ဦးသိန်းဂိန်နှင့်တွေ့ဆုံခြင်း

ရန်ကုန်သားတာတေ Wednesday, May 05, 2010

.ရန်ကုန်မြို့တနေရာရှိ အနှိပ်ခန်းတခုသို့ သတင်းထောက် ဖိုးရှုပ် ရောက်လာသည်။ အသံဂျာနယ် ထုတ်ဝေသူ ဦးနေ၀င်းပြောင်နှင့် ချိန်းထားသောကြောင့် ဖြစ်သည်။ ဖိုးရှုပ်ကိုတွေ့သည်နှင့် ဦးနေ၀င်းပြောင်က ၀မ်းသာအားရ နှုတ်ဆက်လိုက်သည်။

ဦးနေ၀င်းပြောင်။ ။ဟေ့… ဖိုးရှုပ်၊လာ…လာ…လာ။နောက်ကျလှချည်လား။ကျုပ်တောင်ပြီးသွားပြီ။

ဖိုးရှုပ်။ ။ဟာ…တယ်ဟုတ်ပါလား။ခင်ဗျားကစောစောစီးစီး … …

ဦးနေ၀င်းပြောင်။ ။အေး…အနှိပ်ခံရမယ်ကွ။ကွန်ပျူတာရှေ့ထိုင်ပြီးအယ်ဒီတာ့အာဘော်တွေရေးရတာ ညောင်းတယ်လေကွာ။ဒါကြောင့်အကြောလျှော့ဖို့အနှိပ်ခန်းတွေကိုအားကိုးနေရတာ။ဒီလို အနှိပ်ခန်းတွေကိုခွင့်ပြုတဲ့နိုင်ငံတော်အစိုးရကိုကျေးဇူးတင်ရမယ်ကွ။ဒီအကြောင်းအယ်ဒီတာ့အာဘော် ရေးဦးမှပဲ။

ပြောပြောဆိုဆိုနှင့်ဦးနေ၀င်းပြောင်ကမှတ်စုစာအုပ်ကိုထုတ်ပြီး“အနှိပ်ခန်းများနှင့်နိုင်ငံတော်အစိုးရ”ဟု တို့ထားလိုက်သည်။

ဖိုးရှုပ်။ ။ဆိုစမ်းပါဦးဗျ။ကျနော့်ကို ဒီနေရာမှာချိန်းထားတာဘာပြောစရာရှိလို့လဲ။

ဦးနေ၀င်းပြောင်။ ။ သြော် … ခင်ဗျားကလည်း ပြောစရာရှိမှ တွေ့ရမယ့်လူတွေလားဗျာ ဟဲဟဲဟဲ။ ဒီလိုဗျ … ကျုပ်ရဲ့ အယ်ဒီတာ့အာဘော်တွေ အကြောင်း သုံးသပ်သံလေး ကြားချင်လို့ပါ။

ဖိုးရှုပ်။ ။ ဟာဗျာ … ဒါလေးများ အီးမေးလ်ပို့လိုက်လည်း ရပါတယ်ဗျ။

ဦးနေ၀င်းပြောင်။ ။ခင်ဗျားလည်းကျုပ်ရေးတဲ့အယ်ဒီတာ့အာဘော်တွေနဲ့ပတ်သက်ပြီးပြောချင်ပုံမရဘူး။ မပြောချင်လဲနေပေါ့ဗျာ။ဒီနေ့ခင်ဗျားကိုဒီမှာချိန်းရတဲ့အကြောင်းနောက်တခုကတော့ နိုင်ငံရေးသမားကြီးတယောက်နဲ့ တွေ့စေချင်လို့ပါ။

ဖိုးရှုပ်။ ။ဟုတ်လား။ ဘယ်နိုင်ငံရေးသမားလဲ။ဘယ်အဖွဲ့လဲ။၈၈အမည်ခံတွေလား၊NLDခွဲထွက်တွေလား။

ဦးနေ၀င်းပြောင်။ ။နိုး…နိုး…နိုး…နိုး …………………နိုး။အဲဒီဟိုမရောက်ဒီမရောက်တွေနဲ့မဟုတ်ပါဘူး။ ခင်ဗျားနဲ့တွေ့ပေးမယ့်နိုင်ငံရေးသမားကနှယ်နှယ်ရရမဟုတ်ဘူးဗျ။ဖွတ်ကြံ့ပါတီဥက္ကဋ္ဌဦးသိန်းဂိန်ဆိုတဲ့ ပုဂ္ဂိုလ်ကြီးပါ။

ဖိုးရှုပ်။ ။ကောင်းပါလေ့။တွေ့ဆိုလည်း တွေ့ရတာပေါ့။အဲ…ဒီနေ့ သတင်းစာမှာတောင်ဦးသိန်းဂိန်ရဲ့ ဖွတ်ကြံ့ပါတီကို တည်ထောင်ခွင့် ပြုလိုက်ပြီ ဆိုတဲ့ သတင်း ပါလာသဗျ။

ဦးနေ၀င်းပြောင်။ ။ဟုတ်တယ်ဗျာ။ကျုပ်လည်းဖတ်လိုက်ရပါတယ်။ဟော… ပြောရင်းဆိုရင်းဦးသိန်းဂိန် ရောက်လာပါပြီဗျာ။ ထိုင်ဗျာ ဦးသိန်းဂိန် ထိုင် … ထိုင် …။

အနှိပ်ခန်းသို့ ရောက်လာသူ ဦးသိန်းဂိန်က ပုဆိုးကို ပြင်ဝတ်ပြီးမှ ထိုင်လိုက်သည်။ ဦးနေ၀င်းပြောင်က ဖိုးရှုပ် နှင့် နိုင်ငံရေးသမားကြီး ဦးသိန်းဂိန်တို့ကို မိတ်ဆက်ပေးသည်။

ဦးသိန်းဂိန်။ ။ပုဆိုးမ၀တ်တာကြာပြီဆိုတော့သိပ်တောင်မ၀တ်တတ်တော့ဘူးဗျို့ဟား…ဟား…ဟား…။ ဦးနေ၀င်းပြောင်ရေ…ခင်ဗျားရဲ့အယ်ဒီတာ့အာဘော်တွေကတော့လန်းတယ်ဗျာ။ကျုပ်တို့ကတော့အရမ်း အရမ်းကို ကြိုက်တာပါပဲ။ ဒီပုံအတိုင်းသာ ဆက်ရေးပေတော့ဗျာ။

ထိုသို့ ချီးကျူးလိုက်သဖြင့် ဦးနေ၀င်းပြောင် မနေတတ် မထိုင်တတ် ဖြစ်သွားသည်အထိ ၀မ်းသာသွားသည်။

ဦးသိန်းဂိန်။ ။ကျုပ်တို့လူဦးရော်ဆမ်းကိုင်ထားတဲ့မြန်မာ့အမှောင်သတင်းစာတို့ဘာတို့ကိုလည်း ခင်ဗျားရေးသလိုအတုခိုးဖို့လမ်းညွှန်ခိုင်းရဦးမယ်။ဒီကောင်တွေညံ့ချက်ကတော့ကမ်းကိုကုန်ရော။ ခေတ်သစ် အယ်ဒီတာ့အာဘော်ရေးနည်းကိုလေ့လာဖို့ခင်ဗျားဆီမှာသင်တန်းတက်ခိုင်းရမယ်ဗျ။

ဦးသိန်းဂိန်ကထိုသို့လေပေါနေခိုက်၎င်းတို့၏စကားဝိုင်းသို့ဦးရုက္ခစိုးဝုန်းခနဲရောက်ချလာသဖြင့်လန့်ပြီး ထခုန်လိုက်သည်။

ဦးသိန်းဂိန်။ ။ဟိုက်…သောက်ပလုတ်တုပ်။ဒီမှာကောင်မလေးတွေပဲအလုပ်လုပ်တာမဟုတ်လား။ဒီလူကြီးက ဘယ်သူလဲ။

မျက်လုံးပြူးမျက်ဆံပြူးဖြင့်ထိတ်လန့်နေသောဦးသိန်းဂိန်အကြောက်ပြေစေရန်ဖိုးရှုပ်ကကမန်းကတန်းဝင်၍ ရှင်းပြလိုက်ရသည်။

ဖိုးရှုပ်။ ။သူကထိုင်းနိုင်ငံ၊ချင်းမိုင်မြို့မှာရောက်နေတဲ့မြန်မာရုက္ခစိုးပါ။ မြန်မာပြည်ကိုလည်းလွမ်း၊ ကျနော့်ကိုလည်းတွေ့ချင်တာကြောင့်ရောက်လာတာပါ။ဟုတ်တယ်နော်ဦးရုက္ခစိုး။ထိုင်ပါဦးရုက္ခစိုး… ထိုင်ပါ…။

ဖိုးရှုပ်၏ရှင်းလင်းချက်အဆုံးတွင်ဦးသိန်းဂိန်ကကြမ်းပြင်တွင်ဒူးထောက်လိုက်ပြီးနောက်ချင်းမိုင်ရုက္ခစိုးကြီးကို ကန်တော့လေသည်။ထိုအပြုအမူကြောင့်ဖိုးရှုပ်နှင့်ဦးနေ၀င်းပြောင်တို့အံ့အားသင့်သွားကြသည်။

ရုက္ခစိုးကြီးလည်းအံ့သြသွားသည်။ထို့နောက်ပီတိဖြစ်ကျေနပ်သွားသည်။သူနှင့်တွေ့သူအများစုကသူ့ကိုထိုသို့ အရိုအသေပေးခြင်းမရှိပေ။ဖိုးရှုပ်နှင့်ကြွက်စုတ်ဆိုသည့်ငနဲနှစ်ကောင်ကတော့သူ့အပေါ်အရိုအသေ တန်လွန်းသည်ဟုရုက္ခစိုးကြီးတွေးမိသည်။သူ့ကိုထိုင်ကန်တော့နေသောဦးသိန်းဂိန်ကိုပြုံးပြပြီး …

ဦးရုက္ခစိုး။ ။ဒီကနောင်ကြီးကဘယ်သူလဲ။နိုင်ငံခြားမှာနေတာကြာလို့ထင်တယ်၊ပုဆိုးဝတ်တာ ကိုးရိုးကားရားနဲ့။

ဦးသိန်းဂိန်။ ။ကျနော့်နာမည်သိန်းဂိန်ပါ၊နေပြည်တော်မှာနေပါတယ်။တသက်လုံးဘောင်းဘီတွေပဲဝတ်ပြီးခုမှ ယူနီဖောင်းပြောင်းလိုက်တာပါ။ပုဆိုးဝတ်တာသိပ်မကြာသေးတော့ကိုးရိုးကားရား၊ဖိုးရိုးဖားရားဖြစ်နေတာပါ ……ဟီးဟီး။

ဦးရုက္ခစိုး။ ။ဝတ်စားထားတာကတောက်တောက်ပြောင်ပြောင်ဆိုတော့လုပ်ငန်းရှင်လား၊ကုမ္ပဏီ မန်နေဂျာကြီးလား။

ထိုမေးခွန်းကိုဦးနေ၀င်းပြောင်က၀င်ဖြေလိုက်သည်။

ဦးနေ၀င်းပြောင်။ ။လုပ်ငန်းရှင်လည်းမဟုတ်ဘူး၊မန်နေဂျာကြီးလည်းမဟုတ်ဘူး။သူကနိုင်ငံရေးသမားကြီးပါ။ အုပ်စုလည်းအရမ်းအရမ်းတောင့်တယ်။ရွေးကောက်ပွဲမှာဝင်ပြိုင်ဖို့အစစအရာရာရယ်ဒီဖြစ်နေတဲ့သူပါ။ အတိအကျပြောရရင်ရွေးကောက်ပွဲပြီးတဲ့အခါနိုင်ငံ့ခေါင်းဆောင်ဖြစ်မယ့်သူပေါ့ခင်ဗျာ။

ဦးရုက္ခစိုး။ ။ဟိုက်…ရှာလဘတ်ရည်…သေချာလှချည်လားကွ။

ဦးနေ၀င်းပြောင်။ ။သိပ်……………………………………………သေချာတာပေါ့ဗျာ။ဒီအကြောင်းကိုရှေ့တပတ် ကျုပ်ဂျာနယ်ရဲ့အယ်ဒီတာ့အာဘော်မှာထည့်ရေးရဦးမယ်ဟဲဟဲဟဲ။

ပြောပြောဆိုဆိုဦးနေ၀င်းပြောင်ကသူ၏မှတ်စုစာအုပ်ကိုထုတ်ပြီး“နိုင်ငံ့ခေါင်းဆောင်ဦးသိန်းဂိန်”ဟု ရေးလိုက်ပြန်သည်။ထိုသို့ရေးနေစဉ်ဖိုးရှုပ်ကဦးသိန်းဂိန်ကို ကြည့်ပြီး ပြောလိုက်သည်။

ဖိုးရှုပ်။ ။ဦးသိန်းဂိန်နဲ့လုပ်ဖော်ကိုင်ဘက်တွေကနာမည်အရမ်းပျက်နေတာနော်။နိုင်ငံ့ခေါင်းဆောင်ဖြစ်ဖို့ နေနေသာသာရွေးကောက်ပွဲမှာတောင်မဲရပါ့မလား။လူတွေကမဲထည့်ပါ့မလား။

ဦးသိန်းဂိန်။ ။ဟုတ်ပါတယ်။ကျုပ်တို့နာမည်ပျက်နေတာမှန်ပါတယ်။ဒါကြောင့်လူတွေဆီကပိုက်ဆံတောင်း၊ လုပ်ငန်းရှင်တွေဆီကပိုက်ဆံကောက်ပြီးဟိုတလောကလမ်းတွေပြင်ပြခဲ့ပါတယ်။အဲဒီလမ်းတွေကို လက်ညှိုးထိုးပြပြီးမဲပေးကြဖို့ပြောရမှာပါပဲ။သူတို့မပေးလည်းသူတို့ရဲ့ထောက်ခံမဲတွေ ကျုပ်တို့ရအောင်လုပ်မယ့်နည်းလမ်းတွေကျုပ်တို့မှာရှိပါတယ်။ဒါပေမယ့်အစစအရာရာအိုကေသွားအောင် အရှင်ရုက္ခစိုးနတ်မင်းကြီးကစောင့်ရှောက်ကြည့်ရှုတော်မူပါ။

ဦးသိန်းဂိန်ကလက်အုပ်ချီပြီးရိုရိုသေသေပြောနေသဖြင့်ရုက္ခစိုးကြီးအလွန်ကျေနပ်သွားသည်။နတ်တို့၏ အစွမ်းအစဖြင့်ကူညီရန်လည်းဆုံးဖြတ်လိုက်သည်။

ဦးရုက္ခစိုး။ ။အင်း…နောင်ကြီးဦးသိန်းဂိန်တို့အဲဒီလောက်သေချာနေမှတော့ဟန်ကျပြီပေါ့ကွယ်။ အဆင်ပြေအောင်ကျုပ်စောင့်ရှောက်ပေးမှာပါ။ရွေးကောက်ပွဲနိုင်အောင်တော့ကူညီနိုင်မယ်ထင်တယ်၊ နောင်ကြီးတို့လည်းငွေကောက်ပြီးလမ်းဖောက်တာတွေလုပ်ပြထားတယ်ဆိုတော့အဆင်ပြေမှာပါ။ဒါပေမယ့် …

ဦးနေ၀င်းပြောင်။ ။ဘာဒါပေမယ့်လဲဗျ။

ဦးရုက္ခစိုး။ ။ဒါပေမယ့်နိုင်ငံ့ခေါင်းဆောင်ဖြစ်ဖို့အထိတော့ကျုပ်လည်းမကူနိုင်ဘူးထင်တယ်။ဘာကြောင့်လဲ ဆိုတော့နိုင်ငံတော်သမ္မတသည်ပြည့်တန်ဆာလုပ်ငန်းအတွေ့အကြုံရှိရမည်ဆိုလားဟို…ဥပဒေမှာ ပြဋ္ဌာန်းထားတယ် မဟုတ်လား။

ရုက္ခစိုးကြီး၏ စကားကြောင့် ဦးနေ၀င်းပြောင်က ဟက်ဟက်ပက်ပက် ရယ်မောလိုက်သည်။

ဦးနေ၀င်းပြောင်။ ။ဟားဟားဟား…ကျုပ်ကဒါတွေကိုသိလို့ဦးသိန်းဂိန်ကိုဒီအနှိပ်ခန်းလာဖို့ ချိန်းလိုက်ရတာပေါ့။အခုဆိုရင်ဦးသိန်းဂိန်မှာဒီအတွေ့အကြုံရှိသွားရောပေါ့ဗျာ။ဒါ့အပြင်…ရန်ကုန်မှာ ရှိတဲ့အနှိပ်ခန်းတွေမှာဦးသိန်းဂိန်တို့ဆွေမျိုးသားချင်းတွေအစုရှယ်ယာထည့်ဖို့စီစဉ်ထားပါတယ်။ တချက်ခုတ် သုံးချက်ပြတ်ပေါ့ဗျာ။ဟားဟားဟား ……… ။

ဦးရုက္ခစိုး။ ။ဟုတ်ပါပြီလေ။ကျုပ်ကူညီပါ့မယ်။ကျုပ်ရဲ့နတ်ဘော်ဒါတွေရှိပါတယ်။သူတို့ဆီအီးမေးလ်ပို့ပြီး နောင်ကြီး ဦးသိန်းဂိန်နိုင်ငံ့ခေါင်းဆောင်ဖြစ်အောင်ပြောပေးပါ့မယ်။ဒါပေမယ့်……ကျုပ်မရှင်းတာတွေ ရှိသေးတယ်။

ဦးသိန်းဂိန် ။ ။(လက်အုပ်ချီပြီး)ဟုတ်ကဲ့ပါ။ပြောပါ။မရှင်းတာတွေရှင်းသွားအောင်စွမ်းအားရှင်တို့ဘာတို့ ရှိပါတယ်။အားလုံးရှင်းသွားအောင်လုပ်ခိုင်းလိုက်ပါ့မယ်။

ဦးရုက္ခစိုး။ ။ရွေးကောက်ပွဲဝင်မှာဆိုတော့နောင်ကြီးတို့ကငွေကြေးအလုံအလောက်ရှိရဲ့လား။ရုံးဖွင့်ဖို့နေရာ ရပြီလား။မဲဆွယ်တဲ့ကာလမှာသွားရေးလာရေးသယ်ယူပို့ဆောင်ရေး အဆင်ပြေပါ့မလား။

ဦးသိန်းဂိန် ။ ။ဘတ်ဂျက်ကတော့ကြိုက်သလောက်သုံးလို့ရတယ်။ရုံးကလည်းမြို့တိုင်းရွာတိုင်းမှာ အခုချက်ချင်းဖွင့်ပစ်လိုက်လို့ရတယ်။မနေ့ကမှပါတီထောင်ခွင့်တရားဝင်ရထားတာကြောင့်မဖွင့်သေးတာပါ။ သွားရေးလာရေး မဲဆွယ်ရေးလည်း အစစ အရာရာ အဆင်ပြေပါတယ်။

ဦးရုက္ခစိုး။ ။ဒါဆိုရင်နောင်ကြီးတို့ဒေါ်အောင်ဆန်းစုကြည်တို့၊ပြီးတော့သူတို့ရဲ့NLDပါတီကိုဘယ်လို သဘောထားသလဲ။

ရုက္ခစိုးကြီးကထိုသို့မေးလိုက်သဖြင့်ဦးသိန်းဂိန်ကလက်အုပ်ချီခြင်းမပြုဘဲမတ်တပ်ရပ်ပြီး ခါးထောက်လိုက်သည်။အရိုအသေပေးနေရာမှရုတ်တရက်အမူအယာပြောင်းသွားသဖြင့်ရုက္ခစိုးကြီး အံ့အားသင့်သွားသည်။

ဦးသိန်းဂိန်။ ။ဒေါ်အောင်ဆန်းစုကြည်အတွက်ကျုပ်တို့စီစဉ်ထားတာရှိပါတယ်။ယက်ထောကို အင်းလျားကန်မှာ ရေလာကူးဖို့ ခေါ်ထားပါတယ်။ နှစ်ကုန်ပိုင်းမှာ ရောက်လာပါလိမ့်မယ်။NLDပါတီ ကိုတော့ ရာဇ၀င်ထဲမှာ ထားရစ်ခဲ့ရမှာပဲ။ မတတ်နိုင်ဘူး။ သူတို့ကို ကျုပ်တို့ အနှစ် ၂၀ ကျော် စိတ်ရှည်ပေးခဲ့ပြီးပြီ။

ဦးရုက္ခစိုး။ ။(ဒေါသကိုထိန်းပြီး)ဒါဆိုရင်လွတ်လပ်စွာရေးသား၊ဖော်ပြခွင့်၊ဆန္ဒထုတ်ဖော်ခွင့်ဆိုတာတွေရော အနာဂတ်မှာရှိမလား။

ဦးသိန်းဂိန်။ ။စည်းကမ်းရှိရှိလုပ်ကြမယ်ဆိုရင်တော့အနာဂတ်မှာအရာရာအားလုံးဖြစ်နိုင်တယ်။ စည်းကမ်းမရှိရင်တော့ဝမ်းနည်းပါတယ်၊တာဝန်အရကျုပ်တို့ကဆောင်ရွက်ရမှာပဲ။

ဦးရုက္ခစိုး။ ။နောက်ဆုံးတခုသိချင်တယ်။ဒါအရေးကြီးတယ်နော်။ကောင်းကောင်းဖြေ……။ ရွေးကောက်ပွဲနိုင်ပြီးအစိုးရဖွဲ့ပြီးရင်ထောင်ထဲမှာရှိတဲ့မင်းကိုနိုင်တို့ကိုကိုကြီးတို့လိုပုဂ္ဂိုလ်တွေကို လွှတ်ပေးမှာလား … ။

ဦးသိန်းဂိန် ။ ။ဘာကြောင့်ဒီသောင်းကျန်းသူတွေကိုလွှတ်ပေးရမှာလဲ။မလွှတ်ဘူး။မလွှတ်ရေးချမလွှတ်ဘူး။

ဦးသိန်းဂိန်၏ အဖြေများကြောင့်ရုက္ခစိုးကြီးဒေါသအကြီးအကျယ်ထွက်သွားသည်။ထို့နောက်ဦးနေ၀င်းပြောင်ဘက်သို့ လှည့်ပြီး …

ဦးရုက္ခစိုး။ ။ကဲ-ဦးနေ၀င်းပြောင်။ကြားပြီးရောပေါ့။ခင်ဗျားကဘယ်လိုထင်သလဲ။ဒီလူတွေနိုင်ငံ့ခေါင်းဆောင် ဖြစ်လာပြီဆိုရင်မြန်မာနိုင်ငံဘာတွေဆက်ဖြစ်လာမလဲ။အဲဒါကိုခင်ဗျားအယ်ဒီတာ့အာဘော်မှာ ဘယ်လိုရေးမလဲ။

ဦးနေ၀င်းပြောင်။ ။ရေးရမယ်ဆိုရင်တော့အဟဲ…မြန်မာပြည်ရဲ့အနာဂတ်အခင်းအကျင်းဟာအရမ်း အရမ်းကိုအဆင်ပြေ၊ကြံ့ခိုင်၊ဖွံ့ဖြိုး၊စည်းကမ်းရှိမယ်လို့ယူဆပါကြောင်းဆိုပြီးရေးလိုက်မယ်လေ၊ မကောင်းဘူးလား။

ဦးသိန်းဂိန် ။ ။ သိပ်ကောင်းတာပေါ့ကွာ။

၎င်းတို့၏ စကားအဆုံးတွင် ရုက္ခစိုးကြီး၏ ထွက်နေသော ဒေါသများသည် ငယ်ထိပ်အထိ ရောက်သွားသည်။ ထို့နောက်စိတ်မထိန်းနိုင်ဘဲထိုင်ခုံဖြင့်ရိုက်ရန်ဟန်ပြင်သောကြောင့်ဦးသိန်းဂိန်နှင့်ဦးနေ၀င်းပြောင်တို့နှစ်ဦးသား အနှိပ်ခန်းအတွင်းမှ ထွက်ပြေးကြလေသည်။

“ထွေရာလေးပါး”သည်Satireခေါ်သရော်စာကဏ္ဍဖြစ်ပါသည်။သတင်းမှန်များအပေါ်အခြေခံ ရေးသားထားခြင်းမဟုတ်ပါ။