မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

dinsdag 12 april 2011

နိုင်ငံရေးအကျဉ်းသားများလွှတ်မှဆက်ဆံရေးလမ်းပွင့်နိုင်

ကိုပေါက် အင်္ဂါနေ့၊ ဧပြီလ ၁၂ ရက် ၂၀၁၁ ခုနှစ် ၁၉ နာရီ ၄၉ မိနစ် .
နယူးဒေလီ(မဇ္ဈိမ)။ ။နိုင်ငံရေးအကျဉ်းသားများကိုလွှတ်ပေးမည်ဆိုပါကအစိုးရသစ်နှင့် ဒီမိုကရေစီအင်အားစုများအကြား ပွင့်လင်းသော ဆက်ဆံရေး လမ်းကြောင်းတခု ဖြစ်လာနိုင်သည်ဟု အမျိုးသားဒီမိုကရေစီအဖွဲ့ချုပ် NLD ဒုဥက္ကဋ္ဌ ဦးတင်ဦးက ပြောသည်။
တနင်္လာနေ့တွင်ပြုလုပ်ခဲ့သည့်အာဆီယံနိုင်ငံခြားရေးဝန်ကြီးများအစည်းအဝေး၌ မြန်မာနိုင်ငံခြားရေးဝန်ကြီးသစ် ဦးဝဏ္ဏမောင်လွင်က ဒေါ်အောင်ဆန်းစုကြည် အပါအဝင် မြန်မာ့နိုင်ငံရေးတွင် သက်ဆိုင်သူအားလုံးနှင့် ဆက်သွယ်ရေးတံခါး ဖွင့်ထားကြောင်း ပြောဆိုခဲ့မှုအပေါ် တုံ့ပြန်ပြောဆိုလိုက်ခြင်း ဖြစ်သည်။
“နိုင်ငံရေးအကျဉ်းသားတွေလွှတ်ဖို့ကိစ္စကအရေးကြီးတာကိုးဗျ။ရွေးကောက်ပွဲပြီးရင်ပဲလွှတ်မလား၊ လွှတ်တော် ခေါ်ပြီးရင်ပဲ လွှတ်မလား၊ သမ္မတ ကျမ်းကျိန်ပြီးရင်ပဲ လွှတ်မလား၊ အခုဆို နိုင်ငံရေးအကျဉ်းသား မိသားစုနဲ့ဒီမိုကရေစီ အင်အားစုတွေကတော့ နှစ်ဆန်းတရက်မှာပဲ လွှတ်မလားပေါ့။ ဒါတွေဖြစ်လာရင်တော့ ပြောဆိုထားတဲ့အတိုင်းပဲ ပွင့်ပွင့်လင်းလင်း ဆက်ဆံကြဖို့ လမ်းပွင့်သွားတဲ့ သဘောတော့ ရှိတာပေါ့ဗျာ” ဟု ဦးတင်ဦးက မဇ္ဈိမကို ပြောသည်။
အစိုးရသစ်နှင့် ဆက်ဆံရေးအတွက် လမ်းစပွင့်စေရန် ကြိုးစားသည့်အနေဖြင့်NLDဒုဥက္ကဋ္ဌ လက်မှတ်ထိုးကာ သမ္မတဦးသိန်းစိန်ထံယခင်အပတ်ထဲတွင်စာတစောင်ပေးပို့ခဲ့သော်လည်းတုံ့ပြန်မှုတစုံတရာ မရှိသေးကြောင်းလည်း ဦးတင်ဦးက မဇ္ဈိမကို ပြောသည်။
“ဦးသိန်းစိန်ရဲ့မိန့်ခွန်းကတရားဥပဒေစိုးမိုးရေးတို့၊တရားမျှတရေးတို့၊လောကပါလတရားတို့ပြောထားတော့ကာ ကျနော်တို့ကလည်း တရားဥပဒေစိုးမိုးရေးနဲ့ပတ်သက်လို့ ထိထိရောက်ရောက် လုပ်ပါဆိုတဲ့သဘော တိုက်တွန်းတာပဲ။ လက်ရှိအခြေအနေမှာ တရားရုံးတွေဘာတွေမှာ ပြောရဆိုရ လွတ်လွတ်လပ်လပ် မဖြစ်သေးတာကို ဖြစ်အောင် လုပ်ပေးပါလို့။ အပြုသဘောဆောင်တဲ့၊ ရရှိနိုင်တဲ့သဘောကို စမ်းသပ်ရေးလိုက်တဲ့ အစသဘောပဲဗျ” ဟု သူက ပြောဆိုသည်။
တရားရုံးများတွင်အများမြင်သာအောင်စစ်ဆေးရေးကဲ့သို့နမူနာများကိုထောက်ပြပြီးလွတ်လပ်သော တရားစီရင်ရေးနှင့်တရားဥပဒေစိုးမိုးရေးတို့ကိုအမှန်တကယ်ဖော်ဆောင်ရန်စာထဲတွင် တိုက်တွန်းထားသေးသည်။
ထို့ပြင်၎င်းစာမှာNLD၏၆၆ နှစ်မြောက်ဖက်ဆစ်တော်လှန်ရေးနေ့ ကြေညာချက်ပါ ရင်ကြားစေ့ရေး သဘောထားများနှင့် တဆက်တည်းဖြစ်သည်ဟု ဦးတင်ဦးက ဆိုသည်။
စာပါအကြောင်းအရာများနှင့် စပ်လျဉ်း၍ အစိုးရသစ်အနေဖြင့် မည်မျှ လိုက်လျောလာနိုင်သည်ကိုမူ ဦးတင်ဦးက “နောက်ပိုင်း လာတာ ကြည့်ရမှာပဲ။ အရင်လိုပဲ သွားတာပဲလား။ ဦးသိန်းစိန်က လွတ်လွတ်လပ်လပ် လုပ်နိုင်တဲ့ အနေအထားတွေ ရှိသလား” ဟု သူက ပြောသည်။





Geen opmerkingen: