ဧရာဝတီ Wednesday, May 05, 2010
.ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်း(ကြံ့ဖွံ့)ကနိုင်ငံရေးပါတီအဖြစ်အသွင်ပြောင်းခြင်းသည် ဥပဒေနှင့်မညီကြောင်းဝေဖန်ရေးသားမှုများကိုမြန်မာနိုင်ငံရှိသတင်းမီဒီယာများတွင်ဖော်ပြခွင့်မရကြောင်း သိရသည်။
“ကြံ့ဖွံ့ပါတီအကြောင်းအစိုးရသတင်းစာတွေကရေးသားသလောက်ပဲရေးလို့ရတယ်။ကြံ့ဖွံ့ကပါတီဖွဲ့တာက ဥပဒေအရလုံးဝတရားမ၀င်ဘူးဆိုတဲ့အရေးအသားတွေကိုစာပေစိစစ်ရေးကလုံးဝပိတ်ပင်ထားတယ်”ဟု ရန်ကုန်မြို့မှသတင်းအယ်ဒီတာတဦးကဆိုသည်။
ကြံ့ဖွံ့ဖွင့်ထားသောအင်္ဂလိပ်စာသင်တန်းတခုတွင်အသင်းဝင်များသင်ယူနေကြစဉ်(ဓာတ်ပုံ - ခေတ်လူငယ်)
ပါတီတခုနှင့်ပတ်သက်ပြီးဝေဖန်ဖော်ပြခွင့်မရှိခြင်းသည်ရွေးကောက်ပွဲကာလတွင်သတင်းနှင့်စာပေ လွတ်လပ်ခွင့်မရနိုင်သည့်အချက်ကိုပြသနေကြောင်းပြည်တွင်းမီဒီယာသမားအများစုကဆိုကြသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတည်ထောင်ခွင့်ကိုရွေးကောက်ပွဲကော်မရှင်ကခွင့်ပြုကြောင်း ယမန်နေ့ကမြန်မာ့ရုပ်မြင်သံကြားသတင်းတွင်ဖော်ပြထားသည်။ကော်မရှင်သို့လျှောက်ထားပြီး၅ ရက်အကြာတွင်ပါတီတည်ထောင်ခွင့်ပြုကြောင်းကြေညာချက်ထွက်ပေါ်လာခြင်း ဖြစ်သည်။
နိုင်ငံပိုင်ငွေ၊အဆောက်အအုံများဖြင့်အစိုးရကဦးစီးတည်ထောင်ခဲ့သောကြံ့ဖွံ့အသင်းကိုပါတီအဖြစ် ပြောင်းလဲအသုံးပြုခြင်းမှာလက်ခံနိုင်ဖွယ်မရှိဟုရန်ကုန်နိုင်ငံရေးသမားများကဆိုသည်။
“နိုင်ငံတော်ပိုင်ငွေကြေး၊မြေ၊အိမ်၊အဆောက်အအုံ၊ယာဉ်၊ပစ္စည်းတို့ကိုတိုက်ရိုက်ဖြစ်စေ၊သွယ်ဝိုက်ဖြစ်စေ ရယူသုံးစွဲသည့်အဖွဲ့အစည်း ဖြစ်ကြောင်းတွေ့ရှိလျှင်ပါတီကိုနိုင်ငံရေးပါတီအဖြစ်မှတ်ပုံတင်ထားခြင်းကို ပယ်ဖျက်၍ပါတီကိုဖျက်သိမ်းရမည်လို့ဖော်ပြထားတယ်”ဟုနိုင်ငံရေးသမားတဦးကနိုင်ငံရေးပါတီ မှတ်ပုံတင်ခြင်းဥပဒေအခန်း၃ကိုကိုးကားပြီးရှင်းပြသည်။
၁၉၉၃တွင်ဗိုလ်ချုပ်ကြီးတို့ဖွဲ့စည်းခဲ့သည့်ကြံ့ဖွံ့အသင်းသည်အဖွဲ့ဝင်၂၄သန်းရှိသည်ဟုဆိုသည်။အသင်းဝင် အရေအတွက်သည်မြန်မာပြည်လူဦးရေ၏ထက်ဝက်နီးပါးဖြစ်နေခြင်းမှာကျောင်းသား၊နိုင်ငံ့ဝန်ထမ်း၊ အရပ်သားများကိုအတင်းအကျပ်စုဆောင်းထားခြင်းကြောင့်ဖြစ်သည်ဟုသိရသည်။
အသွင်ပြောင်းဖွဲ့စည်းသည့်ကြံ့ဖွံ့ပါတီသည်ငွေကြေးအင်အားပြည့်စုံဖွယ်ရှိပြီးအစိုးရက ကျောထောက်နောက်ခံပြုထားမည်ဟုယူဆရသောကြောင့်တခြားပါတီများအခက်တွေ့ကြမည်ဟုပြည်တွင်း နိုင်ငံရေးသမားများကဆိုသည်။
“ပြည်သူတွေမဲပေးသည်ဖြစ်စေ၊မဲမပေးသည်ဖြစ်စေကြံ့ခိုင်ရေးပါတီကအနိုင်ရအောင်လုပ်မှာ ဖြစ်တဲ့အတွက်ပါတီသစ်တွေအနေနဲ့ဒီပါတီကိုဘယ်လိုမှယှဉ်ပြိုင်နိုင်မှာမဟုတ်ဘူး”ဟုနိုင်ငံရေးပါတီသစ် တခုမှခေါင်းဆောင်တဦးကရှင်းပြသည်။
နိုင်ငံရေးပါတီအဖြစ်အသွင်မပြောင်းမီကြံ့ဖွံ့အသင်းသည်နိုင်ငံတ၀န်းလုံးတွင်လမ်းခင်းခြင်း၊အခမဲ့ဆေးရုံ ဆေးခန်းများတည်ဆောက်ခြင်းအပါအ၀င်လူမှုရေးလုပ်ငန်းများကိုပြည်သူ့ဘဏ္ဍာသုံးပြီး ဆောင်ရွက်ခဲ့သည်။ထိုလုပ်ရပ်များမှာရွေးကောက်ပွဲအတွက်ကြိုတင်မဲဆွယ်မှုများဖြစ်သည်ဟု အကဲခတ်များကဝေဖန်နေကြသည်။
ထိုဝေဖန်ချက်များကိုကြံ့ဖွံ့အသင်းကတုံ့ပြန်ခြင်းမရှိပေ။ပါတီဖွဲ့စည်းခြင်းကိုလည်းတရားဝင်ကြေညာခြင်း မရှိပေ။
Geen opmerkingen:
Een reactie posten