မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

maandag 6 juni 2011

ကျားဖြူအာဘော်ဂျာနယ်ထုတ်ဝေမည်

ထွန်းထွန်း တနင်္လာနေ့၊ ဇွန်လ ၀၆ ရက် ၂၀၁၁ ခုနှစ် ၁၈ နာရီ ၄၅ မိနစ် .
နယူးဒေလီ(မဇ္ဈိမ)။ ။ရှမ်းတိုင်းရင်းသားများဒီမိုကရက်တစ်ပါတီ-SNLD၏ပါတီအာဘော်အပတ်စဉ်ထုတ် ဂျာနယ်မှာပြန်ကြားရေးဝန်ကြီးဌာန၏ဆင်ဆာဘုတ်ထံမှခွင့်ပြုချက်ယူရန်မလိုဘဲထုတ်ဝေခွင့်ရရှိမှာ ဖြစ်သည်။
ဇူလိုင်လဆန်းတွင်စတင်ထုတ်ဝေမည့်သတင်းဦးစားပေးအပတ်စဉ်ထုတ်ဂျာနယ်ကိုပါတီ၏မူဝါဒနှင့် လှုပ်ရှားမှုများအပြင်စီးပွားရေး၊လှုမှုရေးအပါအဝင်ကဏ္ဍမျိုးစုံထည့်သွင်းဖော်ပြသွားမည်ဖြစ်ကာဗမာ၊ရှမ်း နှစ်ဘာသာဖြင့်ဖြန့်ချိရန် စီစဉ်ထားကြသည်။
“အဓိကကတော့ကျနော်တို့ဟာဒီပါတီရဲ့စီးပွားရေးနဲ့လည်းတပိုင်းတစဝင်နိုင်အောင်လေ။ပါတီအတွက်ကို ရန်ပုံငွေတစိတ်တပိုင်းလည်းရချင်တာလည်းပါတယ်။ကျနော်တို့ပါတီရဲ့သတင်းပါမယ်။နောက်ပြီးတော့ မြို့နယ်အသီးသီးမှာရှိတဲ့ပါတီတွေရဲ့၊ပါတီရုံးခွဲတွေရဲ့လှုပ်ရှားမှုသတင်းပါမယ်။အဓိကကကျနော်တို့က သတင်းဦးစားပေးပေါ့လေ။ပြည်တွင်းပြည်ပမှာလက်ရှိဖြစ်ပေါ်နေတဲ့သတင်းအားလုံးကိုကျနော်တို့ သတင်းဦးစားပေးဂျာနယ်ပေါ့”ဟုပါတီဘဏ္ဍာရေးမှူးဦးစောသန်းမြင့်ကဆိုသည်။
သို့သော်လည်းရှမ်းပြည်နယ်တွင်းဖြစ်ပေါ်နေသည့်လက်နက်ကိုင်တိုက်ပွဲများနှင့်ပတ်သက်၍“ကျနော်တို့ ဂျာနယ်မှာရေးလို့မရဘူးခင်ဗျ အဲဒါတော့” ဟု သူက ပြောဆိုသည်။
ဗမာလိုထုတ်ဝေမည့်ဂျာနယ်ကိုမြန်မာတပြည်လုံးအတွက်ဖြန့်ချိသွားမည်ဖြစ်ပြီးရှမ်းပြည်နယ်အတွက်မူ ရှမ်းဘာသာဖြင့်ဘာသာပြန်ထုတ်ဝေသွားမည် ဖြစ်သည်။
ရန်ကုန်မြို့တွင်ဂျာနယ်တိုက်ဖွင့်လှစ်ကာစာမျက်နှာ၄၀ခန့်စာစောင်တခုလျှင်၅၀၀ကျပ်ရောင်းရန် သတ်မှတ်ထားသည်။
“ဂျာနယ်ကိုငါးထောင်၊တသောင်းထုတ်တာလောက်တော့ကျနော်တို့ကသိပ်စာဖွဲ့လောက်စရာမရှိဘူးလို့ ထင်တာပဲလေ။ရှုံးစရာလည်းသိပ်မရှိနိုင်ဘူး။ကျနော်တို့စောင်ရေတိုင်းရောင်းရမယ်လို့၊ထုတ်သလောက်
ရောင်းရမယ်လို့ပဲယူဆတယ်လေ။ကျနော်တို့ရှမ်းပရိသတ်ကမနည်းဘူးလေ။ကြော်ငြာတွေတော့ထည့်မှာဗျ။ ပုံမှန်စီးပွားရေးဂျာနယ်တွေလိုပဲအားလုံးလုပ်ဆောင်သွားဖို့ရှိတယ်လေ”ဟုဦးစောသန်းမြင့်ကပြောသည်။
ဂျာနယ်ထုတ်ဝေမှုမှာပါတီအတွက်ဒုတိယမြောက်ရန်ပုံငွေရှာဖွေခြင်းလုပ်ငန်းဖြစ်ပြီး၊ကုမ္ပဏီ တည်ထောင်ခွင့် ရရန်လည်း နေပြည်တော်သို့ တင်ပြထားကာ မလေးရှားနိုင်ငံမှ ဓာတ်မြေသြဇာမျိုးစုံ၊ ဆိုင်ကယ်ကျွတ်နှင့် တာယာ၊ လူသုံးကုန် ဆပ်ပြာမျိုးစုံတို့ကို တင်သွင်းရန် ကြိုတင်ပြင်ဆင်ထားသည်။
ကုမ္ပဏီကိုအစပိုင်းတွင်ဒါရိုက်တာအဖွဲ့နှင့်စီအီးစီအဖွဲ့ဝင်များ၏မတည်ငွေဖြင့်လည်ပတ်လုပ်ကိုင်မည် ဖြစ်ကာ ရှယ်ယာတစုလျှင်တသောင်းနှုန်းဖြင့်အစုပေါင်းတသန်းအထိရောင်းချသွားမည်ဖြစ်သည်။ ရှယ်ယာအများဆုံး ပိုင်ဆိုင်ခွင့်ကိုလည်း ကျပ်သိန်းတထောင် သတ်မှတ်ထားသည်။
တနှစ်တခါအမြတ်မှ၇၅ရာခိုင်နှုန်းကိုအစုရှင်များအားခွဲပေးမည်ဖြစ်ပြီးကျန်၂၅ရာခိုင်နှုန်းကိုမူပါတီရန်ပုံငွေ အဖြစ် အသုံးပြုမည် ဖြစ်သည်။





Geen opmerkingen: