မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

vrijdag 21 augustus 2009

မြန်မာပြည်တောင်ပိုင်းတွင် ဖောက်ခွဲမှု ဖြစ်ပွားနိုင်ဟု စစ်အစိုးရ သတိပေး

ဝီရ / ၂၁ သြဂုတ် ၂၀၀၉


တိုင်းရင်းသား လက်နက်ကိုင်အဖွဲ့တို့ပူးပေါင်း၍ မြန်မာပြည် တောင်ပိုင်းဒေသများတွင် ဖောက်ခွဲရေးလုပ်ငန်းများ ပြုလုပ်လာနိုင်၍ သတိထားစောင့်ကြည့်ကြရန် စစ်အစိုးရအာဏာပိုင်များက စာဖြန့်ဝေကာ ကျေးရွာဥက္ကဋ္ဌတို့အား အသိပေးထားသည်။

အဆိုပါစာတွင် ကရင်အမျိုးသားအစည်းအရုံးနှင့် မွန်ပြည်သစ်ပါတီတို့ကို ပုတ်ခတ်ရေးသားထားပြီး ကေအန်ယူက ယင်းဖောက်ခွဲရေးလုပ်ငန်းအတွက် သင်တန်းသား (၆၀) ကျော်အား လေ့ကျင့်ပေးလျက်ရှိကြောင်းလည်း ပါရှိသည်။

မွန်ပြည်သစ်ပါတီ၏ အထွေထွေအတွင်းရေးမှူး နိုင်ဟံသာ၏ ပြည်ပခရီးစဉ်နှင့်ပတ်သက်၍ ပုတ်ခတ်ရေးသားထားပြီး ၎င်းက အခြား အတိုက်အခံအဖွဲ့အစည်းများနှင့် ပူးပေါင်း၍ ကေအန်ယူ ထိန်းချုပ်ရာ နယ်စပ်တနေရာတွင် ဖောက်ခွဲရေးအတွက် သင်တန်းပေးနေသည်ဟု စွပ်စွဲထားသည်။

ယင်းစာနှင့်ပတ်သက်၍ အခြေအမြစ်မရှိကြောင်း ပါတီသိက္ခာ ကျဆင်းစေရန်ရည်ရွယ်၍ စာလိုက်ဖြန့်နေခြင်းဖြစ်ကြောင်း မွန်ပြည်သစ်ပါတီ ဗဟိုကော်မတီဝင်တဦးက ပြောသည်။

၎င်းက “အဲဒါတောင် မကဘူး။ အခုအပတ်ထဲက မွန်ပြည်နယ်နဲ့ ကရင်ပြည်နယ်ကို ရောက်လာတဲ့ ကာကွယ်ရေးဝန်ကြီးဌာနက ဒုတိယ ဗိုလ်ချုပ်ကြီး ခင်ဇော် ကိုယ်တိုင်က မွန်ပြည်သစ်က အများပြည်သူတွေ အထိတ်တလန့်ဖြစ်အောင် လုပ်နေတယ်လို့ မွန်ပြည်နယ်က မြို့နယ်လူကြီးတွေနဲ့ တွေ့တုန်းက ပြောခဲ့သေးတယ်။ ဘာအကြောင်းကြောင့် ဒီလိုပြောခဲ့တယ်ဆိုတာတော့ ကျနော်တို့မသိဘူး” ဟု ခေတ်ပြိုင်သို့ ပြောသည်။

မြန်မာပြည်၏ နိုင်ငံရေးပြဿနာသည် အဆိုးဘက်သို့ ဦးတည်သွားရန် အလားအလာ များနေပြီး နအဖအနေဖြင့် ရွေးကောက်ပွဲအား တဖက်သတ်တွန်းပြီး လုပ်သွားလျှင် ပြည်တွင်းစစ်မီး ပြန်လည်ထတောက်လာရန် ရှိနေသည်ဟု ပြည်ပမီဒီယာမှတဆင့် နိုင်ဟံသာက သတိပေးပြောကြားခဲ့ပြီးသည့်နောက် နအဖက စာဖြန့်ဝေမှုများ ပြုလုပ်လာခြင်းဖြစ်သည်။

မုဒုံမြို့နယ်မှ စာလက်ခံရရှိသူတဦးက “စာလာပေးပြီး ရွာတွေထဲမှာ သူစိမ်းတွေ ဝင်ထွက်သွားလာနေတာတို့၊ မွန်ပြည်သစ် တပ်ဖွဲ့ရဲ့ လှုပ်ရှားမှုတွေကို မှတ်တမ်းတင်ပြီး အာဏာပိုင်တွေထံ တင်ပြဖို့ တရားဝင် ညွှန်ကြားချက်ပါတယ်။ ရွာရဲ့ ဧည့်စာရင်းကိုလည်း နှစ်ပတ်တကြိမ် မြို့နယ်ရုံးကို တင်ပြရမယ်။ ပြီးတော့ ဖောက်ခွဲရေးလုပ်ငန်းတွေ ဒီဒေသမှာ ဖြစ်လာနိုင်တယ်တဲ့။ အဲဒါကြောင့် စာဖြန့်ရတာတဲ့” ဟု ပြောကြားသည်။

မွန်ပြည်သစ်ပါတီသည် လာမည့်ရွေးကောက်ပွဲတွင် ဝင်ရောက်ယှဉ်ပြိုင်မည်မဟုတ်သကဲ့သို့ နယ်ခြားစောင့်တပ် ပြောင်းလဲရန် လက်မခံကြောင်း ကြေညာထားသည်။

Geen opmerkingen: