ဖနိဒါ
ဗုဒ္ဓဟူးနေ့၊ဧပြီလ၂၈ရက်၂၀၁၀ခုနှစ်၁၆နာရီ၅၈မိနစ် .
ချင်းမိုင်(မဇ္ဈိမ)။ ။ပြည်သူ့စစ်အဖြစ်ပြောင်းလဲရန်စစ်အစိုးရကညွှန်ကြားခဲ့သည်ကိုငြင်းဆန်လိုက်ပြီးနောက် စစ်ပွဲအတွက်ကြိုတင်ပြင်ဆင်မှုများမွန်ပြည်သစ်ပါတီကပြုလုပ်လျက်ရှိသည်။
ယခုလ၂၂ရက်နေ့မှစ၍ပါတီ၏ဆက်ဆံရေးရုံးများရှိစာရွက်စာတမ်းများသိမ်းဆည်းထားကာ မော်လမြိုင်ရုံးမှလွဲ၍ရုံးများကိုပိတ်ထားလိုက်သည်။
“ဒီလ၂၂ရက်နေ့နောက်ဆုံးထားအဖြေကကျနော်တို့လက်မခံနိုင်တဲ့အတွက်ရုံးပိတ်ပစ်လိုက်တယ်။ ပိတ်လိုက်တယ်ဆိုတာကစစ်အစိုးရကအရေးယူမှုပြဿနာဖြစ်လာမှာစိုးရိမ်လို့၊သဘောကတော့ စစ်ရေးအရ အရေးယူလာရင်ကျနော်တို့လူတွေအထဲမှာခပ်များများကျန်သွားမှာစိုးရိမ်လို့ပါ”ဟုပါတီပြောရေးဆိုခွင့်ရှိသူ နိုင်ခြေးမွန်ကပြောသည်။
ရန်ကုန်၊ရေး၊မြဝတီ၊ဘုရားသုံးဆူ၊သံဖြူဇရပ်ရှိပါတီရုံးများပိတ်လိုက်ပြီးမော်လမြိုင်တွင်ဆက်ဆံရေးတာဝန်ခံ ၂ဦးသာထားသည်။
၁၉၉၅ခုနှစ်စစ်အစိုးရနှင့်အပစ်ရပ်စဲစဉ်နှစ်ဖက်ဆက်သွယ်နိုင်ရန်အတွက်ဆက်ဆံရေးရုံးများ ဖွင့်လှစ်ထားခြင်းသာဖြစ်ပြီးပါတီအနေဖြင့်မည်သည့်စီးပွားရေးလုပ်ငန်းများလုပ်ပိုင်ခွင့်မရသဖြင့် ပါတီစီးပွားရေးလုပ်ငန်းများထိခိုက်မည်မဟုတ်ကြောင်းမွန်ပြည်သစ်ပါတီဝင်ဟောင်းနိုင်တင်အောင်က ပြောသည်။
“စောစောပိုင်းတော့သစ်လုပ်ငန်းပဲကြီးကြီးမားမားလုပ်တာ။အခုနောက်ပိုင်းသစ်လုပ်ငန်းတောင်အစိုးရက ပါမစ်တွေမချပေးတော့မလုပ်နိုင်တော့ဘူးလေ။ရုံးပိတ်လို့ထိခိုက်တာမရှိပါဘူး။အထူးအခွင့်အရေးမှ မရတော့ ဘာမှထိခိုက်တာမရှိပါဘူး”ဟုသူကမဇ္ဈိမကိုပြောသည်။
အပစ်ရပ်စဲမှုစတင်အပြီးသစ်လုပ်ငန်းများ၊ကားလမ်းဘီးခွန်ကောက်ခြင်း၊ကားလိုင်းများပြေးဆွဲခြင်းနှင့် သွင်းကုန်ထုတ်ကုန်လုပ်ငန်းများလုပ်ကိုင်ခွင့်ရခဲ့သော်လည်းနောက်ပိုင်းတွင်ပိတ်ပင်ခံခဲ့ရသည်။
လက်ရှိစစ်အစိုးရနှင့်မွန်ပြည်သစ်တို့အကြားတင်းမာမှုရှိနေပြီးစစ်ရေးအတွက်ပြင်ဆင်မှုများရှိနေကြောင်း အကဲခတ်လေ့လာသူတဦးဖြစ်သောဦးအောင်သူငြိမ်းကပြောသည်။
မွန်ပြည်သစ်ပါတီရုံးရှိရာရေးမြို့နယ်တွင်စစ်အစိုးရ၏တပ်ရင်း၃ရင်း၊စစ်ဆင်ရေးနှင့်ကွပ်ကဲရေးဌာနချုပ် (စကခ)တခုရှိပြီးဘုရားသုံးဆူတွင်တပ်ရင်း၃ရင်း၊မော်လမြိုင်မြို့တွင်အရှေ့တောင်တိုင်းစစ်ဌာနချုပ်နှင့်ထိုမှ မုဒုံမြို့နယ်အထိနအဖတပ်ရင်းအမြောက်အမြားရှိနေသည်။
လက်နက်ကိုင်စစ်သည်အင်အား၇ဝဝခန့်ရှိမွန်ပြည်သစ်ကမော်လမြိင်ခရိုင်၊ထားဝယ်ခရိုင်၊သထုံခရိုင်၊ ရေးချောင်းဖျားရှိဗဟိုဂွင်၊ဘုရားသုံးဆူဒေသတွင်ထိန်းချုပ်ထားသည်။
စစ်ပွဲဖြစ်လာမည်ကိုစိုးရိမ်သဖြင့်ရေးမြို့နယ်တိုးဟပယောက်၊အနီ၊ချဲတိုက်၊ဝေဆင်၊နောင်ဘွဲ့စသည့် ကျေးရွာသား၎ဝဝကျော်သည်ယခု၂၅ရက်နေ့မှစတင်၍ထိုင်း-မြန်မာနယ်စပ်ရှိခလောက်ခနီ မွန်ဒုက္ခသည်စခန်းသို့ထွက်ပြေးလာကြကြောင်းသတင်းများထွက်ပေါ်နေသည်။
၁၉၅၈ခုနှစ်အတွင်းတည်ထောင်ခဲ့သည့်NMSPသည်မွန်အမျိုးသားများအပါအဝင်တိုင်းရင်းသားအားလုံး တန်းတူညီမျှရေးနှင့်ကိုယ်ပိုင်ပြဋ္ဌာန်းခွင့်အတွက်လက်နက်ကိုင်လမ်းစဉ်ဖြင့်တိုက်ပွဲဝင်တော်လှန်ခဲ့ကြသည်။
Geen opmerkingen:
Een reactie posten