မြန်မာနိုင်ငံ၏ ပထမဆုံး ပြိုင်ကားမောင်းကွင်း ဖွင့်လှစ်

မျိုးချစ်သူ / ၂ နိုဝင်ဘာ ၂၀၀၉

မြန်မာနိုင်ငံ၏ ပထမဆုံးသော ပြိုင်ကားမောင်းကွင်းတွင် လာမည့် ၂၀၁၀ ပြည့်နှစ် မတ်လမှစတင်၍ အသက် (၆) နှစ်နှင့် အထက် ကလေးများကို ပြိုင်ကားမောင်းသင်ခွင့်ပေးမည်ဟု အဆိုပါယာဉ်မောင်းကွင်းအား ဖွင့်လှစ်သည့် ရွှေပုံ့ပုံ့ကုမ္ပဏီအကြီးအကဲက ပြောသည်။
၎င်းက “ကျနော်တို့အနေနဲ့ လအလိုက် ပွဲတွေကိုပါ လုပ်သွားမှာဖြစ်တယ်။ ပြီးတော့ နိုင်ငံခြားက အားကစားသမားတွေကို ခေါ်ပြီးတော့ ပြည်တွင်းကလူငယ် ပြိုင်ကားမောင်း အားကစားသမားတွေနဲ့ တွေ့ပေးမယ်၊ ယှဉ်ပြိုင်ပေးမယ်” ဟုပြောသည်။
ယနေ့နံနက်တွင် ဖွင့်လှစ်သည့် အဆိုပါယာဉ်မောင်းပြိုင်ကွင်း Galaxy Racing Karts Ground စုစုပေါင်းအကျယ်မှာ (၆.၅) ဧကရှိပြီး ဂျပန်ကားအစီးရေ (၁၆) စီးဖြင့် စတင်လေ့ကျင့်နိုင်ပြီဖြစ်ကြောင်း၊ နေ့စဉ် နံနက် (၇) နာရီ မှ ည (၁၀) နာရီထိ ဖွင့်လှစ်မည်ဖြစ်ကာ ၀င်ကြေးများကို နေ့ဆိုင်း ညဆိုင်း သတ်မှတ်ထားပြီး နိုင်ငံခြားသားများအား အမေရိကန်ဒေါ်လာဖြင့် ကောက်ခံမည်ဟု သိရသည်။
ကွင်းဖွင့်ပွဲသို့ အားကစားဝန်ကြီး ကိုယ်တိုင်တက်ရောက်ခဲ့ကာ ပြိုင်ကားအစီးရေ (၆၀) စီးထိ တိုးမြှင့်ထားပေးမည်ဖြစ်ကြောင်း ပြောကြားခဲ့သည်။
ရွှေပုံ့ပုံ့ကုမ္ပဏီအကြီးအကဲက အဓိကရည်ရွယ်ချက်မှာ ဖျော်ဖြေရေးနှင့် ပြိုင်ကားအားကစား ဖြစ်ထွန်းလာစေရေးအတွက် ဖြစ်ကြောင်း ပြောကြားသည်။
၎င်းက “ယာဉ်မောင်းလိုင်စင်ရှိသူတွေအပြင် ယာဉ်မောင်းလိုင်စင်မရှိသူတွေလည်း လာပြီးလေ့ကျင့်နိုင်တယ်။ အသက်ကတော့ (၆) နှစ်နဲ့ အထက် (၁၈) နှစ်ထိပေါ့။ အဲဒီကလေးတွေကို ကျနော်တို့က ဂျပန်နဲ့ထိုင်းတို့က နည်းပြတွေနဲ့သင်ကြားပေးမှာဖြစ် တယ်” ဟု ပြောသည်။
အဆိုပါပြိုင်ကား မောင်းကွင်းသည် ရန်ကုန်မြို့၊ သင်္ကန်းကျွန်းမြို့နယ် ဝေဇယန္တာ လမ်းမပေါ်တွင်ရှိပြီး မြန်မာနိုင်ငံ ဘောလုံး အဖွဲ့ချုပ်နှင့် Gold ဟိုတယ်အနီးတွင်ရှိကာ အဆိုပါဟိုတယ်သည် အထက်တန်းလွှာ လူကြီးမင်းများက ညငှက်များဖြင့် ပျော် မြူးရာနေရာတခုအဖြစ် ထင်ရှားကြောင်း နာမည်ကြီး စီးပွားရေးလုပ်ငန်းရှင်တဦးက ပြောသည်။
၎င်းက “ဘာပဲဖြစ်ဖြစ် အစိုးရက လူတွေကို အပျော်အပါးနဲ့ ဆွဲဆောင်နေတာတော့ သေချာတယ်ဗျ။ ၂၀၁၀ ပြည့်နှစ် ရွေးကောက်ပွဲကို ပြီးရင် ပြီးရော၊ ဘယ်သူပဲ အုပ်ချုပ်ပါစေဆိုတဲ့ စိတ်တွေ ၀င်လာဖို့ကိုပဲ လိုလားနေတာလေ။ သေသေချာချာ သိရင် သူတို့ရဲ့ ဥပဒေကို လက်မခံသူတွေ များလာမှာစိုးတာကိုး။ ပိုက်ဆံရှိတဲ့ လုပ်ငန်းရှင်တွေကို အစိုးရက စည်းရုံးနေတာ၊ ဘောလုံးနဲ့ စည်းရုံးတာလည်း ဒီအတွက်ပဲ။ ခုလည်း ကားပြိုင်ကွင်း လုပ်တယ်တဲ။ ဗမာပြည်မှာ တခါမှ မလုပ်ဖူးတာတွေကို လုပ် နေတာ။ ဒါကိုပဲ တိုးတက်တယ်လို့ သူတို့က ဖုံးဖိပြီး ကာဗာလုပ်နေတာလေ” ဟု ပြောသည်။
“၀ိုင်ဖိုင်စနစ်နဲ့ အင်တာနက်သုံးခွင့် ပေးမယ်လို့လည်း ပြောတယ်ဗျ။ ဘာပဲဖြစ်ဖြစ် ပြိုင်ကားအားကစားထက် ဖျော်ဖြေရေးကိုပဲ ဦးစားပေးသွားမယ့် နေရာတခုတော့ သေချာပေါက် ဖြစ်လာမှာပဲလို့ မြင်တယ်” ဟု ၎င်းက ဆက်လက်ပြောဆိုသည်။
အဆိုပါ ယာဉ်မောင်းသင်ကွင်းကို အားကစားဝန်ကြီးဌာနအောက်တွင် ထားရှိမည်ဟု စုံစမ်းသိရှိရသည်။