ကျော်ခ
ကြာသပတေးနေ့၊မေလ၁၃ရက်၂၀၁၀ခုနှစ်၁၈နာရီ၂၈မိနစ် .
ချင်းမိုင်(မဇ္ဈိမ)။ ။ရာသီဥတုပူပြင်းမှုကြောင့်ရေပြတ်လပ်နေသည့်ပြည်သူများအားအာဏာပိုင်များကအချိန်မှီ မကူညီသဖြင့်အခက်ခဲများပိုကြီးလာနေသည်ဟုပြည်နယ်နှင့်တိုင်းများရှိလူမှုကူညီရေးအဖွဲ့များက အပြစ်တင်နေကြသည်။
ပဲခူးတိုင်းအတွင်း၌ရေကြောင့်ဝမ်းရောဂါ ဖြစ်ပွားနေပြီးရေမရသည့်ရွာ၎ဝကျော်တိုးလာပြီးစုစုပေါင်းလူ၇ သောင်းကျော်ရေရှားပါးမှုနှင့်ရင်ဆိုင်နေရကြောင်းကူညီရေးအဖွဲ့ဝင်များကပြောသည်။
ဝေါ၊သနပ်ပင်၊ပဲခူး၊ကဝ၊ဒိုက်ဦးစသည့်မြို့နယ်၅ခုတွင်ယခင်ကရွာပေါင်း၆ဝသာအခက်ကြုံနေခဲ့ပြီး ထပ်တိုးလာခြင်းဖြစ်သည်။
“ကျနော်တို့ဆီကိုစာရင်းလာပေးထားတဲ့ရွာ၁ဝဝကျော်ပြီ။အစိုးရရုံးတွေကစဖြစ်ကတည်းကလူမှုအဖွဲ့အစည်း တွေနဲ့ပေါင်းပြီးလုပ်ခဲ့ရင်ဒီလောက်များမလာဘူး။အခုဆိုရင်ဝေါမြို့နယ်မှာဝမ်းလျော၊ဝမ်းပျက်ရောဂါတွေ တောင်ဖြစ်နေပြီ”ဟုကူညီရေးအဖွဲ့ဝင်တဦးကမဇ္ဈိမကိုပြောသည်။
ရေပြဿနာသည်ယခုလဆန်းကတည်းကစတင်ဖြစ်နေသော်လည်းရက်တပတ်ကျော်ကြာပြီးနောက်ယခုလ ၁ဝရက်မှသာ“အစိုးရ၏စီမံညွှန်ကြားမှု”ဖြင့်ဒေသအာဏာပိုင်များနှင့်ဌာနဆိုင်ရာများကသောက်သုံးရေများ ဖြန့်ဝေကြောင်းယနေ့ထုတ်သတင်းစာများကဖော်ပြနေသည်။
ဝေါမြို့နယ်ပြည်သူ့ဆေးရုံကြီးတွင်မေလ၅ရက်မှ၁၁ရက်ထိဝမ်းရောဂါဖြစ်ပွားသည့်စုစုပေါင်း၈၂ဦး ဆေးဝါးကုသမှုခံယူခဲ့ရာ၅၅ဦးရောဂါပျောက်ကင်း၍ဆေးရုံမှဆင်းသွားပြီဖြစ်ပြီး၂၇ဦးကုသခံနေရဆဲ ဖြစ်ကြောင်းတရားဝင်ထုတ်ပြန်ထားသည်။
ပဲခူးတိုင်းအတွင်းမှကျေးရွာများကိုယခုလ၂ရက်နေ့မှစ၍ပဲခူးတိုင်းအမျိုးသားဒီမိုကရေစီအဖွဲ့ချုပ်ဝင်လူငယ် များကစတင်ကူညီခဲ့ပြီးနောက်စီးပွားလုပ်ငန်းရှင်များနှင့်လူမှုရေးအသင်းအဖွဲ့တို့ပါဝင်လာပြီးစည်ပင်၊ရဲနှင့် စစ်တပ်တို့ကမူယမန်နေ့မှစတင်ကာသီးသန့်ကူညီမှုများပြုလုပ်လာကြသည်။
ရန်ကုန်တိုင်း၊ပဲခူးတိုင်း၊မွန်ပြည်နယ်၊ဧရာဝတီတိုင်းတို့တွင်ရေတွင်း၊ရေကန်များခန်းခြောက်ကုန်သဖြင့် အခက်ကြုံနေရသည်။
အလားတူမွန်ပြည်နယ်အပေါင်နှင့်ဘီလူးကျွန်းမြို့နယ်များတွင်ကျေးရွာပေါင်း၆ဝကျော်မှလူဦးရေ၅ သောင်းကျော်သောက်ရေရှားပါးမှုကြုံနေရကြောင်းသောက်သုံးရေကူညီပေးရေးစုပေါင်းလုပ်ဆောင် နေကြသည့်အပေါင်မြို့မှလူမှုရေးအဖွဲ့တခုထံမှသိရသည်။
“ဒီမှာကကွင်းပိုင်းကရွာတွေအားလုံးလိုလိုဖြစ်နေကြတာ။ဇင်းကျိုက်တို့၊ကျွဲခြံတို့ကသာရေပုံမှန်မလှူပေးရင် ဒီပြဿနာကမလွယ်ဘူး။အာဏာပိုင်အဖွဲ့အစည်းတွေကတော့အထက်အမိန့်မရသေးလို့ကျုပ်တို့မလှူသေး တာလို့ ပြောတယ်”ဟုအဖွဲ့ဝင်တဦးကမဇ္ဈိမကိုပြောသည်။
မွန်ပြည်နယ်ကျေးရွာများတွင်သောက်သုံးရန်သိုလှောင်သုံးစွဲနေသည့်ရေတွင်း၊ရေကန်များသာမကစိုက်ပျိုး ရန်သိုလှောင်သည့်ရေကန်များပါအပူရှိန်ကြောင့်ခန်းခြောက်ကုန်သဖြင့်ယခုလဆန်းပိုင်းမှစတင်ကာရေရှား ပါးမှုနှင့်ကြုံတွေလာရခြင်းဖြစ်ကြောင်းသိရသည်။
ရန်ကုန်တိုင်းဒလမြို့ပေါ်ရှိလူမှုကူညီရေးအဖွဲ့တာဝန်ရှိသူတဦးကလည်း“ကျနော်တို့ဒီဒလမြို့ပေါ်က လူတွေဆိုရင်ရန်ကုန်မြစ်ရေကိုချိုးရေအဖြစ်သုံးနေရတဲ့အထိဖြစ်နေပြီ။အခုချိန်ထိနိုင်ငံတော် အုပ်ချုပ်တယ်ဆိုတဲ့လူတွေဘာအကူအညီမှလာမပေးနိုင်သေးဘူး”ဟုမဇ္ဈိမကိုပြောသည်။
ဒလမြို့ပေါ်ရှိလူဦးရေ၃ပုံ၂ပုံခန့်နှင့်ယင်းမြို့နယ်အတွင်းမှကျေးရွာပေါင်း၂ဝကျော်မှလူဦးရေ၃ဝဝဝဝ ကျော်တို့ရေရှားပါးမှုကြုံနေရသည်မှာတလနီးပါးပင်ကြာပြီဖြစ်သည်။
ဒလမြို့နယ်အတွင်း၌လိုအပ်နေသည့်သောက်သုံးရေကိုတွံတေးမြို့ပေါ်ရှိလူမှုအဖွဲ့အစည်းများ၊လုပ်ငန်းရှင် များနှင့်ဒလမြို့နယ်အတွင်းမှသောက်သုံးရေကျန်ရှိနေသေးသည့်ကျေးရွာများကကားများဖြင့်တင်ဆောင် ကာ ရေဖြန့်ဖြူးပေးနေသည်။
Geen opmerkingen:
Een reactie posten