ဆောင်းဇွန်ဝေ
တနင်္လာနေ့၊ ဧပြီလ ၁၉ ရက် ၂၀၁၀ ခုနှစ် ၁၃ နာရီ ၂၈ မိနစ် .
ကန်တော်ကြီးကန်ပတ်လမ်းတလျှောက်ဒီနှစ်ကျမှတည်ဆောက်ခွင့်ပေးတဲ့သင်္ကြန်ရေကစား မဏ္ဍပ်ကြီးတွေမှာအလွမ်းပြေလာကြည့်ပြီးရေကစားမယ့်သူတွေ၊ဒီနှစ်သင်္ကြန်ရန်ကုန်မှာမစည်ပါဘူးဆိုတဲ့ စကားကိုချေဖျက်မယ့်သူတွေ၊အများအားဖြင့်ကားနဲ့လည်းလျှောက်မလည်နိုင်၊ သင်္ကြန်မဏ္ဍပ်တွေပေါ်မှာလည်းရေမကစားနိုင်တဲ့အခြေခံလူတန်းစားအများစုနဲ့သွက်လက်လှုပ်ရှား ပျားပန်းခတ်နေတယ်။သီချင်းသံတွေဆူညံနေတဲ့နေပူပူအောက်မှာလူအုပ်ကြီးတိုးဝှေ့နေတယ်။
ဆံပင်ထိုးထိုးထောင်ထောင်နဲ့ဘောင်းဘီအကျပ်ဝတ်ထားတဲ့လူငယ်တသိုက်ကလမ်းဘေးမှာထိုင်သူထိုင် ကသူကနဲ့၊ခြေသလုံးပေါင်တံပေါ်အောင်ဘောင်းဘီတိုဝတ်ထားတဲ့ကောင်မလေးကိုလက်တွဲပြီး လမ်းလျှောက်လာတဲ့အတွဲကလေးတွေ၊အအေးပုလင်းအလွတ်လက်ကဆွဲလာပြီးကလေးလေးကိုချီရင်း မဏ္ဍပ်တွေပေါ်မှာကခုန်နေတဲ့လူငယ်တွေကိုငေးမောကြည့်ရှုနေတဲ့မိသားစုကလေးတွေကလည်း သူ့အာရုံနဲ့သူ။
လုံခြုံရေးတာဝန်ယူထားတဲ့ရဲတပ်ဖွဲ့နဲ့မြို့နယ်တာဝန်ရှိသူတွေကလည်းလမ်းအလယ်ကျွန်းပေါ်ကနေ ဟိုကြည့်ဒီကြည့်။ပြည့်ကျပ်နေတဲ့ယာဉ်တန်းကိုလမ်းပိတ်ဆို့မှုတွေမဖြစ်အောင်လမ်းရှင်းပေးနေတဲ့ လမ်းပြယာဉ်ထိန်းရဲတွေနဲ့အရန်မီးသတ်တွေကလည်းမဏ္ဍပ်တွေအောက်ကနေပြီးတာဝန်ယူနေတယ်။ မြူးထူးကခုန်နေတဲ့ရေပတ်ခံကားတွေကိုတစီးချင်းရှင်းလင်းနေတယ်။
မဏ္ဍပ်တခုပေါ်မှာတော့ရေပိုက်လေးတရမ်းရမ်းနဲ့ခုန်ကနေတဲ့မိန်းကလေးတွေ၊ ယောက်ျားလေးတွေအားလုံး ဒီဂျေကတင်ဆက်နေတဲ့စည်းချက်အလိုက်ယိမ်းထိုးလိုက်ပါနေကြတယ်။ပျော်ရွှင်မှုဟာ အတောမသတ်အောင်သူတို့ရင်တွင်းမှာပေါ်ထွက်နေတယ်။ပူလောင်အိုက်စပ်တဲ့နွေနေပူကို အန်တုတဲ့အနေနဲ့ရေတွေရွှဲအောင်လောင်းပက်ပြီးမြန်မာ့ယဉ်ကျေးမှုနှစ်သစ်ကိုကြိုဆိုနေတယ်။ တနှစ်တာလုံးပြုလုပ်ခဲ့ကြတဲ့ညစ်နွမ်းမှုတွေကိုအတာရေနဲ့အားရအောင်ဆေးကြောနေကြတယ်။
ရေကစားမဏ္ဍပ်ပေါ်ကနေလှမ်းကြည့်ရင်သင်္ကြန်နဲ့သီတင်းကျွတ်မှားယွင်းဆော့ကစားနေသလား ထင်လောက်အောင်မီးပန်းတချို့ကလူအုပ်ကြားထဲမှာထွက်ပေါ်လာတယ်။မီးခိုးငွေ့အချို့ထွက်ပေါ်လာပြီး ကားဘီးပေါက်သံနဲ့ဆင်တဲ့ပေါက်ကွဲသံခပ်အုပ်အုပ်ဟာကျယ်လောင်စွာထွက်ပေါ်နေတဲ့တက္ကနိုတီးလုံးတွေ ကြားကနေထွက်ပေါ်လာတယ်။ရုတ်တရက်မို့လူတွေဘာမှသိလိုက်ကြ။၅စက္ကန့််လောက်ပဲခြားနားမယ့် လက်ဖြောက်၂တွက်ချိန်မှာတော့ဆက်တိုက်ထွက်ပေါ်လာတဲ့ပေါက်ကွဲသံတွေကြောင့်မဏ္ဍပ်အောက်ကနေ လူတွေရုန်းရင်းဆန်ခတ်ဖြစ်သွားတယ်။
”ဝပ်ထား””ဝပ်ထား”ဆိုတဲ့အော်သံတွေကြောင့်မဏ္ဍပ်ပေါ်ကရေကစားသူတချို့နောက်ပြန်လဲသူကလဲ၊ ဝမ်းလျားထိုးမှောက်သူကမှောက်၊တက်နင်းရင်ခြေချော်လဲသူကလဲနဲ့၊မဏ္ဍပ်ပေါ်ကဆင်းပြေးသူကပြေးနဲ့။
သူကတော့ခါးနောက်ပိုင်းမှာဆစ်ကနဲပူသလိုခံစားလိုက်ရတယ်။ဒါပေမဲ့မဏ္ဍပ်လက်ရန်းပေါ်က ခုန်ချလိုက်တဲ့ အရှိန်ကြောင့်ရုတ်တရက် ပြန်မထနိုင်။မဏ္ဍပ်ရှေ့ကာထားတဲ့vinylအောက်ကနေလှမ်းမြင်လိုက်ရတာက လိုက်အေ့စ်ကားတစီးပတ်လက်လန်သွားတယ်။ကားအောက်မှာပိနေသူတချို့ရှိနေတယ်။ဦးတည်ရာမဲ့ ခြေဦးတည့်ရာကိုထွက်ပြေးသူတွေ။တုံးလုံးပတ်လက်နဲ့မလှုပ်မယှက်ကျန်ခဲ့တဲ့သူတွေကလမ်းမပေါ်မှာ။
ကတ္တရာလမ်းဟာသွေးတွေနဲ့စွန်းထင်းသွားတယ်။ခုနကယာဉ်ကြောရှင်းနေတဲ့ယာဉ်ထိန်းရဲဟာသူ ဝတ်ဆင်ထားတဲ့ယူနီဖောင်းဖြူဖြူကိုသွေးတွေနဲ့ချင်းချင်းနီနေပြီး၊လူကပက်လက်အနေအထား ဖြစ်နေတယ်။ သူ့လည်ပင်းမှာသွေးတွေမြင်မကောင်းအောင်ထွက်နေတယ်။အရန်မီးသတ်တယောက်က မှောက်လျက်လဲနေပြီ။ကျွတ်ကျန်ခဲ့တဲ့ဖိနပ်တွေ၊ပလပ်စတစ်အိတ်၊ရေသန့်ဘူးနဲ့ပိုက်ဆံအိတ်တွေ ဖရိုဖရဲကြားမှာလူတွေအတုံးအရုံးလဲပြိုကျလို့။ညှော်နံ့လိုအနံ့ဆိုးတခုကဝန်းကျင်တခုလုံးကို ဖုံးလွှမ်းရစ်သိုင်းလို့။
အသိစိတ်တွေဟာလျှပ်စစ်လိုပဲအလျင်အမြန်သူ့ဆီဝင်ရောက်လာတယ်။ဒဏ်ရာရသူတွေကို ပြေးပွေ့သူကပွေ့။ငိုတဲ့သူကငို။ဘယ်သူကသေတယ်၊ဘယ်သူကရှင်တယ်ဆိုတာအသေအချာ မသိသေးချိန်မှာပဲညည်းညူအော်ဟစ်သံတွေပွတ်ပွတ်ညံနေတယ်။
နီးစပ်ရာနည်းပေါင်းစုံနဲ့တယောက်ကိုတယောက်ဖေးမကြတယ်။မကြာခင်ဆေးရုံကားတွေ၊ရဲကားတွေ ရောက်လာတယ်။လမ်းတွေကိုပိတ်လိုက်ကြတယ်။ဒဏ်ရာရသူတွေ၊သေဆုံးသူတွေကိုဆေးရုံကားတွေပေါ် အဆင်ပြေသလိုနည်းနဲ့ပြွတ်သိပ်တင်ဆောင်ပြီးတင်သွားကြတယ်။နီးစပ်ရာလူတချို့ကိုလုံခြုံရေးတွေက လိုက်ဖမ်းလုပ်လို့ရပ်ကြည့်နေကြသူတွေနောက်ကိုလှည့်ပြေးကုန်ကြတယ်။
ရန်ကုန်ဆေးရုံကြီးအရေးပေါ်လူနာဆောင်ကိုရောက်လာတဲ့လူနာတွေကတပုံတပင်။သင်္ကြန်ပွဲတော်ရက်မို့ တာဝန်ချထားတဲ့ဆေးဝန်ထမ်းကချက်ချင်းလုံလောက်မှုမရှိခင်မှာပဲခွဲစိတ်ဖို့လိုအပ်သူတွေကို ဓာတ်မှန်ရိုက်၊ သွေးသွင်းဆေးသွင်းနဲ့ဆေးရုံကြီးအရေးပေါ်ဌာနဟာတမဟုတ်ချင်းအလုပ်တွေရှုပ်သွားတယ်။ တောက်တခေါက်ခေါက်နဲ့လူနာရှင်တွေကဗုံးဖောက်ခွဲသူတွေကိုဆဲဆိုရေရွတ်နေတယ်။တချို့ ဒဏ်ရာနည်းတဲ့လူနာတွေကအပြင်ဆေးခန်းမှာပြမယ်ဆိုပြီးထပြန်ကုန်တယ်။ဒီအထဲသူလည်း တယောက်အပါအဝင်ဖြစ်တယ်။
မကြာခင်မှာပဲမြန်မာ့အသံနဲ့မြန်မာ့ရုပ်မြင်သံကြားကနေပေါက်ကွဲမှုဖြစ်စဉ်ကိုသတင်းကြေညာတယ်။
ဆေးရုံမှာလူနာတွေကိုပုံမှန်ကိုင်တွယ်နိုင်ဖို့အတွက်၃၆နာရီလောက်အချိန်ယူလိုက်ရတယ်။အရေးပေါ် လူနာတွေကိုကြပ်မတ်ကုသကြတယ်။အဲဒီအထဲမှာအဆင့်မြင့်အရာရှိကြီးတယောက် သေဆုံးခဲ့တယ်လို့လည်းကြားသိရတယ်။ဒါပေမဲ့စာရင်းထွက်မလာခဲ့။သေဆုံးဒဏ်ရာရရှိသူ အရေအတွက်တွေဟာအချိန်နဲ့အမျှမြင့်တက်လာတယ်။အပြင်ဆေးခန်းမှာကုသခွင့်မရှိလို့ ဒဏ်ရာရသူစာရင်းတက်လာတာလို့လည်းဆိုကြတယ်။
တဆစ်ဆစ်ကိုက်ခဲလာတဲ့နာကျင်မှုကြောင့်ဆေးရုံကြီးကိုမိုးချုပ်တော့ပြန်ရောက်လာပြန်တယ်။ဒဏ်ရာဟာ မကြီးပေမယ့်အပေါက်ဖြစ်သွားတယ်။သွေးကလုံးဝမတိပ်။ရောက်ရောက်ချင်းဓာတ်မှန်ရိုက်တယ်။ ဝင်သွားတဲ့ ဗုံးစအတွက်ခွဲစိတ်ဖို့လိုတယ်။ဒါပေမဲ့ဒီနေ့ညတော့မဖြစ်နိုင်တော့။ခွဲစိတ်မှုများလွန်းလို့ခွဲစိတ်ခန်းကို ပိုးပြန်သတ်ဖို့အချိန်ပေးရမယ်လို့ဆိုလာတယ်။အကိုက်အခဲသက်သာအောင်ဆေးထိုးပေးပြီးအစာလုံးဝ မစားရတော့ဘူးလို့တာဝန်ကျဆရာဝန်ကမှာသွားတယ်။ပေါက်ကွဲမှုအပြီး၂၄နာရီကြာတဲ့အခါဒဏ်ရာရသူ၁၇ဝအထိဖြစ်လာပြီးသေဆုံးသူ၈ယောက်အထိတရားဝင်ထွက်ပေါ်လာခဲ့တယ်။
အတွင်းလူနာအဖြစ်မယကအဖွဲ့ဥက္ကဋ္ဌနဲ့ယာဉ်ထိန်းအရာရှိတယောက်၊အရန်မီးသတ်တယောက်၊စိုးရိမ်ရတဲ့ အနေအထားမှာရှိနေဆဲ။လက်ရှိမှာလူနာ၅ဝကနေ၇ဝနီးပါးဆေးရုံကနေပြန်ဆင်းသွားကြပြီဖြစ်တယ်။ ရဲသတင်းတချို့အရသေဆုံးသူအရေအတွက်ဟာဒီထက်ပိုသေးတယ်လို့သိရတယ်။
အတက်နေ့မှာခွဲစိတ်ခံရလို့တနေ့လုံး၊တညလုံးစိတ်တိုနေတယ်။ဒဏ်ရာကသေးပေမယ့် အတော်ခံရခက်နေတယ်။ခွဲစိတ်မှုအပြီးမှာတော့လက်မခွံလောက်ရှိတဲ့သတ္တုစတခုကိုယ်ခန္ဓာထဲက ထွက်လာတယ်လို့အိမ်ကပြောတယ်။အခုလိုလုပ်ရပ်တွေဟာအကြမ်းဖက်မှုတခုသာမကလူမဆန်တဲ့ လုပ်ရပ်တခုဖြစ်ကြောင်းရန်ကုန်နေပြည်သူလူထုရင်ထဲမှာကိန်းကောင်းနေမှာပါ။
Geen opmerkingen:
Een reactie posten