမ်အထိန်းသိမ်းခံမှလွတ်မြောက်လာသောနိုဝင်ဘာ၂ဝ၁ဝပြည့်နှစ်နောက်ပိုင်း ပထမဆုံးဖြစ်လာမည့်ဇူလိုင်လ၂၂ရက်နေ့တွင်ရန်ကုန်မြို့ပြင်သို့ခရီးထွက်လိုသော ဒေါ်အောင်ဆန်းစုကြည်၏ခရီးစဉ်မတိုင်မီသတိပေးချက်ထွက်လာခြင်းလည်းဖြစ်သည်။ဒီခရီးစဉ်ကသူ၏ လွတ်လပ်မှုကိုစမ်းသပ်မည့်အရေးပါသောကိစ္စတခုလည်းဖြစ်သည်။
ပြည်ထဲရေးဝန်ကြီးဌာနကNLDသည်၂ဝ၁ဝပြည့်နှစ်ရွေးကောက်ပွဲဝင်ရန်မှတ်ပုံတင်ခြင်း မပြုသဖြင့်နိုင်ငံရေးပါတီ မဟုတ်တော့ကြောင်း ပြောဆိုထားသည်။
အစိုးရ၏သဘောထားကိုထင်ဟပ်စေသောစာတွင်NLDကဆက်လက်၍ပါတီရုံးခန်းများဖွင့်ခြင်းနှင့် ပါတီကိစ္စရပ်များ ဆောင်ရွက်ခြင်းကို အလေးပေး ဖော်ပြထားသည်။
“အမျိုးသားဒီမိုကရေစီအဖွဲ့ချုပ်သည်လိုက်နာမှုမရှိဘဲဌာနချုပ်ရုံး၊တိုင်းရုံး၊နယ်ရုံးများဆက်လက်ဖွင့်လှစ်ထားရှိခြင်း၊ အချို့ရုံးများတွင်ဆိုင်းဘုတ်များစိုက်ထူထားခြင်း၊အလံများလွှင့်ထူထားခြင်း၊ထို့အပြင်နိုင်ငံရေးပါတီအနေဖြင့် ကြေညာချက်များထုတ်ပြန်ခြင်း၊စာအုပ်စာစောင်များနှင့်ဗီဒီယိုခွေများထုတ်ဝေခြင်း၊နိုင်ငံခြား အဖွဲ့အစည်းများနှင့်တွေ့ဆုံခြင်း၊အစည်းအဝေးများနှင့်အခမ်းအနားများပြုလုပ်ခြင်းတို့အား ဆောင်ရွက်နေသည်ကို တွေ့ရှိရပါကြောင်း” ဟူ၍ သတင်းစာက ရေးသားထားသည်။
ယခုနှစ်အစောပိုင်းကပြောင်းလဲလိုက်ခဲ့သောပါလီမန်စနစ်ကိုNLD၏လှုပ်ရှားမှုများက ဆန့်ကျင်နေသည်ဟုလည်း အစိုးရက ထပ်မံ စောဒက တက်ထားပြန်သည်။
“ဒီမိုကရေစီ၏အနှစ်သာရကိုအမှန်တကယ်မြတ်နိုးစွာလက်ခံကျင့်သုံးလိုပါလျှင်တရားဥပဒေစိုးမိုးရေးနှင့် တည်ငြိမ်အေးချမ်းရေးကိုထိခိုက်ပျက်ပြားစေနိုင်မည့်ရဟန်း၊ရှင်၊လူ၊ပြည်သူနှင့်ဝန်ထမ်းများအကြား စည်းလုံးညီညွတ်မှုကိုထိခိုက်ပျက်ပြားစေနိုင်မည့်အဆိုပါလုပ်ဆောင်ချက်များကိုဆက်လက်ဆောင်ရွက်ခြင်း မပြုရန် အကြောင်းကြားပါကြောင်း” ဟု ပါရှိသည်။
စစ်တပ်ကကြိုးကိုင်ထားသောပါလီမန်လုပ်ငန်းစဉ်မှာစည်းကမ်းပြည့်ဝသောဒီမိုကရေစီဖြစ်ထွန်းအောင် အဓိကကျသောခြေလှမ်းဟုအစိုးရကမြင်နေချိန်တွင်၂ဝ၁ဝရွေးကောက်ပွဲနှင့်၂ဝဝ၈အခြေခံဥပဒေ ဆန္ဒခံယူပွဲတို့မှာလွတ်လပ်ပြီးတရားမျှတခြင်းမရှိသောစစ်မှန်သည့်ရွေးကောက်ပွဲမဟုတ်ဟုဆိုကာပါလီမန် လုပ်ငန်းစဉ်ကို NLD က အသိအမှတ် မပြုဘဲ ထားသည်။
အစိုးရ၏ လမ်းပြမြေပုံအတိုင်း ပါဝင်ဆောင်ရွက်ခြင်း မပြုရန် ဆုံးဖြတ်ပြီးနောက် လူမှုရေး လုပ်ငန်းများ ဆက်လက်လုပ်ဆောင်ရန်NLDကဆုံးဖြတ်လိုက်သည်။သို့သော်လည်းလူမှုရေးကိစ္စရပ်များကို အသင်းအဖွဲ့လိုက်လုပ်ဆောင်လိုပါကလူမှုရေးအသင်းအဖွဲ့ဖွဲ့စည်းဆောင်ရွက်သင့်ပါကြောင်းနှင့် ပြည်ထဲရေးဝန်ကြီးဌာနတွင် လိုင်စင်လျှောက်သင့်ကြောင်း အစိုးရက ပြောဆိုထားသည်။
၂ဝဝ၃ ခုနှစ်တွင် ဒေါ်အောင်ဆန်းစုကြည်၏ နိုင်ငံရေး စည်းရုံးရေး ခရီးစဉ်အတွင်း အစိုးရ အထောက်အပံ့
ပေးထားသောလူမိုက်များကစစ်ကိုင်းတိုင်းဒီပဲယင်းတွင်တိုက်ခိုက်မှုပြုခဲ့ကြသည်။ ဒေါ်အောင်ဆန်းစုကြည်ပင်သီသီကလေးလွတ်မြောက်ခဲ့ကာလူပေါင်းများစွာသေကြေသို့မဟုတ် ဒဏ်ရာရရှိခဲ့ကြသည်။
ဒေါ်အောင်ဆန်းစုကြည်လည်းထိန်းသိမ်းခံရပြီးနေအိမ်အကျယ်ချုပ်ကျသွားပြန်ကာ၂ဝ၁ဝ ရွေးကောက်ပွဲအပြီး တပတ်အကြာတွင်မှ လွတ်မြောက်လာခဲ့သည်။





dinsdag 28 juni 2011

အကြမ်းဖက်အာဏာရယူခြင်းဒေါ်အောင်ဆန်းစုကြည်လက်မခံ

လင်းသန့် Tuesday, 28 June 2011 17:20
.အကြမ်းဖက်သည့်နည်းသုံး၍နိုင်ငံ့အာဏာကိုရယူခြင်းနှင့်အကြမ်းဖက်ပြီးအစိုးရအပြောင်းအလဲလုပ်ခြင်း အစဉ်အလာများကို ပြောင်းလဲရမည်ဟု ဒေါ်အောင်ဆန်းစုကြည်က ယနေ့ ပြောကြားလိုက်သည်။
ယမန်နှစ်နိုဝင်ဘာလအတွင်းကနေအိမ်အကျယ်ချုပ်မှလွတ်မြောက်လာပြီးနောက်ဒေါ်အောင်ဆန်းစုကြည် နှင့်လူငယ်များတွေ့ဆုံပွဲတခု(ဓာတ်ပုံ-burmacampaign.org.uk)
ရန်ကုန်မြို့ရှိအမျိုးသားဒီမိုကရေစီအဖွဲ့ချုပ်(NLD)ရုံးချုပ်တွင်ယနေ့ကျင်းပသည့်တိုင်းနှင့်ပြည်နယ် လူငယ်များနှင့် တွေ့ ဆုံပွဲတွင် ဒေါ်အောင်ဆန်းစုကြည်က ထိုသို့ ပြောကြားလိုက်ခြင်းဖြစ်သည်။
“ကျမအနေနဲ့တော့ဒီအကြမ်းဖက်မှုကိုကျမလက်မခံဘူးဆိုတာနိုင်ငံရေးသဘောတရားအရလက်မခံတာ။ကျမတို့ နိုင်ငံမှာနိုင်ငံရေးယဉ်ကျေးမှုပြောင်းဖို့လိုလို့။အကြမ်းဖက်တဲ့နည်းနဲ့အစိုးရအပြောင်းအလဲလုပ်တာ၊ အကြမ်းဖက်တဲ့နည်းနဲ့နိုင်ငံရဲ့အာဏာကိုလွှဲယူတာ။ဒီဟာတွေကအစဉ်အလာဖြစ်နေပြီ။ဒီနိုင်ငံမှာ။ဒီအစဉ် အလာကိုပြောင်းလဲရမယ်ဆိုတဲ့ခံယူချက်နဲ့ကျမအကြမ်းမဖက်တဲ့နည်း၊လမ်းကြောင်းကိုသွားတာပါ”ဟု ဒေါ်အောင်ဆန်းစုကြည်က အဆိုပါ လူငယ်များနှင့် တွေ့ဆုံပွဲတွင် ပြောကြားသည်။
ယမန်နေ့ကလန်ဒန်ရောက်လူငယ်တဦး၏“လူငယ်တွေဟာလက်နက်ကိုင်ပြီးဒီမိုကရေစီအတွက် တိုက်ချင်နေသည်”ဆိုသည့်စကားကိုလက်မခံကြောင်းဒေါ်အောင်ဆန်းစုကြည်ကတုံ့ပြန်ပြောကြားပုံကို ယနေ့ လူငယ်များနှင့်တွေ့ဆုံပွဲတွင် ထပ်လောင်း ပြောကြားလိုက်ခြင်းလည်း ဖြစ်သည်။
အဆိုပါဆွေးနွေးပွဲသို့ ကချင်ပြည်နယ်၊ချင်းပြည်နယ်၊မကွေးတိုင်း၊စစ်ကိုင်းတိုင်း၊မန္တလေးတိုင်းစသည်တိုမှ လူငယ်၁၀၀ကျော်တက်ရောက်တွေ့ဆုံဆွေးနွေးကြပြီးဒေါ်အောင်ဆန်းစုကြည်က အကြမ်းမဖက်လှုပ်ရှားမှုလမ်းကြောင်းနှင့်လူငယ်ဆိုင်ရာအဓိပ္ပာယ်ဖွင့်ဆိုချက်ကို ရှင်းလင်းပြောကြားခဲ့ပြီး ဒု ဥက္ကဌ ဦးတင်ဦးကလည်းအဖွင့်မိန့်ခွန်းပြောကြားခဲ့ကြောင်းNLDပါတီပြောခွင့်ရပုဂ္ဂိုလ်ဦးအုန်းကြိုင်ကဧရာဝတီကို ပြောပြသည်။
ဒေါ်အောင်ဆန်းစုကြည်က“အကြမ်းဖက်တာအမြဲမှားသလားမေးတယ်။ဒီလိုလဲအမြဲမဟုတ်ဘူး။ ဘာဖြစ်လို့လဲဆိုတော့မှန်ကန်တဲ့ဘက်ကခုခံတိုက်ခိုက်တာမှာလဲလက်နက်ကိုင်ပြီးခုခံတိုက်ခိုက်ရင် အကြမ်းဖက်တာကအကြမ်းဖက်တာပဲ။ဘာအတွက်ပဲလုပ်လုပ်ပေ့ါ။အဲတော့တချို့ကတော့ပြောတယ်။ အကြမ်းဖက်တဲ့နည်းနဲ့မှရမယ်။အဲတော့ကျမကအမြဲပြောတယ်။ဒါကိုရေရှည်ကိုစဉ်းစားစေချင်တယ်။ အကြမ်းဖက်တဲ့နည်းနဲ့မြန်မြန်ရပြီးတော့နောက်ဆက်တွဲဒဏ်ရာတွေကိုဘယ်လောက်ကြာကြာ ပျောက်အောင်ကုသရဦးမှာလဲတကယ်အကြမ်းဖက်တဲ့နည်းနဲ့ခဏလေးလုပ်လိုက်လို့နောင် ဒုက္ခတွေရှင်းသွားတယ်ဆို တမျိုးပေါ့နော်”ဟုလည်း ဆက်လက် ပြောကြားသည်။
လူငယ်နှင့်လူကြီးအကြားကွာဟမှုဆိုင်ရာကိုလည်းဆွေးနွေးပြီးနေရာယူခြင်းနှင့်တာဝန်ယူခြင်းဆိုင်ရာများ၊ မိမိတို့၏အားနည်းချက်၊အားသာချက်များစသည်တို့ကိုမှန်ကန်စွာသိပြီးမှတိုင်းပြည်အကျိုးအတွက် အကျိုးရှိရှိ အသုံးချနိုင်မည် ဖြစ်ကြောင်းလည်း ဒေါ်အောင်ဆန်းစုကြည်က ထည့်သွင်း ပြောဆိုခဲ့သည်။
“ဒီမနက်က တိုင်းနှင့် ပြည်နယ်တွေထဲက ကချင်၊ ချင်းပြည်နယ်တွေနဲ့ စစ်ကိုင်းတိုင်း၊ မကွေးတိုင်းတို့က NLD လူငယ်ရော၊NLDမဟုတ်တဲ့လူငယ်တွေရောအားလုံးတွေ့ဆုံဆွေးနွေးကြတယ်။မနက်ဖြန်တော့အောက် မြန်မာပြည်ကရန်ကုန်တိုင်း၊ပဲခူးတိုင်းစတဲ့တိုင်းနှင့်ပြည်နယ်တွေကလူငယ်တွေဆက်ပြီး တွေ့ဆုံဆွေးနွေးကြမယ်”ဟု ၄င်းက ဆက် လက်ရှင်းပြသည်။
မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်သည်ယမန်နှစ်ကနေအိမ်အကျယ်ချုပ်မှ ပြန်လည်လွှတ်မြောက်လာပြီးနောက်နိုင်ငံရေးတက်ကြွသည့်လူငယ်များ၊NLDလူငယ်များနှင့် တွေ့ဆုံဆွေးနွေးမှုများ ဆက်တိုက် လုပ်ဆောင် လျက် ရှိသည်။

မန္တလေးတွင်တရုတ်ဆန့်ကျင်ရေးကြီးထွားလာ

ဟိန်းသူ Tuesday, 28 June 2011 19:12
.ယမန်နေ့ကဖြစ်ပွားသောမန္တလေးကျောက်ဝိုင်းရန်ပွဲကြောင့်တရုတ်နိုင်ငံသားစီးပွားရေးသမားတို့အပေါ် မကျေမနပ်မှု ပိုမို ကြီးထွားနေသည်ဟု ဒေသခံများက ပြောသည်။
ကျောက်ဝိုင်းသို့ယနေ့ ရောက်လာသောဒေသခံကုန်သည်များကအရောင်းအ၀ယ်စကားမပြောဖြစ်ကြဘဲ ယမန်နေ့ကဖြစ်ခဲ့သည့်ရန်ပွဲအကြောင်းသာပြောဆိုနေကြသည်ဟုမန္တလေးမှကျောက်ကုန်သည် ဦးအောင်ကျော်က ပြောသည်။
“တရုတ်တွေကိုမကျေလည်တာကတော့ကြာနေပြီ။မနေ့ကသူတို့လုပ်တဲ့ပုံစံကစော်ကားသလိုဖြစ်တာဆိုတော့ ပေါက်ကွဲကုန်ကြတာပဲ။ ဒီအတိုင်းသာဆက်သွားနေရင်ကျနော်တို့ ပြဿနာတွေ ထပ်ဖြစ်လာနိုင်တယ်”ဟု ဦးအောင်ကျော်က ပြောသည်။
ယမန်နေ့ကမန္တလေး၊မဟာအောင်မြေမြို့နယ်ရှိကျောက်ဝိုင်းတွင်အချင်းများရာမှတရုတ်နိုင်ငံသားကုန်သည် ၅ဦးကကိုမော်ကြီးဆိုသူမြန်မာကျောက်ကုန်သည်တဦးကိုဝိုင်းဝန်းထိုးနှက်တိုက်ခိုက်ခဲ့ကြောင်း၊ထိုရန်ပွဲကိုရဲ လုံခြုံရေး၁၀၀၀န်းကျင်သွားရောက်ထိန်းသိမ်းကာထို၆ဦးကို ဖမ်းဆီးသွားပြီး ကျောက်ဝိုင်း ပိတ်လိုက်ရသည်။ ကျောက်ဝိုင်းတခုလုံးလည်း ရုတ်ရုတ်သဲသဲ ဖြစ်သွားသည်။
ယနေ့ကျောက်ဝိုင်းပြန်ဖွင့်သော်လည်းအရောင်းအ၀ယ်အေးနေကြောင်း၊တရုတ်ပြည်မှကုန်သည်များ လာရောက်မှု မရှိသလောက် နည်းသွားကြောင်း သိရသည်။
အရောင်းအ၀ယ်ဖြစ်ရေးအတွက်လက်ကြီးသမားများဖြစ်သောတရုတ်ပြည်မှကုန်သည်များကို အားကိုးရကြောင်း၊သို့သော်လည်းဆက်ဆံရေးအဆင်မပြေကြောင်းအမည်မဖော်လိုသူ ကျောက်ပွဲစားတဦးက ရှင်းပြသည်။
“တရုတ်တွေကဈေးနှိမ်တာတို့၊နှိမ်ပြီးဆက်ဆံတာတို့တွေလုပ်နေတာတွေကိုမခံချင်တာ။ပစ္စည်းပေးရင်ရိုင်းရိုင်း စိုင်းစိုင်းပြန်ပစ်ပေးတာတွေလည်းရှိတယ်။ဒါကြောင့်သူတို့ကိုပဲအားကိုးနေရတဲ့ပုံစံမျိုးကိုမဖြစ်ချင်တာ”ဟု ထိုကျောက်ပွဲစားက ပြောသည်။
ယမန်နေ့ကရန်ပွဲနှင့်ပတ်သက်ပြီးအာဏာပိုင်တို့ကဥပဒေအတိုင်းထိထိရောက်ရောက် အရေးယူသင့်သည်ဟု မန္တလေးသား စာရေးဆရာ ကျော်ရင်မြင့်က ပြောသည်။
“ကိုယ်ထိလက်ရောက်လုပ်တယ်ဆိုတာဘယ်သူကဘယ်သူ့ကိုပဲလုပ်လုပ်မကောင်းပါဘူး။ကျုးလွန်တဲ့ပြစ်မှုကို အရေးယူဖို့လိုအပ်ပါတယ်။အရေးယူမခံရရင်ဆက်ပြီးကျူးလွန်နေမှာပါပဲ။စော်ကားလို့ရရင်ဆက်ပြီး စော်ကားနေမှာပါပဲ” ဟု ဆရာ ကျော်ရင်မြင့်က ဧရာဝတီကို ပြောသည်။
ဖမ်းဆီးထားသူများအား မည်သို့အရေးယူထားကြောင်း မဟာအောင်မြေ အမှတ် ၇၊ အမှတ် ၉ ရဲစခန်းတို့ကို ဆက်သွယ် စုံစမ်းရာ ပြန်လည် ဖြေကြားခြင်း မရှိပေ။
ထိုတရုတ်ကုန်သည်များ လွတ်မြောက်ရေး ဆောင်ရွက်နေသည်ဟု ဆိုသော မန္တလေးမြို့ တရုတ်ကောင်စစ်ဝန်ရုံးကို ဆက်သွယ်သော်လည်း ပြန်လည် ဖြေကြားခြင်း မရှိပါ။
မန္တလေး၊မဟာအောင်မြေကျောက်ဝိုင်းတွင်ယခင်ကအာရှနှင့်အနောက်နိုင်ငံတချို့မှကုန်သည်တို့ လာရောက်မှုများပြားသော်လည်းယခုတွင်မူတရုတ်နိုင်ငံမှကုန်သည်များသာတွေ့နေရသည်ဟု ကျောက်ကုန်သည်တို့က ပြောသည်။
ယခုအခါမန္တလေးကျောက်ဝိုင်းရန်ပွဲအကြောင်းသတင်းများ၊ဓာတ်ပုံများမှာလူမှုကွန်ရက်အင်တာနက် စာမျက်နှာများတွင် ကျယ်ကျယ်ပြန့်ပြန့် ရောက်ရှိနေသည်ကို တွေ့ရသည်။
ဧရာဝတီတွင်လည်းထိုရန်ပွဲသတင်းဖော်ပြခဲ့ရာစာဖတ်သူအများအပြားကတရုတ်ကုန်သည်တို့ကို မကျေနပ်ကြောင်း မှတ်ချက်ပေးထားကြသည်။
ထိုရန်ပွဲကြောင့်လူမျိုးရေးအဓိကရုဏ်း မဖြစ်သင့်ကြောင်းBoအမည်ရှိ စာဖတ်သူက မှတ်ချက်ပေးထားသည်။
“စီးပွားရေးသမားအချင်းချင်းဖြစ်တဲ့ပြဿနာဆိုတော့လူမျိုးရေးဘက်ကိုဦးတည်မသွားသင့်ပါဘူး။ လိုအပ်နေတာက တရုတ် ဆန့်ကျင်ရေး မဟုတ်ပါ” ဟု သူက ဆိုသည်။
ဗိုလ်ချုပ်ကြီးနေ၀င်းအုပ်ချုပ်သည့်၁၉၆၇ခုနှစ်ကရန်ကုန်နှင့် မြို့ကြီးတချို့တွင် တရုတ် - မြန်မာ အဓိကရုဏ်း ဖြစ်ပွားပြီး တရုတ်လူမျိုးပိုင် ကျောင်း၊ အဆောက်အအုံ အများအပြား မီးရှို့ဖျက်ဆီးခံခဲ့ရသည်။
၁၉၈၈ခုနှစ်နောက်ပိုင်းတွင်တရုတ်နှင့်မြန်မာစစ်ရေး၊နိုင်ငံရေး၊စီးပွားရေးဆက်ဆံမှုတိုးမြင့်ခဲ့ပြီးပြည်မကြီးမှ တရုတ်လူမျိုးများ မြန်မာနိုင်ငံအတွင်း ၀င်ရောက်မှု များပြားလာခဲ့သည်။
လူဦးရေသန်း၆၀ခန့်ရှိသည့်မြန်မာနိုင်ငံတွင် တရုတ်နွယ်ဖွား ၂ သန်းခန့် နေထိုင်လျက်ရှိသည်ဟု သိရသည်။

အပစ်ရပ်အဖွဲ့များလက်နက်အပ်ရန်နောက်ဆုံးအချိန်သတ်မှတ်

ခင်ဦးသာ Tuesday, 28 June 2011 17:39
.မွန်ပြည်နယ်အတွင်းရှိအစိုးရနှင့်အပစ်အခတ်ရပ်စဲထားသောတပ်ဖွဲ့ဝင်များအားဇွန်လ၃၀ရက်နေ့ နောက်ဆုံးထားကာလက်နက်များကိုသက်ဆိုင်ရာရဲတပ်ဖွဲ့ထံလာရောက်အပ်နှံရမည်ဟု အမိန့်ထုတ်ထားကြောင်း သိရသည်။
                                                                    မွန်ပြည်သစ်ပါတီတပ်ဖွဲ့ဝင်များ(ဓာတ်ပုံ-NMSP)
အရှေ့တောင်တိုင်းစစ်ဌာနချုပ်၏အမိန့်ဖြင့်ထုတ်ပြန်ကာမွန်ပြည်နယ်၏မြို့နယ်များ၌ယခုလဆန်းပိုင်းမှ စတင်၍လုပ်ဆောင်နေကြောင်း၊မုဒုံမြို့နယ်၊သံဖြူဇရပ်မြို့နယ်များ၏အစိုးရရုံးများ၌ဇွန်လ၂၆ရက်ခန့်မှစ၍ ကြေညာထားကြောင်းမုဒုံဒေသခံနှင့်မွန်ပြည်သစ်ပါတီ(NMSP)အဖွဲ့ဝင်ဟောင်းဖြစ်သူနိုင်မွန်ချမ်းက ပြောသည်။
“ထုတ်ပြန်ချက်မှာတော့ဘယ်အဖွဲ့ဆိုတာရည်ညွှန်းမထားဘူး။လက်နက်တွေမအပ်ရင်ဘယ်လိုအရေးယူမယ်ဆိုတာလည်း ရေးမထားဘူး”ဟု၎င်းကဆိုသည်။
ထိုသို့လုပ်ဆောင်လာခြင်းသည်တိုင်းရင်းသားဒေသများ၌ဖြစ်ပွားနေသောတိုက်ပွဲများအပေါ်အခြေခံကာ မွန်လက်နက်ကိုင်တပ်ဖွဲ့များကတိုက်ခိုက်လာမည်ကိုစိုးရိမ်၍လုပ်ဆောင်ခြင်းဖြစ်နိုင်ကြောင်း၊သို့သော် မွန်ပြည်သစ်ပါတီဝင်ဟောင်းများအနေဖြင့်လက်နက်ရှိသော်လည်းပြန်အပ်လိမ့်မည်ဟုမထင်ကြောင်း အမည်မဖော်လိုသူ မော်လမြိုင်မြို့ခံ မွန်နိုင်ငံရေး သမားတဦးက ဧရာဝတီ ကိုပြောသည်။
“တချို့ကိစ္စတွေကစွပ်စွဲသလိုမျိုးဖြစ်နေတယ်။လက်နက်ဆောင်ထားရင်လည်းဘယ်သူကငါ့မှာလက်နက်ရှိတယ် ပြောမှာလဲ။ စစ်ပွဲတွေ စတိုက်ရင်လည်းပဲ အစိုးရတပ်ကပဲ စတိုက်တာပါ” ဟု ၎င်းက ဆိုသည်။
မွန်ပြည်သစ်ပါတီ၏တပ်ဖွဲ့ဝင်ဟောင်းတို့သည်မြို့ပေါ်နှင့်ကျေးရွာတချို့၌နေထိုင်လျက်ရှိကြောင်း ဒေသခံများက ပြောသည်။
မွန်ပြည်နယ်နှင့်ထိစပ်နေသောကရင်ပြည်နယ်ကြာအင်းဆိပ်ကြီးမြို့နယ်ဒေသတ၀ိုက်၌ယခုလအတွင်း တိုက်ပွဲ၃ကြိမ်ဖြစ်ပွားခဲ့ကြောင်း၊တိုက်ပွဲများ ဖြစ်ပေါ်နေခြင်းနှင့် ဆက်စပ်၍အတ္ထရံမြစ်ကြောင်း တလျှောက်ရှိ ကြာအင်းဆိပ်ကြီးမှမော်လမြိုင်သွားသည့်ရေလမ်းကြောင်းကိုKNU၏လက်အောက်ခံတပ်တချို့က ပိတ်ဆို့ထားကြောင်း ကြာအင်းဆိပ်ကြီး ဒေသခံ ကုန်သည်တဦးက ဆိုသည်။
“တိုက်ပွဲတွေဆက်တိုက်လိုဖြစ်နေတော့မြစ်ကြောင်းထဲကရေလမ်းကြောင်းတချို့ပိတ်ထားတာရက်၂၀ကျော်ပြီ။ ရေလမ်းက လုံးဝ သွားလို့မရ ဖြစ်နေတယ်” ဟု သူက ပြောသည်။
ကြာအင်းဆိပ်ကြီးဒေသတ၀ိုက်တွင်ကရင်အမျိုးသားအစည်းရုံး(KNU)လက်အောက်ခံတပ်မဟာ၆ အခြေစိုက် လှုပ်ရှားလျက်ရှိသည်။
KNUအတွင်းရေးမှူး၁ဗိုလ်မှူးဖဒိုစောလှငွေကမူသံလွင်မြစ်ကြောင်းတလျှောက်ရေလမ်းကြောင်းအားKNUက ပိတ်ဆို့ထားခြင်းသည် မဟုတ်မှန်ဟု ပြောသည်။
“KNUဌာနချုပ်နဲ့ဘာမှမပတ်သက်ပါဘူး။တကယ်ပိတ်ထားတယ် ဆိုရင်လည်း အဲဒီဒေသမှာ အခြေပြုထားတဲ့ တပ်တချို့က စစ်ရေးအရ ခဏ ပိတ်ထားတာလို့ပဲ ထင်တယ်” ဟု ၎င်းက ဆိုသည်။
ဘားအံ၊ ကော့ကရိတ်၊ မော်လမြိုင်၊ ကြာအင်းဆိပ်ကြီး ဒေသများ၌ KNU အနေဖြင့် လှုပ်ရှားမှု မရှိဟု ၎င်းက ဆက်ပြောသည်။
မွန်ပြည်နယ်နှင့်ကရင်ပြည်နယ်နယ်စပ်ဒေသ၌ မကြာသေးခင်ကတိုက်ပွဲတချို့ဖြစ်ပြီးနောက်ပိုင်းအစိုးရ၏ တပ်မ၂၂လက်အောက်ခံဗျူဟာတခုသည်၎င်းဒေသအတွင်းစစ်ရေးအရ၀င်ရောက်လှုပ်ရှားနေကြောင်း သိရသည်။

လိုင်ဇာကိုတိုက်ဖို့အစီအစဉ်မရှိဟုဦးမထုနော်အဖွဲ့ပြောပြီ

ဖနိဒါ အင်္ဂါနေ့၊ ဇွန်လ ၂၈ ရက် ၂၀၁၁ ခုနှစ် ၁၈ နာရီ ၅၇ မိနစ် .
ချင်းမိုင်(မဇ္စျိမ)။ ။ကချင်လွတ်မြောက်ရေးအဖွဲ့KIOဗဟိုဌာနချုပ်လိုင်ဇာမြို့ကိုတိုက်ခိုက်သိမ်းပိုက်ရန် အစီအစဉ်မရှိကြောင်းအစိုးရလိုလားသောပြည်သူ့စစ်တပ်ဖွဲ့တခုဖြစ်သည့်ကောင်းခါးပြည်သူ့စစ်အဖွဲ့ပြန်ကြားရေးအဖွဲ့ဝင် ကိုဒေါင်လွမ်းကယတိပြတ်ငြင်းဆိုလိုက်သည်။
“အစိုးရဘက်ကဘာတွေလုပ်နေလဲတော့မသိဘူး။ကျနော်တို့KDAပြည်သူ့စစ်အနေနဲ့ဒီစစ်ပွဲနဲ့ပတ်သက်လို့ ပစ်တာတွေနည်းနည်းမှမလုပ်ဘူး၊ဘာမှမပတ်သက်ဘူး၊စစ်ရေးပြင်ဆင်တာတွေလည်းမရှိဘူး။ကျနော်တို့က
ကောင်းခါးဒေသကာကွယ်ဖို့ပဲ။တခြားအဖွဲ့တွေနဲ့တွေ့တာလည်းမရှိဘူး”ဟုအဖွဲ့၏ပြန်ကြားရေးအဖွဲ့ဝင် ကိုဒေါင်လွမ်းက မဇ္ဈိမကို ပြောသည်။

ကချင်လွတ်မြောက်ရေးအဖွဲ့KIOဗဟိုဌာနချုပ်လိုင်ဇာမြို့ကိုအစိုးရကတိုက်ခိုက်သိမ်းပိုက်ရန်အစီအစဉ် မရှိကြောင်းကောင်းခါးပြည်သူ့စစ်အဖွဲ့ပြန်ကြားရေးအဖွဲ့ဝင်ကိုဒေါင်လွမ်းပြော(ဓါတ်ပုံမဇ္ဈိမ)
KIOအခိုင်အမာတပ်စွဲထားသောတရုတ်နိုင်ငံနှင့်နယ်နမိတ်ချင်းထိစပ်နေသည့်လိုင်ဇာကိုတိုက်ခိုက်ရန် ပြင်ဆင်မှုတွင်KDAဟုလူသိများသောကောင်းခါးပြည်သူ့စစ်များပါဝင်သည်ဆိုသောသတင်းများ ထွက်ပေါ်လာခြင်းအပေါ် ပြန်လည်တုံ့ပြန်ခြင်းလည်း ဖြစ်သည်။
“ကျနော်တို့ဘက်ကပါဝင်တာတွေမရှိဘူး။အစိုးရဘက်ကလုပ်နေသလားဆိုတာတော့မသိနိုင်ဘူး။ကျနော်တို့ ကချင်အချင်းချင်းသွေးခွဲသလိုမျိုးဖြစ်လာတော့စိတ်မကောင်းဖြစ်နေတယ်။နဂိုကတည်းကနေတောင် ကွဲနေမှအခုလို ဖြစ်တော့ပိုပြီးသွေးခွဲသလိုဖြစ်လာတယ်” ဟုကိုဒေါင်လွမ်းကဆိုသည်။
အင်အား၁ဝဝဝနီးပါးရှိကောင်းခါးပြည်သူ့စစ်ဟုအမည်ပေးထားသောဦးမထုနော်ဦးဆောင်သည့်ယခင် ကချင်ကာကွယ်ရေးတပ်KDAအဖွဲ့မှာရှမ်းပြည်မြောက်ပိုင်းကွတ်ခိုင်မြို့နယ်အတွင်းအခြေစိုက်သည်။ ယမန်နှစ်ကပြည်သူ့စစ်အသွင်ပြောင်းလဲခဲ့ပြီးအရှေ့မြောက်တိုင်းစစ်ဌာနချုပ်လက်အောက်ခံ ကွတ်ခိုင်ဗျူဟာမှူး ဗိုလ်မှူးကြီး စိုးကျော်သူက တိုက်ရိုက်ကွပ်ကဲထားသည်။
ဦးမထုနော်နှင့်အဖွဲ့သည်၁၉၉ဝပြည့်နှစ်တွင်းKIOမှခွဲထွက်သွားပြီး၁၉၉၁နှစ်ဆန်းပိုင်းတွင်အစိုးရနှင့် အပစ်အခတ်ရပ်စဲခဲ့သည်။
KIOကိုတိုက်နိုင်ရေးအတွက်တရုတ်နယ်ကိုဖြတ်သန်းခွင့်အတွက်တရုတ်အစိုးရက ခွင့်ပြုပြီးဖြစ်သည်ဆိုသော သတင်းများနှင့်ပတ်သက်၍ “ဒီလိုအင်အားကြီးတရုတ်နိုင်ငံကဒီလိုလက်နက်ကိုင်တပ်ဖွဲ့သေးသေးလေးကို တိုက်ခိုက်သိမ်းပိုက်ဖို့ခွင့်ပြုလိုက်တယ်ဆိုရင်တော့သူတို့နိုင်ငံလည်းသိက္ခာရှိမှာမဟုတ်ဘူး။ခွင့်ပြုမယ်လို့ မထင်ဘူး” ဟုKIOဗဟိုကော်မတီတွဲဖက်အတွင်းရေးမှူးဦးလနန်ကမဇ္စျိမကိုပြောသည်။
ယူနန်ပြည်နယ်ရင်ချန်း၊ရွှေလီ၊မန်ရှီစသည့်ဒေသများတွင်အဓိကတရုတ်ပြည်မှကချင်လူမျိုးများသာ အများအားဖြင့် နေထိုင်နေသည်ဆိုသည့် အချက်ကိုလည်း စဉ်းစားသင့်သည်ဟု သူက ဆိုသည်။
သို့သော်လည်းKIOအနေဖြင့်စစ်ရေးပြင်ဆင်မှုများအမြဲအသင့်ရှိနေပြီး၊ဇွန်လ၉ရက်နေ့မှယနေ့ထိ၃ ပတ်ကျော်ကြာ တိုက်ပွဲငယ်များ ဖြစ်ပွားနေသည်။
တနင်္လာနေ့ညနေတွင်လည်းကားမိုင်းမြို့နယ်လွယ်ဆိုင်းကျေးရွာနှင့်မအူပင်ကြားမှ ဂျန်မိုင်တောင်ကုန်းပေါ်၌
အစိုးရတပ်ရင်း၂၉၇နှင့်KIOတပ်ရင်း၆တပ်ဖွဲ့အကြား တိုက်ပွဲများ ဆက်လက်ရှိနေသေးသည်ဟုဆိုသည်။





maandag 27 juni 2011

ဒေါ်စုပြောတဲ့လူငယ်နှင့်အိုင်တီ

Rebecca Henschke တနင်္လာနေ့၊ ဇွန်လ ၂၇ ရက် ၂၀၁၁ ခုနှစ် ၁၆ နာရီ ၀၈ မိနစ် .
(ရန်ကုန်)AsiaCallingမှRebeccaHenschkeနှင့်KBR68Hအင်ဒိုနီးရှားရေဒီယိုသတင်းဌါန၏အပတ်စဉ် ရေဒီယိုအစီအစဉ်နှင့်ဒေါ်အောင်ဆန်းစုကြည်တို့မကြာသေးခင်ကပြုလုပ်သောတွေ့ဆုံမေးမြန်းခန်းတွင် မြန်မာလူငယ်များအကြောင်း၊ဆက်သွယ်ရေးနှင့်အိုင်တီနည်းပညာပြောင်းလဲမှုကြီးကို သတိထားမိကြောင်းလည်း ဒေါ်စုက ထည့်သွင်းပြောဆိုသွားသည်။
မွေးနေ့မှာ ဘာတွေလုပ်နေပါသလဲ။
“ကျမမွေးနေ့မှာအတော်များများခဲ့ပါတယ်။လူငယ်ဂီတပြိုင်ပွဲနောက်ဆုံးနေ့ကိုကျင်းပခဲ့ပါတယ်။လူငယ်တွေဘဝမှာ လုပ်စရာအလုပ်တခုခုအမြဲရှိနေတယ်ဆိုတာသိစေဖို့နဲ့သူတို့ထူးချွန်တဲ့နေရာမှာ အောင်မြင်စေရေးအတွက်လေ့ကျင့်ဖို့အခွင့်အလမ်းပေးခဲ့တာဖြစ်ပါတယ်။အခုကြားနေရတဲ့ဂီတဟာ ဒီပြိုင်ပွဲက ဂီတပါပဲ၊ ခု အကြို ဗိုလ်လုပွဲ အဆင့်ရောက်နေပါပြီ”
ဒီပြိုင်ပွဲမှာလူငယ်တွေနိုင်ငံရေးလူ့အခွင့်အရေးတွေအကြောင်းသီဆိုပြိုင်ပွဲဝင်နိုင်ပါသလား။
“ခုအထိတော့ကျမကြားရတဲ့သီချင်းအများစုဟာဒီ နိုင်ငံရေးနဲ့ လူ့အခွင့်အရေးတွေ အကြောင်းပါပဲ”

သူတို့ ဒီသီချင်းတွေကို လူထုကြားထဲမှာကော ဖျော်ဖြေမှာလား။
“ဟုတ်ပါတယ်၊ရုံးမှာဒီသီချင်းတွေကိုသူတို့သီဆိုယှဉ်ပြိုင်ခဲ့ပြီးပါပြီ။ကျမမွေးနေ့မှာအများရှေ့မှာပဲနောက်ဆုံး ဗိုလ်လုပွဲအနေနဲ့ယှဉ်ပြိုင်ကြမှာဖြစ်ပါတယ်။ကြည့်ချင်နားထောင်ချင်တဲ့သူအားလုံးဒီပြိုင်ပွဲကို လွတ်လွတ်လပ်လပ် လာရောက် ကြည့်ရှုနိုင်ပါတယ်”
ဂျကာတာကိုရောက်လာတဲ့လူငယ်တချို့နဲ့စကားပြောကြည့်တော့နိုင်ငံရေးကို စိတ်မဝင်စားတဲ့အကြောင်း၊စိတ်ဝင်စားမှုလျော့ကျလာတဲ့အကြောင်းတွေပြောကြပါတယ် ဒါကိုကောသိပါသလား။
“လူငယ်တချို့ကစိတ်မဝင်စားတာရှိမှာပါဒါပေမဲ့တကယ့်ကိုစိတ်ဝင်စားတဲ့သူတွေလဲရှိပါတယ်။ဒီတော့ဘယ်လို လူငယ်တွေနဲ့ရှင်စကားပြောခဲ့သလဲဆိုတာပေါ်မူတည်မှာပါ။အခွင့်ထူးခံအသိုင်းအဝိုင်းကတော့ ဒီမိုကရေစီကိုစိတ်မဝင်စားတာနိုင်ငံရေးကိုစိတ်မဝင်စားတာရှိပါတယ်။ဒီလိုပဲဘဝကိုခက်ခက်ခဲခဲ ရုန်းကန်နေရတဲ့လူငယ်တွေကလဲသူတို့နိစ္စဓူဝအလုပ်ထက်ပိုပြီးဘာကိုမှမစဉ်းစားအားဘူး။ဒါပေမဲ့ အခုပိုပြီးတွေ့လာရတာက သူတို့ဘဝတွေကို မကျေမနပ်ဖြစ်နေတဲ့ လူငယ်တွေဟာ အပြောင်းအလဲဖြစ်ဖို့ သူတို့တခုခုလုပ်မှ ဖြစ်တော့မယ် ဆိုတာကို တဖြည်းဖြည်း သိလာနေကြပါပြီ”
ဒေါ်စုမွေးနေ့မှာလူငယ်တွေကိုနိုင်ငံရေးအကြောင်းသီချင်းဆိုခိုင်းတဲ့စိတ်ကူးကလဲကြီးမားတဲ့ အပြောင်းအလဲပဲလား။
“ကျမတို့လူငယ်တွေဟာဒီမိုကရေစီနဲ့နိုင်ငံရေးအကြောင်းကိုအမြဲပဲသီဆိုနေကြပါတယ်။ဖိနှိပ်မှုတွေ ဘယ်လိုပဲရှိရှိ၊ကန့်သတ်မှုတွေဘယ်လိုပဲရှိရှိကျမတို့လုပ်သင့်တယ်ထင်တဲ့အလုပ်တွေကိုလုပ်ဖို့ အမြဲကြိုးစားနေပါတယ်။အခုထူးခြားတာကဒီလုပ်ငန်းမှာလူငယ်တွေပိုပြီးပါဝင်လိုကြတာကို တွေ့ရပါတယ်”
ပိုများလာတယ်ဆိုတာသံဃာတော်တွေအုံကြွမှုကာလကထက်ပိုများလာတာပါလား။
“အဲဒီအချိန်ကကျမကနေအိမ်အကျယ်ချုပ်ကျနေဆဲမို့ဒီအကြောင်းမသိပါဘူး။ဒါပေမဲ့သေချာတာကကျမနောက်ဆုံး နေအိမ် အကျယ်ချုပ် ချခံရတဲ့ ၈ နှစ်ကထက် စာရင်တော့ ပိုများလာပါတယ်”
ခုလိုနေအိမ်အကျယ်ချုပ်ချခံရလို့အဆက်ပြတ်နေရာကနေပြန်လွတ်လာတဲ့အခါတခြားဘာထူးခြားတဲ့ အပြောင်းအလဲတွေ တွေ့ရပါသေးလဲ။
“ဆက်သွယ်ရေးမှာတိုးတက်မှုကြီးအိုင်တီတော်လှန်ရေးကြီးလဲမြန်မာပြည်ရောက်လာတာကိုတွေ့ရပါတယ်။ တခြားနိုင်ငံတွေနဲ့စာရင်ရှေ့တန်းရောက်၊မရောက်မပြောနိုင်ပေမယ့်ဒီဆက်သွယ်ရေးတော်လှန်ရေးကြီးက အတိုင်းအတာတခုအထိမြန်မာနိုင်ငံကိုရောက်လာခဲ့တာသေချာပါတယ်။ဒါကြောင့်ပဲလူငယ်တွေဟာ ကျမတို့ လုပ်နေတာတွေကို စိတ်ဝင်စားလာကြတယ် ကျမတို့လုပ်နေတာတွေကို အမီလိုက်လာနိုင်ကြတယ်”
မိန့်ခွန်းတွေအမှာစကားတွေကိုအပြင်ရောက်အောင်ဗွီဒီယိုလင့်တွေတခြားဒစ်ဂျစ်တယ်နည်းလမ်းတွေသုံးပြီး လုပ်လာနိုင်တာတွေ့ရပါတယ်။ဒေါ်စုလုပ်နေတဲ့အရေးကိစ္စတွေအတွက်စည်းရုံးလှုံ့ဆော်မှုတွေလုပ်ဖို့ မြန်မာနိုင်ငံအပြင်ထွက်ပြီးတခြားနိုင်ငံတွေဥပမာအားဖြင့်ထိုင်းတရုတ်နိုင်ငံတွေကိုထွက်ပြီး မလုပ်နိုင်ဘူးလား။
“နောက်လအတွင်းမြန်မာပြည်ထဲမှာကျမခရီးထွက်မှာပါ။ဒီ့မတိုင်ခင်ရန်ကုန်မြို့ အပြင်မထွက်နိုင်တာကတော့ဒီမှာလုပ်စရာတွေအများကြီးရှိနေလို့ပါ။ဒါပေမဲ့ရန်ကုန်မြို့အပြင်ထွက်နိုင်ဖို့ အချိန်ရလာအောင် ကြိုးစားခဲ့ပါတယ်။
နောက်လထဲမှာစထွက်မှာပါ။မြန်မာပြည်အပြင်ထွက်ဖို့ဆိုတာကတော့ကျမထင်ပါတယ်နည်းနည်း စောပါသေးတယ်။ကျမနိုင်ငံပြင်ပထွက်သွားခဲ့ရင်လက်ရှိအစိုးရကကျမကိုပြန်လာခွင့်ပေးမယ်လို့ မထင်နိုင်သေးပါဘူး”
ဒါပေမဲ့မြန်မာနိုင်ငံအတွင်းတော့လွတ်လွတ်လပ်လပ်အကန့်အသတ်မရှိသွားနိုင်တယ်မဟုတ်လား။
“ကန့်သတ်မှုတွေလုပ်မလား မလုပ်ဘူးလားဆိုတာလဲ ကျမမသိပါဘူး။ သူတို့ အပေါ်ပဲ လုံးဝမူတည်ပါတယ်။ ဒါပေမယ့် ကျမမှာ ကိုယ့်နိုင်ငံတွင်း လွတ်လွတ်လပ်လပ် ခရီးထွက်ခွင့်ရှိတယ်လို့တော့ ထင်ပါတယ်”
လွတ်လာပြီးကတည်းကဘယ်နေရာတွေမှာအအောင်မြင်ဆုံးလုပ်ဆောင်နိုင်ခဲ့တယ်လို့ထင်ပါသလဲ။
“ကျမထင်တာဒီမိုကရေစီကွန်ရက်တွေဖွဲ့တာမှာအရှိန်အဟုန်သိပ်ကောင်းခဲ့တာအတွက်တော့အားရတယ်။ လူငယ်တွေပညာရေးတွေလိုကိစ္စတွေနဲ့ပတ်သက်လို့တခြားနိုင်ငံတွေထိကွန်ရက်ကကျယ်ပြန့်သွားပြီ။ ကွန်ရက်ကစုံပါတယ်။ကျန်းမာရေး၊ပညာရေး၊ရှေ့နေကွန်ရက်အတော်စုံတယ်။ပညာရေးကတော့ အဓိကပေါ့”
ဘာတွေများလဲ နည်းနည်း ထပ်ရှင်းပြလို့ရမလား။
“ကျမတို့အခမဲ့ကျောင်းတွေဖွင့်ခဲ့ပါတယ်။ ဒီကျောင်းတွေကို မျှော်လင့်မထားတဲ့နှုန်းနဲ့ကို တိုးဖွင့်နိုင်ခဲ့ပါတယ်။ သိပ်ကိုမြန်ပါတယ်။ဒီနည်းဟာအတော်အလုပ်ဖြစ်တယ်။ပညာရေးကမြန်မာပြည်မှာအတော်ဈေးကြီးတယ်။ တိုင်းပြည်ကဆင်းရဲပေမယ့်ပညာရေးစရိတ်ကအတော်ကြီးတယ်။အစိုးရကပေးတဲ့ပညာရေးက အခမဲ့မဟုတ်ဘူး။မိဘတွေကကျောင်းမထားနိုင်တဲ့ကလေးတွေကိုအခမဲ့ပညာရေးပေးနိုင်အောင်ကျမတို့ လုပ်နေတယ်”
ဒီလိုလူမှုရေးကိစ္စတွေလုပ်နေရုံနဲ့ မြန်မာနိုင်ငံမှာဒီမိုကရေစီရသွားလိမ့်မယ်လို့ထင်ပါသလား။
“သူတို့ လုပ်ချင်တာကိုလုပ်မှဖြစ်မယ်ဆိုတာကိုလူထုနားလည်စေချင်တာပါပဲ။တခြားလူတွေအပေါ် မှီခိုနေလို့ မဖြစ်ဘူး။အမှီခိုကင်းတဲ့စိတ်ဓါတ်ကိုရစေချင်လို့မှီခိုချင်တဲ့စိတ်ကိုလျော့ပါးအောင်လို့တချိန်တည်းမှာ လုပ်တတ် ကိုင်တတ်အောင်လဲ လုပ်ပေးနေတာ”
ဒေါ်စုအပေါ်မှာလူပုဂ္ဂိုလ်အနေနဲ့ရော၊ထင်ရှားတဲ့သူတဦးအနေနဲ့ရောမြန်မာနိုင်ငံအပြောင်းအလဲအတွက် သိပ်မှီခိုလွန်းနေတယ်လို့ ထင်ပါသလား။
“ကွန်ရက်တွေဖွဲ့စည်းတာကိုက ထိုင်နေလို့မရဘူး၊ သူများကိုအားကိုးလို့မရဘူး၊ ကိုယ့်ဘာသာလုပ်မှရမယ် ဆိုတာကို လူတွေသိစေချင်လို့ပါပဲ”
ခုလောလောဆယ်အရှေ့အလယ်ပိုင်းဒေသမှာအပြောင်းအလဲတွေအများကြီး ဖြစ်နေတာကိုတွေ့နေရပါတယ်။ မြန်မာပြည်မှာကော ဒီသတင်းတွေ ဖော်ပြခွင့် ပြုပါသလား။
“အရှေ့အလယ်ပိုင်းက အဖြစ်အပျက်တွေနဲ့ပတ်သက်လို့ ဆင်ဆာဖြတ်တာ နည်းနည်းပါးပါးတော့ ရှိမယ်လို့ ကျမထင်ပါတယ်။ ဒါပေမဲ့ နိုင်ငံရေးကို စိတ်ဝင်စားတဲ့သူတွေကတော့ ဒီသတင်းတွေကို သိနေတာပါပဲ။ တကယ်စိတ်ဝင်စားရင် သတင်းဆိုတာ ရေဒီယိုတို့ အင်တာနက်တို့ကနေ ရနေတာပါ”
ဒီသတင်းတွေက လူတွေကို တစုံတရာ လှုံ့ဆော်ပေးနိုင်တယ်လို့ ထင်ပါသလား။
“ကျမတို့မြန်မာနိုင်ငံမှာလဲဒီလိုတွေဖြစ်လာနိုင်မလားလို့စဉ်းစားကြတာတွေရှိပါတယ်။အခုအရှေ့အလယ်ပိုင်းမှာ
ဖြစ်နေတာတွေကမြန်မာနိုင်ငံမှာ၁၉၈၈ခုနှစ်နဲ့၂ဝဝ၇နှစ်ကဖြစ်ခဲ့တာတွေနဲ့ နှိုင်းယှဉ် ပြောဆိုလာတာတွေလဲ ရှိလာပါတယ်”
ဆွေးနွေးဝိုင်းတွေမှာသောတရှင်တွေအမေးများတာကမြန်မာပြည်ဒီမိုကရေစီရရှိရေးတိုက်ပွဲမှာ အပြင်ကလူတွေ ဘာလုပ်ပေးနိုင်မလဲ ဆိုတာပါ။
“ပထမဆုံးအချက်ကတော့ကျမတို့မြန်မာနိုင်ငံမှာဘာတွေဖြစ်နေတယ်ဆိုတာလူတွေသိနေဖို့လိုပါတယ်။ကျမတို့ စိတ်ပူတာ ပြီခဲ့တဲ့နှစ် နိုဝင်ဘာလက လုပ်ခဲ့တဲ့ ရွေးကောက်ပွဲတွေအပေါ်မှာ သိပ်ထင်ထားကြမှာကိုပါပဲ။
ရွေးကောက်ပွဲတွေလဲလုပ်ပြီးပြီအရပ်သားအစိုးရဆိုတာကြီးလဲပေါ်လာပြီ၊မြန်မာပြည်မှာနောက်ထပ် လုပ်စရာဘာမှမကျန်တော့ဘူးလို့လူတွေထင်မသွားကြဖို့ လိုပါတယ်။ လွန်ခဲ့တဲ့ရက်အနည်း ငယ်အတွင်းကပဲ ကချင်လွတ်လပ်ရေးအဖွဲ့နဲ့အစိုးရတပ်အကြားတိုက်ပွဲတွေပြန်ဖြစ်ခဲ့တာကိုသိလိမ့်မယ်ထင်ပါတယ်။ လွန်ခဲ့တဲ့နှစ်ပေါင်း၂ဝနီးပါးအပစ်အခတ်ရပ်ထားရာကနေခုလိုတိုက်ပွဲတွေ ပြန်ဖြစ်လာတယ်ဆိုတာ ဆုတ်ယုတ်တာကို ပြတာပဲ။ ဒါကြောင့် ငြိမ်းချမ်းရေး ဒီမိုကရေစီရေးတို့မှာ တိုးတက်မှုတွေရှိနေပြီလို့ အလွယ်တကူ ပြောလို့တော့မရဘူးလို့ ကျမထင်ပါတယ်”
တိုက်ပွဲတွေဖြစ်နေတာဟာတရုတ်ပြည်ကရေအားလျှပ်စစ်စီမံကိန်းတွေတည်ဆောက်နေတဲ့ မဟာဗျူဟာကျတဲ့နေရာတွေမှာဖြစ်နေတာဆိုတော့အဲဒီနေရာတွေမှာအခြေအနေတွေဘယ်လိုရှိတယ်လို့ သိထားပါသလဲ။
“ရေဒီယိုမှာကြားတာထက်တော့ကျမတို့ပိုမသိပါဘူး။နယ်စပ်ဒေသမှာဘာတွေဖြစ်နေတယ်ဆိုတာ ကချင်ခေါင်းဆောင်တွေပြောတာကြားပါတယ်။တရုတ်နိုင်ငံကကြားဝင်ဆောင်ရွက်ပေးစေလိုတယ်လို့ သူတို့ပြောတာလဲ ကြားပါတယ်”
တိုင်းရင်းသားအရပ်သားတွေထောင်ပေါင်းများစွာထိုင်းနဲ့တရုတ်နိုင်ငံကိုတိုက်ပွဲတွေဖြစ်လို့ ထွက်ပြေးနေရတယ်လို့လဲကြားပါတယ်။ထိုင်းနိင်ငံကလဲမြန်မာပြည်ကနောက်ထပ်ဒုက္ခသည်တွေ သူတို့ဆီ ရောက်လာတာကိုလက်မခံချင်တော့သလိုလဲရှိပါတယ်။တရုတ်ကလဲ ဒီဒုက္ခသည်တွေကို လွန်ခဲ့တဲ့ ၃ရက်က နယ်စပ်ဖြတ်ကျော်ခွင့်မပေးခဲ့ပါဘူး။မကြာခင်ကမ္ဘာ့ဒုက္ခသည်နေ့လဲရောက်ပါတော့မယ်။အိမ်နီးချင်းနိုင်ငံ တွေကိုဘာများပြောချင်ပါသလဲ။
“ပထမဆုံးပြောချင်တာကတော့ဒုက္ခသည်ဆိုတာဖြစ်ချင်လို့ဖြစ်ရတာမဟုတ်ပါဘူး။အခြေအနေအရ မလွှဲမရှောင်သာလို့ဒုက္ခသည်ဖြစ်လာရသူတွေပါ။သူတို့နိုင်ငံထဲနောက်ထပ်ဒုက္ခသည်တွေ ဝင်မလာစေချင်ရင်ပြည်တွင်းရေး ပြဿနာတွေကိုငြိမ်းငြိမ်းချမ်းချမ်းနဲ့ဖြေရှင်းနိုင်အောင်မြန်မာနိုင်ငံကို သူတို့ကူညီသင့်တယ်လို့ ကျမထင်ပါတယ်။ဒီလိုငြိမ်းငြိမ်းချမ်းချမ်းနဲ့ဖြေရှင်းဖို့ဆိုတာကျမတို့လွန်ခဲ့တဲ့ နှစ်ပေါင်း ၂ဝ လုံး ကြိုးစားခဲ့တဲ့ ကိစ္စပါပဲ”
မြန်မာနိုင်ငံထဲမှာရှိတဲ့ တိုင်းရင်းသားလူမျိုးစုတွေညီညွတ်ရင်အစိုးရပြုတ်ကျမယ်လို့ ထင်ပါသလား။
“ညီညွတ်ရေးဆိုတာအပတ်တကုတ်လုပ်ရတဲ့ဟာမျိုး၊အထူးသဖြင့်တိုင်းရင်းသားပေါင်းစုံနေထိုင်တဲ့နိုင်ငံမှာ အတော်အပတ်တကုတ် လုပ်မှရမယ်။ ညတွင်းချင်း ဒီလို ညီညွတ်သွားကြလိမ့်မယ်လို့တော့ ကျမ မထင်ဘူး။ တချိန်လုံးကြိုးစားရမယ့်အရာပဲ။အချင်းချင်းပစ်တာခတ်တာကတော့ညီညွတ်ရေးအတွက် အဖြေမဟုတ်ပါဘူး”
ဒါဆိုရင်ဒီအဖွဲ့အစည်းတွေကိုပိုပြီးငြိမ်းငြိမ်းချမ်းချမ်းချဉ်းကပ်လုပ်ဆောင်စေချင်တာပါလား။သူတို့ရဲ့ လက်နက်ကိုင် တိုက်ပွဲကိုကော ထောက်ခံပါသလား။
“တိုင်းရင်းသားလူနည်းစုတွေအပေါ်မှာပဲအကုန်လုံးမူတည်တယ်လို့ကျမမထင်ပါဘူး။အစိုးရပေါ်မှာပဲပိုတာဝန်ရှိတယ်လို့ ကျမထင်ပါတယ်။ တိုင်းပြည်မှာ အပစ်အခတ်ရပ်စဲထားမလား မထားဘူးလားဆိုတာ ဆုံးဖြတ်နိုင်ခွင့်ကလဲ သူတို့မှာဘဲ ရှိတာကိုး”
ငြိမ်းငြိမ်းချမ်းချမ်းပျော့ပျော့ပျောင်းပျောင်းချဉ်းကပ်လုပ်ဆောင်တာထက်စာရင်အစိုးရကိုစစ်ပုံစံပိုဆန်တဲ့ အုံကြွမှုမျိုး လုပ်ဖို့လိုတယ်လို့ကော ထင်ပါသလား။
“ငြိမ်းငြိမ်းချမ်းချမ်းပျော့ပျော့ပျောင်းပျောင်းဆိုတာလဲလမ်းမှန်တော့မဟုတ်ဘူး ထင်ပါတယ်။ ငြိမ်းချမ်းဖို့တော့ လိုတယ်ပျော့နေလို့တော့မဖြစ်ဘူး။ဂန္ဓီကြီးကပြောခဲ့တယ်။အကြမ်းမဖက်လမ်းကိုလိုက်ရတာ အကြမ်းဖက်လမ်းကိုလိုက်ရတာထက်သတ္တိပိုရှိဖို့လိုတယ်တဲ့။ဘာလို့လဲဆိုတော့ပိုကြိုးကြိုးစားစား ခက်ခက်ခဲခဲလုပ်ရမှာမို့တဲ့။ကျမတို့ငြိမ်းချမ်းတဲ့လမ်းကိုရွေးတာကျမတို့ပျော့တဲ့လမ်းကိုရွေးတယ်လို့တော့ မဆိုလိုပါဘူး”
မြန်မာနိုင်ငံကရေနက်ဆိပ်ကမ်းလိုစီးပွါးရေးစီမံကိန်းတွေမှာပါဝင်လုပ်ဆောင်နေကြတဲ့အိန္ဒိယနဲ့ ထိုင်းနိုင်ငံကသောတရှင်တွေအနေနဲ့ကကောသူတို့နိုင်ငံကလူထုအခြေပြု အဖွဲ့အစည်းတွေကမြန်မာနိုင်ငံမှာ သူတို့အစိုးရတွေက လုပ်နေတဲ့ စီးပွါးရေး လုပ်ငန်းတွေအပေါ် ဘယ်လိုဖိအားမျိုးတွေပေးနိုင်ပါသလဲ။
“ရေတိုအကျိုးစီးပွါးကိုကြည့်တာထက် ရေရှည်မှာဖြစ်လာနိုင်တဲ့ အန္တရာယ်တွေကို ပိုပြီး ကျယ်ကျယ်ပြန့်ပြန့် တာဝန်သိသိ ကြည့်ကြဖို့ သူတို့အစိုးရတွေကို ဆွဲဆောင်သိမ်းသွင်းနိုင်ရင် ကောင်းပါတယ်။ နှစ်နိုင်ငံအကြား အရေးအကြီးဆုံး အချက်က အစိုးရနှစ်ရပ်ကြား ဘယ်လောက်သင့်မြတ်တယ်ဆိုတာ မဟုတ်ဘူး၊ ရေရှည်မှာ နှစ်နိုင်ငံပြည်သူတွေဘယ်လောက်သင့်မြတ်အဆင်ပြေတယ်ဆိုတာကပိုအရေးကြီးတယ်လို့ ကျမထင်တယ်။နှစ်နိုင်ငံပြည်သူတွေကြားကောင်းမွန်တဲ့ဆက်ဆံရေးရှိဖို့ဆိုတာသူတို့ဘယ်လောက် မျှမျှတတယှဉ်ပြိုင်လုပ်ကိုင်ခွင့်ရတယ်ဆိုတဲ့အပေါ်မူတည်တယ်ဆိုတာသူတို့အစိုးရတွေ သိအောင်လုပ်ပေးနိုင်ရင် ပိုကောင်းတယ်လို့ ကျမထင်ပါတယ်”
အခုလောလောဆယ်ဘယ်နေရာတွေမှာမျှမျှတတမရှိဘူးလို့ထင်ပါသလဲ။ဒီဖွံ့ဖြိုး တိုးတက်မှုတွေကမြန်မာပြည်သူတွေအတွက် ဘာမှ အကျိုးမရှိဘူးလား။
“ဒါတကယ့်ကို မမျှတတာပါ။ မြန်မာပြည်ထဲမှာရှိတဲ့ လူတချို့အတွက်တော့ အကျိုးရှိပါတယ်။ မြန်မာပြည်သူ အများစုကြီးအတွက် အကျိုးရှိတယ်လို့တော့ ကျမ မထင်ပါဘူး”
မွေးနေ့အတွက် ဆုတောင်းရမယ်ဆို ဘာဆုကိုတောင်းမလဲ။
“ရှင်းရှင်းလေးပါ၊ဒါကျမတို့အားလုံးကြာရှည်ကြာများအတူတူတောင်းနေကြတဲ့ဆုဖြစ်လိမ့်မယ်လို့ထင်ပါတယ်။ မြန်မာနိုင်ငံမှာ အမျိုးသားရင်ကြားစေ့ရေး အမြန်ဆုံးရပါစေလို့ပဲ ဆုတောင်းပါမယ်”
ဒါဖြစ်နိုင်လိမ့်မယ်လို့ကောထင်ပါသလား။ဒါတနေ့မှာတကယ်ဖြစ်လာလိမ့်မယ်လို့ကောထင်ပါသလား။
“သိပ်ကိုမျှော်လင့်ပါတယ်။ ကျမတို့လုပ်နိုင်တာနဲ့အမျှ ရမှာပါပဲ။ ကြိုးကြိုးစားစားလုပ်ရင် အောင်မြင်မှာပါ”
တချို့က မေးခိုင်းပါတယ်။ ဒေါ်စုကို ဘယ်အရာတွေက ရယ်မောစေပါသလဲတဲ့။
“ကျမကိုရယ်အောင်လုပ်နိုင်တာအများကြီးရှိပါတယ်။တခါတရံအစိုးရလုပ်နေတာတွေကလဲရယ်ရတာဘဲ။ တခါတရံ သူတို့လုပ်တာ သိပ်ကို ရယ်စရာကောင်းတယ် ဟာသတွေပဲ။ မငိုချင်ရင် ရယ်နေမှ ရမှာ”



ဦးရွှေမန်းမိန့်ခွန်းကိုပြန်ကြားရေးကဆင်ဆာဖြတ်

ဧရာဝတီ Monday, 27 June 2011 18:25
.ပြည်သူ့လွှတ်တော်ဥက္ကဋ္ဌသူရဦးရွှေမန်းကရန်ကုန်ပြည်သူ့လွှတ်တော်အဆောက်အအုံ၌ပြောကြားခဲ့သော မိန့်ခွန်းကို အစိုးရ သတင်းမီဒီယာအားလုံးက ဆင်ဆာ ဖြတ်တောက်ထားကြောင်း သိရသည်။
                                                        ပြည်သူ့လွှတ်တော်ဥက္ကဋ္ဌသူရဦးရွှေမန်း(ဓာတ်ပုံ-Reuters)
ဇွန်လ၂၄ရက်နေ့တွင်ရန်ကုန်တိုင်းပြည်သူ့လွှတ်တော်ရုံးတွင်ကျင်းပသောအစည်းအဝေး၌သူရဦးရွှေမန်းက မိန့်ခွန်းပြောကြားပြီးရန်ကုန်တိုင်းအစိုးရအဖွဲ့ဝင်များ၊လွှတ်တော်ကိုယ်စားလှယ်များ၊စီးပွားရေး လုပ်ငန်းရှင်များ၊ သတင်းမီဒီယာများ တက်ရောက်ခွင့်ရခဲ့သည်။
သူရဦးရွှေမန်းကမြန်မာနိုင်ငံသည်အလွန်နိမ့်ကျလျက်ရှိပြီးအရှေ့အလယ်ပိုင်းဒေသတွင်ဖြစ်ပေါ်သော ဆူပူအုံကြွမှုမျိုးမဖြစ်ပေါ်စေရန်နှင့်ဆူပူအုံကြွမှုဖြစ်ပေါ်လျှင်ပြည်သူများပင်နစ်နာမည်ဖြစ်ကြောင်း ပြောဆိုခဲ့သော်လည်း အဆိုပါ ပြောဆိုချက်များကို အစိုးရပိုင် သတင်းမီဒီယာအားလုံးတွင် ဖော်ပြခြင်းမပြုဘဲ ဆင်ဆာဖြတ်တောက်ခဲ့ခြင်း ဖြစ်သည်။
တသီးပုဂ္ဂလလွှတ်တော်ကိုယ်စားလှယ်တဦးက“ဦးရွှေမန်းကတိုင်းပြည်အင်မတန် နိမ့်ကျနေတယ်ဆိုပြီးတော့ ၀န်ခံတယ်။သူပြောသွားတဲ့အထဲမှာဆူပူအုံကြွမှုဖြစ်ရင်ပြည်သူတွေပဲနစ်နာမယ်လို့လည်းပြောတယ်။ သူဆိုလိုတာကတိုင်းပြည်ဆူပူရင်တပ်ကအာဏာပြန်သိမ်းမယ်။အဲလိုဆိုရင်ပြည်သူပဲနစ်နာမယ်ပေါ့။ ဒါပေမယ့်အဲဒါတွေကအစိုးရရုပ်မြင်သံကြားသတင်းစာထဲမှာမထည့်တာကအတော်ထူးခြားတယ်”ဟု ပြောသည်။
“အမေရိကန်အထက်လွှတ်တော်အမတ်ဂျွန်မက်ကိန်းမြန်မာပြည်လာတုန်းကပြောသွားသလိုပဲအရှေ့အလယ်ပိုင်း ဒေသတွေမှာလိုလူထုအုံကြွမှုတွေမဖြစ်အောင်အားလုံးဝိုင်းဝန်းကြိုးပန်းရမယ်”ဟုသူရဦးရွှေမန်းက ပြောဆိုခဲ့ပြီး ထိုပြောဆိုချက်များ ဆင်ဆာဖြတ်တောက်ခံရသည်။
သူရဦးရွှေမန်း၏တွေ့ဆုံပွဲကိုပြန်ကြားရေးဝန်ကြီးဌာန၊အစိုးရပိုင် ရုပ်သံ၊ သတင်းစာ၊ရေဒီယိုများအားလုံးတွင် သတင်းအဖြစ်ဖော်ပြကြသော်လည်းမိန့်ခွန်းကိုမှုအပြည့်အစုံဖော်ပြခြင်းမပြုဘဲ ဆင်ဆာဖြတ်တောက်ခဲ့သည်မှာထူးခြားကြောင်းတွေ့ဆုံပွဲတက်ရောက်ခဲ့သူ လွှတ်တော်ကိုယ်စားလှယ်များနှင့် သတင်းစာဆရာများက ပြောသည်။
ရန်ကုန်တိုင်းဒေသကြီး လွှတ်တော် ကိုယ်စားလှယ်တဦးက “သူရ ဦးရွှေမန်း ပြောတာတွေ အကုန်လုံးလည်း သတင်းစာမှာ မပါလာတဲ့အပြင် ဦးရွှေမန်းကလည်း အစိုးရအနေနဲ့ လွှတ်တော်က ချမှတ်မယ့် ဆုံးဖြတ်ချက်တွေ၊ ဥပဒေတွေကို လိုက်နာ ဖော်ဆောင်ရမည်ဆိုပြီး ဖွဲ့စည်းပုံအခြေခံ ဥပဒေ ပုဒ်မ ၂၂၈ ကို ကိုးကားပြီး ပြောသွားတယ်” ဟု ပြောသည်။
ပြည်တွင်းသတင်းဂျာနယ်အယ်ဒီတာချုပ်တဦးက“ပုဂ္ဂလိကသတင်းမီဒီယာတွေတင်မဟုတ်ဘူး၊ ပြည်သူ့လွှတ်တော်ဥက္ကဋ္ဌသူရဦးရွှေမန်းလည်းပြောချင်ရာပြောလို့မရဘူး၊စိစစ်ရေးရဲ့ ဆင်ဆာဖြတ်တောက်မှု ခံနေရတယ်ဆိုတာ ထင်ရှားတယ်” ဟု ပြောသည်။
သူရ ဦးရွှေမန်းသည် ဗိုလ်ချုပ်ကြီးအဖြစ် နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ လက်ထက်တွင် ကြည်း ရေ လေ ညှိနှိုင်း ကွပ်ကဲရေးမှူးအထိ တာဝန်ယူခဲ့သည်။
ဇွန်လ ၂၅ ရက်နေ့တွင် သူရ ဦးရွှေမန်းသည် ရုရှနိုင်ငံသို့ အလည်အပတ် ထွက်ခွာသွားသည်။

ဆလိုင်းတင်မောင်ဦးဂုဏ်ပြုပွဲဒေလီတွင်ကျင်းပ

ဆလိုင်း ဟံသာစန်း တနင်္လာနေ့၊ ဇွန်လ ၂၇ ရက် ၂၀၁၁ ခုနှစ် ၀၀ နာရီ ၅၂ မိနစ်
.နယူးဒေလီ(မဇ္ဈိမ)။။မဆလတပါတီအာဏာရှင်စနစ်ဆန့်ကျင်ရေးဆန္ဒပြပွဲများ၌ဦးဆောင်ရင်း ကြိုးပေးကွပ်မျက်ခံရသည့်ချင်းအမျိုးသားဆလိုင်းတင်မောင်ဦး၃၅နှစ်မြောက်အောက်မေ့ဂုဏ်ပြုပွဲတရပ်ကို အိန္ဒိယနိုင်ငံနယူးဒေလီမြို့၌တနင်္ဂနွေနေ့တွင်ကျင်းပခဲ့သည်။
ချင်းကွန်မြူနတီကွန်ယက်(အိန္ဒိယ)ChinCommunityNetwork–CCN(India)ကယင်းအခမ်းအနားကို
မြန်မာရိပ်သာခန်းမBCRC၌တနင်္ဂနွေညနေပိုင်းတွင်ဦးစီးကျင်းပရာချင်း၊ရခိုင်၊ကရင်နှင့် ဗမာများ အပါအဝင်
မြန်မာ့ဒီမိုကရေစီအင်အားစု ဦးရေ ၈ဝ ကျော် တက်ရောက်ခဲ့သည်။
ဆလိုင်းတင်မောင်ဦး၃၅နှစ်မြောက်အောက်မေ့ဖွယ်အခမ်းအနားတွင်မိန့်ခွန်းပြောနေသည့်NCGUBဝန်ကြီး ဒေါက်တာတင့်ဆွေ။(ဓာတ်ပုံ-မဇ္ဈိမ)
‘‘တိုင်းပြည်အတွက်အသက်စွန့်ပေးဆပ်သွားတဲ့ဆလိုင်းတင်မောင်ဦးကိုလေးစားဂုဏ်ပြုလိုတဲ့အတွက်အခမ်းအနား ကျင်းပတာပါ။နောက်တခုကပြည်တွင်းပြည်ပမှာရှိတဲ့ချင်းလူငယ်တွေအကုန်လုံးဆလိုင်းတင်မောင်ဦးကိုလေးစား အားကျစေလိုတဲ့အတွက် ဖြစ်ပါတယ်’’ဟု အခမ်းအနားကျင်းပရခြင်းရည်ရွယ်ချက်ကိုCCNဥက္ကဋ္ဌ ကိုဆလုံးက မဇ္ဈိမကို ပြောပြသည်။
CCNသည် တိုင်းရင်းသားများ တန်းတူရေးနှင့် ကိုယ်ပိုင်ပြဋ္ဌာန်းခွင့်အတွက် နယူးဒေလီနှင့် မီဇိုရမ်ပြည်နယ်ရှိ ချင်းတိုင်းရင်းသားများအကြား ချိတ်ဆက်လှုပ်ရှားနေသည့် အဖွဲ့အစည်းတခုဖြစ်သည်။
၁၉၇၄ခုနှစ်အတွင်းဖြစ်ပွားခဲ့သည့်အလုပ်သမားသပိတ်ကြီးနှင့်ဦးသန့်အရေးအခင်းတွင် ဆလိုင်းတင်မောင်ဦးနှင့်အတူပါဝင်လှုပ်ရှားခဲ့သည့်ရန်ကုန်စက်မှုတက္ကသိုလ်ကျောင်းသားဟောင်း ဦးဖြူဝင်းက“သူ(ဆလိုင်းတင်မောင်ဦး)နဲ့ကျနော်ကြုံတာကကျိုက္ကဆံကွင်းကနေဦးသန့်အလောင်းကို ကျောင်းသားတွေနဲ့သံဃာတော်တွေလုယူခဲ့ပြီးအပြန်မှာရန်ကုန်တက္ကသိုလ်နားရောက်ရော မိုက်နဲ့အော်နေတဲ့လူလက်ထဲကနေသူကမိုက်ကိုလုယူလိုက်ပြီးတက္ကသိုလ်ထဲချိုးကွေ့ချိုးကွေ့ဆိုပြီးသူက ဦးဆောင်အော်ခဲ့တယ်” ဟု အခမ်းအနားတွင် ပြောပြခဲ့သည်။
ဆလိုင်းတင်မောင်ဦးမှာ၁၉၇၂ရန်ကုန်တက္ကသိုလ်၌သတ္တဗေဒဘာသာရပ်အဓိကဖြင့်ပညာသင်နေရင်း နိုင်ငံရေးလှုပ်ရှားမှုဖြင့်ယင်းနှစ်ဒီဇင်ဘာ ၅ ရက်နေ့မှ ၁၉၇၃ ဇန်နဝါရီ၃ ရက်နေ့အထိ ထိန်းသိမ်းခံခဲ့ရသည်။ ထို့နောက်၁၉၇၄အထွေထွေအလုပ်သမားသပိတ်၌ပါဝင်ကာဗိုလ်ချုပ်ကြီးနေဝင်း၏မဆလခေါ် မြန်မာ့ဆိုရှယ်လစ် လမ်းစဉ်ပါတီအား ဆန့်ကျင်ခဲ့သည်။
၁၉၇၄ဒီဇင်ဘာလ၅ရက်နေ့တွင်ကွယ်လွန်သူဦးသန့်(ကုလသမဂ္ဂအထွေထွေအတွင်းရေးမှူးချုပ်) အရေးအခင်း၌ဦးဆောင်ပါဝင်ခဲ့ပြီးနောက်ထိုင်း-မြန်မာနယ်စပ်ရှိပြည်ချစ်ပါတီထံဆက်သွယ်ကာ ကျောင်းသားလှုပ်ရှားမှုအားကူညီရန်ဆွေးနွေးခဲ့သည်။ထို့နောက် ပြည်တွင်းသို့ ပြန်ဝင်လာပြီးနောက် ၁၉၇၅ ဇွန် ၆ ရက်နေ့ အလုပ်သမားနှစ်ပတ်လည် အရေးအခင်း၌ ပါဝင်လှုပ်ရှားခဲ့ပြန်သည်။
မဆလအစိုးရကသူ့ကိုဖမ်းဆီးရန်သတင်းစာမှပင်ကြေညာခဲ့ရသည်။၁၉၇၆မတ်လ၂၃ရက်နေ့တွင် ပြုလုပ်မည့်မှိုင်းရာပြည့်အရေးအခင်းအတွက်ကြိုးပမ်းနေစဉ်တရက်အလိုတွင်သမိုင်းချည်မျှင်နှင့် အထည်စက်ရုံအလုပ်သမားတန်းလျား၌ဖမ်းဆီးခံရသည်။ထို့နောက်အင်းစိန်ထောင်၌အကျဉ်းရုံး စစ်ဆေးကာ၁၉၇၆ဇွန်လ၂၆ရက်မနက်လင်းအားကြီးတွင်အာဏာပိုင်များကတိတ်တဆိတ် ကြိုးပေးကွပ်မျက်ခဲ့သည်။
ကြိုးစင်မတက်မီ“မင်းတို့စစ်ဖိနပ်အောက်မှာငါဘယ်တော့မှဒူးမထောက်ဘူး။မင်းတို့ငါ့ခန္ဓာကို သတ်လို့ရပေမယ့်ငါ့ခံယူချက်နဲ့စိတ်ဓာတ်ကိုတော့ဘယ်တော့မှသတ်လို့မရဘူး”ဟုသူက ကြွေးကြော်ခဲ့သည်။
ဆလိုင်းတင်မောင်ဦး၏ စိတ်ဓာတ်နှင့် ခံယူချက်ကို ယနေ့ခေတ်လူငယ်များ အတုယူသင့်ကြောင်း အဝေးရောက် ညွန့်ပေါင်းအစိုးရ NCGUB ပြန်ကြားရေးဝန်ကြီး ဒေါက်တာတင့်ဆွေက ဒေလီအခမ်းအနား၌ တိုက်တွန်းပြောဆိုခဲ့သည်။
“ကိုယ့်လူမျိုးအတွက်ကိုယ်လုပ်တာကောင်းသလိုပြည်ထောင်စုတခုလုံးအတွက်လုပ်ပါလားဆိုတဲ့ကျယ်ပြန့်တဲ့
နိုင်ငံရေးအမြင် ထားသင့်ကြတယ်လို့ ဒီနေ့လူငယ်တွေကို မေတ္တာရပ်ခံ ထောက်ပြပါရစေ။ ပြည်ထောင်စုကြီး
တခုလုံးအတွက်အသက်ပေးသွားခဲ့တဲ့ဆလိုင်းတင်မောင်ဦးကောင်းရာသုဂတိလားပါစေလို့လည်း ဆုတောင်းပါတယ်” ဟု သူက ဆိုသည်။







အရှိုချင်းမျိုးနွယ်ဖြစ်သူ ဆလိုင်းတင်မောင်ဦးကို ဖခင် ဦးလှဒင်နှင့် မိခင် ဒေါ်နှင်းမြိုင်တို့က ၁၉၅၁ နိုဝင်ဘာ ၉ ရက်နေ့တွင် ပဲခူးတိုင်း တောင်ငူမြို့၌ မွေးဖွားခဲ့ကာ မွေးချင်း ၈ ဦးအနက် အကြီးဆုံး ဖြစ်သည်။



ဆလိုင်းတင်မောင်ဦး ဂုဏ်ပြုပွဲများကို အမေရိကန် ပြည်ထောင်စုနှင့် ကနေဒါအပါအဝင် နိုင်ငံအချို့တွင်လည်း ချင်းအမျိုးသားများက စုပေါင်းကျင်းပခဲ့ကြရာ ကနေဒါနိုင်ငံ ဗန်ကူးဗားမြို့တွင် ကျန်ရစ်သူ မိသားစုဝင်များက ဦးစီးပြုလုပ်ရာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ဂုဏ်ပြုစကား ပြောကြားထားသည့် ဗီဒီယိုမိန့်ခွန်းတရပ် ပေးပို့ခဲ့သေးသည်။





သြစတြေးလျနိုင်ငံခြားရေးဝန်ကြီးမြန်မာပြည်လာမည်

မဇ္ဈိမသတင်းဌာန တနင်္လာနေ့၊ ဇွန်လ ၂၇ ရက် ၂၀၁၁ ခုနှစ် ၁၇ နာရီ ၁၈ မိနစ် .
ချင်းမိုင်(မဇ္ဈိမ)။ ။နိုင်ငံခြားအဆင့်မြင့်အရာရှိများမြန်မာနိုင်ငံသို့ယခုတလောလာရောက်ကြသကဲ့သို့ သြစတြေးလျနိုင်ငံခြားရေးဝန်ကြီးမစ္စတာKevinRuddလည်းကြာသပတေးနေ့တွင်မြန်မာပြည်သို့ ရောက်ရှိမည်။
မစ္စတာRuddသည်ဇွန်၃ဝရက်မှဇူလိုင်၂ရက်နေ့အထိမြန်မာနိုင်ငံတွင်နေထိုင်မည်ဖြစ်ကာ၊အစိုးရ အရာရှိများ၊ဒေါ်အောင်ဆန်းစုကြည်အပါအဝင်အတိုက်အခံများနှင့်နေပြည်တော်နှင့်ရန်ကုန်မြို့၌တွေ့ဆုံရန် စီစဉ်ထားသည်။
“မြန်မာနိုင်ငံ၏သမိုင်းတွင်အရေးကြီးသောအခြေအနေတခုဖြစ်ပွားနေစဉ်ယခုခရီးစဉ်ပေါ်ပေါက်လာပြီး သြစတြေးလျအစိုးရအနေဖြင့်မြန်မာနိုင်ငံ၏ပြုပြင်ပြောင်းလဲရေးနှင့်စီးပွားရေးဖွံ့ဖြိုးတိုးတက်မှုကိုမည်ကဲ့သို့ အကောင်းဆုံးကူညီနိုင်မည်ကိုအကဲခတ်လေ့လာရန်အခွင့်ရရှိလာစေမည်”ဟု သြစတြေးလျ နိုင်ငံခြားရေး ဝန်ကြီးရုံး၏ ကြေညာချက်ထဲတွင် ဖော်ပြထားသည်။

                သြစတြေးလျနိုင်ငံခြားရေးဝန်ကြီး မစ္စတာ KevinRudd (Photo: Australian government)
မစ္စတာRudd၏သဝဏ်လွှာထဲတွင်“မြန်မာနိုင်ငံမှာအမျိုးသားပြန်လည်စည်းလုံးရေးနှင့် ဒီမိုကရေစီပေါ်ပေါက်လာရေးအတွက်ထပ်လောင်းတိုက်တွန်းပြောကြားရန်မိမိအနေနှင့် ယခုတွေ့ဆုံဆွေးနွေးမှုများကို အသုံးချသွားမည်” ဟု ဆိုထားသည်။
၎င်းလာရောက်ခြင်းမပြုမီဥရောပသမဂ္ဂကိုယ်စားလှယ်အဖွဲ့၊အမေရိကန်မှအဆင့်မြင့်သံတမန်များ၊ တရုတ်နှင့်အိန္ဒိယမှကိုယ်စားလှယ်များမြန်မာနိုင်ငံသို့လာရောက်ခဲ့ကြသေးသည်။မြန်မာနိုင်ငံတွင် ယခုနှစ်အစောပိုင်း လွှတ်တော်ခေါ်ပြီး နောက်ပိုင်းတွင် နိုင်ငံခြားအစိုးရ များက မြန်မာ့နိုင်ငံရေး အခြေအနေ အပြောင်းအလဲများ ရှိမရှိ လေ့လာစူးစမ်းရန် စိတ်အားထက်သန်နေခြင်းဖြစ်သည်။
၂ဝဝ၈မေလတွင်မြန်မာနိုင်ငံကိုနာဂစ်မုန်တိုင်းတိုက်ခတ်ပြီးတပတ်ခန့်အကြာတွင်မစ္စတာRudd ကမြန်မာစစ်အစိုးရကိုအပြင်းအထန် ဝေဖန်ပြောကြားခဲ့ရာ၌“အခုလိုအချိန်မှာလက်တွေ့ကျကျနဲ့ချက်ချင်း လုပ်ဆောင်သင့်တာကမြန်မာနိုင်ငံရဲ့တံခါးတွေကိုရိုက်ချိုးဖွင့်ပြီးတော့အကူအညီအရေးတကြီး လိုအပ်နေတဲ့ လူထုကို အကူအညီပေးဖို့ပါပဲ” ဟု ဆိုခဲ့သည်။
သို့ရာတွင်မြန်မာနိုင်ငံတွင်၂ဝ၁ဝနိုဝင်ဘာလတွင်ကျင်းပခဲ့သည့်ရွေးကောက်ပွဲအကြိုကာလကမူမစ္စတာ Ruddက“သြစတြေးလျအနေနဲ့ရည်ရွယ်ထားတာကအဲဒီရွေးကောက်ပွဲကနေဘယ်လိုရလဒ်တွေ ထွက်ပေါ်လာမလဲဆိုတာကိုလေ့လာစောင့်ကြည့်ဖို့နဲ့ရွေးကောက်ပွဲပြီးတဲ့အခါမြန်မာ့ဒီမိုကရေစီ ခေါင်းဆောင်တွေဘာပြောကြမလဲဆိုတာကိုသေချာနားထောင်ဖို့ဖြစ်ပါတယ်။ပြီးရင်တော့အခုထိ မြန်မာနိုင်ငံမှာဆက်ဖြစ်နေတဲ့ဖိနှိပ်မှုတွေကိုဘယ်လိုကိုင်တွယ်ရမလဲဆိုတာကိုနိုင်ငံတကာရဲ့ ရွေးချယ်မှုတွေနဲ့အညီဆောင်ရွက်သွားမှာပါ”ဟုသြစတြေးလျ အသံလွှင့် ကော်ပိုရေးရှင်းသို့ သံတမန်ဆန်စွာ ပြောဆိုခဲ့သေးသည်။
၂ဝ၁၂-၂ဝ၁၃ ခုနှစ်တွင်သြစတြေးလျကမြန်မာနိုင်ငံသို့နိုင်ငံခြားအထောက်အပံ့အဖြစ်အမေရိကန်ဒေါ်လာ သန်း၅ဝခန့်ကူညီလိမ့်မည်ဟု မျှော်လင့်ရသည်။၂ဝဝ၉-၂ဝ၁ဝခုနှစ်တွင်ကူညီခဲ့သောပမာဏဒေါ်လာ၂၉ သန်းနှင့်နှိုင်းယှဉ်လျှင် များပြားလာခြင်း ဖြစ်သည်။
ယခုခရီးစဉ်သည်သြစတြေးလျနိုင်ငံခြားရေးဝန်ကြီးအနေနှင့်၂ဝဝ၂ခုနှစ်နောက်ပိုင်းမြန်မာနိုင်ငံသို့ ပထမဆုံး လာရောက်ခြင်း ဖြစ်သည်။ နောက်တနှစ်အကြာ၂ဝဝ၃ ခုနှစ်တွင် မြန်မာနိုင်ငံ၌ ဒီပဲယင်းအရေးကိစ္စ ဖြစ်ခဲ့ပြီး
မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်နေအိမ်အကျယ်ချုပ်ချထားခံရကာ၂ဝ၁ဝ နိုဝင်ဘာလ ၁၃ ရက်နေ့တွင်မှ ပြန်လွတ်လာခဲ့သည်။
မြန်မာနိုင်ငံသို့မလာခင်မစ္စတာRuddသည်အာဖရိကသမဂ္ဂအလုပ်အမှုဆောင်အစည်းအဝေး တက်ရောက်ရန် အက်ကွက်တိုးရီးယယ်ဂီနီ နိုင်ငံသို့ သွားရောက်မည်။ ဝါရှင်တန်ဒီစီအခြေစိုက်‘Freedom House’ ၏ အဆိုအရ အက်ကွက်တိုးရီးယယ်သည် မြန်မာနိုင်ငံကဲ့သို့ လူ့အခွင့်အရေး ချိုးဖောက်နေသည့် နိုင်ငံဖြစ်ကြောင်း သိရသည်။





အင်းလေးကန်ထဲကျွန်းမျောမတိုးရန်ဒုသမ္မတပြော

ထွန်းထွန်း တနင်္လာနေ့၊ ဇွန်လ ၂၇ ရက် ၂၀၁၁ ခုနှစ် ၁၉ နာရီ ၀၃ မိနစ် .
နယူးဒေလီ(မဇ္ဈိမ)။ ။ရေခမ်းခြောက်ကာရေအဆိပ်သင့်နေသည့်ရှမ်းပြည်နယ်အင်းလေးကန်အတွင်း ကျေးရွာ၊နေအိမ်နှင့်ကျွန်းမျောများထပ်မံမဆောက်လုပ်ရန်အပါအဝင်၁ဝချက်အားဒုသမ္မတဒေါက်တာ စိုင်းမောက်ခမ်းကတနင်္ဂနွေနေ့ ညှိနှိုင်း ဆွေးနွေးပွဲတရပ်တွင် တိုက်တွန်းလိုက်သည်။
ဇွန်လ၂၆ရက်နေ့တွင်အင်းလေးကန်သို့သွားရောက်ခဲ့ကာအင်းလေးကန်ရေရှည်တည်တံ့ရေးနှင့်သဘာဝ ပတ်ဝန်းကျင်အခြေအနေများထိန်းသိမ်းရေးလုပ်ငန်းဆွေးနွေးပွဲတရပ်တွင်တိုက်တွန်းခဲ့ခြင်းဖြစ်သည်။
ယင်းဆွေးနွေးပွဲသို့ပြည်ထောင်စုသစ်တောရေးရာနှင့်လယ်ယာ/ဆည်မြောင်းဝန်ကြီးများ၊မြန်မာ့စိုက်ပျိုးရေး လုပ်ငန်း တာဝန်ရှိသူများ တက်ရောက်ခဲ့သည်။

အင်းလေးကန်ထိန်းသိမ်းရေးအတွက်အချက်၁၀ချက်ကိုအလေးအနက်ထားဆောင်ရွက်ရန်ဒုသမ္မတ ဒေါက်တာစိုင်းမောက်ခမ်းပြော
သူက“အင်းလေးကန်တွင်နောက်ထပ်ကျေးရွာ၊အိမ်၊ကျွန်းမျောများတိုးချဲ့ တည်ဆောက်မှုမပြုရန်၊မလိုအပ်သောကျွန်းမျော၊ဒိုက်၊မှော်၊နုန်းမြေများကိုဆယ်ယူဖယ်ရှားရှင်းလင်းရန်နှင့် ချောင်းများရေစီးရေလာကောင်းအောင်ပြန်လည်ထိန်းသိမ်းပြုပြင်ရန်”ဟုဆိုသည်။
ထို့အပြင်ကန်ပတ်လည်မိုင်၂ဝအတွင်းသစ်တောများခုတ်ယူခြင်း၊တောင်ယာများပြုလုပ်ခြင်းနှင့် ကျွန်းမျောများကိုရေခြံပြုလုပ်ခြင်းကိုပါတားမြစ်ရန်တိုက်တွန်းခဲ့သည်။
အင်းလေးကန်နှင့်ဝန်းကျင်ဒေသတွင်ကျေးရွာအုပ်စု၃၆စုရှိပြီးလူဦးရေ၁သိန်း၇သောင်းကျော်နေထိုင်လျက် ရှိသည်။
ဒုသမ္မတတိုက်တွန်းချက်အတိုင်းပြုလုပ်ပါကဒေသခံများနေထိုင်ရေးခက်ခဲလာနိုင်သဖြင့်အစိုးရက စနစ်တကျ ကိုင်တွယ်မှသာလုပ်ငန်းအောင်မြင်မည်ဟုရန်ကုန်ရှိသစ်တောသယံဇာတ၊ပတ်ဝန်းကျင် ဖွံ့ဖြိုးတိုးတက်ရေးနှင့်ထိန်းသိမ်းရေးအသင်းFREDAမှသဘာဝပတ်ဝန်းကျင်ထိန်းသိမ်းရေးပညာရှင် ဦးအုန်းက အကြံပြုသည်။
“လူတွေရဲ့နေမှုထိုင်မှုကတော့အရေးကြီးတယ်။ဒေသခံတွေကတသက်လုံးမိရိုးဖလာသားစဉ်မြေးဆက်ဒီနေရာမှာနေပြီး ဒီနေရာမှာရှင်လာကြတာဆိုတော့သူတို့ရဲ့စားဝတ်နေရေးလည်းဒါဦးစားပေးရမှာ။ဖွံ့ဖြိုးမှုနဲ့သဘာဝပတ်ဝန်းကျင်က အမြဲတမ်းလွန်ဆွဲနေတာ။အဲဒါအမြဲတမ်းဝိရောဓိဖြစ်နေတော့ဒီပြဿနာတွေကိုလိမ်လိမ်မာမာနဲ့ စိတ်ရှည်လက်ရှည်နဲ့စေတနာထားပြီးလုပ်မယ်ဆိုရင်တဖြည်းဖြည်းတော့အောင်မြင်သွားမှာပါ”ဟုသူက မဇ္ဈိမကို ပြောသည်။

                    အင်းလေးကန်တွင်းတည်ဆောက်ထားသောရေပေါ်ခြေတံရှည်အိမ်များ(ဓါတ်ပုံမဇ္ဈိမ)
အင်းလေးဒေသအခြေစိုက်အင်းအမျိုးသားဖွံ့ဖြိုးတိုးတက်ရေးပါတီဥက္ကဋ္ဌဦးဝင်းမြင့်ကလည်း“ ကုန်ထုတ်လုပ်ငန်း၊စက်မှုလက်မှုလုပ်ငန်းလေးတွေပေါ့လေ။နောက်အသေးစားအိမ်တွင်းမှု လုပ်ငန်းလေးတွေ၊အဲဒါလေးတွေကိုလုပ်ပေးလိုက်လို့ရှိရင်လူတွေကလည်းကုန်းပေါ်ကို ရောက်သွားပြီးတော့မှလူနေမှုကလည်းအဆင်ပြေသွားမယ်။အင်းလေးကန်ကိုလည်းအညစ်အကြေးတွေ မရှိတော့ဘူး။အားလုံးကအလုပ်အကိုင်တွေရှိသွားမှာဖြစ်တဲ့အတွက်အသေးစား လက်မှုလုပ်ငန်းလေးတွေတော့ ထူထောင်ပေးဖို့ လိုပါတယ်” ဟု ဆိုသည်။
အင်းလေးကန်သည်မူလကရေပြင်ဧရိယာ၁ဝဝစတုရန်းမိုင်အထိရှိခဲ့ရာမှ၂ဝဝ၈ခုနှစ်တွင်၂၃မိုင်ခန့်သာရှိတော့ကာ၂ဝ၁ဝခုနှစ်ထဲတွင်စံချိန်တင်ရေခမ်းခြောက်ခဲ့သည်။ကန်သည်နွေရာသီတွင်ပျမ်းမျှ ရေအနက်၇ပေခန့်ရှိပြီးအနက်ဆုံးအပိုင်းမှာ၁၂ပေခန့်ရှိကာမိုးရာသီတွင်မူပျမ်းမျှထက်၅ပေခန့် မြင့်တက်လေ့ရှိသည်။
ဒုသမ္မတဒေါက်တာစိုင်းမောက်ခမ်း၏ဆွေးနွေးချက်ထဲတွင်ကန်အတွင်းရေဝင်ရေထွက်နည်းလာခြင်းနှင့်နုန်းကျခြင်းများရှိနေရာ၊ ရေဝေရေလဲဒေသရှိသစ်တာသစ်ပင်များစိုက်ပျိုးခြင်း၊ထိန်းသိမ်းခြင်းနှင့်နုန်းတားဆည်များတည်ဆောက်ရန်ကိုပါ ထည့်သွင်းပြောဆိုခဲ့သည်။

ရှမ်းပြည်နယ် အင်းလေးကန်တွင်းရှိ ခရမ်းချဉ်သီးပင်များကို ပိုးသတ်ဆေး ပက်ဖျန်းနေသူတဦး ပိုးသတ်ဆေး သုံးစွဲမှုကြောင့် ကန်ထဲရှိ ရေသတ္တဝါများ အတွက် အဆိပ်သင့်မှုများ ရှိသည်။ ဓာတ်ပုံ- မဇ္ဈိမ။
ထို့အပြင်ဒေသခံများအတွက်သောက်သုံးရေရင်းမြစ်များရှာဖွေတည်ဆောက်ရန်၊သဘာဝပတ်ဝန်းကျင် ထိန်းသိမ်းရေးကိုအမျိုးသားရေးလိုအပ်ချက်အဖြစ်ပညာပေးလုပ်ငန်းများဆောင်ရွက်ရန်အပြင်ဘဏ္ဍာငွေဖောင်ဒေးရှင်း တရပ်အားနိုင်ငံတော်မှမတည်၍လုပ်ငန်းရှင်များထည့်ဝင်ငွေဖြင့်ဆောင်ရွက်သွားရန်တိုက်တွန်းထားသေးသည်။
အင်းလေးကန်မှာမြန်မာနိုင်ငံ၏သဘာဝအမွေအနှစ်တခုဖြစ်ပြီးနိုင်ငံခြားခရီးသွားများမျက်စိကျသည့်ဒေသလည်း ဖြစ်သည်။ထို့အပြင်အရှေ့တောင်အာရှနိုင်ငံများအသင်းASEANကအာဆီယံ ယဉ်ကျေးမှုအမွေအနှစ်အဖြစ် သတ်မှတ်ထားသည့် နေရာဖြစ်သည်။
အင်းလေးကန်ကိုနဂိုမူလအတိုင်းပြန်ဖြစ်ရန်အတွက်၁ဝနှစ်ထက်မနည်းအချိန်ယူလုပ်ဆောင်ရမည်ဖြစ်ကာ၊ တားမြစ်ချက်ထုတ်ပြန်ခြင်းအပြင်တိကျသည့်ဥပဒေများပြဋ္ဌာန်းရန်လိုအပ်သေးသည်ဟုဦးအုန်းက ပြောဆိုသည်။
သူကဆက်ပြီး“ဥပဒေတွေကလည်း မလုံလောက်ဘူး။ဥပမာဆိုပါတော့ သဘာဝပတ်ဝန်းကျင်ဆိုင်ရာ ဥပဒေ EnvironmentalLawကအခုထက်ထိမထွက်သေးဘူး။နောက်တခုအရေးကြီးတာကအင်းလေးနဲ့လည်း ဆိုင်တာကBiodiversityLaw။ဆိုလိုတာကအဆိပ်အတောက်ရှိတဲ့ဓာတုဓာတ်မြေသြဇာတွေအစားသဘာဝ ဓာတ်မြေသြဇာအစားထိုးတဲ့ စနစ်။ ဒါကလုပ်တာကတပိုင်း၊ဥပဒေကလည်း ပြုရမယ်” ဟု ပြောသည်။
အင်းလေကန်အတွင်းကျွန်းမျောစိုက်ခင်းများတွင်ဓာတုဓာတ်မြေသြဇာများအသုံးပြုနေသဖြင့် ရေညစ်ညမ်းမှုများဖြစ်နေပြီး ကန်အတွင်း ကျွန်းမျော စိုက်ခင်းပေါင်း ဧက ၈ဝဝဝ ခန့် ရှိသည်ဟု ဦးဝင်းမြင့် အဆိုအရ သိရသည်။
ရှမ်းပြည်တောင်ပိုင်းညောင်ရွှေမြို့ရှိအင်းလေးကန်တွင်ရေခန်းခြောက်နေသည်ကိုတွေ့ရစဉ်။ဓာတ်ပုံ- မဇ္ဈိမ။
“အင်းလေးကန်ရေကရေအရည်အသွေးညံ့လာတာရယ်၊ပြီးတော့ခရမ်းချဉ်သီးစိုက်ခင်းမှာဓာတုဗေဒပစ္စည်းတွေ သုံးတဲ့အတွက်အင်းလေးကန်မှာရေအရည်အသွေးလျော့ကျလာတာရှိပါတယ်။ဒါပေမဲ့လူတွေကိုအန္တရာယ်
ဖြစ်လောက်တဲ့အထိမဖြစ်သေးပါဘူး။ဒါလေးကိုကျနော်တို့ကမထိန်းသိမ်းလို့ရှိရင်နောက်၅နှစ်မှာလူကို အန္တရာယ်ဖြစ်လာမယ့် အနေအထား ရှိပါတယ်” ဟု သူက ဆိုသည်။
အင်းလေးကန်ကြီးရေရှည်တည်တံ့ရေးလုပ်ငန်းများအတွက်မြန်မာအစိုးရကကြီးကြပ်ရေးကော်မတီတရပ် ဖွဲ့စည်းထားသော်လည်းဝန်ကြီးဌာနပေါင်းစုံအနေဖြင့်ထိရောက်စွာပေါင်းစပ်လုပ်ကိုင်မှသာ အောင်မြင်နိုင်မည် ဟုလည်း ဦးအုန်းက ပြောဆိုလိုက်သည်။



“ဒုသမ္မတက ဌာနတွေ အကုန်လုံးကို ကိုင်ပြီးတော့ အစစအရာရာ အဆင်ပြေအောင် သူက ဖန်တီးပေးရမှာ။ အဲဒါမှ အောင်မြင်မယ် ထင်တယ်။ ဝန်ကြီးဌာန တခုထဲ၊ နှစ်ခုထဲ ပေးတာထက် ဌာနပေါင်းစုံကို ဒုသမ္မတအောက်မှာ ထားပြီး အင်းလေးကန် ရေရှည်တည်တံ့ဖို့ ဆိုတဲ့ ခံယူချက်နဲ့ လုပ်မယ် ဆိုရင်တော့ မဖြစ်မနေ အောင်မြင်မှာပဲလို့ ယူဆတယ်” ဟု သူက ပြောသည်။



သစ်တော၊ စိုက်ပျိုးရေးနှင့် ဆည်မြောင်း ဝန်ကြီးဌာနများ သာမက မြန်မာ့ရေလုပ်ငန်း၊ ဟိုတယ်ဇုန်နှင့် ခရီးသွား လုပ်ငန်းများပါ စုပေါင်း လုပ်ကိုင်သင့်သည်ဟု ဆိုသည်။





zaterdag 25 juni 2011

စည်းကမ်းမဲ့စွန့်ပစ်ပစ္စည်းများဒဏ်ရခိုင်ဒေသခံများမခံနိုင်

ခင်ဦးသာ Saturday, 25 June 2011 13:10
.ရခိုင်ပြည်နယ်ကျောက်ဖြူမြို့၌တည်ဆောက်နေသောကျောက်ဖြူရေနက်ဆိပ်ကမ်းစီမံကိန်းနှင့်ဆက်စပ် လုပ်ငန်းခွင်များမှထွက်သောစွန့်ပစ်ပစ္စည်းများအားလူနေကျေးရွာအနီး၌စည်းကမ်းမဲ့စွန့်ပစ်နေခြင်းနှင့် ပတ်သက်၍ ပြည်နယ်ဝန်ကြီးချုပ်ထံ တိုင်ကြားသော်လည်း အရေးယူမှုမရှိဟု ဒေသခံများက ပြောသည်။
                                                   တည်ဆောက်ဆဲကျောက်ဖြူရေနက်ဆိပ်ကမ်း(ဓာတ်ပုံ-ဧရာဝတီ)
ကျောက်ဖြူမြို့ကံ့ကော်တောဘုရားအနီးတည်ဆောက်နေသောသဘာဝဓာတ်ငွေ့သန့်စင်စက်ရုံစီမံကိန်း လုပ်ငန်းခွင်များ၌ကိုရီးယား၊တရုတ်၊အိန္ဒိယ၊မလေးရှား၊ဖိလစ်ပိုင်စသည့်နိုင်ငံသားတရာကျော်နှင့် မြန်မာနိုင်ငံတွင်းမှကုမ္ပဏီတချို့၏၀န်ထမ်းများနေထိုင်လုပ်ကိုင်ကြောင်း သိရသည်။
“အဲဒီလူတရာကျော်ရဲ့စားကြွင်းစားကျန်တွေ၊အဲဒီလူတွေသုံးတဲ့အိမ်သာကမိလ္လာတွေ၊အသုံးအဆောင်စွန့်ပစ်ပစ္စည်းတွေကို ကံ့ကော်တောဘုရားနဲ့နီးစပ်နေတဲ့အုန်းတောနဲ့ဂုံးချိန်ရွာနားကချောင်းထဲကို နေ့တိုင်းလာစွန့်ပစ်နေတယ်”ဟု အုန်းတောရွာသားတဦးက ဧရာဝတီကို ပြောသည်။
အဆိုပါစွန့်ပစ်ပစ္စည်းများမှထွက်သောအနံ့ဆိုးများကြောင့်ရွာသားများသည်နေထိုင်မရအောင်ပင်ကြုံနေကြရကြောင်း၊ အထူးသဖြင့်မိုးရွာသောနေ့များတွင်ပိုမိုဆိုးရွားကြောင်း၊ထို့ကြောင့်အုန်းတောရွာသားတရာဝန်းကျင်နှင့်ဒေသခံများ၊ဒေသခံသံဃာတော်များကစုပေါင်းလက်မှတ်ထိုး၍မြို့နယ်အုပ်ချုပ်ရေးမှူးနှင့်ခရိုင်အုပ်ချုပ်ရေးမှူးများထံ ဇွန်လ၁၄ရက်နေ့တွင်တိုင်ကြားသော်လည်း၎င်းတို့၌ပြောဆိုဟန့်တားပိုင်ခွင့်မရှိဟု ပြန်လည်ပြောဆိုကြောင်း ဒေသခံများက ပြောပြသည်။
“ဒေသဆိုင်ရာတွေကတာဝန်ယူမှုမရှိလို့ဇွန်လ၁၈ရက်နေ့မှာပြည်နယ်ဝန်ကြီးချုပ်ဦးလှမောင်တင်ကို ထပ်မံတိုင်ပါတယ်။ဝန်ကြီးချုပ်ကလည်းဘာမှအရေးယူပြောဆိုတာမရှိဘူး”ဟုအုန်းတောရွာခံကဆိုသည်။
ဒေသဆိုင်ရာအာဏာပိုင်များနှင့်ပြည်နယ်အစိုးရကအရေးယူမှုမရှိ၍ဒေသဆိုင်ရာ လွှတ်တော်ကိုယ်စားလှယ်များနှင့်နေပြည်တော်ရှိဗဟိုအစိုးရထံထပ်မံတိုင်ကြားသွားမည်ဟုဒေသခံများကပြောသည်။
“တိုင်စာတွေတော့ရထားပြီးပါပြီ၊ပြည်နယ်အစိုးရနဲ့ဆွေးနွေးဖို့ဆောင်ရွက်နေပါတယ်၊ပြည်နယ်အစိုးရအနေနဲ့တော့ အရေးယူမှုလုပ်နိုင်မယ်မထင်ဘူး၊နေပြည်တော်ကလွှတ်တော်အစည်းအဝေးတွေမှာလည်းပဲဒီကိစ္စကိုပြောထားပါတယ်”ဟုရခိုင်တိုင်းရင်းသားများတိုးတက်ရေးပါတီ(RNDP)၏ ပြည်သူ့လွှတ်တော် ကိုယ်စားလှယ်နှင့် ကျောက်ဖြူမြို့ခံ ဦးဘရှင်က ပြော သည်။
ကျောက်ဖြူရေနက်ဆိပ်ကမ်းစီမံကိန်းနှင့်ဆက်နွယ်နေသောလုပ်ငန်းခွင်များတွင်လုပ်ကိုင်နေကြသည့် ကုမ္ပဏီများ၊ပြည်တွင်း၊ပြည်ပနိုင်ငံသားများ၊အာဏာပိုင်များအနေဖြင့်သဘာဝပတ်ဝန်းကျင်ထိခိုက်မှု၊ ဒေသခံပြည်သူလူထုအား ထိခိုက်နစ်နာ စေ မည့် ကိစ္စများ မဖြစ်ပေါ်စေရေးကို အလေးထားလုပ်ဆောင်ရန် လိုအပ်ကြောင်း ဦးဘရှင်က ဆိုသည်။
ကျောက်ဖြူမြို့အနီးရှိမဒေးကျွန်းပေါ်မှတရုတ်နိုင်ငံသို့သဘာဝဓာတ်ငွေ့ပိုက်လိုင်းသွယ်တန်းမည့် မဒေးကျွန်းအနီးရှိပင်လယ်ပြင်၌တည်ရှိသောကျောက်ဆောင်၊ကျောက်တန်းအများအပြားကိုလည်း ဒိုင်းနမိုက်ကိရိယာများအသုံးပြုကာဖြိုခွဲဖျက်ဆီးခဲ့မှုများကြောင့်သဘာဝပတ်ဝန်းကျင်ထိခိုက်ခဲ့သည့်အပြင် ရေနေသတ္တ၀ါအများအပြားကို သေဆုံးစေခဲ့ကြောင်း ၎င်းက ဆက်ပြောသည်။
အဆိုပါရေနက်ဆိပ်ကမ်းစီမံကိန်းနှင့်ပတ်သက်သောသဘာဝပတ်ဝန်းကျင်ဆိုင်ရာ အဖွဲ့အစည်းများနှင့်ပူးပေါင်းဆောင်ရွက်မှု မရှိသေးကြောင်း၊တာဝန်ရှိသူများ၏ စီမံကိန်းနှင့်ပတ်သက်သော သဘာဝပတ်ဝန်းကျင်ထိန်းသိမ်းရေးစာရွက်စာတမ်းများ၌ရေးသားထားချက်များသည် ကောင်းမွန်သော်လည်း လက်တွေ့လိုက်နာမှု အားနည်းသေးကြောင်း သဘာဝပတ်ဝန်းကျင် ထိန်း သိမ်းရေး ပညာရှင် ဦးအုန်းက ပြောသည်။
ကျောက်ဖြူရေနက်ဆိပ်ကမ်းစီမံကိန်းနှင့်ဆက်စပ်နေသောလုပ်ငန်းခွင်များ၌တရုတ်နိုင်ငံ၏ အကြီးဆုံးကုမ္ပဏီတခုဖြစ်သောတရုတ်အမျိုးသားရေနံကော်ပိုရေးရှင်း(ChinaNationalPetroleum Corporation-CNPC)ကုမ္ပဏီကဦးဆောင်ကာ၂၀၁၀ပြည့်နှစ်အောက်တိုဘာလမှစ၍အကောင်ထည်ဖော် တည်ဆောက်လျက်ရှိပြီး၂၀၁၃ခုနှစ်တွင်အပြီးတည်ဆောက်မည်ဟုအစိုးရသတင်းစာများ၌ ရေးသားခဲ့သည်။
                                                   ကျောက်ဖြူရေနက်ဆိပ်ကမ်းလုပ်ငန်းခွင်တခု(ဓာတ်ပုံ-ဧရာဝတီ)
ထိုစီမံကိန်းများပြီးစီးပါကကျောက်ဖြူမြို့မှတရုတ်နိုင်သို့တနှစ်လျှင်သဘာဝဓာတ်ငွေ့တန်ချိန်ကုဗမီတာ၁၂ ဘီလီယံနှင့် ရေနံစိမ်း စည် ၄၀၀၀၀၀ ခန့် တင်ပို့နိုင်မည်ဖြစ်ကြောင်း သိရသည်။
CNPCကုမ္ပဏီအပြင်PSCကုမ္ပဏီ၊MNG၊HyundiaMyintandAssociate၊ဒေ၀ူး၊ မြန်မာ့ ရွှေသရဖူ၊ အေးရှားဝေါလ်စသည့်ပြည်တွင်း၊ပြည်ပကုမ္ပဏီများကလုပ်ဆောင်နေကြကြောင်းရွှေသဘာဝဓာတ်ငွေ့ လှုပ်ရှားမှု အဖွဲ့တာဝန်ခံ ကိုဝင်းအောင် က ပြောသည်။
စီမံကိန်းလုပ်ငန်းခွင်များ၌လည်းလူ့အခွင့်အရေးချိုးဖောက်မှု၊လုပ်အားခဖြတ်တောက် ခေါင်းပုံဖြတ်မှုများရှိနေပြီး ထိုကိစ္စများကို မကျေနပ်၍ သက်ဆိုင်ရာကို တိုင်ကြားခဲ့သည့်အလုပ်သမား ၁၀၀ ၀န်းကျင်ကို အလုပ်မှထုတ်ပယ်ခဲ့ကြောင်း ကိုဝင်းအောင် က ဆိုသည်။
ယင်းစီမံကိန်းလုပ်ငန်းခွင်များ၌လုပ်ကိုင်နေသောဒေသခံအလုပ်သမားတချို့၏အဆိုအရ၎င်းတို့သည် မနက် ၆ နာရီမှ ညနေ ၆ နာရီ အထိအလုပ်လုပ်ကြရပြီးတနေ့လုပ်အားခမှာကျပ်၁၅၀၀ မှ ၂၅၀၀ သာ ရရှိကြောင်း၊ အလုပ်သမား တဦး အတွက် တရားဝင်လုပ်အားခကို ကျပ် ၅၀၀၀ ဟု သတ်မှတ်ထားသော်လည်း ဒေသ အာဏာပိုင်များနှင့်ကြီးကြပ်သူ မြန်မာနိုင်ငံ သားများက ခေါင်းပုံဖြတ်သည်ဟု သိရသည်။

လူသားလုံခြုံရေးသည်အမျိုးသားလုံခြုံရေးဖြစ်သည်

မဇ္ဈိမသတင်းဌာန စနေနေ့၊ ဇွန်လ ၂၅ ရက် ၂၀၁၁ ခုနှစ် ၁၄ နာရီ ၄၀ မိနစ် .
မြန်မာနိုင်ငံသည်အမျိုးသားလုံခြုံရေးနိုင်ငံဖြစ်သည်။အမျိုးသားလုံခြုံရေးမှန်ဘီလူးကြီးဖြင့်ကြည့်၍အစိုးရ ဆုံးဖြတ်ချက်မှန်သမျှကိုချမှတ်သည်။အမျိုးသားလုံခြုံရေးနှင့်ကာကွယ်ရေးကိုနေပြည်တော်ကဦးစားပေး စဉ်းစားဆုံးဖြတ်ခြင်းသည်တာဝန်မဲ့ဆောင်ရွက်မှုဖြစ်သည်ဟုတော့ပြော၍မရပါ။ဝါရှင်တန်၊လန်ဒန်မှသည် နယူးဒေလီအထိအစိုးရတိုင်းသည်အမျိုးသားလုံခြုံရေးကိုဦးစားပေးထည့်သွင်းစဉ်းစားရမြဲဖြစ်ပါသည်။ နိုင်ငံတခု၏ အခြေခံကျသော တာဝန်လည်း ဖြစ်ပါသည်။
မြန်မာခေါင်းဆောင်များသည်နိုင်ငံတော်မူဝါဒတခုလုံးတွင်အမျိုးသားလုံခြုံရေးကိစ္စကမည်၍မည်မျှလွှမ်းမိုး ပါဝင်နေသည်ကိုလည်းကောင်း၊အမျိုးသားလုံခြုံရေးကိစ္စတွင်စစ်တပ်အပိုင်းကမည်၍မည်မျှအထိလွှမ်းမိုး ချုပ်ကိုင်ထားမည်ကိုလည်းကောင်းခွဲခြားသိမြင်ကြရပါမည်။
လက်နက်ကိုင်တပ်ဖွဲ့များသည်အမျိုးသားလုံခြုံရေးတွင်လိုအပ်သောအရာဖြစ်သော်လည်းအစိတ်အပိုင်း တရပ်မျှသာဖြစ်ပါသည်။ကာကွယ်ရေးနှင့်နိုင်ငံတော်ညီညွတ်ရေးတို့သည်လူသားလုံခြုံရေး အတွက်လည်း
ဖြစ်ရပါမည်။အကြောင်းမူနိုင်ငံတော်ဆိုသည်မှာလူတဦးချင်းကိုစုပေါင်းဖွဲ့စည်း တည်ဆောက်ထားခြင်းကြောင့်ဖြစ်ပါသည်။ဤလိုအပ်ချက်ကိုဖြည့်ဆည်းရန်အတွက်လူသားလုံခြုံမှုဆိုသော အကြောင်းအရာကြီးတွင်များပြားလှသောကိစ္စများဖြစ်ကြသည့်ပတ်ဝန်းကျင်ထိန်းသိမ်းကာကွယ်ရေး၊ အလုပ်အကိုင်ရရှိရေး၊အာဟာရပြည့်ဝသောအစားအစာများရရှိရေး၊ကျန်းမာရေးစောင့်ရှောက်မှုရရှိရေးတို့ ပါဝင်ကြပါသည်။
စီးပွားရေးအရချွတ်ခြုံကျပြီးစားဝတ်နေရေးမပြေလည်သည့်သူများကနိုင်ငံတော်ညီညွတ်ရေးနှင့်လုံခြုံရေး ကိစ္စများကိုဆောင်ရွက်ပေးနိုင်ကြပါမည်လား။ကူးစက်ရောဂါများ၏ခြိမ်းခြောက်မှုကိုအစဉ်တစိုက် ခံနေရသည့်၊တကိုယ်ရေကျန်းမာရေးကိုမစောင့်ရှောက်နိုင်သည့်သူများကကော ထိုသို့လုပ်ဆောင်နိုင်ကြပါမည်လား။ ညစ်ညမ်းနေသော ပတ်ဝန်းကျင်နှင့် သဘာဝသယံဇာတ ကင်းမဲ့သည့် အခြေအနေကကော ထိုသို့ လုပ်ဆောင်နိုင်ပါမည်လော။ အဖြေမှာ လုံးဝ မလုပ်နိုင်ပါဟုပင် ဖြစ်သည်။
လူသားလုံခြုံရေးကိစ္စဆိုသည်မှာအားလုံးဝိုင်းဝန်းဆောင်ရွက်ကြရမည့်ကိစ္စကြီးဖြစ်ပါသည်။ ဤတာဝန်ကြီးကိုအမျိုးသားလုံခြုံရေးအတွက်အစဉ်အလာထမ်းဆောင်နေကျပုဂ္ဂိုလ်များသာမက အခြားသူများလည်းပါဝင်ခွင့်ရှိရန်မှာအရေးကြီးသောကိစ္စဖြစ်သည်။ပျော့ပျောင်းမှုရှိဖို့လိုအပ်သည်။ နိုင်ငံတကာ၊ဒေသတွင်းနှင့်သက်ဆိုင်ရာဒေသတွင်းမှသင့်တော်သောတသီးပုဂ္ဂလများ၊အဖွဲ့အစည်းများကို ပါဝင်ဆောင်ရွက်ခွင့် ပြုရမည်ဖြစ်ပါသည်။
ကုလသမဂ္ဂဖွံ့ဖြိုးရေးအစီအစဉ်မှထုတ်ပြန်သောလူသားဖွံ့ဖြိုးမှုအညွှန်းကိန်းအရမြန်မာနိုင်ငံသည်၂ဝ၁ဝ ခုနှစ်၌နိုင်ငံပေါင်း၁၇၂နိုင်ငံရှိသည့်အနက်အဆင့်၁၃၅ချိတ်သည်ကိုတွေ့ရသည်။ယင်းသည်ယခင်နှစ်ကနှင့် စာလျှင်တဆင့်တက်လာခြင်းဖြစ်သည်။သို့သော်`ဖွံ့ဖြိုးမှုနိမ့်ကျ´သည်ဆိုသောအဆင့်တွင်ရှိနေဆဲဖြစ်သည်။ အာဖရိကနိုင်ငံအများအပြားနှင့်ယှဉ်လျှင်သာသည်ဟုဆိုနိုင်သော်လည်းဒေသတွင်းနိုင်ငံများနှင့်ယှဉ်လျှင် ဘင်္ဂလားဒေ့ခ်ျနိုင်ငံမှ လွဲ၍ အားလုံးနောက်တွင် ကျန်နေဆဲပင် ဖြစ်သည်။
ယင်းတို့ကိုကြည့်လျှင်မြန်မာနိုင်ငံ၏အမျိုးသားလုံခြုံရေးတွင်ကွာဟချက်ကြီးရှိနေသည်မှာမူထင်ရှားသည်။ ကံကောင်းသည်မှာဤကွာဟမှုကြီးကိုတာဝန်သိသောခေါင်းဆောင်မှု၏လမ်းညွှန်မှုနှင့်ပါဝင်လက်တွဲဆောင်ရွက်မှုတို့ဖြင့် ပိတ်ဆို့နိုင်သေးသည့် အခွင့်အလမ်း ရှိနေသေးခြင်းပင် ဖြစ်သည်။
လူသားလုံခြုံမှုကိုတိုးတက်စေမည့်အစီအစဉ်များကိုအောင်မြင်စွာအကောင်အထည်ဖော်ရင်းဖြင့်အမျိုးသားလုံခြုံရေးတွင် ပါဝင်သောစစ်တပ်အစိတ်အပိုင်းကိုနိုင်ငံသားအားလုံးနှင့်သက်ဆိုင်သည့်ကာကွယ်ရေးကိစ္စများတွင်ပါဝင်ခွင့် ပြုရမည် ဖြစ်သည်။





vrijdag 24 juni 2011

မြို့ကြီးသုံးမြို့ ဗုံးလေးလုံး ဆက်တိုက်ကွဲ

မဇ္ဈိမသတင်းဌာန သောကြာနေ့၊ ဇွန်လ ၂၄ ရက် ၂၀၁၁ ခုနှစ် ၁၆ နာရီ ၃၈ မိနစ် .
ချင်းမိုင်(မဇ္ဈိမ)။ ။ကားဗုံးတခုအပါအဝင်မြန်မာနိုင်ငံမြို့ကြီးသုံးမြို့တွင်ဗုံးပေါက်ကွဲမှုများသောကြာနေ့ နေ့လည်၌ရှေ့ဆင့်နောက်ဆင့်ဖြစ်ပွားခဲ့ပြီး၊နောက်ထပ်၃နာရီအကြာမန္တလေးတွင်နောက်ထပ် ဗုံးတလုံးပေါက်ကွဲပြန်သည်။
စိန်စံပယ်ဖူးရွှေဆိုင်နှင့်ပရိယတ္တိသာသနအသင်းအနီးအမှိုက်ပုံအနီးပေါက်ကွဲခြင်းဖြစ်ပြီး၊မန္တလေးတွင် အစောပိုင်းကပေါက်ကွဲသောနေရာနှင့်သိပ်အလှမ်းမဝေးသောနေရာဖြစ်သည်။
သံသယဖြစ်ဖွယ်ဗုံးတွေ့သည်ဆိုသောသတင်းအရစစ်သားများကမွန်းလွဲ၂နာရီခန့်ကတည်းက အဆိုပါနေရာကိုပိတ်ဆို့ထားလိုက်နိုင်သော်လည်းပေါက်ကွဲမှုကဖြစ်ပွားခဲ့သည်။မည်သူကမျှ သူတို့လက်ချက်ဖြစ်သည်ကိုထုတ်ဖော်ပြောဆိုခြင်းမရှိသေးပေ။
မန္တလေးဈေးချိုဟိုတယ်ရှေ့တွင်ဗုံးကွဲမှုဖြစ်ပွားအပြီးပျက်စီးကျန်ရစ်သောပါဂျယ်ရိုကားကိုလူအများ ဝိုင်းအုံကြည့်နေစဉ်။ဓာတ်ပုံ-မဇ္ဈိမ
ပေါက်ကွဲမှုလေးခုတွင်ဒဏ်ရာရသည်ဟုအတည်ပြုနိုင်သည်မှာမန္တလေး၈၂လမ်းနှင့်၈၄လမ်းထောင့်ဈေးချိုဟိုတယ်ရှေ့ရပ်နားထားသောပါဂျယ်ရိုးကား၃ခ/၁၉ဝ၄တွင်ပေါက်ကွဲမှုဖြစ်သည်။ ကားဗုံးပေါက်ကွဲချိန်တွင်ကားပေါ်၌လူမရှိသော်လည်းအနီးနားရှိယာဉ်ထိန်းရဲတဦး ဒဏ်ရာရသွားခဲ့သည်ဟု မန္တလေးမြို့ မီးသတ်အရာရှိ တဦးက ပြောသည်။
“ကားကတော့လုံးဝစုတ်ပြတ်သွားတယ်။ဗုံးကတော်တော်ပြင်းတဲ့ ဗုံးပဲ”ဟုမန္တလေးမီးသတ်အရာရှိတဦးက ပြောသည်။
မီးလောင်မှုဟုထင်၍သွားရောက်သောမီးသတ်သမားများကိုစစ်ဘက်က“မင်းတို့အလုပ်မဟုတ်ဘူး”ဟု ဆိုကာ မောင်းထုတ်ခဲ့ကြောင်း မျက်မြင်သက်သေ တဦးက ပြောသည်။
“အန်တီတို့ကလည်းမိုးကြိုးပစ်တယ်အောက်မေ့နေတာ။အခုဗုံးပေါက်တာက၂၈လမ်းနဲ့၈၄ထောင့်ဆိုတော့ အန်တီတို့နဲ့ ကြားထဲမှာနှစ်ပြပဲဝေးတာပဲ။အသံတော့ကြားလိုက်ရတယ်။မိုးကြိုးပစ်တယ် အောက်မေ့နေတာ။ မိုးကြိုးပစ်တယ်ထင်ပြီးဒီအတိုင်းနေတာကိုအရပ်ထဲကအဲဒါမိုးကြိုးပစ်တာမဟုတ်ဘူး။ဗုံးကွဲတာပြောမှ သိရတာ”ဟုမန္တလေးမြို့ခံအမျိုးသမီးတဦးမဇ္ဈိမကိုပြောသည်။
တချိန်တည်းမှာပင်အစိုးရရုံးစိုက်ရာနေပြည်တော်နှင့်ပြင်ဦးလွင်တွင်လည်းလူသူမရှိသောနှစ်ထပ်တိုက် အိမ်များတွင် ဗုံးပေါက်ကွဲခဲ့သည်။
နေပြည်တော်သပြေကုန်းရပ်ကွက်ရွှေလာဘ်ကောင်လမ်းကြားအိမ်အမှတ်၄၆တွင်ပြင်းထန်သော ဗုံးပေါက်ကွဲခြင်းနှင့်ပတ်သက်၍မြို့အုပ်ချုပ်ရေးအရာရှိတဦးက“ဗုံးကတော်တော်ပြင်းလွန်းတယ်။ ၂ ထပ်တိုက်အပေါ်ထပ်မှာကွဲတာပါ။အပေါ်ထပ်ကသော့ပိတ်ထားတယ်။ပေါက်တာလည်းအပေါ်ထပ်မှာပဲ။ အပေါ်ထပ် တထပ်လုံး ပွင့်ထွက်သွားတယ်။ ဗုံးကပြင်းတာကိုး" ဟု မဇ္ဈိမကို ပြောသည်။
စစ်ဘက်တက္ကသိုလ်များရှိရာပြင်ဦးလွင်တော့ထောက်ပို့ဘက်လမ်းခွဲရပ်ကွက်၎ထဲရှိနေအိမ်ဗုံးကွဲမှုကြောင့် အပေါ်ထပ် တခုလုံးနီးပါး ပျက်စီးသွားသည်။
မဇ္ဈိမသတင်းထောက်များအပါအဝင် မျက်မြင်သက်သေများက ပြင်ဦးလွင် ဗုံးပေါက်ကွဲမှု ဖြစ်ပွားမှုကို သတင်းပေးပို့ကြချိန်တွင် ပြင်ဦးလွင် ရဲစခန်းက ဗုံးပေါက်ကွဲမှု မဖြစ်ကြောင်း ငြင်းဆန်နေကြသည်။
စစ်ဘက်ပုဂ္ဂိုလ်များပေါက်ကွဲမှုဖြစ်ပွားရာနေရာတိုင်းသို့ရောက်ရှိစုံစမ်းစစ်ဆေးနေပြီးပြင်ဦးလွင်တွင်တော့ အခရာကျသောနေရာများတွင်လုံခြုံရေးစစ်ဆေးမှုများပြုလုပ်နေသည်။တရက်တည်းဆက်တိုက် ဗုံးပေါက်ကွဲမှုများကနောက်ထပ်ပေါက်ကွဲမှုများလာနိုင်သေးသည်ဆိုသောကောလာဟလကြောင့် လူအများအတွင်း စိုးရိမ်စိတ်များ တိုးပွားနေတော့သည်။

သတင်းပေးပို့ချိန်အထိမန္တလေးမြို့တွင် ဗုံးရှာဖွေမှုများ စစ်ဘက်က ဆက်လက် ပြုလုပ်နေသည်။