ဆလိုင်း ဟံသာစန်း
တနင်္လာနေ့၊မေလ၁၇ရက်၂၀၁၀ခုနှစ်၁၆နာရီ၀၄မိနစ် .
နယူးဒေလီ (မဇ္ဈိမ)။ ။ ပဲခူးတိုင်းအတွင်း မိုးခေါင်ရေရှား ဖြစ်နေသဖြင့် လူဦးရေ ၁ဝဝဝ ထက်မနည်းသော ပဲခူးမြို့ခံများက မိုးခေါ်သည့် လွန်ဆွဲပွဲများကို ယမန်နေ့က ကျင်းပခဲ့ကြသည်။
မြို့နယ်အတွင်းရှိ ကျေးရွာပေါင်း ၆ဝ ကျော်တွင် ရေတွင်းရေကန်များ ခန်းခြောက်ကာ သောက်သုံးရေ ရှားပါးနေသဖြင့် ပဲခူးမြို့ခံများက မိုးခေါ်သည့် လွန်ဆွဲပွဲကို မြို့အရှေ့ဘက် ရွှေအောင်ရွေး ဘုရားခြေတော်ရင်းနှင့် ကျောက်တွင်းကုန်းရပ်ကွက် နေရာများတွင် ကျင်းပခဲ့ခြင်း ဖြစ်သည်။
“လွန်ဆွဲပွဲဆိုတာက လွတ်လပ်ရေးနေ့ အားကစားပွဲမှာ ပြိုင်ပွဲတရပ်အနေနဲ့ ကစားကြတာမျိုးပဲ ရှိပါတယ်။ အခုကတော့ မိုးရွာစေဖို့ကို ရည်ရွယ်ပြီး အုန်းပွဲ၊ ငှက်ပျောပွဲနဲ့ မိုးခေါင်ကျော်စွာနတ်ကို ပသကြတာပေါ့နော်။ ကျနော့်တသက်တော့ဒါကပထမဆုံးကြုံဖူးတာပါ”ဟုပဲခူးမြို့အမျိုးသားဒီမိုကရေစီအဖွဲ့ချုပ်လူငယ်အဖွဲ့ဝင် ကိုကျော်ဝင်းကမဇ္ဈိမကိုပြောသည်။
လွန်ဆွဲပွဲကိုပဲခူးမြို့ပေါ်ရှိရွှေတောင်ရွေးနှင့်စိန်ပန်းဘုန်းကြီးကျောင်းတိုက်များက ကမကထပြုကာ ကျင်းပပေးခဲ့ကြခြင်း ဖြစ်သည်။
ပဲခူးမြို့နယ်တွင် နှစ်စဉ်နှစ်တိုင်း ကဆန်လပြည့်နေ့ ဝန်းကျင်တွင် စတင်၍ မိုးရွာသွန်းလေ့ရှိကြောင်းနှင့် ယခုနှစ်မှာပုံမှန်ရွာသွန်းချိန်ထက်ရက်သတ္တပတ်၃ပတ်ခန့်နောက်ကျနေကြောင်းပဲခူးမြို့ခံများက ပြောဆိုကြသည်။
အလားတူပင် မိုးရွာသွန်းရန် ကြိုးပမ်းသည့်အနေဖြင့် ပဲခူးမြို့ ကြခတ်ဝိုင်းကျောင်းတိုက်မှ ဆရာတော်ကြီး အမှူးပြုသော သံဃာတော်များကလည်း ယခုလ ၁၅ ရက်နေ့မှ စတင်ကာ နေ့စဉ်ရက်ဆက် မြို့ကိုပတ်၍ ငါးရံ့မင်းပရိတ် ရွတ်ဖတ်နေကြသည်။
“ဦးဇင်းတို့ ငရံ့မင်းပရိတ်ရွတ်နေတာ၃ရက်ရှိပါပြီ။ဆရာတော်ကြီးဦးဇောတိပါလဦးဆောင်ပြီး လုပ်နေတာပါ။ ပဲခူးမှာ မိုးခေါင်နေတဲ့အတွက် မိုးရွာစေတဲ့ ငရံ့မင်းပရိတ်ကို ရွတ်ခြင်းဖြစ်ပါတယ်”ဟု ကိုယ်တိုင်ပါဝင် ပရိတ်ရွတ်သူ ကြခတ်ဝိုင်းကျောင်းတိုက်မှ စာသင်သား ဦးဇင်းတပါးက မဇ္ဈိမကို မိန့်တော်မူသည်။
ပဲခူးတိုင်းအတွင်းရှိပဲခူး၊ကဝ၊ဝေါ၊သနပ္ပင်၊ဒိုက်ဦးနှင့် အင်းမစသည့် ဒေသများမှ ကျေးရွာပေါင်း ၆ဝ ကျော်မှ ဒေသခံ ၇ သောင်းကျော်မှာ သောက်သုံးရေရှားပါးမှု ကြုံတွေ့နေရသည့်အတွက် အလှူရှင်များ လှူဒါန်းသည့် သောက်သုံးရေကို အားထားနေရသည်။
မိုးခေါ်သည့်လွန်ဆွဲပွဲများကိုမကွေးတိုင်း၊မန္တလေးတိုင်းများအတွင်းရှိမြို့နယ်အချို့တွင်နှစ်စဉ် ကျင်းပလေ့ရှိကြောင်း သိရသည်။
Geen opmerkingen:
Een reactie posten