မြင့်မောင်
ကြာသပတေးနေ့၊မေလ၀၆ရက်၂၀၁၀ခုနှစ်၁၄နာရီ၁၅မိနစ် .
နယူးဒေလီ(မဇ္ဈိမ)။ ။ပါတီမှတ်ပုံတင်ရမည့်နောက်ဆုံးနေ့မတိုင်ခင်နိုင်ငံရေးအကျဉ်းသားမိသားစုဝင်များကို ပညာသင်ထောက်ပံ့ကြေးများပေးအပ်လိုက်ခြင်းဖြင့်အမျိုးသားဒီမိုကရေစီအဖွဲ့ချုပ်က လုပ်ဖော်ကိုင်ဘက်များကိုအလေးထားကြောင်းပြသလိုက်သည်။
ရန်ကုန်တိုင်းမြို့နယ်၁၄မြို့နယ်မှနိုင်ငံရေးအကျဉ်းသားများ၏သားသမီးငယ်၁၂၇ဦးအတွက်တဦးလျှင် ပညာသင်စရိတ်၂၃၀၀၀ကျပ်စီလက်ကျန်ပါတီရန်ပုံငွေထဲမှပေးအပ်ခြင်းအခမ်းအနားကိုယမန်နေ့ နေ့လည်ပိုင်းကရွှေဂုံတိုင်လမ်းရှိပါတီရုံးချုပ်တွင်ပြုလုပ်ကျင်းပသည်။
ပုံမှန်အားဖြင့်ပညာသင်ထောက်ပံ့ကြေးကိုပါတီခေါင်းဆောင်ဒေါ်အောင်ဆန်းစုကြည်၏မွေးနေ့ဖြစ်သော ဇွန်လ၁၉ရက်နေ့တွင်ပြုလုပ်သော်လည်းပါတီဖျက်ခံရမည့်နေ့မတိုင်ခင်အပြီးသတ်လုပ်ဆောင်ရန် ဒေါ်အောင်ဆန်းစုကြည်ကသဘောထားပေးခဲ့သည်ဟုပါတီဒုဥက္ကဋ္ဌဦးတင်ဦးကပြောသည်။
၁၉၉၀ပြည့်နှစ်ရွေးကောက်ပွဲတွင်မဲအပြတ်သတ်အနိုင်ရသော်လည်းစစ်အုပ်စုကအာဏာလွှဲပေးရန် ငြင်းဆန်ခြင်းခံခဲ့ရသောNLDသည်၂ဝ၁ဝရွေးကောက်ပွဲဥပဒေကိုသဘောမတူ၍ ပါတီပြန်လည်မှတ်ပုံမတင်ရန်ဆုံးဖြတ်ထားသည်။ရွေးကောက်ပွဲဥပဒေအရယနေ့သည် နိုင်ငံရေးပါတီဟောင်းများလည်းမှတ်ပုံတင်ရမည့်နောက်ဆုံးနေ့ဖြစ်ပြီးမပြုလုပ်လျှင် ဖျက်သိမ်းခံရမည်ဖြစ်သည်။
မူလတန်းအဆင့်မှာတက္ကသိုလ်တက်နေသည့်ကျောင်းသားများကိုနှစ်စဉ်ပညာသင် ထောက်ပံ့ကြေးငွေအဖြစ်ပေးခဲ့သည့်မှာယခုအခါနဝမအကြိမ်မြောက်ဖြစ်ကြောင်းအဖွဲ့ချုပ်အမျိုးသမီး တာဝန်ခံဒေါက်တာမေဝင်းမြင့်ကပြောသည်။
ရန်ကုန်ရှိအန်အယ်ဒီကပါတီ၏လူမှုအထောက်အကူပြုအဖွဲ့ကိုအကူညီတောင်းခံလာသော ရန်ကုန်တိုင်းအတွင်းနိုင်ငံရေးအကျဉ်းသားမိသားစုဝင်များကိုထောက်ပံ့ခြင်းဖြစ်ပြီးအခြားပြည်နယ်နှင့် တိုင်းများတွင်လည်းပါတီဝင်များကအလားတူထောက်ပံ့ခြင်းရှိသည်ဟုသူမကပြောသည်။
“ကလေးတွေတနှစ်အတွက်ကျောင်းစရိတ်ဘယ်လောက်ဆိုပြီးလျာထားတာတော့မရှိဘူး”ဟုအဖွဲ့ချုပ်ဒုဥက္ကဋ္ဌ ဦးတင်ဦးကပြောသည်။
မြန်မာနိုင်ငံတွင်နိင်ငံရေးအကျဉ်းသား၂၁ဝဝကျော်ရှိနေပြီးစစ်အစိုးရကရွေးကောက်ပွဲတွင် ဝင်ရောက်ယှဉ်ပြိုင်ခွင့်ပိတ်ပင်ထားသည်။
NLDဖျက်သိမ်းခံရလျှင်လည်းလှူဒါန်းငွေများရလျှင်နိုင်ငံရေးအကျဉ်းသားမိသားစုဝင်များကိုဆက်လက်ကူညီသွားရန် ရည်ရွယ်ထားသည်ဟုဦးတင်ဦးကပြောသည်။
ဒေါ်အောင်ဆန်းစုကြည်ကပါတီဝင်များကပါတီဆိုင်းဘုတ်များ၊အလံများဖြုတ်သိမ်းခြင်းမပြုရန် ညွှန်ကြားထားသည်။စစ်အစိုးရဘက်ကမည်သို့သောအရေးယူဆောင်ရွက်မှုပြုလုပ်မည်ကိုမူမသိရသေးပေ။
နိုင်ငံရေးပါတီများမှတ်ပုံတင်ခြင်းဥပဒေတွင်ပါရှိသောအချို့သောစကားရပ်များကိုပယ်ဖျက်ရန် တရားရုံးချုပ်သို့ဒေါ်အောင်ဆန်းစုကြည်နှင့်NLDကလွန်ခဲ့သည့်သီတင်းပတ်ကလျှောက်ထားမှုကို ယမန်နေ့တွင် တရားရုံးက ပယ်ချလိုက်သည်။
Geen opmerkingen:
Een reactie posten