မျိုးချစ်သူ/ ၂၄ သြဂုတ် ၂၀၀၉
မြန်မာနေရှင်နယ်လိဂ် MNL (CUP) ဘောလုံးပွဲဖြစ်မြောက်ရေးအတွက် အဓိကပံ့ပိုးပေးနေသော မိန်းစပွန်ဆာတခုဖြစ်သည့် ဂရင်းရွိုင်ရယ် ၀ီစကီထုတ်လုပ်သော မြတ်မွှေးထရေဒင်းကုမ္ပဏီ (MWTC) အရက်ချက်စက်ရုံ မီးလောင်မှုဖြစ်ပွားရာတွင် လူ (၃) ဦး သေဆုံးကြောင်း လှည်းကူးမြို့နယ် မီးသတ်တပ်ဖွဲ့က ပြောကြားသည်။
သြဂုတ်လ (၂၂) ရက်နေ့ ည (၇) နာရီခန့်တွင် မီးလောင်မှုစတင်ဖြစ်ပွားပြီး မီးသတ်ကားစီးရေ (၅၀) ခန့် လာရောက်ငြိမ်း သတ်ရာ နောက်တနေ့ နံနက် (၃) နာရီ ကျော်ခန့်တွင် မီးညွန့်အားလုံးကျိုးခဲ့ကြောင်း ဒေသခံမျက်မြင်များက ပြောသည်။
“ဒီစက်ရုံဟာ ရန်ကုန်မှာတော့ နာမည်ကြီးတယ်လေ။ စက်ရုံပိုင်ရှင်က ဦးအောင်မျိုးကျော်ဆိုတဲ့ သူပေါ့။ သူက ဥဿာယူနိုက်တက် အက်ဖ်စီ ဘောလုံးအသင်းကို ထောင်ထားသူဖြစ်တယ်။ စီးပွားရေးဦးပိုင်နဲ့လည်း ပတ်သက်တယ်။ အထက်ပိုင်း လူကြီးတွေနဲ့ ပနံသင့်တဲ့ပုဂ္ဂိုလ်ပဲ။ ဘောလုံးပွဲတွေအတွက်ရော အခြားနေရာတွေမှာလည်း သူက စပွန်ဆာ များများပေးနိုင်သူ ဖြစ်တယ်” ဟု ရန်ကုန် စာနယ်ဇင်းသမားတဦးက ပြောသည်။
“ဒဏ်ရာရသူတွေ ရှိပါတယ်။ အားလုံးပေါင်း (၅) ယောက်လောက်တော့ ရှိမယ်လို့ ခန့်မှန်းရတယ်။ ဒီစက်ရုံက ၀န်ထမ်းတွေပါပဲ။ ၀န်ထမ်းတွေက ရာဂဏန်းရှိတယ်။ ဖြစ်စဉ်ကြောင့် စက်ရုံမှူးကိုပဲ အရေးယူရမှာ ဖြစ်ပါတယ်” ဟု လှည်းကူးတာဝန်ကျ မီးသတ်အရာထမ်းတဦးက ပြောသည်။
မီးလောင်မှုကြောင့် ဆုံးရှုံးမှုများပြားသည့်အတွက် တန်ဖိုးသတ်မှတ်ရန်ပင် အခက်ရှိနေကြောင်း၊ ခန့်မှန်းဆုံးရှုံးမှုမှာ အမေရိကန်ဒေါ်လာ (၇) သန်းနှင့် (၁၀) သန်းကြား ဖြစ်နိုင်ကြောင်း၊ ပိုင်ရှင်မှာ မီးလောင်နေစဉ် စင်ကာပူနိုင်ငံသို့ ရောက်ရှိနေကြောင်း အဆိုပါ မီးလောင်ပြင် တာဝန်ကျခဲ့သော မီးသတ်အရာထမ်းက ခန့်မှန်းပြောဆိုသည်။
မီးလောင်မှု ဖြစ်ပွားရခြင်းကို စိစစ်ကြည့်ရာတွင် ဘွိုင်လာ အပူလွန်ကဲရာမှတဆင့် ဖြစ်မည်ဟု မီးသတ်ဌာနက ယူဆထားပြီး အပြင်တွင် ပြန့်နေသောသတင်းမှာ ရှို့မီးဖြစ်နိုင်သည်ဟူ၍ ဖြစ်သည်။
“အဲဒီ အရက်စက်ရုံက ရန်ကုန်မှာတော့ မသိတဲ့သူ မရှိသလောက်ပဲလေ။ ကြားရတဲ့ သတင်းတွေအရတော့ ပေးစရာ အခွန် အခတွေလည်း များနေတယ်။ ပြီးတော့ သူတို့အတွင်းရေးတွေလည်း ရှိတယ်။ ဒါကြောင့် ဒါကို တမင်လုပ်ကြံတာ ဖြစ်တယ်လို့  ယူဆနေကြတယ်” ဟု စီးပွားရေးလုပ်ငန်းရှင်တဦးက ပြောသည်။
အဆိုပါစက်ရုံသည် ရန်ကုန်တိုင်း လှည်းကူးမြို့နယ် ယင်းတိုက်ပင်ကျေးရွာအတွင်း တည်ရှိပြီး စက်ရုံမှူး ဦးသန်းဦးမှာ အရေးယူခြင်းခံနေရသည်။
zondag 23 augustus 2009
Abonneren op:
Reacties posten (Atom)
Geen opmerkingen:
Een reactie posten