မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

woensdag 8 juni 2011

ဝက်နားရွက်ပြာရောဂါရန်ကုန်သို့ကူးစက်

ဧရာဝတီ Wednesday, 08 June 2011 17:38
.ရန်ကုန်တိုင်းလှည်းကူးမြို့နယ်ရှိဝက်ခြံများတွင်ဝက်နားရွက်ပြာရောဂါစတင်ကူးစက်နေပြီဖြစ်ကြောင်း ရန်ကုန်တိုင်းမွေးမြူရေးနှင့်ကုသရေးဦးစီးဌာနမှတာဝန်ရှိသူတဦးကအတည်ပြုပြောဆိုလိုက်သည်။
ဒလမြို့နယ်၊၀က်မွေးမြူရေးခြံတခုတွင်အသက်ငင်နေသောဝက်မကြီးတကောင်(ဓာတ်ပုံ-ဧရာဝတီ)
“ရန်ကုန်တိုင်းထဲကိုကူးစက်ခံလိုက်ရပြီဖြစ်တဲ့အတွက်ရန်ကုန်ကိုဝက်နားရွက်ပြာရောဂါရောက်လာပြီလို့ ပြောလို့ရပါပြီ။မွေး/ကုဦးစီးဌာနအနေနဲ့လိုအပ်တဲ့အမိန့်ညွှန်ကြားချက်တွေထုတ်ပြန်ပြီးရောဂါကို ထိန်းချုပ်နိုင်ဖို့စီစဉ်နေပါတယ်။လှည်းကူးမြို့နယ်ထဲက၀က်သားတွေကိုအပြင်မြို့နယ်တွေဆီထွက်မလာဖို့ ညွှန်ကြားချက်ထုတ်ပြီးတားဆီးထားတယ်” ဟု၎င်းကပြောသည်။
လှည်းကူးမြို့နယ်ရှိဝက်မွေးမြူရေးခြံများတွင်နေ့စဉ်နီးပါးဝက်သေဆုံးမှုများရှိနေသည်ဟု သတင်းရရှိသည့်အတွက်သက်ဆိုင်ရာကသွားရောက်စစ်ဆေးရာမှဤသို့ရောဂါဖြစ်ပွားသည်ကို တွေ့ရခြင်းဖြစ်ကြောင်း၊ယခုအခါအင်းစိန်မြို့နယ်ရှိမွေး/ကုဦးစီးဌာနမှအရာရှိများပါဝင်သော ရောဂါကုသရေးနှင့်တားဆီးနှိမ်နင်းရေးအဖွဲ့သွားရောက်နေပြီဖြစ်ကြောင်း၊လှည်းကူးမြို့နယ်အတွင်းတွင် နိုင်ငံအဆင့်ရောဂါတိုက်ဖျက်ရေးစီမံချက်ဖြင့်ဝက်သားတင်သွင်းခြင်း၊တင်ပို့ခြင်းများကိုလုံးဝ ပိတ်ပင်လိုက်ပြီဖြစ်ကြောင်း သိရသည်။
ရန်ကုန်တိုင်းတတိုင်းလုံးတွင်မူဝက်သားရောင်းချမှုများပိတ်ပင်မှုပြုလုပ်ဦးမည်မဟုတ်ကြောင်းလည်းမွေး/ကု ဦးစီးဌာနမှစုံစမ်းသိရှိရသည်။
ဝက်နားရွက်ပြာရောဂါသည်မန္တလေးတိုင်းတွင်ပထဆုံးအကြိမ်အဖြစ်ဖေဖော်ဝါရီလနှောင်းပိုင်းက စတင်ဖြစ်ပွားခဲ့ပြီးဝက်ကောင်ရေခြောက်ရာကျော်သေဆုံးခဲ့ကြောင်း၊ဧပြီလတွင်နေပြည်တော်နှင့်ဇွန်လတွင် ရန်ကုန်တိုင်းတို့၌ဝက်နားရွက်ပြာရောဂါစတင်ဖြစ်ပွားခြင်းဖြစ်ကြောင်းသိရသည်။
ပြီးခဲ့သည့်မေလဒုတိယပတ်အတွင်းကပဲခူးတိုင်းညောင်လေးပင်မြို့နယ်တွင်ဝက်နားရွက်ပြာရောဂါ ဖြစ်ပွားမှုကြောင့်ရန်ကုန်တိုင်းဘက်သို့ဝက်သယ်ယူပို့ဆောင်မှုကိုပိတ်ပင်ခဲ့သေးကြောင်း၊မေလထဲတွင်ပင် ရန်ကုန်တိုင်းအတွင်းရှိလှိုင်သာယာ၊အင်းစိန်၊မင်္ဂလာဒုံတို့တွင်ဝက်များရုတ်တရက်ဖျားနာသေဆုံးမှု ရှိသော်လည်းဝက်နာရွက်ပြာရောဂါဟုအမည်မတပ်နိုင်ခဲ့ကြောင်းElevenMediaGroupသတင်းများတွင် ဖော်ပြထားသည်။
ရန်ကုန်မြို့ရှိဈေးများတွင်ဝက်သားရောင်းချမှုများပိတ်ပင်မှုမပြုလုပ်သေးသော်လည်းဝက်နားရွက်ပြာကြောင့် သေဆုံးသောဝက်များ၏အသားများကိုမရောင်းချနိုင်ရေးအတွက်သက်ဆိုင်ရာစိစစ်မှုအားနည်းနေကြောင်း မွေးမြူရေးလုပ်ငန်းရှင်များက ပြောသည်။
“လာရောင်းတဲ့ဝက်သားကဘယ်ကဘယ်လိုရလာတဲ့ဝက်သားမှန်းဘယ်လိုလုပ်စိစစ်မလဲ။ တချို့ဈေးသည်တွေကမှော်ဘီ၊တိုက်ကြီး၊လှည်းကူးလောက်ကနေလာပြီးရန်ကုန်မှာဈေးရောင်းကြတာ။ သူတို့ကသူတို့နည်းသူတို့ဟန်နဲ့ပေါ်ထားတဲ့ဝက်သားကိုရောင်းကြတာမျိုးတွေ။စိစစ်မှုကတော့ အားနည်းပါတယ်။အစိုးရသတင်းစာထဲမှာရေးထားတာကလူကိုကူးနိုင်တယ်လို့ရေးထားတော့လူတွေက ကြောက်နေကြတယ်” ဟု တိုက်ကြီးမြို့နယ်မှ မွေးမြူရေးလုပ်ငန်းရှင်တဦးက ပြောသည်။
ရန်ကုန်မြို့တွင်ယခင်ကဝက်သားပေါက်ဈေးမှာတပိဿာလျှင်၆၀၀၀ကျပ်ဖြစ်သော်လည်းယခုအခါကျပ် ၃၅၀၀သာဈေးရှိတော့ကြောင်းသိရသည်။
မြန်မာနိုင်ငံတွင်ဖြစ်ပွားနေသောဝက်နားရွက်ပြာရောဂါသည်အပျော့စားဝက်နားရွက်ပြာရောဂါဖြစ်ကြောင်း၊ မြန်မာနိုင်ငံတွင်ဝက်ကောင်ရေ၉.၂သန်းမွေးမြူထားပြီးမကွေးတိုင်းတွင်မွေးမြူမှုအများဆုံးဖြစ်ကြောင်း မေလ၂၂ရက်နေ့ထုတ်အစိုးရပိုင်သတင်းစာများတွင်ဖော်ပြထားသည်။

Geen opmerkingen: