NEJ / ၃၀ ဇွန် ၂၀၀၉
သရုပ်ဆောင် ဒါရိုက်တာ မောင်သူရ ခေါ် လူရွှင်တော်ဇာဂနာကို ခယ်မဖြစ်သူ မငြိမ်းက မြစ်ကြီးနားထောင်တွင် ယမန်နေ့ နံနက်ပိုင်းတွင် ထောင်ဝင်စာ တွေ့ခွင့်ရခဲ့သည်ဟု မိသားစုနှင့် နီးစပ်သူတဦးက ပြောသည်။
၎င်းက “ကိုသူရ ကျန်းကျန်းမာမာပဲတဲ့။ အသားဖြူလာပြီး ကိုယ်ရေစစ်သွားတာကိုတော့ သူက နေမထိ လေမထိ တိုက်ထဲမှာနေရလို့ လို့ပြောတယ်။ အစားအသောက်နဲ့ မိသားစုဓာတ်ပုံတွေကိုပါ ပေးခွင့်ရခဲ့တယ်” ဟု ပြောသည်။
ယခင်က ကိုသူရအား ထောင်ဝင်စာသွားတွေ့ရာတွင် မငြိမ်းသည် မိတ်ဆွေတဦးအိမ်တွင် တည်းခိုခဲ့သော်လည်း ယခုတခေါက်တွင် အာဏာပိုင်များ၏ နှောင့်ယှက်မှုကြောင့် တည်းခိုခန်းတွင် တည်းခိုနေရကြောင်း အဆိုပါ မိသားစုနှင့် နီးစပ်သူက ပြောသည်။
အသေးစိတ်မည်သို့ နှောင့်ယှက်သည်ကိုမူ မငြိမ်း ရန်ကုန် ပြန်မရောက် သေးသဖြင့် ထုတ်ဖော်ပြောဆိုရန် ၎င်းက ငြင်းဆိုသည်။
ပြီးခဲ့သည့်လအတွင်းကလည်း မြစ်ကြီးနားအကျဉ်းထောင်တွင် ကိုသူရသေဆုံးပြီဟူသည့် ကောလာဟလ သတင်းတခု ထွက်ပေါ်ခဲ့ပြီး မီဒီယာများကလည်း ၎င်းတို့အား မေးမြန်းကြသည့်အတွက် စိတ်ပူပန်ခဲ့ရကြောင်း၊ ယခုထောင်ဝင်စာရပြီး လူကိုယ်တိုင်တွေ့ရသောကြောင့် စိတ်အေးရပြီဖြစ်ကြောင်း ကိုသူရ၏ မိသားစုဝင်များက ပြောသည်။
သရုပ်ဆောင် ဒါရိုက်တာ မောင်သူရ ခေါ် လူရွှင်တော်ဇာဂနာသည် ၂၀၀၈ မေလ နာဂစ်မုန်တိုင်းတိုက်ခတ်အပြီး လေဘေးဒုက္ခသည်များကို ကူညီကယ်ဆယ်ရေး လုပ်ငန်းများလုပ်ခြင်း၊ ကယ်ဆယ်ရေးကိစ္စများနှင့်ပတ်သက်ပြီး ပြင်ပမီဒီယာတွင် ပွင့်ပွင့်လင်းလင်း ပြောဆိုခဲ့ခြင်းတို့ကြောင့် စစ်အစိုးရ၏ ဖမ်းဆီးထောင်ချခြင်းခံရကာ ယခုအခါတွင် မြစ်ကြီနားအကျဉ်းထောင်၌ ဆက်လက် ထိန်းသိမ်းခံနေရဆဲဖြစ်သည်။
Geen opmerkingen:
Een reactie posten