မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

maandag 30 november 2009

မခိုင်ရွှန်းလဲ့ရည် သေဆုံးရခြင်း၏ နောက်ကွယ်တွင် ...

  

မခိုင်ရွှန်းလဲ့ရည်နှင့် မိခင်ဒေါ်ချိုချိုမြင့် (ဓာတ်ပုံ - လျှပ်တစ်ပြက်ဂျာနယ်)
Monday, 30 November 2009 16:59 အေးချမ်းမြေ့
.ကွယ်လွန်သည်မှာ ၁ လကျော်ခဲ့ပြီ ဖြစ်သော်လည်း မခိုင်ရွှန်းလဲ့ရည်နှင့် ပတ်သက်သည့် သတင်း နောက်ဆက်တွဲများကား ဝေဖန်ဆွေးနွေး စရာများ အဖြစ် ကျန်ရစ်ခဲ့ပေသည်။

လွန်ခဲ့သည့် တလကျော် အောက်တိုဘာ ၂၇ ရက်နေ့ နံနက်က ဗဟန်းမြို့နယ်အတွင်းရှိ အထူးကုဆေးခန်းတွင် ခွဲစိတ်ကုသမှု ခံယူအပြီး ကွယ်လွန်သွားခဲ့သည့် နဝမတန်းကျောင်းသူ မခိုင်ရွှန်းလဲ့ရည်၏ ဖြစ်ရပ်နှင့် ပတ်သက်၍ Weekly Eleven သတင်း ဂျာနယ်နှင့် လျှပ်တစ်ပြက် ဂျာနယ်တို့တွင် ရေးသားဖော်ပြခဲ့ကြသည်။
Weekly Eleven သတင်း ဂျာနယ်တွင် အဆိုပါသတင်းကို 'ဆရာဝန်ကြီးများ လူနာအပေါ် အချိန်ပေးမှု နည်းပါးခြင်း၊ ဆေးရုံ၊ ဆေးခန်းကြီးများ၏ ဆရာဝန် ကြီးများမျက်နှာ တစ်ခုတည်း ကိုသာ ကြည့်ခြင်းကြောင့် ကြေကွဲဖွယ်ဖြစ်ရပ် များဖြစ်ပေါ်နေ' ခေါင်းစဉ်ဖြင့် ရေးသားဖော်ပြထားသည်။ သေဆုံးသူ၏ ဆွေမျိုး၊ မိဘနှစ်ဦး၊ လေ့လာသုံးသပ်သူများ၊ အသည်းအထူးကု ဆရာဝန်ကြီး၊ စာနယ်ဇင်းသမားတဦး၏ ပြောဆိုချက်များနှင့် ပါမောက္ခ သမားတော်ကြီး ဦးလှမြင့်၏ “ဆေးပညာ လောကသားများသို့ ပန်ကြားချက်” စာအုပ်ကို ကိုးကား ဖော်ပြထားသည်။
အဆိုပါဆောင်းပါးတွင် Eleven Media Group မှ တာဝန်ရှိသူ တဦးက “ချမ်းသာပြီး ငွေကြေးတတ်နိုင်တဲ့ အထူးကု ဆေးခန်းသွားနိုင်၊ ပြောနိုင်တဲ့သူမို့ ဒီလိုသိကြရတာပါ။ ဆင်းရဲပြီး ပြောပြနိုင်စွမ်း မရှိတဲ့လူတွေ ဘယ်လောက် ခံစားထားကြရပြီလဲ။ လူထုကျန်းမာရေး စောင့်ရှောက်မှုကို ဒေသတွင်း နိုင်ငံတွေနည်းတူ သုံးစွဲ နိုင်ဖို့တော့ လိုပါတယ်။ ကျန်းမာရေးနဲ့ ပညာရေးမှာ သုံးစွဲမှုတွေဟာ ဖွံ့ဖြိုးဆဲနိုင်ငံတွေမှာ ငွေယိုပေါက်ကို ပိတ်စေတဲ့ ရင်းနှီးမြှုပ်နှံမှုတွေပါ။ ဒီဖြစ်ရပ်မှာ ပြဿနာရဲ့ အရင်းအမြစ်ကို သိထားရင် ကောင်းပါတယ်။ လူထု ကျန်းမာ ရေးစောင့်ရှောက်မှုကို အရှိန်မြှင့်ဖို့ လိုလာပါပြီ” ဟု သုံးသပ်ထားသည်။
လျှပ်တစ်ပြက် ဂျာနယ်တွင်လည်း “ရန်ကုန်မြို့ရှိ ပုဂ္ဂလိက အထူးကု ဆေးခန်းမှ မိန်းကလေးငယ်တစ်ဦး၏ ကြေကွဲရင်နင့်ဖွယ် ဖြစ်ရပ်” ဆိုသည့် ခေါင်းစဉ်နှင့် မိသားစု ဆွေမျိုးအသိုင်းအဝန်း၏ မှတ်ချက်များကို ကိုးကား ရေးသားထားကြောင်း တွေ့ရသည်။
“ခွဲစိတ်ပြီး သီးသန့်ကိုယ်ပိုင်အခန်း မရသေးခင်၊ ပိုးသတ်ခန်းမှာ ညနေ ၃ နာရီထိနေရတယ်။ အဲဒီ အချိန် ဆေးရုံရဲ့ အခန်းနံရံကို လျှပ်စစ်မော်တာနဲ့အပေါက်ဖောက်တယ်။ တူတွေနဲ့ထုတယ်။ အသံတွေက ဆူညံနေတာပဲ။ ဒါကတော့ ဆေးခန်းရဲ့ ဝန်ဆောင်မှု ညံ့ဖျင်းတဲ့အကြောင်းပါ။ ကျမတို့ပြောတာ ပြောလို့မရဘူး။ ကျမအပြင်းအထန်ကန့်ကွက်မှ ဝရိန်မဆော်တော့ဘဲ ရပ်သွားတယ်” ဟု မခိုင်ရွှန်းလဲ့ရည်၏ မိခင်က ပြောသည်ကို လျှပ်တစ်ပြက်တွင် ရေးသားဖော်ပြထားသည်။
အဆိုပါဂျာနယ်တွင်ပင် “အထက်ပါ ကြေကွဲရင်နင့်ဖွယ် ဖြစ်ရပ်မျိုးနှင့် ပတ်သက်၍ အခြားလူနာများဤကဲ့သို့ အဖြစ်ဆိုးနှင့် ထပ်မံမကြုံတွေ့စေရန် အထူးကုဆေးခန်းရှိ ဆရာဝန်များ အတွေ့အကြုံ ရှိသော်လည်း ဆေးပညာကို အဆက်မပြက်လေ့လာပြီး သတိရှိရှိနှင့်စေတနာထားကာ လူနာများအား ကြည့်ရှုစောင့်ရှောက်ကုသပေးသင့်ကြောင်း အပြုသဘောဆောင်၍ ကာယကံရှင် ဆွေမျိုးအသိုင်းအဝန်းက လျှပ်တစ်ပြက်သို့ထပ်မံပြောကြားခဲ့သည်” ဟု ရေးသားထားသည်။
ထိုသတင်းပေးပို့ချက်များနှင့် ပတ်သက်၍ တက္ကသိုလ်လှမော်ဆိုသူက “မြန်မာသတင်းမီဒီယာ တချို့ စည်းဘောင်လွတ် နေခြင်း” ဆိုသည့် ခေါင်းစဉ်ဖြင့် တရားဥပဒေရှုထောင့်၊ ဆေးပညာရှုထောင့်တို့မှ ကြည့်ကာ “မြန်မာ့ လူထု ကျန်းမာရေး” ဆိုသည့် http://health.ngoinmyanmar.orgဘလော့ စာမျက်နှာတွင် တန်ပြန်ရေးသား ဖော်ပြခဲ့သည်။
ထိုဘလော့စာမျက်နှာတွင် ရေးသားနေသူများမှာ မြန်မာလူထု ကျန်းမာရေးအတွက် လုပ်ဆောင်လျက်ရှိသော ပညာရှင်များ ဖြစ်ကြောင်း သိရသည်။
တက္ကသိုလ်လှမော်၏ ဆောင်းပါး၌ “သတင်းနှစ်ပုဒ်လုံး၏ သုံးသပ်ချက်မှာ ဆရာဝန်၏ အမှားကြောင့် အမျိုးသမီးငယ် အသက်ဆုံးရှုံးရသည်ဟု ဆိုထားပြီး နောင်တွင် အလားတူ အမှားမျိုးမဖြစ်ရန် အကြံဉာဏ် ပေးထားလေသည်” ဟု ဖော်ပြထားသည်။
“သတင်းနှစ်ပုဒ်လုံး၏ အရင်းအမြစ်သည် ကွယ်လွန်သွားသော အမျိုးသမီးငယ်၏ မိခင်ထံမှ ဖြစ်သည်။ သက်ဆိုင်ရာ ပုဂ္ဂလိကဆေးရုံနှင့် ပါဝင်ပတ်သက်နေသော ဆရာဝန် (သို့မဟုတ်) ၎င်းတို့က လွှဲအပ်သော ရှေ့နေတို့၏ တိုက်ရိုက် ပြောဆိုချက်များ မပါဝင်။ (မိခင်က တဆင့်ပြောသော ဆေးရုံ၏ အစုရှယ်ယာ ပါဝင်သူတဦး၏ ပြောဆိုချက်သည် hearsay evidence ဖြစ်သဖြင့် သက်သေအဖြစ် တင်ရန် ခဲယဉ်းသည်) ထို့ကြောင့် မျှတမှု ရှိသော သတင်းများ မဟုတ်ပေ” ဟုလည်း ၎င်းက ဆိုထားသည်။
ရန်ကုန်အခြေစိုက် သတင်းဂျာနယ်တစောင်၏ အယ်ဒီတာတဦးကမူ သတင်းဂျာနယ်တစောင်၏ တာဝန်ရှိသူ တဦးက ဝင်ရောက် သုံးသပ်ထားသည်မှအပ Weekly Elevenပါ သတင်းသည် စည်းဘောင်လွတ်သည်ဟု မဆိုနိုင်ကြောင်း၊ မြန်မာပြည်၏ အခြေအနေအရ ယခုကဲ့သို့သော သတင်းသည် လိုက်ရခက်ခဲသော သတင်းတပုဒ်ဖြစ်ကြောင်း၊ ယခုကဲ့သို့သော ဖြစ်ရပ်ကို ပြည်သူသိရှိရန်အတွက် ဖော်ပြသင့်ကြောင်း ပြောသည်။
“မိသားစုက ခံစားချက်နဲ့ ပြောသွားတယ်ဆိုတာ မှန်တယ်။ ဒါပေမယ့် တဘက်က အသံကို ရဖို့ကျတော့ အထူးကု ဆေးခန်းဘက်ကို မေးလို့မရဘူး။ အဲဒီဆေးရုံဆေးခန်း အမည်ကိုလည်း ထည့်ရေးလို့မရဘူး။ ရေးရင်စိစစ်ရေးက ဖြုတ်မှာ။ စိစစ်ရေးက မဖြုတ်တောင် အသရေဖျက်မှုနဲ့ တရားစွဲခံရလို့ ဆုံးမှာမဟုတ်ဘူး။ နောက်ပြီး သတင်းသမားတွေ အနေနဲ့ မကြိုးစားဘဲတော့ နေမှာမဟုတ်ဘူး။ ရသလောက်တော့ ကြိုးစားမှာပဲ” ဟု သူက ဆက်ပြောသည်။
ဧရာဝတီမဂ္ဂဇင်းက မခိုင်ရွှန်းလဲ့ရည် ဆေးကုသမှု ခံယူခဲ့သော ဗဟန်းမြို့နယ်ရှိ ရွှေဂုံတိုင်အထူးကု ဆေးခန်းသို့ ဖုန်းဖြင့် ဆက်သွယ်မေးမြန်းခဲ့ရာ တာဝန်ရှိသူများ မအားလပ်ကြောင်းသာ ပြန်ကြားခဲ့သည်။ မခိုင်ရွှန်းလဲ့ရည်ကို ခွဲစိတ်ခဲ့သော ဆရာဝန်ကြီးမှာမူ တရုတ်ပြည်သို့ ခရီးသွားနေကြောင်း သိရသည်။
မြန်မာပြည်တွင် အစိုးရဆေးရုံကြီးများ၌ “စရိတ်မျှပေး ကျန်းမာရေး” ဆိုသည် စနစ်ကို ကျင့်သုံးလျက်ရှိရာ လိုအပ်သည့် ဆေးဝါးမှန်သမျှ လူနာက ငွေကုန်ကြေးကျခံရပြီး ကျန်းမာရေး စောင့်ရှောက်မှု အပိုင်းတွင် စိုးရိမ်ရသည့် အနေအထား ဖြစ်နေကြောင်း လေ့လာသူတို့က သုံးသပ်ကြသည်။
အစိုးရဆေးရုံကြီးများ၌ ကျန်းမာရေးစောင့်ရှောက်မှု အားနည်းသောကြောင့် ပုဂ္ဂလိက ဆေးခန်းကြီးများတွင် ငွေကုန် ကြေးကျခံကာ တက်ရောက်ကုသသော်လည်း ထိရောက်သော စောင့်ရှောက်မှု မရရှိဘဲ အများစုမှာ ဝန်ဆောင်မှု ညံ့ဖျင်းလှကြောင်း ဝေဖန်နေကြ သည်။
ယခုလက်ရှိတွင် “စားသုံးသူ အခွင့်အရေး” နှင့်ပတ်သက်၍ ပညာပေး ပိုစတာများ၊ ကာတွန်းများ ရေးဆွဲနေသော ကာတွန်း အော်ပီကျယ်က မြန်မာပြည်တွင် စားသုံးသူနှင့် ပတ်သက်၍ ကာကွယ်ပေးသည့် ဥပဒေ မရှိသော်လည်း မခိုင်ရွှန်းလဲ့ရည်၏ ဖြစ်ရပ်မျိုး နောင်မဖြစ်ရန် ဖြစ်ရပ်မှန်ကို ဖော်ထုတ်သင့်သည်ဟု ဆိုသည်။
၎င်းက မကြာသေးမီက ဆရာဝန်များနှင့် ပတ်သက်၍ ရေးဆွဲပေးထားသော “စားသုံးသူ အခွင့်အရေး” ပညာပေး ပိုစတာအကြောင်းကို ပြောပြီး ဆရာဝန်နှင့်လူနာ အင်အားမမျှခြင်း၊ အချိန်မပေးနိုင်ဘဲ ရုပ်ပြသဘော ဆိုင်းဘုတ်တပ်ခြင်း၊ ဆေးကုသပုံ မှားယွင်းခြင်း၊ ဆေးဝါးမှားယွင်းခြင်း၊ မလိုအပ်ဘဲ ခွဲစိတ်ကုသမှု ပြုခြင်းတို့ကြောင့် လူနာများ အသက်ဆုံးရှုံးရသည့် အဖြစ်အပျက်များမှာ မြန်မာနိုင်ငံတွင်သာ မကဘဲ ကမ္ဘာမှာပါ ကြုံတွေ့နေရသည်ဟု ဆိုသည်။
“ဒီဆရာဝန်ကြီး တယောက်တည်းကို ပြောတာ မဟုတ်ပါဘူး၊ ဒီလို အဖြစ်အပျက်မျိုးတွေကြောင့် နောက်မှ နောင်တရတာမျိုး မဖြစ်ရအောင် ကြိုတင်ကာကွယ်သင့်ပါတယ်” ဟု ကာတွန်းအော်ပီကျယ်က ပြောသည်။
မန္တလေးမြို့နေ ခန္ဓာဗေဒ ဆရာဝန်ကြီးတဦးဖြစ်သူ ဒေါက်တာတင်မောင်ကြည်က ခွဲစိတ်ကုသမှုတခုတွင် အုပ်ထိန်းသူ၊ သက်ဆိုင်သူ တဦးဦး၏ ခွင့်ပြုချက်မပါရှိဘဲ ပြုလုပ်၍ မရသဖြင့် ယခုဖြစ်ရပ်နှင့်ပတ်သက်၍ မည်သူ့ကိုမှ အပြစ်တင်စရာ မရှိကြောင်း ရှင်းပြသည်။
“တကယ်တော့ ဒီလို အဖြစ်ဆိုးမျိုးတွေ မကြုံရအောင် လိုအပ်တဲ့ ကျင့်ဝတ် စည်းကမ်း၊ လုပ်ထုံးလုပ်နည်းတွေကို လိုက်နာ ကျင့်သုံးမယ် ဆိုရင် အကောင်းဆုံးပါပဲ” ဟု သူက ဆိုသည်။
ရန်ကုန်အခြေစိုက် သတင်းဂျာနယ် အယ်ဒီတာက သတင်းသမားများ အနေနှင့် ခံစားချက်နောက်ကို လိုက်၍ ရေးသားခြင်းမှအပ မှန်ကန်သော အချက်အလက်များနှင့် ပြည်သူသိသင့်သော သတင်းများကို အတတ်နိုင်ဆုံး ရေးသားဖော်ပြလျှင် အာဏာပိုင်တို့ ကလည်း ခွင့်ပြုပေးသင့်ကြောင်း သုံးသပ်သည်။
မခိုင်ရွှန်းလဲ့ရည် သေဆုံးခြင်းနှင့် ပတ်သက်၍ ၎င်း၏ မိခင်က ခွဲစိတ်ဆရာဝန်ကြီးအား တရားမစွဲလိုကြောင်း၊ ဆရာဝန် အနေနှင့် အသိစိတ်ဓာတ်ရှိစွာ ကိုယ်တိုင်ဝန်ခံစေချင်ကြောင်း ပြောကြားခဲ့သည်ဟု ယခင်အပတ်ထုတ် မော်ဒန်သတင်းဂျာနယ်တွင် ဖော်ပြထားသည်။

မြန်မာလူငယ်များ ရွေးကောက်ပွဲတွင် မဲပေးမည်လော

Monday, 30 November 2009 18:06 အောင်သက်ဝိုင်း
.၂ဝ၁ဝ ပြည့်နှစ် အထွေထွေ ရွေးကောက်ပွဲတွင် ပြည်သူကို အမှန်တကယ် ကိုယ်စားပြုသော နိုင်ငံရေးပါတီ မရှိပါက လူငယ်များက ရွေးကောက်ပွဲတွင် မဲပေးမည် မဟုတ်ကြောင်း သိရသည်။

၁၉၉၀ ရွေးကောက်ပွဲကြီး ကျင်းပချိန်က မဲပေးရန် အသက်ပြည့်မီခြင်း မရှိသော်လည်း လာမည့် ၂၀၁၀ ရွေးကောက်ပွဲတွင် မဲပေးရန် အသက်ပြည့်နေပြီဖြစ်သည့် လူငယ်များကို ရွေးကောက်ပွဲနှင့် ပတ်သက်ပြီး ဧရာဝတီက စစ်တမ်းကောက်ခဲ့ရာ အများစုက ထိုသို့ ဖြေဆိုကြခြင်း ဖြစ်သည်။
၂၀၁၀ ရွေးကောက်ပွဲဆိုင်ရာ လူငယ်သဘောထား စစ်တမ်းဖြေဆိုကြသူများတွင် အသက် ၁၈ နှစ်မှ ၂၉ နှစ်ကြား လူငယ်များသာပါဝင်ပြီး တက္ကသိုလ် ကျောင်းသား ကျောင်းသူ ၁၀ ဦး၊ သတင်းမီဒီယာသမား ၇ ဦး၊ လူငယ်ရှေ့နေ ၄ ဦး၊ အခြေခံ ပညာ အလယ်တန်းအဆင့် အထိသာ ပညာသင်ကြားခဲ့ပြီး ကြုံရာကျပန်းအလုပ် လုပ်ကိုင်နေသည့် လူငယ် ၇ ဦး၊ စစ်တက္ကသိုလ်ကျောင်းဆင်း လူငယ်စစ်ဗိုလ် ၁ ဦး အပါအ၀င် အလွှာပေါင်းစုံမှ လူငယ် စုစုပေါင်း ၆၀ နီးပါး ပါဝင်သည်။
၂၀၁၀ ရွေးကောက်ပွဲသည် နှစ်ပေါင်းများစွာ သက်တမ်း ရှည်ကြာလာပြီ ဖြစ်သည့် ယူနီဖောင်းဝတ် စစ်ဗိုလ်အုပ်ချုပ်ရေး စနစ်ကို တရားဝင် အဆုံးသတ်ပေးမည့် ရွေးကောက်ပွဲဟု တချို့က ယူဆကြသည်။ သို့သော်လည်း ထိုရွေးကောက်ပွဲကြောင့် ပြည်သူကို ကိုယ်စားပြုသော ဒီမိုကရေစီအစိုးရ တရပ် မပေါ်ပေါက်နိုင်ကြောင်း စစ်တမ်းတွင် ပါဝင်သည့် လူငယ် အများစုက သုံးသပ်သည်။
ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး အသင်း၊ မြန်မာနိုင်ငံ စစ်မှုထမ်းဟောင်း အဖွဲ့ စသည့် အာဏာပိုင်တို့ ကျောထောက်နောက်ခံပေးထားသော အဖွဲ့အစည်းများက ရွေးကောက်ပွဲတွင် အပြိုင်အဆိုင် ပါဝင်လာကြဖွယ် ရှိသောကြောင့် ပြည်သူကို အမှန်တကယ် ကိုယ်စားပြုသော နိုင်ငံရေးအဖွဲ့များ ပေါ်ထွက်ရန် အခွင့် အလမ်း နည်းပါးသည်ဟု လူငယ်များက ပြောသည်။
“အစိုးရရဲ့ ကြံ့ခိုင်ရေးအသင်းက ရွေးကောက်ပွဲ မတိုင်မီ စည်းရုံးလှုပ်ရှားမှုတွေ အများကြီး လုပ်လာတယ်။လမ်းခင်း၊ တံတားခင်းအလုပ်တွေကအစ သာရေး၊ နာရေး အဆုံး ကြံ့ခိုင်ရေး အလံတွေ တလူလူ လွှင့်ထူပြီး စည်းရုံးရေး လုပ်တယ်။ ရွေးကောက်ပွဲဥပဒေ မထွက်ခင် ကြံ့ခိုင်ရေးက မဲရဖို့ စည်းရုံးမှုတွေကအတော် ခရီးရောက်နေပြီ” ဟု ရန်ကုန်မြို့မှ အသက် ၂၅ နှစ်အရွယ် တက္ကသိုလ်ကျောင်းသား တဦးက ဆိုသည်။
၂၀၁၀ ပြည့်နှစ်သို့ ကူးပြောင်းရောက်ရှိတော့မည် ဖြစ်သော်လည်း စစ်အစိုးရက ရွေးကောက်ပွဲ ဥပဒေထုတ်ပြန်ခြင်း မရှိသေးကြောင်း၊ ထုတ်ပြန်ပါကလည်း နိုင်ငံရေးပါတီများ အလွယ် တကူ ဖွဲ့စည်းနိုင်ခြင်း မရှိစေရန် ထိန်းချုပ်၊ ကန့်သတ်၊ တင်းကျပ်သော နည်းဥပဒေ နှင့် စည်းမျဉ်းစည်းကမ်းများ သေချာပေါက် ပါဝင်ဖွယ် ရှိကြောင်း ရှေ့နေလူငယ်များက ခန့်မှန်းကြသည်။
“ဖွဲ့စည်းပုံအခြေခံဥပဒေကို စိတ်ကြိုက် ရေးဆွဲအတည်ပြုပြီးပြီ။ မကြာမီထုတ်ပြန်မယ့် ရွေးကောက်ပွဲဥပဒေမှာ နိုင်ငံရေးပါတီတွေ အလွယ်တကူဖွဲ့လို့မရအောင် တင်းကျပ်တဲ့ နည်းဥပဒေ သေချာပေါက် ပါလိမ့်မယ်။ ပြည်သူတွေ အတွက်ကတော့ 'မိအေး နှစ်ခါနာ' ပေါ့” ဟု ရန်ကုန်အခြေစိုက် အလုပ်သင် ရှေ့နေလူငယ်တဦးက ပြောသည်။
၂၀၀၈ ဖွဲ့စည်းပုံအခြေခံဥပဒေတွင် နိုင်ငံတော်သမ္မတကို ပြည်သူလူထုက တိုက်ရိုက် တင်မြှောက်မှု မပြုနိုင်ခြင်း၊စစ်ဦးစီးချုပ်က လက်နက်ကိုင်တပ်များ၏ ဦးစီးချုပ်ဖြစ်ပြီး နိုင်ငံတော်သမ္မတထက် အာဏာရှိနေခြင်း၊ စစ်ဦးစီးချုပ်တွင် တရားဝင် အာဏာသိမ်းပိုင်ခွင့်ရှိခြင်း အပါအ၀င် ဒီမိုကရေစီ စံ နှင့် မကိုက်ညီသည့် အချက် များစွာ တွေ့ရသည့်ဟု လူငယ်ရှေ့နေများက ထောက်ပြကြသည်။
အခြေခံဥပဒေ၏ အဖွင့် စာမျက်နှာတွင်ပင် လွဲမှားမှုများရှိနေသည်ဟု ဆိုသည်။
“အခြေခံဥပဒေမှာ 'နိုင်ငံတော်သည် စည်းကမ်းပြည့်ဝသော ပါတီစုံ ဒီမိုကရေစီ စနစ်ကို ကျင့်သုံးသည်' ဆိုပြီး စဖွင့်တယ်။ ဒီမိုကရေစီမှာ စည်းကမ်း ပြည့်ဝတဲ့ ဒီမိုကရေစီ၊ စည်းကမ်းမရှိတဲ့ ဒီမိုကရေစီ ဆိုတာမျိုး မရှိပါဘူး” ဟု အမျိုးသမီးလူငယ်ရှေ့နေတဦးက သုံးသပ်သည်။
“စည်းကမ်းပြည့်ဝတဲ့ ဒီမိုကရေစီဆိုတဲ့ စကားရပ်ကိုက ဒီမိုကရေစီ သဘောအရ မှန်ကန်မှု မရှိဘူး၊ လွဲနေတယ်” ဟု သူက ဆက်ပြောသည်။
နိုင်ငံရေးအနေအထားသည် အကျဉ်းအကျပ်ထဲတွင် ရောက်ရှိနေသောကြောင့် ၂၀၁၀ ရွေးကောက်ပွဲသည် သာလျှင် မြန်မာ့နိုင်ငံရေး ထွက်ပေါက် ဖြစ်သည်ဟု ပြည်တွင်းပညာရှင် တချို့ ဦးစီး ဖွင့်လှစ်သည့် Myanmar Egress အဖွဲ့၏ စွမ်းရည်မြှင့်တင်ရေး သင်တန်းတခုရှိ လူငယ်တချို့က ဆိုသည်။
“စစ်အုပ်ချုပ်ရေးကနေ အရပ်သား အုပ်ချုပ်ရေးဖြစ်အောင် ညင်ညင်သာသာ ကူးပြောင်းချင်တဲ့ တပ်မတော် အစိုးရကို အားလုံးက သဘောထား ကြီးကြီး ကူညီရမယ်။ ၂၀၁၀ ရွေးကောက်ပွဲကသာ ဒီမိုကရေစီစနစ်သစ်ဆီ သွေးချောင်းမစီးဘဲ သွားဖို့ ဦးဆုံး ခြေလှမ်းပဲ” ဟု Myanmar Egress သင်တန်းမှ လူငယ်တဦးက ပြောသည်။
Myanmar Egress သင်တန်းသား လူငယ် တချို့က ၂၀၁၀ ရွေးကောက်ပွဲ ဖြစ်မြောက်ရေးကို ထောက်ခံသော်လည်း ရွေးကောက်ပွဲတွင် မဲပေးလိုစိတ်မရှိဟု ဆိုသည်။
စစ်တက္ကသိုလ်ကျောင်းဆင်း အသက် ၂၆ နှစ်အရွယ် စစ်ဗိုလ် လူငယ်တဦးကမူ ၂ဝ၁ဝ ပြည့်နှစ် ရွေးကောက်ပွဲ ကြောင့် အုပ်ချုပ်ရေး စနစ် ပြောင်းလဲပြီး နိုင်ငံ တိုးတက်လာမည်ဟု အခိုင်အမာယုံကြည်ကြောင်း ရှင်းပြသည်။
“အပြောင်းအလဲကို ပြည်သူတွေပဲ လိုချင်တာမဟုတ်ဘူး။ တပ်ထဲမှာလည်း အပြောင်းအလဲကိုပဲ တမ်းတနေကြတယ်။ ကျနော်တို့လို အရာရှိငယ်တွေ တော်တော်များများလည်း ၂၀၁၀ မှာ ဖြစ်လာမယ့် ပြောင်းလဲမှုတွေကို မျှော်ကြတယ်” ဟု စစ်ဗိုလ်လူငယ်က ပြောသည်။
၂ဝ၁ဝပြည့်နှစ် ရွေးကောက်ပွဲသည် ၁၉၉၀ ပြည့်နှစ် ပါတီစုံအထွေထွေရွေးကောက်ပွဲတွင် ဆန္ဒမဲပေးခွင့် မကြုံလိုက်ရသော လူငယ်များအတွက် ပထမဦးဆုံးသော၊ စိတ်လှုပ်ရှားဖွယ်ရာများဖြင့် ပြည့်နှက်နေသော ရွေးကောက်ပွဲ အတွေ့အကြုံ ဖြစ်လိမ့်မည်ဟု လူငယ်များက ဆိုသည်။
“၂၀၁၀ ကို လူငယ် တော်တော်များများက စိတ်လှုပ်ရှားစွာနဲ့ စောင့်နေတယ်။ နိုင်ငံရဲ့ အနာဂတ်မှာ လူငယ်တွေ ဘယ်လောက်ထိ ပါဝင်ခွင့်ရမလဲ ဆိုတာက စိတ်ဝင်စားဖို့ အကောင်းဆုံးပဲ” ဟု KMD ကွန်ပျူတာကုမ္ပဏီတွင် IT ပညာရှင်အဖြစ် အလုပ် လုပ်ကိုင်နေသူ လူငယ်တဦးက ပြောသည်။
ကျောင်းပညာရေး ဆုံးခန်းတိုင်ခြင်း မရှိသည့် လက်လုပ် လက်စား လူငယ်တချို့ ကမူ ၂၀၁၀ ရွေးကောက်ပွဲမှ စားဝတ်နေရေး နှင့် စီးပွားရေး ပြေလည်စေရန် ဖန်တီးနိုင်သည့် အစိုးရတရပ် ပေါ်ပေါက်စေလိုသည်ဟု ပြောကြသည်။
“ချောင်ချောင်လည်လည်နဲ့ မိသားစုတွေ ၀၀လင်လင် စားနိုင်၊ နေနိုင်ဖို့အရေးကြီးတယ်။ အဲဒီလို ဖန်တီးနိုင်မယ့်သူမျိုးကို မဲပေးမယ်” ဟု ၁၀ တန်းအထိ ပညာသင်ကြားခဲ့သည့် စက်ရုံအလုပ်သမား လူငယ်တဦးက ဆိုသည်။
လွတ်လပ် ပွင့်လင်း တရားမျှတသော၂၀၁၀ ရွေးကောက်ပွဲကို ကျင်းပပေးမည်ဟု အစိုးရက ကတိ ပေးထားသော်လည်း ယခုအချိန်အထိ လွတ်လပ်စွာ ရေးသားဖော်ပြခွင့် မပြုသေးပေ။ ထို့အပြင် စစ်အစိုးရက နိုင်ငံရေးသတင်းရေးသားမှုများ ကို ပိုမို တင်းကျပ်လာသောကြောင့် သတင်းသမားများ အခက်ကြုံနေရသည်။
“ခုချိန်ထိရွေးကောက်ပွဲနဲ့ ပတ်သက်လို့ သတင်း လွတ်လွတ်လပ်လပ် ဖော်ပြခွင့် မရှိသေးတဲ့အပြင် စာပေစိစစ်ရေးက နိုင်ငံရေး၊ ရွေးကောက်ပွဲနဲ့ သက်ဆိုင်တဲ့ သတင်းတွေကို တင်းတင်းကျပ်ကျပ် ပိုပြီး ပိတ်ပင်တယ်” ဟု ရန်ကုန်ပုဂ္ဂလိက သတင်းမီဒီယာတခုမှ အသက် ၂၇ နှစ်အရွယ် အမှုဆောင် အယ်ဒီတာ တဦးက ပြောသည်။
ဒီမိုကရေစီစနစ်၏ အခြေခံအုတ်မြစ်ဖြစ်သော လွတ်လပ်စွာ ထုတ်ဖော်ရေးသားခွင့် ယခုအချိန်အထိ မရရှိပါက ၂၀၁၀ ရွေးကောက်ပွဲတွင် လွတ်လပ်စွာ မဲပေးခွင့် မရှိနိုင်သည့်အပြင် တရားမျှတသော ရွေးကောက်ပွဲလည်း မဖြစ်နိုင်ကြောင်း သတင်းသမားလူငယ်များက ဆိုသည်။
“တိုင်းပြည်နားမျက်စိလို့ တင်စားတဲ့ သတင်းသမားတွေတောင် လွတ်လွတ်လပ်လပ် ရေးသား ထုတ်ဖော်ခွင့် မရရင် သာမန်ပြည်သူတွေအနေနဲ့ ပါတီတွေကို မဲပေးဖို့ ခက်လိမ့်မယ်။ စာပေစိစစ်ရေးက ခုအချိန်ထိ ရှိနေဆဲဆိုတော့ ၂၀၁၀ မှာ သတင်း လွတ်လပ်ခွင့်ရဖို့ သိပ်မမြင်ဘူး” ဟု သတင်းထောက်တဦးက ဆိုသည်။
အာဏာပိုင်တို့သည် လူပေါင်းတသိန်းကျော် သေဆုံးခဲ့သော နာဂစ်ဆိုင်ကလုန်းမုန်တိုင်း မြန်မာနိုင်ငံသို့ ၀င်ရောက်တိုက်ခတ်သည့် ၂၀၀၈ ခုနှစ် မေလတွင် ၄င်းတို့စိတ်ကြိုက် ရေးဆွဲထားသော အခြေခံ ဥပဒေနှင့် ပတ်သက်ပြီး လူထု ဆန္ဒခံယူပွဲကို ပြုလုပ်ခဲ့သည်။
ထို့နောက် အခြေခံဥပဒေကို ထောက်ခံမဲ ၉၂ ရာခိုင်နှုန်းကျော် ရရှိသည်ဟု ဆိုကာ အတည်ပြုကြောင်း ကြေညာခဲ့သည်။

.ရခိုင်ဒေသ ရေအောက် ဓာတ်ငွေ့ ပိုက်လိုင်းကို စင်္ကာပူနှင့်မြန်မာ ဆောက်မည်

Monday, 30 November 2009 19:00 ကိုထွေး
.မြန်မာ့ကမ်းလွန် ပင်လယ်တွင် ရေနံနှင့် ဓာတ်ငွေ့ ပိုက်လိုင်း တည်ဆောက်ရန် မြန်မာကုမ္ပဏီ တခုနှင့် သဘောတူ စာချုပ် ချုပ်ဆိုလိုက်ကြောင်း စင်ကာပူနိုင်ငံ ပင်လယ် ရေကြောင်းဆိုင်ရာ ဆောက်လုပ်ရေး ကုမ္ပဏီတခုက သောကြာနေ့တွင် ကြေညာလိုက်သည်။

အမေရိကန် ဒေါ်လာ ၇၇ သန်းတန် စာချုပ်ကို ချုပ်ဆိုသည့် စင်ကာပူ ကုမ္ပဏီသည် Swiber Hoilding Limited ဟု သိရသော်လည်း မြန်မာကုမ္ပဏီ၏ အမည်ကိုမူ ထုတ်ပြန်ချက်တွင် ဖော်ပြထားခြင်း မရှိချေ။
၁၅၀ ကီလိုမီတာ ရှည်သော ရေအောက် ပိုက်လိုင်းနှင့် ပတ်သက်၍ ပြင်ဆင်မှုများကို ဒီဇင်ဘာလတွင် စတင်မည် ဖြစ်ပြီး ၂၀၁၀ နှစ်ဦးပိုင်းတွင် လုပ်ငန်းစတင် အကောင် အထည် ဖော်မည် ဖြစ်ကြောင်း ကုမ္ပဏီ၏ အင်တာနက် စာမျက်နှာတွင် ရေးသားထားသည်။
Swiber ကုမ္ပဏီ၏ အမှုဆောင် အရာရှိ မစ္စတာ ရေမွန်ဂိုက “မြန်မာနိုင်ငံမှာ ကမ်းလွန် တည်ဆောက်ရေး လုပ်ငန်းတွေကို စတင် ဆောင်ရွက်ရတာ ကျနော်တို့အတွက် ဂုဏ်ယူစရာ ကောင်းသလို စိတ်လည်း လှုပ်ရှားမိပါတယ်” ဟု ဆိုသည်။
စီမံကိန်းသည် ၆ လ ကြာမြင့်မည် ဖြစ်ပြီး ၂၀၁၀ နှစ်လယ်ပိုင်းတွင် ပြီးဆုံးရန် မျှော်မှန်းထားကြောင်းလည်း ကုမ္ပဏီ၏ ထုတ်ပြန်ချက်တွင် ဖော်ပြထားသည်။
ရခိုင်ပြည်နယ်မှ တရုတ်နိုင်ငံအထိ သွယ်တန်းမည့် ပိုက်လိုင်း စီမံကိန်းကြောင့် ဒေသခံတို့ အကျိုးမရှိဘဲ စစ်အာဏာပိုင်တို့သာ အကျိုးရှိစေမည်ဟု ထိုစီမံကိန်းကို စောင့်ကြည့်နေသည့် ပြည်ပ အခြေစိုက် Shwe Gas Movement အဖွဲ့က ပြောသည်။
“အာဆီယံနိုင်ငံတွင်းမှာ ရှိတဲ့ အစိုးရအနေနဲ့ရော စစ်အစိုးရနဲ့ ပူးပေါင်း ဆောင်ရွက်နေတဲ့ စီးပွားရေးဆိုင်ရာ ကုမ္ပဏီ အနေနဲ့ရော ဒီကိစ္စကို အလေးအနက် စဉ်းစားရမှာဖြစ်တယ်၊ ကိုယ်ကျင့်တရားနဲ့ တခြားငွေရေး ကြေးရေး ဆိုင်ရာ အပိုင်းတွေမှာလည်း ဒီမိုကရေစီနဲ့ ပတ်သက်တဲ့ တန်ဖိုးတွေကို ထိန်းသိမ်းစောင့်ရှောက်ရမယ့် အစား စစ်အုပ်စုကို ရင်းနှီးမြှပ်နှံမှု တခုအတွက် ထောက်ပံ့ နေတာက မြန်မာနိုင်ငံ အပြောင်းအလဲ အတွက် တွန်းအား မပေးသလို ဖြစ်တာပေါ့” ဟု Shwe Gas အဖွဲ့ မှ ကိုဝင်းအောင်က ဆိုသည်။
ဓာတ်ငွေ့ပိုက်လိုင်း စီမံကိန်းတွင် ပါဝင်ခွင့် ရရှိရန် အိန္ဒိယ အပါအ၀င် တခြား တိုင်းပြည်များက ကြိုးပမ်းခဲ့ကြသော်လည်း စင်္ကာပူကုမ္ပဏီက အနိုင်ရသွားကြောင်း၊ နိုင်ငံရေး၊ စီးပွားရေးအရ ပိုပြီး၍ အာမခံချက်ရှိသည့် ကုမ္ပဏီများနှင့် စာချုပ်ချုပ်ခြင်း ဖြစ်ကြောင်း ၎င်းက ဆက်ပြောသည်။
ကီလိုမီတာ ၄၀၀၀ ခန့် ရှည်လျားသည့် ရေနံနှင့် သဘာဝ ဓာတ်ငွေ့ပိုက်လိုင်း ဆောက်လုပ်ရေး စီမံကိန်းကို တရုတ်အမျိုးသား ရေနံကော်ပိုရေးရှင်း(CNCP)က၂၀၀၉ စက်တင်ဘာလမှ စတင်ခဲ့ကြောင်း၊ ဓာတ်ငွေ့ ရောင်းရငွေကြောင့် မြန်မာနိုင်ငံသည် လာမည့် အနှစ် ၃၀ အတွင်း နှစ်စဉ် ဒေါ်လာ ၁ ဘီလီယံ ခန့် ရရှိမည် ဖြစ်ကြောင်း Shwe Gas Movement အဖွဲ့၏ ထုတ်ပြန်ချက်များ အရ သိရသည်။
မြန်မာနိုင်ငံ၏ သဘာဝဓာတ်ငွေ့ရောင်းချခြင်းမှ ရရှိသော နှစ်စဉ် ၀င်ငွေမှာ ဒေါ်လာ ၂.၄ ဘီလီယံခန့်ရှိပြီး နိုင်ငံဝင်ငွေ၏ ၅၀ ရာခိုင်နှုန်းခန့် ရှိကြောင်းလည်း Shwe Gas အဖွဲ့က ဆိုသည်။
မြန်မာနိုင်ငံအတွင်း ပြည်ပ ရင်းနှီးမြှပ်နှံမှုသည် ၂၀၀၇-၀၈ တွင် ဒေါ်လာ ၁၇၂.၇၂ သန်း ရှိခဲ့ရာမှ ၂၀၀၈-၀၉ တွင် ဒေါ်လာ ၉၈၅ သန်း တိုးလာကြောင်း အမျိုးသား စီးပွားရေးနှင့် စီမံကိန်း ၀န်ကြီးဌာနက ယခုနှစ် အစောပိုင်းတွင် ထုတ်ပြန်သော စာရင်းများအရ သိရသည်။
စင်ကာပူနိုင်ငံမှ စီးပွားရေး လုပ်ငန်းရှင်များသည် ၂၀၁၀ ရွေးကောက်ပွဲပြီးမှ မြန်မာနိုင်ငံတွင် ရင်းနှီးမှုများ ထပ်မံပြုလုပ်မည် ဖြစ်ကြောင်း စင်္ကာပူ ၀န်ကြီးချုပ်ဟောင်း မစ္စတာ ဂိုဂျုတ်တောင်က မြန်မာပြည်သို့ အလည်အပတ် သွားရောက်ခဲ့သည့် ဇွန်လက ပြောကြားခဲ့ဖူးသည်။
စင်ကာပူနိုင်ငံခြားရေးဝန်ကြီးဌာန၏ အဆိုအရ စင်ကာပူနိုင်ငံသည် နာဂစ်ဆိုင်ကလုန်းဒဏ် ခံခဲ့ရသော မြန်မာပြည်ကို ဒေါ်လာ ၂၀၀,၀၀၀ ကူညီပေးခဲ့သည့် ပထမဦးဆုံးသောနိုင်ငံ ဖြစ်သကဲ့သို့ နောင်တွင်လည်းလူသား ချင်းစာနာသည့်အနေဖြင့် အမေရိကန် ဒေါ်လာ ၅ သန်း ကူညီပေးသွားရန် ကတိပေးထားကြောင်း သိရသည်။
စင်ကာပူနိုင်ငံသည် မြန်မာပြည်တွင် ရင်းနှီးမြှုပ်နှံမှု အများဆုံး နိုင်ငံတနိုင်ငံ ဖြစ်ပြီး နှစ်စဉ် ၂ နိုင်ငံ ကုန်သွယ်မှုမှာ ဒေါ်လာ ၁ ဘီလီယံ ကျော် ရှိသည်။

တရားမျှတသည့် ရွေးကောက်ပွဲ ကျင်းပပေးမည်ဟု ဗိုလ်ချုပ်မှူးကြီးပြော

  

လာမည့်နှစ်တွင် ရွေးကောက်ပွဲ ပြုလုပ်မည်ဟု ထပ်မံ ပြောဆိုလိုက်သော ဗိုလ်ချုပ်မှူးကြီး သန်းရွှေ (ဓာတ်ပုံ - Reuters)

Monday, 30 November 2009 18:30 ရန်ပိုင်
.လာမည့် ၂၀၁၀ ပြည့်နှစ်တွင် ဖွဲ့စည်းပုံ အခြေခံ ဥပဒေနှင့်အညီ တရားမျှတသည့် ရွေးကောက်ပွဲ ကျင်းပပေးမည်ဟု သောကြာနေ့က နေပြည်တော်တွင် ပြုလုပ်ခဲ့သည့် ပြည်ထောင်စု ကြံ့ခိုင်ရေးနှင့် ဖွံဖြိုးရေး အသင်းကြီး၏ နှစ်ပတ်လည် အစည်းအဝေးတွင် စစ်အစိုးရ ခေါင်းဆောင် ဗိုလ်ချုပ်မှူးကြီးသန်းရွှေက ပြောဆိုလိုက်သည်။

ထိုသို့ ဗိုလ်ချုပ်မှူးကြီးက ပြောဆိုခဲ့သော်လည်း ပါဝင်ယှဉ်ပြိုင်မည့် နိုင်ငံရေးပါတီများအနေဖြင့် မှတ်ပုံတင်ဖွဲ့စည်းခွင့်၊ လွတ်လပ် စွာ စည်းရုံး ဟောပြောခွင့်မရရှိသေးကြောင်းနှင့် ရွေးကောက်ပွဲဥပဒေများကိုလည်း ထုတ်ပြန်ခြင်းမရှိသေးကြောင်း ၀ါရင့်နိုင်ငံရေး သမားကြီး သခင်ချန်ထွန်းကပြောသည်။
“ရွေးကောက်ပွဲ လုပ်မယ်သာဆိုတယ်၊ အခုအချိန်အထိ အမျိုးသားဒီမိုကရေစီ အဖွဲ့ချုပ် (NLD) ဆိုရင် ရုံးချုပ်သာဖွင့်ခွင့်ပေး ထားတာ၊ နယ်ရုံးတွေ အပိတ်ခံထားရတာပဲ” ဟု ၎င်းကဆိုသည်။
နိုင်ငံတကာ အသိအမှတ်ပြုသည့် ရွေးကောက်ပွဲ ပြုလုပ်မည်ဆိုလျှင် ယခုအချိန်ကာလကတည်းက လွတ်လပ်စွာ စည်းရုံးခွင့် လွတ်လပ်စွာဖွဲ့စည်းခွင့်၊ ဟောပြောခွင့်၊ ဆွေးနွေးခွင့်၊ သတင်းမီဒီယာများ လွတ်လပ်စွာ ရေးသားခွင့် ပြုရမည် ဖြစ်ကြောင်း၊ ယခုအခါ စစ်အစိုးရ အနေဖြင့် ၎င်းတို့နှင့် နီးစပ်သည့်နိုင်ငံရေးပါတီများနှင့် စစ်အစိုးရအဖွဲ့ဝင် ၀န်ကြီးတချို့ကိုသာ ရွေးကောက်ပွဲ အတွက် နယ်လှည့် စည်းရုံးခွင့်များ ပေးအပ်ထားကြောင်း သခင်ချန်ထွန်းက ထောက်ပြဝေဖန်သည်။
ထို့အပြင် မကြာသေးမီက ၀ါရင့်နိုင်ငံရေးသမားကြီးများကလည်း အမျိုးသားပြန်လည်သင့်မြတ်ရေး၊ အမျိုသား ရင်ကြားစေ့ရေး တို့အတွက် တွေ့ဆုံဆွေးနွေးရန် တိုက်တွန်းထားသည့် စာကို နိုဝင်ဘာလ ၂၈ ရက်နေ့က ဗိုလ်ချုပ်မှူးကြီး သန်းရွှေထံ လိပ်မူပြီးပေးပို့ခဲ့ကြောင်းသိရသည်။
ယခုကဲ့သို့ရွေးကောက်ပွဲနှင့် ပတ်သက်၍ ဗိုလ်ချုပ်မှူးကြီးပြောဆိုသည်မှာ ပြီးခဲ့သည့် တပ်မတော်နေ့တွင် တကြိမ်၊ စစ်မှုထမ်းဟောင်း ညီလာခံတွင်တကြိမ်နှင့် ယခု ကြံ့ခိုင်ဖွံဖြိုးရေးအသင်း နှစ်ပတ်လည် အစည်းအဝေးတွင်တကြိမ် ပြောဆိုခဲ့ကြောင်း၊ ထိုသို့ပြောဆို ခြင်း ကို လေ့လာခြင်းအားဖြင့် ရွေးကောက်ပွဲကိုပြုလုပ်မည်မှာ သေချာသည်ဟု အဓိပ္ပာယ်ရရှိကြောင်း ချင်းမိုင်မြို့ အခြေစိုက် မြန်မာ့အရေးလေ့လာသူ ဦးဝင်းမင်းကဆိုသည်။
“ရွေးကောက်ပွဲနဲ့ ပတ်သက်လို ဥပဒေမထုတ်သေးဘူးဆိုတာက သူတို့ဘက်က ကြိုတင်ပြင်ဆင်မှုက သိပ်မသေချာသေးလို့၊ အား နည်းနေသေးလို့ သူတို့ပါတီမနိုင်နိုင်သေးလို့” ဟု ၎င်းကပြောသည်။
ထို့အပြင် ယခုကျင်းပမည့် ရွေးကောက်ပွဲသည် နိုင်ငံတကာမှ တောင်းဆိုနေသည့်အတိုင်း လွတ်လပ်ပြီး တရားမျှတသည့် ရွေး ကောက်ပွဲ ဖြစ်နိုင်ရန် အလားအလာနည်းပါးကြောင်း၊ အဘယ်ကြောင့်ဆိုသော် မြန်မာဒီမိုကရေစီခေါင်းဆောင် ဒေါ်အောင်ဆန်းစု ကြည်၊ ကိုမင်းကိုနိုင် နှင့် အတိုက်အခံနိုင်ငံရေးခေါင်းဆောင်များ၊ တိုင်းရင်းသားခေါင်းဆောင်များအား ဖမ်းဆီးထားခြင်းမှ ပြန်လွှတ် ပေးခြင်းမရှိသေးကြောင်း၊ ထို့အပြင် လွတ်လပ်စွာ စည်းရုံးဟောပြောခွင့်မရှိသည်ကို လေ့လာခြင်းအားဖြင့် ရွေးကောက်ပွဲသည် တရားမျှတမှုရှိလိမ့်မည်ဟု မထင်ကြောင်း ဦးဝင်းမင်းက သုံးသပ်သည်။
ရခိုင်ဒီမိုကရေစီအဖွဲ့ချုပ် အတွင်းရေးမှူး ဦးအေးသာအောင်ကလည်း “စစ်အစိုးရအနေနဲ့က လာမယ့် ရွေးကောက်ပွဲကို မဖြစ်မနေ ကျင်းပလိမ့်မယ်၊ သူတို့အတွက် နိုင်ငံတကာက အသိအမှတ်ပြုဖို့ အရပ်သား ရုပ်ပြအစိုးရတခု လုပ်ပြရမယ်၊ နောက်ပြီး ၂၀၀၈ ခုနှစ် ဖွဲ့စည်းပုံကိုလည်း အသိအမှတ်ပြု ခံရဖို့ လိုမယ်” ဟု ပြောသည်။
စစ်အစိုးရအနေဖြင့် ရွေးကောက်ပွဲကို NLD အား ၀င်ရောက်ယှဉ်ပြိုင်စေချင်ကြောင်း၊ သို့မှသာ ၎င်းတို့ပြုလုပ်သည့် ရွေးကောက်ပွဲအား နိုင်ငံတကာမှ အသိအမှတ်ပြုမည်ဖြစ်ကြောင်း၊ သို့သော်လည်း ၁၉၉၀ ပြည့်နှစ် ရွေးကောက်ပွဲတွင် NLD အပြတ်အသတ် အနိုင်ရသကဲ့သို့ ယခုရွေးကောက်ပွဲတွင် အနိုင်ရရှိသွားမည်ကို စိုးရိမ်သည့်အတွက် စည်းရုံးလှုပ်ရှားခွင့် အချိန်နည်းပါးစေရန် ရွေးကောက်ပွဲဥပဒေများကို အချိန်နီးကပ်မှသာ ပြဌာန်းပေးလိမ့်မည်ဟု ထင်ကြောင်း ဦးအေးသာအောင်က ပြောသည်။
တခြားသော ဒီမိုကရေစီစနစ်ကျင့်သုံးသည့် တိုင်းပြည်များတွင် ရွေးကောက်ပွဲတခုကို တိုတောင်းသော အချိန်ကာလတခုသတ်မှတ် ပြဌာန်းပြီး ပြုလုပ်နိုင်သော်လည်း၊ မြန်မာနိုင်ငံကဲ့သို့ ယခုမှ စတင်ပြီးပါတီစုံရွေးကောက်ပွဲကို ကျင်းပမည်ဖြစ်သည့်အတွက် ပါဝင်ယှဉ်ပြိုင်မည့် နိုင်ငံရေးပါတီများအား ပါတီမှတ်ပုံတင်ခွင့်၊ စည်းရုံးခွင့် စသည်များကို ပြုလုပ်နိုင်ရန်အတွက် အချိန်ကာလ
အားဖြင့် အနည်းဆုံး ၁ နှစ် နှင့် ၁ နှစ်ခွဲခန့်ပေးရမည်ဖြစ်ကြောင်း၊ သို့မှသာလျှင် နိုင်ငံတကာမှ အသိအမှတ်ပြုသည့် သန့်ရှင်း မျှတသည့် ရွေးကောက်ပွဲတခု ဖြစ်လာမည်ထင်ကြောင်း မြန်မာ့အရေးလေ့လာနေသူ ဦးအောင်နိုင်ဦးကလည်း သုံးသပ်သည်။
၁၉၉၀ ပြည့်နှစ် မေလတွင် ပြုလုပ်ခဲ့သည့် ရွေးကောက်ပွဲတွင် ပါတီများဖွဲ့စည်းခွင့်ကို ၁၉၈၈ ခုနှစ် အောက်တိုဘာလတွင် စတင်ခွင့် ပြုခဲ့ပြီးနောက် ရွေးကောက်ပွဲ ဥပဒေကို ထုတ်ပြန်ခဲ့သည့်အတွက် နိုင်ငံရေးပါတီများ အားလုံး အတွက် စည်းရုံးလှုပ်ရှားခွင့် အချိန်အားဖြင့် ၁ နှစ်ကျော်ခန့်ရရှိခဲ့သည်။ ထို့နောက် ရွေးကောက်ပွဲ ကျင်းပရန် ၃ လခန့် အလို၌ ရုပ်မြင်သံကြားမှ စည်းရုံးခွင့်များ ပေးခဲ့သည်။

vrijdag 27 november 2009

ရွေးကောက်ပွဲဝင်မည့် စစ်အစိုးရအဖွဲ့ဝင်များ၊ စစ်အရာရှိကြီးများ

  

သုတေသန

မဇ္ဈိမသတင်းဌာန
အင်္ဂါနေ့၊ နိုဝင်ဘာလ 03 ရက် 2009 ခုနှစ် 18 နာရီ 37 မိနစ်
၂၀၁၀ ရွေးကောက်ပွဲကို ဝင်ရောက်ယှဉ်ပြိုင်မည့် လက်ရှိ စစ်အစိုးရ အဖွဲ့ဝင်များစာရင်းကို မဇ္ဈိမက ရနိုင်သမျှ စုံစမ်းဖော်ထုတ်ကာ စုစည်းတင်ပြထားခြင်း ဖြစ်ပါသည်။ (လျှို့ဝှက်လွန်းပြီး အာဏာကို အလုံးစုံ ချုပ်ကိုင်ထားမှု သဘောသဘာဝကြောင့် ရွေးကောက်ပွဲဝင်ရန် သတ်မှတ်ထားသူ စာရင်းတွင်လည်း အပြောင်းအလဲ ရှိနိုင်ပါသေးသည်။) စာဖတ်သူများအနေဖြင့်လည်း စုံစမ်းရရှိသော ရွေးကောက်ပွဲဆိုင်ရာ သတင်းအချက်အလက်များကို editor@mizzima.com This e-mail address is being protected from spambots. You need JavaScript enabled to view it သို့ ပေးပို့ပါရန် မေတ္တာရပ်ခံပါသည်။
၁။ ဗိုလ်မှူးချုပ် အုန်းမြင့် (သတ္တုတွင်းဝန်ကြီးဌာန)
ပေါင်မြို့နယ်၊ မွန်ပြည်နယ်
၂။ ဗိုလ်မှူးချုပ် သန်းဌေး
မိတ္ထီလာ၊ သာစည်၊ မန္တလေးတိုင်း
၃။ ဗိုလ်ချုပ် သိန်းဆွေ
စစ်တွေမြို့၊ ရခိုင်ပြည်နယ်
၎။ ဒုတိယဗိုလ်မှူးကြီး ဥာဏ်ထွန်းအောင်
နွားထိုးကြီးမြို့နယ်၊ မန္တလေးတိုင်း
၅။ ဗိုလ်မှူးကြီး သိန်းညွန့်
မအူပင်မြို့နယ်၊ ဧရာဝတီတိုင်း
၆။ ဗိုလ်ချုပ် သိန်းဇော် (ဆက်သွယ်ရေးဝန်ကြီး)
မြစ်ကြီးနား၊ ကချင်ပြည်နယ်
၇။ ဗိုလ်မှူးချုပ် ကျော်ဆန်း (ပြန်ကြားရေးဝန်ကြီး)
ပုလဲမြို့နယ်၊ စစ်ကိုင်းတိုင်း
၈။ ဦးအောင်သောင်း (စက်မှု ၁ ဝန်ကြီး)
မန္တလေးမြို့၊ မန္တလေးတိုင်း
၉။ ဦးစိုးသာ (စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီး)
တွံတေးမြို့နယ်၊ ရန်ကုန်တိုင်း
၁ဝ။ ဗိုလ်ချုပ် တင်နိုင်သိန်း (ကုန်သွယ်ရေးဝန်ကြီး)
(မသိရသေးပါ။)
၁ဝ။ ဦးမောင်မောင်သိမ်း (ခရမ်းမြို့နယ် အသင်းနာယက) ဗိုလ်မှူးချုပ်
ခရမ်းမြို့နယ်၊ ရန်ကုန်တိုင်း
၁၁။ ဗိုလ်မှူးချုပ် အေးမြင့် (အားကစားဝန်ကြီး)
ဟားခါးမြို့နယ်၊ ချင်းပြည်နယ်
၁၂။ ဒေါက်တာ ချမ်းငြိမ်း (ပညာရေးဝန်ကြီး)
ကန့်ဘလူမြို့နယ်၊ စစ်ကိုင်းတိုင်း
၁၃။ ဗိုလ်ချုပ် အောင်မင်း (ရထားပို့ဆောင်ရေးဝန်ကြီး)
ကဝမြို့၊ ပဲခူးတိုင်း
၁၄။ ဗိုလ်မှူးကြီး ဇော်မင်း (လျှပ်စစ်စွမ်းအားဝန်ကြီးဌာန)
မကွေးမြို့၊ မကွေးတိုင်း
၁၅။ ဗိုလ်မှူးချုပ် သိန်းအောင် (သစ်တောဝန်ကြီး)
အင်္ဂပူမြို့နယ်၊ ဧရာဝတီတိုင်း
၁၆။ ဗိုလ်ချုပ် ဌေးဦး (စိုက်ပျိုးရေးဝန်ကြီးဌာန)
ပျော်ဘွယ်၊ရမည်းသင်း မန္တလေးတိုင်း
၁၇။ ဗိုလ်မှူးချုပ် အောင်သိန်းလင်း (ရန်ကုန်မြို့တော်ဝန်)
ရန်ကုန်
၁၈။ ဗိုလ်ချုပ် စိုးနိုင် (ခရီးသွားလာရေးဝန်ကြီးဌာန)
ဒေးဒရဲမြို့နယ်၊ ဧရာဝတီတိုင်း
၁၉။ဗိုလ်မှူးချုပ် လွန်းသီ (စွမ်းအင်ဝန်ကြီးဌာန)
ကွမ်းခြံကုန်း ရန်ကုန်တိုင်း

ဝန်ကြီးချုပ်က ကြံ့ဖွံ့ခေါင်းဆောင်များကို ကျောသပ်ဂုဏ်ပြု

မဇ္ဈိမသတင်းဌာန

သောကြာနေ့၊ နိုဝင်ဘာလ 27 ရက် 2009 ခုနှစ် 16 နာရီ 11 မိနစ်
နယူးဒေလီ။ ။ စစ်အစိုးရဝန်ကြီးချုပ် ဗိုလ်ချုပ်ကြီးသိန်းစိန်သည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအစည်းအရုံး ခေါင်းဆောင်များကို ကျေးဇူးတင်ကြောင်းနှင့် နိုင်ငံတော်အတွက် လူမှုရေးလုပ်ငန်းများ ဆက်လုပ်သွားရန် ပြီးခဲ့သည့် တနင်္ဂနွေနေ့တွင် အားပေးတိုက်တွန်းခဲ့သည်။
မြန်မာပြည်အလယ်ပိုင်း လယ်ဝေးမြို့တွင် နိုင်ငံတဝှန်းမှ ကြံ့ဖွံ့ခေါင်းဆောင် ၇ဝဝ ခန့်ဖြင့် ကျင်းပသည့် နှစ်ပတ်လည် အသင်းအစည်းအဝေး ဖွင့်ပွဲတွင် ဝန်ကြီးချုပ်က ထိုကဲ့သို့ ပြောကြားခဲ့ခြင်း ဖြစ်သည်။
အစည်းအဝေးကို အသင်း၏ အထွေထွေ အတွင်းရေးမှူးဖြစ်သည့် စိုက်ပျိုးရေးနှင့် ဆည်မြောင်း ဝန်ကြီးဌာန ဝန်ကြီး ဗိုလ်ချုပ်ဋ္ဌေးဦးက ဦးဆောင်ကျင်းပနေကာ သောကြာနေ့တွင် ညစာစားပွဲဖြင့် အဆုံးသပ်မည်ဖြစ်သည်။
''ဗိုလ်ချုပ်မှူးကြီးသန်းရွှေကတော့ သောကြာနေ့ ညစာစားပွဲမှာ လာတက်မယ်လို့ မျှော်လင့်ရတယ်။ အခုထိတော့ ပေါ်မလာသေးဘူး'' ဟု လယ်ဝေးမြို့နယ် ကြံ့ဖွံ့အသင်းမှ တာဝန်ရှိသူတဦးက ပြောသည်။
ကြံ့ဖွံ့ လူမှုရေးအသင်းကို နိုင်ငံရေးပါတီအဖြစ် အသွင်ပြောင်းမည်ဟု သတင်းများ ပေါ်ထွက်နေသော်လည်း မြို့နယ်နှင့် တိုင်းအဆင့်ရှိ အတွင်းရေးမှူးများ တက်ရောက်နေသည့် လက်ရှိ အစည်းအဝေးတွင် ထိုကိစ္စနှင့် ပတ်သက်၍ ဆွေးနွေးခြင်း မရှိကြောင်း သူက ဆိုသည်။
''နိုင်ငံရေးပါတီအနေနဲ့ ပြောင်းလဲဖို့ဆိုတာမျိုးတော့ စည်းဝေးပွဲမှာ ဆွေးနွေးတာ မရှိပါဘူး။ ပြောင်းဖွဲ့မယ်ဆိုတာ မဖြစ်နိုင်ပါဘူး။ အထက်က ညွှန်ကြားတာတွေလည်း မရှိပါဘူး'' ဟု သူက ပြောသည်။ မည်သည့် အထက်ဆိုသည်ကိုမူ သူက ရှင်းပြရန် ငြင်းဆိုသည်။
ကြံ့ဖွံ့အသင်းကို စစ်အစိုးရ၏ ရုပ်သေးရုပ်အဖြစ် လူသိများပြီး စစ်ခေါင်းဆောင်များ၏ အမိန့်များအတိုင်း အကောင်အထည် ဖော်ကြရသည်။
စစ်အစိုးရ စီစဉ်ထားသည့် ၂ဝ၁ဝ ရွေးကောက်ပွဲများတွင် ကြံ့ဖွံ့သည် နိုင်ငံရေးပါတီအဖြစ် အသွင်ပြောင်း၍ ပါဝင်ရန် အလားအလာမရှိကြောင်း ပြည်ပအခြေစိုက် မြန်မာတက်ကြွလှုပ်ရှားသူများက ခန့်မှန်းနေကြသည်။
လူမှုရေးအသင်းအဖြစ် ဆက်လက်ရပ်တည်မည်ဖြစ်ကာ ၂ဝ၁ဝ ခုနှစ် ရွေးကောက်ပွဲတွင် စစ်အစိုးရ လိုလားသည့် ပါတီကို ကျောထောက်နောက်ခံ ပေးလိမ့်မည်ဟု ယုံကြည်နေကြသည်။
ကြံ့ခိုင်ရေးနှင့် ဖွံ့ဖြိုးရေးအသင်းကို ၁၉၉၃ ခုနှစ်တွင် စစ်တပ်အကြီးအကဲ ဗိုလ်ချုပ်မှူးကြီးသန်းရွှေက ဖွဲ့စည်းခဲ့သည်။ ဗိုလ်ချုပ်မှူးကြီးသန်းရွှေ၊ ဒုတိယ ဗိုလ်ချုပ်မှူးကြီးမောင်အေး၊ ဗိုလ်ချုပ်ကြီးသူရရွှေမန်း၊ ဝန်ကြီးချုပ် ဗိုလ်ချုပ်ကြီး သိန်းစိန်နှင့် နအဖ အတွင်းရေးမှူး (၁) သီဟသူရ တင်အောင်မြင့်ဦးတို့က အဖွဲ့နာယကများဖြစ်သည်။ နိုင်ငံသားဦးရေ သန်း ၅ဝ ကျော်အနက် အဖွဲ့ဝင်ပေါင်း သန်း ၂ဝ ကျော်ရှိသည်ဟု ဆိုသည်။
ဤအသင်းကို စစ်အစိုးရက မရှိမဖြစ် လိုအပ်နေပြီး ၂ဝဝ၇ ခုနှစ်တွင် လောင်စာဆီ ဈေးနှုန်း ကျဆင်းရေးအတွက် ဆန္ဒပြပွဲများကို နှိမ်နင်းရာ၌လည်း အသုံးပြုခဲ့သေးသည်။ သူတို့က လမ်းပေါ်တွင် ဆန္ဒပြနေသူများကို နှောင့်ယှက်ခြင်း၊ ဖမ်းဆီးခြင်းနှင့် လမ်းများကို ပိတ်ဆို့ခြင်းများ ပြုလုပ်ခဲ့ကြသည်။
ထို့အပြင် ၂ဝဝ၃ ခု မေလတွင် အထက်မြန်မာပြည်သို့ စည်းရုံးရေးခရီးထွက်သည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ယာဉ်တန်းကို စစ်ကိုင်းတိုင်း ဒီပဲယင်းမြို့အနီး အကြမ်းဖက် တိုက်ခိုက်ခဲ့ရာတွင် ကြံ့ဖွံ့များလည်း ပါဝင်ခဲ့သည်ဟု သတင်းများ ပေါ်ထွက်ခဲ့သည်။
(ဆလိုင်းဟံသာစန်း သတင်းပေးပို့သည်။ မုံပီး တည်းဖြတ်သည်။)

လိင်ပြောင်းလိုသူများ ၁ နှစ်စောင့်ဟု ထိုင်းပြဌာန်း

Friday, 27 November 2009 17:16 ကိုထွေး
.လိင်ပြောင်းလဲမှုများ မလုပ်ဆောင်မီ ၁ နှစ်ခန့် ကြိုတင်၍ ပြင်ဆင်မှုများ ပြုလုပ်၍ အသက် ၁၈ နှစ်ပြည့်မှ သာလျှင် ခွဲစိတ်ခြင်းကို ခွင့်ပြုရန် ထိုင်းနိုင်ငံက ဥပဒေတခု ထုတ်ပြန်လိုက်ကြောင်း အေပီ သတင်းတွင် ရေးသားထားသည်။

ခွဲစိတ်ကုသမခံမီ ၁နှစ် အလိုတွင် စိတ်ဓာတ်ပိုင်းဆိုင်ရာ ပြင်ဆင်မှု အနေဖြင့် အမျိုးသမီး ၀တ်စုံများကို ၀တ်ဆင်ရမည်ဖြစ်ကြောင်း ဥပဒေတွင် ပါရှိသည်ဟု သိရသည်။
ယင်းဥပဒေသည် ပြီးခဲ့သည် ဗုဒ္ဓဟူးနေ့မှ စတင်၍ အသက် ၀င်မည် ဖြစ်သည်ဟုလည်း ယင်းသတင်းတွင် ရေးသားထားသည်။
ထိုင်းနိုင်ငံ ကျန်းမာရေးဝန်ကြီးဌာနက ဆေးရုံများနှင့် ဆေးခန်းများကို ယခင်နှစ် အတွင်းက လိင်ပြောင်း ၀န်ဆောင်မှုများယာယီ ရပ်ဆိုင်းရန်နှင့် ခွဲစိတ်ကုသမှုကို သေချာစွာ စောင့်ကြည့်ရန် ညွန်ကြား ထားကြောင်း သိရသည်။
ထိုင်းနိုင်ငံ ဆေးပညာ ကောင်စီမှ ဒေါက်တာ Dr. Sampandh Komritက “ဒါဟာ ဘ၀အတွက် အရမ်း အရေးကြီးတဲ့ ဆုံးဖြတ်ချက်တရပ်ပါ၊ ခွဲစိတ်ပြီးရင် ဘယ်လိုမှ ပြန်ပြောင်းလို့ မရတော့ဘူး၊ ဒါဟာ အသေး အမွှားကိစ္စ မဟုတ်ပါဘူး၊ ဆယ်ကျော်သက် အနေနဲ့ သူငယ်ချင်းလုပ်လို့ လိုက်လုပ်လို့ မရပါဘူး၊ ခွဲစိတ် မယ့်သူတွေ အနေနဲ့ တနှစ် အနည်းဆုံးစောင့်ရမယ်” ဟု ယင်းသတင်းက ဆိုသည်။
လိင်တူချစ်သူတဦး ဖြစ်သူ ကရင် အဆိုတော် ယူရီက“ ထိုင်းနိုင်ငံမှာ အခုလို ဥပဒေ ထုတ်လိုက်တာ အရမ်း ကောင်းပါတယ်၊ ၁နှစ် အတောအတွင်းမှာလည်း ဆရာဝန်က မျက်ခြည်မပြတ် စောင့်ကြည်မယ် ဆိုတော့ ပိုကောင်းတာပေါ့နော်၊ ထိုင်းနိုင်ငံက လိင်တူချစ်သူတွေနဲ့ ပတ်သက်ပြီးတော့ အရင်က ဥပဒေမရှိဘူး၊ တားမြစ်တာ မရှိသလို ထောက်ခံတာလည်း မရှိခဲ့ဘူး၊ အခုတော့ လိင်ပြောင်းတာနဲ့ပတ်သက်တဲ့ ဥပဒေ ထွက်လာတဲ့ အခါကျတော့ နိုင်ငံရေးအရ တော်တော်လေး အခြေအနေကောင်းပါတယ်၊ နောက်ထပ် ဒီထက်ပိုတဲ့ အလေးပေးမှုတွေရမှာ ဖြစ်ပါတယ်၊ မြန်မာနိုင်ငံမှာ ဆိုရင်တော့ အရမ်းကောင်းမှာပဲလေ” ဟု ဆိုသည်။
အဆိုပါ ဥပဒေသည် ယခင်ကတည်းက ရှိခဲ့သော်လည်း ခွဲစိတ်မှုပြုလုပ်ရန် ၃နှစ်ခန့် စောင့်ဆိုင်းရကြောင်း၊ လိင်ပြောင်းလဲလိုသူများသည် အသက် ၁၈နှစ် ပြည့်ရန်နှင့် အုပ်ထိန်းသူက ခွင့်ပြုရန် လိုအပ်ကြောင်း ယင်းကာလအတွင်း တပတ်လျှင် တကြိမ်ကျ ဆရာဝန်နှင့် တွေ့ဆုံရန်လိုအပ်ကြောင်း ၎င်းက ဆက်ပြောသည်။
“လူကို လူလိုသာ မြင်တတ်မယ်ဆိုလို့ရှိရင် လိင်တူချစ်သူတွေကို ဖိနှိပ်မှာလဲ မဟုတ်ဘူး၊ လိင်တူ ချစ်သူတွေ လည်း သူတို့ခံစားချက်နဲ့သူတို့ပဲလေ၊ မြန်မာပြည်မှာက သူတို့ အစွဲထဲမှာက လိင်တူချစ်သူတွေဆိုရင် အခြောက်တွေ၊ ရှောက်သီးဆေးပြားရောင်းတဲ့သူတွေ ဆိုပြီးတော့ နှိမ်ချင်ကြတယ်၊” ဟု ယူရီက ဆိုသည်။
ရန်ကုန်မြို့တွင်လည်း သြဂုတ်လအတွင်းမှ စတင်ကာ လိင်ပြောင်းလဲခြင်းဆိုင်ရာ ၀န်ဆောင်မှု စနစ်သစ်တခုကို ထိုင်းနိုင်ငံ၊ ဘန်ကောက်မြို့ အခြေစိုက် ပေါင်လို (၀်) ဆေးရုံကြီး (Paolo Memorial Hospital) ၏ မြန်မာနိုင်ငံရုံးခွဲက ပထမဆုံးအကြိမ်အဖြစ် စတင်ဝန်ဆောင်မှု ပေးနေပြီဖြစ်သည်။
အမျိုးသားဘ၀မှ အမျိုးသမီးအဖြစ်သို့ လိင်ပြောင်းလဲမည်ဆိုပါက အချိန်နှစ်ပတ်ကြာ ဆေးရုံ တက်ကုသမှု ခံယူရမည်ဖြစ်ပြီး အမျိုးသမီးဘ၀မှ အမျိုးသားအဖြစ်သို့ လိင်ပြောင်းလဲပါက ၁ နှစ်မှ ၂ နှစ်အထိ အချိန်ယူ ဆေးကုသမှုခံယူပြီးမှ ခွဲစိတ်ပြုပြင်လိင်ပြောင်းလဲနိုင်ကြောင်း သိရသည်။
ရန်ကုန်မြို့မှ လိင်တူချစ်သူ အမျိုးသားတဦးကမူ အမျိုးသားဘ၀မှ အမျိုးသမီးဘ၀သို့ လိင်ပြောင်းလဲ ချင်ကြ သော လိင်တူချစ်သူအမျိုးသားအများအပြား ပြည်တွင်းတွင်ရှိနေပြီး ငွေလည်းတတ်နိုင်ကြကြောင်း၊ လိင်ပြောင်းလဲရန် မည်သို့မည်ပုံ ပြည်ပဆေးရုံများနှင့် ဆက်သွယ်ဆောင်ရွက်ခွဲစိတ်မှုခံယူရမည်ကိုမသိရှိကြ သူက အများစုဖြစ်နေကြောင်း ပြောဆိုသည်။

မြန်မာ မူးယစ်ဆေး ထွက်နှုန်းတိုးဟု ဆို

    

ပြီးခဲ့သည့် အောက်တိုဘာ လကုန်ပိုင်းက ရှမ်းပြည် အရှေ့မြောက်ပိုင်း လောက်ကိုင်မြို့၌ ကျင်းပသည့် မူးယစ်ဆေးဝါးများ မီးရှို့ဖျက်ဆီးပွဲတွင် စစ်အစိုးရ ဖျက်ဆီးပြခဲ့သော မက်သာအဖက်တမင်း စိတ်ကြွဆေးပြား အထုတ်များကို တွေ့ရစဉ် (ဓာတ်ပုံ - AP)
Friday, 27 November 2009 17:25 သန်းထိုက်ဦး
.မြန်မာနိုင်ငံတွင် ရာဘ (ခေါ်) မက်သာ အဖက်တမင်း စိတ်ကြွဆေးပြားများ ဖမ်းဆီးရရှိမှုမှာ ယခင် နှစ်များထက် (၄) ဆခန့် ပိုမိုများပြား လာကြောင်း မှုးယစ်ဆေးဝါး တိုက်ဖျက်ရေးအဖွဲ့မှ တာဝန်ရှိသူများက ထုတ်ဖော်ပြောကြားလိုက်သည်။

အဆိုပါ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး (UNODC) အဖွဲ့မှ ထုတ်ပြန်သော“2009 Patterns and Trends of Amphetamine - Type Stimulants and Other Drugs in East and South-East Asia”ဟု အမည်ရသည့် အစီရင်ခံစာတွင် ယခုကဲ့သို့ ဖော်ပြထားခြင်းဖြစ်သည်။
UNODC ၏ ထုတ်ပြန်ချက်၌ မြန်မာနိုင်ငံတွင် ၂၀၀၈ ခုနှစ်အတွင်း စိတ်ကြွဆေးပြား အလုံးရေ တစ်သန်းကျော် ဖမ်းဆီးမိခဲ့ သော် လည်း ၂၀၀၉ ခုနှစ် ၆ လခန့် အတွင်း၌ပင် ၎င်း ဆေးပြား လေးသန်းခွဲ ဖမ်းဆီးရမိသည့်အတွက် ယခင်နှစ်များထက် ၄ ဆခန့် ပိုမိုများပြာလာသည်ဟု ရေးသားဖော်ပြထားသည်။
"မူးယစ်ဆေးဝါး ထွက်ကုန်တွေဟာ နယ်စပ်ဒေသမှာ ပိုပြီးတော့ များလာတယ်ဆိုတာကို ကျနော်တို့ လေ့လာတွေ့ရှိရပါတယ်" ဟု UNODCကိုယ်စားလှယ် အရာရှိတဦးဖြစ်သူ မစ္စတာ ဂါရီလူးဝစ္စက ယမန်နေ့က ဘန်ကောက်မြို့ သတင်းစာရှင်းလင်းပွဲတွင် သတင်းထောက်များကို ပြောကြားခဲ့သည်။
မူးယစ်ဆေးဝါးများသည် ထိုင်းနိုင်ငံမှ သာမက ဒေသတွင်း နိုင်ငံများဖြစ်သည့် လာအို၊ ဗီယက်နမ်၊ အိန္ဒိယနိုင်ငံတို့မှတဆင့် ပျံ့နှံ့ လျက်ရှိသည်ဟုလည်း မစ္စတာ ဂါရီလူးဝစ္စက ဆိုသည်။
ထုိ့ကြောင့် မူးယစ်ဆေးဝါး ရောင်းဝယ်သူများသည် မူးယစ်ဆေးဝါးကို လက်ဝယ်တွင် မထားရှိတော့ဘဲ ထိုင်းနိုင်ငံအတွင်းသို့ အကြွေးစနစ်ဖြင့် လည်းကောင်း ဈေးနှုန်းလျှော့ချ၍လည်းကောင်း တင်သွင်းနေကြောင်းလည်း သတင်းများဖော်ပြချက် အရသိရ သည်။
မြန်မာနိုင်ငံတွင် မူးယစ်ဆေးဝါးနှိမ်နှင်းမှုများကို ကိုးကန့်တိုက်ပွဲပြီးသည့် နောက်ပိုင်းတွင် ယခင်ကထက် ပိုမိုလုပ်လာပြီး၊ သြဂုတ်လ အတွင်း မူးယစ်ဆေးဝါး အမှုပေါင်း ၂၃၀ နှင့် တရားခံပေါင်း ၃၅၅ဦးကို ဖမ်းဆီးအရေးယူခဲ့ကြောင်း စစ်အစိုးရ သတင်းစာ များတွင် ဖော်ပြထားသည်။
အလားတူပင် ရှမ်းပြည်နယ် မြောက်ပိုင်း နန်းခမ်းမြို့ရှိ ပန်းဈေး ကျေးရွာများနှင့် ကချင်ပြည်နယ်များတွင် ဘိန်းစိုက်ပျိုးမှုများကို ယခင်နှစ်ထက် ပိုမို စိုက်ပျိုးလာကြောင်းလည်း မျက်မြင်များကဆိုသည်။
ထိုင်းနိုင်ငံသို့ မကြာခင်က ရောက်ရှိလာသည့် မျက်မြင် ပလောင် အမျိုးသမီး တဦးဖြစ်သူ လွေးမိုးလှိုင်က“ ဒီနှစ်မှာ ကြည့်ရတာ လမ်းဘေးတွေမှာကို ဘိန်းတွေ တော်တော်စိုက်တယ်၊ ဘယ်လောက်အစိုက်များလည်း ဆိုလို့ရှိရင် ပန်းဈေးရွာက လူတွေက ဘိန်း စိုက်တဲ့ ခြံတွေမှာ မြေသွားပေါက်ကြတယ်၊ သွားပေါက်တော့ သူတို့ကို စရိတ်ငြိမ်း သုံးရက်ကို မြန်မာကျပ်ငွေ တစ်သောင်း ပေးတယ်၊ အထူးသဖြင့် အမျိုးသားတွေက သွားလုပ်ကြတာများတယ်”ဟု ဧရာဝတီသို့ ပြောသည်။
ကချင်ဖွံ့ဖြိုးရေး ကွန်ယက်(KDNG)မှ ကိုအောင်ဝါကလည်း“ကချင်ပြည်နယ်မှာ သစ်လုပ်ငန်းတွေ နားနေတယ်၊ ကျောက်စိမ်း လုပ်ငန်း တွေလည်း အရင်ကလို လုပ်တဲ့လူတွေနည်းလာတယ်၊ ရွှေလုပ်ငန်း နည်းနည်းပဲ ရှိတယ် ဆိုတော့ ဘိန်းတွေကို နေရာတကာ စိုက် ပျိုးလာတယ်၊ ဘိန်းစိုက်ပျိုးမှုကို စီးပွားရေး ၀င်ငွေအဖြစ်၊ လုပ်လာတဲ့အပိုင်းမျိုး မြင်လာတယ်”ဟု ပြောသည်။
မူးယစ်ဆေးဝါးများကို ရှမ်းပြည်နယ်အတွင်းရှိ တချို့သော တိုင်းရင်းသားလက်နက်ကိုင် ငြိမ်းချမ်းရေး အဖွဲ့များက ထုတ် လုပ်နေကြပြီး တာချီလိတ်မြို့ဘက်မှ ထိုင်းနိုင်ငံအတွင်းသို့ သယ်ဆောင်ရောင်းချမှုများ ရှိကြောင်းလည်း သိရသည်။
ယင်း ဒေသတွင်းရှိ တိုင်းရင်းသားလက်နက်ကိုင် ငြိမ်းချမ်းရေးအဖွဲ့ တဖွဲ့ ဖြစ်သော ၀ ပြည်သွေးစည်းညီညွတ်ရေး တပ်ဖွဲ့ (UWSA) သည် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများကို အာရှတွင် အမြောက်အမြား ကျယ်ပြန့်စွာ ထုတ်လုပ်နေသည့် အဖွဲ့ တဖွဲ့ဖြစ်ကြောင်း အမေရိကန် မူးယစ်ဆေးဝါး တိုက်ဖျက်ရေးအဖွဲ့က ဆိုသည်။
မြန်မာအာဏာပိုင်များကလည်း မူးယစ်ရာဇာ နော်ခမ်းကို ဖမ်းဆီးမိန့် ထုတ်ပြန်ထားသည်။ နော်ခမ်းသည် ရွှေတြိဂံ ဒေသတွင် မူး ယစ်ဆေးဝါး မှောင်ခိုကုန်ကူးနေသူဖြစ်ပြီး ၎င်းကို တရုတ်၊ ထိုင်းနှင့် လာအို နိုင်ငံများကလည်း အလိုရှိနေသည်။
အမေရိကန်နှင့် ကုလသမဂ္ဂတို့ ၏ ထုတ်ပြန်ချက်များအရ ကမ္ဘာတဝန်းတွင် အာဖဂန်နစ္စတန်သည် ဘိန်းအများဆုံး ထုတ်လုပ်သည့် နိုင်ငံဖြစ်ပြီး မြန်မာနိုင်ငံသည် ဒုတိယ အများဆုံး နိုင်ငံဖြစ်ကြောင်း သိရသည်။

သံဃာတော်များ ဆက်လက်ဖိနှိပ်ခံနေရ

  

၂၀၀၇ ခုနှစ်က ရန်ကုန်မြို့မှ ဆန္ဒပြ သံဃာများကို အာဏာပိုင်တို့ ချေမှုန်းခြင်း မပြုမီ တွေ့ရသည့် မြင်ကွင်းတခု
Friday, 27 November 2009 19:24 ဧရာဝတီ
.သံဃာများ ဦးဆောင်သော ၂၀၀၇ခုနှစ် ဆန္ဒပြမှုများကို လက်တုံ့ပြန်သည့် အနေဖြင့် စစ်အစိုးရက ရဟန်းသံဃာများကို ဆက်လက် ဖိနှိပ်လျက် ရှိသည်။ စစ်အစိုးရသည် တရားပွဲများကို ပိတ်ပင်ခြင်း ၊ ခရီးသွားလာမှုများအပေါ် ကန့်သတ်ခြင်း စသည့် နည်းလမ်းများဖြင့် သံဃာများကို ဆက်လက် ဖိအားပေးနေသည်။
သံဃာတို့၏ မိသားစုဝင်များလည်း ဖိအားပေးခံနေရသည်ဟု ပြည်ပရောက် သံဃာတပါးက ဧရာဝတီသို့ မိန့်ကြားသည်။
“ဦးပဉ္ဇင်းမိဘတွေက မြို့နယ်အာဏာပိုင်တွေဆီကို လစဉ် သွားပြီး လက်မှတ်ထိုးရတယ်၊ ပြီးတော့ ဦးပဉ္ဇင်းဆက်သွယ်တာနဲ့ သူတို့ဆီကို အကြောင်းကြားရမယ်လို့လည်း အမိန့်ပေးတယ်။ ဦးပဉ္ဇင်းမိဘတွေကို အလုပ်ထုတ်ပစ်ဖို့ အလုပ်ရှင်ကိုလည်း ဖိအား ပေးခဲ့သေးတယ်” ဟု အိန္ဒိယအခြေစိုက် မြန်မာနိုင်ငံလုံးဆိုင်ရာ သံဃာကိုယ်စားလှယ်အဖွဲ့ (ABMRC) အတွင်းရေးမှူးဖြစ်သူ အရှင်ထာဝရက ဧရာဝတီသို့ ပြောပြသည်။
သက်တော် ၂၆ နှစ်ရှိ အရှင်ထာဝရသည် ဆန္ဒပြပွဲများအတွင်း ဦးဆောင်လှုပ်ရှားခဲ့ပြီး ABMRC ကို စတင် တည်ထောင်ခဲ့သည့် သံဃာတပါးဖြစ်သည်။
“၂၀၀၈ ဖေဖော်ဝါရီမှာ အာဏာပိုင်တွေက ဦးပဉ္ဇင်းပိုင်ဆိုင်သမျှ ပစ္စည်းအားလုံးကို သိမ်းသွားခဲ့တယ်၊ အဲဒီကတည်းက ဦးပဉ္ဇင်း သီတင်းသုံးတဲ့ ရန်ကုန်၊ သင်္ဃန်းကျွန်း ဇေယျသိဒ္ဓကျာင်းက သံဃာတော်တွေကို ကျောင်းကနေ ထွက်သွားဖို့ ဖိအားပေးခဲ့တာ အခုဆိုရင် ကျောင်းမှာ ဘုန်းကြီးအိုကြီးတပါးပဲ ကျန်တော့တယ်” ဟု အရှင်ထာဝရက ပြောသည်။
၂၀၀၇ ခုနှစ် စက်တင်ဘာလ ၂၇ ရက်နေ့၌ စစ်အစိုးရက ဆန္ဒပြသူများကို နှိမ်နင်းသဖြင့် သံဃာ အများအပြားသည် ဖမ်းဆီးခံရမှုမှ လွတ်မြောက်နိုင်ရေးအတွက် ၎င်းတို့ သီတင်းသုံးရာ ကျောင်းတိုက်များမှ ထွက်ပြေး တိမ်းရှောင်ခဲ့ကြရသည်။ နိုင်ငံမှ စွန့်ခွာခဲ့ရသည့် သံဃာများလည်း အများအပြား ရှိသည်။
တရားဝင် ထုတ်ပြန်ထားသော အချက်အလက်များအရ မြန်မာနိုင်ငံတွင် သံဃာ အရေအတွက် လေးသိန်းကျော် ရှိကြောင်း သိရသည်။ ဗုဒ္ဓဘာသာ ကိုးကွယ်သူ အများစု နေထိုင်သည့် မြန်မာပြည်တွင် သံဃာများသည် ယုံကြည်ကိုးစားမှု အခံရဆုံး ပုဂ္ဂိုလ်များ ဖြစ်သည်။
မြန်မာနိုင်ငံလုံးဆိုင်ရာ သံဃာ့တပ်ပေါင်းစု အဖွဲ့ကြီး (ABMA) ကို စတင် တည်ထောင်ရာတွင် ပါဝင်ခဲ့သည့် အရှင်ဣဿရိယ က “စစ်အစိုးရက သံဃာတော်တွေနဲ့ ဗုဒ္ဓဘာသာကို ဖိနှိပ်စော်ကားနေတုန်းပဲ။ အခု လက်ရှိ သံဃာ အပါး ၂၅၀ ကျော်၊ သီလရှင် အပါး ၂၀ အဖမ်းခံထားရတယ်” ဟု ဆိုသည်။
သာသနာရေးဝန်ကြီးဌာနသည် သံဃာ့ မဟာနာယကအဖွဲ့မှတဆင့် သံဃာများကို ထိန်းချုပ်ထားသည်။ သံဃာများ ခရီးသွားလာခြင်း၊ တရား ဓမ္မ ဟောကြားခြင်း တို့နှင့် ပတ်သက်ပြီး ကန့်သတ်သည့် အမိန့်များကိုလည်း ထုတ်ပြန်ထားသည်။
ရန်ကုန်မြို့ရှိ ရွှေည၀ါ ဗုဒ္ဓတက္ကသိုလ် ဋ္ဌာနမှူး အပါအ၀င် သံဃာတချို့သည် တရားဟောကြားခြင်း မပြုရန် တားမြစ်ခံထားရကြောင်း သိရသည်။
“ရွှေည၀ါဆရာတော်က သူ့ရဲ့ ‘တကယ့်လွတ်လပ်ရေး’ နဲ့ ‘မတရားမလုပ်ကြပါနဲ့’ အခွေတွေကြောင့် မနှစ် ကတည်းက ရန်ကုန်မှာ တရားပွဲတွေ အပိတ်ခံထားရတာ။ ပြီးခဲ့တဲ့ နိုဝင်ဘာ ၁၉ ရက်နေ့တုန်းက လှည်းတန်းနဲ့ ကြည့်မြင်တိုင်မှာ လပြည့်နေ့ တရားပွဲတွေ လုပ်တော့လည်း ဆရာတော်ဟောဖို့ အပိတ်ခံရသေးတယ်” ဟု ရွှေည၀ါ၌ ပညာသင်ယူခဲ့သည့် ရဟန်းတော်တပါးက ဧရာဝတီသို့ ပြောပြခဲ့သည်။
သာသနာရေးဝန်ကြီးဌာနက သံဃာများ ပြည်ပခရီးသွားရောက်နိုင်ရေး အတွက် လိုအပ်သည့် အထောက်အထား စာရွက်စာတမ်းများ ထုတ်ပေးမှုကို ရပ်ဆိုင်းထားကြောင်းလည်း သိရသည်။
“အခုဆိုရင် အာဏာပိုင်တွေက သံဃာတော်တွေကို အနီးကပ် စောင့်ကြည့်နေကြတယ်၊ ပြီးတော့ ဗီဇာနဲ့ စကောလားရှစ်တွေ ရဖို့လည်း သိပ်ကိုခက်နေတယ်” ဟု ရန်ကုန်တွင် သီတင်းသုံးသည့် အရှင်ပညာသာမိက ဆိုသည်။ သူ၏ မိတ်ဆွေများကိုလည်း အာဏာပိုင်တို့က ဖိအားပေးနေသည်ဟု သိရသည်။
“ဆန္ဒပြပွဲတွေတုန်းက ပါခဲ့တဲ့ ဦးပဉ္ဇင်းရဲ့ မိတ်ဆွေတချို့ ဆိုရင် ဦးပဉ္ဇင်းနဲ့ ခပ်ခွာခွာနေကြပြီးတော့ အခုဆို လူဝတ်လဲသွားကြပြီ၊ ဒေါပုံက ဘုန်းကြီးကျောင်းမှာ ရှိတဲ့ ဦးပဉ္ဇင်း ပိုင်ဆိုင်သမျှ ပစ္စည်းအားလုံးလည်း အသိမ်းခံရတယ်” ဟု ၂၀၀၇ ဆန္ဒပြပွဲများအတွင်း ဦးဆောင်ပါဝင်ခဲ့သူ အရှင် နေမိန္ဒက မိန့်ကြားသည်။
မန္တလေးတိုင်းမှ ကျောင်းထိုင်ဆရာတော်တပါးက “အရပ်ဝတ်နဲ့ လုံခြုံရေးအရာရှိတွေက တချို့ သံဃာတော်တွေနဲ့ ဘုန်းကြီးကျောင်းတွေကို အနီးကပ်စောင့်ကြည့်နေကြတာ” ဟု ဧရာဝတီသို့ ပြောဆိုခဲ့သည်။
မန္တလေးတိုင်းအတွင်း သံဃာတော်များနှင့် အဆက်အသွယ်ရှိသည့် လူငယ်လေးဦး စက်တင်ဘာလတွင် အထိန်းသိမ်းခံခဲ့ရကြောင်း မန္တလေးရှိ ကျောင်းထိုင် ဆရာတော် တပါးထံမှ သိရသည်။
“သူတို့မိသားစုနဲ့ ဆွေမျိုးတွေကတော့ သူတို့အခုဘယ်မှာ ရှိနေသလဲဆိုတာ မသိကြဘူး” ဟု အဆိုပါ ကျောင်းထိုင်ဆရာတော်က မိန့်သည်။
အာဏာပိုင်များသည် ဆန္ဒပြပွဲများတွင် ပါဝင်ခဲ့သည့် ဦးအိန္ဒကကို ဖမ်းဆီးခဲ့ပြီးနောက် ၎င်း၏ ကျောင်းတိုက်ဖြစ်သည့် ရန်ကုန်တိုင်း၊ သင်္ကန်းကျွန်းမြို့နယ်ရှိ မဂ္ဂင် စာသင်တိုက်ကို ပိတ်ပစ်ခဲ့ကြသည်။ ထိုစဉ်က အာဏာပိုင်တို့သည် စာသင်တိုက်အတွင်းရှိ သံဃာများ၊ သီလရှင်များ၊ ဆေးကုသမှုခံယူနေကြသော အိတ်ခ်ျအိုင်ဗီ၊ အေအိုင်ဒီအက်စ် ဝေဒနာရှင် အများအပြားကို အတင်းအကျပ် မောင်းထုတ်ခဲ့သည်။
၂၀၀၉ ခုနှစ် အောက်တိုဘာလတွင် ABMA အဖွဲ့ကြီးက ဗိုလ်ချုပ်မှူးကြီးသန်းရွှေကို ရဟန်းသံဃာများ နှင့် ဗုဒ္ဓဘာသာ အပေါ် စော်ကားမှုများအတွက် ၀န်ချတောင်းပန်ရန် ပျက်ကွက်ခဲ့သဖြင့် ဗုဒ္ဓဘာသာဝင်အဖြစ်မှ ထုတ်ပယ်ကြောင်း ကြေညာခဲ့သည်။

ရန်ကုန် တိရစ္ဆာန်ဥယျာဉ် မြေနေရာ ရောင်းချကြောင်းသတင်း မမှန်ကန်

အောင်ထက် / ၂၇ နိုဝင်ဘာ ၂၀၀၉

တိရစ္ဆာန်ဥယျာဉ် (ရန်ကုန်) မြေနေရာအား ရောင်းချပြီးဖြစ်၍ တိရစ္ဆာန်များအား မြန်မာပြည်အလယ်ပိုင်း ဘေးမဲ့တောများသို့ ရွှေ့မည်ဟူသော သတင်းများ ရန်ကုန်မြို့အတွင်း ထွက်ပေါ်လျက်ရှိရာ ၎င်းတို့မှာ အခြေအမြစ်မရှိသော သတင်းများသာ ဖြစ်ကြောင်း ရန်ကုန်တိရစ္ဆာန်ဥယျာဉ်၏ အုပ်ချုပ်ရေးမှူး ဦးညိုအေးက ငြင်းဆိုလိုက်သည်။
အသက်အရွယ် အိုမင်းနေသည့် ဟိမ၀န္တာ ၀က်ဝံ (၁၅) ကောင်အား အလောင်းတော်ကဿပ ဘေးမဲ့တောသို့လွှတ်ရန် စီစဉ်နေခြင်းကို ထင်ယောင်ထင်မှား ပြောဆိုနေခြင်းဖြစ်နိုင်သည်ဟု ၎င်းက ပြောသည်။
ရန်ကုန်မြို့ခံများက ရန်ကုန်တိရစ္ဆာန်ဥယျာဉ်ဝင်းအတွင်းမှ တိရစ္ဆာန်များ နည်းသွားသည့်အတွက် ယခင်ကဲ့သို့ ကြည့်ရှုချင်စဖွယ် မရှိဟု ပြောကြသည်။
“နှစ်ချီပြီးနေလာတဲ့ တိရစ္ဆာန်အတော်များများကို မနှစ်က ဇူလိုင်လောက်က နေပြည်တော် တိရစ္ဆာန်ဥယျာဉ်ကို ပို့လိုက်တယ်။ ခုဆို ကြံ့တကောင်၊ သစ်ကုလားအုတ်တကောင်၊ ခြင်္သေ့ဆို လုံးဝမရှိတော့ဘူး၊ အကောင်ငယ်တချို့လောက်ပဲ ကျန်ခဲ့တော့ အနားယူ အပန်းဖြေတဲ့သူ အရမ်းနည်းသွားတယ်” ဟု ကျောင်းဆရာမတဦးက ပြောသည်။
တိရစ္ဆာန်ဥယျာဉ်မှ အုပ်ချုပ်ရေးမှူးကမူ “ရန်ကုန် တိရစ္ဆာန်ဥယျာဉ်က ခွဲပို့တာ နည်းပါတယ်။ မင်္ဂလာဒုံ၊ လှော်ကားဥယျာဉ်က ဘေးမဲ့ တိရစ္ဆာန်တွေရယ်၊ ကျားဖြူ (၂) ကောင်လို ပြည်ပက လာရောက်လှူဒါန်းတဲ့ တိရစ္ဆာန်တွေကိုသာ နေပြည်တော် တိရစ္ဆာန်ဥယျာဉ် ပို့တာဖြစ်တယ်” ဟု ပြောသည်။
တိရစ္ဆာန်ဥယျာဉ် (ရန်ကုန်) ကို ၁၉၀၁ ခုနှစ်တွင် ပြည်သူတို့၏ အလှူငွေ (၂) သိန်း (၄) သောင်းကျပ်ဖြင့် မြေရိုင်း (၆၁) ဧကကို ရှင်းလင်းပြီး စတင်တည်ဆောက်ခဲ့သည်။ ၁၉၀၆ ခု ဇန်န၀ါရီတွင် အသစ်ဆောက်လုပ်ကာ “၀ိတိုရိယဘုရင်မပန်းခြံနှင့် တိရစ္ဆာန်ဥယျာဉ်” ဟု အမည်ပေးခဲ့သည်။
ဥယျာဉ်ဝင်းအတွင်း ၁၉၉၇ ခု အောက်တိုဘာ (၇) ရက်တွင် နိုင်ငံတကာအဆင့်မီ ဘက်စုံကစားကွင်းကို ဖွင့်လှစ်နိုင်ခဲ့သည်။
နေ့စားဝန်ထမ်းများအပါအ၀င် ၀န်ထမ်း (၃၀၀) ခန့် ပုံမှန် လုပ်ငန်းခွင်ဝင်လျက်ရှိပြီး ဥယျာဉ်အတွင်း တိရစ္ဆာန်အစားအစာဆိုင် (၁၂) ဆိုင်၊ ဆိုင်ငယ် (၂၀) ခန့်နှင့် ပြင်ပမှ လစဉ် အခွန်ပေးသွင်းရောင်းချသည့် ဆိုင်များ ဖွင့်လှစ်ထားရှိသည်။
“တနှစ်ထက်တနှစ် လေလံကြေးတွေ မြင့်လာတယ်။ လက်ဖက်ရည်၊ အအေးဆိုင်တွေက တလ (၂၂၅,၀၀၀) ကျပ် ပေးသွင်းရတယ်။ ဆင်အစားအစာအရောင်းဆိုင်ဆို တလ (၁၅) သိန်းလောက်သွင်းရတယ်။ လူအ၀င်နည်းတဲ့ ခုလိုရာသီဆို လစဉ်ကြေးအလျဉ်မီအောင် မနည်းလုပ်နေရတယ်” ဟု ဆိုင်ရှင်တဦးက ပြောသည်။
တိရစ္ဆာန်ဥယျာဉ် (ရန်ကုန်) သည် မြေဧရိယာအကျယ် (၆၉.၂၅) ဧကရှိပြီး နှစ်စဉ် အပန်းဖြေရန် လာရောက်သူ (၁) သန်းခွဲခန့် ရှိကြောင်း သိရသည်။
“တိရစ္ဆာန်ဥယျာဉ်သည် ရန်ကုန်မြို့၏ အထင်ကရ နေရာများဖြစ်သည့် ကန်တော်ကြီး၊ ရွှေတိဂုံဘုရား၊ အလံပြဘုရားလမ်း (စစ်ရုံး) များနှင့် နီးနေသည့်အတွက် လုပ်ငန်းရှင်များက မျက်စိကျနေကြကြောင်း ဗဟန်းမြို့နယ်တွင်းမှ စီးပွားရေးလုပ်ငန်းရှင်တဦးက ပြောသည်။

ရန်ကုန်အဆင့်မြင့် အရောင်းစင်တာများ ဈေးပိတ်ရက် စတင်သတ်မှတ်

    

ဝီရ / ၂၇ နိုဝင်ဘာ ၂၀၀၉

ရန်ကုန်မြို့တွင်းရှိ ပိတ်ရက် သတ်မှတ်ထားခြင်း မရှိသေးသည့် အဆင့်မြင့် အရောင်းစင်တာကြီးများကို တပတ်လျှင် တရက် ဈေးပိတ်ရက် သတ်မှတ်ရန် သက်ဆိုင်ရာက ညွှန်ကြားထားကြောင်း သိရသည်။
ရန်ကုန်စည်ပင် မြို့နယ်တာဝန်ခံတဦးက “Shopping Center အားလုံးကို ရုံးပိတ်ရက် သတ်မှတ်ဖို့ ညွှန်ကြားထားပြီးပြီ။ ကျန်တဲ့အပိုင်းက သူတို့စင်တာတွေ အချင်းချင်း၊ ဝန်ထမ်းအချင်းချင်းတွေက ပိတ်ရက်ရွေးကြလိမ့်မယ်” ဟု ခေတ်ပြိုင်သို့ ပြောကြားသည်။
ပထမဆုံးအနေဖြင့် ရန်ကုန်မြို့၏ အကြီးဆုံး ယုဇနပလာဇာကို ဈေးအရောင်းဝန်ထမ်းများ၏ သဘောဆန္ဒအရ တနင်္လာနေ့ကို ဈေးပိတ်ရက်အဖြစ် ပြီးခဲ့သည့်အပတ်က စတင်သတ်မှတ်လိုက်ကြောင်း သိရသည်။
“ဈေးပိတ်ရက်ကို ဒီလို တရားဝင် သတ်မှတ်လိုက်တော့ ကျနော်တို့အတွက် ကိုယ်ပိုင်နားရက် ရပြီပေါ့။ နိုဝင်ဘာ (၃၀) ရက်နေ့ ဒီလကုန်ကျရင် စပိတ်ပေးပြီ။ တလဆိုရင် (၄) ရက် အပြည့်နားလို့ ရပြီပေါ့” ဟု ယုဇနာပလာဇာ အောက်ထပ်မှ အရောင်းဝန်ထမ်းတဦးက ပြောသည်။
ယုဇနာပလာဇာဈေးပိတ်ရက်ကို သတ်မှတ်ပြီးဖြစ်သော်လည်း ကျန်ရှိသည့် အရောင်းစင်တာများနှင့် ကုန်တိုက်ကြီးများမှာမူ သတ်မှတ်ရန် မလွယ်ကူသေးကြောင်း သိရသည်။
ဗဟန်းမြို့နယ် ယုဇနစင်တာမှ အရောင်းဝန်ထမ်းတဦးက “ဒီယုဇနစင်တာလိုပဲ ကျန်တဲ့ ဒဂုံစင်တာတို့၊ ရန်ကင်း စင်တာတို့ကတော့ ပိတ်ရက်ရွေးဖို့ မသေချာသေးဘူး။ ဆိုင်ရှင်တွေက ဆိုင်မပိတ်ချင်ကြဘူးပေါ့။ ဘာလို့လဲဆိုတော့ အရောင်းဝန်ထမ်းတွေအတွက် နားရက်ကို အလှည့်ကျ ပေးထားပြီးသားဆိုတော့ သိပ်မလွယ်သေးဘူး။ ဒါပေမယ့် ပိတ်ရက်သတ်မှတ်ရမယ်လို့တော့ ကြားထားတယ်” ဟု ပြောသည်။
ရန်ကုန်မြို့ ဗိုလ်ချုပ်ဈေးသည် တနင်္လာနေ့ကို ဈေးပိတ်ရက်အဖြစ် သတ်မှတ်ထားရှိပြီး အခြားအထင်ကရ ဈေးကြီးများ၊ စင်တာများ၊ ကုန်တိုက်များက အခါကြီးရက်မြတ်များတွင်သာ ပိတ်၍ ပုံမှန်ဈေးပိတ်ရက်မျိုး သတ်မှတ်ထားခြင်း မရှိသေးသဖြင့် အရောင်းဝန်ထမ်းတို့က တင်ပြပြီးနောက် သက်ဆိုင်ရာက ယင်းကဲ့သို့ စတင်သတ်မှတ်ရန် ညွှန်ကြားခဲ့ခြင်းဖြစ်သည်။
အရောင်းဆိုင်ဝန်ထမ်းတို့အား ဆိုင်ရှင်များအနေဖြင့် ရက်သတ္တ (၁) ပတ်လျှင် (၄၈) နာရီထက် ပိုမိုခိုင်းစေလျှင် ဥပဒေနှင့် ငြိစွန်းနေသဖြင့် အလုပ်သမားဝန်ကြီးဌာနသို့ တိုင်ကြားနိုင်ကြောင်း လွန်ခဲ့သည့်ရက်ပိုင်းက ရန်ကုန်မြို့တော်ဝန်က ညွှန်ကြားထားသည်။

ဒေါ်လာဈေး ကျဆင်းမှုကြောင့် အန်ဂျီအိုများ အခက်ကြုံ

အောင်ကျော်မိုး / ၂၇ နိုဝင်ဘာ ၂၀၀၉

ဒေါ်လာအပါအဝင် နိုင်ငံခြားငွေဈေးများ ကျဆင်းနေ၍ အန်ဂျီအိုလုပ်ငန်း လုပ်ကိုင်နေသူများ အထူးထိခိုက်နစ်နာနေရကြောင်း နာဂစ်ဒေသ ကယ်ဆယ်ရေးလုပ်ငန်း လုပ်ကိုင်နေသည့် အန်ဂျီအိုတခုမှ ဆရာဝန်တဦးက ပြောသည်။
၎င်းက “ကျနော်တို့ကို နိုင်ငံရပ်ခြား အန်ဂျီအိုတွေကနေ နာဂစ်ကယ်ဆယ်ရေးမှာ သုံးဖို့ ပုံမှန် ငွေပို့ပေးတယ်။ တချို့ငွေတွေကို နိုင်ငံခြားရင်းနှီးမြှုပ်နှံမှု ဘဏ်ကနေ တရားဝင်လွှဲပေးပြီး ဒီမှာ အက်ဖ်အီးစီနဲ့ ပြန်ထုတ်သုံးတယ်။ နောက် တချို့ဒေါ်လာအဖြစ်နဲ့ပဲ လူနဲ့သယ်လာပြီး သုံးတယ်။ အဲဒီ (၂) မျိုးစလုံးကို ကျပ်ငွေနဲ့လဲပြီး သုံးရတာမို့ အခု ဒေါ်လာဈေးကြောင့် ကျနော်တို့ဆီ ဝင်လာတဲ့ ငွေတွေဟာ ပြီးခဲ့တဲ့ လကနဲ့စာရင် (၁ဝ) ရာခိုင်နှုန်းကျော် လျော့သွားတယ်။ ဒါပေမယ့် ကျနော်တို့ ဒီမှာ မြန်မာကျပ်ငွေနဲ့ ပြန်ပြီး ဝယ်ခြမ်းသုံးနေရတာတွေက တခုမှ ဈေးမကျဘူး။ ဒီအတွက် နဂိုက ကျနော်တို့ တင်ထားတဲ့ proposal တွေကို အဆင်ပြေအောင် လုပ်နိုင်ပါ့မလား မသိဘူး” ဟု ပြောသည်။
အလားတူ ပြည်တွင်းရှိ အန်ဂျီအိုအဖွဲ့တွင် အလုပ်လုပ်နေသူများ၊ သံရုံးတို့၌ အလုပ်လုပ်နေသူများမှာလည်း ဒေါ်လာဈေးကြောင့် ၎င်းတို့ဝင်ငွေများ (၁ဝ) ရာခိုင်နှုန်းကျော် လျော့ကျသွားကြောင်း အဆိုပါဆရာဝန်က ပြောသည်။
နိုင်ငံခြားတွင် အလုပ်လုပ်ပြီး မြန်မာပြည်တွင်းသို့ ငွေပြန်ပို့သည့် သန်းနှင့်ချီရှိသည့် မြန်မာနိုင်ငံသားတို့၏ ဝင်ငွေများလည်း အလားတူ လျော့ကျသွားပြီး အထွေထွေ ကုန်ဈေးနှုန်းများက မကျခြင်းကြောင့် မိသားစုဝင်များ အခက်အခဲ ကြုံရကြောင်း သိရသည်။
နိုင်ငံခြားငွေဖြင့် လစာရနေသူများ၊ နိုင်ငံခြားမှ ငွေပေးပို့မှုကို လက်ခံနေထိုင်စားသောက်သူများသာမက နိုင်ငံခြားသို့ ပို့ကုန်တင်ပို့နေသည့် ပို့ကုန်လုပ်ငန်းများလည်း ထိခိုက်လာနေကြောင်း သိရသည်။
ရေထွက်ပစ္စည်း နိုင်ငံခြား တင်ပို့သူတဦးကလည်း “အခု ကျနော်တို့ ရေထွက်ကုန်ပို့ပြီး ပြန်ရတဲ့ Export Earning ဈေးနှုန်းတွေက ကျပ် (၁,ဝဝဝ) စွန်းစွန်းပဲ ရှိနေတယ်။ ဆိုတော့ ကျနော်တို့ ပို့လိုက်ချိန်တုန်းက ဝယ်ဈေး၊ စရိတ် အဲဒါတွေအားလုံး တွက်လိုက်ရင် ရှုံးတောင် ရှုံးနေတယ်။ ခု ဆက်ပြီး ပို့မလား မပို့ဘူးလား စဉ်းစားနေတယ်” ဟု ပြောသည်။
အလားတူ နိုင်ငံခြားသား ခရီးသွားလုပ်ငန်း လုပ်ကိုင်နေသူများကလည်း ၎င်းတို့၏ ဝန်ဆောင်ခကို ဒေါ်လာငွေနှင့် တွက်ချက် ကောက်ခံထားပြီး ပြည်တွင်း၌ မြန်မာကျပ်ငွေ အသုံးပြုကာ ဝန်ဆောင်မှုပေးနေရသည့်အပေါ် အမြတ်အစွန်း မကျန်သလောက် ဖြစ်လာနေကြောင်း ပြောပြကြသည်။
ရန်ကုန်ဈေးကွက်တွင် ဒေါ်လာပေါက်ဈေးမှာ ပြီးခဲ့သည့်လက (၁) ဒေါ်လာ ကျပ် (၁,၁ဝဝ) နီးပါး ရှိရာမှ ယနေ့ ၂၇-၁၁-ဝ၉ နေ့တွင်မူ (၁) ဒေါ်လာ ကျပ် (၉၉ဝ) ဝန်းကျင်သာရှိပြီး (၁ဝ) ရာခိုင်နှုန်းခန့် ကျဆင်းလျက်ရှိကာ Export Earning ဈေးနှုန်းများမှာလည်း ပြီးခဲ့သည့်လအထိ (၁) ဒေါ်လာ (၁,၁၃ဝ) ဝန်းကျင်ရှိခဲ့ရာမှ ယနေ့ Export Earning ပေါက်ဈေး (၁) ဒေါ်လာ (၁,ဝ၂ဝ) ဝန်းကျင်သာ ရှိသည်။
ရန်ကုန်မြို့မှ စီးပွားရေးပညာရှင်တဦးက မြန်မာနိုင်ငံတွင် ဒေါ်လာငွေဈေးတက်ပါက ကျန်သည့် အထွေထွေကုန်ဈေးနှုန်းများ လည်း အမြဲတမ်း လိုက်ပါမြင့်တက်လျက်ရှိသော်လည်း ဒေါ်လာငွေ တန်ဖိုးနိမ့်ကျပါက အထွေထွေ ကုန်ပစ္စည်းတန်ဖိုး လိုက်ပါနိမ့်ကျခြင်းမျိုးက နည်းသည့်အတွက် ပြည်သူအများစု အခက်အခဲတွေ့ ဒုက္ခရောက်ရသည်ဟု ပြောသည်။
၎င်းက “ဒီပြဿနာ ပြေလည်ဖို့ဆို စီးပွားရေးလုပ်ငန်းတွေမှာ အမှန်တကယ် လွတ်လပ်စွာ လုပ်ကိုင်နိုင်မှုနဲ့ လွတ်လပ်စွာ ပြိုင်ဆိုင်မှုရှိဖို့ လိုအပ်တဲ့အပြင် မြန်မာကျပ်ငွေတန်ဖိုး တည်ငြိမ်မှုရှိဖို့ လိုအပ်တယ်။ အဲဒီလို မဟုတ်ရင်တော့ မြန်မာ့စီးပွားရေး မတည်မငြိမ်ဖြစ်ပြီး ပြည်သူအများစု ဒုက္ခရောက်ကြမှာဖြစ်တယ်” ဟု ပြောသည်။

လက်ခုပ်ကုန်း Cyelone Shelter ဒေသခံတို့အတွက် လက်တွေ့အကျိုးမရှိနိုင်

အောင်ထက် / ၂၇ နိုဝင်ဘာ ၂၀၀၉

ရန်ကုန်တိုင်း၊ ကွမ်းခြံကုန်းမြို့နယ် လက်ခုပ်ကုန်းကျေးရွာတွင် တည်ဆောက်လျက်ရှိသည့် Cyelone Shelter မှာ ၂၀၁၀ မတ်လ တွင် ပြီးစီးမည်ဟု နိုင်ငံပိုင်ရုပ်သံတွင် ဖော်ပြနေသော်လည်း မျက်မြင်အခြေအနေအရ ရှေ့နှစ် ဒီဇင်ဘာပြီးစီးရန်ပင် မဖြစ်နိုင်ကြောင်း Asia World ဆောက်လုပ်ရေးမှ တာဝန်ရှိသူတဦးက ပြောသည်။
မူလက ဆယ်အိမ်တန်းကျေးရွာတွင် Cyelone Shelter တည်ဆောက်ရန် လျာထားသော်လည်း အဆောက်အအုံ ခံနိုင်ဝန်အားအရ လက်ခုပ်ကုန်းကျေးရွာတွင် ၂၀၀၉ ခု ဖေဖော်ဝါရီလ၌ စတင်တည်ဆောက်ခဲ့သည်။
ယင်း Shelter သည် လေပြင်းဒဏ်ခံနိုင်ရန် အခုံးပုံသဏ္ဌာန် ခြေတံရှည် (၂) ထပ်ဖြစ်ပြီး (၆) ဧကအကျယ်မြေနေရာ၌ အဆောက်အအုံအကျယ်အ၀န်း (၁၃၅) ပေ ပတ်လည် တည်ဆောက်နေခြင်းဖြစ်သည်။
ဘေးအကာနံရံ (၃) ပေထုနှင့် အဆောက်အအုံအပေါ်ထပ်၌ သောက်ရေကန် (၂) ကန်ထားရှိမည်ဖြစ်ကြောင်း၊ ရေကန် (၂) ခုကြား ရဟတ်ယာဉ်ဆင်းသက်ရန် ကွင်းတခုပါရှိမည်ဖြစ်ပြီး (၂၄) နာရီ မီးပေးစနစ် ကျင့်သုံးမည်ဖြစ်ကြောင်း၊ အသက်ကယ်ကုန်း တည်ဆောက်မှုမှာ (၅၀) ရာခိုင်နှုန်း ပြီးစီးနေပြီဖြစ်ကြောင်း Asia World ဆောက်လုပ်ရေးမှ တာဝန်ရှိသူတဦးက ပြောသည်။
တည်ဆောက်ရန် ထိုသို့ အစီအစဉ်ရှိသော်လည်း ယနေ့အထိ (၁၀) ပေခန့် အောက်ခံဖောင်ဒေးရှင်းနှင့် ကွန်ကရစ်တိုင် ထူသည့်အဆင့်သာ ပြီးစီးသေးသည်။
“လက်ခုပ်ကုန်း Shelter က လူ (၅၀၀) ဆံ့တယ်ကြားတယ်။ ဆယ်အိမ်တန်း၊ အလယ်ရွာ၊ ကညင်ကုန်း၊ ကန်လျားရှည်တို့လို ရွာနီးချုပ်စပ်တွေမပြောနဲ့၊ လူ (၃,၀၀၀) ကျော်ရှိတဲ့ လက်ခုပ်ကုန်းတရွာတည်း ရေဘေးခိုလှုံဖို့ နေရာမလုံလောက်ဘူး” ဟု ကရင်ချောင် ကျေးရွာလူကြီးတဦးက သုံးသပ်သည်။
ထို့ပြင် လက်ခုပ်ကုန်း Cylone Shelter တည်ဆောက်မှုသည် ဒေသခံအချို့အား အလုပ်အကိုင် အခွင့်အလမ်း အနည်းငယ်ပေးနိုင်ရုံကလွဲ၍ ဒေသအကျိုး၊ ပြည်သူအကျိုး လက်တွေ့မဖြစ်နိုင်ဟု ကျေးရွာ ရယကအဖွဲ့ဝင်တဦးက ဆိုသည်။
သိန်းပေါင်း သောင်းချီကုန်ကျနိုင်မည့် ယခုကဲ့သို့ Shelter ဆောက်လုပ်ခြင်းထက် စီးပွားရေး လုံးဝဆုတ်ယုတ် ကျဆင်းသွားသည်မှာ (၇) နှစ်ခန့်ရှိပြီဖြစ်သော လက်ခုပ်ကုန်း ကမ်းခြေဟိုတယ်လုပ်ငန်းများ၊ တွံတေးလိုင်းခွဲမှ ယူထားသော လျှပ်စစ်မီးစနစ်နှင့် ဆက်သွယ်ရေး ဖုန်းလိုင်းများ ပြည့်စုံကောင်းမွန်ရန်သာ ဒေသခံတို့က ပိုမိုလိုလားနေကြသည်။
ဒလ-လက်ခုပ်ကုန်း ကားလမ်းသည် (၂၈) မိုင်ရှည်လျားပြီး ဓနုတ်ကျေးရွာအထိသာ ကတ္တရာလမ်းသား အတန်အသင့်ရှိသည်။ ဓနုတ်ကျေးရွာအလွန် ၀ါးဘလောက်သောက်၊ နှစ်ခွရွာ၊ ရေတိမ်ရွာတို့မှသည် လက်ခုပ်ကုန်းကျေးရွာအထိမှာ မြေသားရော ကတ္တရာလမ်းဖြစ်သည်။ ခရီးသည်တင် ဂျစ်ကား (၂) စီးသာထွက်ရှိပြီး နေ့တ၀က်မောင်းရသည်ဟု သိရသည်။
ယခင်က လက်ခုပ်ကုန်းကမ်းခြေသည် လှိုင်းလေထန်၍ လှေလှော်ရွက်တိုက်အသင်းများ လာရောက်လေ့ကျင့်ခဲ့ကြသည်။
ပင်လယ်လေလှိုင်းအားနှင့် ပန်ကာဒလက်များ လည်ပတ်စေကာ လျှပ်စစ်ထုတ်ယူရန် နှစ်ရှည်သုတေသနပြုခဲ့ဖူးပြီး ခရီးသွားလုပ်ငန်း အထူးဇုန်အဖြစ် နအဖမှ သတ်မှတ်ကာ ဒေသဖွံ့ဖြိုးရေးကို ဆောင်ရွက်ခဲ့သည်။
သို့သော် ပင်လယ်သဘာဝ ပြောင်းလဲမှုအရ လက်ခုပ်ကုန်းကမ်းခြေနှင့် (၁) မိုင်ခန့်အကွာ၌ သောင်ရှည်ကြီး ပေါ်ထွန်းလာပြီး ကမ်းခြေသို့ လှိုင်းမရိုက်တော့ဘဲ ခရီးသွားကျဲပါးလာကာ လက်ခုပ်ကုန်း ဟိုတယ်လုပ်ငန်းများ၊ ဒေသခံတို့၏ ရောင်းဝယ်ဖောက်ကားမှုများ ပျက်စီးခဲ့ရသည်။
နာဂစ်လေဘေးသင့်စဉ်က လက်ခုပ်ကုန်းကျေးရွာအုပ်စုတွင် (၄) ပေခန့် ပင်လယ်ရေ မြင့်တက်ခဲ့ပြီး လက်ခုပ်ကုန်းရွာသား (၃) ဦး သေဆုံးခဲ့သည်။

မော်လမြိုင် နှစ်ထပ်ဈေးမှ အမြတ်ငွေ သိန်းပေါင်း သိန်းချီရ

လင်းနိုင်ဦး / ၂၇ နိုဝင်ဘာ ၂၀၀၉

ဗိုလ်ချုပ်ကြီးသူရရွှေမန်း၏သား အဓိကရှယ်ယာပါဝင်သည့် ဧရာဟင်္သာကုမ္ပဏီသည် မော်လမြိုင် အမှတ် (၁) ဈေး ဆောက်လုပ်ရာ တွင် အမြတ်ငွေ ကျပ် သိန်းပေါင်း (၁) သိန်းကျော် ရရှိခဲ့ကြောင်း အဆိုပါ ဆောက်လုပ်ရေးလုပ်ငန်း၌ ပါဝင်ခဲ့သူ အင်ဂျင်နီယာတဦးက ပြောသည်။
၎င်းက “ကျနော်တို့ ဈေးဆောက်တာ ဆိုင်ခန်းပေါင်း (၁,၃၃၆) ခန်း ထွက်တယ်။ မူလပိုင်ရှင်တွေရဲ့ အခန်း (၁,၁၂၄) ခန်းကို တခန်း ကျပ် သိန်း (၅ဝ) သွင်းခိုင်းတာက ကျပ်သိန်းပေါင်း (၅၆,၂ဝဝ) ရတယ်။ ကုမ္ပဏီခွဲတမ်းက ပိုတဲ့ အခန်းပေါင်း (၂၁၂) ခန်း ကို အနည်းဆုံး ကျပ်သိန်း (၄ဝဝ) လောက်နဲ့ ဈေးဖွင့်ရောင်းတာ၊ အကြမ်းဖျဉ်း ကျပ်ငွေ သိန်းပေါင်း (၈၄,၈ဝဝ) ရတယ်။ စုစုပေါင်းဝင်ငွေ သိန်းပေါင်း (၁) သိန်း (၄) သောင်း ကျော်တယ်။ ဈေးဆောက်တာက ကျပ်သိန်း (၄) သောင်း မကုန်ဘူး။ ဒီတော့ စုစုပေါင်းအမြတ်ငွေ ကျပ် သိန်းပေါင်း (၁) သိန်းကျော်ရတယ်” ဟု ပြောသည်။
အဆိုပါ ဧရာဟင်္သာကုမ္ပဏီသည် ဗိုလ်ချုပ်ကြီးရွှေမန်း၏သား အောင်သက်မန်း၊ မော်လမြိုင်မြို့ခံ တိုင်းမှူးနှင့် ရင်းနှီးသည့် စီးပွားရေးသမားများပါဝင်ပြီး အမှတ် (၁) ဈေး ဆောက်ရန်အတွက် ဖွဲ့စည်းခဲ့ခြင်းဖြစ်သည်။
ဈေး မီးလောင်ပြီးနောက်ပိုင်း မော်လမြိုင်အခြေစိုက် ဆောက်လုပ်ရေးကုမ္ပဏီများ ဈေးသစ်ဆောက်လုပ်ခွင့်ရရန် အရှေ့တောင်တိုင်း စစ်တိုင်းမှူးထံ တင်ပြခဲ့သော်လည်း ခွင့်ပြုချက်မရဘဲ ဗိုလ်ချုပ်ကြီးရွှေမန်း၏သားနှင့် ပူးပေါင်းလုပ်ကိုင်ရန် ညွှန်ကြားရာမှ ယခုကုမ္ပဏီ ပေါ်ပေါက်လာခြင်းဖြစ်သည်။
ယခုကဲ့သို့ ဧရာဟင်္သာ ကုမ္ပဏီက ခွဲတမ်းရမည့်ဆိုင်ခန်းများ ဈေးကောင်းရအောင် ဆိုင်ခန်းနေရာများကို မသမာသည့်နည်းဖြင့် ရယူခဲ့ကြောင်း ဈေးသာယာရေး ကော်မတီဝင်တဦးက ပြောသည်။
၎င်းက “ကုမ္ပဏီဟာ ဈေးကောင်းရမယ့် နေရာကောင်းမှန်သမျှ ကြိုတင်ရယူထားပြီး ကျန်နေရာတွေကိုသာ မဲနှိုက်နေရာချထားပေးခဲ့တာ။ မူလ ဆိုင်ခန်းပိုင်ရှင်တွေ မကျေနပ်ကြပေမယ့် ဘာမှ မတတ်နိုင်ဘူး” ဟု ပြောသည်။
ယခုကဲ့သို့ ဖြစ်ရပ်မျိုး ယခင် မြိုင်ရတနာ နှစ်ထပ်ဈေး ဆောက်ပြီး၍ ဆိုင်ခန်းနေရာ ချထားစဉ်ကလည်း ကြုံခဲ့ရကြောင်း၊ ယင်းအချိန်က ဆိုင်ခန်းနေရာချထားမှုကို ပြည်နယ်ခန်းမတွင်ပြုလုပ်စဉ် ဈေးမိဈေးဖများက ကောင်းမွန်စွာ တင်ပြတောင်းဆိုခဲ့သော်လည်း ခရိုင်ငြိမ်ဝပ်ပိပြားမှု တည်ဆောက်ရေး ဥက္ကဋ္ဌက ရိုင်းစိုင်းစွာ ပြောဆိုခဲ့ကြောင်း အဆိုပါ ဈေးသာယာရေးကော်မတီဝင်က ပြောသည်။
၎င်းက “ဈေးသူဈေးသားတွေအပေါ် လက်ရှိ စည်ပင်နဲ့ ဒေသဆိုင်ရာအာဏာပိုင်တွေရဲ့ ဆက်ဆံပုံဟာ အရင်ကနဲ့မခြား ဘာမှမထူးခြားဘူး” ဟု ပြောသည်။
၁၉၈၉ ခုမတိုင်မီ မဆလခေတ်၌ မော်လမြိုင်မြို့သည် မှောင်ခိုမြို့တော်ဖြစ်ခဲ့ပြီး နောက်ပိုင်း ဈေးမြို့တမြို့ ဖြစ်လာကာ ဈေးဆိုင်တည်ခင်းရောင်းချမှု အဓိကဖြစ်လာသည့်အတွက် ဈေးများမှ ဆိုင်ခန်းများမှာ အလွန်တန်ဖိုးကြီးမြင့်ကြောင်း စုံစမ်းသိရသည်။

donderdag 26 november 2009

နာဂစ်ဒုက္ခသည်များ အကူအညီ လိုအပ်နေဆဲ

 

Thursday, 26 November 2009 18:53 administrator
.လူပေါင်း ၁ သိန်း ၄ သောင်းခန့် အနည်းဆုံး သေဆုံးခဲ့ရသော နာဂစ်မုန်တိုင်း တုိုက်ခိုက်ခဲ့သည်မှာ ၁၈ လ ကြာခဲ့ပြီ ဖြစ်သော်လည်း ထောင်ပေါင်း များစွာသော ဒုက္ခသည်များသည် ယာယီတဲများတွင် နေရဆဲ ဖြစ်သည်ဟု ကမ္ဘာ့ကုလသမဂ္ဂအဖွဲ့ ကပြောသည်။

နာဂစ်ဆိုင်ကလုန်း မုန်တိုင်းဒဏ် ခံရပြီး ၁၁ လအကြာ ဒေးဒရဲ မြို့နယ်အတွင်းရှိ အိုးအိမ်မဲ့ ဒုက္ခသည်များကို ဤသို့ မြင်တွေ့ရသည် (ဓာတ်ပုံ - ရိုက်တာ)
ယမန့်နေ့က နိုင်ငံတကာ အလှူရှင်များအဖွဲ့နှင့် ကမ္ဘာ့ကုလသမဂ္ဂ၊ အရှေ့တောင် အာရှနိုင်ငံများ အသင်း (အာဆီယံ) နှင့် မြန်မာနိုင်ငံတို့ ပူးပေါင်းဖွဲ့စည်းထားသော သုံးပွင့်ဆိုင် ဗဟိုအဖွဲ့ (TCG) တို့ တွေ့ဆုံ ဆွေးနွေးပွဲတွင် နိုင်ငံတကာ အလှူရှင်များက နာဂစ်ဆိုင်ကလုန်း ဒုက္ခသည်များအတွက် အမေရိကန်ဒေါ်လာ ၈၈ သန်း လှူဒါန်းရန် ကတိပြုခဲ့ကြောင်း TCG ထုတ်ပြန် ကြေညာချက်တွင် ပါရှိသည်။
ထိုလှူဒါန်းငွေများအနက် နာဂစ်မုန်တိုင်းဒုက္ခသည် ၁ သန်းအတွက် အသက်မွေးဝမ်းကျောင်း လုပ်ငန်းများ အကောင်အထည် ဖော်ရန်၊ အိမ်ခြေသစ် ၁၇၈၀၀ တည်ဆောက်ရန်၊ ကျောင်းသစ်ပေါင်း ၄၀ တည်ဆောက်ရန် စသည့် လုပ်ငန်းများ အတွက် လှူဒါန်းမည်ဖြစ်ကြောင်း TCG စာရင်းအရ သိရသည်။
သို့သော်လည်း ကုလသမဂ္ဂအရာရှိ လူသားချင်း စာနာထောက်ထားသော လုပ်ငန်းများဆိုင်ရာ ပူးတွဲညှိနှိုင်း ဆောင်ရွက်ရေးမှူးက ထို လှူဒန်းငွေသည် လိုအပ်သည်ထက်များစွာ လျော့နည်းနေသေးသည်ဟု ယမန်နေ့က ပြောဆိုခဲ့သည်။ TCG အဖွဲ့က လာမည့် ဇူလိုင်လအထိ အမေရိကန်ဒေါ်လာ ၁၀၃ သန်း တောင်းဆိုထားကြောင်း သိရသည်။
နာဂစ်မုန်တိုင်း ကူညီကယ်ဆယ်ရေးလုပ်သားများ၏ စာရင်းကောက်ယူချက်အရ မိသားစုပေါင်း ၁၇၈၀၀၀ မှာ ကယ်ဆယ်ရေး အစောပိုင်းကာလက ဝေခြမ်းခဲ့သော တာလပတ် ယာယီတဲအိမ်များဖြင့် ဖြစ်သလို နေရဆဲဖြစ်ပြီး လူ ၁ သိန်းမှာ အိုးအိမ်လိုအပ် နေသေးကြောင်း သိရသည်။
၂၀၀၈ ခုနှစ် မေလလက ဧရာဝတီမြစ်ဝကျွန်းပေါ်ဒေသတွင် တုိုက်ခတ်ခဲ့သော ဆိုင်ကလုန်းနာဂစ်ကြောင့် အိမ်ပေါင်း ၄ သိန်း ၅ သောင်းပျက်စီးခဲ့ကာ လူ ၁ သိန်း ၄ သောင်း သေဆုံးခဲ့ပြီး ၂. ၄ သန်း အိုးမဲ့အိမ်မဲ့ဖြစ်ခဲ့ရသည်။ မုန်တိုင်းတိုက်အပြီး မေ ၃၁ ရက်နေ့တွင် နာဂစ်မုန်တိုင်းသင့် ပြည်သူများအတွက် သုံးပွင့်ဆိုင်ဗဟိုအဖွဲ့TCG ကို ဖွဲ့စည်းခဲ့သည်။
အလားတူ ထိုင်းနိုင်ငံ၊ ထိုင်းအမျိုးသားကြက်ခြေနီအဖွဲ့ကလည်း နာဂစ်မုန်တိုင်းသင့်ရာ ဒေသဖြစ်သည့် ဧရာဝတီမြစ်ဝကျွန်းပေါ်ရှိ ကျေးရွာ ၂ ရွာ တွင် ဆေးရုံ ၁ ရုံစီ တည်ဆောက်နိုင်ရန် အမေရိကန်ဒေါ်လာ ၁ သိန်း ၈ သောင်းကျော်ကို လှူဒန်းခဲ့ကြောင်း သိရသည်။
ထို့အပြင် ထိုင်း ဘုရင့်သမီးတော် မဟာ ချက်ကရီ သီရိဒုံ နှင့် ထိုင်းကြက်ခြေနီအဖွဲ့တို့က ရန်ကုန်မြို့တွင် “အမျိုးသား သွေးလှူဘဏ်” အဆောက်အဦးအသစ် တည်ဆောက်ရန်အတွက် အမေရိကန်ဒေါ်လာ ၇ သိန်း ၈ သောင်း လှူဒါန်း ခဲ့ကြောင်း ဆင်ဟွာသတင်းဌာနတွင် ဖော်ပြထားသည်။
ယင်း အဆောက်အဦးကို နောင်နှစ်ဆန်းပိုင်းတွင် ဖွင့်လှစ်နိုင်မည် ဖြစ်ပြီး မြန်မာနိုင်ငံတွင် အကြီးဆုံး သွေးလှူဘဏ်ဖြစ်လာလိမ့်မည် ဟု ဆိုသည်။
သွေးအိတ်ပေါင်း ၁၅၀၀ ကျော်သိုလှောင်နိုင်မည် ဖြစ်ပြီး နိုင်ငံတွင်းရှိ တခြားသော သွေးလှူဘဏ်များသို့ နည်းပညာပိုင်းဆိုင်ရာ အကူညီမျာလည်း ပေးသွားနိုင်မည် ဖြစ်ကြောင်း သိရသည်။
မြန်မာနိုင်ငံရှိ ဆေးရုံများတွင် သွေးပြတ်လပ်သည့် အခက်အခဲတွေ့ကြုံနေရသဖြင့် မြန်မာ့ကျန်းမာရေးအာဏာပိုင်များက ပြည်သူများ သွေးလှူဒါန်းရန် နှိုးဆော်ထားသည်။
ရန်ကုန်ဆေးရုံ သတင်းရပ်ကွက်၏ အဆိုအရ လစဉ် သွေးအိတ်ပေါင်း ၃ ထောင်လိုအပ်နေပြီး ထိုအထဲမှ ၈၀ ရာခိုင်နှုန်းမှာ ဆေးရုံများတွင် လိုအပ်နေသော သွေးအတွက် ပံ့ပိုးရကြောင်းသိရသည်။ ၂၀၀၄ ခုနှစ်မှ ၂၀၀၈ ခုနှစ်အထိ ၄ နှစ်တာ ကာလအတွင်း လူနာပေါင်း ၆၂၇၁၅ ဦးကို ဆေးရုံများတွင် သွေးသွင်းပေးနိုင်ခဲ့သော်လည်း ၄၀၈၃၇ ဦးမှာ သွေးလိုအပ်ခဲ့သည်ဟု ဆင်ဟွာ သတင်းတွင် ဖော်ပြထားသည်။
သွေးလှူခြင်းဖြင့် လူ့အသက်ကယ်တင်နိုင်ရန် တိုက်တွန်းနှိုးဆော်သည့် နည်းတူ ကျန်းမာရေးဌာနက အကြိမ် ၅၀ အထက် သွေးအလှူရှင်များကို ဂုဏ်ပြုမှတ်တမ်း တင်ပေးကြောင်းလည်း သိရသည်။

နိုင်ငံရေးပါတီများ၏ ရပ်တည်ချက်နဲ့

 


အောင်ဇံ

၂၆ နိုဝင်ဘာ ၂၀၀၉
အန်အယ်လ်ဒီဟာ မကြာသေးခင်ကာလမှာ ရွှေဂုံတိုင်ကြေညာချက်အဖြစ်နဲ့ နိုင်ငံရေးသဘောထား၊ နိုင်ငံရေးရပ်တည်ချက်ကို ထုတ်ပြန်ခဲ့ပါတယ်။ အဲဒီမှာ အဓိက ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ လွှတ်ပေးဖို့၊ ၂၀၀၈ ခုနှစ်မှာ တဖက်သတ် ပြဋ္ဌာန်းလိုက်တဲ့ ဖွဲ့စည်းအုပ်ချုပ်ပုံအခြေခံဥပဒေကို ပြန်လည်သုံးသပ် ပြင်ဆင်ဖို့၊ နောက် ၂၀၁၀ ရွေးကောက်ပွဲကို တရားမျှတပြီး လွတ်လပ်တဲ့ နိုင်ငံတကာ ကြပ်မတ်မှုတွေအောက်မှာကျင်းပဖို့ ဆိုတဲ့အချက်တွေ တောင်းဆိုပြီးတော့ ကြေညာချက်ထုတ်ပြန်ခဲ့ပါတယ်။
ဒါ့အပြင် စီအာပီပီအဖွဲ့ဝင် တိုင်းရင်းသားပါတီများဖြစ်ကြတဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ ရခိုင်ဒီမိုကရေစီအဖွဲ့ချုပ်၊ မွန်အမျိုးသားဒီမိုကရေစီအဖွဲ့၊ ဇိုမီးအမျိုးသားကွန်ဂရက် စတဲ့ ပါတီတွေကလည်း သူတို့သဘောထားတွေကို အသီးသီး ထုတ်ပြန်ပြီးဖြစ်ပါတယ်။ ဒီသဘောထား တွေကလည်း ဖွဲ့စည်းအုပ်ချုပ်ပုံအခြေခံဥပဒေကို ပြန်လည်သုံးသပ်ပြင်ဆင်ရေးဆွဲပေးဖို့၊ အထူးသဖြင့် ဒီမိုကရေစီရေးနဲ့ တိုင်းရင်းသားတွေ ရသင့်ရထိုက်တဲ့ အခြေခံအခွင့်အရေး တွေကို ထည့်သွင်းပြဋ္ဌာန်းပေးမယ့် ဖွဲ့စည်းအုပ်ချုပ်ပုံ အခြေခံဥပဒေအဖြစ် ပြင်ဆင်ပေးဖို့ တောင်းဆိုထားတာဖြစ်ပြီး အကယ်၍ ပြင်ဆင်မပေးဘူးဆိုရင် ၂၀၁၀ ရွေးကောက်ပွဲကို မ၀င်ဘူးလို့ သဘောထားထုတ်ပြန်ပြီးသားဖြစ်ပါတယ်။
ဒါကြောင့် ဒီနေ့ စီအာပီပီရဲ့ ရပ်တည်ချက်လို့ပဲပြောပြော၊ အန်အယ်လ်ဒီနဲ့ တိုင်းရင်းသားပါတီများရဲ့ ရပ်တည်ချက်လို့ပဲဆိုဆို ဒီနေ့ နိုင်ငံရေးရပ်တည်ချက်ကို အနှစ်ချုပ်လိုက်မယ်ဆိုရင် အဓိကအချက်ကတော့ ၂၀၀၈ ခုနှစ်မှာ နအဖက တဖက်သတ် ရေးဆွဲပြဋ္ဌာန်းလိုက်တဲ့ ဖွဲ့စည်းအုပ်ချုပ်ပုံအခြေခံဥပဒေ ပြန်လည်သုံးသပ် ပြင်ဆင်ရေးဟာ အဓိကကျတဲ့ မူလည်းဖြစ်သလို လောလောဆယ်မှာရော၊ ကာလအတိုင်းအတာတခုအထိရော ဆုပ်ကိုင်ရပ်တည်ထားရမယ့် မူလည်းဖြစ်ပါတယ်။ ဒီတော့ အခု ဒီမူတွေရှိနေရုံနဲ့ ပြီးပြီလားဆိုတော့ မပြီးသေးပါဘူး။ ဒီမူတွေအပေါ် ရပ်တည်ပြီးတော့ နိုင်ငံရေးအရ ရှေ့ကို ကျနော်တို့ ဘယ်လိုအခြေခံသွားမလဲ၊ ဒီမူတွေကို အကောင်အထည်ပေါ်အောင် ဘယ်လိုလုပ်မလဲဆိုတာတွေဟာ အရေးကြီးသလို ဒီမူတွေကို အခိုင်အမာ ရပ်တည်ဆုပ်ကိုင်ဖို့၊ အလွယ်တကူမစွန့်လွှတ်မိဖို့လည်း အရေးကြီးပါတယ်။
ဒီနေရာမှာ မူကို အလွယ်တကူ မစွန့်လွှတ်ရေးဆိုတာနဲ့ ပတ်သက်ပြီး ကျနော်တို့အနေနဲ့ နေရာတကာမှာ တရားသေ မဖြစ်သင့်၊ ပြောင်းလွယ်၊ ပြင်လွယ်ရှိရမယ်၊ Flexible ဖြစ်ရမယ်။ သို့သော် မူမဲ့ အခြေခံမဲ့ ပြောင်းတာမျိုး၊ မလိုအပ်ဘဲနဲ့ မူကို စွန့်တာမျိုးတွေကိုတော့ ရှောင်ဖို့လိုပါတယ်။ အကယ်၍ နအဖ အာဏာပိုင်များနဲ့ တွေ့ဆုံဆွေးနွေးလို့ အမျိုးသားရေးလုပ်ငန်းစဉ်တရပ်ကို ရပြီ၊ ဒီလုပ်ငန်းစဉ်ဟာ တိုင်းပြည်နဲ့ ပြည်သူအတွက် အနာဂတ်မှာ အကျိုးလည်းရှိပြီး သင့်မြတ်တဲ့ လုပ်ငန်းစဉ်တရပ်လည်းဖြစ်တယ် ဆိုရင်တော့ မလိုအပ်ဘဲ ဆုပ်ကိုင်ထားတဲ့ မူတွေကို စွန့်သင့်ရင် စွန့်ရမှာပါ။ ဒီလိုမှမဟုတ်ဘဲနဲ့ နိုင်ငံရေးအခြေအနေအပြောင်းအလဲမရှိ ထူးခြားမှုမရှိဘဲနဲ့ မူတွေကို အလွယ်တကူ စွန့်လွှတ်တာမျိုးတွေတော့ မဖြစ်သင့်ဘူးလို့ မြင်ပါတယ်။
ဒီကိစ္စနဲ့ပတ်သက်လို့ ဥပမာတခု တင်ပြပါရစေ။ န၀တ အစိုးရက အပစ်အခတ်ရပ်စဲရေး စတင်ကမ်းလှမ်းခဲ့စဉ်က တိုင်းရင်းသားတပ်ပေါင်းစုမှာ ချမှတ်ထားတဲ့ မူတခုရှိပါတယ်။ အဲဒါက န၀တ အာဏာပိုင်များက တိုင်းရင်းသားလက်နက်ကိုင် အဖွဲ့အစည်းများကို ငြိမ်းချမ်းရေးအတွက် တွေ့ဆုံဆွေးနွေးဖို့ ကမ်းလှမ်းတဲ့အခါကျရင် တပ်ပေါင်းစုအနေနဲ့ပဲတွေ့မယ်၊ တိုင်းရင်းသားပါတီများအနေနဲ့ တပါတီချင်း သီးခြားမတွေ့ဖို့ ဆိုပြီး တပ်ပေါင်းစုက မူတခုအနေနဲ့ ချမှတ်ဆုံးဖြတ်ထားခဲ့ပါတယ်။ အဲဒီမှာ န၀တ အာဏာပိုင်များဘက်ကလည်း တပ်ပေါင်းစုအနေနဲ့ဆိုရင် မတွေ့နိုင်ဘူး၊ တပါတီချင်းသာလျှင် သီးခြားစီတွေ့ဖို့ တောင်းဆိုခဲ့ပါတယ်။ အဲဒီအခြေအနေမှာ တိုင်းရင်းသားလက်နက်ကိုင်အဖွဲ့အစည်းတခုက တပ်ပေါင်းစုက ချမှတ်ထားတဲ့ မူကို ချိုးဖောက်စွန့်လွှတ်ပြီးတော့ န၀တနဲ့ ငြိမ်းချမ်းရေးယူခဲ့ပါတယ်။ ဒီနေရာမှာ ကျနော့်အမြင်ကို ပြောရမယ်ဆိုရင် ဒီလိုမဖြစ်သင့်ဘူးလို့ ထင်ပါတယ်။ ဘာကြောင့်လဲဆိုတော့ တပ်ပေါင်းစုတခုမှာ အားလုံးသဘောတူပြီးချထားတဲ့ မူတခုကို တဖွဲ့တပါတီက ချိုးဖောက်ပြီးတော့ လုပ်တာမျိုးဟာ မူအားဖြင့်သော်လည်းကောင်း၊ လုပ်ထုံးလုပ်နည်းအရသော်လည်းကောင်း မသင့်လျော်ဘူးလို့ မြင်ပါတယ်။ အကယ်၍ ငြိမ်းချမ်းရေးရယူဖို့ တပါတီချင်း မဖြစ်မနေ တွေ့ဆုံဆွေးနွေးဖို့ လိုအပ်တယ်ဆိုရင်တောင် တပ်ပေါင်းစုအစည်းအဝေးကို ပြန်လည်ခေါ်ယူပြီးတော့ အခြေအနေနဲ့ ကိုက်ညီတဲ့ မူဝါဒသစ်ကို ချမှတ်ပြီး အဲဒီမူနဲ့အညီဘဲ လိုက်နာဆောင်ရွက်သင့်ပါတယ်။
ဒါကြောင့်မို့လို့ စီအာပီပီမှာပဲဖြစ်ဖြစ်၊ အန်အယ်လ်ဒီမှာပဲဖြစ်ဖြစ် တိုင်းရင်းသားပါတီမှာပဲဖြစ်ဖြစ် ရပ်တည်ကိုင်စွဲထားတဲ့ မူတွေ၊ သဘောထားတွေရှိတယ်။ ဒီမူတွေကိုလည်း ပြင်လွယ်၊ ပြောင်းလွယ်၊ ဖြစ်ဖို့လိုပေမယ့် အကြောင်းမဲ့၊ အကျိုးမဲ့ မလိုအပ်ဘဲ မူကို စွန့်သွားတာမျိုးတွေ မဖြစ်ဖို့လိုပါတယ်။ ဒါကို ဘာကြောင့်ပြောရသလဲဆို ဒီကနေ့ကာလဟာ အလွန်အရေးကြီးတဲ့ ကာလတခုရောက်နေပါပြီ။ အခုအချိန်မှာ အထူးသဖြင့် နိုင်ငံရေးအရ ပြောရမယ်ဆိုရင် ဦးဆောင်ပါတီလို့ပဲပြောပြော မြန်မာပြည်နိုင်ငံရေးရဲ့ Mainstream အဓိကပင်မရေစီးဖြစ်တဲ့ အန်အယ်လ်ဒီရဲ့ ရပ်တည်ချက်ဟာ အလွန်အရေးကြီးပါတယ်။ အန်အယ်လ်ဒီပါတီရဲ့ နိုင်ငံရေးရပ်တည်ချက်၊ နိုင်ငံရေးအလှည့်အပြောင်း၊ နိုင်ငံရေးအကွေ့အလှည့်တွေဟာ မြန်မာပြည်ရှေ့နိုင်ငံရေးအတွက် အလွန်အရေးကြီးပါတယ်။ ဘာကြောင့်လဲဆိုတော့ အန်အယ်လ်ဒီပါတီဟာ တတိုင်းပြည်လုံးကို လွှမ်းခြုံထားတဲ့ ပါတီတခုဖြစ်သလို ၁၉၉၀ ရွေးကောက်ပွဲမှာ ပြည်သူတွေရဲ့ တခဲနက် ထောက်ခံမှုရထားတဲ့ ပါတီလည်းဖြစ်လို့ပါပဲ။
အခုဆိုရင် ကိုးကန့်ပါတီရဲ့အခြေအနေ၊ ၀ ပါတီရဲ့အနေအထား၊ နောက် ကချင်ပါတီရဲ့အခြေအနေတွေကို ကြားသိနေရပါတယ်။ ဒီပါတီတွေရဲ့ နိုင်ငံရေးအလှည့်အပြောင်း၊ ရပ်တည်ချက်တွေဟာ မြန်မာပြည်နိုင်ငံရေးမှာ အတိုင်းအတာတခုအထိ အရေးပါတာ မှန်ပါတယ်။ ဒါပေမယ့် အဲဒီအဖွဲ့တွေဟာ မြန်မာပြည်တခုလုံးရဲ့ နိုင်ငံရေးအတိုင်းအတာနဲ့ နှိုင်းစာမယ်ဆိုရင် အစိတ်အပိုင်းတခုသာဖြစ်တာကြောင့် သူတို့ရဲ့အလှည့်အပြောင်းဟာ မြန်မာပြည်နိုင်ငံရေးမှာ အတိုင်းအတာတခုအထိသာ သက်ရောက်မှာဖြစ်ပါတယ်။ ဒါပေမယ့် အန်အယ်လ်ဒီရဲ့ နိုင်ငံရေးအလှည့်အပြောင်း အကွေ့အလှည့်ကတော့ မြန်မာပြည်ရဲ့ ရှေ့ဆက်ရမယ့် နိုင်ငံရေးဘ၀တခုလုံးကို သက်ရောက်နိုင်တဲ့ အနေအထားတွေရှိပါတယ်။
ဒါကြောင့်မို့လို့ မြန်မာပြည်ရဲ့ နိုင်ငံရေးအလှည့်အပြောင်းအတွက် အန်အယ်လ်ဒီရဲ့ နိုင်ငံရေးရပ်တည်ချက်၊ နိုင်ငံရေးသဘောထားနဲ့ ဆုံးဖြတ်ချက်တွေဟာ နိုင်ငံ့ရှေ့ရေးအတွက် အလွန်အရေးကြီးပါတယ်။ ဒီနေ့ကာလမှာ ရွှေဂုံတိုင်ကြေညာချက်အတိုင်း အန်အယ်လ်ဒီက ပြတ်ပြတ်သားသား မှန်မှန်ကန်ကန် ရပ်တည်နေပါတယ်။ အခုအချိန်မှာ အန်အယ်လ်ဒီက ရွေးကောက်ပွဲ ၀င်မယ် မ၀င်ဘူးဆိုတာ ယတိပြတ်မပြောသေးပေမယ့် ရှေ့မကြာတော့မယ့် ကာလ၊ ရွေးကောက်ပွဲဥပဒေနဲ့ ပါတီမှတ်ပုံတင်ဥပဒေတွေ ထွက်လာတဲ့ အချိန်ကျရင် ပြည်သူတွေနဲ့ နိုင်ငံတကာကို ထုတ်ဖော်ပြောရတော့မှာဖြစ်ပါတယ်။
အဲလိုပြောတဲ့နေရာမှာ အန်အယ်လ်ဒီရဲ့ ပြောဆိုထုတ်ပြန် ရပ်တည်ချက်ဟာ ပြတ်သားဖို့လိုသလို မှန်မှန်ကန်ကန် ပြောဆိုရပ်တည်ဖို့လည်း အလွန်အရေးကြီးပါတယ်။ ဘာကြောင့်လဲဆိုတော့ အန်အယ်လ်ဒီဟာ မြန်မာပြည်နိုင်ငံရေးရဲ့ Mainstream ပင်မရေစီးလည်းဖြစ်တယ်၊ ဒီမိုကရေစီတပ်ဦးလည်းဖြစ်တယ်။ ပြည်သူတွေရဲ့ ထောက်ခံမှုကိုရထားတဲ့ ပါတီလည်းဖြစ်တဲ့အတွက်ကြောင့် အန်အယ်လ်ဒီရဲ့ ရှေ့ဆက်မယ့် နိုင်ငံရေးသဘောထားရပ်တည်ချက်ဟာ မြန်မာပြည်ရဲ့ အနာဂတ်ဆိုရင်လည်း မမှားပါဘူး။ ဒါကြောင့်မို့လို့ အန်အယ်လ်ဒီရဲ့ နိုင်ငံရေးသဘောထားရပ်တည်ချက်နဲ့ ပတ်သက်လို့ မူရှိနေရုံနဲ့မပြီးဘဲ အဲဒီမူကို အခြေခံပြီး ခိုင်မာပြတ်သားတဲ့ ဆုံးဖြတ်ချက်တရပ်ကိုချမှတ်၊ အဲဒီဆုံးဖြတ်ချက်အတိုင်း မယိမ်းမယိုင် ရပ်တည်သွားဖို့ လိုပါတယ်။
နိုင်ငံရေးပါတီများရဲ့ ဖြတ်သန်းခဲ့တဲ့ ခရီးတလျှောက်မှာ ကျနော်တို့ မစွန့်ချင်ဘဲနဲ့ မူကို စွန့်ခဲ့ရတာတွေ ရှိပါတယ်။ ဒီနေရာမှာ ၉၀ ရွေးကောက်ပွဲကနေ စပြီးတော့ ပြောပါရစေ။ ၁၉၉၀ ရွေးကောက်ပွဲမှာ အန်အယ်လ်ဒီဟာ အပြတ်အသတ် အနိုင်ရရှိခဲ့ပါတယ်။ ထို့အတူပဲ တိုင်းရင်းသားပါတီတချို့ဟာလည်း သက်ဆိုင်ရာ ပြည်နယ်အသီးသီးမှာ ထိုက်သင့်သလောက် အနိုင်ရခဲ့ကြပါတယ်။
ဒါက ဘာကိုပြသလဲဆိုရင် ပြည်သူတွေဟာ (၂၆) နှစ်လုံးလုံး တပါတီအာဏာရှင်စနစ်အောက်မှာ လူ့အခွင့်အရေးတွေ ဒီမိုကရေစီအခွင့်အရေးတွေ ဆုံးရှုံးပြီးတော့ လွတ်လပ်မှုမရှိ၊ ပြောခွင့်ဆိုခွင့်မရ၊ ဖိနှိပ်မှုတွေကို ကြိမ်မီးအုံးလို ခံခဲ့ရတယ်။ အဲဒီလို ခံခဲ့ရရုံသာမကဘဲ တိုင်းပြည်မွဲပြာကျပြီးတော့ ပြည်သူတွေဟာလည်း အတိဒုက္ခတွေ အမျိုးမျိုး ရောက်ခဲ့ရပါတယ်။ အဲဒီလိုနဲ့ ၈၈ မှာ ဒီတပါတီအာဏာရှင်စနစ်ကို တွန်းလှန်ပြီးတဲ့အခါမှာ အန်အယ်လ်ဒီပါတီရယ်လို့ ပေါ်ပေါက်လာခဲ့တာဖြစ်ပါတယ်။ အဲဒီ အန်အယ်လ်ဒီဟာ ပြည်သူတွေလိုလားတဲ့ ဒီမိုကရေစီနဲ့ လူအခွင့်အရေးတွေကို ဖော်ဆောင်ပေးနိုင်လိမ့်မယ်၊ စစ်အာဏာစနစ်အောက်က လွတ်မြောက်အောင် ဆောင်ကြဉ်းပေးနိုင်လိမ့်မယ်ဆိုတဲ့ မျှော်လင့်ချက်နဲ့ ၁၉၉၀ ရွေးကောက်ပွဲမှာ ပြည်သူတွေက အန်အယ်လ်ဒီကို ထောက်ခံမဲပေးခဲ့ကြတာဖြစ်ပါတယ်။ ထို့အတူ တိုင်းရင်းသားပါတီတွေကို ပြည်နယ်တွေမှာ မဲပေးခဲ့တာကလည်းပဲ လွတ်လပ်ရေးရပြီး အနှစ်ငါးဆယ်လောက်သက်တမ်းမှာ တိုင်းရင်းသားတွေဟာ သူတို့ဆုံးရှုံးခဲ့ရတဲ့ မွေးရာပါ အခွင့်အရေးတွေ၊ တိုင်းရင်းသားအခွင့်အရေးတွေကို ဒီတိုင်းရင်းသားပါတီတွေနဲ့ တိုင်းရင်းသားခေါင်းဆောင်တွေက ဖော်ဆောင်ပေးနိုင်လိမ့်မယ်ဆိုတဲ့ ယုံကြည်ချက်နဲ့ အဲဒီတိုင်းရင်းသားပါတီတွေကို မဲပေးခဲ့တာဖြစ်ပါတယ်။
ဒီတော့ ၉၀ ရွေးကောက်ပွဲမှာ မဲအနိုင်ရခဲ့တဲ့ အဲဒီပါတီတွေကို ပြည်သူတွေက ထောက်ခံဆန္ဒမဲတွေ ပေးခဲ့တာကို ကောက်ချက်ချလိုက်မယ်ဆိုရင် အာဏာရှင်စနစ်ကို ဖယ်ရှားနိုင်ဖို့နဲ့ ဒီမိုကရေစီ လူ့အခွင့်အရေးတွေ ထွန်းကားတဲ့ ဖွံ့ဖြိုးတိုးတက်တဲ့နိုင်ငံကို ထူထောင်ပေးဖို့ ဆိုတဲ့ မျှော်လင့်ချက်တွေနဲ့ မဲပေးခဲ့ကြတာပါ။ ထို့အတူ တိုင်းရင်းသားပါတီတွေကိုလည်း တိုင်းရင်းသားတွေရဲ့ မွေးရာပါအခွင့်အရေးတွေကို ဖော်ဆောင်ပေးနိုင်လိမ့်မယ်လို့ ယုံကြည်မျှော်လင့်ပြီး မဲပေးခဲ့ကြတာပါ။ အကယ်၍ အန်အယ်လ်ဒီကသာ အနိုင်ရပါတီအနေနဲ့ ဖြစ်ရိုးဖြစ်စဉ်အတိုင်း လွှတ်တော်ခေါ်ပြီးတော့ အုပ်ချုပ်ရေးအာဏာတွေကို ရယူခဲ့မယ်ဆိုရင် အခုလို အနှစ် (၂၀) ကာလမှာ ရွေးကောက်ပွဲ လေးကြိမ်ငါးကြိမ်လောက်လုပ်ပြီးတော့ ရွေးကောက်ခံ လွှတ်တော်ကိုယ်စားလှယ်တွေရော ပြည်သူတွေပါ ဒီမိုကရေစီ အလေ့အကျင့်နဲ့ အတွေ့အကြုံတွေ ရင့်ကျက်လာပြီးတော့ တိုင်းပြည်ဟာလည်း ဘယ်နည်းနဲ့မဆို ချမ်းသာကြွယ်ဝတဲ့ နိုင်ငံတနိုင်ငံမဟုတ်တောင် အတော်အတန် ဖွံ့ဖြိုးတိုးတက်တဲ့ နိုင်ငံတနိုင်ငံဖြစ်လာမယ်လို့ ကျနော်ယုံကြည်ပါတယ်။
ထို့အတူပဲ တိုင်းရင်းသားပါတီတွေ တိုင်းရင်းသားခေါင်းဆောင်တွေနဲ့ အန်အယ်လ်ဒီခေါင်းဆောင်တွေ နှီးနှောပြီးတော့ ဖွဲ့စည်းပုံအသစ်ကိုရေးဆွဲပြီး စစ်မှန်တဲ့ ပြည်ထောင်စုတရပ်ကို ဖော်ဆောင်ခဲ့မယ်ဆိုရင် အခု ၂၀၀၈ ဖွဲ့စည်းပုံထက် အများကြီးသာတဲ့၊ ပြီးတော့ တိုင်းရင်းသားပြည်သူတရပ်လုံးရဲ့ ရပိုင်ခွင့်တွေကို အပြည့်အ၀ကာကွယ် စောင့်ရှောက်ပေးနိုင်မယ့် ဖွဲ့စည်းအုပ်ချုပ်ပုံနဲ့ ပြည်ထောင်စုစနစ်တရပ်ကို ဖော်ဆောင်နိုင်လိမ့်မယ်ဆိုတာ ကျနော် လုံးဝယုံကြည်ပါတယ်။
ဒါပေမယ့် အခု ကံအကြာင်းမလှလို့ပဲ ဆိုရမလား၊ အန်အယ်လ်ဒီ ရွေးကောက်ပွဲမှာ အပြတ်အသတ် အနိုင်ရလိုက်တာနဲ့ စစ်အစိုးရဟာ အန်အယ်လ်ဒီကို အာဏာလွှဲပြောင်းပေးဖို့ တွန့်ဆုတ်သွားခဲ့ပြီး နောက်ပိုင်းမှာ အာဏာလွှဲပြောင်းရေးနဲ့ လွှတ်တော်ခေါ်ယူရေးကို မပြုလုပ်နိုင်အောင် နည်းမျိုးစုံနဲ့ ကြံဖန်ဆောင်ရွက်ခဲ့တာတွေ ရှိခဲ့ပါတယ်။ အကယ်၍ တစညသာ အနိုင်ရခဲ့မယ်ဆိုရင်တော့ အာဏာလွှဲပြောင်းကောင်း လွှဲပြောင်းပါလိမ့်မယ်။ ဘာကြောင့်လဲဆိုတော့ တပ်မတော်ထိပ်ပိုင်းခေါင်းဆောင်အချို့ဟာ ယခင့်ယခင်ကတည်းက တိုင်းပြည်ရဲ့ နိုင်ငံရေးမှာ ပါဝင်ပတ်သက်ပြီး တိုင်းပြည်ကို စိုးမိုးအုပ်ချုပ် ခြယ်လှယ်လိုတဲ့ဆန္ဒ ရှိခဲ့ပါတယ်။ အဲဒီဆန္ဒကြောင့်ပဲ ရွေးကောက်ပွဲကို မလွဲမရှောင်သာ လုပ်ပေးခဲ့ရသည့်တိုင် တစညပါတီ အနိုင်ရအောင် ပြုလုပ်ပြီး တစညပါတီကတဆင့် တိုင်းပြည်ကို ဆက်လက်စိုးမိုးအုပ်ချုပ်ဖို့ ရည်ရွယ်ခဲ့ပါတယ်။
တစညပါတီဟာ တချိန်တုန်းက လမ်းစဉ်ပါတီက ပြောင်းလဲလာတဲ့ ပါတီဖြစ်ပါတယ်။ လမ်းစဉ်ပါတီမှာ ရှိနေကြတဲ့ ခေါင်းဆောင်တွေဆိုတာကလည်း တပ်က ပြောင်းလဲလာတဲ့ ပုဂ္ဂိုလ်တွေ ဖြစ်ပါတယ်။ အကယ်၍ လမ်းစဉ်ပါတီတဖြစ်လဲ တစညပါတီသာ အာဏာရမယ်ဆိုရင် အဲဒီတပ်မတော်ခေါင်းဆောင်တွေရဲ့ နိုင်ငံရေးဆန္ဒကို သွယ်ဝိုက်တဲ့နည်းနဲ့ အကောင်အထည်ဖော်နိုင်မှာ ဖြစ်တဲ့အတွက်ကြောင့် တစညအနိုင်ရရင်တော့ စစ်အစိုးရဟာ အာဏာလွှဲပြောင်းကောင်း လွှဲပြောင်းမှာဖြစ်ပေမယ့် ၁၉၉၀ ရွေးကောက်ပွဲမှာ တစညပါတီ မရှုမလှ အရေးနိမ့်ပြီး အန်အယ်လ်ဒီက အပြတ်အသတ် အနိုင်ရလိုက်တဲ့ အချိန်ကစပြီးတော့ စစ်အစိုးရဟာ အာဏာလွှဲပြောင်းပေးမယ်ဆိုတဲ့ဆန္ဒ လုံးဝမရှိတော့ဘူးဆိုတာကို တွေ့ရပါတယ်။
ဒါတွေကို အထင်သက်သက်နဲ့ပြောတာ မဟုတ်ပါဘူး။ အထောက်အထား အချက်အလက်တွေနဲ့ ပြောတာပါ။ ၁/၉၀ ကြေညာချက်ကို ထုတ်ပြန်လိုက်တာနဲ့ ဒါဟာ သိသာပါတယ်။ အဲဒီကြေညာချက်မှာ ၁၉၉၀ ရွေးကောက်ပွဲကြောင့် အာဏာသုံးရပ်ကို အလိုအလျောက် မရနိုင်ဘူးလို့ ငြင်းပယ်ထားပါတယ်။ ဥပဒေပြုအာဏာ၊ အုပ်ချုပ်ရေး အာဏာ၊ တရားစီရင်ရေးအာဏာဆိုတဲ့ အာဏာသုံးရပ်ကို ၉၀ ရွေးကောက်ပွဲကြောင့် အလိုအလျောက် မရနိုင်ဘူးလို့ ငြင်းပယ်လိုက်တာပါပဲ။ အဲလိုငြင်းပယ်လိုက်တာဟာ တနည်းနည်းနဲ့ ၉၀ ရွေးကောက်ပွဲမှာ အနိုင်ရတဲ့ အန်အယ်လ်ဒီကို အာဏာလွှဲပြောင်းမပေးနိုင်ဘူးလို့ ငြင်းလိုက်တာနဲ့ အတူတူပါပဲ။ အဲဒီတုန်းက ၁/ ၉၀ ကို အန်အယ်လ်ဒီ အပါအ၀င် နိုင်ငံရေးပါတီတွေက သဘောတူလက်ခံခဲ့ကြသလား ဆိုတော့ လက်မခံကြပါဘူး။ လက်မခံပေမယ့်လည်း ၁/၉၀ ကို အမိန့်အာဏာကဲ့သို့ ထုတ်ပြန်ခဲ့တာကြောင့် အန်အယ်လ်ဒီ အပါအ၀င် နိုင်ငံရေးပါတီတွေဟာ မကြိုက်ပေမယ့် သဘောတူလက်မှတ်ထိုးခဲ့ရပါတယ်။ အဲလို သဘောတူလက်မှတ်ထိုးခဲ့တာဟာ အဲဒီနိုင်ငံရေးပါတီတွေအနေနဲ့ အာဏာလွှဲပြောင်းရေးကို စွန့်လွှတ်ခဲ့တဲ့သဘောပဲ ဖြစ်ပါတယ်။
ဒါပေမယ့် ၁/၉၀ ကို ပြန်သုံးသပ်လိုက်တဲ့အခါမှာ နိုင်ငံရေးပါတီတွေအနေနဲ့ မျှော်လင့်ချက် နှစ်ချက်ရှိပါတယ်။ တချက်က ဘာလဲဆိုလို့ရှိရင် အဲဒီ ၁/၉၀ ကြေညာချက် အပိုဒ် (၁၂) မှာ ရွေးကောက်ပွဲဥပဒေပုဒ်မ ၃ မှာဖော်ပြထားတဲ့ “လွှတ်တော်ကို မဲဆန္ဒနယ်များမှ ဤဥပဒေနှင့်အညီ ရွေးကောက်တင်မြှောက်လိုက်သော လွှတ်တော်ကိုယ်စားလှယ်များဖြင့် ဖွဲ့စည်းရမည်” ဆိုတဲ့ ပြဋ္ဌာန်းချက်ကို ကိုးကားပြီး န၀တအနေနဲ့ လွှတ်တော်ခေါ်ယူပေးမယ်လို့ အတည်ပြုဖော်ပြခဲ့တဲ့အချက်ပါ။ နောက်တချက်က လွှတ်တော်ကိုယ်စားလှယ်များသည် ဖွဲ့စည်းအုပ်ချုပ်ပုံအခြေခံဥပဒေ ရေးဆွဲရန် တာဝန်ရှိတယ်ဆိုတဲ့ အချက်ပါပဲ။ အဲဒီအချက်နှစ်ချက်ကို ကြည့်ပြီးတော့ အာဏာလွှဲပြောင်းမပေးသည့်တိုင် လွှတ်တော်ခေါ်ပေးရင် လွှတ်တော်မှာ တိုင်းပြည်ရဲ့အကျိုးစီးပွားအတွက် အမျိုးသားရေးလုပ်ငန်းစဉ်တွေကို ချမှတ်နိုင်မယ်၊ ဖွဲ့စည်းပုံအသစ်ကိုလည်း လွှတ်တော်ကိုယ်စားလှယ်များနဲ့ ရေးဆွဲနိုင်မယ်လို့ မျှော်လင့်ပြီးတော့ စိတ်သက်သာရာရခဲ့ကြပါတယ်။ တိုင်းရင်းသားပါတီတွေ၊ တိုင်းရင်းသားခေါင်းဆောင်တွေကလည်းပဲ လွှတ်တော်ကိုယ်စားလှယ်များအနေနဲ့ ဖွဲ့စည်းပုံကို ရေးဆွဲခွင့်ရှိတယ်ဆိုတဲ့ မျှော်လင့်ချက်တွေနဲ့ စိတ်သက်သာရာရခဲ့ကြပါတယ်။ ဒါပေမယ့် နောက်ပိုင်းမှာကျတော့ လွှတ်တော်ခေါ်ပေးဖို့အစား စစ်အစိုးရဟာ အမျိုးသားညီလာခံဆိုတာကိုသာ ခေါ်ယူကျင်းပဖို့ ထုတ်ပြန်ကြေညာခဲ့ပါတယ်။
တကယ်တော့ ဒီအမျိုးသားညီလာခံဆိုတာကို ခေါ်ယူကျင်းပလိုက်တာဟာ လွှတ်တော်ခေါ်ယူရေးကို ငြင်းပယ်လိုက်တာပဲ ဖြစ်ပါတယ်။ ဒီမှာ နိုင်ငံရေးပါတီတွေက ညီလာခံတက်ရေး မတက်ရေးဆိုတာ ဖြစ်လာကြပါတယ်။ တချို့ကလည်းပဲ အဲဒီညီလာခံမှာ တိုင်းပြည်ရဲ့အမျိုးသားရေးကိစ္စတွေကို ဆွေးနွေးနိုင်လိမ့်မယ်၊ ဖွဲ့စည်းအုပ်ချုပ်ပုံအခြေခံဥပဒေ ကိုယ်တိုင်ကိုယ်ကျ ပါဝင်ရေးဆွဲနိုင်မယ်ဆိုတဲ့ မျှော်လင့်ချက်တွေ ထားခဲ့ကြပါတယ်။ တိုင်းရင်းသားအဖွဲ့အစည်းတွေ၊ တိုင်းရင်းသားခေါင်းဆောင်တွေကလည်း ဖွဲ့စည်းပုံအခြေခဥပဒေထဲမှာ ပြည်နယ်တွေရဲ့ လုပ်ပိုင်ခွင့်နဲ့ တိုင်းရင်းသားတွေရဲ့ ရပိုင်ခွင့် သတ်သတ်မှတ်မှတ် ထည့်သွင်းဖော်ဆောင်ရေးအတွက် အမျိုးသားညီလာခံကို မဖြစ်မနေ တက်ရောက်ဆွေးနွေးရမယ်ဆိုတဲ့ သဘောထားဆန္ဒတွေ ရှိခဲ့ကြပါတယ်။
အဲဒီလိုနဲ့ အန်အယ်လ်ဒီ အပါအ၀င် တိုင်းရင်းသားပါတီတွေ အမျိုးသားညီလာခံကို တက်ခဲ့ကြတာဟာ တနည်းပြောရမယ်ဆိုရင် လွှတ်တော်ခေါ်ယူရေးကို စွန့်တယ်လို့ မပြောပေမယ့် လက်တွေ့မှာ စွန့်ခဲ့ကြတဲ့သဘောပဲ ဖြစ်ပါတယ်။ ညီလာခံမှာလည်း နိုင်ငံရေးပါတီတွေ မူလက မျှော်လင့်သလို၊ အမျိုးသားနိုင်ငံရေးတွင် တပ်မတော်သည် ဦးဆောင်အခန်းကဏ္ဍက ပါဝင်ရမည် ဆိုတဲ့ ဒီမိုကရေစီနဲ့မကိုက်ညီတဲ့အပိုဒ်တွေကို ဆွေးနွေးညှိနှိုင်း ပြောင်းလဲလို့ မရခဲ့သလို ဖွဲ့စည်းအုပ်ချုပ်ပုံ အခြေခံဥပဒေ ရေးဆွဲရေး အခြေခံမူ ၁၀၄ ချက်ကိုလည်း အပြန်အလှန် ဆွေးနွေးညှိနှိုင်း ရတာမျိုးလည်းမဟုတ်၊ မိမိတို့ကိုယ်တိုင် သဘောမတူဘဲနဲ့လည်း လက်ခံခဲ့ရပါတယ်။
နောက်တခါ အမျိုးသားညီလာခံဆိုတာက ဖွဲ့စည်းအုပ်ချုပ်ပုံအခြေခံဥပဒေရေးဆွဲဖို့ မူတွေကိုသာ ချမှတ်ရမှာ ဖြစ်ပေမယ့် နအဖက သူကိုယ်တိုင်ရေးဆွဲထားတဲ့ အသေးစိတ် အချက်အလက်တွေကိုပါ ချပြရေးဆွဲခဲ့ပါတယ်။ ချပြရေးဆွဲတဲ့ နေရာမှာလည်းပဲ နိုင်ငံရေးပါတီတွေ လွှတ်တော်ကိုယ်စားလှယ်တွေဟာ သူတို့ရဲ့တင်ပြချက်တွေကို အလေးအနက်ထား ဆွေးနွေးခွင့်မရဘဲ န၀တ/နအဖ အာဏာပိုင်တွေ ရေးဆွဲပြီးသား အချက်အလက်တွေကိုသာ အတည်ပြုပြဋ္ဌာန်းခဲ့ရတာ ဖြစ်ပါတယ်။ ဥပမာ - တိုင်းရင်းသားပါတီ (၁၃) ပါတီက ပြည်ထောင်စုမူအတွက် တင်ပြခဲ့တဲ့ အချက်တွေကိုလည်းပဲ ညီလာခံမှာ ဆွေးတောင်မဆွေးနွေးဘဲ မှတ်တမ်းတင်ရုံတင်ပြီးတော့ ပယ်ချခဲ့ပါတယ်။ ဒါဟာ သာဓကတခုသာဖြစ်ပါတယ်။ ပြီးတော့ အမျိုးသားညီလာခံမှာဆွေးနွေးဖို့ အစုအဖွဲ့ (၈) ဖွဲ့ ဖွဲ့ထားပါတယ်။ လွှတ်တော်ကိုယ်စားလှယ်ဟာ အဲဒီအထဲမှာ အစုအဖွဲ့အနေနဲ့ တဖွဲ့သာဖြစ်ပါတယ်။
ဒါကြောင့် လွှတ်တော်ကိုယ်စားလှယ်များသည် ဖွဲ့စည်းအုပ်ချုပ်ပုံအခြေခံဥပဒေကို ရေးဆွဲနိုင်သည်လို့ ၁/၉၀ မှာ ပြဋ္ဌာန်းထားပေမယ့် လက်တွေ့မှာတော့ တကယ်တမ်း နအဖက ရေးဆွဲထားတဲ့ ဖွဲ့စည်းအုပ်ချုပ်ပုံအခြေခံဥပဒေ အချက်အလက်တွေကိုသာ လွှတ်တော်ကိုယ်စားလှယ်များက သဘောတူလက်ခံ အတည်ပြုပေးခဲ့ရတဲ့ အနေအထားမှာသာ ရှိခဲ့ရပါတယ်။ သဘောမတူလို့လည်း မရပါဘူး။ အစုအဖွဲ့အားဖြင့် လွှတ်တော်ကိုယ်စားလှယ်အနေနဲ့ တဖွဲ့၊ နိုင်ငံရေးပါတီက တဖွဲ့၊ နအဖက သူတို့အလိုကျ ခေါင်းခေါက်ရွေးထားတဲ့ အခြားအစုအဖွဲ့က (၆) ဖွဲ့ဖြစ်တဲ့အတွက်ကြောင့် ခြောက်ဖွဲ့နှစ်ဖွဲ့၊ ခြောက်မဲ နှစ်မဲနဲ့ သူတို့သာ အမြဲတမ်း အသာစီးရနေအောင် စီမံထားတာလည်း ညီလာခံမှာတွေ့ရပါတယ်။ ဒါကြောင့်မို့လို့ နိုင်ငံရေးပါတီများ၊ လွှတ်တော်ကိုယ်စားလှယ်များ မျှော်လင့်ခဲ့သလို ဖွဲ့စည်းအုပ်ချုပ်ပုံအခြေခံဥပဒေကို လွှတ်တော်ကိုယ်စားလှယ်များက ရေးဆွဲခွင့်ရှိတယ်ဆိုတဲ့ ၁/၉၀ အပိုဒ်ပါ အချက်ကိုပင်လျှင် ဆောင်ရွက်နိုင်ခွင့်မရှိတဲ့ အခြေအနေနဲ့ ကြုံခဲ့ရပါတယ်။ ဒါဟာ နိုင်ငံရေးပါတီတွေ ဖြတ်သန်းလာခဲ့တဲ့ခရီးမှာ ကျနော်တို့ရဲ့ အခြေခံမူတွေကို မစွန့်ချင်ဘဲ စွန့်ခဲ့ရတဲ့ အတွေ့အကြုံတွေပါပဲ။
တကယ်တော့ ၁၉၉၀ ရွေးကောက်ပွဲဆိုတာ ပြည်သူ့လွှတ်တော်ရွေးကောက်ပွဲပါ။ ပြည်သူ့လွှတ်တော် ရွေးကောက်ပွဲဆိုတာ အာဏာသုံးရပ်ကိုပိုင်စိုးတဲ့ ရွေးကောက်ပွဲဖြစ်ပါတယ်။ အဲဒီလို အာဏာသုံးရပ်ကို ပိုင်စိုးတဲ့ ရွေးကောက်ပွဲ ဖြစ်တဲ့အတွက်ကြောင့် နိုင်ငံရေးပါတီများ တောင်းဆိုတဲ့ အာဏာလွှဲပြောင်းပေးဖို့၊ ပြည်သူ့လွှတ်တော် ခေါ်ပေးဖို့ တောင်းဆိုချက်ဟာလည်း မှန်ကန်တဲ့ တောင်းဆိုချက်၊ မှန်ကန်တဲ့ ရပ်တည်ချက် ဖြစ်ပါတယ်။ ဒါပေမယ့် အခြေအနေအရပ်ရပ်ကြောင့် ကျနော်တို့ မူလက ရပ်တည်တောင်းဆိုခဲ့တဲ့ အာဏာလွှဲပြောင်းရေး၊ လွှတ်တော်ခေါ်ယူရေး ဆိုတာတွေကို စွန့်လွှတ်ခဲ့ရပြီးတဲ့နောက်ပိုင်းမှာ တွေ့ဆုံဆွေးနွေးရေး၊ အမျိုးသားပြန်လည်သင့်မြတ်ရေးဆိုတဲ့ ရပ်တည်ချက် သဘောထားတွေကိုပဲ ကျနော်တို့ ကိုင်စွဲခဲ့ရပါတော့တယ်။
ဒီနေရာမှာ အန်အယ်လ်ဒီက ထုတ်ပြန်ခဲ့တဲ့ ရွှေဂုံတိုင်ကြေညာစာတမ်းဟာ အန်အယ်လ်ဒီရဲ့  နိုင်ငံရေးမူ၊ နိုင်ငံရေးသဘောထား ရပ်တည်ချက်တွေဖြစ်သလို စီအာပီပီရဲ့မူ၊ စီအာပီပီရဲ့ ရပ်တည်ချက်လည်းဖြစ်ပါတယ်။ ထို့အတူ တိုင်းရင်းသားပါတီများရဲ့ သဘောထားနဲ့ ရပ်တည်ချက်ဆိုရင်လည်း မမှားပါဘူး။ အဲဒီမှာ ဒီရွှေဂုံတိုင် ကြေညာစာတမ်းပါ အချက်(၃)ချက်ကို အနှစ်ချုပ်လိုက်မယ်ဆိုရင် အဓိကအချက်ကတော့ ဖွဲ့စည်းပုံအခြေခံဥပဒေကို ပြန်လည်သုံးသပ် ပြင်ဆင်ရေးဟာ အဓိကကျပါတယ်။ ရွှေဂုံတိုင်ကြေညာစာတမ်းနှင့်အတူ အဓိကကျတဲ့ ဖွဲ့စည်းအုပ်ချုပ်ပုံအခြေခံဥပဒေကို ပြန်လည်သုံးသပ်ပြင်ဆင်ရေးဟာ ကျနော်တို့ ကိုင်စွဲရမယ့် သဘောထားဖြစ်ပါတယ်၊ မူလည်းဖြစ်ပါတယ်။
အဲဒီတော့ ဒီမူကို ကျနော်တို့က ဒီနေ့အချိန်အခါမှာ ဆုပ်ကိုင်ရပ်တည်ကြပေမယ့် မကြာခင်ကာလမှာ နအဖအစိုးရက နိုင်ငံရေးထိုးစစ်တရပ် ဆင်လာဖို့ရှိနေပါတယ်။ အဲဒီထိုးစစ်အတွက်လည်း သူတို့ဘက်က ပြင်ဆင်မှုတွေ အခင်းအကျင်းတွေ လုပ်နေပါတယ်။ ပြည်တွင်းရော ပြည်ပမှာပါ ပြုလုပ်နေတာဖြစ်တယ်။ အထူးသဖြင့် မကြာသေးခင်က ကုလသမဂ္ဂအထွေထွေညီလာခံမှာ နအဖရဲ့ ၀န်ကြီးချုပ်ကိုယ်တိုင်က ၂၀၁၀ ရွေးကောက်ပွဲကို ထောက်ခံဖို့ တိုက်တွန်းပြောကြားခဲ့တာ တွေ့ရပါတယ်။ အဲဒါဟာ ၂၀၁၀ ရွေးကောက်ပွဲအတွက် ပြင်ဆင်တာပဲ ဖြစ်ပါတယ်။ မကြာတော့မယ့် ကာလမှာ နအဖဟာ ၂၀၁၀ ရွေးကောက်ပွဲကို ကျင်းပမှာ ဖြစ်ပါတယ်။ အဲလိုကျင်းပတာဟာ ပြည်သူ့ဆန္ဒကို ကိုယ်စားပြုပြီး ၉၀ ရွေးကောက်ပွဲရလဒ်ကို ကိုင်စွဲရပ်တည်ကြတဲ့ နိုင်ငံရေးပါတီတွေကို နိုင်ငံရေးအရ နောက်ဆုံးထိုးစစ်ဆင်လိုက်တာပဲ ဖြစ်ပါတယ်။
အဲလိုအချိန်မှာ ကျနော်တို့က ဒီရွေးကောက်ပွဲအပေါ် ၀င်မယ်မ၀င်ဘူး ဆိုတာကို တိတိကျကျ ပြတ်ပြတ်သားသား ပြောဖို့ လိုလာပါတယ်။ အထူးသဖြင့် အန်အယ်လ်ဒီဟာ ဒီကိစ္စကို ပြတ်ပြတ်သားသား ပြောဖို့လိုပါတယ်။ အခုအချိန်အထိတော့ အန်အယ်လ်ဒီဟာ ရွှေဂုံတိုင်ကြေညာချက်အတိုင်း ရပ်တည်နေဆဲပါ။ ဒါပေမယ့် နအဖကတော့ ကျနော်တို့ ရပ်တည်ထားတဲ့ ရွှေဂုံတိုင်ကြေညာချက်ထဲက အရေးကြီးဆုံးအချက်ဖြစ်တဲ့ ဖွဲ့စည်းပုံအခြေခံဥပဒေ ပြင်ဆင်ရေးကို အခုအချိန်အထိ လိုက်လျောမယ့် အသွင်အပြင်လက္ခဏာဆိုလို့ တစိုးတစိမှ မမြင်တွေ့ရသေးပါဘူး။ အဲဒီတော့ အခုလိုအခြေအနေမျိုးမှာ ကျနော်တို့ ဘယ်လိုရပ်တည်ကြမလဲ။
တိုင်းပြည်နဲ့ ပြည်သူလူထုအကျိုးအတွက်၊ ဒီမိုကရေစီရေးဆောင်ရွက်ဖို့အတွက် ပါတီတည်ရှိနေဖို့လိုတယ်၊ ပါတီရှင်သန်ဖို့လိုတယ် ဆိုတဲ့ အကြောင်းပြချက်နဲ့ အလံဖြူလေးထောင် (ပြည်သူတွေရဲ့ တကယ့်စစ်မှန်တဲ့ ဆန္ဒနဲ့ အကျိုးစီးပွားကို လျစ်လျူရှုပြီး) ကျနော်တို့ရဲ့ ရပ်တည်ချက်တွေကို စွန့်လွှတ်စတေးပြီး ၂၀၁၀ ရွေးကောက်ပွဲကို ၀င်မှာလား၊ ဒါမှမဟုတ် ကျနော်တို့ရဲ့ ရပ်တည်ချက်တွေ မူတွေကို ခိုင်ခိုင်မာမာ စွဲကိုင်ပြီးတော့ နောက်ဆုံး ခံစစ်ကြောင်းမှာပဲ ပြတ်ပြတ်သားသား ရပ်မလားဆိုတဲ့ ကျနော်တို့ ရွေးချယ်စရာ လမ်းနှစ်သွယ် ပေါ်လာပါတယ်။
အဲဒီတော့ ကျနော်တို့က ရွေးကောက်ပွဲဝင်မယ် ဆိုတဲ့ဘက်ကို ရွေးချယ်ပြီးတော့ စဉ်းစားကြရအောင်။ အကယ်၍ ရွေးကောက်ပွဲဝင်မယ်ဆိုရင် နအဖမှာ အာဏာရှိတယ်၊ ငွေရှိတယ်၊ လူရှိတယ်၊ နောက် ယန္တရားရှိတယ်။ ကျနော်တို့မှာ အာဏာမရှိ၊ ငွေမရှိ၊ လူအနေနဲ့ကတော့ ပြည်သူတွေရဲ့ အတော်အတန် ထောက်ခံမှုတော့ရှိပါတယ်။ ဒါပေမယ့်လည်း ၉၀ တုန်းကလို ပြည်သူအားလုံးရဲ့ ထောက်ခံမှုရဖို့တော့ မျှော်လင့်လို့မရနိုင်ပါဘူး။ ဘာကြောင့်လဲဆိုတော့ လူထုရဲ့ ရွေးကောက်ပွဲအပေါ် မျှော်လင့်ချက်နဲ့ စိတ်ဓာတ်အခြေအနေဟာ ၉၀ ပြည့်နှစ် အခြေအနေတွေနဲ့ များစွာကွာခြားသွား ပြီဖြစ်လို့ပါ။ နောက်တခုက ကျနော်တို့မှာ ယန္တရားမရှိ။ အန်အယ်လ်ဒီဟာ အောက်ခြေအထိ ဖွဲ့စည်းတယ်ဆိုပေမယ့် ကျနော်တို့အဖွဲ့အစည်းဟာ တကယ်တမ်းပြောရရင် ခိုင်မာကျစ်လျစ်မှုမရှိတော့ပါဘူး။
အဲဒီလို အခြေအနေတွေမှာ ကျနော်တို့ ရွေးကောက်ပွဲဝင်မယ်ဆိုရင် ရွေးကောက်ပွဲဝင်မယ့် ကိုယ်စားလှယ်များအနေနဲ့ ခလုတ်တံသင်းတွေ ထောင်ချောက်တွေ အများကြီးဖြတ်ကြရမယ်။ ရွေးကောက်ပွဲဥပဒေတွေနဲ့ အပယ်ခံရမှာတွေရှိသလို နောက်တချက်က ကိုယ်စားလှယ်တွေကို အမျိုးမျိုး အဟန့်အတားတွေ အနှောင့်အယှက်တွေ အန္တရာယ်တွေ မပေးဘူးလို့လည်း ဘယ်လိုမှ အာမ,မခံနိုင်ပါဘူး။ အဲဒီမှာ ကိုယ်စားလှယ်တွေ စောင့်နေတဲ့ကြားထဲက မဲလိမ်မှုတွေ၊ မဲခိုးမှုတွေ မဖြစ်နိုင်ဘူးလို့လည်း ကျနော်တို့ ဘယ်လိုမှ အာမခံချက်မပေးနိုင်ဘူး။ ဒီလိုအခြေအနေမျိုးတွေ မှာ ကျနော်တို့ ရွေးကောက်ပွဲဝင်ကြရမှာဖြစ်ပါတယ်။
ဒီနေရာမှာ ဘာသာရေးယုံကြည်ချက်အမြင်နဲ့ ဆက်စပ်နေတဲ့ ဆိုးရိုးစကားတခုကို တင်ပြချင်ပါတယ်။ အခုကာလဟာ သိကြားသာသနာ ဖြစ်တဲ့အတွက်ကြောင့် ကပ်ဆိုးဘေးဆိုးကြီးတွေနဲ့ ကြုံတွေ့ကြတော့မယ်။ အဲဒီကာလဆိုးနဲ့ ပတ်သက်ပြီး “ယက်သဲ့ကြား ငါးတင်၊ တင်တဲ့ငါး ကြောင်စား၊ ကျန်တဲ့ငါးမှ လွတ်” ဆိုတဲ့ ဆိုရိုးစကားပါ။ ထို့အတူပဲ ရွေးကောက်ပွဲဝင်မယ့် လွှတ်တော်ကိုယ်စားလှယ်လောင်းများအနေနဲ့လည်း စောစောက ထောင်ချောက်တွေ ခလုတ်တံသင်းတွေ ကျော်ဖြတ်ပြီး ရွေးကောက်ပွဲမှာ အနိုင်ရရင်တောင် အနည်းစုသော အဲဒီလွှတ်တော် ကိုယ်စားလှယ်တွေဟာ ဒီမိုကရေစီရေး၊ လူ့အခွင့်ရေးနဲ့၊ တိုင်းရင်းသားတွေရဲ့ အခွင့်အရေးတွေအတွက် ဘယ်လောက်များ ဆောင်ရွက်နိုင်မှာလဲ ဆိုတာကို အလေးအနက်စဉ်းစားဖို့ လိုပါတယ်။
နောက်တချက်က ပြန်လည်ပြင်ဆင်ဖို့ လုံးဝမဖြစ်နိုင်အောင် အသေအချာ စီမံရေးဆွဲထားတဲ့ ဖွဲ့စည်းပုံအခြေခံဥပဒေကို သူတို့ ဘယ်လိုလုပ်ပြီးတော့ ပြင်ဆင်နိုင်မှာလဲ။ ဒါကြောင့်မို့လို့ အဲဒီလမ်းကြောင်းက သွားမယ်ဆိုရင် ဒီမိုကရေစီနိုင်ငံဖြစ်ဖို့ တိုင်းရင်းသားတွေရဲ့ အခွင့်အရေးကို ဖော်ဆောင်ဖို့အတွက် ကြိုးပမ်းမှုတွေ ဖြစ်နိုင်လိမ့်မယ်လို့ မထင်ဘူး။ ဒါကြောင့် အဲဒီလိုဝင်လိုက်ခြင်းအားဖြင့် ရနိုင်မယ့်အကျိုးအမြတ်က မရေရာပေမယ့် တဘက်မှာတော့ ပေးလိုက်ရမယ့် အရင်းနှီးတွေ ဆုံးရှုံးမှုတွေက အတိုင်းအဆမရှိ ပေါ်လာနိုင်တယ်။
ပထမဆုံးရှုံးမှုကတော့ ပြည်သူလူထုကြီးရဲ့ စစ်မှန်တဲ့ ဆန္ဒလည်းဖြစ်၊ ရှစ်လေးလုံးအရေးတော်ပုံကြီးရဲ့ အောင်သီးအောင်နှံလည်းဖြစ်၊ ဒီမိုကရေစီအင်အားစုတွေရဲ့ တိုက်ပွဲအောင်လံတံခွန်လည်းဖြစ်တဲ့ ၉၀ ရွေးကောက်ပွဲရလဒ်ကို စွန့်လွှတ်ဆုံးရှုံးခံရမယ့်အရေးပါ။
ဒုတိယဆုံးရှုံးမှုကတော့ နအဖအုပ်စုက တိုင်းပြည်ကို ထာဝရ စိုးမိုးခြယ်လှယ်နိုင်ဖို့ တဖက်သတ်ရေးဆွဲထားတဲ့ ၂၀၀၈ ဖွဲ့စည်းပုံအခြေခံဥပဒေကို နှုတ်အားဖြင့်၊ သဘောတရားရေးအားဖြင့် မည်သို့သော ဆန့်ကျင်ကန့်ကွက်မှုတွေ ပြုလုပ်သည်ဖြစ်စေ ရွေးကောက်ပွဲကို ၀င်လိုက်ခြင်းအားဖြင့် အဆိုပါ ဖွဲ့စည်းပုံဥပဒေကို ကာယကံမြောက် လက်ခံအတည်ပြုပေးလိုက်သလို ဖြစ်သွားမယ့်အရေးပါ။
တတိယအချက်ကတော့ ရွေးကောက်ပွဲမှာ အန်အယ်လ်ဒီပါတီအပါအ၀င် ဒီမိုကရေစီအင်အားစုတွေ ၀င်ရောက်ယှဉ်ပြိုင်ခဲ့မယ်ဆိုရင် ဘယ်သူပဲ နိုင်နိုင်ရှုံးရှုံး ရွေးကောက်ပွဲအပြီး ပေါ်ပေါက်လာမယ့် အစိုးရရဲ့ တရားဝင်ဖြစ်မှုဟာ ပိုမိုခိုင်မာသွားမှာဖြစ်ပြီး ပြည်သူလူထုနဲ့ နိုင်ငံတကာအသိုင်းအ၀ိုင်းကြား အဲဒီ ၂၀၀၈ အခြေခံဥပဒေအရ ပုံပြောင်းထားတဲ့ စစ်အစိုးရအပေါ် ထားရှိရမယ့် သဘောထားနဲ့ ပတ်သက်လို့ အမြင်ရှုပ်ထွေးမှုတွေ၊ ၀ိဝါဒကွဲပြားမှုတွေ ပေါ်ပေါက်နိုင်ပြီး အဲဒီကတဆင့် ဒီမိုကရေစီအင်အားစုတွေရဲ့ ရှေ့ဆက်ရမယ့် ခရီးလမ်းကြောင်းမှာ ချည့်နဲ့အားနည်းမှုတေ၊ွ ထိခိုက်ဆုံးရှုံးမှုတွေ ပေါ်ပေါက်လာနိုင်မယ့် အရေးပါ။
ဒါကြောင့်မို့လို့ ကျနော်တို့ ဒီလမ်းထက်စာရင် စောစောကပြောသလို နအဖရဲ့ ၂၀၁၀ ထိုးစစ်ကို ကြံ့ကြံ့ခံရင်းနဲ့ မိမိရဲ့ခံစစ်ကြောင်းကို လုံအောင်ထိန်းပြီးတော့ ရွေးကောက်ပွဲမတိုင်မီမှာလည်း ရွေးကောက်ပွဲကို ဆန့်ကျင်မယ်၊ ရွေးကောက်ပွဲပြီးတဲ့အခါမှာလည်း ကျနော်တို့ စည်းစည်းလုံးလုံး ညီညီညွတ်ညွတ်နဲ့ ဆက်ပြီးတော့ရပ်မယ်ဆိုရင် ကျနော်တို့ ရှေ့ကိုဆက်ပြီးတော့ နိုင်ငံရေးကြိုးပမ်းဆောင်ရွက်မှု လုပ်နိုင်မှာဖြစ်ပါတယ်။ အဲဒီတော့ ရွေးကောက်ပွဲ ဟိုဘက်ကာလမှာလည်း ကျနော်တို့ပြည်တွင်းမှာ အန်အယ်လ်ဒီနဲ့တကွ နိုင်ငံရေးပါတီတွေကို အပေးအယူ မလုပ်တဲ့အတွက်၊ မညှိနှိုင်းတဲ့အတွက်၊ မဆွေးနွေးတဲ့အတွက်၊ အမျိုးသားညီညွတ်မှုမရှိတဲ့အတွက် တိုင်းပြည်ဟာ နိုင်ငံရေးတည်ငြိမ်မှု မရနိုင်ပါဘူး။ ထို့အတူ ကုလသမဂ္ဂနဲ့ ကမ္ဘာ့နိုင်ငံတွေက အားလုံးပါဝင်နိုင်တဲ့ နိုင်ငံရေးလုပ်ငန်းစဉ်တခု ဆောင်ရွက်ဖို့ တိုက်တွန်းနေတဲ့ကြားက နအဖအနေနဲ့ ရွေးကောက်ပွဲကို တဖက်သတ် ကျင်းပဆောင်ရွက်သွားမယ်ဆိုရင် ရွေးကောက်ပွဲကိုသော်လည်းကောင်း၊ ရွေးကောက်ပွဲပြီးနောက် ဖြစ်ပေါ်လာမယ့် အစိုးရကိုသော်လည်းကောင်း နိုင်ငံတကာအသိုင်းအ၀ိုင်းက လက်ခံမှာမဟုတ်သလို ပြည်သူလူထုကလည်း လက်ခံမှာမဟုတ်တဲ့အတွက် နိုင်ငံတကာနဲ့ မြန်မာနိုင်ငံဆက်ဆံရေးမှာ လိပ်ခဲတည်းလည်း ရှိနေမှာပါ။
နောက်တချက်က တိုင်းရင်းသားများနဲ့ အခုလို အသွင်ကူးပြောင်းရေးကိစ္စတွေ၊ လက်နက်ရုပ်သိမ်းရေးကိစ္စတွေဟာ အခုအချိန်မှာ မပြေလည်သလို ၂၀၁၀ ရွေးကောက်ပွဲပြီးရင်လည်း ပြေလည်မှာ မဟုတ်ပါဘူး။ ဘာကြောင့်လဲဆိုတော့ ၂၀၀၈ ဖွဲ့စည်းပုံကို တိုင်းရင်းသားနိုင်ငံရေးပါတီတွေက လက်မခံသလို တိုင်းရင်းသားငြိမ်းအဖွဲ့တွေ၊ လက်နက်ကိုင်တော်လှန်ရေး လုပ်နေတဲ့ အဖွဲ့အစည်းတွေကလည်း လက်မခံတဲ့အတွက်ကြောင့် ပြည်တွင်းငြိမ်းချမ်းရေးကိုလည်းပဲ အပြည့်အ၀ ဖော်ဆောင်နိုင်မှာမဟုတ်ပါဘူး။ အဲဒီလို ပြည်တွင်းငြိမ်းချမ်းရေးမရှိ၊ ပြည်တွင်းမှာ နိုင်ငံရေးတည်ငြိမ်မှုမရှိ၊ နိုင်ငံတကာဆက်ဆံရေးမှာလည်း လိပ်ခဲတည်းလည်းဖြစ်နေတဲ့ နိုင်ငံဟာ ကြီးပွားဖွံ့ဖြိုးတုိုးတက်ဖို့ အလွန်မှ ခက်ခဲပါလိမ့်မယ်။ အဲဒီတော့ ဖွံ့ဖြိုးတဲ့ ဒီမိုကရေစီနိုင်ငံထူထောင်ဖို့ဆိုတာကလည်းပဲ မလွယ်ကူတဲ့အတွက် ပြည်သူတွေရဲ့ဘ၀၊ ပြည်သူတွေရဲ့စားဝတ်နေရေး၊ ပြည်သူတွေရဲ့တိုးတက်မှု မဖြစ်နိုင်တဲ့အတွက်ကြောင့် ပြည်သူတွေကလည်း အမြဲတမ်းဆန့်ကျင်နေမှာဖြစ်ပါတယ်။
အဲဒီလိုကာလမှာ ကျနော်တို့နိုင်ငံရေးပါတီတွေ၊ တိုင်းရင်းသားအဖွဲ့အစည်းတွေဟာ ခံစစ်ကြောင်းကနေ နိုင်ငံရေးထိုးစစ်ကို ပြန်လည်ဆင်နွှဲပြီး ဒီမိုကရေစီနိုင်ငံ ပေါ်ပေါက်ရေးအတွက် ဆက်လက်ကြိုးပမ်းနိုင်လိမ့်မယ်လို့ ယုံကြည်ပါတယ်။ ဒါကြောင့် အန်အယ်လ်ဒီအပါအ၀င် နိုင်ငံရေးပါတီအားလုံး မိမိတို့ရဲ့ရပ်တည်ချက် မူတွေဟာ ပြင်လွယ်၊ ပြောင်းလွယ် Flexible ဖြစ်တယ်ဆိုပေမယ့် မလိုအပ်ဘဲနဲ့ အကြောင်းမဲ့ မစွန့်လွှတ်ကြဖို့နဲ့ အခြေခံမူပေါ်မှာ ခိုင်ခိုင်မာမာ ပြတ်ပြတ်သားသား ရပ်တည်ကြဖို့လိုကြောင်း တိုက်တွန်းရေးသားလိုက်ရပါတယ်။

ရန်ကုန်မြို့ကို မီးပေးရန် ညွှန်ကြားထား

အောင်ကျော်မိုး / ၂၆ နိုဝင်ဘာ ၂၀၀၉

လာမည့် ၂ဝ၁ဝ ရွေးကောက်ပွဲကာလ မတိုင်မီ ရန်ကုန်မြို့ကို တတ်နိုင်သမျှ လျှပ်စစ်မီးပေးရန် ညွှန်ကြားထားကြောင်း ရန်ကုန်တိုင်း လျှပ်စစ်အင်ဂျင်နီယာရုံးမှ အင်ဂျင်နီယာတဦးက ပြောသည်။
၎င်းက “ရန်ကုန်ကို တတ်နိုင်သမျှ လျှပ်စစ်မီးပေးထားရမယ်ဆိုပြီး နေပြည်တော်ကနေ ကျနော်တို့ကို ညွှန်ကြားလာပါတယ်။ ကျနော်တို့ကလည်း ရေအားလျှပ်စစ်ကနေ လျှပ်စစ်ဓာတ်အား အဝင်နည်းသွားတော့ ဂက်စ်တာဘိုင်တွေ လည်ပေးဖို့လိုတယ်လို့ ပြန်တင်ပြတယ်။ ဒါနဲ့ နေပြည်တော်က စွမ်းအင်ဝန်ကြီးဌာနကိုလည်း ဆက်ပြီးညွှန်ကြားလိုက်တယ်။ ရန်ကုန်ကို တတ်နိုင်သမျှ ဂက်စ်တွေ ပို့ပေးဖို့။ အခု ဂက်စ်တွေ ရောက်လာတော့ ခါတိုင်းနှစ်တွေ ဂက်စ်မရှိလို့ မလည်နိုင်ဘဲ ဖြစ်နေတဲ့ ဂက်စ်တာဘိုင်တွေကို စမ်းပြီး လည်ပတ်နေတယ်။ ဂက်စ်သာ မှန်မှန်ရနေရင် ရန်ကုန်တတိုင်းလုံး လျှပ်စစ်မီး အပြည့်အဝ မပေးနိုင်သေးတာတောင် အရင်နှစ်တွေကလို ခွဲတမ်းနဲ့ ပေးစရာမလိုတော့ဘူး” ဟု ပြောသည်။
သို့သော် ခြောက်သွေ့ရာသီရောက်လာလေ မီးဆွဲအားများလာလေ ဖြစ်သည့်အတွက် မီးအားမနိုင်ဘဲ လျှပ်စစ်ဓာတ်အား ပြတ်တောက်မှုမျိုးကို ကြုံရနိုင်သည်ဟု အဆိုပါ အင်ဂျင်နီယာက ပြောသည်။
“စစ်အစိုးရက လာမယ့် ၂၀၁၀ ရွေးကောက်ပွဲကာလနဲ့ ရွေးကောက်ပွဲအကြိုကာလအတွင်း ရန်ကုန်မှာ မီးမလာဘဲ ပြည်သူတွေ စိတ်ဆိုးဒေါသထွက်ကြမှာကို မလိုလားဘူး။ ဒါကြောင့် တတ်နိုင်သလောက် လျှပ်စစ်မီးပေးနိုင်ဖို့ ဂက်စ်ရလာအောင် ဆောင်ရွက်နေတာဖြစ်တယ်” ဟု ၎င်းက ရှင်းပြသည်။
ပုံမှန်အားဖြင့် ရန်ကုန်မြို့တွင် နှစ်စဉ် သြဂုတ်လ၌ လျှပ်စစ်မီး မှန်မှန်ရလေ့ရှိပြီး ခြောက်သွေ့ရာသီ နိုဝင်ဘာလဆန်းခန့်တွင် ရေအားလျှပ်စစ်ဓာတ်အားပေး စက်ရုံများမှ လျှပ်စစ်ဓာတ်အား အဝင်နည်းသွားသောကြောင့် လျှပ်စစ်မီးကို ခွဲတမ်းဖြင့်သာ ရလေ့ရှိသည်။
၂ဝဝ၉ ခုနှစ်တွင်မူ နေပြည်တော်၌ သုံးစွဲသည့် လျှပ်စစ်ဓာတ်အား ပမာဏ များလာခြင်း၊ ရန်ကုန်ရှိ ဂက်စ်တာဘိုင်များ လည်ပတ်ရန် ဂက်စ် ပံ့ပိုးမပေးခြင်းတို့ကြောင့် မိုးတွင်း၌ပင်လျှင် လျှပ်စစ်ဓာတ်အားရရှိမှု လျော့နည်းခဲ့သည်။
နအဖစစ်အစိုးရသည် လောလောဆယ် ဂက်စ်တာဘိုင်များ လည်နိုင်ရေးအတွက် ဂက်စ်များ ပို့လွှတ်ပေးရုံမက လာမည့်နှစ်၌ ရန်ကုန်တွင် ဂက်စ်လုံလုံလောက်လောက် ရရှိနိုင်ရန် မုတ္တမ - ရန်ကုန် (၂၄) လက်မ သဘာဝဓာတ်ငွေ့ ပိုက်လိုင်းအသစ်ကို သွယ်တန်းလျက်ရှိပြီး အဆိုပါပိုက်လိုင်းကို လာမည့် ၂ဝ၁ဝ မေလ၌ အပြီးသွယ်တန်းနိုင်ရန် လုပ်ဆောင်နေကြောင်း သိရသည်။
အလားတူ အထက်မြန်မာပြည်ဘက်တွင်လည်း အပြီးမသတ်နိုင်သေးသည့် ရဲရွာရေအားလျှပ်စစ်စီမံကိန်းမှ လျှပ်စစ်ဓာတ်အား ထုတ်ယူသုံးစွဲနိုင်ရေးအတွက် စက်တလုံးကို စမ်းသပ်လည်ပတ်ရန် စတင်တည်ဆောက်နေပြီး အဆိုပါစက် လည်ပတ်ရေးအတွက် ဒုဌဝတီမြစ်ရေကိုပိတ်ပြီး ဆည်ရေများ စတင်စုဆောင်းနေပြီဖြစ်သည်။
မြန်မာနိုင်ငံတွင် ၂ဝဝ၅-၂ဝဝ၆ နှစ်မှစ၍ စုစုပေါင်း စက်တပ်ဆင်အား မီဂါဝပ် (၁၆ဝဝ) ကျော်သာရှိသည့်အတွက် လျှပ်စစ်ဓာတ်အား ထုတ်လုပ်မှုပမာဏမှာလည်း ကီလိုဝပ် သန်းပေါင်း (၆,ဝဝဝ) ကျော်မှ မတိုးတက်ဘဲရှိနေသည်မှာ ယခုတိုင်ဖြစ်ကြောင်း အငြိမ်းစား တိုင်းလျှပ်စစ်အင်ဂျင်နီယာဟောင်းတဦးက ပြောသည်။
၎င်းက “ရန်ကုန်အပါအ၀င် တိုင်းနဲ့ပြည်နယ်အသီးသီးမှာတော့ လျှပ်စစ်မီတာတွေ တိုးမြှင့်ရောင်းချခဲ့လို့ ၀င်ငွေကျပ် (၃၈) ဘီလီယံကနေ (၁၆၀) ဘီလီယံလောက်အထိ (၅) ဆနီးပါး တိုးလာပေမယ့် လျှပ်စစ်ဓာတ်အား ရရှိမှုအခြေအနေကတော့ တနေ့တခြား ဆိုးနေတယ်” ဟု ပြောသည်။
ရန်ကုန်တိုင်း လျှပ်စစ်ဓာတ်အားပေးအဖွဲ့သည် ဂက်စ်ရရှိနိုင်သမျှဖြင့် လျှပ်စစ်ဓာတ်အား ပေးနေသောကြောင့် ခွဲတမ်းစနစ် ပြန်လည်ကျင့်သုံးခြင်း မရှိသော်လည်း မီးအား မလုံလောက်သဖြင့် မကြာခဏ မီးပြတ်တောက်မှုများ ရှိနေကြောင်း မြို့ခံများက ပြောသည်။

အရက်ကြော်ငြာ ပိတ်ပင်ခြင်းကြောင့် ပုံနှိပ်မီဒီယာ ရပ်တည်ရေး ထိခိုက်နိုင်

ဝီရ / ၂၅ နိုဝင်ဘာ ၂၀၀၉

ပြည်တွင်း ပုံနှိပ်မီဒီယာများအား အရက်ကြော်ငြာ ထည့်သွင်းခွင့် တားမြစ်လိုက်ပါက မီဒီယာလုပ်ငန်း ဆက်လက်ရပ်တည်ရေးအတွက် အခက်အခဲများစွာဖြင့် ရင်ဆိုင်ရနိုင်ကြောင်း စာနယ်ဇင်းထုတ်ဝေ လုပ်ကိုင်သူများက ပြောသည်။
လစဉ်ထုတ်မဂ္ဂဇင်း လက်ထောက်အယ်ဒီတာတဦးက “မီဒီယာတွေကို စစ်အစိုးရက ရန်သူလိုသဘောထားပြီး အရက်ကုမ္ပဏီတွေကိုတော့ ဒိုနာ (အလှူရှင်) တွေ၊ မိတ်ဆွေတွေလို ဆက်ဆံနေတာကိုက မှားနေတာ။ ဒီလိုလုပ်လိုက်ရင် မီဒီယာတွေ အထိနာမှန်းသိလို့ လုပ်တာဖြစ်တယ်။ မီဒီယာတွေ ရှေ့ဆက်ရပ်တည်နိုင်ဖို့ အခက်အခဲ အများကြီးဖြစ်လာမယ်” ဟု ပြောကြားသည်။
လူငယ်တို့အား မှားယွင်းစေသည့် အသိအမြင်များ မရရှိစေရန်ဟုဆိုကာ လာမည့် ၂၀၁၀ ပြည့်နှစ် ဇန်နဝါရီ (၁) ရက်မှစ၍ ဂျာနယ်၊ မဂ္ဂဇင်း၊ စာအုပ် စသည့် ပုံနှိပ်မီဒီယာများတွင် အရက်ကြော်ငြာခွင့်ကို ခွင့်မပြုတော့ကြောင်း ပြန်ကြားရေး ဝန်ကြီးဌာနက ညွှန်ကြားထားသည်။ ထိုသို့တားမြစ်လိုက်သည့် အကြောင်းကြားစာ လက်ခံရရှိကြောင်း ခံဝန်ချက် လက်မှတ်ထိုးကာ ပြန်ကြားရေးဝန်ကြီးဌာနသို့ ပြန်လည်ပို့ဆောင်လိုက်ပြီဟု အဆိုပါလက်ထောက် အယ်ဒီတာက ပြောသည်။
ပုံနှိပ်လုပ်ငန်းအားလုံးတွင် အရက်ကြော်ငြာ ပိတ်ပင်သည်ဆိုသော်လည်း အရက်ကြော်ငြာ ပြက္ခဒိန်၊ ပိုစတာများကိုမူ ဆက်လက် ခွင့်ပြုထား၍ ပြန်ကြားရေးဝန်ကြီးက မီဒီယာလုပ်ငန်းကိုသာ ဖိနှိပ်ချင်၍ လုပ်ဆောင်နေခြင်းဖြစ်ကြောင်း ၎င်းက ပြောကြားသည်။
ကြော်ငြာဝန်ဆောင်ခသည် ၎င်းဂျာနယ်၏ ရောင်းရစောင်ရေအပေါ် မူတည်၍ ပေးဆောင်ကြခြင်းဖြစ်၍ ယင်းကဲ့သို့ ပိတ်လိုက်လျှင် ဘဏ္ဍာရေးအခက်အခဲ ပြေလည်ရန် ဂျာနယ်ဈေးနှုန်း မြှင့်ခြင်း သို့မဟုတ် စောင်ရေ ထပ်မံလျော့ချရမည့် အခြေအနေ ရှိနေကြောင်း အပတ်စဉ်ထုတ် ပြည်တွင်းဂျာနယ် အယ်ဒီတာတဦးက ပြောသည်။
၎င်းက “ကြော်ငြာတွေထဲမှာ ဆေးဝါးတွေ၊ အလှကုန်၊ အစားအစာ စတဲ့ ကုန်ပစ္စည်းကြော်ငြာရယ်၊ အရက်ကြော်ငြာရယ် (၂) မျိုးပဲ ရှိတယ်။ ဒီထဲမှာ ဝင်ငွေအများဆုံး ရနိုင်တာ အရက်ကြော်ငြာပဲ။ ဒါကို ထည့်ခွင့်မပေးတော့ဘူးဆိုရင် ဂျာနယ်တဝက်လောက် ပျောက်သွားနိုင်တယ်။ အခု ကျနော်တို့ဂျာနယ်ရဲ့ အပတ်စဉ်ရောင်းအားက (၁) သောင်းကျော်ပဲ ရှိတယ်။ ကျနော်တို့ဂျာနယ်လို ရောင်းအားမရှိတဲ့ဂျာနယ်တွေ ဆက်ရပ်တည်ဖို့ မလွယ်တော့ဘူး။ ဂျာနယ်ဈေးနှုန်း ဆက်မြှင့်မလား ဒါမှမဟုတ် စောင်ရေ ထပ်လျော့မလား ဒါပဲရှိတယ်” ဟု ပြောသည်။
ပြည်တွင်းထုတ်ဂျာနယ်တို့၏ ရပ်တည်ရေးသည် ကြော်ငြာဝန်ဆောင်မှုလုပ်ငန်း၌ (၃၀-၅၀) ရာခိုင်နှုန်းအထိ မှီခိုနေကြရပြီး ၎င်းတို့အနက် အရက်ကြော်ငြာကို အားထားနေကြရကြောင်း သိရသည်။
အဆိုပါ ဂျာနယ်အယ်ဒီတာက “အခုပိတ်လိုက်တာက တလွဲစီ ဖြစ်နေတယ်။ အစိုးရတရပ်အနေနဲ့ တကယ်လုပ်သင့်တာက လူငယ်တွေရဲ့ ကောင်းကျိုးအတွက် လုပ်ချင်ရင် အရက်ထုတ်လုပ်တာကို ကန့်သတ်လိုက်ပေါ့။ ပြည်တွင်းမှာ ပုဂ္ဂလိကပိုင် အရက်ချက်စက်ရုံ (၂၀၀) ကျော်ရှိတယ်။ အဲဒီဘက်အပိုင်းမှာ စံနှုန်းစစ်ဆေးတာတောင် မလုပ်ဘဲ ထုတ်ခွင့်ပါမစ်တွေကို လွယ်လွယ်ကူကူပေးပြီး အားကစားပွဲတွေမှာ စပွန်ဆာလုပ်ခိုင်းတာက လူငယ်တွေရဲ့ မြင်ကွင်းမှာ အဓိက ပိုဖြစ်တယ်။ ဒါကို ပိတ်သင့်တာ” ဟု ခေတ်ပြိုင်သို့ ပြောကြားသည်။
အရက်လုပ်ငန်းရှင်တို့အနေဖြင့် ပုံနှိပ်မီဒီယာတွင် ၎င်းတို့ထုတ်ကုန်ကြော်ငြာခွင့် ပိတ်လိုက်သည့်အပေါ် တစုံတရာ ထိခိုက်နစ်နာစေမှု ရှိမည်မဟုတ်ကြောင်းနှင့် ကြော်ငြာလမ်းကြောင်းအသစ်အနေဖြင့် စင်ပေါ်ဖျော်ဖြေရေးများ ပြုလုပ်ကာ ဗီစီဒီ သီချင်းခွေထုတ်ခြင်းဖြင့် ၎င်းတို့၏ တံဆိပ်ကို အပြည့်အဝ ကြော်ငြာနိုင်သည့် နည်းလမ်းများဖြင့် စတင်နေကြပြီဖြစ်ကြောင်း အဆိုပါ အယ်ဒီတာက ဆက်လက်ပြောကြားသည်။
ရန်ကုန်နှင့် မန္တလေးမြို့ထုတ် ဂျာနယ်ထုတ်လုပ်ခွင့်လိုင်စင် ရထားသူ (၂၀၀) ခန့်ရှိကြောင်း ပြန်ကြားရေးဝန်ကြီးဌာန စာရင်းဇယားအရ သိရသည်။
ရန်ကုန်မြို့တော်စည်ပင်သာယာရေး နယ်နိမိတ်အတွင်းရှိ ဆေးလိပ်နှင့် အရက်ကြော်ငြာဘီလ်ဘုတ်ကြီးများ တင်ခြင်းကို ၂၀၀၆ ခု ဒီဇင်ဘာလတွင် သက်ဆိုင်ရာ အာဏာပိုင်တို့က စတင်တားမြစ်ခဲ့သည်။

woensdag 25 november 2009

စနစ်တကျလေးတော့ ပျက်စေချင်

  

Wednesday, 25 November 2009 19:20 ရန်ကုန်သားတာတေ
.ကျွန်ုပ် ဆြာတေ ဒီနေ့ ဆိုက်ကားထွက်ဖို့ မလွယ်တော့ ...။ မနေ့က လ မသာသည့် ည မှောင်မည်းမည်းတွင် .. မလင်းသော လမ်းမီးတိုင်အောက် … ဆိုက်ကား မှောက်သွား သောကြောင့် ဖြစ်သည်။ လူက သိပ်မထိ သော်လည်း ဆိုက်ကားခွေတော့ တော်တော်လေးလိန်သွားသည်။ ဦးရုက္ခစိုးကြီး ပြောဖူးသည့် လကမ္ဘာနှင့် တူသော ကျင်းကြီးကို မမြင်ဘဲ နင်းမိသောကြောင့်ဖြစ်သည်။

မဒမ်တေက ပွစိပွစိ ရေရွတ်နေသည်။ ဒီနေ့ ကမ္ဘာ့ အကြမ်းဖက်မှု ဆန့်ကျင်ရေးနေ့ ဆိုတော့ သူ့ ပွစိပွစိကို လွှတ်ပေး ထားလိုက်သည်။ တော်ကြာ ပြန်ပြောမိတာကို စကားလုံးဖြင့် အကြမ်းဖက်သည်ဟု စွပ်စွဲနေမှဖြင့်။
မဒမ်တေ။ ။ အဲဒီဆိုက်ကားခွေပြင်ရင် ဘယ်လောက်ကုန်မှာလဲ။
ဆြာတေ။ ။ ၅ ထောင်၊ ၁ သောင်းလောက်တော့ ကုန်မှာပေါ့ကွာ။
တကယ်တော့ ပိုပိုသာသာလေး ပြောလိုက်ခြင်းဖြစ်သည်။ ဒါမှ ဘတ်ငွေလေး နည်းနည်းပါးပါး ထွက်လာမည် မဟုတ်လား။
မဒမ်တေ။ ။ ဒုက္ခပါပဲ … ကိုတာတေရယ်။ ရှင်ကလည်း ဒီလောက်ကြီးတဲ့ ချိုင့်ကြီးတောင် မမြင်ဘူးလား။
ဆြာတေ။ ။ သြော် … လမ်းမီး ပျက်နေတာလေ။ လကလည်း မသာတော့ ဘယ်မြင်ပါ့မလဲ။
မဒမ်တေ။ ။ လမ်းမီးပျက်တာ သတင်းမှမဟုတ်ဘဲ၊ လကတော့ တိမ်ဖုံးရင် ဘယ်မြင်ရမလဲရှင့် ...။ တော့်ဘာသာ သွားနေ လာနေကျလမ်း … ဒီနားမှာ ချိုင့်ရှိတယ် … ဟိုနားမှာ ချိုင့်ရှိတယ် မှတ်ထားမှပေါ့။
ဆြာတေ။ ။ သွားနေလာနေကျလမ်း ဘယ်နားမှာ ဘာရှိတယ်ဆိုတာ မျက်စိမှိတ်ပြီးတောင် သိသေးတယ်။ အဲဒီချိုင့်က မနက်ပိုင်းမှာ မရှိသေးဘူးဟ။ ညကျမှ ဘယ်ကဘယ်လို ရောက်လာလဲ မသိဘူး။
မဒမ်တေ။ ။ ကဲပါ … ထားလိုက်ပါတော့။ ၅ ထောင်၊ ၁ သောင်းအကုန်ခံပြီးတော့ ရှင့်ခွေကို မပြင်နိုင် သေးဘူး။ ဒီနေ့တော့ ဆိုက်ကား နားလိုက်တော့ပေါ့။ ဒါပေမယ့် ရှင်က ဘာလုပ်မှာလဲ။
ဆြာတေ။ ။ ငါက … ဒေဝါလီမဂ္ဂဇင်းအတွက် စာမူ ကြွေးလေး ပေးစရာရှိတာ ရေးမလားလို့ ...။
တကယ်တော့ “စာရေးမလို့ စဉ်းစားနေတာ” ဆိုပြီး ငုတ်တုတ် ငိုက်မည့် အကြံနှင့် ဖြစ်သည်။ မဒမ်တေ ကလည်း ကျွန်ုပ်၏ ဇနီးပီပီ အကြံကို သိပုံရသည်။ “ရှင် စာရေးမလို့ စဉ်းစား နေတာဆိုပြီး ငိုက်မလို့ မဟုတ်လား … သိတယ်၊ မရဘူး … ဆိုက်ကား မထွက်ရင် အိမ်အလုပ်ကူလုပ်၊ လောလောဆယ် ထမင်း တအိုးတည်” ဟူ၍ အမိန့်တရပ် ချမှတ်လိုက်လေတော့သည်။
ထိုစဉ် ကျွန်ုပ်တို့ရှေ့၌ ကိုယ်ရောင်ကိုယ်ဝါ ပြိုးပြက်တောက်ပနေသူတဦး ရုတ်တရက် ကိုယ်ထင်ပြလေသည်။ တခြားသူမဟုတ် … ကျွန်ုပ်၏ ဇာတ်လိုက်ကျော်ကြီး ဦးရုက္ခစိုးပင် ဖြစ်သည်။
ရုက္ခစိုး။ ။ ဘယ်လိုလဲ ကိုတာတေ၊ ဆိုက်ကားထွက်မရလို့ အနားယူမယ်ထင်တယ် … ဟုတ်လား။
ဆြာတေ။ ။ ဆိုက်ကားမထွက်တာတော့ ဟုတ်တယ်။ အနားယူတာတော့ မဟုတ်ပါဘူး ဦးရုက္ခစိုးရယ်။ ခုပဲ ထမင်းအိုးတည်ဖို့ ဆန်ဆေးနေရပြီ မတွေ့ဘူးလား။
ရုက္ခစိုး။ ။ ထမင်းတည်တာများ … ပေါင်းအိုးလေးနဲ့ … ခလုပ်ကလေး ထောက်ဆို နှိပ် … ပြီးသွားတဲ့ဥစ္စာ။
ဦးရုက္ခစိုး၏ အပြောကို မဒမ်တေက မျက်စောင်းထိုးကြည့်ရင်း .. “ကြည့်သေးတာပေါ့” ဟု ဆိုသည်။ မီးက သဘောကောင်းစွာ လာနေသည်။ ကျွန်ုပ်က ဆန်ဆေးပြီးသားအိုးကို ပေါင်းအိုးထဲ ထည့်ကာ ခလုပ်နှိပ်လိုက် သည်။
ဆြာတေ။ ။ ထမင်းအိုး တည်တာကတော့ ခလုပ်ကလေး နှိပ်ရုံဆိုတော့ လွယ်ပါတယ် ဦးရုက္ခစိုးရယ်။ မလွယ်တာက စာရေးတာပါ။ ကုန်ကြမ်းက တဖြည်းဖြည်းရှားလာပြီ။ ဦးနှောက်ဘယ်လို သုံးရတယ်ဆိုတာ ဒီမိန်းမ နားလည်တာ မဟုတ်ဘူး။
ဦးရုက္ခစိုးကို ပြောသလိုလိုနှင့် မဒမ်တေကို လှမ်းတွယ်လိုက်စဉ် မီးက ပျက်သွားသည်။ “ကဲ … မီးက ပျက်သွားပြီ … ရှင် ဘယ်လိုဆက်လုပ်မလဲ” ဆိုသည့် အဓိပ္ပာယ်မျက်စောင်းကို မဒမ်တေက ထိုးသည်။
ဆြာတေ။ ။ မီးက ခဏလေး ပျက်တာ နေမှာပါကွာ … စောင့်ကြည့်လိုက်မယ်။
ရုက္ခစိုး။ ။ မဖြစ်ဘူးထင်တယ်နော် ဆြာတေ … အီးပီစီမှာ အမျိုးရှိရင်တောင် သိဖို့ မလွယ်လောက်တဲ့ ကိစ္စ။
ဆြာတေ။ ။ ဟာ … သိပြီ … ဦးရုက္ခစိုးက တန်ခိုးရှင်ပဲ။ မီး ဘယ်အချိန် ပြန်လာမလဲ မသိဘူးလား။
ရုက္ခစိုး။ ။ ကြံကြံဖန်ဖန် … ။ တခြားကိစ္စတွေမှာသာ တန်ခိုးရှင် … ဒီလျှပ်စစ်မီးကျတော့ မသိဘူးဗျ။
ထိုစဉ် မီးက ဖျပ်ခနဲ ပြန်လာသည်။
ဆြာတေ။ ။ ကဲ … မီးလာပြီ ဆိုတော့ … ကုန်ကြမ်းအကြောင်း ဆက်ဆွေးနွေးရင် ကောင်းမယ် … ။
ရုက္ခစိုး။ ။ တခုတော့ရှိတယ် … မိုးလေဝသ ဌာနအကြောင်း ရေးပါလား။ နိုင်ငံတကာမှာ မိုးလေဝသ သတင်း အချက်အလက်တွေကို အခမဲ့ ဖြန့်ဝေနေတဲ့အချိန်မှာ … မြန်မာနိုင်ငံမှာတော့ ပိုက်ဆံပေးမှ သတင်း ရမယ်တဲ့။
ဆြာတေ။ ။ ဒါကတော့ ဦးရုက္ခစိုးရယ် … ။ သူတို့လည်း ဖားကောင်ရေ တိုးချဲ့မွေးမြူဖို့ ငွေလိုလို့ နေမှာပေါ့။ အဲဒီအကြောင်းကတော့ မရေးတော့ပါဘူး။
ရုက္ခစိုး။ ။ ဖားက ဘာကိစ္စ မွေးရပြန်တာတဲ့တုန်း။
ဆြာတေ။ ။ ဦးရုက္ခစိုးကလည်း ဝေးရန်ကော … မိုးလေဝသနဲ့ ဇလဗေဒဦးစီးဌာနမှာ ခေတ်မီစက် ကိရိယာတွေ ဝယ်မတပ်နိုင်လို့ ဖားတွေပဲမွေးပြီး မိုးလေဝသအခြေအနေ ခန့်မှန်းရမယ်လေ ...။
ဧည့်သည်လာတိုင်း မဒမ်တေ့ ဆူအောင့်ခြင်းမှ ခေတ္တလွတ်ငြိမ်းချမ်းသာခွင့် ရလေ့ရှိသည့် ကျွန်ုပ်၏ ဘဝပေး ကုသိုလ်ကြောင့် ဦးရုက္ခစိုးကြီး ပြန်မသွားစေရန် စကားကို အမျှင်မပြတ်အောင် ပြောနေရ လေသည်။ ထိုစဉ် လျှပ်စစ်မီးက ပျက်သွားပြန်သည်။ ဒီတချီမှာတော့ ထမင်းအိုးက ဆူပွက်သည့် အဆင့် စတင် နေပြီ ဖြစ်သည်။ မဒမ်တေက ကျွန်ုပ်ကို “ဘယ့်နှယ်ရှိစ” ဆိုသည့် မျက်နှာပေးဖြင့် ကြည့်သည်။
ဆြာတေ။ ။ ခုန တောင် ပြန်လာသေးတာပဲ … ခဏပဲပျက်တာနေမှာပါ … စောင့်ကြည့်တာပေါ့။
ကျွန်ုပ်တို့ အနားတွင်တော့ ထမင်းအကျက်ကို စောင့်ဆိုင်းနေသော ကျွန်ုပ်၏ ဘု စု ခရု ငါးကောင်က ဝန်းရန်နေသည်။ သူတို့၏ ကြွက်စီ၊ ကြွက်စီ အသံများကြောင့် လေပေးမဖြောင့်နိုင်သည့်အတွက် …
ဆြာတေ။ ။ ထမင်းလည်း မကျက်သေးဘူး ဆိုတော့ … မိန်းမ … ကလေးတွေကို ရေချိုးပေး လိုက်ပါလား။
မဒမ်တေ။ ။ မီးမလာလို့ ရေလည်း မလာဘူးလေ။ ရှင်ပဲ ရေတွင်းက သွားထမ်းရမှာ ...။
မဒမ်တေ့ လက်နက်ကြီးက ပြင်းလေစွ။ ကျွန်ုပ်ဘက်ကို ပြန်လှည့်လာသောကြောင့် အသာငြိမ်နေ လိုက်ရသည်။
ရုက္ခစိုး။ ။ ကျုပ်အကြံပေးရရင်တော့ လျှပ်စစ်မီးကို အားမကိုးဘဲ မီးသွေးမီးပဲ မွှေးလိုက်ရင် ကောင်းမယ် ထင်တယ်။
ကျွန်ုပ်ဆြာတေ မီးစမွှေးလေပြီ။ မီးသွေး မီးဖို တလုံးနှင့် အလုပ်ရှုပ်နေစဉ် … လူတဦး ငိုက်စိုက် ငိုက်စိုက်ဖြင့် ကျွန်ုပ်၏ ဂေဟာထဲ ဆိုက်ဆိုက်မြိုက်မြိုက် ဝင်လာသည်ကို တွေ့လိုက်ရသည်။ ဦးရုက္ခစိုးက ဧည့်ထောက် ခံလိုက်သည်။
ရုက္ခစိုး။ ။ ဟာ … ချိုကုပ်ဒူးကြီး … ဘယ်က လှည့်လာတာလဲ။ ကျုပ်က လေးလပတ်စည်းဝေးထဲ ရောက်နေတယ် အောက်မေ့လို့။
ချိုကုပ်။ ။ ဟုတ်တယ်လေ … ပျင်းစရာကြီးပါဗျာ ...။ ပြောပြီးသားတွေပဲ ပြန်ပြောကြမှာ။ အဲဒါကြောင့် စိတ်ညစ်လို့ထွက်လာတာ။
ကျွန်ုပ်ဆြာတေကတော့ မီးကို အားကျိုးမာန်တက် မွှေးဆဲဖြစ်သည်။ တည်လက်စ ထမင်းအိုးက အေးနေပြီ။ ထိုစဉ် လျှပ်စစ်မီးက ပြန်လာပြန်သည်။ ထို့ကြောင့် ထမင်းအိုးကို လျှပ်စစ်နှင့်သာဆက်တည်ထားလိုက်သည်။
ရုက္ခစိုး။ ။ ကိုတာတေ … ဘယ်လိုလဲ။ လျှပ်စစ်နဲ့ပဲ ဆက်ချက်မလို့လား။
ချိုကုပ်။ ။ ဘာဖြစ်ကြတာလဲ … မီးပျက်တာလား။ မီးပျက်တာလောက်တော့ မဆန်းဘူး ထင်တယ်ဗျ ..။ ကျုပ်တိုင်းပြည်မှာ အကုန်ပျက်နေတာပဲဟာ။ မပျက်ဘူးဆိုရင်သာ ဆန်းတာ ...။
ရုက္ခစိုး။ ။ ဟုတ်ပါတယ်။ ဒီနေ့က ကိုတာတေ ထမင်းချက် တာဝန်ကျလို့ မီးမလာတဲ့ကိစ္စ အသံထွက် နေတာ။
ချိုကုပ်။ ။ လျှပ်စစ်မီး မလာရင် မီးမွှေးချက်ပေါ့ဗျာ။ ဆန်းတာမှတ်လို့။ ရေအားလျှပ်စစ်က ဈေးကောင်း တယ် .. ဘာလုပ်ဖို့ ပြည်သူလူထု သုံးမလဲ။ သူများနိုင်ငံ ရောင်းစားမှာပေါ့ မဟုတ်ဘူးလား။ လမ်းတွေ ပျက်တော့လည်း ကိုယ်ထူကိုယ်ထ ခင်းလိုက်။ ကျုပ်က ပြည်သူလူထုကို ထုသားပေသား ကျအောင် လေ့ကျင့်ပေးနေတာ။ ဒါမှ လာမယ့် အနာဂတ်နိုင်ငံတော် တည်ဆောက်တဲ့အခါ ခံနိုင်ရည်ရှိမှာ ...။
ရုက္ခစိုး။ ။ ဒါဆို … ဝန်ထမ်းတွေ၊ တပ်မတော်သားတွေ၊ ရဲတွေ အကျင့်ပျက်တာကျတော့ကော။
ချိုကုပ်။ ။ ဒါလည်း … အသစ်မဟုတ်ပါဘူး။ တယောက်တလေ ပျက်တာမှ မဟုတ်တာ။ အကုန်လုံး ပျက်တာပဲဟာ။ မပူနဲ့ … သူလည်းပျက်၊ ကိုယ်လည်းပျက် ဆိုတော့ ပျက်တယ်လို့ကို ထင်စရာ မရှိတော့ဘူး။
ဆြာတေ။ ။ ချိုကုပ်ဒူးကြီး လက်ထက်မှာ ကောင်းတာ တခုမှ မရှိတော့ဘူး ထင်တယ်နော်။
ချိုကုပ်။ ။ ဘာမှမရှိဘူး။ တမျိုးတော့မထင်ပါနဲ့ဗျာ၊ နောက်တက်မယ့် အစိုးရ … အလုပ်မလုပ်မှာစိုးလို့ … ပြဿနာလေးတွေ ချန်ခဲ့တာပါ။
ထိုစဉ် လျှပ်စစ်မီးက ပြန်ပျက်သွားပြန်သည်။ ဒီတခါ ထမင်းအိုးအဖုံး ဖွင့်ကြည့်လိုက်တော့ ဆန်စေ့တဝက် ထမင်းဖြစ်ခါစ တဝက် အနေအထား၊ ဖိုပေါ်ပြောင်းတင် ငှဲ့ချက်ဖို့လည်း အဆင်မပြေတော့၊ ခုတော့ ထမင်းအိုး တကယ် ပျက်ပြီ။ ချိုကုပ်ဒူးကြီး ကတော့ အာပေါင်အာရင်း သန်သန်ဖြင့် ဆက်ဆွေးနွေးနေဆဲ။
ချိုကုပ်။ ။ လူတွေကလည်းတော်တော် ဆိုးတယ်ဗျာ၊ ဟိုဟာပျက် … ပျက်ပြန်ပြီ၊ ဒီဟာပျက် … ပျက်ပြန်ပြီနဲ့ ...။ အဲဒါကြောင့် ဒီမိုကရေစီနဲ့ သူတို့ကို မထိုက်တန်သေးဘူးလို့ ပြောနေရတာ။
ထိုစဉ် ငြိမ်နေသော မဒမ်တေက ဝင်ပြောသည်။ ကျွန်ုပ်လှမ်းတားဖို့ အလျင်မမီတော့ ...။
မဒမ်တေ။ ။ ချိုကုပ်ဒူးကြီးတို့ ပျက်ချင်သလိုပျက်ပါ။ ပျက်ချင်တာတွေ ပျက်ပါ …။ ပျက်တယ်ဆိုတာ ကျမတို့အတွက် လုံး ….. ဝ မဆန်းတဲ့အတွက် ပြဿနာ … လုံး ….... ဝ မရှိပါဘူး။ မီးပဲ ပျက်ပျက်၊ ရေပဲ ပျက်ပျက်၊ လမ်းပဲ ပျက်ပျက်၊ အကျင့်တွေပဲ ပျက်ပျက် … ပျက်လို့ရပါတယ်။
ချိုကုပ်။ ။ အင်း … ကိုတာတေ … ခင်ဗျားမိန်းမကမှ သဘောထား ပြည့်ဝသေးတယ်၊ တွေ့လား။
မဒမ်တေ ဝင်ပြောသည်ကို ချိုကုပ်ဒူးကြီး သဘောခွေ့သွားသည်။
မဒမ်တေ။ ။ တခုတော့ရှိတယ် … ချိုကုပ်ဒူးကြီးတို့ ပျက်တာတွေက နည်းနည်း ပရမ်းပတာ နိုင်လွန်းတယ်။ ပျက်ချင်ရာ … ပျက်နေပေမယ့် … စနစ်တကျ ပျက်တယ်ဆိုရင် နည်းနည်း ခံနိုင်သေးတာပေါ့။ ခုဟာက ဘယ်အချိန်မှာ … ဘယ်ဟာက ဘယ်လို ပျက်မယ်ဆိုတာ မသိရတော့ ကျမတို့လည်း ဘာလုပ်ရမှန်း မသိတော့ဘူး ...။ ခုပဲကြည့် … လျှပ်စစ်မီးက ဘယ်လို ပျက်နေမှန်းမသိတော့ ကျမတို့ မိသားစု ဒီနေ့ ထမင်း ငတ်ပြီရှင့် သိရဲ့လား။
ဗိုက်ဆာသောကြောင့် အော်ငိုနေသော ကျွန်ုပ်၏ ဘုစုခရုတို့ အသံနှင့် မဒမ်တေ့ ဒေါသက ကျွန်ုပ်ဂေဟာကို လွှမ်းမိုးလျက်ရှိရာ ဆက်နေလျှင် ဒေါသစက်ကွင်း သင့်မည်ကို သိသော ချိုကုပ်ဒူးကြီး ထိုင်ရာက ထသည်။
ချိုကုပ်။ ။ ဟုတ်ပြီ ဟုတ်ပြီ ဒါ မှတ်သားရမယ့် အချက်ပဲ၊ ကျုပ် အခုလုပ်နေတဲ့ လေးလပတ် အစည်းအဝေးမှာ တင်ပြပေးပါ့မယ်။
ချိုကုပ်ဒူးကြီး ကမန်းကတန်း ထလစ်သွားသည်။ ဦးရုက္ခစိုးကတော့ ဘယ်အချိန်ကတည်းက ကိုယ်ရောင် ဖျောက်သွားလိုက်သည် မသိ။ ကျွန်ုပ်မှာတော့ မဒမ်တေ့ ဒေါသစက်ကွင်း ဗဟိုချက်တွင် တဦးတည်း အားငယ်စွာ ကျန်ခဲ့လေတော့သတည်း။
ထွေရာလေးပါး ကဏ္ဍသည် Satire ခေါ် သရော်စာ ကဏ္ဍ ဖြစ်ပါသည်။ သတင်းအချက်အလက် အမှန်များ အပေါ် အခြေခံ ရေးသားထားခြင်း မဟုတ်ပါ။ အားပေး ဝေဖန်ကြသော ပရိသတ်ကို လေးစားလျက် … ။

ထိုင်းနိုင်ငံရေး ဂယက်ကြောင့် ချင်းမိုင် လုံခြုံရေးတင်းကျပ်၊ မြန်မာ အလုပ်သမားများ ဒုက္ခဖြစ်

  

Wednesday, 25 November 2009 18:59 ရန်ပိုင်
.ချင်းမိုင်မြို့ ညဈေး (Night Bazaar) တွင် ဈေးရောင်း၍ အသက် မွေးဝမ်းကျောင်း ပြုနေသည့် မြန်မာနိုင်ငံသား ၆၂ ဦးသည် ယမန်နေ့ညက ထိုင်းအာဏာပိုင်များ၏ ဖမ်းဆီးခြင်း ခံရကြောင်း သိရသည်။
မြန်မာအလုပ်သမားများစွာ လုပ်ကိုင်နေသည့် ချင်းမိုင်ညဈေး တနေရာ
ယင်း ညဈေးတွင် ဈေးရောင်းနေသည့် ရန်ကုန်မြို့သား ကိုအောင်တိုးက “ရဲတွေ လာပြီဆိုတာနဲ့ ကျနော့်ကို သူဌေးက သူရုံးခန်းထဲမှာ ထည့်ပြီး ပိတ်ထားတယ်၊ ဘယ်မှ ပေးမသွားဘူး”ဟု ဧရာဝတီသို့ ပြောသည်။
ယခုဖမ်းဆီးမှုတွင် ထိုင်းနိုင်ငံတွင် တရားမ၀င် လာရောက် နေထိုင်သူ များသာမက နေထိုင်ခွင့် ပြုထားသည့် (တောင်ပေါ်သား) လက်မှတ် ကိုင်ဆောင် ထားသူများနှင့် အလုပ်လုပ်ခွင့် လက်မှတ် ကိုင်ဆောင်သူ များကိုလည်း ဖမ်းဆီး သွားကြောင်း သိရသည်။
မကြာသေးမီက ချင်းမိုင်မြို့အခြေစိုက် ၀န်ကြီးချုပ်ဟောင်း သက်ဆင် ရှင်နာဝပ်ကို လိုလားသည့် အက်ဖ်အမ် ( FM ) ရေဒီယိုဌာန တခုက လက်ရှိ ၀န်ကြီးချုပ် အဖိဆစ် ဝေ့ချာချီဝ အား အကြမ်းဖက်တိုက်ခိုက်မှုပြုလုပ်ရန် လှုံဆော်ခဲ့ကြောင်း လွန်ခဲ့သည့်ရက်ပိုင်း က ထိုင်းနိုင်ငံထုတ် ဘန်ကောက်ပို့စ် သတင်းစာတွင် ရေးသားထားသည်။
ယင်း သတင်းထွက်ပေါ်လာပြီး နောက် ယခုကဲ့သို့ အဖမ်းအဆီးများ ထွက်ပေါ်လာခြင်းဖြစ်သည်။
“၀န်ကြီးချုပ် ချင်းမိုင်ကိုလာရင် ရှပ်အင်္ကျီအနီဝတ်တဲ့အတိုက်အခံတွေက ဆန္ဒပြမယ်လေ၊ အဲ့သည့်ဆန္ဒပြမယ့် အထဲမှာ မြန်မာတွေ ကို တရက် ဘတ် ငါးရာ ပေးပြီး ငှားမယ်ဆိုလို့ မြန်မာတွေကိုဖမ်းတယ်လို့ပြောတယ်”ဟု ကိုအောင်တိုးကလည်း ဆက်ပြောသည်။
လာမည့် နိုဝင်ဘာ ၂၈ ရက်နှင့် ၂၉ရက်များတွင် ၀န်ကြီးချုပ် ချင်းမိုင်မြို့သို့လာရောက်မည်ဖြစ်ပြီး၊ ထိုသို့လာရောက်လျှင် အတိုက် အခံများဖြစ်သည့် ရှပ်အင်္ကျီ အနီဝတ် ဆန္ဒပြသူများက မြန်မာနိုင်ငံသား တရားမ၀င်လာရောက်နေထိုင်သူများကို ငှားရမ်း၍ ဗုံးဖောက်ခွဲမည်ဟု ကောလဟာလ သတင်းမျာလည်း ထွက်ပေါ်နေသည်။
ထိုင်းနိုင်ငံရေးလောကတွင် မြောက်ပိုင်းပြည်နယ်များဖြစ်သည့် ချင်းမိုင်၊ ချင်းရိုင် အစရှိသည့်နယ်မြေများသည် ၀န်ကြီးချုပ် ဟောင်း သက်ဆင်ရှင်နာဝပ်ကို ထောက်ခံသူ အများအပြား ရှိသည့်နယ်မြေများ ဖြစ်သည်။
ချင်းမိုင်မြို့သို့ ၀န်ကြီးချုပ် အဖိဆစ် လာရောက်လျှင် ညဈေးအနီးရှိ အင်ပီရီးယယ် ဟိုတယ်သို့ လာရောက်မည်ဖြစ်သည့်အတွက် မြန်မာနိုင်ငံသားအများစု အလုပ်လုပ်ကိုင်နေသည့် ညဈေးကို ၀င်ရောက်ဖမ်းဆီးခြင်းဖြစ်ကြောင်း၊၎င်းရက်များတွင် ယင်းညဈေးကို ပိတ်ထားရမည်ဟု ထိုင်းအာဏာပိုင်များကပြောဆိုကြောင်း သိရသည်။
အိမ်နီးချင်းနိုင်ငံများမှ ထိုင်းနိုင်ငံသို့လာရောက်အလုပ်လုပ်ကိုင်နေသူများအား အလုပ်လုပ်ကိုင်ခွင့်လက်မှတ် များကို မကြာသေး မီက ထုတ်ပေးခဲ့သော်လည်း ဆောက်လုပ်ရေးလုပ်ငန်းများ၊ စားသောက်ဆိုင်လုပ်ငန်းနှင့် အိမ်ဖော်လုပ်ငန်းများတွင်သာ လုပ်ကိုင် ခွင့်ပေးထားပြီး ယခုကဲ့သို့ ဈေးရောင်းသည့်အလုပ်တွင် လုပ်ကိုင်ခွင့်ပေးမထားပေ။
၎င်းးညဈေးတွင် ရှိသည့် မြန်မာနိုင်ငံသား အများစုမှာ တခြားလုပ်ငန်းများတွင် လုပ်ကိုင်နိုင်သည့် အလုပ်သမားကတ်များကိုသာ ကိုင်ဆောင်ထားသည့်အတွက် အများစုမှာ လုပ်ငန်းခွင်သို့သွားရောက်ရန်အတွက် အခက်အခဲများနှင့် ရင်ဆိုင်နေရကြောင်း ကိုအောင်တိုးက ဆိုသည်။
“သူဌေးကတော့ အလုပ်ဆင်းဖို့ပြောတယ်၊ အလုပ်မဆင်းရင်လည်း လုပ်ခအဖြတ်ခံရဦးမယ်၊ အဖမ်းခံရရင်လည်း သူဌေးက အာမခံ နဲ့လိုက်ထုတ်ရင်ရတယ်ဆိုပေမယ့်၊ ပြန်ရွေးရမယ့်ငွေက ကိုယ်ကပေးရမယ်၊သူတို့ကို အဲ့ဒါတွေသွားပြောပြန်လည်း လက်သုံးစကား ကကိစ္စမရှိဘူးပဲပြောတယ်၊သူတို့သားသမီးမှမဟုတ်တာ”ဟု၎င်းကပြောသည်။
ထိုင်းအလုပ်ရှင်များက ပျက်ကွက်သည့် အလုပ်သမားများကို ဒဏ်ငွေ ထိုင်းဘတ် ၂၀၀ ဆောင်ခိုင်းသည်ဟု သိရပြီး အလုပ်သမားများ ၏ တရက်လုပ်ခမှာ ဘတ် ၁၆၀ သာရသည်ဟု ဆိုသည်။
ယင်းညဈေးတွင် ဈေးရောင်းနေသည့် မြန်မာနိုင်ငံသား လီဆူးတိုင်းရင်းသူ မဖီးဘီကလည်း “သူငယ်ချင်းကောင်လေးတယောက် ဆိုရင် ရဲတွေမြင်တော့ လန့်ပြီးထွက်ပြေးတာကို ၀ိုင်းဖမ်းပြီး ထိုးကြိတ် ရိုက်နှက်ပစ်လိုက်တယ်၊ မနေ့ညက အခြေအနေတော် တော်ဆိုးတယ်”ဟုပြောသည်။
ထိုကဲ့သို့ ရဲများက ဖမ်းဆီးထိုးကြိတ်ခြင်းကို ညဈေးတွင်ရှိသည့် ထိုင်းလူမျိုးများလည်း မျက်မြင်တွေ့ရှိကြောင်း၊ ထိုသို့ပြုလုပ်ခြင်းကို အဆိုးဝါးဆုံးအခြေအနေတရပ်အဖြစ် အပြစ်တင်ပြောဆိုကြောင်းလည်း ၎င်းကဆိုသည်။
ယခုဖမ်းဆီးမှုတွင် အမျိုးသမီးများလည်းပါဝင်ကြောင်း၊ လီဆူးအမျိုးသမီးများနှင့် ရခိုင်အမျိုးသမီးများဖြစ်ပြီး အသက် ၁၈ နှစ်ခန့်ရှိ ကြောင်း၊ ထိုင်းရဲများ၏ ဖမ်းဆီးခြင်းခံရလျှင် တရားမ၀င်နေထိုင်သူများသာမက နေထိုင်ခွင့်လက်မှတ် ရှိသူများလည်း ငွေဖြင့် ပြန်လည် ရွေးယူမှသာလျှင် အချုပ်ခန်းမှလွတ်မြောက်ကြောင်းသိရသည်။
မြန်မာနိုင်ငံသားများ ထိုင်းနိုင်ငံသို့ တရားမ၀င်လာရောက်နေထိုင်ပြီး အလုပ်လုပ်ကိုင်နေကြသည်ဆိုသော်လည်း ၎င်းတို့အား လုံး သည် တရားမ၀င်သော ဒုစရိုက်အလုပ်များ လုပ်ကိုင်နေခြင်းမဟုတ်သည့်အတွက် ယခုကဲ့သို့ ဖမ်းဆီးခြင်းကို စိတ်မကောင်းဖြစ် မိကြောင်း မဖီးဘီကပြောသည်။
ချင်းမိုင်မြို့အခြေစိုက် မြန်မာရွေ့ပြောင်းအလုပ်သမားများ၏ ပညာရေးကို လုပ်ကိုင်နေသည့် ( Migrant Learning Center ) မှ ဆရာစိုင်းလိန်ခမ်းကလည်း ယခုကဲ့သို့ ရွေ့ပြောင်းအလုပ်သမားများအား ၀န်ကြီးချုပ် အဖိဆစ် ဝေ့ချာချီဝ ၏ ခရီးစဉ်အား အကြောင်းပြဖမ်းဆီးခြင်း၏ နောက်ကွယ်တွင် ထိုင်းအစိုးရ အစီအစဉ်ဖြစ်သည့် ယာယီနိုင်ငံကူးလက်မှတ်လုပ်ကိုင်ရန် အတွက် ဖိအားပေးမှုတခုအဖြစ် ထင်မြင်ကြောင်း ၊သို့သော် ရိုက်နှက်ထိုးကြိတ်ဖမ်းဆီးမှုများသည် လူ့အခွင့်အရေး ချိုးဖောက်မှုတရပ် ပင်ဖြစ်ကြောင်း ပြောဆိုသုံးသပ်သည်။