NEJ/၂၇ ဧပြီ ၂ဝ၁ဝ
မြန်မာစစ်အစိုးရထုတ်ပြန်လိုက်သည့်ရွေးကောက်ပွဲဥပဒေသည်လွတ်လပ်ပြီးတရားမျှတသည့် ရွေးကောက်ပွဲ ပေါ်ထွန်းနိုင်စေမည်မဟုတ်သည့်အတွက်အထူးစိုးရိမ်ပူပန်မိကြောင်းဥရောပသမဂ္ဂ(အီးယူ)နိုင်ငံခြားရေးဝန်ကြီးများကပြောကြားလိုက်ကာမြန်မာနိုင်ငံအပေါ်ပိတ်ဆို့အရေးယူမှုသက်တမ်းနောက်ထပ်တနှစ် ထပ်တိုးလိုက်သည်။
လူဇန်ဘတ်ဂ်မြို့တွင်ယမန်နေ့ကကျင်းပသည့်ဥရောပကောင်စီအစည်းအဝေးတွင်အီးယူနိုင်ငံခြားရေးဝန်ကြီးများကယင်းသို့သက်တမ်းတိုးရန်ဆုံးဖြတ်ခဲ့ကြခြင်းဖြစ်သည်။
အရေးယူပိတ်ဆို့မှုများမှာစစ်အစိုးရထိပ်ပိုင်းအရာရှိများနှင့်၎င်းတို့နှင့်ဆက်နွှယ်ပတ်သက်သူများအားပြည်ဝင်ခွင့်ဗီဇာပိတ်ဆို့တားမြစ်မှုအပါအ၀င်၎င်းတို့၏စီးပွားရေးအရပိုင်ဆိုင်မှုများကိုကန့်သတ်ပိတ်ပင်မှုများ ပြုလုပ်ထားခြင်းဖြစ်သည်။
အီးယူနိုင်ငံခြားရေးဝန်ကြီးများကမြန်မာနိုင်ငံ၌စစ်မှန်သည့်ဒီမိုကရေစီအုပ်ချုပ်မှုတရပ်ပေါ်ပေါက်ရေး ဦးတည်လုပ်ဆောင်သည်ကိုမမြင်ရကြောင်းပြောဆိုလိုက်ပြီးဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအားလွှတ်ပေးရန်အတွက်လည်းထပ်မံတောင်းဆိုခဲ့ကြသည်။
သို့သော်အီးယူနိုင်ငံခြားရေးဝန်ကြီးများကမြန်မာနိုင်ငံမှစစ်မှန်သည့်တိုးတက်မှုများအပေါ်တုံ့ပြန်သွားရန် အသင့်ရှိကြောင်းလည်းပြောကြားလိုက်သည်။
ထို့အပြင်အီးယူအနေဖြင့်မြန်မာစစ်အစိုးရအာဏာပိုင်များနှင့်ဆက်လက်ထိတွေ့ဆက်ဆံသွားရန် အဆင်သင့်ရှိနေပြီးမြန်မာနိုင်ငံတွင်ဒီမိုကရေစီဖော်ဆောင်ရေးအတွက်နိုင်ငံရေးအရတိုးတက်မှုများ ဖြစ်ပေါ်လာစေရန်စစ်အစိုးရထိပ်ပိုင်းအာဏာပိုင်များဖြင့်ဆက်သွယ်စကားပြောဆိုမှုများ ပြုလုပ်နိုင်ရေးအတွက်အီးယူအထူးကိုယ်စားလှယ်ပီယာရိုဖက်ဆီနို(PieroFassino)ကို မြန်မာနိုင်ငံသို့စေလွှတ်ရန်အစီအစဉ်ရှိကြောင်းလည်းပြောဆိုကြောင်းလူဇန်ဘတ်ဂ်မှ လာသောသတင်းများတွင်ဖော်ပြပါရှိသည်။
မြန်မာစစ်အစိုးရဘက်မှမူအီးယူအထူးကိုယ်စားလှယ်ကိုလက်ခံ၊မခံမသိရှိရသေးပေ။
မြန်မာနိုင်ငံတွင်နိုင်ငံရေးအရတိုးတက်မှုများရှိလာနိုင်ရန်၊အမျိုးသားပြန်လည်သင့်မြတ်ရေးနှင့် တွေ့ဆုံဆွေးနွေးမှုများပေါ်ပေါက်လာစေရန်၊စစ်အစိုးရအားဆွေးနွေးတိုက်တွန်းမှုများပြုလုပ်နိုင်ရန်အီးယူက မြန်မာနိုင်ငံအထူးကိုယ်စားလှယ်ပီယာရိုဖက်ဆီနို(PieroFassino)ကို၂၀၀၇ခုနှစ်ကတည်းက ခန့်အပ်ခဲ့ခြင်းဖြစ်သည်။
Geen opmerkingen:
Een reactie posten