Tuesday, 26 January 2010 13:53 ရိုးမ ၃
.နအဖစစ်အစိုးရ အုပ်ချုပ်မှုအောက်တွင် ဘိန်းစိုက်ပျိုးမှုနှုန်း မြင့်မားလာခြင်းနှင့် ဘိန်းသုံးစွဲမှု ပိုမိုများပြားလာကြောင်း ထောက်ပြသည့် သုတေသနပြု အစီရင်ခံစာကို ပလောင်အမျိုးသမီးများအဖွဲ့(PWO )က ထုတ်ဝေ၍ သတင်းစာရှင်းလင်းပွဲကို ယနေ့နံနက်ပိုင်းက ပြုလုပ်ခဲ့သည်။
အဆိုပါ 'အဆိပ်သင့် တောင်တန်းများ' အမည်ရှိ အစီရင်ခံစာတွင် ကုလသမဂ္ဂ မူးယစ်ဆေးနှင့် ရာဇဝတ်မှုဆိုင်ရာ ရုံး (UNODC) ၏ နှစ်စဉ် ဘိန်းထုတ်လုပ်မှု စစ်တမ်းကောက်ယူမှု ခန့်မှန်းချက်ထက် များပြားကြောင်း ထောက်ပြထားသည်။
အစီရင်ခံစာ သတင်းစာရှင်းလင်းပွဲ (ဓာတ်ပုံ - ရိုးမ ၃)
အစီရင်ခံစာ ထုတ်ဝေရခြင်းနှင့်ပတ်သက်၍ ပလောင်းအမျိုးသမီးအဖွဲ့ သတင်းနှင့် သုတေသန တာဝန်ခံ လိုည်းနွေနှောင်းက “ အဓိကရည်ရွယ်ချက်က ဘိန်းထုတ်လုပ်မှုကို လျော့နည်းစေချင်တာရယ်၊ အဲဒီလို ထုတ်လုပ်မှုရှိနေတာကို နအဖစစ်အစိုးရက ထိထိရောက်ရောက် အရေးယူခြင်းမရှိတာရယ်၊ ပြီးတော့ ဘိန်း ဘာကြောင့် စိုက်နေကြတယ်ဆိုတာကို နိုင်ငံတကာက ပြည်သူလူထုတွေ၊ နောက်တခုက ကျမတို့ ပလောင်ဒေသမှာ ဘိန်းပပျောက်ရေးလုပ်နေတဲ့ သူတွေကို အထူးသဖြင့် သိစေချင်တာကြောင့်ပါ” ဟု ပြောသည်။
အဆိပ်သင့် တောင်တန်းများ အစီရင်ခံစာတွင် ၂၀၀၆ ခုနှစ်မှ ၂၀၀၉ ခုနှစ်အတွင်း ပလောင်ဒေသအတွင်း ဘိန်းစိုက်ပျိုးမှုမှာ ယခင်ကထက် ၅ ဆမျှ တိုးလာပြီး မြေ ဟတ်တာပေါင်း ၄၅၀၀ ပိုမို စိုက်ပျိုးလာကြောင်းကို သုတေသနပြုလုပ်၍ ဖော်ပြထားသည်။
ယခုကဲ့သို့ မူးယစ်ဆေးဝါး စိုက်ပျိုးသုံးစွဲမှုနှုန်း မြင့်မာလာခြင်းကြောင့် လူနေမှုအဆင့်အတန်း နိမ့်ကျလာကာ ကလေးငယ်များ၏ ပညာရေး များစွာထိခိုက်ပြီး ဒုစရိုက်မှုများ ဖြစ်ပွားလာကြောင်း တအာဝ်းကျောင်းသားနှင့် လူငယ်များအစည်းအရုံးမှ အတွင်းရေးမှူး မိုင်းအောင်ကိုက ဖြည့်စွက်ပြောကြားခဲ့သည်။
“ဘိန်းစိုက်ပျိုးမှုတွေ တိုးလာတဲ့ နောက်ပိုင်း ကျနော်တို့ဒေသမှာ လုံခြုံမှုမရှိတော့ဘူး၊ လူငယ်တွေ တော်တော်များများဟာလည်း ဆေးစွဲပြီး ပျက်စီးကုန်ပြီ၊ အာဏာပိုင်တွေဘက်ကလဲ လာဘ်စားမှုတွေရှိလာတယ်၊ တချို့နေရာတွေမှာဆိုရင် မိသားစုအလိုက် ဘိန်းစွဲတာတွေ ရှိတယ်” ဟု သူက ပြောသည်။
ပလောင်အမျိုးသမီးများ စည်းအရုံးအနေဖြင့် ယခင်ကလည်း 'အဆိပ်သင့် ပန်းကလေးများ' အမည်ရှိ မူးယစ်ဆေးဝါးနှင့်ပတ်သက်သည့် အစီရင်ခံစာကို ထုတ်ပြန်ခဲ့သေးသည်။
Geen opmerkingen:
Een reactie posten