မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

dinsdag 15 december 2009

ဒီဇယ်ပီပါများ ဆိပ်ကမ်းဝင်မည့်သတင်းကြောင့် ဒီဇယ်ဈေး ထိုးကျ

စိုးမိုး / ၁၅ ဒီဇင်ဘာ ၂၀၀၉

ဒီဇယ်ပီပါ (၃၀,၀၀၀) ယခုလ (၂၃) ရက်နေ့ ရန်ကုန်ဆိပ်ကမ်း ဆိုက်ရောက်မည့် သတင်းကြောင့် ဈေးကွက်အတွင်း ဒီဇယ်ဈေး ထိုးကျသွားသည်။
ပို့ကုန်ဝင်ငွေရှိသူအားလုံးကို ဒီဇယ်တင်သွင်းခွင့် ပြုလိုက်ပြီးနောက် ဒီဇယ်ဈေးကွက်အတွင်း ဈေးနှုန်း အတက်အကျ မြန်ဆန်စွာ ဖြစ်ပေါ်နေခြင်းဖြစ်သည်။
“အရင်တပတ် ဒီဇယ်တစည်ကို (၂၈၅,၀၀၀) ကျပ်ကနေ အခု ပေါက်ဈေးက (၁၃၈,၀၀၀) ကျပ်အထိ ကျသွားတယ်” ဟု ဘုရင့်နောင်ကုန်စည်ဒိုင်မှ လုပ်ငန်းရှင်တဦးက ပြောသည်။
လက်ရှိ အစိုးရ ဆီထုတ်ဈေးမှာ တစည်လျှင် (၁၅၀,၀၀၀) ကျပ်ရှိနေသဖြင့် ပြင်ပဆီဈေးက လျော့နေပြီး ဆီထုတ်သူ နည်းသွားကြောင်းလည်း သိရသည်။
ဈေးကွက်အတွင်း ဈေးနှုန်းအတက်အကျ မြန်လွန်းနေသည့်အတွက် ဒီဇယ်တင်သွင်းခွင့်ရ စီးပွားရေးလုပ်ငန်းရှင်းများ တွက်ခြေမကိုက်ကြောင်း သိရသည်။
“အရင် ပေါက်ဈေးနဲ့ သွင်းလာတဲ့ ကျနော်တို့ တစည်ကို (၁) သိန်းကျရင် စည် (၁၀၀) ဆို ကျပ်သိန်း (၁၀၀) ရှုံးတာခင်ဗျ။ စီးပွားရေးသမားက လုပ်စရာ စီးပွားရေးနည်းတော့ လုပ်ခွင့်ရတဲ့ ပါမစ်ဆို ၀ိုင်းလုပ်ကြတော့ ဈေးကွက်က ဘယ်တော့မှ ထိန်းလုပ်လို့ မရဘူး” ဟု ကျောက်မျက်လုပ်ငန်းရှင်တဦးက ပြောသည်။
ယခင်က ကျောက်မျက်လုပ်ငန်းရှင်အပါအ၀င် သစ်နှင့်ရေလုပ်ငန်း လုပ်ကိုင်သူများကိုသာ ဒီဇယ်တင်သွင်းခွင့် ပေးထားရာမှ ယခုနောက်ပိုင်း ပို့ကုန်ဝင်ငွေရှိသူတိုင်း တင်သွင်းခွင့် ပြုလိုက်ခြင်းဖြစ်သည်။
စီးပွားရေးလုပ်ငန်းရှင် အများအပြားကမူ ဒီဇယ်ဈေး ကျဆင်းလာခြင်းကို ကြိုဆိုကြသည်။
“လျှပ်စစ်က တရက် (၅) နာရီတောင် ပုံမှန်လာတာ မဟုတ်တော့ အခု ဒီဇယ်၊ ဓာတ်ဆီ ဈေးကျတာတော့ ကောင်းတယ်” ဟု ဟိုတယ်လုပ်ငန်းရှင်တဦးက ပြောသည်။

Geen opmerkingen: