မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

donderdag 16 juni 2011

ဒုတိယမြောက်ဘန်ကီမွန်းနှင့်မြန်မာ့အရေး

ကျော်မိုးဝေ ကြာသပတေးနေ့၊ ဇွန်လ ၁၆ ရက် ၂၀၁၁ ခုနှစ် ၁၃ နာရီ ၄၈ မိနစ် .
ကုလအတွင်းရေးမှူးချုပ်မစ္စတာဘန်ကီမွန်းဟာဒုတိယအကြိမ်ရာထူးသက်တမ်းအရွေးခံမယ်လို့ အမေရိကန်နိုင်ငံနယူးယောက်ရှိကုလရုံးမှာဇွန်၆ရက်နေ့ကကျေညာခဲ့ပါတယ်။နောက်တကြိမ် တာဝန်ကျေအောင်ထမ်းပါ့မယ်ဆိုပြီးကုလအဖွဲ့ဝင်၁၉၂နိုင်ငံကိုစာပို့ထားပါတယ်။၂ဝဝ၇ဇန်နဝါရီ၁ ရက်နေ့မှာအထွေထွေအတွင်းရေးမှူးချုပ်တာဝန်ကိုစယူခဲ့ပြီးဒီနှစ်ကုန်မှာပထမသက်တမ်းကုန်ဆုံးပါမယ်။
၂ဝဝ၈မေလဆန်းမှာဖြစ်ခဲ့တဲ့မြန်မာနိုင်ငံနာဂစ်ဆိုင်ကလုန်းကိစ္စအပါအဝင်ဟေတီ၊ပါကစ္စတန်စတဲ့ နိုင်ငံတွေမှာဖြစ်ခဲ့တဲ့သဘာဝဘေးအန္တရာယ်ကူညီကယ်ဆယ်ရေးကိစ္စတွေ၊ကမ္ဘာ့လူထုဆင်းရဲကျပ်တည်းမှု အတွက်ဆောင်ရွက်ပေးနိုင်ခဲ့လို့ဒုတိယ၅နှစ်သက်တမ်းအတွက်အရွေးချယ်ခံသင့်တယ်လို့မစ္စတာဘန်က ပြောပါတယ်။ အခုထိ သူနဲ့ ယှဉ်အရွေးခံမယ့် ပြိုင်ဘက်မရှိသေးပါဘူး။လုံခြုံရေးကောင်စီဝင်၁၅ နိုင်ငံရဲ့ သဘောတူညီချက်ကိုရပြီးပါပြီ။ကျန်နိုင်ငံတွေရဲ့မဲတွေဟာဇွန်လထဲမှာအပြီးသတ်ရမှာပါ။အဖြေအတိအကျ မထွက်သေးပေမယ့်ပြန်အရွေးခံရဖို့ ရာနှုန်းပြည့် သေချာတယ်လို့ လုံခြုံရေးကောင်စီဝင် တနိုင်ငံရဲ့ ကိုယ်စားလှယ်က ဆိုထားပါတယ်။
ပြန်အရွေးခံဖို့ပြောတဲ့အပေါ်အမေရိကန်သမ္မတမစ္စတာအိုဘားမားကကြိုဆိုထောက်ခံပြီးတော့ အိမ်ဖြူတော်ကပါဇွန်၇ရက်နေ့စွဲနဲ့ကျေညာချက်ထုတ်ပြန်ခဲ့ပါတယ်။ကြေညာချက်ထဲမှာကုလဟာ ပြီးပြည့်စုံတဲ့အဖွဲ့တခုမဟုတ်ပေမယ့်ကမာ့္ဘကြီးအတွက်အရေးပါတဲ့ဌာနကြီးဖြစ်ကြောင်းနဲ့ ၁ဝ နှစ်ကျော်အတွင်းအဖွဲ့ရဲ့အသုံးစရိတ်ငွေပမာဏကိုမစ္စတာဘန်လက်ထက်မှာလျှော့ချနိုင်ခဲ့ကြောင်း ရေးထားပါတယ်။ဒါ့အပြင်ဟေတီ၊အိုင်ဗရီကို့စ်၊လစ်ဗျားနဲ့ဆူဒန်တောင်ပိုင်းကိစ္စအပါအဝင်ကမ္ဘာ့အခက်အခဲ၊ အကျပ်အတည်းတွေအတွက် ကုလသမဂ္ဂဟာ ပါဝင်ဦးဆောင်ခဲ့ပြီး၊ မစ္စတာဘန်ကလည်း အရေးကြီးတဲ့ ပြုပြင်ပြောင်းလဲမှုတွေကိုလုပ်ဆောင်ခဲ့သူ၊ကုလရဲ့ထိပ်တန်းနေရာတွေမှာအမျိုးသမီးတွေ နေရာရရေးအတွက် စွမ်းဆောင်ပေးနိုင်ခဲ့တယ်လို့ ပါရှိပါတယ်။
ကြေညာချက်ထဲမှာကုလဟာပြီးပြည့်စုံတဲ့အဖွဲ့တခုမဟုတ်ပေမယ့်ကမာ့္ဘကြီးအတွက်အရေးပါတဲ့ ဌာနကြီးဖြစ်ကြောင်းနဲ့၁ဝနှစ်ကျော်အတွင်း အဖွဲ့ရဲ့အသုံးစရိတ်ငွေပမာဏကိုမစ္စတာဘန်လက်ထက်မှာ လျှော့ချနိုင်ခဲ့ကြောင်း ရေးထားပါတယ်။
နောက်သက်တမ်းမှာကုလသမဂ္ဂအသုံးစရိတ်တွေကိုအခုထက်လျှော့ချဖို့၊ဗျူရိုကရေစီစနစ်နဲ့ ထိန်းချုပ်မှုတွေကို ပိုလျှော့ဖို့၊ ထိရောက်တဲ့ တိုးတက်မှုတွေ ဆောင်ကြဉ်းဖို့ တိုက်တွန်းထားပါတယ်။
ပြင်သစ်နိုင်ငံခြားရေးဝန်ကြီးအလန်ဂျူပီကမစ္စတာဘန်ဟာအကျပ်အတည်းကာလမှာ သတ္တိနဲ့ ဆုံးဖြတ်ချက် ခိုင်မာမှုတွေပြခဲ့ပြီးဖြစ်တယ်၊နောက်သက်တမ်းမှာလည်းအဲဒါတွေ ထပ်ပြဖို့ သံသယမရှိလို့ ဆိုပါတယ်။ တရုတ်ရဲ့အမြဲတမ်းကုလကိုယ်စားလှယ်လီဘောဒုန်းကလွန်ခဲ့တဲ့၅နှစ်မှာကုလအတွင်းရေးချုပ်အဖြစ် တာဝန်ယူခဲ့တဲ့အာရှနိုင်ငံကမစ္စတာဘန်ဟာနိုင်ငံတကာကိစ္စရပ်တွေမှာကုလအခန်းကဏ္ဍ ပိုအားကောင်းလာဖို့အဓိကပံ့ပိုးခဲ့တယ်၊တရုတ်နိုင်ငံကလည်းမစ္စတာဘန်ရဲ့လုပ်ရပ်အပေါ်ကျေနပ်တယ်၊ နောက်သက်တမ်းအတွက်ထောက်ခံတယ်၊တခြားနိုင်ငံတွေရဲ့ထောက်ခံမှုကိုအကျယ်အပြန့်ရရှိဖို့ မျှော်လင့်တယ်လို့ ဆိုတယ်။ တခြားလုံခြုံရေး ကောင်စီဝင် ဗြိတိန်နဲ့ ရုရှားလည်း အရွေးချယ်ခံလိုမှုအပေါ် ထောက်ခံကြပါတယ်။
ဝေဖန်သူတွေကတော့မစ္စတာဘန်ဟာနိုင်ငံတကာနဲ့ဆက်ဆံရေးမှာထင်ထင်ပေါ်ပေါ်၊ထဲထဲဝင်ဝင် မဆောင်ရွက်ဘူးလို့ဆိုပါတယ်။အမေရိကန်အပေါ်မှာဘက်လိုက်မှုရှိတယ်၊တရုတ်နဲ့ရုရှားလို သြဇာရှိတဲ့ နိုင်ငံတွေရဲ့လူ့အခွင့်အရေးချိုးဖောက်မှုတွေကိုဝေဖန်ထောက်ပြမှုမရှိဘူး၊နှုတ်ဆိတ်တယ်လို့ ပြောပါတယ်။ တရုတ်အစိုးရက ဖမ်းဆီးထောင်ချထားတဲ့ငြိမ်းချမ်းရေးနိုဗယ်လ်ဆုရှင် လူရှောင်ဘိုကို ချီးမွမ်းပြောဆိုတာမျိုး မတွေ့ရဘူး၊ပြန်လွှတ်ပေးဖို့ပြောဆိုတာလည်းမတွေ့ရဘူး၊တရုတ်သမ္မတဟူကျင်တောင်နဲ့ လူချင်းတွေ့တဲ့အခါ လူရှောင်ဘိုကိစ္စ တခွန်းတပါဒမှ မပြောဘူးလို့ ဝေဖန်ပါတယ်။ သူဟာ ကမ္ဘာကြီး ပူနွေးလာမှုနဲ့ ပတ်သက်တဲ့ လှုပ်ရှားမှုတွေအတွက် နာမည်ရခဲ့ပေမယ့် ၂ဝဝ၉ ခုနှစ်မှာ ကိုပင်ဟေဂင် ရာသီဥတု ထိပ်သီးအစည်းအဝေး မအောင်မြင်ခဲ့တဲ့အတွက် မျက်နှာပျက်ခဲ့ရပါတယ်။
ဒါပေမဲ့၂ဝ၁၁အစောပိုင်းကမြောက်အာဖရိကနဲ့အရှေ့အလယ်ပိုင်းမှာဖြစ်ပွားခဲ့တဲ့ ဒီမိုကရေစီလှုပ်ရှားမှုတွေမှာ မစ္စတာဘန်ဟာဆန္ဒပြတောင်းဆိုတဲ့ပြည်သူတွေဘက်ကနေ ဘယ်တော့အခါမှ မတူတဲ့သူရဲ့ထောက်ခံမှုကိုအခိုင်အမာပြသခဲ့ပါတယ်။ လစ်ဗျားခေါင်းဆောင် ကဒါဖီကိုလည်း အပြင်းအထန် သတိပေး ပြောဆိုခဲ့ပါတယ်။ အီဂျစ်နဲ့ တူနီးရှားဆီ ကိုယ်တိုင်သွားပြီး ပြဿနာအပေါ်မှာ အဖြေထုတ်နိုင်ဖို့ အမေရိကန်သမ္မတအိုဘားမား၊ပြင်သစ်သမ္မတနီကိုလတ်ဆာကော်ဇီ၊နေတိုးဥက္ကဋ္ဌနဲ့ တွေ့ဆုံဆွေးနွေးခဲ့ပါတယ်။ဒါတွေဟာဘန်ကိုနိုင်ငံတကာရေးရာတွေမှာဆက်ပြီးခေါင်းဆောင်မှုပေးဖို့နဲ့ ပြန်အရွေးချယ်ခံရဖို့ လုံလောက်တဲ့ အကြောင်းအရင်းတွေပါ။ တချိန်က မစ္စတာဘန်ကို လူ့အခွင့်အရေး ချိုးဖောက်မှုတွေမှာနှုတ်ဆိတ်နေတာတွေကိုဝေဖန်ထောက်ပြခဲ့တဲ့လူ့အခွင့်အရေးလှုပ်ရှားတဲ့ အဖွဲ့တွေကိုယ်တိုင်သူရဲ့လစ်ဗျား၊အီဂျစ်၊ကော်စတာရီကာနိုင်ငံတွေဆီကလူ့အခွင့်အရေး ချိုးဖောက်မှုတွေကို ပိုပြီးတော့ ပြောဆိုလာခဲ့တယ်လို့ ဝန်ခံလာခဲ့ရပါတယ်။
မစ္စတာဘန်ကသူပြန်အရွေးချယ်ခံရရင်၅နှစ်သက်တမ်းအတွင်းကမ္ဘာ့ရာသီဥတုပြောင်းလဲမှုအပေါ် အဓိကဦးစားပေး ဆောင်ရွက်မယ်လို့ ဆိုတယ်။နောက်ပြီးလုံခြုံရေး၊ဖွံ့ဖြိုးတိုးတက်ရေးနဲ့ လူ့အခွင့်အရေး အဲဒီ ၃ခုအပေါ်မှာကုလအနေနဲ့အားဖြည့်ဆောင်ရွက်မယ်လို့လည်းပြောပါတယ်။ တခြားကိစ္စတွေအနေနဲ့ကတော့ မြောက်အာဖရိကနဲ့ အရှေ့အလယ်ပိုင်းမှာ မပြီးပြတ်သေးတဲ့ဒီမိုကရက်တိုက်ဇေးရှင်း လုပ်ငန်းတွေနဲ့ ဆူဒန်အရေးကိစ္စတွေ ရှိနေမှာပါ။
လစ်ဗျားခေါင်းဆောင် ကဒါဖီကိုလည်းအပြင်းအထန်သတိပေးပြောဆိုခဲ့ပါတယ်။အီဂျစ်နဲ့တူနီးရှားဆီ ကိုယ်တိုင် သွားပြီး ပြဿနာအပေါ်မှာ အဖြေ ထုတ်နိုင်ဖို့ အမေရိကန်သမ္မတ အိုဘားမား၊ပြင်သစ်သမ္မတ နီကိုလတ်ဆာ ကော်ဇီ၊နေတိုးဥက္ကဋ္ဌနဲ့ တွေ့ဆုံ ဆွေးနွေးခဲ့ပါတယ်။
သူဟာ အတွင်းရေးမှူးချုပ် မဖြစ်ခင်ကတောင်ကိုးရီးယားနိုင်ငံခြားရေးဝန်ကြီး ဖြစ်ခဲ့ပါတယ်။ မြန်မာနိုင်ငံသား ဦးသန့်ပြီးရင် အာရှတိုက်ကနေ ဒုတိယမြောက်ကုလအတွင်းရေးမှူးချုပ် ဖြစ်လာသူပါ။ဒီရာထူးကို၂ဝဝ၇ ခုနှစ်မှာကိုဖီအာနန်ဆီကနေလွှဲပြောင်းယူခဲ့ပါတယ်။၁၉၆ဝ ပြည့်နှစ်မှာဆိုးလ်အမျိုးသား တက္ကသိုလ်မှာ တက်ရောက်ခဲ့ပြီး၊ ဒီမိုကရေစီလှုပ်ရှားမှုတွေမှာပါဝင်ခဲ့ပါတယ်။ကိုးရီးယားနိုင်ငံခြားရေးဌာနမှာ၃၆ နှစ်ကြာတာဝန်ယူရင်းအရည်အချင်းထက်မြက်ထူးချွန်မှုနဲ့နိုင်ငံတကာဆက်ဆံရေးနယ်ပယ်မှာ အတွေ့အကြုံများတာကြောင့် ကုလတွင်းချုပ်အဖြစ်
ရွေးချယ်ခံခဲ့ရတာ ဖြစ်ပါတယ်။ဒါပေမဲ့ မစ္စတာဘန်ဟာ မြန်မာ့အရေးနဲ့ ပတ်သက်ပြီး သိပ်စွံတဲ့သူတော့ မဟုတ်ပါဘူး။ ဇွန်လ ၆ ရက်မှာ သူက ဒုတိယ သက်တမ်းအတွက် ကျေညာစဉ်က မြန်မာနိုင်ငံအတွက် လုပ်ကိုင်ပေးခဲ့တာတွေကိုပါ ထည့်ပြောသွားခဲ့ပါတယ်။ မကြာသေးခင်က ကျင်းပခဲ့တဲ့ မြန်မာမိတ်ဆွေများ အုပ်စု ဆွေးနွေးပွဲ ကျေညာချက်ထုတ်ရာမှာလည်း ကုလဟာ
မြန်မာ့ဒီမိုကရေစီရေးနဲ့ ငြိမ်းချမ်းရေး လုပ်ဆောင်ချက်တွေမှာ ဆက်ပြီး ပူးပေါင်းဆောင်ရွက်မယ်လို့ ပြောခဲ့ပါတယ်။ လူပေါင်း တသိန်းသုံးသောင်းကျော် သေဆုံးခဲ့ပြီး၊ သန်းချီ အိုးမဲ့အိမ်မဲ့ဖြစ်ခဲ့ရတဲ့ နာဂစ် ဆိုင်ကလုန်းမုန်တိုင်း ဒုက္ခသည်တွေအတွက် နိုင်ငံတကာ အကူအညီတွေ မြန်မာနိုင်ငံဆီ ပြန်ဝင်နိုင်ဖို့ ဆောင်ရွက်ပေးနိုင်တာတွေ ရှိခဲ့ပါတယ်။ ဒါပေမဲ့ ၂ဝဝ၇ စက်တင်ဘာမှာ ဖြစ်ခဲ့တဲ့ ရွှေဝါရောင် တော်လှန်ရေးကို စစ်အစိုးရက အကြမ်းဖက်
နှိမ်နင်းတဲ့နောက် မြန်မာနိုင်ငံဆိုင်ရာ အထူးကိုယ်စားလှယ် မစ္စတာ အီဗရာဟမ် ဂမ်ဘာရီကို စေလွှတ်ပြီး၊ အာဏာပိုင်တွေနဲ့ ဆွေးနွေးစေခဲ့ပေမယ့် သိသာတဲ့ အပြောင်းအလဲတွေ လုပ်ဆောင်နိုင်တာ မရှိခဲ့ဘူးလို့ သုံးသပ်ကြပါတယ်။
မြန်မာနိုင်ငံကို၂ဝဝ၈နာဂစ်အလွန်တကြိမ်၊၂ဝဝ၉ခုနှစ်မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နေအိမ်ထဲ အမေရိကန်နိုင်ငံသား ဝင်ရောက်ပြီးနောက် တကြိမ်ရောက်လာပြီး၊ ဗိုလ်ချုပ်မှူးကြီးသန်းရွှေနဲ့ဆွေးနွေးခဲ့ပါတယ်။ဒီခရီးစဉ်တွေမှာဒေါ်အောင်ဆန်းစုကြည်နဲ့ တွေ့ဆုံဖို့ ဗိုလ်ချုပ်မှူးကြီးဆီတောင်းဆိုခဲ့ပေမယ့်မအောင်မြင်ခဲ့ပါဘူး။မစ္စတာဂမ်ဘာရီဟာ၂ဝဝ၉ ခုနှစ်မှာ မြန်မာနိုင်ငံဆိုင်ရာကိုယ်စားလှယ်အဖြစ်အနားယူပြီးနောက်မစ္စတာဘန်ဟာ သူရဲ့ လက်ထောက်အရာရှိချုပ် အိန္ဒိယနိုင်ငံသား မစ္စတာနမ်ဘီးယားကို မြန်မာဆိုင်ရာ ယာယီကိုယ်စားလှယ် တာဝန်ပေးခဲ့ပါတယ်။
မစ္စတာဘန်ဟာမြန်မာ့အရေးမှာသံအဖွဲ့တွေ စေလွှတ်ရုံကလွှဲပြီး မြန်မာ စစ်အစိုးရတွေအပေါ်မှာ ဖိအားပေး၊
တောင်းဆိုမှုတွေ မလုပ်နိုင်ခဲ့သလို တိုးတက်ပြောင်းလဲမှုတွေလည်း မလုပ်နိုင်ခဲ့ပါဘူး။ သံအဖွဲ့တွေ စေလွတ်တာကမြန်မာအစိုးရအပေါ်အရေးယူပိတ်ဆို့မှုတွေ မလုပ်နိုင်အောင်လုံခြုံရေးကောင်စီမှာ တရုတ်နဲ့ ရုရှား အသုံးပြုတဲ့မူဝါဒတွေလို့သုံးသပ်တာတွေလည်းရှိပါတယ်။ဒါ့အပြင်သံအဖွဲ့တွေစေလွှတ်တဲ့ လုပ်ငန်းစဉ်နဲ့ ပတ်သက်ပြီးကောင်စီမှာ အခြေခံ ချို့ယွင်းအားနည်းချက်တွေ ရှိနေတဲ့အတွက် သူ့အနေနဲ့ အောင်မြင်မှု မရခဲ့တာလို့လည်း ရှုမြင်ကြပါတယ်။
တရုတ်အစိုးရကဖမ်းဆီးထောင်ချထားတဲ့ငြိမ်းချမ်းရေးနိုဗယ်လ်ဆုရှင် လူရှောင်ဘို ကို ချီးမွမ်းပြောဆိုတာမျိုး မတွေ့ရဘူး၊ ပြန်လွှတ်ပေးဖို့ ပြောဆိုတာ လည်း မတွေ့ရဘူး၊အခုတဖန် ဒုတိယသက်တမ်း အရွေးချယ်ခံဖို့ ပြောဆိုတဲ့အပေါ် အမျိုးသား ဒီမိုကရေစီအဖွဲ့ချုပ်ဒုဥက္ကဋ္ဌဦးတင်ဦးက သူဟာ ဒုတိယသက်တမ်း အရွေးခံရဖို့၊ တရုတ်နိုင်ငံရဲ့ ထောက်ခံမှုရဖို့အတွက် မြန်မာ့အရေးကို ထိထိရောက်ရောက် လုပ်ဆောင်ခဲ့တာ မရှိဘူး၊ ဒါပေမဲ့ ဒုတိယသက်တမ်းမှာ ဒီကိစ္စကို ဖိဖိစီးစီး ကြိုးစားချင်လည်း ကြိုးစားမယ်လို့ ဧရာဝတီသတင်းဌာနနဲ့ အင်တာဗျူးမှာ ပြောဆိုသွားခဲ့ပါတယ်။
စာရေးဆရာကြီး လူထုစိန်ဝင်းကတော့ မစ္စတာဘန်ရဲ့ ၂ဝဝ၉ မြန်မာခရီးစဉ်မတိုင်မီ သုံးသပ်ပြတာက ခရီးစဉ်အတွင်း ဘာဆိုဘာမှ မဖြစ်လာဘူး၊ ဂုဏ်ထူးဆောင် စာရေးတော်ကြီးသာဖြစ်ပြီး ကုလသမဂ္ဂအနေနဲ့ မစွမ်းဆောင်နိုင်ဘူး ဆိုတာရဲ့ ထင်ရှားတဲ့ သက်သေပြချက်တခုလို့ သူမှတ်ယူတယ်လို့ ပြောဆိုခဲ့ပါတယ်။
ဒေါ်အောင်ဆန်းစုကြည်ကလည်းကုလသမဂ္ဂအနေနဲ့ဖြစ်နိုင်သမျှအမြန်ဆုံးအချိန်ပြည့် သံတမန်တဦးခန့်အပ်ဖို့ မစ္စတာဘန်ရဲ့လက်ထောက်အရာရှိချုပ်မစ္စတာနမ်ဘီးယားရဲ့ မြန်မာပြည်ခရီးစဉ်မှာ ပြောခဲ့ပါတယ်။အဲဒီလိုတာဝန်သိတဲ့ပုဂ္ဂိုလ်တဦးကိုခန့်ထားနိုင်ရင်မြန်မာနိုင်ငံအခြေအနေကို အတွင်းရေးမှူးချုပ်အနေနဲ့ အတိအကျ သိရှိနေမယ်လို့လည်း ဆိုခဲ့ပါတယ်။
မြန်မာအရေး လှုပ်ရှားသူတွေ၊ နိုင်ငံရေး သုံးသပ်သူတွေက မစ္စတာဘန်ဟာ စစ်အစိုးရ ကျူးလွန်နေတဲ့ လူ့အခွင့်အရေး ချိုးဖောက်မှုတွေကို မှေးမှိန်အောင် တမင်ကြိုးပမ်းအားထုတ်နေတယ်၊ မြန်မာပြည် လူ့အခွင့်အရေးဆိုင်ရာ ကုလ အထူးကိုယ်စားလှယ် မစ္စတာကင်တားနားရဲ့ ၂ဝ၁ဝ နှစ်ဆန်းမှာ တင်ပြခဲ့တဲ့ ထောက်ခံတင်ပြချက်တွေကိုလည်း မစ္စတာဘန်ရဲ့ အစီအရင်စာမှာ ထည့်သွင်းဖို့ ပျက်ကွက်ခဲ့တယ်၊ မြန်မာ့ဒီမိုကရေစီရေးအတွက် တက်တက်ကြွကြွ လုပ်ဆောင်ခဲ့တာ မရှိဘူးလို့ ဝေဖန်ကြပါတယ်။
မစ္စတာနမ်ဘီးယားက ကုလသမဂ္ဂ ဦးဆောင်တဲ့ မြန်မာမိတ်ဆွေများ အုပ်စုရဲ့ ပထမဆုံးအကြိမ် ကျင်းပတဲ့ ဆွေးနွေးပွဲမှာ သူရဲ့ မြန်မာပြည်ခရီးစဉ်အတွင်း နိုင်ငံတော်သမ္မတ အကြံပေးအဖွဲ့နဲ့ တွေ့ဆုံတဲ့အခါ မြန်မာနိုင်ငံမှာ အမှန်တကယ် ပြုပြင်ပြောင်းလဲရေး လုပ်ငန်းတွေ လုပ်ဆောင်နေတယ်ဆိုတာ နိုင်ငံကြီးတွေ သိရှိ လက်ခံလာစေဖို့ သိသာထင်ရှားတဲ့ တိုးတက်မှုတွေကို ပြသဖို့လိုတဲ့အကြောင်းနဲ့ တဦးနဲ့တဦး နားလည်မှုတွေ ပိုမိုတိုးမြှင့်ရရှိဖို့အတွက် ကုလသမဂ္ဂက ဦးဆောင်ပြီးတော့ စားပွဲဝိုင်းဆွေးနွေးပွဲတွေ ပြုလုပ်နေတဲ့အကြောင်းသာမက အဲဒီဆွေးနွေးပွဲတွေကို ပါဝင်ခြင်းအားဖြင့်
မြန်မာနိုင်ငံအပေါ်နားလည်မှုပိုမိုတိုးပွားလာနိုင်တဲ့အတွက်ပါဝင်တက်ရောက်စေလိုတယ်ဟုပြောခဲ့ပါတယ်။ မစ္စတာဘန်ကလည်းအဲဒီဆွေးနွေးပွဲပြီးတဲ့နောက်သူ့ကျေညာချက်မှာမြန်မာနိုင်ငံဟာရှေ့သို့ တိုးတက်ရွေ့လျားလိုရင်နိုင်ငံ့အနာဂတ် တည်ဆောက်ရေးမှာ နိုင်ငံသားအားလုံး ပါဝင်ခွင့် ပြုသင့်တယ်လို့ ဖော်ပြခဲ့ပါတယ်။ အဲဒီ မြန်မာမိတ်ဆွေများ အုပ်စုမှာ သြစတြေးလျ၊ အင်ဒိုနီးရှား၊ ရုရှား၊ အမေရိကန်၊ တရုတ်၊ ဂျပန်၊ စင်္ကာပူ၊ ဗီယက်နမ်၊ ပြင်သစ်၊ နော်ဝေး၊ ထိုင်း၊ အိန္ဒိယ၊ ပေါ်တူဂီနဲ့ ဗြိတိသျှ စုစုပေါင်း ၁၄ နိုင်ငံ ပါဝင်ပါတယ်။
ကုလသမဂ္ဂကတော့မြန်မာအစိုးရသစ်ဟာသူတို့နဲ့ ပိုပြီး အနီးကပ် ပူးပေါင်းဆောင်ရွက်လိုတဲ့ ဆန္ဒရှိတယ်လို့ ယူဆနေပုံပါပဲ။ ဒါကြောင့် အတွင်းရေးမှူးချုပ်ရုံးချုပ်က အချိန်ပြည့် ကုလသံတမန်သစ်ကို သတ်မှတ်ထားတဲ့ အချိန်မှာခန့်အပ်နိုင်တော့မည်လို့ပြောဆိုလာပါတယ်။မြန်မာအစိုးရတက်လာပြီးတဲ့နောက်မှာ ကုလအပါအဝင် နိုင်ငံတကာ အဖွဲ့အစည်းတွေ၊ နိုင်ငံကြီး နိုင်ငံငယ်တွေအားလုံးနဲ့ ဆက်ဆံရေး ကောင်းမွန်ဖို့ ကြိုးပမ်းလာတာတွေ တွေ့ရပါတယ်။
မစ္စတာဘန်ဟာမြန်မာ့အရေးမှာသံအဖွဲ့တွေစေလွှတ်ရုံကလွှဲပြီး မြန်မာ စစ်အစိုးရတွေ အပေါ်မှာ ဖိအားပေး၊
တောင်းဆိုမှုတွေ မလုပ်နိုင်ခဲ့သလို တိုးတက်ပြောင်းလဲမှုတွေလည်း မလုပ်နိုင်ခဲ့ပါဘူး။
နိုင်ငံတကာ သံတမန်တွေနဲ့ တွေ့ဆုံတဲ့အခါ မြန်မာအစိုးရ ဝန်ကြီးတွေဟာ ပြုပြင်ပြောင်းလဲရေးတွေ လုပ်နေပါပြီ၊ တဖြည်းဖြည်းတော့ အချိန်ယူရပါဦးမယ် စတဲ့ နားဝင်ချိုဖွယ် စကားလုံးတွေကို ဖောဖောသီသီ သုံးလာပါတယ်။ ဒါပေမဲ့ လက်ရှိ အခြေအနေကတော့ မပြောင်းအလဲ မတွေ့ရသေးပါဘူး။ တိုင်းရင်းသား လူမျိုးတွေကို စစ်ရေးအရ ထိုးစစ် ဆင်လာတာတွေကို ဖြည်းဖြည်းနဲ့ မှန်မှန် ပြုလုပ်လာတွေကို တွေ့ရပါတယ်။ မြန်မာအစိုးရ လိုချင်တာကပြုပြင်ပြောင်းလဲရေးထက် တရားဝင် ရပ်တည်ခွင့် ရရှိရေးသာ ဖြစ်ပါတယ်။တရားဝင်ရပ်တည်ခွင့်အာဏာရရှိမယ်ဆိုရင်ကုလအပါအဝင်နိုင်ငံကြီးငယ် ဟူသမျှကို အသုံးချသွားမှာပါ။ တရုတ်ရဲ့တဖြည်းဖြည်းကြီးမားလာတဲ့သြဇာနယ်ပယ်အရိပ်ကို ခိုလှုံပြီးတော့ ကုလ၊ အာဆီယံ၊ အမေရိကန်နဲ့အိန္ဒိယကိုပထဝီနိုင်ငံရေးအရအရေးပါမှုနဲ့ ကစားသွားမှာပါ။ တရုတ်နဲ့ အနီးကပ် ဆက်ဆံရေးထူထောင်ထားနိုင်တာကမြန်မာအစိုးရအတွက်ဗီတိုတမရနေသလိုပါပဲ။ ကုလလုံခြုံရေးကောင်စီကိုလည်းသိပ်ဂရုစိုက်စရာမလိုတဲ့သဘော ရှိပါတယ်။ တရုတ်သြဇာကို အလွန်အမင်း မှီခိုထားတာကတော့ မြန်မာပြည်သူတွေအတွက် စိတ်မသက်သာစရာပါ။ ရေရှည်မှာ ဒုက္ခရောက်ဖို့ အလားအလာ ရှိပါတယ်လို့ သုံးသပ်မှုတွေ ရှိပါတယ်။
ဒါကြောင့်မြန်မာအရေးကိုကုလသမဂ္ဂကဖြေရှင်းနိုင်မယ်ဆိုတဲ့စဉ်းစားချက်ဟာနိုင်ငံကြီးတွေရဲ့ မြန်မာနိုင်ငံအပေါ်ထားရှိတဲ့မူဝါဒတွေနဲ့သက်ဆိုင်နေမယ်လို့ ယူဆရပါတယ်။မစ္စတာဘန်အနေနဲ့ မြန်မာ့အရေးကိုနိုင်ငံတကာစိတ်ဝင်စားမှုရရှိဖို့ကြိုးပမ်းနိုင်ရုံကလွဲပြီးတောသူအနေနဲ့ ဒီ့ထက်စွမ်းဆောင်ပြနိုင်မယ်လို့လည်း မယူဆစေလိုပါ။ ကုလသမဂ္ဂကို ဦးတိုက်ပြီး မြန်မာ့အရေးကို ဖြေရှင်းဖို့ ကြိုးပမ်းကြမယ်ဆိုရင် ကုလသမဂ္ဂကို ပထမဦးဆုံး ပြုပြင်ပြောင်းလဲရေး လုပ်ရမယ် ထင်ပါတယ်။ ဒါကြောင့် မစ္စတာဘန်ဟာ ဒုတိယအကြိမ် အရွေးခံရရင်တောင်မြန်မာနိုင်ငံ ပြုပြင်ပြောင်းလဲရေးအတွက် သူ့အပေါ် သိပ်ပြီး မမျှော်လင့်သင့်ဘူးလို့ပဲ ပြောလိုပါတယ်။





Geen opmerkingen: