မြန်မာပြည် အချိန်

သတင်းသစ်များမတင်နိုင်တာကိုနားလည်ပေးကြပါ။ C-Box လည်း ပိတ်ထားပါတယ်။

woensdag 28 april 2010

ဝန်ကြီးချုပ်နှင့်ဝန်ကြီးများစစ်ဘက်ရာထူးစွန့်လွှတ်

ကိုဝိုင်း
ဗုဒ္ဓဟူးနေ့၊ဧပြီလ၂၈ရက်၂၀၁၀ခုနှစ်၁၇နာရီ၄၄မိနစ် .
ချင်းမိုင်(မဇ္ဈိမ)။ ။ဝန်ကြီးချုပ်ဗိုလ်ချုပ်ကြီးသိန်းစိန်နှင့်အတူဝန်ကြီး၂၂ဦးသည်စစ်ဘက်ရာထူးများကိုယခုလ ၂၆ရက်နေ့မှစတင်၍စွန့်လွှတ်လိုက်ကြသည်။
ဝန်ကြီးချုပ်အပါအဝင်လယ်ယာစိုက်ပျိုးရေးနှင့်ဆည်မြောင်းဝန်ကြီးဗိုလ်ချုပ်ဋ္ဌေးဦး(ကြံ့ဖွံ့အထွေထွေ အတွင်းရေးမှူး)၊ရထားပို့ဆောင်ရေးဝန်ကြီးဗိုလ်ချုပ်အောင်မင်း၊စီးပွားရေးနှင့်ကူးသန်းရောင်းဝယ်ရေးဝန်ကြီး ဗိုလ်မှူးချုပ်တင်နိုင်သိန်း၊အမှတ်(၁)လျှပ်စစ်စွမ်းအားဝန်ကြီးဗိုလ်မှူးကြီးဇော်မင်း၊အမှတ်(၂) လျှပ်စစ်စွမ်းအားဝန်ကြီးဗိုလ်ချုပ်ခင်မောင်မြင့်၊ပြည်ထဲရေးဒုဝန်ကြီးဗိုလ်မှူးချုပ်ဘုန်းဆွေတို့အဆိုပါ အစုအဖွဲ့တွင်ပါဝင်သည်ဟုမဇ္ဈိမကစုံစမ်းသိရှိထားသည်။
ယခုသတင်းကိုစစ်အစိုးရကကြေညာခြင်းမရှိသော်လည်းယနေ့ထုတ်သတင်းစာများတွင်ဝန်ကြီးချုပ် ဦးသိန်းစိန်ဟုစတင်အသုံးပြုလာသည်ကိုတွေ့ရသည်။
အတိုက်အခံများနှင့်လေ့လာသူများကရွေးကောက်ပွဲဝင်ရန်ခြေလှမ်းတခုအဖြစ်သုံးသပ်လိုက်ကြပြီး ရွေးကောက်ပွဲမဲဆွယ်မှုများကိုမကြာခင်တွင်ပေါ်ပေါ်ထင်ထင်လုပ်လာကြလိမ့်မည်ဟုဆိုသည်။
ကျန်ဝန်ကြီးများနှင့်ဒုတိယဝန်ကြီးများပါဝင်သောနောက်တသုတ်လည်းစစ်ဘက်ရာထူးမှနုတ်ထွက်မှု ရှိလာလိမ့်မည်ဟုလည်းစစ်ဘက်သတင်းရပ်ကွက်တခုကပြောသည်။
၂ဝဝ၈ခုနှစ်အခြေခံဥပဒေအရပြည်သူ့လွှတ်တော်၊အမျိုးသားလွှတ်တော်၊ပြည်နယ်နှင့်တိုင်းဒေသကြီး လွှတ်တော်များတွင်တပ်မတော်သားကိုယ်စားလှယ်၂၅ရာခိုင်နှုန်းအလိုအလျောက်ပါဝင်မည်ဖြစ်သည်။
စစ်သားများကအရပ်ဘက်သို့ပြောင်းလိုက်လျှင်စစ်ဘက်ကိုယ်စားလှယ်ကဏ္ဍအောက်မှ မဟုတ်သောကြောင့်စစ်အစိုးရအတွက်ပါလီမန်တွင်နေရာများပိုမိုရရှိလာမည်ဖြစ်သည်။



Geen opmerkingen: