မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

dinsdag 20 april 2010

အလင်းမဲ့ဘဝအမည်ရှိ ပညာရေးစစ်တမ်း အစီရင်ခံစာထုတ်ဝေ

Tuesday, 20 April 2010 14:41 ရိုးမ ၃
.စစ်အစိုးရအုပ်ချုပ်မှုအောက်တွင်နိမ့်ကျလာသောတအောင်းဒေသရှိပညာရေးအခြေအနေအား စစ်တမ်းကောက်ယူဖော်ပြထားသည့်အလင်းမဲ့ဘဝအမည်ရှိအစီရင်ခံစာကိုတအောင်းကျောင်းသားနှင့် လူငယ်များအစည်းအရုံးကယနေ့ထုတ်ဝေခဲ့သည်။
အဆိုပါအစီရင်ခံစာတွင်ရှမ်းပြည်မြောက်ပိုင်း၊နမ့်ဆမ်၊နမ့်ခမ်း၊မန်တုံမြို့နယ်များမှကျေးရွာပေါင်း၆၁ရွာတွင် လူပေါင်း၁၇၅ဦးအားအသေးစိတ်မေးမြန်းထားမှုကိုအခြေခံရေးသားထားခြင်းဖြစ်ကြောင်း တအောင်းကျောင်းသားနှင့်လူငယ်များအစည်းအရုံးပညာရေးဌာနတာဝန်ခံမိုင်းမောဝ်ဒါင်းကပြောသည်။

                                    အစီရင်ခံစာထုတ်ဝေမှု သတင်းစာရှင်းလင်းပွဲ (ဓါတ်ပုံ- ရိုးမ ၃)
အစီရင်ခံစာထုတ်ပြန်ရခြင်းနှင့်ပတ်သက်၍“နအဖရဲ့ဆိုးရွားလှတဲ့ဖိနှိပ်မှုအောက်မှာပညာရေးအခြေအနေ ဆိုးရွားနေမှု၊အဲဒါကြောင့်ပလောင်လူမျိုးတွေရဲ့အနာဂါတ်ဘဝ၊ပညာရေး၊ကျန်းမာရေး၊အဖက်ဖက်က နိမ့်ကျတဲ့လူနေမှုဘဝတွေကိုဘယ်လောက်ထိချိုးနှိမ်ခံရသလဲ၊အဲလိုဘဲတခြားဒေသတွေမှာလဲ ဖြစ်နေတယ်ဆိုတာမီးမောင်းထိုးပြချင်လို့အခုလိုထုတ်ဝေတာဖြစ်တယ်”ဟုပြောသည်။
ယင်းအစီရင်ခံကို၂၀၀၆ခုနှစ်မှစတင်၍သတင်းစုဆောင်းသုတေသနပြုလုပ်ထားခြင်းဖြစ်ပြီး တအောင်းဒေသတွင်းအစိုးရအနေဖြင့်ပညာရေးနှင့်ပတ်သက်၍ထောက်ပံ့မှုနည်းပါးခြင်းကြောင့် ကလေးငယ်များအရွယ်မရောက်ခင်ကျောင်းထွက်၍လုပ်ငန်းခွင်များသို့ရောက်နေခြင်း၊ ကလေးစစ်သားများအဖြစ်စုဆောင်းခံရခြင်း၊လူကုန်ကူးခံရခြင်းများအပါအဝင်အခြားလူ့အခွင့်အရေး ချိုးဖောက်မှုများကိုလည်း ခံနေရကြောင်း ဖော်ပြထားသည်။
“ကျနော်တို့စကောက်စဉ်၂၀၀၆တုန်းကသုံးသပ်ထားတာကကျောင်းတက်နိုင်တဲ့ကလေးတွေ၇၅ရာခိုင်နှုန်း လောက်ရှိတယ်။တဖြည်းဖြည်း၂၀၀၉မှာ၅၅ရာခိုင်နှုန်းလောက်ဘဲရှိတော့တယ်၊ကျောင်းသားတွေ ကျောင်းတက်နှုန်းလျော့ကျလာတာက၂၀၀၄လောက်က၂သောင်းလောက်ရှိတယ်၊အဲဒီနောက် လျော့ကျသွားတာ၉ထောင်လောက်ဘဲကျန်တယ်၊၂၀၀၉/၁၀မှာ၇ထောင်လောက်ဘဲကျန်တော့တယ်”ဟု ၎င်းကဆက်လက်ပြောသည်။
အဆိုပါစစ်တမ်းကောက်ယူမှုသည်မြို့နယ်သုံးခုအတွင်းလူဦးရေ၇သိန်းကျော်ကိုခြုံငုံမိပြီးအဓိကအားဖြင့် ကျေးလက်များတွင်ကောက်ခံခဲ့ခြင်းဖြစ်သည်။
ပညာရေးစနစ်နိမ့်ကျလာမှုနှင့်ပတ်သက်၍“အဓိကအကြောင်းရင်းက၂ခုရှိတယ်၊လက်ရှိစစ်အစိုးရရဲ့ လွဲမှားနေတဲ့စီမံခန့်ခွဲမှုနဲ့သင်ရိုးညွှန်တန်းအတိုင်းသင်ကြားရခြင်းကြောင့်ဖြစ်တယ်၊နောက်တခုက ကျောင်းသူ ကျောင်းသားတွေကိုအတန်းအောင်ပေးတာတွေရှိတယ်၊အဲလိုဆိုတော့၁၀တန်းရောက်တဲ့အချိန်မှာ အများကြီးအခက်အခဲတွေဖြစ်ကြတယ်၊အခြေခံမရှိတော့အခုလိုဖြစ်ရတာဖြစ်တာတွေကြောင့်”ဟု မိုင်းမောဝ်းဒါးကထောက်ပြပြောဆိုသည်။
ထို့အပြင်တအောဝ်းဒေသတွင်အစိုးရကျောင်းများနှင့်ကျေးရွာကိုယ်ထူကိုယ်ထကျောင်းများ ကွာခြားမှုများရှိနေကြာင်းကျေးရွာကော်မတီခန့်ဆရာမတဦးဖြစ်ခဲ့သူလိုည်းပိုးညှိုဝ်းကပြောသည်။
“ကျောင်းဆိုကိုယ်ထူကိုယ်ထ၊ကျောင်းသုံးပစ္စည်းကိရိယာဆိုလည်းရပ်ရွာထဲက ငွေကြေးကောက်ခံပြီးသုံးရတာ၊အစိုးရကထောက်ပံ့ပေးတာမရှိဘူး၊သူငယ်တန်းကနေလေးတန်းအထိ ကျမတယောက်တည်းသင်ရတာ၊သင်ရိုးညွှန်းတန်းကမြန်မာပြည်မှချမှတ်ထားတဲ့အတိုင်းသုံးရတာဘဲ၊ ကျမတို့ကျတော့အစိမ်းသက်သက်လုပ်ရတော့စာသင်ပုံသင်နည်းကွာခြားချက်ရှိတယ်”ဟုပြောသည်။
စစ်အစိုးရချမှတ်ထားသည့်သင်ရိုးညွှန်းတန်းအတိုင်းသင်ကြားရခြင်းကြောင့်ကလေးငယ်များ၏ ကိုယ်ပိုင်စဉ်းစားတွေခေါ်နိုင်မှုများကျဆင်းလာပြီး၎င်းတို့ရိုက်သွင်းထားသည့်အတိုင်းမှတ်သားရသည့် အတွက် ကလေးငယ်များဉာဏ်ရည်ဖွံ့ဖြိုးမှုပါနည်းပါလာကြောင်း၎င်းကပြောသည်။

Geen opmerkingen: