“ပြိုင်ဘက်ရှိမှ ပိုပြီးတိုးတက်နိုင်မယ်”

ဧရာဝတီ Tuesday, April 20, 2010

.ဒီမိုကရက်တစ်မြန်မာ့အသံ(DVB)သည်၁၉၉၂ခုနှစ်မှစတင်ထုတ်လွှင့်ခဲ့သည်။၂၀၀၅ခုနှစ်မေလတွင် စတင်၍DVBရုပ်သံထုတ်လွှင့်ခဲ့ရာ၂၀၀၇ရွှေဝါရောင်တော်လှန်ရေးကာလနှင့်၂၀၀၈ခုနှစ်မေလတွင် တိုက်ခတ်သောနာဂစ်ဆိုင်ကလုန်းမုန်တိုင်းနောက်ပိုင်းတို့တွင်ပြည်တွင်း၌ဖြစ်ပျက်နေသော အခြေအနေများကိုမြန်မာပြည်သူများပိုမိုသိရှိစေခဲ့သည်။၂၀၀၇ခုနှစ်ရွှေဝါရောင်တော်လှန်ရေးကို အခြေခံထားသည့် ပြည်တွင်းမှDVBရုပ်သံသတင်းထောက်တဦးအကြောင်းမှတ်တမ်းရုပ်ရှင်BurmaVJမှာ ၂၀၀၉ခုနှစ်အော်စကာဆုပေးပွဲတွင်ဆန်ခါတင်၅ကားစာရင်း၌ပါဝင်ခဲ့ပြီးနိုင်ငံတကာဆုများစွာရရှိခဲ့သည်။ ထို DVBသတင်းဌာန၏အုပ်ချုပ်ရေးမှူးကိုအေးချမ်းနိုင်ကိုဧရာဝတီသတင်းထောက်အေးချမ်းမြေ့ကတွေ့ဆုံ မေးမြန်းထားပါသည်။

        ကိုအေးချမ်းနိုင် (ဓာတ်ပုံ - ဘန်ကောက်ပို့စ်)

မေး။ ။ အရင်ဆုံးBurmaVJနဲ့ဘယ်လိုဆက်စပ်ခဲ့တာလဲသိပါရစေ။

ဖြေ။ ။သူတို့ကုမ္ပဏီကကျနော်တို့နဲ့ဘာမှမဆိုင်ပါဘူး။သူတို့ကကျနော်တို့နဲ့စအဆက်အသွယ်လုပ်တဲ့၂၀၀၆ ခုနှစ်လယ်လောက်ကတည်းကနယ်စပ်ကနေမြန်မာပြည်ထဲပြန်ဝင်သွားတဲ့သတင်းမီဒီယာသမားတွေ၊ ကင်မရာမင်းတွေ၊ဗီဒီယိုဂျာနယ်လစ်တွေအကြောင်းကိုDocumentaryလုပ်ချင်တယ်။လုပ်ချင်တော့၊ ကျနော်တို့နဲ့အစမ်းစရိုက်တယ်။ပြည်တွင်းကထွက်လာတဲ့သတင်းထောက်တွေကိုမျက်နှာမပြဘဲနဲ့ ဗီဒီယိုရိုက်တယ်။စပြီးဆင်နေပြီပေါ့၊ဆင်နေရင်းနဲ့အဲဒီမှာ၂၀၀၇ရွှေဝါရောင်တော်လှန်ရေးဖြစ်တယ်။ ဖြစ်တော့ကျနော်တို့ကလည်းအရမ်းကိုအလုပ်ရှုပ်သွားတယ်။အလုပ်ရှုပ်တော့သူတို့ကိုသိပ်ပြီး အကူအညီမပေးနိုင်တော့ဘူး။ဒါပေမယ့်သူတို့ကတချိန်လုံးရှိနေတယ်။ဆန္ဒပြပွဲတောက်လျှောက် အထဲကနေပြီးတော့ ဗီဒီယို အရုပ်တွေ ထုတ်လာတယ်။ အဲဒီထုတ်လာတဲ့ အရုပ်တွေကို ဒီထဲမှာ တခါပြန်ပြီးတော့ နိုင်ငံတကာကို ပြန်ဖြန့်တယ်။ ဆိုတော့ ကျနော်တို့ လုပ်တဲ့ အော်ပရေးရှင်း တခုလုံးကို သူတို့ မျက်စိရှေ့မှာ၊ သူတို့ ဘေးကထိုင်ပြီး မြင်ရသလို ဖြစ်သွားတယ်။ နောက် အရုပ်တွေ ထွက်လာတော့ ဒီအရုပ်တွေကြည့်ပြီးတော့ အဲဒီမှာ သူတို့ စဉ်းစားတယ် ဘာလုပ်လို့ရမလဲ ...။ အဲဒီမှာ အရင်ရှိထားတဲ့ အိုင်ဒီယာ တခုလုံး ပျောက်သွားတယ်။ ဒီအရုပ်တွေနဲ့ပဲ ဗီဒီယိုကင်မရာ သမားတွေ အကြောင်းကို documentary လုပ်မယ် ဆိုပြီးတော့ ဖြစ်သွားတာပါ။

မေး။ ။DVBရဲ့ဒါရိုက်တာတယောက်အနေနဲ့BurmaVJအပေါ်ဘယ်လိုသုံးသပ်လဲ။ကိုအေးချမ်းနိုင်တို့ အရုပ်တွေနဲ့ဆုတွေအများကြီးရသွားတဲ့အပေါ်မှာပေါ့။

ဖြေ။ ။ ဒီ DocumentaryကDVBအတွက်သမိုင်းမှတ်တိုင်တခုလိုဖြစ်သွားတဲ့အတွက်ဗမာပြည်နဲ့ ပတ်သက်တဲ့ Documentaryထဲမှာနာမည်လည်းကြီးသွားတယ်၊လူကြည့်လည်းများသွားတယ်။DVBအတွက်တော့ တကယ်ကိုအရေးကြီးတဲ့မှတ်တိုင်တခုပါ။

မေး။ ။ DVB အနေနဲ့ အရုပ်ရတာ အရင်ကထက် ပိုလွယ်တယ် ပြောနိုင်လား။

ဖြေ။ ။ပိုလွယ်လာတယ်လို့တော့မဟုတ်ဘူး။ဒါပေမယ့်လူပိုများလာတဲ့အတွက်ကြောင့်အရုပ်က ပိုထွက်လာတယ်။ ခက်ခဲမှုကတော့ နဂိုအတိုင်းပဲ။ ဒါပေမယ့် အရင်တုန်းက ကျနော်တို့ စလုပ်တဲ့ အချိန်မှာ ဥပမာ-၂၀၀၇လူထုဆန္ဒပြပွဲဖြစ်တော့ကျနော်တို့မှာလူ၃၀လောက်ရှိတယ်။ဒီလူ၃၀မှာတယောက်ချင်းစီက အရုပ်ထုတ်တာမဟုတ်ဘူး။လူ၃၀ ကသူတို့အုပ်စုလေးတွေနဲ့လုပ်ကြတယ်။အုပ်စုတစုကအစီအစဉ်တခုပေါ့။ အခုက လူ ၈၀၊ ၁၀၀ လောက် ရှိလာတယ်။ ဆိုတော့ အစီအစဉ် ပိုများလာတယ်။ ဒါပေမယ့် တကယ်တမ်းပြောရင် အရုပ်ရဖို့ ရိုက်ရတာ အရင်ကထက် စာရင် ပိုတောင်ခက်လာတယ်။

ဘာမှ နိုင်ငံရေးနဲ့ မပတ်သက်တဲ့ ကိစ္စ၊ ဥပမာ - ဈေးထဲမှာဆိုပါစို့။ ဆန္ဒပြပွဲကြီးကို ရိုက်နေတာ မဟုတ်ဘူး။ သာမန် လှုပ်ရှား သွားလာနေတဲ့ ဟာတွေ ရိုက်တာတောင်မှ အန္တရာယ် တော်တော်ကြီးတယ်။ ကင်မရာ ထုတ်တာနဲ့ လာမေးတယ်၊ မင်း ဘာလုပ်တာလဲ၊ ဘယ်ကလဲ၊ ဘာအတွက် ရိုက်တာလဲ။ သတင်းစာရှင်းလင်းပွဲတွေ သွားရင်လည်း အဲဒီလို လာမေးတာတွေ ရှိတယ်။ သူတို့ဘက်က စောင့်ကြည့်တာလည်း ပိုများလာတယ်။

လူတွေက ကျနော်တို့ TV တွေကို ကြည့်တယ်ဆိုတာက အဓိက သူတို့ မမြင်ဘူးတာတွေ မြင်ရလို့။ MRTV လိုဟာမျိုးမှာ မြင်ရတဲ့ ဟာတွေ ကျနော်တို့ လွှင့်တာမရှိဘူး။ တကယ်တမ်း သူတို့ လုပ်ချင်တာက ကျနော်တို့ကို လူတွေ မကြည့်ချင်အောင်လုပ်ချင်တာ။ ဒါပေမယ့် သူတို့ မပြတဲ့ သတင်းတွေ၊ အရုပ်တွေကို ပြတော့ လူတွေက ကြည့်မှာပဲ။ သူတို့က အရမ်းကို တဖက်သတ်ကြီး ဖြစ်နေတော့ ဘယ်သူမှ ကြည့်မှာ မဟုတ်ဘူး။ ကျနော်တို့ကို လူတွေမကြည့်အောင် လုပ်လေလေ၊ လူတွေက ပိုကြည့်ချင်လေလေ ဖြစ်မှာပဲ။

၂၀၀၇ ဇွန်၊ ဇူလိုင် ကာလတွေက စပြီး ကျနော်တို့ ၂၄ နာရီ လွှင့်တယ်။ အဲဒီနောက်ပိုင်းမှာတော့ ကြည့်တဲ့ သူကတော်တော်များလာတယ်။အထဲကကျနော်တို့သတင်းထောက်တွေကိုယ်တိုင် ကြုံရတာတွေရှိတယ်။သူတို့ပြန်ပြောပြတယ်။ဥပမာ-သတင်းထောက်တွေ ကိုယ်တိုင် ဈေးသွားတာ၊ မြို့ထဲမှာ လမ်းလျှောက်တာမျိုးလုပ်တဲ့အချိန်လက်တို့ပြီးDVBprogram တွေဝယ်မလား။ သူတို့မှာ CD တွေ ရှိတယ် ဆိုတာမျိုး တိုးတိုးတိတ်တိတ်လေး လာလာပြောတာတွေရှိတယ်။

မေး။ ။ နာဂစ်ဆိုင်ကလုန်း ကာလတုန်းက DVB အနေနဲ့ လုပ်နိုင်ခဲ့တာတွေ ဘာတွေရှိခဲ့လဲ။

ဖြေ။ ။ ရွှေဝါရောင် တော်လှန်ရေး ပြီးတော့ တချို့တွေ အဖမ်းခံရတာရှိတယ်၊ တချို့ ပစ္စည်းတွေ ဆုံးရှုံးသွားရတာတွေ ရှိတယ်။ ဘာဖြစ်လို့လဲ ဆိုတော့ အဲဒီတုန်းက မိုးတွေ အကြီးအကျယ်ရွာတော့ ကင်မရာတွေ တလုံးပြီး တလုံးပျက်တယ်။ တချို့လည်း ရှောင်တိမ်း နေရတယ်။ အဲဒီနောက်ပိုင်းမှာ တကယ်တော့ ကျနော်တို့ အဓိက ပြင်တာက အခြေခံဥပဒေ ဆန္ဒခံယူပွဲအတွက်ကို ပြင်တာ။ ဒါပေမယ့် အဲဒီ အချိန်မှာ နာဂစ်ဖြစ်လာတယ်။ ကံကောင်းချင်တော့ အဲဒီအချိန်မှာ ပြည်တွင်းက လူတွေ ပြန်ရှိတယ်။ ပစ္စည်းတွေလည်း ပြန်ရှိတယ်။ နာဂစ်ဆိုင်ကလုန်း ဖြစ်တော့ ပထမဆုံး ထွက်လာတဲ့ အရုပ်က ကျနော်တို့ ဆီကပဲ။ အဲဒီအချိန်မှာ အင်တာနက် တွေကလည်း အကုန် ဒေါင်းသွားပြီ။ တယ်လီဖုန်း လိုင်းတွေကလည်း အကုန်ကျသွားပြီ။ ကျနော်ကြည့်ရတာ တချို့ နိုင်ငံခြား သတင်းထောက်တွေ အထဲမှာ ရှိနေပုံရတယ်။ သူတို့က သူတို့ မီဒီယာတွေ အတွက်coverလုပ်ဖို့ ရောက်နေကြတာ။ ဘယ်လောက်ထိဖြစ်လဲ ဆိုတော့ သူတို့တောင်မှ အရုပ်တွေ ပြန်မထုတ်နိုင်ဘူး။ ဒါပေမယ့် ကျနော်တို့ သတင်းထောက်တွေက နာဂစ် ဖြစ်ပြီး တရက်၊ နှစ်ရက် အတွင်း ဧရာဝတီတိုင်းကို ရောက်သွားပြီး အဲဒီကနေ ရွာသားတွေနဲ့တွေ့၊လူတွေ သေတာတွေ၊ကြေတာတွေ၊အဲဒီအရုပ်တွေကိုကျနော်တို့TVကလည်းထွက်တယ်။နိုင်ငံခြားမီဒီယာ တော်တော်များများကိုလည်း ပေးနိုင်ခဲ့တယ်။

မေး။ ။ လာမယ့် ရွေးကောက်ပွဲ အတွက်ကော ဘာတွေ လုပ်ဖို့ ပြင်ထားလဲ။

ဖြေ။ ။ လာမယ့် ရွေးကောက်ပွဲအတွက်ကတော့ program ပိုင်းအရရော နောက်ပြီး training ပိုင်းအရရော လုပ်ဖို့ရှိတယ်။ ရွေးကောက်ပွဲ မ၀င်တဲ့ လူတွေ မ၀င်တဲ့ အကြောင်း။ ၀င်တဲ့ လူတွေ ၀င်တဲ့ အကြောင်း debate လို ပုံစံနဲ့ လုပ်ဖို့ ရှိတယ်။ နောက် election law နဲ့ ပတ်သက်တာတွေ။ ဥပမာ- သူများနိုင်ငံတွေမှာ electionကိုဘယ်လိုလုပ်ကြလဲဆိုတဲ့ဟာမျိုးတွေ။electionမှာလူထုရဲ့ အခန်းကဏ္ဍက ဘယ်လိုအရေးပါတယ် ဆိုတာမျိုးတွေ သွားဖို့ရှိတယ်။ နောက်တခါ ဘယ်ပါတီပဲဖြစ်ဖြစ် ရွေးကောက်ပွဲ နိုင်ရင် သူတို့ ပါတီရဲ့ ပေါ်လစီက ကျန်းမာရေးနဲ့ ပတ်သက်ပြီး ဘယ်လိုရှိလဲ၊ စီးပွားရေး ပေါ်လစီက ဘယ်လိုရှိလဲ၊ အစရှိသဖြင့်ပေါ့။ အဲဒါလေးတွေကို တခုချင်းစီ ဆွဲထုတ်ပြီးတော့ လုပ်မယ်။ အဲဒါက တခုပေါ့။

ရွေးကောက်ပွဲကာလအတွင်းနဲ့ရွေးကောက်ပွဲမဖြစ်ခင်တပတ်လောက်ပဲဖြစ်ဖြစ်ရွေးကောက်ပွဲပြီးလို့ တပတ်လောက်ပဲဖြစ်ဖြစ်ကျနော်တို့အချိန်တော်တော်များများတိုးချဲ့ဖို့ရှိတယ်။မနက်ကနေစပြီး ညနေမိုးချုပ်တဲ့ အထိပေါ့။ နော်ဝေး ကနေ တိုက်ရိုက်လွှင့်ဖို့ စီစဉ်ထားတယ်။

မေး။ ။ ကိုအေးချမ်းနိုင်တို့ အနေနဲ့ တော်လှန်ရေးကနေ မွေးဖွားလာတဲ့ မီဒီယာ တခု ဖြစ်တဲ့အတွက် တော်လှန်ရေး ပြီးဆုံးသွားရင် ဘာအနေနဲ့ ဆက်ပြီးတော့ ရပ်တည်မလဲ။ ဆက်ပြီး ရှိနေဦးမလား။

ဖြေ။ ။ မြန်မာပြည် အခြေအနေ ပြောင်းသွားရင်DVBနာမည်နဲ့ပဲ ဆက်နေမယ်။ ဒါပေမယ့် ကျနော်တို့ ဆက်လုပ်ဖို့ ရှိတာက မြန်မာပြည် အခြေအနေ ပြောင်းပြီဆိုရင် မြန်မာပြည်ထဲကို ဝင်ပြီး ဘယ်လိုဆက် ရပ်တည်မလဲ။ ဘယ်လိုတည်ဆောက်ရမလဲ။ ဘယ်လို ဖြစ်မလဲဆိုတာ စဉ်းစားရမယ်။ ပြောရရင်တော့ မြန်မာပြည် ပြောင်းပြီး ၄၊ ၅ နှစ်အထိdonorဆီက ပိုက်ဆံရနေမယ်။ ဒါပေမယ့် ရေရှည်မှာ ကျနော်တို့ ကိုယ့် ဘာသာကိုယ် ရပ်တည်ရမယ်။

မေး။ ။DVBကဒါဟာတခုတည်းသောTVဆိုပြီးတော့ပြည်တွင်းမှာရှိရာကနေနောက်ထပ် ကိုအေးချမ်းနိုင်တို့နဲ့ အပြိုင် ပေါ်လာနိုင်တဲ့ TV တွေ အပေါ်မှာရော ဘယ်လို သဘောထားမလဲ။

ဖြေ။ ။ ကျနော် ထင်တာတော့ ကောင်းတယ်။ များများပေါ်လေ ကောင်းလေပဲ။ မြန်မာပြည်ထဲမှာ ပြနေတဲ့ လိုင်းတွေက အစိုးရ ရုပ်သံတွေ။ ဒါပေမယ့် ဒီမိုကရေစီ ရတဲ့ နိုင်ငံတွေမှာ ရုပ်သံလိုင်းတွေ အများကြီးပဲ။ ထိုင်းနိုင်ငံလို နိုင်ငံမှာတောင် အများကြီးပဲ။ မြန်မာပြည်မှာက လူဦးရေ ၅၅ သန်းလောက်ရှိတယ်။ ဒီ တခုနဲ့ ကျနော်တို့ဘယ်လိုမှcoverမလုပ်နိုင်ဘူး။ နောက်တခုက တခါတလေကျတော့ ကိုယ့်တယောက်ပဲ ရှိနေတယ်ဆိုရင် ကိုယ်က သိပ်ကြိုးစားချင်စိတ် မရှိဘူး။ ကိုယ်နဲ့ အဲဒီလို ပြိုင်ဘက် ရှိလာတယ်ဆိုရင် ကြိုးစားချင်စိတ် ပို ရှိလာတယ်။ ပြိုင်ဘက် ရှိမှ ပိုပြီးတိုးတက်နိုင်တယ်။

ကျနော်တို့ကတော့ အားပေးတယ်။ အဲဒီရည်ရွယ်ချက်နဲ့ ကျနော်တို့ အခုဆိုရင်လည်း တခြားအဖွဲ့အစည်းတွေ၊ တခြား မီဒီယာ တွေနဲ့ တွဲပြီးတော့ သတင်းတွေထုတ်ဖို့၊ documentary တွေထုတ်ဖို့၊ အဲဒါမျိုးတွေ ကျနော်တို့ များများစားစား လုပ်မယ်။ အဲဒီလိုမျိုး လိုင်းတွေ များလာတာ ကျနော်ထင်တယ်၊ ပြဿနာမရှိဘူး။ နောက်တခုက မြန်မာပြည်လို နိုင်ငံမျိုးမှာ တကယ်တမ်းပြောရရင် နည်းသေးတယ်။ ဥပမာ တခုပြောရရင် ၂၀၀၇ သံဃာ ဆန္ဒပြပွဲမှာ ဂျပန်သတင်းထောက် နာဂအိ အသတ်ခံရတယ်။ သူအသတ်ခံရတဲ့ ပုံကို ကျနော်တို့ စရတော့ ဆိုဒ် တဘက်တည်းက တပုံပဲရတယ်။ ဒါပေမယ့် နောက်ပိုင်း ကျနော်တို့ လူတွေ ပို့လာတဲ့ ဓာတ်ပုံတွေ၊ ဗီဒီယိုတွေ ထပ်ရတော့ သုံးမျိုးတောင်ရတယ်။ အဲဒီနေရာမှာ ပြောရရင် အဲဒီမှာ ကျနော်တို့ သတင်းထောက် ၃ ယောက် စလုံးက ရှိတယ်။ ကျနော်ဆိုလိုချင်တာက တကယ်လို့သာ တယောက်မှ မရှိဘူးဆိုလို့ ရှိရင် တပုံမှ ရမှာ မဟုတ်ဘူး။ လူများတာကပြဿနာမရှိဘူး။လူများတယ်ဆိုရင်ပိုပြီးcoverလုပ်တဲ့ နေရာမှာ အားကောင်းမယ်။ နောက်တခုက အဲဒီ အမြင် သုံးခုကနေ ရလိုက်တဲ့ အတွက်ကြောင့် ကျနော်တို့ သေချာ စဉ်းစားဆုံးဖြတ်နိုင်ခဲ့တယ်။ အနီးကပ်ပစ်တာလား၊ တေ့ ပစ်တာလား၊ မတော်တဆ ပစ်မိတာလား။ အဲဒီပုံတွေကို ဂျပန်ပုလိပ်တွေကလည်း ယူသွားတယ်။ ဂျပန်အစိုးရနဲ့ စကားပြောတဲ့ အခါမှာ အဲဒီ အရုပ်တွေက အများကြီး တန်ဖိုးရှိတာပေါ့။ များတယ်သာ ပြောပေမယ့် မြန်မာနိုင်ငံ အနေနဲ့ ကြည့်မယ်ဆိုရင် သတင်းထောက်တွေ ဒီထက်များရင် ပိုပြီးကောင်းတယ်။

မေး။ ။ရေဒီယိုနဲ့ပတ်သက်လို့ပြည်တွင်းမှာပြောနေတာDVBကဖမ်းလို့သိပ်အဆင်မပြေဘူးတဲ့။ နောက်တခုကတခြားရေဒီယိုနဲ့ယှဉ်လိုက်ရင်နည်းနည်းအားနည်းတယ်ဆိုပြီးတော့ပြောနေကြတာရှိတယ်။ အဲဒါနဲ့ ပတ်သက်ပြီး ထပ်ပြီး တိုးမြှင့်ဖို့ရှိလား။ ဘယ်လို့ တုံ့ပြန်မလဲ။

ဖြေ။ ။ကျနော်တို့ဒီကိစ္စကိုတော်တော်များများပြင်တာတွေရှိတယ်။နောက်တခုကfrequency ပိုကောင်းလာအောင် ကျနော်တို့ လုပ်နေတယ်။ ကျနော်တို့လည်း သိတယ်။ကျနော်တို့ရဲ့ရေဒီယို အသံလှိုင်း ဖမ်းရတာခက်တယ်။BBCနဲ့ နှိုင်းယှဉ်တယ်၊VOAနဲ့ နှိုင်းယှဉ်တယ်၊RFAနဲ့နှိုင်းယှဉ်တယ်။သူတို့အဲဒီလို နှိုင်းယှဉ်ပြီးတော့ကျနော်တို့အသံကအဆင်မပြေဘူးပြောတယ်။ခုနပြောတဲ့အသံလွှင့်ဌာနတွေကဒီအာရှ၊ အရှေ့တောင်အာရှ တွေမှာပဲရှိတယ်။VOAဆိုရင် ထိုင်းကလွှင့်တာရှိမယ်၊BBCဆိုရင်စင်္ကာပူက လွှင့်တာရှိမယ်၊ RFAလည်း ဒီလိုပဲ။ ကျနော်တို့က အဲဒီ station တွေ အကုန်လုံးကို လိုက်ချိတ်တယ်၊ ကြိုးစား ကြည့်တယ်။ဒါပေမယ့်သူတို့ကကျနော်တို့ကိုနိုင်ငံရေးဆိုပြီးတော့ပဲမြင်တယ်။ကျနော်တို့station မြန်မာပြည်နဲ့ ဝေးတဲ့ အတွက်ကြောင့်မို့ အသံလိုင်းက သူတို့ နှိုင်းယှဉ်ရင်တော့ မကောင်းဘူး။ ဒါပေမယ့် လုံးဝကို ဖမ်းလို့ မရတာတော့ မဟုတ်ပါဘူး။

မေး။ ။ပြည်ပကမြန်မာမီဒီယာတွေကတော်လှန်ရေးကနေပေါက်လာဖွားလာတဲ့ မီဒီယာတွေ ဖြစ်တဲ့အတွက် သတင်းသမားလိုက်နာရမယ့်ကျင့်ဝတ်တွေနဲ့လွဲချော်နေတာတွေရှိတယ်ဆိုပြီးပြောကြတာနဲ့ ပတ်သက်လို့ကောကိုအေးချမ်းနိုင်ဘယ်လိုမြင်ပါသလဲ။

ဖြေ။ ။တောက်လျှောက်အခုထိပြောနေ၊ လုပ်နေကြတာပါပဲ။ကျနော်တို့ မြန်မာပြည်ရဲ့ ဂျာနယ်လစ်ဇင်ကိုက အရမ်း ကျပ်တယ်။ဆရာဦးဝင်တင်တို့တတွေ၊တကယ့်သတင်းစာဆရာကြီးတွေတောင်မှ၆၂ခုနှစ်မှာ အဖမ်းခံရတာတို့၊အပိတ်ခံရတာတို့ဖြစ်တယ်။အဲဒီကနေစပြီးတော့ကျနော်တို့သတင်းစာလောက ပျက်သွားလိုက်တာ၈၈အထိပဲ။၈၈မှာတုန်းကမြန်မာပြည်မှာခုနကကျန်နေခဲ့တဲ့ဂျာနယ်လစ်တွေ ဆရာကြီးတွေရှိတယ်။နောက်၈၈အပြီးဒီဘက်ထွက်လာတဲ့သူတွေအကုန်လုံးကတက်ကြွလှုပ်ရှားသူ၊ နိုင်ငံရေး သမားတွေချည်းပဲ။ နောက်တခုက မီဒီယာနဲ့ ပတ်သက်ပြီး အတွေ့အကြုံ မရှိကြဘူး။ ဒါပေမယ့် ကိုယ်က စာလေး၊ ပေလေးတွေ စိတ်ဝင်စားတယ်၊ ဒီဘက်မှာ နိုင်ငံခြား သတင်းထောက်တွေ တွေ့တယ်။ သတင်းစာ တိုက်ကြီးတွေ တွေ့တယ်။ အဲဒါကို ကိုယ်က အားကျပြီးတော့ စရေးကြတယ်။ ရေးကြတော့ အဲဒီရေးတဲ့ အချိန်မှာတော့ ကိုယ်က နိုင်ငံရေးသမား၊ တက်ကြွလှုပ်ရှားသူ ဆန်ဆန်ပေါ့လေ။ ပြောရမယ်ဆိုရင် ကြိုက်သလို၊ အဆင်ပြေသလို လုပ်ကြတာ။ နောက်ပိုင်း နည်းတွေ ရလာတယ်၊ အတွေ့အကြုံတွေ ရလာတော့ နောက်ပိုင်း မီဒီယာဆိုတာ independent ဖြစ်ရမယ်။ မလွတ်လပ်တဲ့ မီဒီယာဟာ ဘယ်တော့မှ လုပ်စားလို့ မရဘူး။ အဲဒါမျိုးတွေ သိလာတဲ့ အချိန်မှာ စပြီး ပြင်လာကြပါတယ်။

မေး ။ ။အခုအဲဒီDVBကကောindependent ဖြစ်ဖို့ဦးတည်နေတာလား။

ဖြေ ။ ။ကျနော်တို့ကindependent ဖြစ်နေပါပြီ။ ကျနော်တို့ ရေဒီယို စ လွှင့်တဲ့ အခါမှာ အမြဲတမ်း ကျနော်တို့ ရေဒီယိုရဲ့ အစမှာDVBကအမျိုးသားညွန့်ပေါင်းအသံလွှင့်ဌာနပါဆိုပြီး အဲဒီလို ကြေညာလေ့ရှိတယ်။ အဲဒါ ၁၉၉၂ ခုနှစ်ကနေ၂၀၀၂ အထိပဲ။၂၀၀၂မှာကျနော်တို့ ဖြုတ်လိုက်တယ်။ ဖြုတ်လိုက်တယ်ဆိုတာက အမျိုးသားညွန့်ပေါင်းအစိုးရရဲ့အသံလွှင့်ဌာနဆိုတဲ့ကျနော်တို့ရဲ့အသံကြီးကဒီအစိုးရအတွက်ပဲ လုပ်ပေးတာဖြစ်မယ်။ အဲဒါကို ကျနော်တို့ မဖြစ်စေချင်ဘူး။ နောက်တခုက မီဒီယာဆိုတာက independent ဖြစ်ဖို့လိုတယ်။ အစိုးရအဖွဲ့ တခုခု၊ နိုင်ငံရေး ပါတီ တခုခုက ထိန်းထားတာ မဖြစ်သင့်ဘူး။ ကျနော်တို့ ၂၀၀၆ မှာ DVBfoundationအနေနဲ့ပြောင်းလိုက်တယ်။ပြောင်းလိုက်တဲ့အချိန်မှာအဖွဲ့အစည်းတွေက လူတွေလည်း ပါတယ်။ ၆ ယောက်လောက် ရှိမယ်။ အဲဒီပါတဲ့ လူတွေ အကုန်လုံးက သူတို့ ကိုယ် သူတို့ သတင်းသမားအဖြစ်ပဲ ပါဝင်တယ်။ သူတို့ organization ကို ကိုယ်စား မပြုဘူး။

အခုကျနော်တို့ independentဖြစ်သွားပြီ။ခုနကဖောင်ဒေးရှင်းဖြစ်သွားတဲ့အချိန်မှာပဲနော်ဝေးနိုင်ငံ ဥပဒေအရ အယ်ဒီတာတွေက နော်ဝေးမှာရှိတဲ့ သတင်းအယ်ဒီတာတွေ လိုက်နာရမယ့်၊ စောင့်ထိန်းရမယ့် ကျင့်ဝတ်တွေ လိုက်နာရမယ်။ အဲဒီဟာ လိုက်နာတယ် ဆိုတာက လွတ်လပ်တဲ့ မီဒီယာတခုအနေနဲ့ ရပ်တည်သွားမယ် ဆိုတဲ့ဟာမျိုး။ တကယ်လို့ အဲဒီလို ရပ်တည်နေတဲ့ အချိန်မှာ ကျနော်တို့ကို ခုနက အစိုးရ အဖွဲ့အစည်း၊ နိုင်ငံရေး အဖွဲ့အစည်း တခုခုကပဲ ဖြစ်ဖြစ် ကျနော်တို့ကို ဖိအား လာပေးမယ်ဆိုရင် ကျနော်တို့ရဲ့ တာဝန်က အလုပ်ကနေ ရပ်ဆိုင်းခံရမယ်။ သူတို့ ပြောတဲ့ အတိုင်း လိုက်နာပြီး လိုက်လုပ်လို့ မရဘူး။ ၂၀၀၂ ကနေစပြီးတော့ အမျိုးသားညွန့်ပေါင်းအစိုးရ ကနေပြီး ကျနော်တို့ကို ဘယ်ဟာထည့်ရမယ် ဆိုတာမျိုး ပြောတာတွေ မရှိပါဘူး။

အခုကျနော်တို့ဘာတွေပဲလုပ်နေလုပ်နေကျနော်တို့ရဲ့နောက်ဆုံးပန်းတိုင်က ဒီမိုကရေစီ ရသွားတဲ့ အချိန်မှာ တကယ့် independentမီဒီယာတခုအနေနဲ့လူထုအကျိုးပြုမီဒီယာ တခု အနေနဲ့ ရပ်တည်ဖို့ပါ။ ဘယ်အစိုးရပဲ တက်တက် မီဒီယာက အရမ်းကို အရေးကြီးတယ်။ တကယ်လို့ မီဒီယာဟာ independent မဖြစ်ဘူးဆိုရင် နောက်တက်လာမယ့် အစိုးရလည်း ဘယ်လောက် ကောင်းတယ်ပြောပြော ပြောလို့မရဘူး၊ တဖက်စောင်းနင်း ဖြစ်သွားနိုင်တယ်။ မီဒီယာက ထောက်ပြဖို့လိုတယ်။ အဲဒီလို မီဒီယာမျိုး မြန်မာပြည်ထဲမှာ ရပ်တည်နိုင်ဖို့ လိုတယ်။