မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

maandag 26 april 2010

စာရေးဆရာကြီးသာဂဒိုးကွယ်လွန်

မျိုးချစ်သူ/ ၂၆ ဧပြီ ၂ဝ၁ဝ
          အသက်(၈၅)နှစ်အရွယ်ရှိစာရေးဆရာကြီးသာဂဒိုးသည်ဧပြီလ(၂၄)ရက်တွင်ရန်ကုန်ဆေးရုံကြီး၌ ကွယ်လွန်ခဲ့ရာ၎င်း၏ရုပ်အလောင်းကိုရေဝေးသုသာန်တွင်ဧပြီ(၂၆)ရက်ယနေ့နံနက်(၁၀)နာရီ၌ မီးသင်္ဂြိုဟ်ခဲ့သည်။
ဆရာကြီးသည်ပြီးခဲ့သည့်ဧပြီ(၇)ရက်တွင်သားငယ်ဖြစ်သူနှင့်အတူရန်ကုန်မှနေပြည်တော်သို့ နေ့ချင်းပြန်သွားရောက်ခဲ့ရာမှလမ်းတွင်သတိလစ်သွားခဲ့ပြီးပါရဂူဆေးခန်းမှတဆင့်ရန်ကုန်ဆေးရုံကြီး၌ ကုသခဲ့ရာကွယ်လွန်ခဲ့ခြင်းဖြစ်ကြောင်းဆရာကြီး၏ မိသားစုဝင်တဦးကပြောသည်။
၎င်းက“နေပြည်တော်ကနေအပြန်မိုင်(၅၀)လောက်အလိုလမ်းမှာသတိလစ်တာပါ။အဲဒီနေ့(၆)နာရီမှာ ရန်ကုန်ကိုပြန်ရောက်တယ်။ဆရာဝန်ကအပူကြီးတာတဲ့ချက်ချင်းဆေးခန်းပို့ဖို့ပြောတော့ပါရဂူကတဆင့် ဆေးရုံကြီးသွားတယ်။(၄)ရက်လောက်နေတော့သတိရတယ်။(၇)ရက်လောက်မြောက်တဲ့အခါဆန်ပြုတ်(၁) ဇွန်း(၂)ဇွန်းလောက်သောက်ပြီးတော့ချောင်းဆိုးတယ်။နောက်နေ့ကျတော့ဖျားတယ်။ဆရာဝန်က ချောင်းဆိုးပြီးတော့အဆုတ်ထဲကိုအစာရောက်သွားသလားမသိဘူးလို့ပြောတယ်။အဲဒီလိုပြောပြီးတော့ဘီပိုး၊ စီပိုး၊ကျောက်ကပ်၊တီဘီ၊လေးဘက်နာတွေအတွက်သွေးတွေစစ်တယ်။အဲဒီလိုစစ်တာ(၇)ရက်လောက် ကြာတယ်။ဘာမှမတွေ့တော့မှဓာတ်မှန်ရိုက်တယ်။နောက်နေ့ကျတော့အဆုတ်ထဲမှာအစာဝင်နေတယ်လို့ သိတယ်။သိတဲ့နောက်တရက်မှာဆုံးတာပဲ။မဆုံးခင်(၃)ရက်လောက်ကပဲဖောရောင်လာတယ်။အမှန်မှာ ချောင်းဆိုးတယ်လို့ပြောကတည်းက၊အဆုတ်ထဲကိုအစာဝင်သွားတယ်လို့ထင်တယ်ဆိုကတည်းက လုပ်သင့်တာကိုအရင်လုပ်လိုက်ဖို့လိုတယ်။အခုတော့ရောဂါကိုသိပြီးတော့နောက်တရက်မှာပဲ ဆုံးသွားတယ်”ဟုပြောသည်။
ဆရာကြီးသာဂဒိုးသည်၁၉၄၆ခုနှစ်တွင်ရန်ကုန်သတင်းစာ၊အိုးဝေသတင်းစာတို့တွင်ကာတွန်းများ စတင်ရေးသားခဲ့သည်။ဆရာကြီးသည်စာရေးဆရာ၊သတင်းစာဆရာဖြစ်ခဲ့သော်လည်း အရင်ဆုံးပုံနှိပ်ဖော်ပြခံရသည်မှာကာတွန်းဖြစ်သဖြင့်ကာတွန်းဆရာဘ၀ဖြင့်စာနယ်ဇင်းလောကသို့ စတင်ရောက်ခဲ့သည်။
ထို့နောက်ပြည်သူ့ရဲဘော်စာစောင်၊ဂျာနယ်ကျော်စာစောင်၊အိုးဝေ၊မြန်မာ့အလင်း၊ ဗမာ့ခေတ်သတင်းစာတိုက်တို့တွင်ဆောင်းပါးများရေးသားခဲ့သည်။
၁၉၄၆-၄၇ရှုမ၀၊မြ၀တီမဂ္ဂဇင်းတို့တွင်ရေးသားခဲ့သောဝတ္ထုတို၊၀တ္ထုရှည်များမှာဟာသမြောက်သဖြင့် ဟာသစာရေးဆရာအဖြစ်သတ်မှတ်ခံခဲ့ရသည်။
ဆရာသာဂဒိုးသည်ရုပ်ရှင်ပညာကိုလည်းလေ့လာဆည်းပူးခဲ့ပြီး၁၉၆၂ခုနှစ်တွင်ပျားစွဲသောမုတ်ဆိတ်၊၁၉၆၃ ခုနှစ်တွင်ဘုရားပေးသောလက်နှင့်၁၉၆၈ခုနှစ်တွင်မေတ္တာစိမ်းစိမ်း၊မမှောင်သောအလင်း၊နန်းထက်က ပန်းတခက်စသည့်ရုပ်ရှင်ကားများကိုဒါရိုက်တာအဖြစ်ရိုက်ကူးခဲ့သည်။
၁၉၅၂ခုနှစ်တွင်ရန်ကုန်တက္ကသိုလ်သတင်းစာဒီပလိုမာသင်တန်းတက်ရောက်ခဲ့ပြီးသြစတြေးလျ၊ နယူးဇီလန်၊စင်ကာပူ၊မလေးရှားနိုင်ငံတို့တွင်သတင်းစာပညာများလေ့လာခဲ့သည်။ဆိုဗီယက်နိုင်ငံ၊ အရှေ့ဂျာမဏီ၊တရုတ်ပြည်တို့သို့လည်းသတင်းစာအဖွဲ့နှင့်သွားရောက်လေ့လာခဲ့ရာတွင်ပါဝင်ခဲ့သည်။
၁၉၆၉ခုနှစ်မှစ၍လုပ်သားပြည်သူ့နေ့စဉ်သတင်းစာတွင်အယ်ဒီတာ၊ဒုတိယအယ်ဒီတာချုပ်စသဖြင့်တာဝန်ထမ်းဆောင်ခဲ့ပြီး၁၉၈၃-၈၄ခုနှစ်ကြေးမုံသတင်းစာတွင်အယ်ဒီတာချုပ်ရာထူးဖြင့်စာပေတာဝန်ထမ်းဆောင်ခဲ့ကာ၁၉၈၈ခုနှစ်တွင်အငြိမ်းစားယူခဲ့သည်။၁၉၇၄ခုနှစ်တွင်မော်ကွန်းဝင်ဒုတိယအဆင့်ကို ရရှိခဲ့သည်။
ထို့နောက်ပိုင်းစာအုပ်များရေးသာပြုစုခဲ့ပြီးဂျာနယ်မဂ္ဂဇင်းများတွင်လည်းဆောင်းပါးများကို မပြတ်ရေးသားခဲ့သည်။
ဆရာကြီးသာဂဒိုးကွယ်လွန်ချိန်တွင်သား(၃)ဦး၊မြေး(၆)ဦးနှင့်မြစ်(၂)ဦးကျန်ရစ်ခဲ့သည်။





Geen opmerkingen: