မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

woensdag 28 april 2010

အေးရှားဝေါလ်ဆည်စီမံကိန်းလုပ်သား၎ဦးဒဏ်ရာရ

မြင့်မောင်
ဗုဒ္ဓဟူးနေ့၊ဧပြီလ၂၈ရက်၂၀၁၀ခုနှစ်၁၉ နာရီ၀၂မိနစ် .
နယူးဒေလီ(မဇ္ဈိမ)။ ။ကရင်အမျိုးသားအစည်းအရုံးတပ်များကပစ်ခတ်လိုက်သောလက်နက်ကြီးများ ထိမှန်မှုကြောင့်အေးရှားဝေါလ်ကုမ္ပဏီကတည်ဆောက်လျက်ရှိသောရေအားလျပ်စစ်စီမံကိန်းလုပ်သား၎ဦး ဒဏ်ရာရသွားသည်။
ပဲခူးတိုင်းထန်းတပင်မြို့နယ်ရှိသောက်ရေခပ်ရေအားလျပ်စစ်စီမံကိန်းသို့နံနက်၁ဝနာရီခွဲခန့်တွင် လက်နက်ကြီးအနည်းဆုံး၂လုံးကျရောက်၍ဝန်ထမ်း၎ဦးဒဏ်ရာရသွားကာတောင်ငူဆေးရုံတွင် ကုသမှုခံယူနေရသည်။
“ကျနော်တို့စစ်ကြောင်းတွေလှည့်လည်တဲ့အခါထိပ်တိုက်တိုက်ပွဲလား၊ဒါမှမဟုတ်ဆည်ကိစ္စနဲ့ပတ်သက်ပြီးလူထုက တားထားတဲ့အပေါ်မှာသွားရောက်ဆုံးမသွန်သင်တဲ့သဘောနဲ့တိုက်တာလားဆိုတာမသိရသေးဘူး။ တိုက်ပွဲကတော့ဖြစ်တာမှန်တယ်”ဟုKNUတွဲဘက်အထွေထွေအတွင်းရေးမှူး(၁)ဗိုလ်မှူးစောလှငွေက ပြောသည်။
ဆည်စီမံကိန်းကဒေသခံပြည်သူများထံမှအဓမ္မမြေသိမ်းမှုများနှင့်လုပ်အားပေးခိုင်းစေမှုများရှိနေသည်ဟု သူကပြောသည်။
ရေအားလျှပ်စစ်စီမံကိန်းတွင်တရုတ်နိုင်ငံယူနန်ပြည်နယ်မှရေကာတာတည်ဆောက်ရေးကျွမ်းကျင်သည့် တရုတ်အလုပ်သမားဦးရေ၇ဝကျော်လည်းရှိနေကြရာတိုက်ပွဲဖြစ်သောကြောင့်အခင်းဖြစ်ရာမှ ရှောင်တိမ်းသွားကြသည်။
တောင်ငူခရိုင်ထန်းတပင်မြို့နယ်ချောင်းနှစ်ခွရွာရှိရဲတပ်ရင်း၁၁နှင့်စစ်တောင်းမြစ်အရှေ့ဘက်ကမ်းရှိ အမှတ်၃ရဲစခန်းကိုမေးမြန်းကြည့်ရာတာဝန်ကျအရာရှိများကဖြေကြားရန် ငြင်းဆန်ခဲ့ကြသည်။
ဘိန်းဘုရင်ဟောင်းလော်စစ်ဟန်၏သားဖြစ်သူဦးထွန်းမြင့်နိုင်ပိုင်ဆိုင်သည့်အေးရှားဝေါလ်ကုမ္ပဏီ၏ စီမံကိန်းကဆောက်လုပ်နေသည့်ကချင်ပြည်နယ်မြစ်ဆုံဒေသရှိမြစ်ဆုံရေကာတာစီမံကိန်းတွင်လည်း ယခုလ၁၇ရက်နေ့ကဗုံးပေါက်ကွဲမှုများဖြစ်ပွားခဲ့ရာအင်ဂျင်နီယာတဦးဒဏ်ရာရရှိခဲ့သည်။

Geen opmerkingen: