မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

donderdag 5 november 2009

ကန်ပိုက်တီးနယ်စပ်ဂိတ် ဖြတ်ကျော်ခွင့် မြန်မာငွေ မယူဘဲ တရုတ်ငွေဖြင့် ကောက်ခံ

  

ပေါက်ပေါက် / ၅ နိုဝင်ဘာ ၂၀၀၉

ကချင်ပြည်နယ်၊ ဆဒုံးမြို့နယ်ခွဲ၊ ကန်ပိုက်တီးတွင် တာဝန်ကျသည့် လူဝင်မှု ကြီးကြပ်ရေးဌာန (လဝက) က နယ်စပ်ဖြတ်ကျော်ခွင့် စာအုပ်များကို တရုတ်ငွေ ယွမ် (၅ဝ) နှုန်းဖြင့် လုပ်ပေးနေပြီး ကျသင့်ငွေကို မြန်မာငွေဖြင့် လက်မခံကြောင်း သိရသည်။
ကန်ပိုက်တီး လဝက ဂိတ်တွင် လဝကအရာရှိ ဦးကျော်စိုးအောင်၊ ကိုယ်ပိုင်နံပါတ် (I-5960) က ဦးစီးနေပြီး လဝကဝန်ထမ်း (၅) ဦးခန့်ရှိကာ တရုတ်ပြည်ဘက်သို့ ဖြတ်ကျော်လိုသူများအနေဖြင့် နယ်စပ်ဖြတ်ကျော် စာအုပ်အနီများ ထုတ်ပေးရာတွင် တရုတ်ငွေ (၅ဝ) ယွမ်အစား မြန်မာငွေဖြင့် ပေးမည်ဆိုပါက လက်မခံဘဲ တရုတ်ငွေသာ ပြန်လဲခိုင်းနေကြောင်း နယ်စပ်ဖြတ်ကူးလာသည့် ဝိုင်းမော်မြို့သားတဦးက ပြောသည်။
၎င်းက “အခု ငွေဈေးနဲ့ဆို ဗမာငွေ (၇,၈ဝဝ) လောက်ကျမယ်၊ ကျပ် (၈) ထောင် ပေးရင်တောင် မရဘူး။ တရုတ်ငွေ သွားလဲဆိုပြီး လဲရမယ့်နေရာတောင် သူတို့က လမ်းညွှန်ပေးလိုက်သေးတယ်။ ဗမာပြည်ထဲမှာဖြစ်ပြီး အခုလို ဗမာငွေ လက်မခံတာတော့ အတော်ကို အံသြစရာဗျာ။ ဘာကြောင့် ဒီလို လက်မခံရသလဲဆိုတာ ကျနော်တို့လည်း ဘယ်မေးရဲမလဲ။ သွားလဲခိုင်းနေမှတော့ ဗမာငွေ မရချင်လို့ပေါ့။ ကျနော်တယောက်တည်း မဟုတ်ဘူး။ အားလုံးကို ဒီလိုပဲ ဗမာငွေ မယူဘူး။ တရုတ်ငွေပဲ ယူနေတာ” ဟု ပြောသည်။
ဝိုင်းမော်၊ မြစ်ကြီးနားအပါအဝင် ကချင်ပြည်နယ်အတွင်းမှ ဒေသခံများမှာ ကချင်ပြည်လွတ်လပ်ရေးအဖွဲ့ ထိန်းချုပ်ရာ မိုးမောက်မြို့နယ်၊ လိုင်ဇာမှလည်းကောင်း၊ လွယ်ဂျယ်မြို့မှလည်းကောင်း တရုတ်ပြည်ဘက်သို့ ဖြတ်သန်းသွားလာမှုများ ရှိနေခဲ့ရာ အောက်တိုဘာ (၁) ရက်တွင် ဖွင့်လှစ်ခဲ့သည့် ကန်ပိုက်တီး နယ်စပ်ကုန်သွယ်ရေးစခန်းမှတဆင့် တဖက် တရုတ်ပြည် ထိန်ချုံးမြို့သို့ လာရောက်မှုများ ယခင်ထက် ပိုများလာသည်ဟု ထိန်ချုံးဒေသခံတဦးက ပြောသည်။
၎င်းက “ဂိတ်ဖွင့်တဲ့နောက်ပိုင်းတော့ အဝင်အထွက် နည်းနည်းပိုရှိလာတယ်။ အဓိကတော့ ဆိုင်ကယ် လာဝယ်ကြတာ များတယ်။ အချို့လည်း ဒီဘက်ထဲ ဆေးလာကုကြတာ။ ဗမာပြည်က တရုတ်တွေလည်း ဒီထိန်ချုံးကို အလာများတယ်။ ဘာကြောင့်လဲဆိုတော့ အမျိုးတွေက ဒီမှာ ရှိနေတာလေ။ မော်စီတုန်း အာဏာရတဲ့ ၁၉၄၉-၅ဝ တုန်းက တကြိမ်၊ ၁၉၆ဝ ယဉ်ကျေးမှုတော်လှန်ရေးတုန်းက တကြိမ် ဒီထိန်ချုံးက မြေရှင်ယာရှင် တရုတ်တွေ ဗမာပြည်ထဲ ထွက်ပြေးရတာတွေ ရှိခဲ့တယ်။ အခုတော့ ပြန်လာလည်တာမျိုးတွေ ရှိနေတာ” ဟု တရုတ်ပြည် ထိန်ချုံးဒေသခံတဦးက ပြောသည်။
မူဆယ်၊ လွယ်ဂျယ်နှင့် လိုင်ဇာ ဝင်ပေါက်တို့မှတဆင့် တရုတ်ပြည်ထဲဝင်ရောက်ရာတွင် တနှစ်သက်တမ်း အသုံးပြုခွင့်ရှိသည့် နယ်စပ်ဖြတ်ကျော်စာအုပ်လုပ်ခမှာ တနေရာနှင့်တနေရာ မတူဘဲ ကျပ် (၃,ဝဝဝ) မှ ကျပ် (၆,ဝဝဝ) အထိရှိပြီး မြန်မာငွေဖြင့်သာ ပေးဆောင်ရသည်။

Geen opmerkingen: