NEJ / ၃၁ ဇူလိုင် ၂၀၀၉
မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်စိုးဝင်း ကချင်ပြည်လွတ်လပ်ရေးအဖွဲ့ထိန်းချုပ်ရာ တရုတ်-မြန်မာနယ်စပ် လိုင်ဇာမြို့သို့ ယနေ့ရောက်ရှိလာကာ လိုင်ဇာဟိုတယ်တွင် ကေအိုင်အိုခေါင်းဆောင်များနှင့် တွေ့ဆုံပြီးနောက် ကေအိုင်အို စစ်ဆေးရုံသို့ သွားရောက်ကြည့်ရှုခဲ့သည်။
အင်အား (၁ဝဝ) ဝန်းကျင်ရှိ နအဖစစ်သားများက လုံခြုံရေးအဖြစ် လိုက်ပါလာသည့် ဗိုလ်ချုပ်စိုးဝင်းသည် ယနေ့ နံနက် (၁ဝ) နာရီခန့်တွင် ကေအိုင်အို ခေါင်းဆောင်ပိုင်းနှင့် တွေ့ဆုံခဲ့ပြီးနောက် လိုင်ဇာမြို့မြောက်ဘက်၊ နှစ်မိုင်ခန့်အကွာ ဝယ်ကျိုင်ကျေးရွာရှိ ကေအိုင်အို စစ်ဆေးရုံသို့ သွားရောက်ခဲ့သည်ဟု လိုင်ဇာဒေသခံတဦးက ပြောသည်။
၎င်းက “တိုင်းမှူးအဖွဲ့က ကားငယ်လေးတွေက ဆယ်စီးလောက်ရှိမယ်။ စစ်ထရပ်ကားမှာက လုံခြုံရေးအနေနဲ့ လိုက်လာတဲ့ စစ်သားတွေပါတယ်။ သူတို့လုံခြုံရေးတွေနဲ့ပဲ လိုင်ဇာမှာ ပြည့်နေတာ” ဟု ပြောသည်။
ကေအိုင်အိုအဖွဲ့အား နယ်ခြားစောင့်တပ်ဖွဲ့အသွင်ပြောင်းရေး နအဖဘက်က ကမ်းလှမ်းထားမှုအပေါ် ကေအိုင်အိုအဖွဲ့က ကချင်ဒေသလုံခြုံရေးတပ်ဖွဲ့ကို မိမိစစ်သားများဖြင့်သာ ဖွဲ့စည်းလိုပြီး အနာဂတ် ကချင်ပြည်နယ် အစိုးရအဖွဲ့တွင် ကေအိုင်အိုက အာဏာရရှိရေး တောင်းဆိုခဲ့သည်။
ထို့အပြင် ကေအိုင်အိုအဖွဲ့တွင် ကေအိုင်အေ လက်နက်ကိုင်အဖွဲ့နှင့်အဆင့်တူသည့် စိုက်ပျိုးရေး၊ ပညာရေး၊ ကျန်းမာရေး၊ ရဲတပ်ဖွဲ့ စသည့်ဌာနများလည်း ရှိနေ၍ အသွင်ကူးပြောင်းရေးတွင် အဆိုပါဌာနများအတွက်လည်း ထည့်စဉ်စားရန်လိုကြောင်း ယခုလ (၈) ရက်တွင် ကေအိုင်အိုဘက်က တင်ပြထားသည်။
နယ်ခြားစောင့်တပ်ဖွဲ့စည်းရေး လက်ခံသဘောတူရန် ကေအိုင်အိုအဖွဲ့အား ပြောဆိုနားချပေးရန် ယခုလ (၂၉) ရက်တွင် မြစ်ကြီးနားမြို့၊ အောင်နန်းရပ်ကွက်ရှိ စိန့်ကော်လန်ဘန်း ကက်သလစ် ဘုရားရှိခိုးကျောင်းတွင် မြောက်ပိုင်းတိုင်း တိုင်းမှူးက ကချင်ပြည်နယ်အတွင်းမှ ခရစ်ယာန်ဘာသာရေးခေါင်းဆောင်များ၊ သင်းအုပ်ဆရာများ စုစုပေါင်း (၁၅ဝ) ခန့်နှင့် တွေ့ဆုံပြောဆိုခဲ့ပြီး ယခုကဲ့သို့ လိုင်ဇာခရီးစဉ် ပေါ်ထွက်လာခြင်းဖြစ်သည်။
“ဒီတိုင်းမှူးက အရင်တိုင်းမှူးတွေနဲ့ မတူဘူး။ ဒီကို ခဏခဏလာတယ်။ တခါတလေ ဂေါက်သီးလာရိုက်တယ်ဆိုပြီးလာတာ။ အခုက နယ်ခြားစောင့်တပ်ကို ဒီဘက်က လက်မခံထားတဲ့အချိန်မှာ အခုလိုလာတာ နည်းနည်းတော့ထူးတယ်။ သူတို့တောင်းဆို ထားတာကို လက်မခံလို့ ပြန်ပြီး စည်းရုံးရေးဆင်းတဲ့ပုံရတယ်” ဟု လိုင်ဇာဒေသခံတဦးက ပြောသည်။
ယခုကိစ္စနှင့် ပတ်သက်၍ ကေအိုင်အို ခေါင်းဆောင်များကို ဖုန်းဆက်သွယ်သော်လည်း မရရှိပါ။
vrijdag 31 juli 2009
Abonneren op:
Reacties posten (Atom)
Geen opmerkingen:
Een reactie posten