NEJ/ ၁၀ ဖေဖော်ဝါရီ ၂ဝ၁ဝ
အင်္ဂလိပ်ဘာသာမှ မြန်မာဘာသာသို့ ပြန်ဆိုထားသည့် မြောက်ကိုရီးယားနိုင်ငံခေါင်းဆောင် ကင်ဂျုံအီ အတ္ထုပ္ပတ္တိစာအုပ်ကို မြန်မာနိုင်ငံ စာပေစိစစ်ရေးအဖွဲ့သာမက ပြုံယန်းအစိုးရကပါ စစ်ဆေးနေကြောင်း စာပေစိစစ်ရေး အဖွဲ့ဝင်တဦးထံမှ သိရှိရသည်။
အမည်မဖော်လိုသူ စာပေစိစစ်ရေးမှူးတဦးက “ဘာသာပြန်သူ ဦးဟိန်းလတ်၊ ထုတ်ဝေသူကိုတော့ ကျနော်မသိဘူး၊ ကင်ဂျုံအီ အတ္ထုပ္ပတ္တိစာအုပ် လာတင်ပြတယ်။ ကျနော်တို့ စာပေစိစစ်ရေးက စိစစ်ပြီး အတော်များများ ဖြုတ်ခိုင်းလိုက်ပြီ။ ဒါပေမယ့် နိုင်ငံခြားရေးဝန်ကြီးဌာနကနေ ဒီစာအုပ်ကို ထုတ်ဝေခွင့်မပြုပါနဲ့ဦး၊ ကိုယ့်ဘာသာကိုယ် ထုတ်ဝေခွင့်ပြုလိုက်ရင် နှစ်နိုင်ငံ ချစ်ကြည်ရေး ထိခိုက်နိုင်တယ်ဆိုပြီး ညွှန်ကြားလာတယ်” ဟု ပြောသည်။
“သူတို့ ညွှန်ကြားချက်အရ ကျနော်တို့က စိစစ်ပြီးသား စာမူကို မြောက်ကိုရီးယားသံရုံးကို ပို့ပေးရတယ်။ အဲ အခု သူတို့သံရုံးက ဒီ မြန်မာဘာသာပြန်ကို ကိုရီးယားဘာသာပြန်ပြီး စိစစ်တယ်။ သူတို့ စိစစ်ပြီးသွားတော့ ပြုံယန်းက အစိုးရအဖွဲ့ဆီ ပို့ထားတယ် ကြားတယ်။ အကယ်၍ အဲဒီက ခွင့်ပြုချက်ရရင် ဒီ ရန်ကုန်သံရုံးဆီ ရောက်လာမယ်။ ရန်ကုန်သံရုံးကနေ နိုင်ငံခြားရေး ဝန်ကြီးဌာနရုံးကို ရောက်မယ်။ နိုင်ငံခြားရေး ဝန်ကြီးဌာနရုံးက ခွင့်ပြုချက်ရမှသာ ထုတ်ဝေသူတွေကို ကျနော်တို့ ထုတ်ဝေခွင့် ချထားပေးမှာ ဖြစ်ပါတယ်” ဟု ၎င်းက ဆက်လက်ပြောသည်။
စာအုပ်တအုပ်ကို ယခုကဲ့သို့ ကိုယ့်နိုင်ငံ စိစစ်ရေးသာမက အခြားနိုင်ငံတနိုင်ငံက စစ်ဆေးပြီး ခွင့်ပြုမှ ထုတ်ဝေခွင့်ပေးမည် ဆိုသည်ကို ယခင်က လုံးဝ မကြားဖူးကြောင်း၊ ယခု ပထမဆုံးအကြိမ် ကြားဖူးခြင်းဖြစ်ကြောင်း နှစ်ပေါင်းများစွာ စာအုပ်ထုတ်ဝေရေးလုပ်လာသူ ရန်ကုန်မှ ထုတ်ဝေရေးတိုက်ပိုင်ရှင်တဦးက ပြောသည်။
လတ်တလော မြန်မာနိုင်ငံတွင် ကမ္ဘောဒီးယားဝန်ကြီးချုပ် ဟွန်ဆန်၊ တရုတ်ခေါင်းဆောင် ကျန်ဇီမင်း၊ အမေရိကန်သမ္မတ ဘားရက် အိုဘားမားနှင့် နိုင်ငံခြားရေးဝန်ကြီး ဟီလာရီ ကလင်တန်၊ ရုရှခေါင်းဆောင် ဗလာဒီမာပူတင်၊ စင်ကာပူခေါင်းဆောင် လီကွမ်ယူ စသည့် နိုင်ငံ့ခေါင်းဆောင် အတ္ထုပ္ပတ္တိများကို ထုတ်ဝေခဲ့ပြီးဖြစ်သည်။
ရန်ကုန်မြို့မှ ဝါရင့်သတင်းစာဆရာကြီးတဦးက “အခုလို ကိုယ့်နိုင်ငံထဲမှာ ကိုယ့်ဘာသာစကားနဲ့ ထုတ်ဝေမယ့် စာအုပ်တအုပ်ကို နိုင်ငံခြားတိုင်းပြည် တပြည်က အစိုးရထံမှာ ခွင့်ပြုချက် တောင်းခံရတယ်ဆိုတော့ မြန်မာနိုင်ငံဟာ အချုပ်အခြာအာဏာပိုင် လွတ်လပ်တဲ့ နိုင်ငံရော ဟုတ်ရဲ့လားဆိုတာ မေးခွန်းထုတ်စရာ ဖြစ်နေတယ်” ဟု ပြောသည်။
ရန်ကုန်မြို့တွင် အခြေစိုက်သည့် မြန်မာနိုင်ငံဆိုင်ရာ မြောက်ကိုရီးယားနိုင်ငံသံရုံးသည် မြန်မာခေါင်းဆောင်များနှင့် တောင်ကိုရီးယား ခေါင်းဆောင်တို့ကို မြောက်ကိုရီးယား ကွန်မန်ဒိုများက အာဇာနည်ကုန်းတွင် ဗုံးခွဲလုပ်ကြံသတ်ဖြတ်မှု မပြုလုပ်ခင် အချိန်ထိ ကင်အီဆွန်း၏ အတွေးအခေါ်များပါဝင်သည့် မြန်မာဘာသာပြန် ဝါဒဖြန့်စာစောင် အတော်များများကို ထုတ်ဝေခဲ့ဖူးသည်။
မြန်မာအစိုးရနှင့် သံတမန်ဆက်ဆံရေး ပြန်လည်ထူထောင်ပြီး နောက်ပိုင်း၌လည်း မြောက်ကိုရီးယားနိုင်ငံ တည်ထောင်သည့်နေ့၊ ခေါင်းဆောင်ကြီး ကင်အီဆွန်းမွေးနေ့၊ ကင်ဂျုံအီ မွေးနေ့တို့တွင် ၎င်းတို့နိုင်ငံ မည်မျှတိုးတက်ကြောင်း ဖော်ပြထားသည့် ဆောင်းပါးများကို ပုဂ္ဂလိက ဂျာနယ်အချို့တွင် အခကြေးငွေပေးပြီး ကြော်ငြာအဖြစ် ဖော်ပြခဲ့ဖူးသည်။
Geen opmerkingen:
Een reactie posten