vrijdag 21 augustus 2009
ရနောင်းမြို့တွင် “လူကုန်ကူးမှု ရပ်တန့် ရေး” အမည်ရှိ ပန်းချီပြိုင်ပွဲကျင်းပ
မထမ ဆုရ မနန္ဒာဝင်းနှင့် တခြားသော ဒုတိယ ၊ တတိယ ဆုရ ကျောင်သား ကလေးများ (ဓာတ်ပုံ - ဧရာဝတီ)
Friday, 21 August 2009 17:57 ဘစောတင်
ထိုင်းနိုင်ငံတောင်ပိုင်း ရနောင်းမြို့ ဖန်ဖလားရပ်ကွက် ၀ိတိုရိယကျောင်းတွင် မူလတန်း၊ အလယ်တန်း ကျောင်း ပေါင်း (၁၂) ကျောင်းမှ မြန်မာ ကလေးငယ်(၃၆)ဦးပါဝင်သည့် “လူကုန်ကူးမှု ရပ်တန့် ရေး” ခေါင်းစဉ်ဖြင့် ပန်းချီပြိုင်ပွဲတရပ်ကို ယနေ့ နံနက် (၉)နာရီက စတင် ကျင်းပခဲ့သည်ဟု သတင်းရရှိသည်၊
ယခုပြိုင်ပွဲတွင် ရနောင်းမြို့ စွယ်ကျက်ကျောင်းမှ တတိယတန်းကျောင်းသူ မနန္ဒာဝင်း၏“ပွဲစားပြောတိုင်း မယုံနဲ့ ဘ၀ပျက်တတ်သည်” အမည်ရှိ ခေါင်းစဉ်ဖြင့် ရေးဆွဲထားသော ပန်းချီက ပထမဆု ရရှိခဲ့သည်ဟု ပြိုင်ပွဲကျင်းပရေးကော်မတီက ပြောသည်။
ပြိုင်ပွဲကျင်းပရေးကော်မတီမှ ဆရာမ ဒေါ်အိအိက“အခု ပထမဆုရတဲ့ ကလေးရဲ့ ပန်းချီကတော့ ပွဲစားက မိန်းကလေးတွေကို အလုပ်ကောင်း ရမယ်လို့ စည်းရုံးခံထားရတဲ့ မိန်းကလေးတွေ စဉ်းစားနေပုံကို ရေးဆွဲ ထားတယ်၊ ကလေးတွေ ဆွဲထားတဲ့ ပုံတွေကတော့ စုံနေတာပဲ၊ မနှစ်က ဖူးကက်မှာ သေသွားကြတဲ့ ၅၄ ယောက် အကြောင်း လည်းပါတယ်၊ လမ်းမှာ ဖျက်ဆီးခံရတဲ့ မိန်းကလေးတွေ အကြောင်းလည်းပါတယ်” ဟု ရှင်းပြသည်။
အဆိုပါ ထိုင်း ပညာရေး ဝန်ကြီးဌာန၏ ခွင့်ပြုချက်ဖြင့်ဖွင့်လှစ်ထားသော မြန်မာရွှေ့ပြောင်း အလုပ်သမားများ ၏ ကလေးငယ် များတက်ရောက်နေသည့် ကျောင်းများမှ ပန်းချီပြိုင်ပွဲကို ထိုင်းနိုင်ငံ အခြေစိုက် လူသားချင်း စာနာမှုအကူ အညီများပေးနေသော World Vision အဖွဲ့ ၏ လူမှောင်ခိုတိုက်ဖျက်ရေး အစီအစဉ်မှ ကြီးမှူး ကျင်းပခြင်း ဖြစ်ကြောင်း သိရသည်။
မိသားစု စားဝတ်နေ ရေးအတွက် အိမ်နီးချင်းနိုင်ငံများသို့ သွားရောက်ကာ အလုပ်လုပ်ကိုင်လိုသူ မြန်မာနိုင်ငံ သားများစွာသည် လူပွဲစားများ၏ လိမ်လည်ရောင်းစားခံရမှုများနှင့် ကြုံတွေ့ရခြင်းများကြောင့် ယင်းလူကုန် ကူးမှု ပပျောက်စေရန် ရည်ရွယ်၍ ယခုပြိုင်ပွဲကို ကျင်းပခြင်းဖြစ်သည်ဟု စွယ်ကျက်ကျောင်းမှ ဆရာ ဦးအောင်မင်းက ပြောသည်။
“မိသားစု မပြေလည်တော့ သူများတိုင်းပြည်မှာ ၀င်ငွေကောင်းတယ်၊ အလုပ် ကောင်းရမယ်ထင်လို့ ပွဲစား စကားကိုယုံပြီး လာကြတာ၊ ဒီလည်းရောက်ရော ရောင်းစားခံရ ရော၊ ရောင်းစားခံရတာ မိန်းကလေးချည်း မဟုတ်ဘူးနော်၊ ယောက်ျားတွေလည်း အရောင်း စားခံရတာဘဲ”ဟုလည်း ၎င်းက ဆက်ပြောပြသည်။
ထိုင်းနိုင်ငံအနှံ့တွင် မြန်မာပြည်သား စုစုပေါင်း ၂ သန်းမှ ၄သန်း အထိနေထိုင် လုပ်ကိုင်လျက် ရှိကြောင်း အလုပ်သမား အဖွဲ့များ၏ အဆိုအရ သိရသည်။
Abonneren op:
Reacties posten (Atom)
Geen opmerkingen:
Een reactie posten