Thursday, 25 March 2010 10:17 ဖြိုးကြီး
.ဒေသအာဏာပိုင်များက အတိုက်အခံပါတီဝင်များနှင့် ဆက်ဆံနေသူများကို ဖမ်းဆီးမည်ဟု ခြိမ်းခြောက် ပြောဆိုမှုများ ပြုလုပ်နေကြောင်း မြို့ခံတဦးက ပြောသည်။
ဧရာဝတီတိုင်း၊ အင်္ဂပူမြို့ပေါ်ရှိ အတိုက်အခံအဖွဲ့ဝင်များ၊ လူမှုရေးလုပ်ငန်းများ လုပ်ကိုင်နေသူများ၏ မိတ်ဆွေ အပေါင်းအသင်းများအား ပြောဆိုခြင်းဖြစ်သည်။
“ဒီလူတွေကို (၅/ည) နဲ့ အချိန်မရွေးဖမ်းဖို့ အော်ဒါထုတ်ထားပြီးသား ခင်ဗျားတို့ပါ ပါသွားချင်လို့လား ဆိုပြီး ကြံ့ခိုင်ရေးအဖွဲ့က လူတွေနဲ့ ရယကအဖွဲ့ဝင်တွေက ပြောဆိုတာတွေလုပ်တယ်” ဟု မြို့ခံတဦးက ပြောသည်။
နိုင်ငံရေးတက်ကြွလှုပ်ရှားသူများ၊ လူမှုရေးလုပ်ငန်းများလုပ်ကိုင်နေသူများ ဝင်ထွက်သွားလာသည့် အိမ်များကို စောင့်ကြည့်ခြင်းများလည်းရှိကြောင်း အဆိုပါဒေသခံက ဆက်ပြောသည်။
“သူတို့ဝင်ထွက်သွားလာတဲ့အိမ်တွေ၊အပေါင်းအသင်းတွေကိုခြိမ်းခြောက်ပြောတာတွေလုပ်တယ် တချို့လူတွေကိုဆိုရင် စောင့်ကြည့်တာတွေပါလုပ်တယ်” ဟု ပြောသည်။
ထို့အပြင် အင်္ဂပူတမြို့နယ်လုံးရှိ အိမ်ထောင်စု စာရင်းများအား အသစ်လဲရန် တအိမ်လျှင် (၇၀၀) ကျပ်နှုန်း ကောက်ခံမည်ဖြစ်ကြောင်းကို ပြီးခဲ့သည့် (၁)လပိုင်းမှ စတင်ကြေညာထားပြီး အချို့နေရာများတွင် ကောက်ခံနေလျှက် ရှိသည်။
စစ်အစိုးရပြုလုပ်မည့်ရွေးကောက်ပွဲကာလ နီးလာသည်နှင့်အမျှ ဒေသတွင်းအာဏာပိုင်များက ယခင်ကထက် ပိတ်ပင်တားဆီးမှုများ နည်းမျိုးစုံဖြင့်လုပ်ဆောင်လာကြောင်း မြို့ခံက ပြောသည်။
Geen opmerkingen:
Een reactie posten