မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

woensdag 8 juni 2011

အထည်ချုပ်လုပ်သား၁၀၀အလုပ်ထွက်

ကျော်ခ ဗုဒ္ဓဟူးနေ့၊ ဇွန်လ ၀၈ ရက် ၂၀၁၁ ခုနှစ် ၂၁ နာရီ ၁၈ မိနစ် .
ချင်းမိုင်(မဇ္ဈိမ)။ ။လုပ်ခအပြည့်မရသဖြင့်ရန်ကုန်တိုင်းလှိုင်သာယာစက်မှုဇုန်၎ရှိTailorGarment အထည်ချုပ်စက်ရုံအလုပ်သမား၁ဝ၁ဦးကတပြိုင်တည်းအလုပ်ထွက်မှုလွန်ခဲ့သည့်တနင်္လာနေ့က ဖြစ်ပွားခဲ့သည်။
အလုပ်သမတဦးလျှင်အခြခံလစာ၃၈,၂ဝဝကျပ်သတ်မှတ်ပေးသော်လည်းမေလအတွက်ထုတ်ပေးသည့် လစာ၌မူချုပ်ထည်အရေအတွက်မပြည့်ဟုဆိုကာတဦးလျှင်ပျမ်းမျှကျပ်၁၅,ဝဝဝခန့်အဖြတ်ခံရပြီးနောက် အလုပ်သမားများ၏မကျေနပ်မှုစတင်ခဲ့သည်။ထို့နောက်လုပ်ခလျှော့ချခံရမှုကိုတိုးမြှင့်ပေးရန်၊စနေ တနင်္ဂနွေတွင်အားလပ်ချိန်ပေးရန်နှင့်အချိန်ပိုကြေးများထိုက်တန်စွာပေးရန်တောင်းဆိုမှုကို အလုပ်ရှင်ဘက်မှမလိုက်လျောခဲ့ဟုအလုပ်သမားများဘက်ကကူညီဆောင်ရွက်ပေးသူရှေ့နေဦးဖိုးဖြူက ပြောသည်။
အလုပ်သမား၁ဝ၁ဦးကတပြိုင်တည်းအလုပ်ထွက်မှုလွန်ခဲ့သည့်တနင်္လာနေ့ကလှိုင်သာယာစက်မှုဇုန်၎ရှိ TailorGarmentအထည်ချုပ်စက်ရုံတွင်ဖြစ်ပွား(ဓါတ်ပုံ မဇ္ဈိမ)
“ငြိမ်းချမ်းစွာဆန္ဒပြတောင်းဆိုမှုတွေကိုစက်ရုံကဘာတခုမှတုံ့ပြန်မှုမပေးတဲ့အတွက်သူတို့အလုပ်ထွက်သွားကြပြီ။ သူတို့အနေနဲ့လည်းဒီလစာနဲ့အလုပ်ဆက်လုပ်လို့မဖြစ်တော့တဲ့အတွက်သွားကြတာလို့သူတို့ကပြောတယ်” ဟုဦးဖိုးဖြူကမဇ္ဈိမကိုပြောပြသည်။
စက်ရုံမှသတ်မှတ်ပေးမှုအရစက်ချုပ်လုပ်သား၎ဝနီးပါးကိုတနေ့လျှင်မိုးကာအထည်၎ဝဝအပြီးချုပ်ပေးရန် ချမှတ်ထားသည်ကိုအလုပ်သမားများဘက်မှ၃၆ဝသာချုပ်လုပ်နိုင်ခဲ့သဖြင့်စက်ရုံဘက်ကလစာငွေလျှော့ချ ဖြတ်တောက်ခြင်း ဖြစ်သည်။
ကျွမ်းကျင်မှုရှိသောလုပ်သားများလိုအပ်မှုကြောင့်သတ်မှတ်ချက်ထက်လျော့နည်းရခြင်းဖြစ်သည်ဟု လုပ်သားများဘက်က ပြောသည်။
စက်ရုံကို၂ဝ၁ဝနှစ်လည်ပိုင်းတွင်စတင်ဖွင့်လှစ်ခဲ့ပြီးတရုတ်-မြန်မာနှစ်နိုင်ငံကလုပ်ငန်းရှင်များစုပေါင်းကာ ရှယ်ယာလုပ်ကိုင်ကြသည်။ဝန်ထမ်းပေါင်း၃၀၀ကျော်ရှိကာအမျိုးသမီးအများဆုံးဖြစ်သည်။
          အလုပ်သမား၁ဝ၁ဦးကတပြိုင်တည်းအလုပ်ထွက်TailorGarmentအထည်ချုပ်စက်ရုံ(ဓါတ်ပုံ မဇ္ဈိမ)
လစာ၇သောင်းအထက်ရရှိသူအလုပ်ကြီးကြပ်သူများနှင့်အလုပ်သစ်ရှာရန်ခက်ခဲမည်ကိုစိုးရွံ့သူ အလုပ်သမား၂ဝဝကျော်ခန့်ကဆန္ဒပြမှုတွင်မပါဝင်သူများလည်း ရှိသည်။
အလုပ်သမားများ၏တောင်းဆိုမှုများကိုရန်ကုန်တိုင်းအလုပ်သမားညွှန်ကြားရေးဦးစီးဌာနသို့ တင်ပြခဲ့သော်လည်းမည်သည့်တုံ့ပြန်မှုမှမရခဲ့ဟုဦးဖိုးဖြူကပြောသည်။တောင်းဆိုချက်များကို ရန်ကုန်အခြေစိုက်အပြည်ပြည်ဆိုင်ရာအလုပ်သမားအဖွဲ့ချုပ်ရုံးILOသို့ မိတ္တူပေးပို့ခဲ့သည်။
အလားတူဆန္ဒပြမှုမျိုးဇွန်လ၆ရက်နေ့တွင်ပဲခူးမြို့ဟင်္သာကုန်းရပ်ကွက်ရှိCap1ဦးထုပ်စက်ရုံတွင် လုပ်ငန်းခွင်အတွင်းတင်းကျပ်သည့်စည်းမျဉ်းများလျှော့ချရန်ပဲခူးမြို့ရှိဦးထုပ်စက်ရုံမှအလုပ်သမား၆၅ဦးက တရက်အလုပ်မဆင်းဘဲ ဆန္ဒပြပြီးနောက် လုပ်ငန်းရှင်ဘက်က လိုက်လျော၍ ပြေလည်မှု ရရှိခဲ့သည်။





Geen opmerkingen: