maandag 31 augustus 2009
MDUF နာယကကြီး ဦးစိုးလွင် ကွယ်လွန်
ဦးစိုးလွင် (ဓာတ်ပုံ - ရိုးမ ၃)
Monday, 31 August 2009 18:14 ရိုးမ ၃
.မြိတ်-ထားဝယ်ညီညွတ်ရေးတပ်ဦး(MDUF) နာယကကြီး ဦးစိုးလွင်သည် ထိုင်း-မြန်မာ နယ်စပ်တွင် ယမန့်နေ့က ကွယ်လွန်သွားခဲ့သည်။
ယမန်နေ့ည (၁၁) နာရီ (၃၅) မိနစ်တွင် လူကြီးရောဂါဖြင့် မိသားစုနေအိမ်တွင် ကွယ်လွန်ခဲ့ခြင်းဖြစ်ပြီး ကွယ်လွန်ချိန်တွင် အသက် (၉၁) နှစ် ရှိပြီဖြစ်သည်။
နာယကကြီး ဦးစိုးလွင်ကို အဖ ဦးထွန်းစိန်၊ အမိ ဒေါ်သိန်းတင်တို့မှ ၂၁.၆.၁၉၁၉ ရက်နေ့တွင် ပဲခူးမြို့၌ ဖွားမြင်ခဲ့ပြီး မူလတန်းပညာကို ပဲခူးမြို့တွင် သင်ကြားခဲ့သည်။ ထို့နောက် ရန်ကုန်တွင် အထက်တန်းပညာနှင့် တက္ကသိုလ် တတိယနှစ် အထိ ပညာသင်ကြားခဲ့သည်။ ကျောင်းသားသပိတ်တွင် ပါဝင်ခဲ့သဖြင့် ကျောင်း ၂ နှစ် ထုတ်ခံ ခဲ့ရသည်။
၁၃၀၀ ပြည့်အရေးတော်ပုံတွင် အာရှလူငယ်အဖွဲ့ဝင်အဖြစ် မန္တလေးတိုင်းတွင်တာဝန်ယူခဲ့ပြီး ၁၉၄၃ ခုနှစ်တွင် နယ်ချဲ့ တော်လှန်ရေးတွင် ဗိုလ်အာဠာဝကနှင့်အတူ ဗိုလ်ကြီးအဆင့်တာဝန်ယူခဲ့ကာ ၁၉၄၅ ဖက်ဆစ်ဂျပန် တော်လှန်ရေးကာလတွင် ဗိုလ်မှူးကြီး ဗထူးနှင့်အတူ အထက်ဗမာပြည်တွင် တာဝန်ထမ်းဆောင်ခဲ့သည်။
၁၉၄၇ တွင် ဗမာ့တပ်မတော် ဖွဲ့စည်းရာတွင် ဒုဗိုလ်အဆင့်ဖြင့် တပ်ရင်း (၅) တွင် တာဝန်ထမ်းဆောင်ခဲ့ပြီး ဗမာပြည် ကွန်မြူနစ်ပါတီဝင် တဦးဖြစ်လာသည်။ ၁၉၄၉ တွင် တော်လှန်ရေးနယ်မြေကို ရောက်ရှိခဲ့သည်။ ၁၉၅၁ ခုနှစ်တွင် ဒုဗိုလ်မှူးကြီး တာဝန်ဖြင့် ဗမာပြည် ကွန်မြူနစ်ပါတီ၊ တနင်္သာရီတိုင်း တပ်မဟာ (၇) မှူးတာဝန်ဖြင့် ထားဝယ်ခရိုင်တွင် တာဝန်ထမ်းဆောင်ခဲ့သည်။
၁၉၈၅ ခုနှစ် ဗမာပြည်ကွန်မြူနစ်ပါတီ တတိယအကြိမ်ကွန်ကရက်မှ ဗဟိုကော်မတီဝင်အဖြစ်ရွေးချယ်ခံရပြီး ၁၉၉၅ တွင် မြိတ်-ထားဝယ်ညီညွတ်ရေးတပ်ဦးတွင် ဒုဥက္ကဌအဖြစ် တာဝန်ယူခဲ့သည်။ ၂၀၀၁ တွင် ကျန်းမာရေးကြောင့် ဒုဥက္ကဌ တာဝန်မှ အနားယူပြီး နယကအဖြစ် ကွယ်လွန်ချိန်ထိ ဆက်လက်တာဝန်ယူခဲ့သည်။
ပြီးခဲ့သည့် ဇွန်လအတွင်းက ၎င်း၏ နှစ် (၉၀) မြောက်မွေးနေ့ကို ထိုင်း-မြန်မာနယ်စပ်တွင် ကျင်းပပြုလုပ်ခဲ့သေးသည်။ နာယကကြီး ဦးစိုးလွင်၏ ဈာပနကို မနက်ဖြန် (၁-၉-၂၀၀၉ ရက်နေ့) တွင် သင်္ဂြိုဟ်မည်ဖြစ်သည်။
Labels:
ရိုးမ ၃ မှ
Abonneren op:
Reacties posten (Atom)
Geen opmerkingen:
Een reactie posten