မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

dinsdag 27 april 2010

ပခုက္ကူလေပြင်းအိမ်များပျက်စီး

ကျော်ခ
အင်္ဂါနေ့၊ဧပြီလ၂၇ရက်၂၀၁၀ခုနှစ်၁၇နာရီ၁၈မိနစ် .
ချင်းမိုင်(မဇ္ဈိမ)။ ။ပခုက္ကူမြို့တွင်ယမန်နေ့ကလေပြင်းတိုက်ခိုက်မှုကြောင့်လူနေအိမ်များပျက်စီးဆုံးရှုံးမှု ရှိခဲ့သလိုလူအသေအပျောက်ရှိခဲ့သည်ဟုဒေသခံများကပြောသည်။
မကွေးတိုင်းပခုက္ကူမြို့တွင်တင်္နလာနေ့ညနေ၅နာရီခွဲတွင်လေပြင်းတိုက်ခိုက်ရာအိမ်များအမိုးအကာများ လွင့်ထွက်ခြင်း၊သစ်ပင်ပြိုလဲ၍ပိခြင်း၊လျှပ်စစ်ဓာတ်အားပေးကြိုးများနှင့်တယ်လီဖုန်းကြိုးများ ပြတ်တောက်သွားခဲ့သည်။
“လေရောမိုးရောတပြိုင်တည်းဝင်လာတာ၊သစ်ပင်တွေဆိုအမြစ်ကနေကျွတ်ထွက်တယ်။ တချို့ခါးပိုင်းလောက်ကနေကျိုးကျတယ်။”ဟုပခုက္ကူမြို့အနောက်ခြမ်းရှိနေသူတဦးကမဇ္ဈိမကိုပြောသည်။
“လေကအရမ်းပြင်းတယ်။တဝုန်းဝုန်းနဲ့မိုးရောလေရောဝင်လာတယ်ဆိုတော့ကျမတို့လည်းတံခါးတွေပိတ် ပြိးအိမ်ထဲမှာပဲနေတယ်။အပြင်ထွက်ကြည့်တော့သစ်ပင်တွေကအမြစ်တွေပါကျွတ်ထွက်တယ်။ တချို့သစ်ပင်တွေဆိုထက်ပိုင်းတွေကျိုးကျတယ်။ဟိုဘက်ခြမ်းကအိမ်ဆိုမိုးထားတဲ့ သွပ်ပြားတွေလှန်ထွက်ကုန်တာ”ဟုဆက်ပြောသည်။
ဒေသခံများခန့်မှန်းချက်အရအိမ်ခြေအနည်းဆုံး၂ဝကျော်ပျက်စီးမှုရှိခဲ့ပြီးအမှတ်၁၅ရပ်ကွက်တွင် ပျက်စီးမှုအများဆုံးဖြစ်သည်ဟုဆိုသည်။သစ်ပင်ပိ၍ကလေးနှစ်ဦးနှင့်လူကြီးတဦးသေဆုံးခဲ့ကြောင်းနှင့် ဒဏ်ရာရသူများလည်းရှိကြောင်းဆက်သွယ်ရရှိသောဒေသခံများကပြောသည်။
“သစ်ပင်တွေ၊ဓါတ်တိုင်တွေကပြိုတာဒီလမ်းတလမ်းထဲတင်ပြိုတာအများကြီးပဲ။စည်ပင်နဲ့မီးသတ်နဲ့တော့ ခုက်ပြီးရှင်းနေကြတယ်။တမြို့လုံးနီးပါးဆိုတော့သူတို့တရက်တည်းနဲ့တော့ရှင်းလို့ပြီးမှာမဟုတ်ဘူး”ဟု မြို့မဈေးကြီးအနီးနားနေထိုင်သူတဦးကပြောသည်။
တယ်လီဖုန်းလိုင်းအနည်းငယ်သာ ကောင်းမွန်ကျန်ခဲ့သဖြင့် ဆက်သွယ်ရခက်ခဲလှသည်။
ပခုက္ကူမြို့နယ်အုပ်ချုပ်ရေးကပေးပို့သောစာရင်းတရပ်တွင်မူလေပြင်းကြောင့်ခရိုင်အားကစားကွင်း၊ နယ်စပ်စည်ပင်၊အိမ်တွင်းမှုကျောင်း၊အာမခံရုံး၊ကုန်သွယ်လယ်ယာတို့၏အမိုးများ ပျက်စီးသွားသည်ဟုသာပါရှိသည်။
မြန်မာနိုင်ငံတွင်မက်လမှစတင်ကာမေလ၂ဝရက်နေ့အတွင်းမိုးကြိုးမုန်းတိုင်းနှင့်လေပြင်းမုန်တိုင်းများ ကျလိမ့်မည်ဟုမိုးလေဝသဇလဗေဒပညာရှင်ဒေါက်တာဦးထွန်းလွင်ကယခုလအစပိုင်းကသတိပေး ပြောဆိုခဲ့သည်။

Geen opmerkingen: